|
2007 年 3 月 25 日 星期日 【晴】
28 封 粉 末 恐 嚇 信 寄 國 企
中 環 郵 政 總 局 揭 發 惹 生 化 襲 擊 驚 魂
   
特 首 選 舉 今 舉 行
袋 巾 不 怕 輸 煲 呔 驚 白 票
   
結果 : 梁家傑得123票 曾蔭權得649票 ~ 後者順利當選 (連任)
3.25 民 間 公 投
投 票 時 間 ： 10:00am 至 6:00pm
投 票 站 ： 全 港 有 28 個 票 站 ， 可 查 詢 全 民 投 票 實 踐 計 劃 網 站 http://www.civilreferendum.org
公 投 議 題 ：
1. 表 決 行 政 長 官 候 選 人
2. 支 持 或 反 對 不 遲 於 2012 年 有 雙 普 選
3. 支 持 或 反 對 立 法 制 訂 最 低 工 資
投 票 資 格 ：
18 歲 或 以 上 的 香 港 永 久 居 民 ， 可 就 每 一 議 題 投 一 票
18 歲 以 下 香 港 居 民 ， 同 樣 可 每 一 議 題 投 一 票 ， 但 只 計 算 作 意 向 票
投 票 須 知 ：
1. 選 民 要 向 站 內 工 作 人 員 出 示 永 久 居 民 身 份 證 或 護 照
2. 工 作 人 員 會 檢 查 選 民 手 上 是 否 蓋 有 已 投 票 的 印 ， 證 明 沒 有 蓋 印 ， 會 向 選 民 發 出 三 項 議 題 的 選 票
3. 工 作 人 員 在 選 民 投 票 後 會 在 其 手 上 蓋 上 24 小 時 不 脫 色 印 防 止 重 複 投 票
資 料 來 源 ： 全 民 投 票 實 踐 計 劃 網 站
原來已經截o左止了 ~ 唔係今日去香港環球嘉年華 ~ 都或者有機會去參加「公投」呢 最好呢個結果就可以拎埋今朝o係亞洲國家博覽館個結果一齊做對比 ~ 應該會幾有趣 ~ 只可惜 大嶼山個結果已經塵埃落定 ... ...
 喂!! 屯門先得一個票站 但天水圍有兩個?!
巨 無 霸 首 次 亞 洲 載 客 試 飛 抵 港
A380 機 艙 曝 光 旅 客 讚 舒 適
  
A380 有 幾 豪 ?
1. 頭 等 客 艙 ~ 座 椅 旁 設 衞 星 電 話
2. 酒 吧 ~ 飲 酒 聊 天 舒 展 筋 骨
3. 上 層 商 務 客 位 Lounge ~ 坐 梳 化 輕 鬆 看 雜 誌
4. 樓 梯 ~ 鋪 地 毯 連 接 上 下 層
   
等 零 件 更 換 延 誤 3 小 時
咁奇實A380 係咪好o野呢
點都應該好過今日去o既環球嘉年華o既又 ... ...
除o左o的o野食怪 就只得玩o既o野 ~ 全部都係錢 ~ 外個o既嘉年華 ~ 除o左玩同食 應該會有其他o野賣同埋表演掛 ~ 呢度 就除o左三幾間慈善機構同埋零零舍舍有個攤位好似賣衫之外 ~ 就真係乜都冇
o的機動遊戲又全部都係搖搪擺擺的 ~ 都咪話唔得人驚 ~ 所以當然冇玩晒 (淨係畀細路玩o既唔計)
返屋企坐o個程巴士 都好似覺得係玩緊機動遊戲咁樣 ~ 「浪浪下」 ~ 以為會撞車呢
不過 原來跳樓機係唔得人驚的 ~ 因為太快 都冇時間驚
反而 Terminator就真係幾得人驚 (有玩o個o的 ~ 個Destoryer 唔敢玩) ~ 過山車亦始終冇玩 ~ o係海洋公園都係冇玩過
supernova (超級新星) ~ 唔算驚 ~ 個千秋就fing得犀利 ~ 但阿媽玩兩次都唔夠喉 想玩三次
最唔得人驚就係摩天輪 ~ 不過 兩個圈好快轉完 玩o左三次呢
出發時 坐前面有兩個中學生 ~ 有一個唔知會唔會係一個M記舊同事個細妹 ~ 個名好似 (如果舊同事仲係住安定友愛 而個女仔都係o既話就仲似) ~ 但就唔知o個時佢係咪有個讀緊幼稚園o既細妹 ~ 如果係 就真係有可能係佢個妹 ~ 性格都應該幾似 ~ 係今日個女仔對眼冇咁大 ~ 同佢一齊去嘉年華o個個 女仔應該乖佢好多
唔知一個乖 一個唔乖 做friend 會唔會係絕配?! ~ 成程車就只聽見佢 不停講佢屋企或者上堂o既o野
到差唔多落車時 見佢同坐佢前面o既太太傾偈 ~ 仲以為佢咁勁 一路數臭佢媽媽 而原來佢媽媽係同佢同車?!
原來唔係 ~ o個個不過係一位同車o既太太 (香港市民) ~ 同佢傾偈不過係問路 ~ 之後佢又問我地添馬艦點去 ~ 點(中環)到o左金鐘未 ~ 同佢地講下個站落 ~ 結果 都未到 就見到o的機動遊戲全速在車窗外開動 ~
到一落車 o個兩個女仔仲一支箭咁過馬路 過天橋 向會場衝去添 ~
今日車錢來回就三十幾蚊 ~ 不過同車o既何伯 來回只係四蚊乍 ~ 唔知點解佢今次出街會丟低老伴自己去o左中環?! ~ 唔通佢太太要湊孫嗎? 兩個都讀中學了
好少見佢兩公婆唔係一齊出街的 ~ 日日都係 晚晚都係的
原來今日入場唔係百二 係百五呢 ~ 玩摩天輪就差o的兩次被捉去影相 ~ 如果要買番 要一百蚊的
而最可惡o既就係 上佢個網都見唔到 電視報紙都好似冇講 今日出到去先知原來今日唔係最後一日 ~ 話啥詢眾要求 ~ 延期到四月廿三 ` 但佢個死人網址 除o左冇講有咩機動遊戲 (中英文夠都冇) 之外 仲係寫住十二月到三月 ~ 唔係四月
返o黎o個架961 到落車時已經得番四個人 落埋車 架車就算計埋司木機 都係得兩個人乍 ~ 呢架LX9991 除o左車牌特別之外 仲連電視都拆埋添 ~ 不過坐下層一o的都唔舒服 仲好似玩緊機動遊戲咁 ~ 一o的都唔好受
一返到屯門 有人落車 就上o左上層坐喇 26日 Mon 00:32:11
>>March 26, 2007 at 11:06:32 PM GMT+8
2007 年 3 月 25 日 星期日 【晴】
 
 
 
