|
2006 年 9 月 27 日 星期三 【晴】
呢排學校門口都有人企人到講早晨！
不過唔係學生會既人，係一班俾何Sir罰既人！
佢地叫我攝衫，佢地都痴痴地，依家着PE衫根本就唔洗攝衫！
馬騮今朝俾咗張飛我，我一直都唔肯俾賴屎！
搞到佢有少少想喊！算，唔玩你喇！俾你囉！
數學堂Send歌俾賴賴，我揀咗D個名勁搞野既歌俾佢！
有「你不是好情人」「愛恨交纏」，Send Send下唔知點解Send唔到！
小息俾咗部電話佢自己慢慢Send！
馬騮佢竟然黎搵我，佢同我訴苦！
唉，我都唔知講咩好！
又唔識氹佢！之後拖佢落去搵傑仔！
但係傑仔做緊功課，之後我地上返去！
佢仲係好火呀！救命！
中文堂俾人點中小組討論囉！死人大濱！
唔交功課咪好囉！
唉，勁瘀皮呀！
第2個小息知咗一樣野，點解Sam Choi咁受歡迎？
咁快就有第2條仔溝？仲要溝到埋！
PE堂好悶呀！
同翁Sir打波，好耐無同過佢打波喇！
放學補數學，同老婆佢一齊坐！
好耐無同過佢一齊坐喇！
放學去咗中央，見到阿輝佢呀！
Lunch學識一樣野，就係就算幾火，都要冷靜！
Lunch勁火，差少少開拖！
唔該你發脾氣就唔好打波，我無得罪你！
你洗唔洗打到好似打人咁呀？
你打完我，同我講返聲Sor，我就唔怪你！
你仲要咁無禮貌，底我爆粗鬧你！
深呼吸！
Apple以為我琴日講笑，唔係真係讚佢！
佢今日同我講話以為我笑佢！
>>September 27, 2006 at 7:56:48 PM GMT+8
2006 年 9 月 26 日 星期二 【微冷】
今日差少少俾車車鬼死，死彬彬！
叫我幫佢睇下個波真定假，睇睇下佢就帶我行出去馬路！
好彩後面有人叫我地小心，我地先知紅燈我地都行！
返到屋企樓下，見到勁多消防車！
心諗唔知邊間屋火燭！
之後返到屋企門口，我即刻呆咗！
因為我兩個消防員企咗係我屋企門口！
心諗︰PK呀！唔係我屋企火燭掛！
行到去開門既時候，個消防員同我講無事，唔洗擔心！
但係我聽佢講完之後，我仲驚囉！以為我屋企真係火燭！
開門入到去，屋企咩事都無！
阿媽仲坐喺到睇電視！
原來係我屋企對面既人話我地屋企火燭，勁無奈囉！
今朝差少少唔知醒！
今朝勁多書，Miss Lee又要我地拎本鬼咁厚既化學筆記簿返去！
中文堂玩討論，我地4丁友互串！
第1個小息落咗去搵傑仔，佢話唔搵鴨！
阿柱講咗樣野俾我知！
但係我好想同佢講，個女仔叫徐子晴！唔係徐子淇！
唉，阿柱都問咗佢拎MSN喇！
我係唔係有少少失敗呢？
生物堂我地玩新Game！
玩Puzzle，得15塊！
不過要你反轉黎砌！我砌錯兩塊咋！
生物堂打機，都唔知咩Game黎嫁！
玩玩下自己走返出目錄！
第2個小息聽阿Sam講野，Apple你好八呀！
賴屎應承去，佢要請假先去到！
死賴屎，你好野！成日蝦我！
Lunch去買水，成兩日無水飲喇！
唔知點解，Lunch唔多想講野！
Pinke同Future，多謝你地關心我！
我同彬彬都着XL呀！
唔知件班衫會點既呢？
英文堂對卷，唉，勁差！
放學俾錢馬騮去買，我地補課！
測完驗之後喺樓下打波，得我同彬彬打咋！
今日我同彬彬都發覺原來Apple走籃好靚嫁！
仲靚過我地兩個！
打到六點就返屋企喇！
