|
2007 年 2 月 4 日 星期日 【晴】
 
 
 
 
是日「立春」
>>February 1, 2007 at 1:01:12 AM GMT+8
2007 年 2 月 3 日 星期六 【晴】
姑 姐 拒 照 顧 女 嬰 「 你 想 死 ？ 我 仲 想 死 呀 ！ 」
但要數到本世紀最被受關注o既新聞 應該係以下呢(幾)單了
聯 合 國 預 警 全 球 暖 化 危 機 環 保 組 織 擔 心 ： 港 將 無 冬 天 海 水 淹 中 區
本 世 紀 末 氣 候 難 民 2 億 人
 
禍 首 油 公 司 拒 投 資 再 生 能 源
近 年 全 球 暖 化 為 題 材 電 影
未 來 水 世 界 （ WaterWorld ）/ 明 日 之 後 （ The Day After Tomorrow ）/ 冰 河 世 紀 2 （ Ice Age: The Meltdown ）/ 絕 望 真 相 （ An Inconvenient Truth ）
《未 來 水 世 界》 （ WaterWorld ）上 映 年 份 ： 1995 年
內 容 簡 介 ： 地 球 氣 溫 不 斷 上 升 ， 令 冰 山 融 解 淹 蓋 陸 地 ， 人 類 只 能 居 住 在 漂 浮 海 上 的 人 造 島 嶼 或 廢 棄 船 艦 上 。 為 尋 找 傳 說 中 的 「 地 」 ， 海 盜 與 半 人 半 魚 生 物 展 開 激 戰 。
《明 日 之 後》 （ The Day After Tomorrow ）上 映 年 份 ： 2004 年
內 容 簡 介 ： 地 球 受 全 球 溫 室 效 應 ， 進 入 另 一 個 冰 河 時 期 。 多 個 天 然 災 害 包 括 巨 大 冰 塊 從 南 極 冰 層 上 脫 落 、 冰 雹 侵 襲 東 京 、 美 國 大 部 份 國 土 一 天 內 變 成 冰 天 雪 地 ， 人 類 面 對 天 災 束 手 無 策 。
《冰 河 世 紀 2》 （ Ice Age: The Meltdown ） 上 映 年 份 ： 2006 年
內 容 簡 介 ： 活 於 冰 河 時 期 的 動 物 本 來 過 寫 意 的 生 活 。 氣 候 變 暖 令 冰 塊 融 化 成 洪 水 淹 蓋 他 們 的 樂 土 ， 動 物 們 向 預 言 中 的 方 舟 遷 徙 ， 主 角 們 一 路 互 相 扶 持 、 鬥 嘴 。
《絕 望 真 相》 （ An Inconvenient Truth ）上 映 年 份 ： 2006 年
內 容 簡 介 ： 美 國 前 副 總 統 戈 爾 （ Al Gore ） 穿 州 過 省 ， 向 普 羅 大 眾 解 釋 溫 室 效 應 的 影 響 ， 一 張 張 相 片 顯 現 的 狀 況 令 人 心 寒 ， 希 望 起 警 惕 作 用 並 謀 求 方 法 阻 止 末 世 災 難 降 臨 。
10 大 勝 景 大 浪 西 灣 最 迷 人
去 年 開 幕 濕 地 公 園 位 列 第 三
           
用 EPS 增 值 八 達 通 遭 扣 錯 數
有見及此 ~ 八達通公司決定暫停EPS增值服務 ~ 但現金增值服務則維持正常
本來今日打算睇完《太陽之歌》再睇《血鑽》
但睇完前者後 因為唔想破壞套戲o既氣氛同心情 所以決定或者下星期先睇《血鑽》
之不過番到屋企 睇《午夜太陽》就發覺可能比《血鑽》更恐怖 或至少在人性刻劃上更「細膩」
查實《太陽之歌》的英文不應叫Midnight Sun呢 或者《午夜太陽》的英文才不應叫Midnight Sun?!
