|
2006 年 6 月 1 日 星期四 【乍寒還暖】
女仔個個都小氣，個個都係！
錦晚又失眠喇！都唔知點解成日都會為o左佢失眠既！唉，為o左佢一句，訓少o左兩個鐘！蝕晒！
仲以為今朝好「支力」添，點知無，仲鬼打都無咁精神！可能錦晚係因為打機而失眠囉！自己幾點訓都唔知，淨係知最後一次睇時間係2點！
今日賴賴無返，佢就正喇！放咁多日假！不過如果佢病就慘喇！肯定好辛苦！
物理堂又俾黃sir鬧，都唔知佢呢排做咩！成日發我地脾氣！
生物堂吹水吹足兩堂，勁搞野！聽日同波子頭去買鞋，我就打算去買褲，老婆就打算去買RAM！
阿ming佢聽日無人約，搵人約下佢喇！
PE堂落雨，打o左陣波就無打！之後坐低聽歌，不過電話無電，勁PK呀！早知就唔俾老婆佢打機喇！唉，淨返既電肯定唔夠今日用！
lunch Future佢請食朱古力，其實係我拎的！Sorry呀！星期一請返你食喇！我搞到你無得食！
我拎o左芷蔚條朱古力，佢話要拎返，竟然出到話唔請我食咖哩！唉，我放過你喇！
放學apple無啦啦想行埋黎踢我，兩條友勁無聊！係到嘈！佢勁惡呀！連我呢個老豆都唔敢得罪佢呀！
今日飲o左條百事可樂，之後英文堂勁辛苦！係咁飲水！我為o左幫Carmen佢儲分，真係大犧牲呀！點知枝百事可樂係無分嫁！勁PK！
放學去剪頭髮，唉，電話無電呀！聽聽下歌斷糧！黑仔呀！
剪完之後去中央打波，練左手走籃！我好怕同佢地撞呀！勁驚撞親隻腳！打o左7點幾同老婆走！
今日先知佢真係我個好老婆呀！
放學馬騮講o左個壞消息俾我聽！唉，呢排真係黑仔！一想追邊個女仔，o個個女仔都會有人追囉！又或姐又拖拍！
>>June 1, 2006 at 8:56:11 PM GMT+8
2006 年 5 月 30 日 星期二 【乍寒還暖】
都唔知自己算唔算係一個乖仔喇！定係對籃球付出太多！今日無得打波，我阿媽唔俾我去呀！因為我隻腳仲痛緊！
而且我依家好怕跳，好怕又咬柴呀！唉，我好怕依家傷o左未好返，跟住打波又整親之後唔可以再打波！
今日miss Lee又無返！唉，都唔知佢咩事！今日有個HKU畢業既人黎教！佢講書勁悶！我地係後面到玩！
物理堂黃sir佢又發脾氣喇！佢話我地上堂唔聽書！ 因為佢要我地畫圖，但係我地差唔多成班無一個人畫得o岩！搞到佢發晒脾氣！
lunch留係學校食，食完就即刻上返去做功課！今日fish佢好慘呀！我諗佢真係會以為我幫佢，其實我只不過起身整返好件衫！
死喇！好似又整嬲o左西西添，點解我可以成日整嬲佢既？唔通我講d野咁hurt佢？
中文堂勁搞笑！阿sir話輝輝佢用紙巾浪費樹木，正好佢就插住d紙巾係個鼻到！之後我同老婆佢講話佢插住棵樹係個鼻到！之後我地幾個笑o左勁耐！
賴賴今日口頭匯報，之後我地打算係後面舉牌！寫PAAG！哈哈
放學老婆勁慘呀！佢係咁俾賴賴搣！我地兩公婆都係咁慘！都要死係佢手上！
唉，無得打波！聽日都無得打！都唔知做咩好！
剪頭髮呀！d頭髮搞到我好唔舒服！
我地班d人，好似俾我教壞o左咁！PAAG，都係我講先！我諗班女仔唔會搵我尋仇掛！
>>May 31, 2006 at 12:02:48 AM GMT+8
2006 年 5 月 29 日 星期一 【乍寒還暖】
今日又落雨喇！好鬼麻煩呀！最憎落雨！
今日miss Lee又無返，都唔明點解佢成日都唔返囉！今日派o左一份通告，有勁多野囉！我英文口試同3個女仔一組呀！miss Wan都唔知係唔係玩我！
英文堂落o左去Chat Room，有條友黎上堂呀！佢把聲真係估佢唔到囉！我地一聽到就個個都係到笑！
化學堂有人黎代課，睇黎miss Lee係預o左唔返囉！我就係到打機，勁正呀！
