2006 年 11 月 7 日 星期二 【微冷】

唔知究竟係大口電話壞定係我電話壞呢？

點解佢成日都話我唔覆佢！

但係我明明覆咗佢！

有時問佢做咩唔覆我！

佢又話佢有覆我！

第一堂數學堂，阿Sir又半堂教一本書喇！

考試唔考，測驗出唔出嫁？

成日都呃我地！

中文堂，又小組討論喇！

阿Sir抽左3次籤，如果佢抽第2輪係小組討論既人我就PK喇！

因為第2輪抽中我！

15號真係咁易中？

好想變返17號呀！

又話抽每個學號既機會率都均等！

但係點解我次次都俾人抽中？

今次第3次喇！

小息同Apple傾計！

今日知阿喵個名喇！梁永康！我記住你！

小息無啦啦又俾人玩，好鬼無聊呀！

放粒乾冰落我枝水！

Lunch同阿Ming傾計，咁快就諗去日本D野！

我今日勁串佢！超低B！

劉恆無啦啦早退，佢真係想悶死我！

唉，第1堂都好好地！

第2堂就想訓覺喇！

落咗堂Miss Wan搵我傾計！

佢話我會考英文可能唔會合格！

不過佢又話我上堂專心咗！

又話佢有信心我會考有機會會合格！

唉，我自己都未諗好升唔升中六好！

如果「佢」喺我身邊，咁就好喇！

我諗「佢」一定要我升中六！

補生物前落去買水，仲見到「佢」！

大家擦身而過，唉，唔知點咁！

放學賴屎無啦啦打俾我，都知佢無好野益我！

佢話阮阮漏咗部電話喺班房，叫我拎喎！

仲要拎出去輕鐵站！

拎完返黎，就見Apple佢返緊黎喇！

佢未黎到之前，Miss Wong佢問咗我一個好搞笑既問題！

估唔到老師都會咁問囉！

Apple點我幫佢去北江拎野囉！

又唔講清楚邊間影印舖，搞到我去錯咗！

返到去，佢練緊波！

我放低野，之後就去咗運動場喇！

我今日見到Elaine真人喇！

超開心囉！仲見埋Season！

之後6點半就返去學校喇！

點知佢地7點先放！

之後送Apple返屋企，呢次唔通真係最後一次？

不過我唔制嫁！

今日又陪佢行商場！

行咗咁耐，都買唔到早餐！

之後又去咗扭蛋，今次抽到阿美！

>>November 7, 2006 at 9:34:02 PM GMT+8

2006 年 11 月 6 日 星期一 【微冷】

琴晚好夜晚，搞到朝早勁眼訓！

小息同Apple傾計，原來佢睇咗我琴日篇日記！

佢話佢喺日記覆咗我！

問佢覆左D咩佢又唔講！

佢死都要我自己睇！

英文堂上SBA，無啦啦俾人調走咗！

不過都好，唔洗我開聲！

第2個小息又同Apple傾計，呢排真係日日都同佢一齊！

小息之後化學堂，一開始Miss唔係講書！

我就喺到打機喇！

玩玩下Apple Send SMS俾我，話佢Lunch要飲奶！

今次仲要係密瓜奶！

Apple你係唔係覺得自己唔夠大呀？

要以形補形既？

Lunch食完飯就要去買奶同香口膠喇！

真係好唔慣呀！

一去到A班就俾成班女仔望住晒！

不過鬼叫A班得咁少男仔咩？

Miss Yip勁恐怖，行咗入黎我地課室我都唔知！

我仲要食緊香口膠！

不過好彩佢淨係捉阿Ming姐！

阿Ming真係勁搞笑！

Miss Yip問佢點解條裙仲係唔夠長！

佢竟然答Miss Yip話自己籮大！

我幾驚Miss Yip佢捉我攝衫呀！

因為我無皮帶！

之後去搵Apple傾計！

無諗過會俾人串囉！

下次我唔會俾你串到嫁喇！Mandy！

本身Lunch打算借電話俾Apple打機！

點知佢又唔要，之後上上下中文堂佢又Send SMS黎話同我講話佢好悶！

因為佢空堂！

真係低佢死！我打死都話要借電話俾你你又唔要！

到你無既時候你先嘈！


正一爛平果！


喂.......我有好多野無同你講咩？