好耐冇睇過咁感人o既戲了 ~ 而且那位飾演雨音薰的Yui 雖然只得19歲 但應該係音樂天才啦 ~
但套戲最搞笑o既 就係女主角爸爸除o左超後生外 就係個樣似鄭浩楠 媽媽就似關之琳
好奇怪 ~ ~ 所以如果唔係見到o的日本景色 可能會以為唔知邊個香港新晉導演水準咁高
《太陽之歌》導演小泉德宏好似先得廿五歲乍
睇完套戲 真係有o的衝動想去買soundtrack 或買番o的Yui出o既碟 ~
之後去o左許留山食龜苓膏 叫佢畀凍的 但就拎o左盅熱o既o黎 不過食完 番到屋企再食o的咩咳水呀恁
都冇用o既 ... ... 都仲係咳 ~
屋企仲高o左個濾水器添 ~ 阿媽有個朋友做小麥草推銷的 本來想要佢買一個三千幾的 ~ 話可以分期付款
不過阿媽就去o左百老匯買o左個Philips HD3802 八百零八蚊
但o係裝落個水龍頭度時 出問題 ~ 阿爸同阿媽仲嗌大交添
... ... 其中一款套落水龍頭度o既零件 裝了上去 發覺裝錯但拆唔到出o黎換另一款再試
想拎返去換又唔畀換 ~ 但好彩百老匯o的職員都搞得到 ~ 唔係就八百幾蚊付之流水了
裝好後 ~ 阿爸想煲水 ~ 點知就話o的水仲濁過以前 ~ 原來唔用一排要放水幾秒至幾分鐘 過清o的水先可以用的
但過濾過o既水真係可以就恁飲 ~ 太耐冇試過恁做了 ~ 以前小學都敢o既 ~ 但o的東江水實在太得人驚了 ~ 但查實未出世都飲緊了
聽日可能睇多次套《太陽之歌》呢 ~ 但如果係六點二場巴倫紐睇就好夜先返到屋企了
仲唔知有冇錢食o野添 ~ 同埋病成咁 但要同白白豬散心呢 ~ 但聽日如果阿妹真係買printer返o黎實嗌大交了 都唔知擺邊
>>February 4, 2007 at 12:41:43 AM GMT+8
2007 年 2 月 3 日 星期六 【晴】
Are you kidding?
戲 票 資 料
戲院名稱 巴黎倫敦紐約荷里活戲院
電影名稱 血鑽
放映日期 Feb 3 2007
放映時間 9:30PM
放映影院 影 院 1
票價單價 $400.0
每票附加費 $5.0
每票總金額 $405.0 http://www.cel-cinemas.com/SelectSeat.jsp
>>February 3, 2007 at 3:11:12 AM GMT+8
2007 年 2 月 3 日 星期六 【晴】
 《黑色太陽》
故事大綱
男主角立花篤的父親因替朋友做擔保而被高利貸追債，導致自家經營的工廠倒閉，父親更因遭逢劇變而昏迷不醒。失業的立花為了錢迫不得已到新宿歌舞伎町當夜店服務生。立花為新人陪酒女郎千鶴仗義執言而被主管痛打、更受盡店中的陪酒女郎羞辱……
為了父親的住院費，立花發誓要在黑夜世界爭一片天。而當他得知千鶴有著跟自己相似的經歷後，決心要令千鶴成為夜店的頭牌。與此同時，「風俗王」藤堂社長亦有意提拔立花當新的店長，屬於立花的新時代即將來……
本劇改篇自新堂冬樹的同名暢銷小說，其後漫畫家笠原倫也將故事改篇成漫畫。描寫日本的風俗業，題材大膽創新，是繼《夜王》後又一部探討日本夜生活的作品；劇中所涉獵的社會現象較《夜王》更為廣泛，在日本播出時引起不少迴響。
《黑色太陽》高踞當季深夜電視劇時段(23:15-24:10)的收視冠軍，最高更奪得12.2%的驕人收視，成為該時段有史以來第3位高收視的電視劇。值得一提的是第1,2位的電視劇同樣是永井大有份參演的劇集。
卡士方面，擁有185cm健碩身型的永井大，學生時代已被發掘參演《未來戰隊》等「超人系列」的電視劇，現已是一位獨當一面的男演員。曾參演作品有《鬼嫁日記》、《特命係長‧只野仁》等。至於模特兒出身的井上和香，活躍於日本的廣告，電視及綜藝界，《黑色太陽》是她繼《鬼嫁日記》後再度與永井大合作的劇集。http://pctv.netvigator.com/admail/mail/74036614/74036614_thx.jpg http://pctv.netvigator.com/admail/images/event/mve_m_protege/popup.jpg
>>February 3, 2007 at 2:53:26 AM GMT+8
2007 年 2 月 2 日 星期五 【晴】
 
宣 傳 新 卡 通 掀 波 士 頓 恐 慌
 
廣 深 子 彈 列 車 最 高 速 250km/h
《頭條新聞》好o野呀 ~ 森哥(吳志森)話「我要做好呢份工!」o既英文版"I'll Get The Job Done!" 最重要在於個'Done'字
因為上一任都done唔到 Do Did --> 就Gone o左喇 曾志豪就話'Done'同「燉」只係一音之差 ~ 故「阿Sir」(意指曾特首)便彷彿如履薄冰
不過就打死都唔會信阿曾生今朝o係七十分鐘就回答o左七十幾名選委o既一百條書面提問 ~ o的提問都係經梁振英把口提出的 .. .. .. 長毛踩場無功而回 好些選委選直接提問又被拒 ~ 原來這就叫做「民主」了 ~ 是民是主,應該看清楚了吧
唔知五點幾打o黎o個個家長(好似叫黎小姐)係o係邊度見到寡人張告示呢 ~ 大興? 富健? 新墟? (佢話佢o係屯門o麻) 但佢話再諗下先 係因為地方問題? (大家都住屯門呀) 時間問題? (上晝班 早o的都可以丫 不是嗎?) 定係價錢問題呢? (小五 六、七十蚊唔算高價錢掛? 人家可是有多年經驗的啊!)