>>September 26, 2006 at 7:38:03 PM GMT+8
2006 年 9 月 25 日 星期一 【微冷】
錦晚夜麻麻同兩個人玩SMS囉！
一個係大口，一個係賴屎！
唉，佢兩個就正喇！
傾傾下就瞓着咗，我都想咁！
今朝又有早會，勁無聊！
數學卷都預咗考得差！
真係唔係好識做！
陳Sir發脾氣呀！話我地唔聽佢解卷！
物理堂又計數，勁悶！
小息陪馬騮落去搵傑仔！
馬騮佢講咗件好瘀皮既事俾我地聽！
英文堂要落上SBA，又測驗！
點解我唔知嫁？
第2個小息Apple同我講咗一樣野！
佢話突然間唔想去，唉，都一早話唔去嫁喇！
佢無得玩跳樓機喇！
我地仲差一個女仔，馬騮係咁叫阿Ming搵多個女仔！
化學堂勁無聊，一句「痴線」就俾人鬧喇！
我好細聲咁講，佢都聽到！
佢仲要一開始唔係鬧我，係鬧張汶禮！
我地兩堂Chem勁講佢，我覺得佢勁選擇性聽野囉！
唉，不過我仲勁講笑！
佢話休息3分鐘，我就話︰佢唔係想趁呢3分鐘黎訓話下！
我諗我地4個遲早調開晒！
返屋企食飯見到「佢」，「佢」都幾好眼！咁都望到我望「佢」！
Lunch食完飯即刻返黎，因為要做返Chem！
之後要拎去俾大肚婆Check！
又俾佢話，勁無奈囉！
中文堂測驗，唔識呀！
好鬼難做！
放學要去測Paper2，唉，好鬼PK呀！
成6點先放人！
賴屎佢可能會去，馬騮就正喇！
阿咩佢轉咗新世界，我地D班勁多人係新世界！
>>September 25, 2006 at 10:00:39 PM GMT+8
2006 年 9 月 24 日 星期日 【微冷】
錦晚同Apple佢傾咗陣！
佢唔開心呀！
不過佢真係好固執，次次都唔夠佢講！
希望同佢傾完之後，佢會開心返喇！
今朝4點有波睇，勁無奈呀！
開波6分鐘就入波，之後成90分鐘都無入過波！
白坐咗1個半鐘！
皇馬真係好鬼廢！
今日媽媽生日呀！
無出去食飯，喺屋企食！
好耐未試過一家人坐埋一齊食飯喇！
今日又有蛋糕食，好野呀！
夜晚又打麻雀，又輸喇！
打咁耐我都未贏過！
真係要搵Apple佢教下我先得喇！
啱啱睇咗Apple日記！
今次，到佢傻喇！
竟然行過中央搵我！
大家今日角色轉咗！
我就喺屋企等佢Online！
但係見唔到佢On！
大家都咁傻，我覺得會開心D！
唔知係唔係我搞到佢咁傻呢？
下晝同大口佢傾生日D野！
我發覺自己真係有少少衰！
不過我覺得唔止我一個人咁諗！
>>September 24, 2006 at 8:37:53 PM GMT+8
2006 年 9 月 23 日 星期六 【微冷】
唉，今日阿Sam無搵我去打波！
佢以為我琴日打波打到好攰！
之後我1點出咗去中央打波！
自己一個打，都幾悶下！
又搵唔到老婆佢，個波都唔知幾時先俾返佢！
打到2點幾，Jimmy同朱仔黎咗！
都唔知點解佢地知我喺到！
之後同佢地跟隊，鬼叫班人咁串呀！
打咗一場，仲要贏埋，但係Jimmy打唔到！
之後就無打喇！
3點幾愈黎愈多人，之後就去舊場打波喇！
舊場仲少人！
今日好無聊呀！喺舊場等一個人！
唔知點解自己咁傻！
夜晚同Pinke佢傾電話！
佢真係好鬼煩呀！我同Eva好慘呀！
傾完電話之後Online，原來Apple等咗我好耐！