  19日 Mon 23:05:56 20日 Tue 02:30:07
>>March 21, 2007 at 2:41:15 AM GMT+8
2007 年 3 月 24 日 星期六 【微冷】
正話(過o左)九點 如常咁扭開叱吒903 ~ 以為自己係聽間《組Band時間》 點知 ... ...
終於明白 近幾個禮拜六晚9-11都聽唔到Inti把聲o既原因了 ~ 仲以為係轉o左主持或者Inti放緊大假
原來 自己聽緊o既根本唔係《組Band時間》,《組Band時間》 已經o係2月26日起轉o左o係星期日晚9-11喇 ~ 點解會唔知架 ...... 奇怪喇
另一樣奇怪o既就係 ~ 點解對面棟樓個家長會畀80蚊呢 ~ 小四喎 ~ 今日終於知道「點解」
唔知係自己聽錯 定係佢講錯 ~ 定係畀佢呃o左 ~ 原來佢寄畀家長o既資料都係寫住60蚊個鐘
又原來佢話 佢冇人地電話 今日o係佢屋企 聽到陳太個電話 話原來上星期本來想返鄉下 但冇人地電話 通知唔到 ~ 所以冇返到 ~
但陳生今日就畀o左張支票人地 ~ 除o左係寫住60蚊一個鐘o既「薪金」之外 ~ 仲已經計埋下一堂 31號的了 ~ (日期都係寫31號) ~ 咁樣 ~ o者係話佢地 下星期六唔會返鄉下啦
但始終唔明點解
第三樣「奇怪」o既就係 原來小朋友個家姐(個媽媽)同佢o的同學(仲有屋企人)o既關係應該幾好
因為 ~ 佢媽媽打番屋企個電話 就係o係佢個女同學屋企打o黎 ~ 佢係一放工就去o左佢個女個同學屋企呢
再o黎就係 至尊漢堡唔好食 ~ 同埋原來中汽水平過中雀巢檸茶一蚊 但如果買餐想轉飲檸茶就要加兩蚊
如果今日搭早班車(冇o係Mos Burger排隊) 就可以趕到早一班66X 就可以五點半返到屋企
更「奇怪」o既就係 究竟都市日報出版o既《都市健康小百科》究竟印o左幾多份 ~ 今日去o左三間指定o既7-11 都係冇得換 ~ 唔係話加印再加印o既咩 ~ 加極都唔夠? 唔通要印夠六、七百萬本 ~ 唔係唔駛錢喎 ~ 係要錢個喎
或者(可能)係 香港人比以前更加重視健康啦 ~ 除非 每次其實係不過印三幾百本 ~ 所以就「數量有限」
亦因為呢本o野 ~ 今日兩兄妹就嗌大交了 ~ 之前知道阿妹話今日會出荃灣捐血 跟住就出九龍睇戲 ~ 就請佢幫手睇下有冇得換
但今朝發現 原來荃灣都有巴士去青衣南的 ~ 就唔駛好似上次咁為o左 換佢 (之後要入青衣同人補習) 就去到荃灣之後就搭地鐵去葵芳 再轉小巴入青衣南
不過架243M都唔係好好坐 ~ 除o左個Roadshow終於聽到佢講乜之外 ~ 同埋就係唔應該去到總站先落車 而係早一個站落 ~ 咁就唔駛聞到垃圾房陣味了
去到麥同學屋企 真係想同佢講不如睇《高智能方程式》 睇埋先開始 ... ...結果當然係冇睇啦
而麥太想話補兩個鐘 不過佢個仔 唔想 最後都係補個半鐘 ~ 唔係就要去唔鍾意o既UA朗豪坊睇Mel Gibson套戲了
更奇怪o既就係 尋日打去Yohoo Records 明明話隻碟有得拎 點知今日去到 明明見住個老細拎o左隻碟出o黎 ~ 點知就話o個隻唔係我o既 o個隻都係有人訂o左 ~ 人地早過我訂(我隻未到) ~ 但人地有冇話今日會o黎拎隻碟先 ~ 明明有隻碟o係度 又有個客o黎度 ~ 點解唔可以彈性處理呢
點解喎 ~ 見到佢個價錢牌寫住380 ~ (除非佢會好似第一次o係佢度訂o野咁 訂o野去拎時有得平50啦) ~ 唔係o既 都唔係平過樓上395 (上星期係賣398) 好多 ~ 如果再出多次旺角 ~ 380 仲貴過398 (雖然其他舖頭都係賣四百幾)
所以 谷鬼氣就叫個老細退錢 ~ 上樓上買
上到去 見到有本夏帆 主演o既一部戲 o既相集 仲有隻24分鐘o既DVD 本來都好想買 ~ 但都要210呀 (上星期未有得賣的) ~ 諗諗下 ~ 算啦 ~ 都係睇定o的先 ~ 經濟唔好就負擔唔起啦 (雖然已經平過佢本《step. in》)
嘩 原來佢就o黎高過寡人喇 如果仲有得高 就一定會高過寡人了 ~ 原來佢都唔係同寡人「同名」(同一個羅馬拼音) 「夏帆」只係佢藝名 * o岩o岩上網睇到 ~ 原來本電影畫冊 (細過A5) 應該o岩o岩佢o係日本上緊套新戲本畫冊 ~ 係新o野o黎 所以 就算過多一兩個月 怕且都仲會有貨
而o個間舖頭 o的上戶彩攝影集 都番晒o黎啦 ~ (係唔捨得之o麻)
距離對上一次同琪琪、Rainbow、Jenny佢地見面 原來又差唔多一年 (Rainbow又就快生日) ~ 本來想o係信和搵o個本五月天搞笑漫畫送畀佢 今個今日就見唔到喇 ~
睇o黎今年佢生日 就輪到自己收佢o既「禮物」了 ~ 佢都係時候要還碟了 ~ 哈哈!
再一個奇怪又羨慕o既就係 原來幫邦民買o左幾年廣告o既「李細心」 原來就係NOW寬頻電視o既Crystal ~ 成日以為佢淨係o係NOW度賣廣告 教人用搖控 自己點夠駛呢 ~ 夠唔夠食呢
如來佢其實拍好多廣告的 ~ 份雜誌仲話 保守估計 假設佢一星期影三日相 (一日幫一份報紙 一份雜誌) 加埋o係now寬頻 ~ 月集可以講三萬的
真係估佢唔到 ~ 而估得到o既就係 「李細心」當然唔係姓李 ~ 其實佢係寫梁 叫梁寶琪
而而家同「小方」一齊賣大家樂廣告o既就係《過渡青春》o既Crystal (Janice溫雅研)
又真係估唔到 好似都唔係好同樣o既 ... ...
講番 麥同學 ~ 其實佢除o左數學 都好似真係冇咩科要補 ~ 英文唔知 但佢同佢阿媽都話唔駛 應該唔錯
但綜合科學 同綜合人文學科 其實佢都唔錯 ~ 如果o黎間呢個星期 真係補三日 ~ 真係唔知有咩補
PS: 《 戰 狼 300 》 又 關 中 國 事 ？
而今日最奇怪o既就應該係 幾期六合彩都冇人中 今期就三注中 每注派790萬
2、5、6、12、22、40 + 24
>>March 24, 2007 at 11:08:17 PM GMT+8
2007 年 3 月 23 日 星期五 【微冷】
今日原來係「世界水日」 ~ 原來今時今日 全世界有近七億人冇乾淨水飲 但再過多十幾年 呢個數字就再唔係七億 而係二十億 ~ 都咪話唔恐怖
但睇完今個禮拜個《向世界出發》就終於明白 點解以前細個 成日會聽到話o的人想嫁去汶萊喇 ~ 原來個國家真係可以有錢都咁樣 o的人民o既福利仲好好添 ~ 太誇張了
估唔到呢單新聞可以做兩日頭條 ~ 如果係真o既話 呢o的唔horse racing 係horse killing呢 ... ...
全 港 首 個 禽 流 感 臨 床 試 驗 計 劃
360 人 做 H5N1 疫 苗 白 老 鼠
 潛 在 風 險英 國 試 藥 青 年 變 「 象 人 」
男 子 沙 井 燒 報 紙 趕 曱 甴 沼 氣 爆 炸 7 渠 蓋 飛 彈
 