如果早幾日收到電話就好 ~ 但如果舊墟o個個唔駛補 今日應該接得成的 .. .. ..
commisson 實在太高了 ~ 有三份都未畀commission的
柴灣小西灣富怡花園
中三 (女), 中中, 日, 10am-12pm, 英, 數, $110/hr, 第一堂時間3/2/07, 8-10pm
如果可以改晏晝都唔錯呀 ~ 不過因為聽日想睇戲 ~ 一定趕唔到第一堂8點去到小西灣 ~ 除非博《血鑽》未有耐落畫 ~ 但如果係恁o既話 就算家長肯星期日改晏晝 ~ 星期日就恁就冇o左lu
仲可能趕唔切五點半返到屋企攤抖 / 睇日劇了
但查實 ~ 尋日大興個家長可能都會有學生介紹啦 ~ 唔駛諗咁多啦
始終錢係搵唔晒的 ~ 如果夾到好似人地出面o的打工仔恁 一星期四十四個鐘 ~ 就搵到都可能冇命享了
重冇晒娛樂添 ~ 起碼今晚一定唔可以一家一齊睇《同一屋簷下》大結局 ~ 結局寫得唔錯 ~ 但如果唔聽話 就可能好似利奈小姐恁被病魔搞掂o左lu
真係日日都有車禍 ~ 尋日一個廿七歲女電單子司機死亡 ~ 今日又有廿四歲男子懷疑非法賽車撞車亡 點會恁架 .. .. ..
午間新聞見到方健儀個look好唔掂 ~ 另外仲依然見到吳先瑩 但就唔覺有郭詠琴喎 ~ 莫非 .. .. .. 遲o的會o係西鐵見到佢?!
原來秦煌真名好似係叫梁日雄定梁日成呢
今日o的副作用都少o左喇 ~ 之但係點解會咳呢 ~ 本來朝早想去食薯餅都冇食到啦
但想去食龜苓膏都一樣冇食到 ~
「邊度拜年都咁順」? ~ 行返屋企時見到架開蓬老爺九巴 (大水箱) AD7452 車頭印著這句說話 (但無啦啦駛架恁得意o既巴士 ~ 而除o左司機就冇乘客了 ~ 為乜呢?!)
因為星期三那致命交通意外 ~ 起好成年 一直未開放o既錦壆路終於落實下星期一通車
但亞視梁家榮竟然將「敢博路」讀錯 (讀錯咩寡人竟然唔記得o左 ~ 上網又睇唔番)
樓下間惠康 究竟將人地張告示擠去邊呢 ~ 問佢地有冇告示紙 搵好耐都話搵唔到 ~ 之但係明明就巢o左成大箱告示(其他人登的)又唔擺埋一齊 ~ 擺o左去個收銀機底郭惠蓮
算點喎
>>February 2, 2007 at 11:03:48 PM GMT+8
2007 年 2 月 1 日 星期四 【陰】
續「驚喜」:
今日最驚喜就是 好似冇見一排o既方健儀 今日「坐正」做無箭午間新聞主播呢
而盛傳二月唔做 (做埋一月)o既吳先瑩今日都仲有新聞報導
仲有就係坐西鐵時見到羅暉翔過o左有線 同亞視李嘉怡一樣都係報導廣深高速鐵路 (子彈火車)
唔知無箭又派o左邊個報導呢
至於今日報章頭條當然就無甚驚喜啦 .. .. ..
