2006 年 4 月 23 日 星期日 【酷熱】

to future：你個傻彬媽媽成日都壞我好事！無啦啦嚇親人！
今朝起身，唔曬喎！正呀，係打波既好日子！
出到去，傑仔未到，仲以為佢一早到o左添！
打o左2個幾鐘，唔打喇！返屋企！
唔打都係得一個原因，無心情打！
點解成日打波都會諗埋咁多其他野！

今日個心好過意唔去！
我最近做o左好多衰野！
有d對唔住佢地既感覺！
但係依家先後悔會唔會係太遲？
唉，唔通我真係要咁繼續落去？
我想改，但係我怕我又會無機會！

到底你有冇因為呢件事而唔開心？
我睇得出你有！
但我問你，你又會話無！
到底我係唔係真係太唔明你！
上次o個幾個短訊會唔會對你黎講太hurt？
大家愈耐，先會知大家有咁多問題！

沒有人問過究竟！
應該快樂，還是失落！

>>April 23, 2006 at 8:09:52 PM GMT+8

---

2006 年 4 月 22 日 星期六 【酷熱】


點解會咁嫁？我又整嬲o左阮阮喇！明明唔關我事嫁，kai 灃無啦啦係我隻手到搶走o左咋！幾man呀！英雄救美，我咪做o左醜人囉！
但係如果我係阮阮，我都會喊囉！我一早就同kai 灃講話佢俾返阮阮，阮阮咪更加唔要，kai 灃又唔聽我講！
阮阮一拎返本手冊，就係咁打我，都唔明點解無人拉住阮阮嫁！睇住我俾人打！
今朝鬼咁早就返o左去，又話九點鐘開始喎，點知鬼咁遲先集隊！
我地勁係到傾計，勁搞野！我地係台下面串佢地嘴！
miss Lee佢真係好煩，鬼咁驚我唔幫佢整壁報咁！
我地班同A班贏o左，我一早已經估到！
放學上去課室，我叫miss Lee幫我印d字，佢又話行唔開！
叫我搵紙寫，我d字咁靚，點寫呀？之後我就叫魚蛋寫，叫阿ming、fish、茵、布布大約咁多大幫我填顏色同寫野，我就坐係到等佢地整！
淨係「4D班陽光班會，科學鐵人賽」呢幾個字，都足足搞o左我地成個鐘！我地仲要寫o左兩個簡體字！
今日陽光班會搞得勁開心，其實我地係一邊整野，一邊玩！
fish同魚蛋俾我同傻彬搞到勁無奈，之後我地係地下個壁報整野既時候玩到勁開心！
唉，阮阮呀！畫完就唔可以嬲嫁喇！我第一次整喊佢！
我隻手都俾你畫到花晒喇！真可憐！
我同傻彬整完個壁報就即走，我真係好彩，走得o岩時候！
返到屋企樓下，嘩，見到o個個女仔呀！

點解好揀唔揀要揀做童軍呀？我依家真係愈黎愈大膽！
佢o係我身邊行過，我竟然係咁望住佢，低死到佢都望住個！哈哈
佢真係愈黎愈靚，唔通情人眼裹真係會出西施？
佢真係愈黎愈神秘！愈黎愈想識佢！

下個星期我同老婆預期有人會大派禮物！因為有個2B既女仔參加！
我呢排成日係到怪自己，點解上次我會避開嫁！

>>April 22, 2006 at 7:02:42 PM GMT+8

---

2006 年 4 月 21 日 星期五 【酷熱】


re 老婆：有睇咪仲好，不過無可能喇！如果佢有睇既話我更加想識佢喇！
今朝一早就有早會，敬師早會喎，今年真係搞得唔錯！我地D班真係正，坐正第2排！講野唔敢太大聲，廢事前面d老師鬧！
今朝返學，見到條女，不過條女應該係避我，佢今日行得勁慢，如果佢真係避我，我就更想想撩佢！
今日有生物測驗，我又係到出貓，無計喇！都唔識做，今年應該係我出貓出得最多既一年！
今日兩堂電腦堂勁無聊，我地又係咁俾阿sir話，佢要我地遲d留低整個網頁，真係睬佢都傻，我有大排野要做！
lunch見唔到條女，佢今日上pe堂，應該會返屋企嫁？
放學本身打算做壁報，都係決定聽日先算喇！
賴賴咁燥既？玩下都發脾氣！