你想知咩咪問囉！

可以答既我都會答既！

>>November 6, 2006 at 9:42:50 PM GMT+8

2006 年 11 月 5 日 星期日 【微冷】

你要錫住紅色叮噹呀！



自問從來無當過你係一個女仔！

但係依家發覺，你比普通女仔更女仔！



錦晚同Apple傾電話，Apple家姐鬼咁串！

我同Apple傾咁耐佢串足我咁耐！

佢真係太過份喇！



你無事嗎？

有咩事都可以同我講嫁！

>>November 5, 2006 at 9:59:03 PM GMT+8

2006 年 11 月 4 日 星期六 【微冷】

錦晚同Apple傾電話傾到兩點！

無得傾MSN，唯有傾電話喇！

今日下晝出去旺角！

有我、Apple、阿Ming、芳芳同埋彬彬！

我地第一站係朗豪坊！

我地見到死神隻公仔，仲以為一早搬走咗添！

點知隻野留喺到咁耐！

仲有隻勁大既Apple，我走去影隻Apple！

但係個個都係到影隻死神！

睇完死神我地就上去無印喇！

阿Ming同芳芳就去咗買筆！

而我同Apple就喺到買野食！

Apple仲要同我講話女仔黎無印多數都係買筆！

而佢就..........喺到買野食！

買完野食，之後就去睇衫喇！

不過短袖衫超難搵！

行行下阿Ming話悶，我就叫佢去旺中喇！

我發覺行行下無野行，之後Apple話去波鞋街！

得我同Apple同埋彬彬去！

波鞋街超多人，唔通真係咁旺？

我地行咗勁多間舖頭！仲周圍玩！

我係咁俾Apple踩囉！

我對Con屎依家超烏糟！

今日買咗兩件衫，一件黑一件綠！

Apple唔俾我買白色衫，真係慘！

行到4點幾就走喇！

我今日發現咗一間舖頭D野好罕有！

睇得出佢係喺外國入貨！

賣D野勁正，下次去買野先！

我地去咗元朗食野，我地揀去龍島！

不過真係麻麻地，下次去田中！

食完野就返屋企喇！

我送Apple返屋企，佢陪我去扭蛋！

我終於都扭到一隻藍色既多啦A夢喇！

之後就陪佢返屋企喇！

我仲見到Apple哥哥！

唔怪得知籃球場有個咁快既人喇！

原來係佢哥哥，真係超搞笑！



唔知Apple哥哥有冇問我係邊個呢？

>>November 4, 2006 at 9:57:12 PM GMT+8

2006 年 11 月 3 日 星期五 【微冷】

今朝同阮阮一齊返學！

聽到一樣野，不過都唔係太關我事！

之前佢問我如果想同條女散會講咩？

我都知佢想點嫁喇！

數學堂聽書，物理堂就打機！

仲同阿Ming玩咗陣SMS！

小息同Apple傾計，我勁俾人搞囉！

我一個小息就戴咗個假髮3次！

之後嬲嬲地掟咗落垃圾桶！

不過賴屎同我講返，個假髮係人地份生日禮物！

算喇！唔掟都掟咗喇！

英文堂要落禮堂上，勁悶呀！

又訓唔到覺！

Lunch留喺學校食，之後陪Apple練射波！

佢今日一定食咗屎，咁鬼準既？

Lunch之後又要中文補課，又做聆聽！

一開始都有聽，不過之後就懶得聽！

等佢講答案！

補完中文之後返咗屋企換衫出中央！

我仲叫Apple黎打波！

唉，阿喵好賤囉！

問佢叫咩名佢竟然話唔講俾我知！

死喇！好耐無同人鬥過波！

依家廢晒囉！

射一球Air波，就俾Apple串囉！

Apple哥哥今日同我地打波！

雖然佢好鬼快！

不過都係輸俾我地！呵呵！

唉，聽日出唔出中央好呢？



Apple，聽日練波呀！

8:30 am

>>November 3, 2006 at 9:10:55 PM GMT+8

2006 年 11 月 1 日 星期三 【陰】

今朝返學見到子晴佢！

仲見到阿方同埋佢男朋友仔！

