2006 年 11 月 17 日 星期五 【炎熱】

今日第一堂係數學，阿Sir仲係講份卷！

點解我明明識，但係測驗會唔識做？

物理堂我喺到打機，不過都好過佢地喺到訓覺！

小息同Apple傾計，佢話佢錦晚食咗成包朱古力！

之後忍唔住打咗佢一下！

今日唔洗上SBA堂，太正喇！

我都估到佢無返嫁喇！

因為今朝早會見唔到佢！

都唔知點解佢成日都唔返？

請過第2個喇！

Apple話佢要上兩堂聆聽，之後我就俾咗部電話佢打機！

我仲叫佢順手睇埋阿Ming錦日Send俾我D SMS！

小息既時候，我放隻手喺Apple膊頭！

之後陳Sir佢啤我，我即刻放返低！

兩堂Chem同Apple玩SMS，我玩到超明顯！

我玩玩下，突然間諗起聽日係家長日！

一陣大肚婆同我阿媽講話我堂堂Chem堂都玩電話咪死？

真係淆淆地！

Lunch返到上6樓，見到有個人鬼鬼鼠鼠喺到偷糖食！

唉，仲有邊個咁唔聽話呀！

今日又咬咗佢一啖，唔知點解呢排好鍾意咬佢！

今日成個Lunch望住佢，唔俾佢食第3粒糖！

不過諗佢一返到課室就食第3粒喇！

中文堂有個壞消息，就係今日中文補課取消！

唉，做咩又唔洗補呀？

今日唔洗補姐，又唔代表之後唔洗補返！

我地已經差李Sir兩個鐘嫁喇！

下次補課，可能7點先放都未定！

唉，好耐都未試過咁早有得走！

真係好掛住以前既日子！

>>November 18, 2006 at 10:19:44 AM GMT+8

2006 年 11 月 16 日 星期四 【微冷】

今日派數學測驗卷，得57分！

我發覺自己超低B！

都唔知係唔係因為同得Apple一齊多！

Chem堂大肚婆淨係講咗一陣書，因為佢用咗大半堂黎講聊野！

今日問肥堅拎佢部新電話黎睇，SE K800i！

部野超慢呀！不過其實真係幾靚！

我走去睇肥堅影D相，發現有兩張西西既相！

我問佢點解偷影西西，佢答都唔答就一手搶返！

肥堅你有D野喎！

小息係咁叫Apple講野，但係佢又唔講！

因為佢怕我聽到佢把聲！

第2個小息差少少俾人咬，不過好彩走得快！

物理堂同阿Ming SMS，知咗好多我唔知既野！

佢又串我喇！

我一定要同返Apple講！

阿Ming今日帶咗眼鏡返學，不過係無度數既鏡片！

Lunch同阿Ming同賴屎傾計！

我又揭賴屎裙，不過今次俾佢鬧！

賴屎又喺到講話想識個又靚仔又有錢既男仔！

我聽到悶喇！

中文堂唔洗聽書，李Sir有野做，唔得閒上堂！

生物堂又喺到打機，唔想聽書！

今日補化學，大肚婆派返之前份卷！

34分入面我有24分，我已經超開心！

因為其實成課我都無聽過！

而我個隔離位佢就得14分，佢真係唔掂！

對完卷之後又測驗，OK識喇！

Apple去咗參觀，希望佢無食糖喇！

我諗小白兔有睇住佢既！

>>November 16, 2006 at 8:57:53 PM GMT+8

2006 年 11 月 15 日 星期三 【乍寒還暖】

今日要著班衫，我完全唔知囉！

不過好彩仲有彬彬陪我！

阮阮一早就咬咗我一啖！

佢又拍拖喇！要請阿Ming佢地食飯！

超低死，早知我都玩埋一份喇！

今日去咗南社坐，「佢」又係！

臻臻朝早幫我問傑仔拎返個工作人員牌，之後俾我既時候！

有個女仔話想要南社D公仔！

我話俾佢，佢超唔信咁！

係咁問︰你真係俾我嫁？

我地個個都喺到食野，個女仔請我食野！

個女仔係4C個女班長！

今日彬彬問咗我一個問題，一時之間真係答唔出！

南社無人睇，之後我地幾個喺到聽歌！

Lunch搵Apple去椰之島食，個湯真係好好飲！

個湯有蟹柳食，不過我俾晒Apple食！

椰之島D野真係幾好食，下次再去過！

今日又俾人投訴，Apple話我淨係請阿莊食飯！

唔請佢食，之後佢就要我今餐請佢食！

佢喉嚨唔舒服，仲走去食薯條，不過唔鬼理佢！