踏 單 車 上 學 捲 入 工 程 車 底 男 童 頭 爆 慘 死
億 元 新 路 遭 棄 用 被 指 意 外 根 源
 
大興個新學生都應該幾易相處
本來見佢請o左兩日病假 驚追唔上 就打算同佢補耐o的o既
但因為自己都唔舒服 所以就都係冇恁做
而家o的媽媽真係後生呢 ~ 想她一定沒有三十五歲呢 敢秀那兩姐妹o既媽媽一樣冇四十歲
就連新聞上那慘劇的媽媽 多次結婚 亡子十二歲 她也不過三十七歲
但那大興學生雖然看似不高 但個樣同內心就應該很成熟了 父母一高一矮 幾得意
兩姐妹家姐 五點先打返屋企話o岩o岩走 ~ 幾驚佢趕唔切返o黎呀 ~ 好彩 結果六點二就極速返到了
本來打算屯門站落車 就食兩個榮華老婆餅的 ~ 但元朗站有冇開唔知 ~ 屯門站o係河田o個邊出
結果就o係聖安娜買o左個腿蛋包 ~ 都唔好食o既 本來想買馬拉糕 ~ 話冇熱有凍 ~ 點知都係冇 ... ...
下次可能上樓上食叮飯好了 ~ 聖安娜年糕、蘿蔔糕 用恆生咭有折 但買黃金糕冇折 唔係就叫阿妹買
榮華又冇呢o的賣 唔係就可以用中銀咭了 聖安娜個職員收舖打掃時的動作太唔小心了 不過就唔知叫咩名
>>February 2, 2007 at 1:31:35 AM GMT+8
2007 年 1 月 31 日 星期三 【陰】
 
嘩! 恁仲成世界o既?! ~ 之不過雖然係恁講 ~ 但阿媽上次執到o個張廿蚊紙
同佢每人用o個六個number度o左條六合彩 ~ 今次竟然首次中o左三個字
返到屋企 亦收到now.com.hk寄來的《太陽之歌》戲飛 ~ 之但係因為補完舊墟冇返屋企 ~ 唔係而家可能仲o係戲院呢 (唔係好似上次「平o左」恁樣要人特登出去拎飛 仲寄埋上門 ~ 唔錯)
元朗百老匯將會由今日o既五場改為聽日o既三場 ~ 如果要睇 可能要「迫著」星期六睇 ~ 本來想兩點半o係巴倫紐睇《血鑽》就可能要改為十二點三了
上now寬頻100台 仲參加o左《門徒》有獎問答遊戲 答中就可以得到二月十三號特別場門票了
唔知聽日可唔可以準時五點同兩姐妹補習呢 ~ 如果可以 仲可以準時八點到大興 準時九點 / 九點過o的走的話 就可能睇到元朗十點場了 ~ 不過就會睇唔到江口洋介o既《白色巨塔》了
《突圍行動》同《爭霸》一樣 唔係成日睇得到 ~ 但每次有機會睇都會覺得好心寒
尤其是前者都唔知邊個先係忠o既 (邊個未死o既係忠o既) ~ 太恐怖了 ~ 如果米雪那老謀深算的角色最後真的分別比兩個後生女算到的話 就真的不知是可笑抑或可悲 .. .. ..
《戰火旗蹟》聽日起 好多戲院都係得返一日一場
《太陽之歌》都係一樣 ~ 有o的院仲最後今日添 ... ... ~ 點解o的戲飛要咁遲先寄到上門呀
上個禮拜同再上個禮拜 都有買《新假期》 不過都係miss o左用封面條碼參加網上抽獎o既時期 ~ 唔係o既話 唔知又會唔會中獎呢 .. .. ..