唉，早知唔同Pinke傾電話喇！
對唔住呀！
篤魚蛋！
無名指！
右手！
同彬彬一樣！
>>September 24, 2006 at 2:23:35 PM GMT+8
2006 年 9 月 22 日 星期五 【微冷】
錦晚勁無奈，聽聽下架勢堂就瞓着咗！
我連一半都未聽完，我部電話一直開住收音機開到今朝！
呢排見無人捉我頭髮，我就知今日會Check校服儀容！
之後今朝好醒目咁着咗白襪返去！
點知真係俾我估中，今朝真係Check校服！
大肚婆以為我一定着其他色既襪！
不過我令佢失望添！
劉恆有返學呀！好野呀！唔洗悶！
數學堂勁無奈，阿Sir用半堂講完第3課！
第一個小息阿Ming佢俾飛我！
原來佢有一樣野唔知！
第2個小息搵Apple，叫佢幫我袋住張飛！
點知佢同我講話佢本身都打算叫我幫佢袋住張飛！
我無野好講囉！我覺得呢樣野係你應該做的！
之後我話如果要我袋，我就唔去！
最後佢都係幫我袋，不過要我加朱古力！
物理堂勁無奈囉！俾Wong Sir話我無心記住佢講既野！
我心諗如果我咩都記住，我咪好唔得閒？
Lunch食完飯去咗7仔，仲以為7仔會無出奇蛋賣添！
最後都搵到，之後偷偷地拎上去6樓！
我差少少俾狗熊佢見到，不過好彩我隻手夠大姐！
今日Lunch係咁俾人蝦囉！
個個都係到打我！
佢地變態嫁！圍住我黎打！好慘呀！
以後Lunch我都要跟住Apple！咁就唔洗俾人蝦！
放學要補中文，又做聆聽！
好悶呀！又唔俾人瞓覺！
補完之後等Apple佢，我足足等咗佢4個字！
唉，又無人陪我！好鬼悶！睇人地打排球！
之後送佢返屋企！好唔好一個星期淨係送佢一次呢？
定係今次之後以後都唔送呢？
我話我想去打波，佢就唔洗我送到佢去天華！
就放我去打波喇！
西西今日勁搞笑！
大子女！
我真係好想問下佢，其實佢係唔係好憎我！
今日無咩心情打波，係咁俾老婆佢鬧！
不過老婆佢都唔係好得我好多！
佢今日食咗屎咁！
不過今日真係好好彩，有一球，我真係打咁耐波都未試過咁好彩！
唔止我一個O嘴，佢地個個都O晒嘴！
>>September 22, 2006 at 10:44:42 PM GMT+8
2006 年 9 月 21 日 星期四 【微冷】
錦晚無做過功課，唉，實在太攰喇！
成晚掛住瞓覺，連電視都唔記得睇！
今朝有出奇蛋食，Apple真係買咗俾我！
我即刻拆個玩具出黎玩！
一隻船仔！朱古力無食過！
一早就知道一樣野，就係BB趺咗電話！
我都唔知點好！
一早兩堂中文，悶到爆！
李Sir無啦啦問我問題，我又係唔識答！
唉，兩堂終於都過咗！
小息俾Apple拉咗我去酙水，個個都俾我樽我叫我幫佢酙！
你估你地係Apple呀？
小息之後兩堂英文，上完之後好似死咗咁！
賴屎佢今日又靚多日喇！
劉恆佢今日又無返，悶死我呀！
第2個小息周圍去酙水！
第一次落去5樓酙水！
賴屎佢好衰呀！踩老婆個樽！
數學堂發現一樣野，就係隻玩具同張紙影出黎既有分別！
Lunch食完飯就即刻返黎學校喇！
搵Apple玩！我俾咗半個出奇蛋佢呀！
佢真係好好人下！分俾人食！
真係唔好意思，要佢陪我悶足咁耐！
今日俾完錢阿Sam之後，變咗窮鬼！
阿Sam就變到好富貴！不過富貴到聽朝7點咋！