>>April 21, 2006 at 10:03:10 PM GMT+8

---

2006 年 4 月 20 日 星期四 【晴】


今朝好眼訓，英文堂訓訓下俾miss Wan佢拍醒o左，之後就鬼打都咁精神！
不過上o左半堂都無又開始訓返喇！
我仲以為第一個小息有野睇添，點知無！
兩堂chem堂，miss佢又係到講陽光班會d野，唉，聽到厭！
我以為第一個小息無野睇，第二個小息點都會有，點知都係無！仲要俾miss Lee佢拉o左我去睇壁報板！
小息之後兩堂中文，阿sir佢派返d錄音，佢話有d唔得！之後我隻碟都俾佢打返回頭，我明明燒o左野，點會無野呀！搞到俾佢話我交白碟！
lunch返屋企食，今次出奇地見唔到條女，真係多得傻彬唔少！
lunch之後電腦堂，係咁俾陳sir話，佢仲剷晒d msn，搞到我地無得玩！
佢又係到發脾氣，話我地唔整網頁，你估我地諗到點整唔去整咩！
又拎我地同C班比！
班主任堂去整我個壁報，阿ming真係唔俾面，約佢佢都唔理我！話唔得閒！
我第一次咁俾心機去整個壁報，仲要淨係得我同霍狗佢整！
我整o左勁多野，之後到霍狗搞，最後我都要執多一次手尾，仲有一個壁報未整！
我以為搞掂個壁報，之後返課室，點知發覺釘漏o左一張紙！
之後係班房到玩，我係到玩賴賴，今日睇o左佢一樣野，哈哈，佢仲要入男廁搶返！
原來賴賴依家係m記做，跟住我拎o左佢個牌黎玩，幾靚下！不過我打死都唔會去m記做！
今日最後都係無戲睇！失望。真係識吹水！

>>April 20, 2006 at 7:00:46 PM GMT+8

---

2006 年 4 月 19 日 星期三 【酷熱】


今朝返到去，個個都好耐無見喇！就連自己老婆到一樣，我都勁耐無見過佢！
雖然一d都無掛住佢！
今日一早已經開始同人玩緊sms，阿ming佢同我講話馬騮個頭d野！第一個小息我就即刻去睇馬騮個頭！
我頂，miss Lee都唔知係唔係玩我，咩資料都無，我點整個壁報呀？
真係唔鬼想幫佢整野呀！咁鬼辛苦！2日起個壁報俾你！
今日好黑仔，係咁俾人叫我答問題，係我玩緊sms既時候，李sir無啦啦叫我起身，之後我都唔知佢問咩，之後就俾佢罰企，唔知佢係唔係睇到我玩sms！
小息睇到份報紙，有單野勁搞笑，我地成男仔都勁有興趣研究！
lunch係到同佢地講，之後佢地上到去就即刻拎報紙黎睇！
之後兩堂數學堂，都唔知佢講咩！淨係好想放學，之後出去打波！
放學返屋企換衫，之後見到o個個女仔，好耐無見過佢喇！
死傻彬，係個女仔後面大大聲咁講我想識佢d野，搞到條女過o左馬路之後行第二條路返屋企！
死傻彬，玩野下！搞到人地都唔知點諗我！個女仔點諗你我唔理，佢點諗我係一個問題呀！
我唔洗識到個女仔喇！你咁玩我！

