2006 年 11 月 22 日 星期三 【陰】

決定咗喇！由今個星期六開始，我日日都會溫書！

今朝數學堂做工作紙，超難做呀！

會考長題目真係唔可以睇小！

今朝大肚婆無上黎，仲以為佢無返添！

一心以為今日會有兩堂空堂！

點知佢今日有返，不過今朝無上黎！

大肚婆今日個樣有少少怪，有咗BB真係辛苦！

第2堂返咗課室，我喺到打機！

因為佢無講書！今日愛上咗高爾夫Game！

我今日成日都淨係喺到玩呢個Game！

第2個小息同Apple傾計，我問佢喺Xanga講緊邊個？

佢又死都唔答我！

今日連英文堂都打機，真係痴痴地！

Lunch係咁俾人打囉！

阮阮又打，賴屎又打，魚旦都打！

今日反而得阿Ming無打我！

本身Apple黎搵我傾計，不過佢傾傾下就走咗！

今日見到馬騮打算送俾人o個份禮物！

之後就係咁串佢喇！

Lunch之後電腦堂，我地學校又換電腦！

幾鬼有錢呀！

Apple佢Send SMS俾我！

我諗咗好耐究竟係YoYo定係佢Send俾我，不過我諗都唔會係YoYo！

因為平時都無咩同佢講野！

今日阿Sir問咗我一樣好過份既野！

佢問我你係唔係打算放棄？

我無理到佢！

如果我真係放棄，我不如退修？

我上你堂做咩？真係超想打佢！

上完電腦堂之後喺5樓等馬騮！

之後喺到等佢送禮物，不過到我走佢都無送到！

唉，仲要話我俾壓力佢！

我真係講得好好，希望你有下半場喇！

我睇下半場！哈哈！

今日補課補到成5點半，搵唔到Apple！



我個身真係好香咩？

YoYo佢今日講到好搞笑，佢無啦啦推我！

好大聲咁話原來係我香，佢話佢以為係Apple陣香味！



唔該唔好俾希望我好唔好？

我真係唔知你想點呀！

>>November 22, 2006 at 10:52:44 PM GMT+8

2006 年 11 月 21 日 星期二 【颱風】

今日一返到去，我就見到Apple企咗喺我屋口！

佢一共拎咗我兩樣野，一樣係綜合能力，一樣係M&M！

今朝頭兩堂係數學堂，本身一開始都有好心機上！

不過上上就真係頂唔順，喺到打機！

阮阮佢轉咗台喇！仲已經用緊！

小息真係好想問Apple拎返包朱古力囉！

自己明明仲病緊，仲要食朱古力！

物理堂無聽書，我睇唔到出面D野！

真係要配返副眼鏡先得喇！

唔係真係咩都睇唔到！

今日2奶講咗好多關於個港隊D野俾我聽！

唔通佢真係好波到咁！

不過睇唔出佢肥肥地，但係跳得好高，又快！

今日喺電腦室門口見到超大隻飛蛾！

阮阮一問打我，我即刻話去捉隻飛蛾落黎嚇佢！

雞脾今日問我想唔想打學界，我話想！

之後佢話不如中六一齊打！

我問佢你有信心升到嫁喇？

佢答我佢應該都升到！

Lunch有人俾可樂糖我食，但係食食下發覺唔對路！

點解佢有可樂糖嫁？

邊個俾佢食嫁？太可惡喇！

PE堂喺到打羽毛球，我同2奶係咁串Sandy！

話佢都唔係打，淨係係咁執波！

打打下俾人偷咗個羽毛球，之後喺雨天操場玩！

2奶佢想SM我呀！

超級變態呀！阿Dor你要小心D！

放學同班女仔去咗中央，打咗一陣就落雨！

之後成班人係到避雨！

我發覺自己連一個女仔都識唔到囉！

下次一定要識晒佢地！

唉，返到屋企濕晒！

今日成個中央公園都浸晒！

行返屋企行到對鞋都濕埋！

>>November 21, 2006 at 9:08:14 PM GMT+8

2006 年 11 月 20 日 星期一 【微冷】

今朝一早返到去，我見到雞脾個頭O晒嘴囉！

如果佢剪到咁，應該係得一個原因！

就係可能佢失戀！

今朝個個都喺到講話星期六D野，我發覺原來個個見大肚婆既都會俾佢話！

數學堂問雞脾做咩剪到咁！

原來係有段故，就係星期六見家長o個日，大肚婆同佢阿媽話佢頭髮長！

又用髮泥，所以佢阿媽見完大肚婆之後就拉咗佢去剪頭髮！

好彩我醒目剪咗頭髮先返去姐！

生物堂好留心聽書，因為生物教生BB D野！

Miss Chan話生BB唔會好痛！

佢話電視劇太誇張！