真係好想笑佢兩個！不過唔係咁好意思！

早會唔知咩事，我竟然走去溫書！

真係傻傻地！

琴晚又同返阿Ming玩SMS喇！

因為依家MSN好少ON！

同佢玩完SMS之後，佢今朝對住我傻笑！

超低B！

我頭兩堂我勁比心機聽書，之後英文堂就死咗喇！

小息叫Apple聽日陪我去行街！

佢話佢聽日去睇波，唔去行街！

仲要扮鬼臉，真係超想打佢呀！

今日講咗阿Ming全名俾佢聽！

唔知佢依家仲記唔記得呢？

唔知Apple今日咩事，平時未咬佢佢已經避！

但係小息我係咁咬佢佢都無理我！

真係奇怪！

物理堂我地講鬼故，我本身有好多好多鬼故嫁！

不過一到講就唔記得晒！

Lunch食完飯就去買奶喇！

之後拎返學校俾Apple！

佢竟然玩緊射Key！

不過射到差到死！

跟我上兩堂喇！

包你有進步！

生物堂聽書，唉，肥建佢勁PK囉！

打機又俾你串！我聽書又俾你串！

你想我點？



下個星期Maths測驗我一定要高分！

我唔要再3字頭！

唔要再低分過Apple！


我份人好咸濕咩？

個個都問我電話有冇咸野！

2006 年 10 月 31 日 星期二 【驟雨】

今朝仲以為唔會有人當值添！

點知都係見到子晴佢！

見到佢超放心，佢一定唔會捉我！

更加唔會捉彬彬，因為我地喺佢心目中！

我地是一對壞男孩！

一早就兩堂中文堂，又俾人抽中出去討論囉！

阮阮見我喺到準備，問我係唔係淆底！

我答佢我係淆底，怕俾人抽中！

之後我就真係俾人抽中喇！

真係超口臭呀！

兩個小息都同Apple一齊！

佢想串馬騮無記性！

數學堂我同阮阮研究呢班有邊個用新世界！

我地發覺我地班有成10幾個都係用新世界！

我地仲交換電話，係咁Send SMS！

我上數學堂既時候仲Send咗個SMS串阿Ming！

Lunch又俾人打，又俾人咬囉！

Apple又唔同我講話佢今日練波要帶波！

叫我點提你？

不過提佢佢都係唔記得嫁喇！

阮阮咬咗我一啖，我扮Enjoy！

佢地真係當以為我真Enjoy！

生物堂打機，肥建問我有邊堂無打機！

我好多堂都無打嫁！

班主任堂對卷，我同肥建玩野囉！

肥建俾我玩死，佢超後悔俾我畫佢MC張紙！

今日補物理，阮阮話悶！

我地就勁吹水喇！

我學到勁多野呀！

不過全部都係咸野！

呢級有邊個女仔個樣OK？我淨係答咗素雞！

可能因為我唔識佢掛！

如果我同佢熟，我既答案就可能唔會係佢！

今日唔洗等Apple！

佢真係太好人喇！

但係...........邊個送佢返屋企呀？

>>October 31, 2006 at 6:44:22 PM GMT+8

2006 年 10 月 30 日 星期一 【微冷】

星期日同今日都無出街！

廢事俾我阿媽串囉！

一出街佢都問我係唔係兩點返！

我出咗兩晚夜街姐！

洗唔洗咁串呀！


今日睇個屎忽鬼日記！

超低B囉！

睇到想笑，因為佢仲記得佢自己唔記得馬騮同阿柱個中文名！

算喇！你唔洗記住！

因為有我幫你記住嘛！


唔知點解，嬲你唔落！

而且，我話等你既！唔關你事！

我想咬你嫁！不過有人唔俾我咬姐！


呢兩日喺屋企勁打機！

一日玩晒電話D電！

我終於都識玩蟲蟲大戰喇！

愈玩愈進步，10分鐘就玩完一局！

我終於都玩到Lv 16喇！

今日既目標就係要爆機！

>>October 30, 2006 at 6:43:08 PM GMT+8

2006 年 10 月 28 日 星期六 【微冷】

今朝出咗中央打波，不過又係得我自己一個！

我悶到係咁射波囉！

喺舊場射波既時候見到有兩個男仔啤到實一實！

之後佢用普通話問我可唔可以一齊射！