看來 寡人又o係度發夢了
今日 都可能有兩個人或兩班人發緊夢
第一個係早上太約八點o係錦綉車禍中 以為自己渣住架貨頗車拖頭就惡晒o既四十三歲司機
而因為他成為輪下亡魂o既十二歲中一學生也可能係發緊夢 ~ 他和他哥哥的行車路線似乎不太與他們就讀的學校相乎呢 ~ 除非無線幅圖係畫錯啦
真不知從何說起
同一時間 ~ o係早上十一時許睇到這宗驚人新聞的寡人也可能發緊夢以為呢單新聞定必會成為明日o既報章頭條
但看來是看錯了
事關 到下午一時許 又有另一單大新聞發生 還有現場直播呢
就係大律師公會主席兼公民黨成員梁家傑終於取得一百一十一名選委提名 可以正式參選三月廿五號o既特首選舉 成為候選人 挑戰曾蔭權了
另一方面 ~ 寡人今日就多次被以為拎住部3G手機影相 ~ 查實人家不過是在看流動電視新聞罷了
那些誤會寡人的人 (男女佬少) 可不轉3G 一起用手機看新聞 體會一下被誤會o既感受
真係好想喝一句 ~ 你/妳以為你有咩好影呀? 或拎著個畫面 (連聲音) 說這是你的專容(這是你個樣) 或這是你把聲嗎?
不要逗我笑吧 ... ... 簡直火滾 ~ 又怕被影 又要鬼竄地看人家的手機螢幕 (人家已經特登不用耳筒了 ~ 用了耳筒就以為真在看片 / 聽歌 / 傾電話或打機嗎 ~ 也可以影相的啊 ~ 好笑!!)
不用耳筒 諸君不就會聽到來自這部垃圾手機的微弱聲音 知道這不是在拍照了嗎?! ~ 難道你們全都是撞聾的嗎?! 如果係 就算喝你們也沒有用啊 ~ 對嗎?!
尋日o係市中心買完隻謝安琪 《The First Day》後 返回屯門站 就在505上玻璃門的倒影看到一個貌似中學同學李澄輝的身影 ~
之後仲發現那位不停在舞其手上之Nokia N73的男子 ~ 原來是同寡人同一個站落車的 ~ 原來他真的是李澄輝呢 還沒有搬屋呢
之但係眼見人家一身筆挺的西裝 與及看來十分高大 (而不是以前那種肥胖感覺後) 就繼續汪視著玻璃門的影子 而最終沒有打招呼 ~ 何況 以前讀書時都唔係咁熟
Form1 看他與趙正偉、梁「歡」等表演時 (因為不同班) 還以為他們是form 2 / 3 的師兄師姐呢
始終 實力係差幾皮o麻 ~ 加上自已有病 ~ 又費時 (廢時) 同人解釋 所以都係作罷
講返睇戲 ~ 其實今日打完針後 都有少少「暈下暈下」 ~ 可能都未必睇到呢
... ... 可惡 ~ o黎緊再次覆診仲去到二月廿一號 而唔係二月七號添 ~ 十四號都係返去抽血 ~ 可能真的是(有病的)人太多了
到午夜余奕彤報新聞時 再見不到無箭那「精美」動畫了 ~ 所以也真不知到事發情況是怎樣呢 ~ 怎說好呢 ~ 政府起好條新路都唔用 ~還被一些花農霸來放年桔 ~ 也太令人髮指了吧 ~ 悲劇其實或許能避免的
『我們不需要驚喜 怕從此一嚇不起』 ~ Beyond 《驚喜》
書 商 行 鳳 凰 山 失 蹤 三 日 百 警 陸 空 搜 索 未 見 蹤 影
32 公 斤 米 粉 天 橋 飛 墮 險 殺 人
今日最後一個驚喜係 十點半覆完診 可以趕返屋企看《日日有運行》 而在車上看到手機上播放的now財經台新聞報導結尾時看到的維港兩岸景色 原來不是真的
明明今天的API過百 ~ 路邊更可能過百五 *所以都冇諗住行路返屋企
但竟然看到那個畫面係有一半被藍天白雲佔據了 ~ 到點半時再看到張鷺玲主持新聞時 在終於這度那一幅美景其實是一幅「加o左soft lens」o既畫 .. .. .. 矇矇矓矓 ~ 但在手機看到時就真的被攝住了 00:33:58
>>February 1, 2007 at 12:50:06 AM GMT+8
2007 年 1 月 30 日 星期二 【颳風】
  真係唔知點分喎 ~ 不過就算分到 ~ 真同假都係唔好食好o的
髮 菜 產 生 BMAA 如 慢 性 毒 藥
BMAA 是 人 體 吸 收 「 甲 胺 基 酸 」 後 產 生 的 代 謝 物 ， 被 視 為 破 壞 中 樞 神 經 的 神 經 毒 素 ， 部 份 醫 學 文 獻 稱 之 為 「 慢 性 毒 藥 」 。
中 文 大 學 生 物 化 學 系 副 教 授 陳 竟 明 解 釋 ， 人 體 會 從 蛋 白 質 的 食 物 吸 收 胺 基 酸 ， 產 出 的 代 謝 物 會 被 排 出 體 外 。 髮 菜 隸 屬 的 藍 藻 菌 類 植 物 則 含 「 甲 胺 基 酸 」 ， 神 經 細 胞 可 能 未 能 識 別 其 代 謝 物 BMAA ， 因 而 沒 有 排 出 體 外 ， 遺 害 神 經 系 統 。
中 醫 指 適 合 長 者 通 便
日 本 髮 菜 代 替 品 宣 稱 抗 癌 真的嗎?