九 龍 灣 爆 渠 蓋 意 外 示 意 圖
  
渠 蓋 飛 起 墮 下 力 度 逾 百 磅
用呢種方法o黎趕曱甴 真係估佢
李 柱 銘 回 歸 前 後 六 件 事 (1985 - 2004)
     
97 預 言 成 真 ？ 原來十年前有o的咁o既預言 ~ 又真係估唔到
： 97 年 6 月李 柱 銘 當 日 言 論 ： 「 我 們 不 相 信 7 月 1 日 之 後 要 坐 監 ， 但 有 沒 有 這 個 可 能 ？ 完 全 有 ， 很 簡 單 ， 一 個 燭 光 集 會 就 可 以 拉 人 。 」
現 況 ： 李 柱 銘 沒 有 坐 監 ， 但 梁 國 雄 （ 長 毛 ） 和 部 份 示 威 者 不 時 牽 涉 與 遊 行 集 會 有 關 的 官 司
日期 ： 97 年 6 月
李 柱 銘 當 日 言 論 ： 「 董 建 華 是 一 個 好 人 ， 但 現 存 政 治 制 度 太 壞 了 ， 行 政 長 官 不 是 通 過 民 主 選 舉 產 生 的 ， 結 果 令 好 人 做 壞 事 。 」
現 況 ： 特 首 董 建 華 2005 年 因 腳 痛 下 台 ， 由 曾 蔭 權 接 任
日 期 ： 97 年 6 月
李 柱 銘 當 日 言 論 ： 「 港 人 治 港 已 變 質 ， 北 京 挑 選 聽 話 的 港 人 治 港 ， 很 多 負 責 治 港 的 人 事 先 假 設 北 京 不 會 同 意 ， 就 不 敢 提 不 同 意 見 。 」
現 況 ： 特 首 候 選 人 要 有 中 央 祝 福 才 可 當 選
日 期 ： 97 年 8 月
李 柱 銘 當 日 言 論 ： 「 抓 人 看 來 是 不 會 的 ， 封 報 紙 暫 時 也 看 不 到 。 這 方 面 是 好 的 。 但 是 ， 使 人 擔 心 的 是 『 小 人 蛇 』 這 類 問 題 的 處 理 ， 亦 即 法 治 的 問 題 。 」
現 況 ： 回 歸 後 就 居 留 權 及 政 制 釋 法 ， 一 度 強 行 就 《 基 本 法 》 23 條 立 法 ， 引 發 50 萬 人 上 街
日 期 ： 97 年 8 月
李 柱 銘 當 日 言 論 ： 「 香 港 特 區 政 府 在 行 政 方 面 越 來 越 獨 裁 」
現 況 ： 政 府 曾 不 理 立 法 會 反 對 ， 強 推 西 九 龍 發 展 計 劃 ； 強 拆 天 星 碼 頭 ； 以 行 政 指 令 取 代 立 法 授 權 執 法 機 關 秘 密 監 察 ， 結 果 被 裁 定 違 法
日 期 ： 97 年 8 月
李 柱 銘 當 日 言 論 ： 「 令 人 擔 心 的 是 特 區 政 府 揣 測 中 央 意 向 ， 取 悅 中 央 ， 估 計 中 央 不 高 興 的 事 就 不 做 … … 我 擔 心 的 是 董 建 華 會 『 先 意 承 志 』 」
現 況 ： 曾 蔭 權 在 是 次 特 首 選 舉 中 多 番 拒 絕 交 代 對 2012 普 選 的 意 見
日 期 ： 97 年 8 月
李 柱 銘 當 日 言 論 ： 「 傳 媒 會 越 來 越 自 我 審 查 。 」
現 況 ： 記 協 今 年 2 月 公 布 的 調 查 指 ， 約 五 成 公 眾 及 新 聞 工 作 者 認 為 特 區 政 府 比 以 往 更 意 影 響 新 聞 界 ， 傳 媒 也 傾 向 自 我 審 查 ， 淡 化 中 央 政 府 負 面 消 息
資 料 來 源 ： 資 料 室
原來今次特首選舉 星期日朝早八點半就開始喇 ~ 仲話應該十二點三就會有結果添 ~
咁o岩青衣個學生要比賽 唔駛補 就可以 (夠早起身的話) 全程mon實選舉過程了(唔知個姓曾o既會超前姓梁o既幾多呢 ~ 梁先生每得到一票 係會好似針「桔」落曾生到咁痛 定係好似被蟻「嬲」一樣 不痛不癢呢)
又唔知阿媽係咪真係會去「環球嘉年華」呢 ~ 應該最後星期日了
正當以前 四月一號先要再去青衣時 ~ 今日就收到兩個電話 原來麥同學因為四月頭就測驗 所以就想下星期補多幾日 但夾來夾去就應該只得星期四可以 (會睇唔到《白色巨塔》了)
夜晚再打o黎話想聽朝補 (星期六朝早?!) ~ 算數啦 ~ 只要下晝出到旺角就好了
信和間Yohoo 終於話有o個隻碟喇 (希望唔係standard edition啦 ~ 人地唔係訂o個隻的)
上次o係另一間舖頭明明見到standard edition 有張貼紙係寫住「CD only」的 ~ 點知買o個隻又冇 ~ 點解會咁架
聽日千祈唔好 見唔到special edition 呀 ~ 唔係會好唔開心同好嬲的 ~
o係舊墟臨走時,大興個家長打o黎話 個仔星期六、日學校有補課 以後星期五唔補
又會咁o既 ~ 舊墟因為決定o左逢星期五出糧 可能係咁樣 ~ 搭正五點半就見到佢地個爸爸 ~ 不停問兩個仔女有補好o左 ~ 但佢o地o既水準真係一時一樣 都好難答 ~ 但個大o既本手冊有紅字呢 (佢話係同學害佢的 ~ 唔知係真唔係?)
看來 唔隔住附近o個個 最乖o既都係青衣個學生了 梁雨恩唔會係同緊何基佑拍拖掛 ~ 係就跌眼鏡了 ~ 聽日睇唔到《高智能方程式》呀
聽日 幾點會睇到Mel Gibson套戲呢 ~ 十二點半 ~ 如果趕唔切就要一點七了 (但勁唔想去UA 朗豪坊睇喎 ~ ua就只鍾意太古城) 但趕唔到十二點半o既話又點算呢
同埋 聽日會食到Mos Burger 定係 至尊漢堡呢 ~ 看來 ~ 就要睇下 睇到十二點半定係一點七了 定係兩點二 電影中心?! 但去埋信和 會太晏先返到屯門呢
Circle係邊呢 ~ 真係見唔到佢上網喎
>>March 24, 2007 at 1:09:10 AM GMT+8
2007 年 3 月 22 日 星期四 【微冷】
今日o既大部份報紙頭版見到o既 都係呢單新聞 ... ...
唔記得原來做電腦掃瞄之前四個鐘 係唔可以食o野 的 ~ 拎張紉期紙落樓影印時都睇唔到 ~ 到買埋o野食 再返上樓 食埋個「縮水意粉」先見到
本來唔諗住講的 ~ 後尾都係講o左 結果就由兩點至四點 望住不知幾多人入去做CT ~ 自己就三點半先有得做 ~ 唔係o既話 照完 都仲可以返屋企 抖陣再入元朗啦
唔知下星期有報告出未?!
照完都係四點 就o係新元朗中心 間鞋舖再睇o左陣鞋 真係好想買對Gore-Tex Nike呢 (唔見有Mizuno 美津濃賣喎) 不過 四百幾五百幾一對 又唔係好捨得
著親都係二、三百蚊對的 ~ 又著唔到三年 ~ 如果對Nike著一、兩年就唔著得 四五百蚊 好唔抵o者
但而家呢對 都唔捱得幾耐了 ~ 以前一路未著過Nike 好唔好著呢 襟唔襟著呢 ......
尋日 同「敢秀」兩姐妹講今日可能會遲到 結果 今日五點鐘去到 一入門口 就聽到人地媽媽叫個細o既去沖涼 ~ o下?! ~ 大o既又未番 ~ 咪要等?!
但人地個細妹 見到有o野食就唔沖涼(住)了 ~ 點知個家姐今日都算早番 本來打算 有剩o既就請佢o地個印傭食 ~ 點知個家姐 食下食下 (食o左大半個鐘) 都食晒 ~ 個人傭冇得食
走之前 唔知做乜 兩姐妹為幾張紙 就嗌大交 仲喊晒添 都唔知點搞
所以都遲o左走 ~ 一走 隔離屋本來懶懶閒隻狗狗 又過o黎同人打招呼呢 ~ 今日係(今個月)第一次走o既時候摸佢呢
行多幾步 就見到另一隻西施狗 冇門口入 要匿o係車底 ~ 好否憐呢 ~ 點解會咁o既呢
因為遲o左走 就算冇o係元朗入錢 都係趕唔切睇小丸子 (又走西鐵 又走輕鐵)
一入到門口就見到《同事三分親》原來已經開場了 ~ 開始明白點解人地兩姐妹點解咁鍾意睇 ~ 不過如果劇情再落去 係拖拖拉拉o既話 ~ 所以 一個禮拜睇到一兩集都已經好夠了
同樣一星期只睇到一兩集o既重有《亂世佳人》 ~ 估不到今次李思欣o既劇份都幾重 角色性格同背景重好複雜添
但都唔夠自己o既處景複雜 ~ 又唔係打緊仗 但就好似同大狗失去聯絡恁 ~ 又怕打電話會煩到佢 點好呢
星期六 有理冇理 都應該要再出旺角一趟了 ~ 打去間yohoo諗住問隻碟有未 點知 一個電話就冇人接 一個就暫時停止服務 ~ 到返到屋企 打去冇人接 / 聽唔到自己把聲o個個電話 就叫人打去另一個 (cut o左o個個) 電話問 仲收線收唔切
如果星期六都係冇碟 ~ 真打算 叫佢退錢 去第間買呢 ... ... 可惡丫 ps: 又係睇得半集《白色巨塔》乍, 可惡! ~ 自己又淨係顧著發白日夢喎 ~ 就咪鬼睇《向世界出發》啦 ~ 妳想『向西貢出發』咪去到夠o羅 PPS: 今朝 舊同學又打o黎呢 ~ 另外 又再有人打o黎搵「洪生」 但唔記得問佢咩機構 / 公司 ~ 落街 又畀人望實晒個頭
>>March 23, 2007 at 12:09:59 AM GMT+8
2007 年 3 月 22 日 星期四 【晴】
  