>>April 19, 2006 at 7:58:47 PM GMT+8

---

2006 年 4 月 18 日 星期二 【酷熱】


錦晚睇錯時間，以為錦晚有波睇，點知原來今晚先有！搞到我成3點先去訓！
等睇波既時候，我做o左好多樣功課，仲差兩樣就做晒喇！
今朝一早起身，做埋少少功課，仲差錄音咋！
之後出去睇戲，有好多人呀！我地睇「傻豹遇著烏sir sir」，勁搞野呀！我地成班睇到好開心呀！
睇完之後我地去飲野，我地叫個阿姨幫我地隨便整，之後唔知佢整o左d咩出黎！算喇，照飲喇！
杯杯野d顏色都勁靚，但係有d好怪！我地話個個都要飲淨一d，之後溝埋一齊，猜輸o左就要飲！
結果我都要飲，好彩唔係飲成陣奶味o個杯姐！
之後我地成班去北江，之後馬騮見到條女，以為好靚，點知俾我講中o左！一d都唔靚，聽阿reds講話條女望我地兩個！唔通俾條女發現o左？
係北江到行o左陣，之後就去劉桁屋企喇！第一次上去佢屋企，佢家姐都係到！佢家姐真係勁惡，難怪佢返到屋企成隻狗咁喇！有禮貌到爆！
我淨係o係到鋤dee咋，好難贏呀！個個都睇晒我d牌！無得玩！
7點到就同芷蔚佢一齊走喇！佢地仲係到玩緊！

>>April 18, 2006 at 7:46:21 PM GMT+8

---

2006 年 4 月 17 日 星期一 【微冷】


呢排好悶呀！唉，日日係到打機，就黎打到我自己都傻喇！
呢兩日要開始做功課喇！不過會去打波既！
唔知點解，我覺得今年好似係最多野發生既一年！
身邊信得過既人愈黎愈少，雖然識既人愈黎愈多！
今年真係變得最多，朋友一個個咁少！
究竟我係唔係有好大既問題？
唔開心既點都要過去，但係開心既又未黎！
我究竟要點面對好！

日記好似無咩野打！可能同我唔想講野有關喇！

>>April 17, 2006 at 9:17:41 PM GMT+8

---

2006 年 4 月 14 日 星期五 【清涼】


今朝一早就去o左中央，傑仔佢鬼咁早就黎o左！但係佢個波無氣，又唔打俾我叫我帶波！
馬騮又話等我，點知我去到佢都未去到！
今日好快就同人鬥波，勁正呀！勁好玩喎！
我地打o左4場之後，我地既戰績係3勝1負！
之後有個阿叔問我地打唔打？之後我地見無野做就同佢地打！
點知一打就連續打o左7場，30分一場，勁「支力」！
一開始唔識點同d阿叔打，點知打打下就愈打愈好！
有5場就係輸幾分咋！我地贏o左兩場！
打到2點幾返屋企，之後坐o左半個鐘先去沖涼！
因為隻腳太「支力」！


下晝同bb佢地睇戲，睇「至尊無賴」。
勁無聊，但叫做好笑！
想笑既就睇！

>>April 14, 2006 at 6:42:16 PM GMT+8

---

2006 年 4 月 13 日 星期四 【清涼】

to pinke：唔會拖好耐既姐！最多咪一頭半個月！你諗名呀？咁一定有一隻同我同名喇！
今朝訓訓下，覺得個頭勁痛！之後起身坐下！
點知都係仲痛，痛痛下之後就想嘔！
點知真係嘔o左出黎，好彩今朝未食早餐姐！
唔係一定死人喇！之後發覺自己發緊燒！
唉，又病喇！肯定係凍親喇！
希望過多兩日無事喇！
呢排好懶，唔想做功課，但係唔做就死得喇！
超多野做！
我陽光理會個壁報點算呀？死喇！
依家個頭仲痛緊！
唔痛得唔得呀？真係好辛苦呀！

女仔可以野蠻！
男仔點解唔可以？

>>April 13, 2006 at 11:14:42 PM GMT+8

---

2006 年 4 月 12 日 星期三 【清涼】

re eva：咪就係無囉！有你點會唔知呀？
re pinke：差住先喇，有拖無欠！
大家要搵我就打電話搵我喇！唔係好icq同msn搵我喇，我唔會理人嫁！
唉，點樣先可以令心情好d？
返完大陸返黎，肚瀉o左兩日，都唔知食o左d咩！
打o左一日波，隻腳又開始痛喇！手指公又痛，射唔到波！
想打波都打唔到！
依家又熱，又曬！

原來一個人係屋企，係會咁易亂諗野！
我究竟係唔係一直都做錯o左呢？
係唔係佢o岩？我錯？
係唔係我太天真？
我係唔係太傻？
我係唔係唔應該對佢咁好呀？

>>April 12, 2006 at 6:49:47 PM GMT+8

---

<< 26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  >>