生物堂想聽書嫁！但係聽極都聽唔入耳囉！物理堂無野做，d野太易喇！又係打機既時候！
電腦堂同賴賴佢玩，兩條友勁無聊！o係到玩手，原來佢隻手都幾滑，睇都睇唔出佢隻手係咁細，唔知係唔係因為我隻手太大呢？
佢又喊呀！都唔知佢咩事，我又唔敢問！佢d眼淚流到落個鼻到，勁核突囉！之後我打算唔理佢，最後都係拎o左包紙巾俾佢，包紙巾一去無回頭囉！佢仲要話佢鍾意偷人紙巾囉！
女仔個個都貪靚，我一話佢喊得核突，佢就即刻收聲！哈哈！真係俾佢笑死！
lunch去o左新華食，今日個阿姨唔知點解我講咩佢都信囉！唉，唔記得o左入完相之後唔好delete囉！唉，今晚要入返靚女d相先！
中文堂勁悶呀！超想訓覺，依家打唔到機喇！李sir佢睇到勁實囉！
放學睇戲，勁搞笑呀！不過愈睇愈悶！超想走囉！今日勁多人都有留心睇！
呢排要飲百事呀！太家幫下手喇！我應承幫carmen佢儲分！
佢諗佢成為我第一個唔夠膽偷望既人囉！唔知點解我好怕俾佢見到我偷望佢！
>>May 29, 2006 at 9:31:56 PM GMT+8
2006 年 5 月 28 日 星期日 【乍寒還暖】
唉，就黎考試喇！我諗我唔會俾呢件事影響到既！
今次一定要考好d，唔係留班就PK喇！apple知係咩事！哈哈
Apple算喇！無咩所謂！你覺得唔應該講佢係邊個對我黎講無所謂！只要唔係佢地話你就得喇！
就黎打到波喇！好想快d打波呀！
錦晚同貓傾計！傾傾下大家都好火！佢有佢既理據，我有我既理據！
唉，我都唔想搞到我同你咁！我地本身好好！唔想因為呢件事同佢無朋友做！
我真係唔知點信你！對唔住！
>>May 28, 2006 at 8:47:48 PM GMT+8
2006 年 5 月 27 日 星期六 【陰】
錦晚睇o左apple日記，我真係好火囉！做咩拉埋佢落水嫁！洗唔洗搞到咁大呀！你再係咁！我同你玩囉！我最憎人屈我d朋友！
今朝一早就要起身，勁PK呀！我都未訓夠！好想係屋企到訓一覺好既！好耐都未試過訓得好！
落雨，唔想帶「姐」，好彩有SM榮姐！返到去，同波子頭傾計！唔想行埋你地到囉！好叉煩！
辯論比賽，都知我地班贏梗！不過全程都好悶！我地係到吹水！最後既問答o個到係最精彩，最串嘴！
放o左之後等傻彬，我唔想行埋去佢地囉！根本就連野都唔想同佢地講！
係輕鐵站附近到，見到大咀同傑仔嘈！我唔多事，我唔理囉！我更加唔想同佢嘈！
我同老婆佢食早餐，本身打算唔食，見到佢地係條街到嘈真係無晒心情食囉！
我地去o左桃太郎食，見到有班男仔係到溝女！我同老婆勁大聲講話等我拍低佢，之後放上網，可能都有成2百幾萬人睇！
拎o左部電話影低o左個女仔，個女仔唔算太靚，不過係咁俾人撩！哈哈！都唔知點解！可能o係間舖到佢算係最靚喇！
唉，點解會有咁多洋蔥嫁？老婆o個個飯一d洋蔥都無！勁黑仔呀！我都想影多兩張個女仔既相！但係無機會！
老婆話件事佢唔理，佢怕俾人滅口！
我覺得依家根本就好似搵人出黎「咩」o左呢個鑊！有好多野你地都好假囉！
>>May 27, 2006 at 10:06:01 PM GMT+8
2006 年 5 月 26 日 星期五 【陰】
只怪太多事喇！依家咩都唔好同我講！我咩都唔會理喇！我多事！
今朝又見到子晴！今日唔係上PE堂，點解佢會著PE衫既？今日無俾人捉頭髮，非常好彩！
郭仔佢今日關心我喎！少有！佢叫我唔好打波住！仲埋佢話我行路怪怪地！
頭兩堂英文堂，勁開心呀！我地3條友勁係到玩，miss Wan就黎殺死我！今日仲以為淨係要做剪報改正，無諗過要做埋剪報！
今朝係到講阿叔段片，賴賴錦晚先叫我俾佢睇！今朝成朝係到同我講！佢望住我，叫我同佢揸手，之後無理到佢！