PALACE IFC、數碼港、百老匯電影中心、奧海城、PALACE apm、JP銅鑼灣、MCL康怡、旺角嘉禾、荷里活嘉禾、港威、UA朗豪坊、UA沙田、UA時代廣場、UA太古城中心 .. .. ..
太少戲院了 (新界) 對新界居民可真不公平呢 ~ 看來HAPPINESS真係要pursuit的 ~
>>March 20, 2007 at 11:29:45 PM GMT+8
2007 年 3 月 21 日 星期三 【微冷】
  
3.21 世 界 睡 眠 日
 你 夠 唔 夠 瞓 ？
世 界 睡 眠 日 是 國 際 精 神 衞 生 和 神 經 科 學 基 金 會 於 01 年 發 起 的 一 項 全 球 睡 眠 和 健 康 計 劃 ， 旨 在 引 起 人 們 對 睡 眠 重 要 性 的 關 注 ， 定 於 每 年 3 月 21 日 舉 行 。 該 日 是 每 年 的 春 分 ， 是 不 少 北 半 球 國 家 曆 法 認 定 的 初 春 第 一 日 ， 意 味 季 節 變 換 的 周 期 性 和 睡 眠 的 晝 夜 交 替 規 律 ， 與 人 類 的 日 常 生 活 息 息 相 關 。
目 前 已 有 60 多 個 國 家 和 地 區 參 與 ， 每 年 均 有 不 同 主 題 ， 今 年 是 「 健 康 睡 眠 與 和 諧 社 會 」 。
原來今日係「世界睡眠日」! 唔怪得知最近成人畀人叫休息多o的啦
但就算係世界睡眠日唔通就可以全日瞓覺,咩都唔諗咩 ... ...
似乎而家TMH星期三覆診o既效率高o左呢 ~ 今日拎十二號籌 ~ 買完飛 冇咁快落番去 點知原來十點鐘返落地庫 (賣飛o個個死都要講係「地牢」 ＞.＜)
已經叫o左名了 ~ 阿媽話係五號房 ~ 入到去 醫生話係「隔離」(四號房) ~ 敲四號房 ~ 李安誠醫生就話過o左喇 ~ 等再嗌名 ~ o下?!
未試過咁早過喎 ~ 過多陣 ~ 又聽到有人叫自己個名 今次係入二號房 ~ 入到去就見到上星期o既王韶如醫生
佢不厭奇煩咁答o左阿媽好多問題 ~ 今次係阿媽第一次見呢個醫生 ~ 佢覺得呢個醫生好好
之不過 其實好多問題o既答案都要等聽日o既檢查之後 出o既報告先有答案
見咁早 就同阿媽去o左卓爾居 (本來係想返屋企的) 見到原來執o左之後再開返o既百佳原來搬落一層 ~ 呢度咁好似係美心皇宮o黎o既 ~ 有好多舖頭仲未租出 ~ 唔知樓上百佳個位又會變成點呢 ... ...
醫生問有冇食雞 ~ 阿媽話好少食 (怕激素) 醫生話都唔怕得咁多 (同埋而家都好少架喇) 其實 o係人地屋企都成日有雞食呢 ~ 就算尋日唔o係屋企食 亦一樣食o左好多雞啦
成塊大雞大雞排 食o左大半塊 去大興之前又食o左個「大雞」(麥香雞)
又話牛肉都有好多蛋白質 ~ 其實尋日都想食芝孖的 之不過加o左價 賣十蚊 ~ 就打算 出o左糧先食喇
今日經過M記 發現 出o左個新o既包呢 ~ 限量供應 ~ 有足三兩重o既牛肉呢 ~ 仲唔夠蛋白質?!
如果o黎緊幾日 食番一兩個 仲唔夠高白血球打針?! (不過醫生話今個禮拜同上個禮拜 差唔多 ~ 所以都唔敢講)
講完瞓覺同蛋白質 ~ 就講下生果 ~ 好多人以為食生果會健康o的啦
點知 廣州就發現有廿種生果 都因為農民種植時加入大量化學物質 ~ 食o左會影響記憶力、可能會痴呆同致癌 ~ 就算唔係 都可能食到你肚痛
咁o者係咩都唔好食啦 ~ 但如果真係咩都唔食 ~ 可能重死快o的啦 ~ 食又死 唔食又死
跑馬地馬場 今日發現可疑裝置 ~ 如果發現得遲 唔單止會影響到賽事進行
仲可能會影響馬匹同騎師o既安全呢 ~ 原來馬場平時係完全對公眾開放的 (即該等裝置可能係有人溜夜放o係跑道的) 咁o係咪o者係話o的人可以o係平日潛日馬場等賽馬日 就可以免費入場呢 (事關佢一早已經入o左場了)
o的裝置係咩人放o既呢 ~ 咁冇陰公o既呢
「信o左」間CD舖個老世收到隻上戶彩新碟未呢 ~ 佢周圍o既舖頭都賣緊啦 ~ 仲未打電話畀人 ~ 唔會迫人撻訂掛 (你話訂就一定有的) ~ 真係冇陰公
徐步高案 ~ 今日兩姐妹媽媽問 「老師」點睇單案 ~ 佢話一定唔係咁簡單 ~ 佢仲話徐步高可能係清白o既添 ~ 如果係咁 就真係難明了 ~ 各大作家 / 編劇 可以寫部鉅著呢
晚晚新聞 各大電視台係咁播o的咁恐怖o既動畫 已經夠晒題材了
如果佢真係清白 ~ 咁係邊個屈佢咁冇陰公呢 ~ 但如果o的案唔係佢做 會係邊個做呢
o係庭上播o既片段 ~ 佢o既家屬都可以證明係佢地屋企人o黎喎
今日起 ~ 機場實施新措施 ~ 限制除藥物同o係禁區買o既飲品之外 一律唔畀帶上機 其他樽裝液體 除o左要用密實袋裝起 仲要限制o係100ml以下呢 ~ 恁就真係可以防上恐怖襲擊?
如果唔得 咪好冇陰公?! 成人o係車度畀人以為睇3G電視係影相 都好冇陰公 ~ 但佢地唔出聲 亦費時嘈 ... ... 大狗幾時先會睬番人呢 ... ...\
講o左咁多唔開心 (冇陰公) o既o野 就講返o的開心o的架啦 ... ...
男 夠 帥 女 大 眼 贈 港 熊 貓 5.1 前 運 抵
 