講完BB之後教避孕D野，Miss Chan同成班女仔講緊既時候！

我行埋去睇下喇！點知俾人笑囉！

我仲以為佢地講緊咩添，點知原來係講緊避孕既野！

我仲以為我唔聽得既添？點知我一陣都要聽！

電腦堂係咁同賴屎佢地傾計，阿Sir同我講野我都無聽過！

賴屎今日又喺到讚佢自己，我話鍾意望靚女！

佢話咁咪鍾意望佢？真係超想打佢！

今日阮阮同我講，阿Ming同埋佢都會轉台！

仲要係轉People，之後我就同佢講！

我身邊個個都係People，唔洗我轉喇！

Lunch我喺到玩芷蔚，我講咗兩句野佢就面紅喇！

Apple都唔知係唔係真係唔去睇下個星期場波！

今日放學聽Listening，我話會聽歌！

跟住就係咁俾人話我PK！

聽歌唔係Listening咩？

聽Listening既時候我個FD係咁打黎！

原來佢係叫我去打波！

我去到中央，佢同班勁人打緊！

原來超多人識佢，佢依家愈黎愈勁！

睇完之後我去咗銀座睇袋，其實真係好想問下！

個袋係男裝定女裝嫁？

>>November 20, 2006 at 8:43:40 PM GMT+8

2006 年 11 月 19 日 星期日 【微冷】

Re 魚旦︰點解你會有我日記網址既？估唔到你有睇我日記下！但係我反而想見陳Sir多D！

琴晚唔記得同桃桃講生日快樂添！

今日又無野做，又留喺屋企訓覺！

下晝同Apple傾咗陣電話，佢同我講話佢今朝唔知醒！

因為佢閂咗電話訓！

真係底佢死，我琴晚問佢洗唔洗打電話提佢睇波！

佢又話唔洗，又話閂電話訓！

搞到唔知醒喇！



今朝我都想去睇嫁，不過我起身既時候！

已經成11點喇！

我諗佢地已經打完喇！



今晚我家姐有朋友上黎打邊爐！

有個人話佢新年會喺元朗賣野！

佢話想請人，有成25蚊一個鐘！

搞到我都想去做添！

不過o個陣時我地考緊畢業試！

唔係我諗我都會去做！



買唔買o個個袋好呢？

Apple佢話我想買可以買！

>>November 19, 2006 at 10:23:05 PM GMT+8

2006 年 11 月 19 日 星期日 【晴】

今朝10點俾人嘈醒咗，2奶佢打黎叫我起身！

因為我應承今日陪佢出元朗！

11點幾落到7仔等佢，之後就搭輕鐵出元朗喇！

出到元朗第一件事就係去剪頭髮！

我今日叫Mandy幫我剪短咗髮尾！

Mandy今日幫我剪完先洗頭，可能因為佢以為我愛上咗o個個女仔！

佢幫我剪完頭髮之後就好大聲咁叫o個個女仔黎幫我洗頭！

一路洗一路同個女仔傾計，佢考我記性囉！

佢問我記唔記得佢第一次幫我洗頭既時候同我傾過咩！

我真係答唔到佢囉！

我問佢記唔記得，點知佢都係唔記得！

如果佢記得，咁我就好驚喇！

2奶佢剪完頭髮之後型幾多呀！

下次唔該你搵Mandy幫你剪喇！

Mandy一邊剪，我一邊笑2奶！

2奶佢真係好似幾個月無剪頭髮咁！

佢剪一剪就剪咗超多頭髮！

剪完頭髮就去行街喇！

我地去左Levi's睇野，2奶佢話想買Levi's袋！

有錢仔真係唔通D！

我去入咗Levi's，淨係見到兩個牛仔袋！

仲要係樣衰到唔會有人用！

之後我去咗睇Jacket，見到有兩件幾靚！

今日終於都搵到Apple個袋，發覺原來個袋真係有黑色！

不過設計唔同！

我真係好鍾意Apple個袋，我都好想買！

行到兩點我地就走喇！



今日去到我地課室，見到2奶喺入面！

大肚婆同2奶阿媽傾咗超耐！

好想知大肚婆同2奶阿媽講過咩！

之後到我喇！我阿媽全程淨係講過2句野！

因為大肚婆根本就唔係同我阿媽講野！

淨係係咁問我野！

唉，真係好唔鍾意讀書！

算喇！好好地考埋呢個會考算喇！

今日同我阿媽去銀座百佳買野，撞到阿Ming！

超好彩呀！

今日大肚婆問我成績點解差咗咁多！

問我係唔係有咩事發生咗！

之後佢又問我有冇同阿Ming講！

唉，原來佢真係一直以為我同阿Ming有野！

>>November 19, 2006 at 12:49:27 AM GMT+8