之後仲同我傾咗陣，原來佢係上海人！

佢黎香港買野！

佢仲問我幾多歲，我話16歲！

佢超出奇，我勁想打佢！



下晝同Apple傾電話！

佢今日又去燒野食，又係去有叉用！

真係低佢死！

我就去大口屋企打麻雀！

佢仲話煮飯食！

我地上到去，大口同BB整野先，我同阿Rex就>喺到睇！

之後我同阿Rex都唔係好夠膽食！

跟住我地就打麻雀喇！

我諗我打麻雀既時候都係唔好亂講野！

呢排真係黑到爆！

講真咩都中囉！

Apple下晝Send咗佢家姐張相俾我睇！

真係好鬼似呀！

打到7點佢地就煮飯食喇！

我就同阿Rex落街買野飲同買野食！

煮得都唔錯既，不過我地個個食完都好似無食咁！

個個食完都仲肚餓！

好彩我地買咗薯片姐！

之後我地又繼續打麻雀喇！

打到11點半就走喇！



BB肚痛，唔食宵夜！

之後我同阿Rex送佢返屋企！

我同阿Rex就去公園等Apple！

唉，早知去接Apple無咁嬲！

我下次一定會去接佢囉！

我由12點開始等，等到成1點幾！

我無得食糖水，淨係食咗兩串魚蛋咋！

我真係陰公！

之後送佢返屋企，本身有得見佢家姐嫁！

不過佢家姐唔得閒囉！

我今晚又成2點返到屋企喇！

之後沖涼，整野食既時候Apple無啦啦打黎！

真係俾佢嚇死！

不過傾咗陣就收咗線喇！

Apple，真係好唔慣你有得俾我揀！

你下次惡D叫我去接你喇！

>>October 29, 2006 at 5:04:56 PM GMT+8

2006 年 10 月 27 日 星期五 【酷熱】

今朝捉頭髮，又係吳Sir佢捉！

所以預咗無事！

不過佢睇我個頭睇得最耐！

係咁話我呢樣嗰樣，但係無叫到我出去！

英文堂肥建俾人收電話，不過部電話唔係佢既先搞笑！

霍狗幾日無得用電話喇！

不過肥建真係勁搞野！

俾人收電話都咁識搞笑！

Miss Wan叫佢閂咗部電話，佢竟然答Miss Wan佢唔識囉！

我同劉恆笑足佢成堂囉！

小息係咁叫人去燒烤！

但係傑仔病咗！唔去得！

物理堂我同劉恆成個8婆咁，我地勁同阮阮傾計！

8到勁多野！

下晝Apple打比賽，我好想去睇嫁！

不過要補課！

生物堂打足成堂機！

蟲蟲大戰真係好鬼難玩！

今日要落去禮堂補中文，俾人抽中出去讀野囉！

呢排個口超臭，講咩都中！



7點半就去的士站搵Apple喇！

佢拎住勁多野囉！不過係A班既班衫！

之後我、佢同埋阿Rex搭的去有叉用喇！

個的士叔叔都係第一次入去！

我都係囉！

唉，揀錯燒烤場囉！

都無咩野食，連我最愛既麵包都無囉！

我今日都試過A班件班衫，真係幾靚下！

我地3個燒到9點幾，馬騮同阿Sam都黎埋！

之後5條友勁吹水！

我同Apple出去拎野食既時候，見到有班人黎咗！

仲有幾條女添！

之後我就係咁望喇！不過唔靚既！

馬騮佢都好想望，不過佢近視！

馬騮佢拎左超多野食，但係燒唔晒！

又話自己環保，不過浪費食物囉！

我地燒到差唔到12點就走喇！

本身我地打算送Apple返屋企先，不過Apple又話去食宵夜都無所謂！

Apple成日都撩狗，不過今晚呢兩隻真係勁得意！

我無叫佢過黎佢都走過黎我到！

早知影返張相喇！

之後我地就返去天瑞喇！不過無糖水食！

我地去咗OK買野食！

之後去咗公園傾計！

傾到1點幾，就散喇！

我送Apple返屋企，Apple真係好搞笑！

以為佢咩都唔驚，點知原來佢怕鬼！

今次我仲要送埋佢上去，本身超想行去望下佢家姐！

不過我諗佢唔會俾囉！

成2點先返到屋企！

>>October 28, 2006 at 4:39:23 PM GMT+8