不過 其實安安同佳佳o黎o左香港咁多年 ~ 都未過佢地廬山真面目呢
 
香 港 有 今 日 ： 4.6 億 見 財 化 水
1973 年 3 月 21 日 ， 香 港 政 府 同 承 建 商 簽 約 起 海 水 化 淡 廠 ， 將 海 水 化 成 淡 水 畀 市 民 飲 。 呢 間 位 於 屯 門 樂 安 排 o既 海 水 化 淡 廠 ， 用 成 4.6 億 元 去 起 ， 當 時 堪 稱 全 世 界 最 大 o既 海 水 化 淡 廠 ， 廠 房 兩 支 巨 型 煙 囪 有 成 123 米 高 ， 十 分 宏 偉 。
不 過 間 廠 起 完 之 後 ， 政 府 先 發 覺 蒸 餾 海 水 變 淡 水 o黎 飲 貴 到 飛 起 ， 而 且 港 府 計 完 數 ， 都 係 飲 東 江 水 化 算 ， 間 廠 就 長 期 丟 空 ， 1991 年 成 間 炸 o左 ， 4.6 億 公 帑 好 似 浮 雲 咁 ， 煙 消 雲 散 。 ... ... 資料提供 : 日報
喝 茶 比 咖 啡 更 提 神 醒 腦
咖 啡 因 少 一 半 茶 胺 酸 可 紓 緩 壓 力
第 一 屆 亞 洲 電 影 大 獎 得 獎 名 單
最 佳 電 影 ： 《 韓 流 怪 嚇 》 （ 南 韓 ）
最 佳 導 演 ： 賈 樟 柯 《 三 峽 好 人 》 （ 中 國 ）
最 佳 男 演 員 ： 宋 康 昊 《 韓 流 怪 嚇 》 （ 南 韓 ）
最 佳 女 演 員 ： 中 谷 美 紀 《 花 樣 奇 緣 》 （ 日 本 ）
最 佳 編 劇 ： 曼 尼 ． 夏 希 希 《 男 人 做 》 （ 伊 朗 ）
最 佳 攝 影 ： 金 炯 求 《 韓 流 怪 嚇 》 （ 南 韓 ）
最 佳 美 術 指 導 ： 葉 錦 添 《 夜 宴 》 （ 香 港 、 中 國 ）
最 佳 原 創 音 樂 ： 拉 夏 雨 ． 蘇 朋 加 《 爪 哇 歌 劇 》 （ 印 尼 、 奧 地 利 ）
最 佳 剪 接 ： 利 ． 查 泰 米 提 古 《 戀 愛 症 候 群 》 （ 泰 國 、 奧 地 利 、 法 國 ）
最 佳 視 覺 效 果 ： The Orphanage 《 韓 流 怪 嚇 》 （ 南 韓 ）
亞 洲 電 影 學 術 研 究 大 獎 ： 大 衞 博 維 爾 （ David Dordwell ）
亞 洲 電 影 傑 出 貢 獻 大 獎 ： 蕭 芳 芳
亞 洲 電 影 票 房 巨 星 大 獎 ： 劉 德 華
資 料 來 源 ： 亞 洲 電 影 大 獎 大 會
香 港 電 影 節 走 向 國 際
香 港 國 際 電 影 節 （ HKIFF ） 舉 辦 的 首 屆 亞 洲 電 影 大 獎 （ Asian Film Awards ） ， 由 17 位 國 際 資 深 電 影 人 組 成 評 審 團 ， 當 中 包 括 吳 思 遠 、 內 地 導 演 謝 飛 和 台 灣 影 評 人 焦 雄 屏 等 ， 評 選 出 最 佳 電 影 、 最 佳 導 演 、 最 佳 男 、 女 演 員 及 編 劇 等 10 個 獎 項 。 已 有 30 多 年 歷 史 的 香 港 國 際 電 影 節 ， 每 年 會 選 映 來 自 世 界 各 地 不 同 風 格 的 電 影 ， 而 為 了 奠 定 香 港 電 影 節 的 影 響 力 ， 電 影 節 今 年 特 主 辦 亞 洲 電 影 大 獎 ， 並 邀 請 得 世 界 各 地 的 著 名 演 員 與 電 影 人 參 與 ， 有 望 得 到 國 際 認 同 。 22日 Thu 00:39:05
>>March 22, 2007 at 1:46:40 AM GMT+8
2007 年 3 月 20 日 星期二 【陰晴不定】
 嘩! 悲劇差點又再次上演呢 ... ...
破 紀 錄 豪 宅 呎 價 高 見 $32000
乜而家香港人真係咁有錢咩?! 32,000蚊一呎喎 人地全副身家都唔夠買一格階磚呀
定應該讚李嘉誠有生意頭腦呢 ~ 好定定一個虎豹別墅竟然軌件 除o左胡文虎、胡文豹大宅就變成了呢個超級樓盤
用一億 (加埋補地價就頂多十億) 就變成一百億
尋日徐步高案o既重點就在於可能根本唔存在o既「第四者」 ~ 這就是「律師」的工作 ~ 慶幸自己冇傻到走去聽審 ~ 因為o徙氣 ... ...
8 歲 童 星 演 小 丸 子 感 人
今年添食o既真人版小丸子因為森迫永依高o左而換上8歲o既伊藤綺夏
就連小丸子媽媽都換o左做酒井法子? 唔知度小丸子姐姐會唔會換人呢 (唔再係福田麻由子?!)
又唔知wikipedia(維基百科)上o既資料又會唔會改寫 (就咁將森迫永伊刪去呢)
      