真係咩新聞都有 ... ...
   
  
 
 
黑 色 1.28 四 個 巧 合1. 許 瑋 倫 死 亡 日 期 / 2. 美 容 書 死 亡 預 告 / 3. 死 神 筆 記 的 巧 合 / 4. 玉 女 前 輩 撞 車 亡
今日打日記打得好唔開心 ~ 寫咁耐(成個鐘)都未寫到一行字
我買o既雜誌你問都唔問就拎o黎睇 今日買隻CD又一拆袋就畀你拎o黎舞o黎舞去 又話要save入電腦
唔借畀你就半夜開音樂開到鬼咁大聲 想聽收音機或睇電視都聽唔到聲
仲要同人傾電話傾到鬧交
兩姐妹又成人dum人時間 ~ 恁搞法 ~ o黎緊二、四唔可以五點開始七點走 ~ 點趕得切八點o係大興補習呀 玩咩
本來想睇一點九場《午夜太陽》 ~ 未出門口前又肚痛 又睇唔成 .. .. ..
真係好唔開心 ... ... ~
快o的嗌大聲o的啦 繼續嗌啦 ~ 最好快o的分手呀 好煩呀!
以為你開電腦係搵工 ~ 原來係想save歌?! ~ 仲話咩如果咁夜先上網 就唔知幾多點先有得訓?! ~ 妳幾時試過早訓呀 ~ 唔好再呃我喇
>>January 31, 2007 at 1:07:51 AM GMT+8
2007 年 1 月 29 日 星期一 【晴】
   
 
 
  
      遺 作 講 撞 車 巧 合 連 連
音 樂 才 女 紅 顏 薄 命
(轉載自「平o左日報」) :『許 瑋 倫 99 年 考 進 台 灣 淡 江 大 學 的 法 文 系 ， 大 學 三 年 級 時 毅 然 進 軍 演 藝 圈 ， 由 平 面 模 特 兒 做 起 ， 她 入 行 後 曾 希 望 成 為 歌 手 ， 可 惜 一 直 不 能 成 事 。 不 久 轉 戰 幕 前 ， 初 演 劇 集 《 十 八 歲 的 約 定 》 已 獲 得 金 鐘 獎 最 佳 女 配 角 提 名 ， 其 後 參 演 《 偷 偷 愛 上 你 》 、 《 紫 色 角 落 》 、 《 狂 愛 龍 捲 風 》 及 《 惡 男 宅 急 電 》 等 電 視 劇 ， 在 電 影 《 向 左 走 ． 向 右 走 》 也 有 客 串 演 出 。 頗 有 才 華 的 她 ， 曾 出 版 《 許 瑋 倫 的 蛋 蛋 日 記 》 、 《 許 瑋 倫 的 美 麗 7 堂 課 》 等 書 籍 。』
其實 她是誰 ~ 自己也真的不大真楚 ~ 可是呢 ~ 原來她有拍過《『牛精』花園》同最近無箭劇集台播緊o既《惡男宅急電》呢 ~ 後者仲一集都未睇過添
之不過就算係都係99年出道o既梁靜茹 寡人都係2002年先初聽過佢o既大名
不過佢o既離世 當然會令人覺得惋惜同傷感啦 ~ 她真的沒有帶安全帶 ~ 她的死真的和《死亡筆記》有關嗎? (原來《死亡筆記》現在才在台灣上映嗎?) 真的咁巧合 / 真的咁邪嗎? 但睇無箭娛樂台睇到o的台灣傳媒同個副院長係恁問埋晒o的白痴問題就真係 ... ...