化學堂勁好笑！後面有人撩我，勁唔順氣，之後我串返佢佢話無事，我就好大聲咁話「未解決」，之後係到爆笑！
小息去圖書館，之後見到Mark Sir佢拎住枝玩具槍係到玩！周圍射人，之後我同老婆話快d快！廢事俾人射！條友勁低B！我地笑o左勁耐！
賴賴俾我同老婆玩，兩個一齊叫佢揸手，之後佢真係伸隻手埋黎，我地兩條友勁大力一野揸落去！我就好細力，老婆就好大力！
上中文堂又係到玩阿ming，佢係咁打我！我唔要同佢坐呀！我要同芳芳坐！因為佢唔會打我，最多會係屋企咀咒我！
肥堅係李sir面前話賴賴打o左PAAG，之後李sir對住肥堅笑！我就係咁笑！賴賴真係慘，俾人話打o左PAAG！不過係我講先！
放學又以為要同老婆係北江行多半個鐘添，好彩佢醒目姐！電腦堂係到吹水，阿sir今日心情特別靚，好好人！
之後要落去聽講座，行落去既時候勁搞笑！勁串賴賴佢！話佢係一隻打o左PAAG既雞！只要唔食雞「胸」肉就無事！大家放心食佢喇！
放學去北江，又見到賴賴佢喇！佢傻到行正門走，有後門唔行！佢叫我今晚俾o個段鬼片俾佢睇！唔知佢驚唔驚既呢？
>>May 26, 2006 at 10:27:33 PM GMT+8
2006 年 5 月 25 日 星期四 【陰】
希望今個星期可以打到波，不過我諗最快都要下個星期先打得！隻腳已經好返好多，已經無咁痛！
今日到我口頭匯報喇！好緊張呀！化學堂無心機聽書！我係到諗中文堂講咩野好！
第二堂中文堂，我仲打算串李sir佢，肥堅睇死我會俾李sir串返轉頭！我出到去，一d都唔緊張喎！可能因為個個都已經見到熟晒，李sir講野既時候我仲掛住撩女仔！咪就係西西同芳芳囉！
唔知係唔係因為今日本書太有趣，個個都聽我介紹喎！真係好多謝佢地！李sir話問我兩個問題，之後佢問完兩個問題之後又問多個，之後我扮晒暈低咁！
錦晚同芳芳傾計，我地講既野實在太好笑喇！今日一望住佢，大家就會忍唔住笑！
英文堂討論，同賴賴佢一組，佢係我同Kai On面前串嘴，話有人溝！佢真係未俾人串過，我同Kai On勁玩佢！話佢都會有男仔溝！
李sir第三個問題我要問miss Chan Chan，因為關於先天性魚鱗癬症既問題，我唔知點答李sir！佢要我問miss Chan Chan！佢真係一個出色既生物老師，雖然佢唔清楚呢個病，但係可以推理出點解有呢個病會危害到我地既生命！
之後又中文堂，默書呀！默書之前佢要我答返佢o個個問題！我一答就勁多人擰個頭黎望住我囉！勁無奈！默書勁多字唔記得，不過好彩有阿ming姐！
lunch上數學堂之前，個個男仔都整返好件衫，廢事俾人捉喇！又教新野喇，佢話簡單，但係我都有d唔識！你話死唔死？
放學要去聽野，超麻煩！聽到成4點半！賴賴坐錯位，唔係我都唔洗悶足幾9個字！
放o左同老婆去北江，佢要印野，搞o左成半個鐘，我同佢周圍行！佢話要買電腦！
我就周圍睇女仔，好靚女呀！
>>May 25, 2006 at 10:18:21 PM GMT+8
2006 年 5 月 24 日 星期三 【陰】
今日寫返手冊，因為上次俾人捉船襪，點知魯魯佢仲捉埋我頭髮，雞脾反而無俾人捉囉！勁唔順氣囉！
今日又無帶電腦書上堂，點知阿sir今朝一早話有人會睇堂！仲以為我會PK添，好彩無事！因為根本就無人黎睇堂！
我都係當平時上堂一樣，係到訓覺，阿sir無啦啦串我，話我淨係掛住陪電腦！PK呀！我都無咩攪過部電腦，係到話我！我廢事同佢嘈，訓覺抗議！
小息打o左apple個pat pat一下！佢又係到用o個個理由呃我！你一個月有冇黎咁多次呀？
物理堂上o左陣，之後就打機！英文堂玩數獨，好鬼難玩呀！
聽日到我口頭匯報，依家先發覺上次借左張紙俾老婆，佢無印返張俾我！咁我聽日點算呀？