(TBS 電 視 台 55 周 年 台 慶 劇)新 劇 (《 華 麗 一 族 》 )結 局 掀 高 潮 木 村 自 盡 救 收 視 得 米
咁都得 ~ 富士電視台45周年台慶劇 (《白色巨塔》)有人死 55周年台慶劇都有人死 ~ 乜台慶劇唔係應該開開心心o既咩 ... ... ~ 原來又係山崎豐子o既小說 ~ 唔怪得知會有人死啦 ~ 今日o係商務見到都有o的想買 ~ 可惜已經過o左特價 冇雙倍積分 ~ 同埋個故仔咁長 (本書咁厚 ~ 又未必有信心睇晒 ~ 雖然唔似得《白色巨塔》咁有三本 但都有兩本呀) 但原來得十集佐喎 (《白色巨塔》係廿一定廿二集) ＊原來
山崎 豊子佢老人家今年已經八十有二喇 ~ 但2005年仲有部新作寫緊未完架
會唔會好似《女系家族》咁得人驚架 ~ 不過套劇有長谷川京子同"柏木文也"(山本耕史)喎 劇中o既廠景(七十年代o既日本)介好靚添 ~ 唔知幾時香港會播呢
農 夫 Rap 歌 鋤 麥 玲 玲 「 羅 庚 最 緊 要 睇 得 o岩 」
o係商務除o左見到山崎豊子本『華麗なる一族』之外 ~ 仲見到一本李志清畫插圖o既書 ~ 但畫o左n咁多年古裝o既佢 ~ 看來時裝唔係好掂呢 ~ 見到o插圖就要放番低了
不過 話時話 今日因為迫著要還書 連氣睇o左兩期《笑傲江湖》 ~ 佢講獨孤九劍呢段真係唔錯 ~ 亦令人想起呂頌賢拍o個套《笑傲》 ~ 係搵鮑方做風清揚的 ~ 無箭而家冇咁好o既藝員了
另外仲發現一本 又係做緊特價時見唔到o既『07/08 升中指南』 明報出品
睇完先知 原來班小六生今年仲未填表揀中學的 ~ 但原來扣門就一早截o左止了 ~ 「敢秀」個妹妹 o係佢姐姐讀o個間中學已經in o左兩次 ~ 已經好似坐定粒六恁喇 唔怪得佢媽媽話本書冇需要啦 ~ 雖然已經由原價一百 減到特價六十
講開呢兩姐妹 ~ 佢地今日 都因為吐露港塞車 而遲返屋企 ~ 所以本來買o左大雞大雞排 諗住請佢食 結果 ... ... 都未返到o黎就同佢o地個印傭「拆」晒喇
過o左六點 見個姐姐 都仲未返 ~ 就用視像電話打畀佢 ~ 點知原來佢真係o係佢媽咪架車度 ~ 仲話已經返到門口
o係電話度 佢不停叫佢個妹「畀錢」 ~ 仲以為係講乜o野 ~ 原來係講3G通話費 ~ 之不過因為個電話係由佢個補習老師打出的 ~ 同台 所以唔駛收錢
但又之不過 因為塞車 ~ 七點四先走得 ~ 去到大興已經過o左八點 (如果坐得食埋o野先上去就更加唔得了)
因為 原來今日黃宅個個都未開飯 ~ 下次應該要叫佢o地早o的開飯了 (佢地話 補八點 都係會食o左飯先的 ~ 點知今日唔係)
今日 一個鐘就真係終於可以同佢做數喇 ~ 因為佢除o左上次再上次份功課漏改正 今次原來又漏做幾題 老師又冇發現 ~ 叫佢做返 (唔知老師會唔會對佢改觀?!)
因為塞車 ~ 所以返到屋企就已經九點半 ~ 第一屆亞洲電影節頌獎禮只能睇到一半
不過都發現到好多特別o野 ~ 唔知係咪因為係「亞洲電影節」 ~ 所以除o左得獎者之外 ~ 所有頌獎嘉賓同主持 (竟然係薛凱琪) 都係講英文的
又唔知係咪《韓流怪嚇》真係好o野 定係韓國勢力愈來愈強 ~ 最佳導演同最佳男主角都係畀呢部戲拎o左
以下呢部韓國電影 都有份角逐最佳男、女演員呢 ~ 睇大會o既少許電影片段 仲發現男女主角都好似好出添 ~
 《再造人之戀》
唔知Rainbow對呢部戲有冇興趣呢 ~ 佢係韓劇o既超級fans喎 ~
佢今晚「失驚無神」打o黎 先知佢原來 近來都好大壓力 仲因為恁 同公司請o左大假 ~ 套劇唔知o岩唔o岩佢心水?
人地仲特登打o黎話畀Raymond聽 Fish 五月開演唱會呢 ~ 仲以為早幾日佢上無箭 就已經開o左 ~ 原來上網睇返 先知係o黎香港開記者會 ~
但五月七號係星期一喎 ~ 唔知請唔請到假呢 ~ 同埋如果得一場 ~ 會唔會買到飛呢
問佢聽五月天同梁靜茹 幫唔幫到佢呢 佢就話佢隻《為愛而生》都差唔多聽到爛了 ~ 真係咁吸引
其實 o係TVBS睇過佢地個《為愛而生》live ~ 不過梗係唔話佢聽啦 ~ 因為佢冇無箭收費電視 怕佢知道唔開心啦 ... ... 近排大狗做緊咩呢 ~ 好似唔多見佢上網 message亦一樣唔多覆 ~ 係咪有心事呢 定係唔開心呢 ~ 希望佢只係忙啦 21日 Wed 01:49:14
>>March 22, 2007 at 12:42:31 AM GMT+8
2007 年 3 月 19 日 星期一 【陰晴不定】
曾 蔭 權 乍 聞 3.18 即 走
社 民 連 搶 咪 泛 民 爆 內 訌
市 民 高 喊 團 結 呼 籲 勿 搞 事
政 府 漠 視 民 意 示 威 者 殺 入 天 星
 