如果真係關安全帶事o既 ~ 其實香港今日都有幾單(車禍)新聞同不小心有關的
另外 ~ 各位知唔知道真發菜好定假發菜好呢 ~
原來假o既有色素 ~ 真o既就有神經毒素
前者o的色素就都唔知係咩o黎(浸完水會唔會冇事?) ~ 但後者o既神經毒素仲可能係令到人患上柏金遜同老人痴呆呢 ~
既然真假難分 就真係唔食好過食了 ~ 如果真係會立法禁止販賣發菜o既話 可能係天下o既喜事呢
今日終於見到舊墟對兄妹o既媽媽了 ~ 原來真係同幅結婚相差得遠
兩兄妹又唔記得特別乖 ~ 真係有o的唔想補 ~ 而且人家也不肯加價 ~ 個做人媽媽的 (做o左咁多年人的) 個老公同奶奶都(似乎)知道個老師咩事 (咩病) 佢竟然一o的都唔知 ~ 吹漲兼谷氣
「敢秀」兩姐妹媽媽今日又說她的兩個女兒 因為怕太夜 所以都係決定唔會聽佢爸爸講 (o者係唔會過佢地爸爸度 ~ 即星期六、日先見爸爸)
補習時間冇變 真係天大喜訊 ~ 恁樣 就唔怕大興那個新學生夾唔到時間了 ~ 最多遲o的返屋企食飯o既o者 ~ 何況轉車時都可以o係元朗或者卓爾居買o的o野食 ~ 亦都仲趕得切八點開場
~ 不過聽日變返五點開始補就唔可以o係元朗睇《血鑽》了 ~ 但只要星期六巴倫紐都仲有得上 平廿幾蚊呢 你舖話法
兩姐妹成績表出o左 人地媽媽畀李sir睇o左家姐o既成績表 ~ 相比起一年級 真係大有進步呢 ~ design仲拎A添
但應該唔係全部都係李sir o既功勞啦 ~ 如果真係關李sir (寡人) 事 ~ 唔關得佢媽媽咁想留寡人了
但寡人都唔應「呃錢」 ~ 所以都一定要歸功於藝術造詣很高的李媽媽呢
《問題娛樂圈》同《日日有運行》o既時間實在太夾了 ~ 所以今日阿妹睇到估相時 ~ 佢阿哥就睇唔到《日日有運行》了'
不過就知道o左廿四歲o既華裔小姐冠軍陳法拉 原來係o係四川出世 但又識多國語文
PS: 好悶呀?!
晚間新聞由周嘉儀主持呀 ~ 唔通吳先瑩已經走o左?!
趙芍怡可能放假 ~ 所以朝早主播亞視24小時新聞o既*(竟然)係楊敏堯 ~
七點半至十一點竟然又可以見到Sunday蘆葦琪呢 ~ 阿媽今日問拍住佢o個個 (梁家榮)係邊個 ~ 佢話好熟口面 ~ 查實佢以前係咪無箭新聞o既人呢 張鷺玲今朝九點半踩到一點後 仲可以主持《環球薈報》呢 ~ 寡人今日竟然差o的寫錯個「融」字呢 30日 Tue 02:04:54 03:34:41
>>January 30, 2007 at 3:37:03 AM GMT+8
2007 年 1 月 28 日 星期日 【颳風】
趕 往 環 球 嘉 年 華 三 人 衝 出 中 信 大 廈
旋 轉 門 夾 腳 困 女 童 半 小 時
    
終於睇o左《時凶感應》喇 ~ 都幾好睇丫 ~ 其實冇咩矛盾地方 ~ 就算係都係自己唔明MetaPhysics o者 最唔明就係片尾 ~ 可能沉o左落水o既Danzel Washington真係已經死o左都唔定 (畫面冇交代)
如果係真o既 ~ 英文片名就更加配合了, 事關"Deja Vu" 是有「似曾相識」的意思o麻 好耐冇睇過o的咁「得意」o既戲了 ~ 有o的似睇"Paycheck"恁 不過Paycheck有條件做賀歲片,呢套就差少少
但配樂都唔錯呢 ~
返到精美想搵佢o既Soundtrack搵唔到 ~ 但A&B Sounds可能都冇 ~ 間舖好似細o左 亦唔見有好多日本碟
以前覺得間o野唔錯的 ... ...