LUNCH玩粉筆，肥堅個書包俾大濱放O左勁多粉筆落去！之後我地趁佢同大濱打緊既時候，我同阿MING畫花佢張「鄧」，之後佢真係坐低，我地幾個勁係到笑囉！
數學堂勁開心呀！陳SIR佢捉校服儀容，有幾個人死o左！聽日到肥堅同臻臻捉人，我死得喇！佢地兩條友！傻彬都走唔甩！
我叫肥堅佢聽日捉女仔裙短，佢開心喇！
>>May 24, 2006 at 8:05:12 PM GMT+8
2006 年 5 月 23 日 星期二 【雨】
今日聽到o個件事，會唔會有d無聊呢？
我識o左future咁耐，我唔信佢會做埋d咁既事囉！
future，我相信我唔會睇錯人，只要你無做過，根本就唔洗理佢話你咩囉！
記得中二個年嘛，我地上miss Chow堂玩誠實與大膽呀？佢好嬲，你話帶頭去同miss Chow道歉！
我相信我唔會睇錯人囉！
有好多野我都唔明，我唔知係唔係真係有人咁無聊，如果有，我諗唔會係我身邊其中一個人掛？
搵人鬧你？我覺得無咩可能囉！人地會咁清楚你既野？如果要我信你，你不如搵次佢再鬧你，你錄低佢呀！我相信證據多d囉！
我唔想我身邊既朋友無啦啦俾人鬧囉！仲要俾人問候埋我老婆囉！
點解會一口咬定係future做？我真係唔明！
依家呢個年代，真係講證據多d！你好難令人相信囉！
>>May 23, 2006 at 10:44:46 PM GMT+8
2006 年 5 月 23 日 星期二 【雨】
Miss Lee唔知做咩野呢？病完一日好似老o左幾十年咁！但係火氣十足！
阮阮整o左朱古力返黎食，佢真係當miss Lee無到，miss Lee叫佢出去俾手冊佢簽，佢仲食緊！點知咁就出事喇！俾miss Lee發現！
佢一個死o左，隔離位全部都俾人捉，真係慘！賴賴第一個俾人捉出黎，我仲要串佢話佢瘀皮！4條友一人一個警告，已經算好好！阿ming仲好彩，有食都無事！
物理堂去o左物理室，我地幾條友搞到劉淑芬佢勁開心呀！梗係喇！有我同埋我老婆同有臻臻添，有邊個遇到我地幾個會唔笑！
仲以為PE堂既時候會落雨添，點知無喎！今日出去7人場，但係又點呀！我都無得打波！又唔記得帶聽歌條線出去！
傑仔今日叫我打波，我都想打！但係隻腳仲腫，為o左隻腳咪放棄一下打波囉！
吳sir去o左籃球場幫佢地考返9分鐘，我就係到同佢地踢波，踢o左一陣隻腳痛就無踢！吳sir返到黎足球場，之後我去o左籃球場打波，隻腳一跳起，痛到阿媽都唔認得呀！
我係到練左手，我發覺整親隻腳之後，隻左手勁o左好多呀！
lunch賴賴同我講o左一樣野，我唔明點解佢會同我講囉！唔通佢知我唔知？唔通佢真係咁醒目？
我要咬呢隻雞呀！佢咬得我太多喇！無啦啦佢又約我食飯，今次又係我既！阿ming佢呷醋！但係無計喇！同人唔同命嘛！
英文堂同返老婆講呢件事，講o左成3個字都未入正題，搞到佢勁無奈！但係又勁好笑喎！
做人阿媽真係好辛苦嫁，成日無啦啦都會俾人問候！老婆你真係慘呀！
阿ming佢教o左好多對我黎講一d用都無既野，可能到我拍拖既時候，我就真係有用喇！
阿ming佢今日係咁講「size」，點解佢會有咁「大」嫁？我真係估都估唔到囉！
之後阿ming好細聲咁講賴賴兩個字，賴賴竟然咁都可以聽到，呢隻雞d聽力有冇咁好呀？我地講賴賴d咩就唔講喇！不過當然唔係好野喇！
放學又落雨，老婆仲話去打波！依家無得打喇！我真係開心！有人陪我無得打波！
我又同佢淋雨喇！成世仔都未試過同一個男仔淋雨淋咁多次！可惜佢唔係真係女仔呀！
>>May 23, 2006 at 10:19:57 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