如果尋日冇睇《尋找快樂的故事》 都可能會去遊行呢
財 爺 ： 如 非 有 合 理 懷 疑 不 能 拒 收
有 商 舖 謝 絕 00 年 02 年 匯 豐 金 牛
少 用 右 腦 90% 港 人 自 覺 記 性 差
專 家 ： 打 麻 雀 飲 豬 腦 湯 有 補 益
左 腦 主 邏 輯 右 腦 管 藝 術
父 母 動 粗 子 女 有 樣 學 樣
新 學 年 本 地 課 程 須 讀 中 文 中 學 法 文 教 育 改 制 下 將 消 失
為 考 空 姐 兩 年 前 練 兵
原來國泰未來會請多九百名機艙服務員同三百個地勤人員呢 ~ 尋晚睇新聞 有個個樣真嚇人 ... ...
翠 華 無 間 道 大 爆 餐 廳 奇 聞 軼 事?! ~ 乜出面o的翠華咁勁o既咩 ~ 成日有大明星光顧的 ~ 寡人只知隔離大興有間乍 ~ 大興o個間唔算高檔掛 ... ... (只係知單係大興已經有五間中學 ~ 所以一定好多學生幫襯)
翠 華 飲 食 指 南
‧ 三 文 治 ： 麵 包 好 易 變 腍 ， 上 時 唔 夠 鬆 軟
‧ 凍 檸 茶 ： 甜 得 滯
‧ 紅 豆 冰 ： 經 常 有 客 投 訴 紅 豆 唔 夠 腍
‧ 綠 茶 雪 糕 紅 豆 冰 ： 用 個 細 兜 裝 住 ， 20 秒 食 完
‧ 竹 蔗 茅 根 蜂 蜜 雪 梨 茶 ： 似 竹 蔗 水 ， 冇 乜 雪 梨 味
‧ 魚 蛋 河 ： 魚 湯 雖 然 係 用 魚 骨 熬 ， 但 師 傅 都 落 唔 少 「 調 味 料 」
‧ 牛 筋 腩 麵 ： Eason 最 愛
‧ 沙 嗲 牛 肉 公 仔 麵 ： 牛 肉 味 道 可 以 ， 但 唔 夠 嫩 滑
‧ 瑤 柱 雲 吞 麵 ： 雲 吞 餡 無 瑤 柱 ~ 資 料 來 源 ： 綜 合 香 港 討 論 區 「 翠 華 小 二 」 間 諜 報 告
紀 律 部 隊 人 員 多 愛 用 美 津 濃 (Mizuno) 跑 鞋 掀 熱 潮
原來美津濃英文係(mizuno) ?! ~ 咁可能以前都買過呢個牌子o既鞋著喎 ~ 原來係日本牌子?! 但就唔係好記得個logo係咁樣o既
代 理 美 津 濃 的 東 京 體 育 用 品 公 司 發 言 人 Jessica 說 ， 徐 步 高 穿 的 Maximizer 型 號 屬 入 門 版 ， 價 錢 大 眾 化 ， 但 已 較 一 般 球 鞋 輕 ， 有 助 增 加 步 速 ； 現 時 版 本 外 形 與 該 2000 年 版 略 有 不 同 。 (輕?! 只記得 近年o黎買o既n對鞋都好似好重喎 ~ 包括Mizuno牌子的)
孭o左咁多年背囊 ~ 其實都想買番個單邊袋「咩」下 ~ 但原來徐步高犯案時都係孭住個單邊袋的 ... ...
原來個大家姐 今個星期就uniform test喇 ~ 成日以為係四月添 佢個妹就真係月尾
青松先係下個月 ~ 所以雖然今日帶o左本好有趣o既「通識」畀佢地睇 ~ 佢地都冇時間睇喇
(估唔到)今日已經特登六點三上到去 ~ 結果都係畀佢地搞到遲走 都係睇唔晒成集明珠台播o既日劇 ~ 被個Hi - Fi 同搖控搞掂o左 ~ 仲以為一樣係kenwood出品就差唔多添 ~ 但點解好似冇o左個manual掣架 ... .... 點解最近覺得好似同circle o既距離愈來愈遠咁o架
日 商 HIROTA 回 收 16 款 食 品
專欄 : I'll get the job dumped 00:09:29 00:56:59 20日 Tue 02:28:06
>>March 22, 2007 at 12:40:33 AM GMT+8
2007 年 3 月 18 日 星期日 【微冷】
可惡呀 ~ 原來嘉禾'VIP' (咩叫VIP先) o既買一送一coupon 係唔可以用(正場票價)o黎買一張正價飛同早場飛的 ~
等人地 九點幾咁早去到戲院 ~ 明益你 唔五十蚊買一百蚊o既飛 買八十五蚊o既飛啦 ~
結果「迫著」睇三場戲 ~ 頭場四場 第二場三院 ~ 又唔畀人 o係入口行過去三院 要行一大段路出商場再入返戲院範圍搵三院 都真係幾可惡 ~ 又多一個唔鍾意旺角嘉禾o既原因
個售票職員 初頭仲話張coupon 一定要買同一場o既戲票 ~ 玩咩 o係青衣嘉禾入會時個職員話就算買唔同日子o既戲飛都得喎
不過今日 三、四、五院 除o左 前面都有個人頭 o係前面一行 或前面兩行樣下樣下 阻住晒之外 ~ 感覺上冇第一次去旺角嘉禾咁差 ~ 總算加番少少分 冇咁反感
但家住非58X / 59X / 67X 沿線 ~ 離開新世紀廣場 搵車站都幾苦 (唔同o係旺角百老匯 / 朗豪坊)
o係太子道西 一直向西行 行呀行 行唔知幾多個街口先到彌敦道 一轉出彌敦道就見到架66X 準備o係弼街開走 就一直走呀走 走多幾個街口 先到下個站塘尾道 ~ 好彩 都總算上到車
同朝早差唔多 都係七、八個字 就落車 ~ 朝早o個程仲係未試過咁快 ~ 七個字就到旺角警署了
但早知係咁 就試下去機場食o左o野先啦 ~ 下晝o係Pizza Hut 買o左件Pizza ~ 細件度呢 (唔係大批o黎的 ~ 係普通批size o既一件) 機場間famous famiglia 一樣係廿蚊 ~ 仲大件過佢大批呢 ~ 終於發現到 機場比市區 / 市面 平o既美食
今日o係旺角嘉禾睇o既三套戲 一套好睇過一套 ~ 佢o地就係'300'、'愛與淚相隨'同'the Pursuit of Happyness' (明明個戲名係特登串錯字的 ~ 但張戲飛都係要串番o岩 ~ 寫happiness ~ o者係錯啦)
'300' (戰狼300) 畫面就夠晒吸引 ~ 但戲情 / 故事 大部係用畫面交代 而唔係用文字或對白 ~ 所以120分鐘都係好短 ~ 同可能係太早 ~ 好似有時恰著覺 ~ 雖然周圍o既影評都話佢好睇
＊其實呢套戲咁血腥 ～ 電檢處應列佢做三級片呢 ～ 唔通發行商唔得罪得?
咁過幾日上畫o個套 Mel Gibson 導演o既Apocalypto 係三級喎 ~ 係佢比300仲血腥暴力定係題材敏感 定抑或係Gibson 好「恰」呢
阿童牧影評 : 《 戰 狼 300 》 暴 力 美 學 巔 峰 作
《 阿 波 卡 獵 逃 》 活 人 祭 天 米 路 血 寫 瑪 雅 受 難 曲
《愛與淚相隨》(台譯《淚光閃閃》)(《涙そうそう》) o既拼音係Nada Sou Sou 但查本字典又發現「涙」o既拼音唔係nada喎 而字典上寫「哥哥」(onisan)亦當然唔係'Nee Nee'啦 ~ 睇日劇都唔係咁講 今次係第一次聽到
一樣係百二分鐘 ~ 不過唔覺唔覺 原來o係戲入面已經過o左幾年了 ~ 而戲入面 除o左呢對「兄妹」同佢o地o既父/母之外 就真係冇人知道佢o地o既真正身份 ~