本身Apple叫阿SAM俾錢我去買飛！
但係我要Apple佢陪我去買飛！佢就叫阿SAM自己去買！
班主任堂選班衫，件衫本身都好好到！
點知無啦啦俾賴屎喺件衫後面加咗「5丁」！
之後我就唔想着喇！
跟住又話D字要金色，咁咪姐係個底要黑色？
之後我話唔想要咁大既「5丁」！
之後就俾人插喇！
唉，勁無奈囉！又叫我講，又要鬧我！
今日補化學，酙水既時候俾阿Ming話我搞事！
唉，都唔知點講好！
今日補Chem做咩野做，淨係俾大肚婆串咗句！
>>September 21, 2006 at 7:57:58 PM GMT+8
2006 年 9 月 20 日 星期三 【微冷】
今朝起身，條腰勁攰呀！
唉，打咗一日波就咁喇！
都唔明點解我之前可以打足5日！
依家朝朝都要酙水，Apple黎打我尖！
你依家大晒呀？想死呀？
大肚婆今日發脾氣，好心波子頭就收下把口喇！
今日堂堂都勁想瞓覺！
Elaine今朝同我講早晨，不過之後就無講過野喇！
小息無野做，勁想瞓覺！
叫阿Ming佢一齊去剪頭髮，佢又唔肯！
化學堂同BB同大口玩SMS，講咗件事俾佢地知喇！
第1堂化學堂去做實驗，我地個個亂咁坐！
明明我、老婆、劉恆同埋吳子豪一組！
不過我地分開兩組坐！
上完實驗之後就俾Miss Lee佢鬧喇！
第2個小息有野搵Apple，不過俾馬騮拉咗落去搵傑仔！
傑仔佢唔肯出黎，之後無野做！
就上返去喇！之後同Apple傾咗陣！
生物堂勁搞野，一打鐘落堂就有電話響咁既聲！
我望住陳家銘佢拎部字典機出黎！
之後我就話響鐘響，成班人都喺到笑！
連Miss Chan Chan都笑埋一份！
Lunch有事發生，好火呀！
好大力打咗道門一下！
之後衝咗去廁所洗面！
電腦堂好想喊呀！好Hurt呀！
同馬騮玩SMS！
佢好似氹緊我咁！
放學數學測驗，有冇搞錯呀！
英文卷都唔多份！
唉，做完先知最易嗰題計錯咗！
勁想死呀！仲要成8分一題！
我最少無咗18分！
放學唔想同馬騮講野，真係好唔開心！
送完Future返屋企之後，我就返屋企玩電腦喇！
我本身打算唔去嫁！
不過見Apple好想去！又唔捨得要佢陪我無得玩！
最後由佢決定！
Apple，你真係對我好好呀！
我諗，你會教識我好多野！
>>September 20, 2006 at 7:03:06 PM GMT+8
2006 年 9 月 19 日 星期二 【晴】
今朝又見到子晴喇！不過見唔到「佢」！
我行到過馬路嗰到，「佢」已經係我對面既馬路！
今朝上到課室，見到個靚女呀！
賴屎帶咗口罩，姐住咗佢半塊面，索到爆！
早會以為有野睇喇！
陳Sir，我對你太失望喇！
對霍狗洗唔洗咁好呀？
有時候，我真係好想陳Sir惡呀！咁就唔會有人蝦到佢！
數學堂阿Sir又教新野喇！死喇，聽日測驗！
但係我咩都唔識囉！
唉，呢排小息係咁俾人打！
死賴屎，成日抽我水！
成日搞我個肚腩！
中文堂聽人討論，勁淆俾人叫出去囉！
依家對物理有少少死心囉！
淨係叫人睇書，有咩唔明先問佢！無野好講！
第2個小息落去搵傑仔，佢地成班人都落晒去囉！
一落到去就見到臻臻同Future打交，之後臻臻仲要打埋我！
我又見到子晴喇！唔知點解，愈睇愈唔靚咁！