精美都細o左 ~ 不過下星期日會o黎個大肚婆 ~ 衰在唔知個大興係咪夾到時間 又唔知堂星期日會點 ~ 會唔會改星期六
係o既就可以買返隻阿Kay o既《The First Day》就可以拎到佢個簽名啦 ~ 會唔會有記者呢
戴唔戴帽呢 ~
青衣呢個學生o既家長都唔錯 ~ 話每次補貼寡人交通費呢 ~ 如果真係o係青衣城轉車先會要來回三十蚊
唔係o既話o係葵芳轉小巴 來回不過廿二蚊 仲快o的添 ~ 但麥生麥太就話每次畀多三十蚊人地做交通費
同佢講來回不過廿蚊 但佢地就 ... ...
仲請人家吃早餐呢 ~ 問寡人食唔食雲吞 ~ 叫佢地唔好咁客氣 又話自己唔多食蝦 ~ 之不過佢就話今朝煮畀個仔食都有剩
點不知佢就煮o左碗 小雲吞 (菜肉) ~ 仲要係成包煮晒 (一包應該係八隻啦) 仲加o左少少麵
直情晏晝o個餐都慳返
下星期仲話加鐘添
之前o係旺角嘉禾睇戲覺得嘉禾好唔掂 ~ 不過今次o係青衣嘉禾感覺就好好
係片頭播o左大多恐怖片o既trailer ~ 如果拎張過期學生證出o黎仲有用o既 就好咯 ~ 不過冇拎到出o黎
搵間許留山又搵餐懵 (唔係食o左碗麵 ~ 可能就趕唔切入場或要餓住個肚等到散場了)
~ 上到3樓見到HSBC 點知要入錢或用櫃員機又要落地下 ~ 睇完戲想入錢點知就暫停服務
為o左恁 就特登等68A 返市中心 ~ 點知等就等o左成四個字 上o左車又成四個字先上到屯門公路
(身後有兩公婆不停傾偈 ~ 年紀應該同阿爸阿媽差唔多 ~ 但個女人話自己前排見工喎 ~ 阿媽都應該可以贏佢啦 ~ )
去到商務 好似好多人買書恁樣喎 ~ Asia Travel又出多o左幾本原價比售價差一大截o既旅遊書 不過都係冇買
只係買o左本中文練習畀麥同學 ~ 下星期就要補埋閱讀理解 有o的擔心 ~ 好似英文信心大o的
本來想買多本數學 ~ 不過o係青衣城商務打畀佢地試話原來佢學校都係用o個本 ~ 但就只係叫學生自己做 ~ 所以就可以唔駛買了
仲特登打去商務問有冇貨 仲特登返市中心搵 ~ 點知張會員卡都係得九五折
以為可以搵到今期東周 點知原來報紙檔連便利店 五個銷售點都冇
蘇民峰o既吸引力真係大 ~ 早知上次見到就買啦
仲因為搵佢miss o左《誓不低頭》開場
不過個結局都唔錯 ~ 竟然辯方律師會幫控方 ~ 亦能使一眾看官重新相信法律
不過曾江o係入面就真係仲癲過四年後飾演丁蟹o既鄭少秋
好得人驚呢
沖涼前後睇o左少少《大話妹》 ~ 先至發覺原來幫主角李多喜(周愉民 ~ 唔係應該係周愉琳)配音o既原來就係配《浪漫滿屋》o既韓智恩
亦都係《娛樂金魚眼》o既藤之宮千歲 ~ 那麼這位曾佩儀小姐有冇四十歲呢?!
PS: 這是一篇無聊的日記呢 ~ 可惡!
ps2 : 唔知道散場時 青衣城外咁多藍帽子係做咩呢 ~ 亦唔知涌美路宗車禍係點 ~ 應該冇傷者掛 ~ 奇怪在連架車都好似唔係好傷
ps3 : 亦唔知白白豬父母好番未 ~ 佢話未見過佢地兩個咁激的
PS4 : o係lift度 見到高大o左o既蔡湛亦唔認得 ~ 佢冇叫李哥哥 ~ 李哥哥亦冇叫到佢呢 (諗好耐先諗到 ~ 諗咁耐先打招呼都瘀死啦)
PS5 : 這不是真的吧?!
應 用 社 會 系 8 年 共 6 人 中 招 理 大 癌 症 恐 慌 校 董 促 跟 進 29日 Mon 01:42:29
>>January 30, 2007 at 3:32:23 AM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