戲名有個「涙」字 ~ 結果 真係有好多觀眾眼濕濕離場
今日睇三套戲都係睇晒o的字幕 ~ 而呢套仲係o的觀眾乖乖坐定定睇credit ~ 事關 字幕寫住「結局未完 ... ... 」
如果睇埋 《怪俠多羅羅》 咁就兩套戲都係妻夫木聡 做的了
(係真唔係呀 171cm 先得55kg?)
上次睇《太陽之歌》又係有塚本高史 今次都係 仲要兩套個女主角都係叫"Kaoru" 不過一套就譯做「薰」 一套就譯做「香」
好奇怪
對上一次睇長澤 まさみ 做戲 (『世界の中心で、愛をさけぶ』)都係有主角死的 ~ 莫非佢鍾意做呢類型o既戲? ~ 更奇怪o既係 佢同 妻夫木聡 呢對「兄妹」原來係一樣高的 ~ 其實長澤 まさみ好似仲高少少添
反而麻生久美子(飾:稲嶺恵子) 就只有162 但睇落三個人好似差唔多高
但可以講o既係 成套戲o既氣氛都好好 o的攝影同風景都唔錯 [片尾曲亦好聽 ~ （作詞：森山良子・作曲：BEGIN）] ~ 起碼唔會好似'300' 咁用咁多電腦特技 片尾有n咁多間公司同套戲visual effect呢
頭場九點十 第二場十二點 兩點就完場了 ~ 就過信和 以為會拎到訂o左o既Ueto Aya 新碟 ~ 點知間o野話未有 最快過兩日 ~ 唔知會幾錢呢
其他舖頭 見到最平o既賣398 最貴賣480 要海報另加50 ~ 怕到時間舖貴過398呢 ~ 真係有o的想叫個老板退番o的訂金畀我呢 ~ 下星期再去信和 如果冇晒特別版 會好唔開心的
間398 就冇再賣夏帆 (女王的教室 ~ 神田和美個家姐) 本寫真集 ~ 佢話轉o左版 但估唔到佢樓下o既一間舖頭有得賣 不過裡面原來一張劇要都冇的
另一本有夏帆相o既雜誌賣210 ~ 好似有DVD ~ 另一本就有埋福田麻由子 (女王的教室 ~ 進藤光)
好想買 但冇買 ~ 因為都要百幾蚊 ~ o的雜誌售價 ~ 唔係跟匯率的 ~ 係乘零點一以上 ~ 真係救命
CD 有時會 有時就唔會
* o係信和 竟然見到蔡?敏(Joan)呢 ~ 原來佢真係o係陳黃?芳任職 ~ 但唔係做教師係做TA ~ 自己問人記唔記得自己 ~ 但自己就記錯o左幾時同佢做同學 ~ 以為係中五 其實應該(似乎)係預科呢
失意離開「信o左」之後 ~ (o個間舖頭隔離再隔離間 'July Records' 今次又唔係後生仔看舖 ~ 係個阿叔 ~ 點解呢 ~ 想搵碟好難個喎)
已經三點幾 要快快趣趣搵o野食 ~ 就o係Pizza Hut 買o左o個件超細pizza ~ 加三蚊多碗湯
但如果頭先散場o係美食廣場開餐的話 就多選擇好多 同經濟好多了
最後都係返去 美食廣場食o左件pizza (真係 ..... 傻) ~ 好難搵位 ~ 結果揀o左o係 對夫婦隔離 ~ 原來佢地一直專注o係玻璃窗外o既仔同佢o地表弟 玩耍 ～ 不停就講個仔個表弟同個表弟爸爸o既壞話
個太太見到人地食o野 就想買o野食 問個老公食唔食 ~ 個男o既就話只想飲o野 ~ 初頭兩人都好地地 ~ 但個老婆返到o黎 個仔就行入o黎 傾o左陣 之後個女o既唔小心倒瀉o左杯檸蜜之後 個老公就即刻大發脾氣 ~ 前後真的判若兩人 ~ 而對面o個兩張 開頭話有人o既檯 ~ 我食完走都未見佢o地o既人o黎 ... ...
開場前去o左大眾睇文具 ~ 原來佢都有得賣商務o個款 膠片放大鏡 ~ 如果人地個妹乖呢 就可以考慮送畀佢 唔係就自己要番 .. .. .. 哈哈 ~ 不過畀錢時就差o的搞到遲入場了 ~
但原來今次優先場之前 係冇電影預告的
《尋找快樂的故事》 (the Pursuit of Happyness) 故事發生o係1981年 (寡人出世o個年 ~ 原來夏帆細自己差唔多十年呢)
Chris Gardner 唔知係咪真名呢 ~ 片尾講述佢千辛萬苦捱過六個月實習期後 終於得到「快樂」後 的2006年 成功將佢87年成立的公司 Gardner Rich o既部分股份出售 獲利數千萬
寡人曾幾何時做數都(應該)好似佢咁叻的 ~ 亦係覺得自己細個時候叻o的 出色o的 ~ 開心o的
亦唔會好似大個後 要靠其他外在事物來得到 'happiness' ~ 唔知 寡人尋找快樂的故事係點o既呢?
故事主人翁28歲時 個仔已經5歲了 ~ 所以 Christopher 家下已經30 / 31歲了 唔知佢又會唔會重演佢爸爸pursuit happiness o既故事呢
而香港人又會怎樣去pursuit their happiness呢
套戲 其中一個重要角色係「bone scanner」 ~ 經常被那流浪漢稱為'time machine' ~ 其實睇呢套戲 就真係有o的似置身o係時光機之中呢
相信美國觀眾可以睇到八十年代o既街景同唐人街風貌之外
各地觀眾亦應該可以從故事中 回憶自己的得意 / 失意片段呢 ~ 呢套戲可謂今日三場戲中最好睇的
(冇因為 手渣住o既係 買一送一coupon 而走去豪畀o個套王晶o既《美女食神》似乎係明智o既決定呢)
音樂亦唔錯 (300係得credit時的配樂做得好 ~ 但都不過其中三數十秒) 選曲亦唔錯 ~ 片尾曲原來係Seal唱的 (歌名唔記得) ~ soul / blues / jazz 版Bridge Over Troubled Water 亦幾特別 (有feel得來又不會搶耳 / 吵耳)
戲名唔知點解會串錯做Happyness (唔通八十年代o既美藉華人英文差) 片中有解釋Happy + ness 其實應該係happiness 唔係happyness 但既然人地戲名係y 唔係 i 但張飛竟然用番i 就即係錯啦 ~ 呢個就更加難明 ~ 真係想知其他院線會唔會都係恁
一日未病好 要pursuit happyness 可能係談何容易 (「降低」要求 ~ 唔好惡化? ~ 呢個都難 / 學生成績步步高升? 呢個似乎易o的 ~ 但都唔係個個鍾意讀書的 ~ 鬧又唔係 打又唔係 ~ 又冇阿久津真矢咁本事)
去pursuit 66x 亦不是易事呢 ~ 追車追得幾辛苦 ~ 走慢一步都要等多班車了 ~ 又見到佢到唔畀佢追過 都唔知跑o左幾多個街口呢
 
如 何 分 辨 1000 元 港 幣 真 假
偽 鈔 知 識 Q&A
天 氣 反 覆 周 二 跌 至 14 ℃
政 府 殺 校 白 費 公 帑 6.93 億 ~ 鮮魚行學校 再見了
官 恩 娜 轉 愛 純 品 男
 如果尋日去荷里活廣場可能會見到官恩娜喎
>>March 19, 2007 at 2:12:34 AM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
正話(過o左)九點 如常咁扭開叱吒903 ~ 以為自己係聽間《組Band時間》 點知 ... ...