唉，早知今日把握機會問佢拎MSN喇！
聽日都落去搵傑仔，帶定筆同埋紙先！
死賴屎，低你死呀！俾我篤肚臍，勁好玩呀！
電腦堂同阮阮賴屎玩，賴屎個銀包都唔知裝咩嫁！
厚到成個豬柳蛋漢堡咁！仲要就黎爆咁！
Lunch好早返到黎，搵Apple佢！
不過佢要做功課，之後放低電話同銀包俾佢！
今日Lunch又同Future佢地玩！
俾Future追到我要落去中4避難囉！
桃桃佢勁出奇，問我做咩落去！
真係要教下Apple先得喇！隻手濕到死拎我件衫黎抹！
PE堂勁悶呀！唉，好無新意囉！又教鐵餅！
放學趁Apple同Carmen傾計既時候咬咗Apple佢一下！
今日補物理，不過無咩聽書！
因為Elaine同我玩SMS呀！好鬼開心呀！
不過都唔知同佢講咩好！
今日先知，原來好多人都失眠嫁！
呢排記性勁差呀！
成日唔記得帶野！
一個月入面已經唔記得咗帶筆袋3次喇！
佢去唔去，無咩所謂！
新遊戲，咩堂都啱玩！
鬥快畫一隻公仔畫滿人地張檯！
>>September 19, 2006 at 8:53:12 PM GMT+8
2006 年 9 月 18 日 星期一 【微冷】
今朝入到學校門口，尤威行緊過黎我既方向！
仲以為佢捉我添，點知係捉我前面嗰個男仔！
今朝又有早會，勁攰呀！
上去到，無開冷氣！
之後大肚婆一走，我就好大聲咁問有冇人介意開冷氣！
無人答！不過淨係有人叫開冷氣！
唔知點解中文堂勁眼瞓，差少少就瞓着！
小息無野做，玩玩下，就過咗喇！
我企係門口睇老婆佢俾人打，不過我就咩事都無！
之後俾阿咩佢發現咗，之後就到我俾人打喇！
小息之後生物堂，又瞓覺！
仲同大口佢玩SMS！
第2堂去咗生物室，同老婆佢吹水！
佢練波練到隻腳勁攰，之後我一拳打落去隻腳到！
我諗都幾痛呀！
不過真係好好玩，我鍾意虐待佢！
第2個小息同Apple傾計，之後落去問傑仔借書！
但係佢今日無電腦堂，無書借俾我！
之後電腦堂，愈黎愈唔鍾意個阿Sir喇！
幾日窒住晒！不過今日我都串過佢！
我同阮阮成2堂都唔知做咩好，賴屎又無返！
搞到係咁俾阮阮搞，佢又咬我喇！
仲拎咗我40蚊，點死？
Lunch食完飯返黎第一件事就放低野先！
又見到阿Ming、Future同埋芷蔚喺老婆張檯到寫野！
好彩佢地知我可能會嬲唔敢搞我姐！
放低完野之後就去搵Apple喇！
我叫佢過落我地班班房門口！
佢慘喇！佢呢一個星期都唔打得我！
仲唔趁機會蝦死佢？
本身今日Lunch打算陪佢出去食！
不過上完電腦堂之後上黎問佢去邊食，佢話喺課室食！之後就算喇！
放學既時候我喺出面係咁俾人打！
最衰Apple唔喺到，唔係有籍口唔洗俾人打！
唉，我個樣笑得好咸濕咩？
但係我覺得係我個樣本身咸濕，唔關我笑唔笑事囉！
今日放學補英文，好攰呀！
勁想瞓覺，但係佢地成班又喺到玩！
之後就同佢地玩，仲玩到俾Miss Wan鬧囉！
成半個月，終於都到我做值日喇！
今日做掃地嗰個，愈掃愈唔鋸！
成地都係啤派，之後我地成個都勁唔鋸！
落咗去搵陳Sir投訴，佢都幾鍾意我地咁做！
>>September 18, 2006 at 7:17:12 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