點知佢之後話要食糖，不過我無俾佢買！

今日下晝喺樓下幫手，順手睇埋班際4x100！

雖然我地班跑第4，不過唔洗包尾已經好好！

Fish跑完之後喊，但係佢跑之前已經喊咗次！

我都唔知同佢講咩好！

隻爛蘋果問人拎糖食，超想殺咗佢！

>>November 15, 2006 at 11:18:12 PM GMT+8

2006 年 11 月 14 日 星期二 【微冷】

琴晚同Apple傾電話，傾到心都淡埋！

佢又同我講喵D野！

真係超呷醋囉！

識佢咁耐，佢都無咩讚過我！

但係佢就成日喺我面前讚喵囉！

我琴晚令到佢應承我以後唔喺我面前提喵！


今朝7點幾就要起一起身，因為要打電話叫醒Apple！

本身我叫佢唔好去練波，佢又講到佢唔去唔得咁！

咁咪俾佢去囉！

今朝一早出咗去中央打波，不過淨係得彬彬同埋劉恆！

打打下得返我地3個！

之後我地就過舊場打！

我過舊場既時候見到Apple過緊黎！

唉，又話唔黎中央！

今日同彬彬個教練打波，唔知點解佢成日望住我！

個Feel超怪！

不過佢都幾好人！

今日同彬彬1on1，佢輸咗俾我！

佢勁俾我呃呀！

今日真係超想殺咗Apple，病仲同人玩1on1！

不過算喇！都管唔到佢咁多喇！


今日有人投訴我！

話我咬瘀咗佢！

我真係唔知自己會咬瘀佢！

可能因為佢肥喇！

不過今次真係幾大力！

>>November 14, 2006 at 9:58:41 PM GMT+8

2006 年 11 月 13 日 星期一 【微冷】

今日陸運會，要著班衫返去！

真係超級怪！

今日幫手做工作人員，做召集！

最鍾意就係女子100米，有幾9組！

超多女仔呀！

佢地唔知邊組，就會仆埋黎問我！

真係艷福無邊呀！

彬彬佢就慘喇！

佢睇男仔，我就睇女仔！

我見到有幾個女仔幾靚下！

西社今年唔知咩事，超級多人黎西社坐！

唔洗10分鐘就坐滿晒！

而北社就超少人去坐！

Lunch去咗紅葉食，真係麻麻地！

服務態度又超級差！

星期3應該同Apple食！

今日下晝唔洗做工作人員，留喺看台！

我去咗東社坐！

其實真係幾想去南社，不過見到「佢」喺到！

就無去喇！

放學成班去咗打波，我仲叫埋Apple黎！

佢地班女仔又同班男仔打波！

但係我就無同佢地打！

隻腳超痛呀！

本身都打算同佢地去食飯，不過見佢地成6個女仔！

得我一個男仔，我就唔想去喇！

而且佢地仲話去紅葉！

咁就更加唔想去！

我成8點先返屋企！

>>November 13, 2006 at 9:45:09 PM GMT+8

2006 年 11 月 12 日 星期日 【微冷】

今日家姐生日，喺屋企同佢慶祝！

3點幾就開始打麻雀，打到7點幾先食野！

我又輸喇！超PK呀！

7點幾我地就開始打邊爐，不過食咗一陣大家都飽！

10點幾就切蛋糕喇！

仲未買生日禮物俾佢！



我家姐今日同我講，如果我會考6科合格！

包括中英數，仲有10或以上！

佢就會俾2000蚊我！

我阿媽都會俾2000蚊我！

加埋有成4000蚊！

真係好吸引下！

>>November 13, 2006 at 9:41:00 PM GMT+8

2006 年 11 月 11 日 星期六 【晴】

琴晚喺到執張電腦檯，超多野呀！

執完之後，成檯都係玩具！

彬彬成1點Send SMS叫我聽日打波！

超無奈囉！訓訓下俾佢震醒！

今朝一早出咗中央，出門口之前打咗電話俾Apple！

話佢知我會喺中央同埋提佢出去跑步！

點知俾人話返囉！

好心無好報！

今朝一早出到中央，點知原來今日打學界！

以為新場一定超多人！

點知都唔係好多！

10幾阿Sam就黎咗喇！

好耐都無同佢打過波喇！

今日有兩個英國人黎咗打波！

之後走去跟隊！

點知到我地既時候佢地個個都走晒！

得返我、阿Sam同埋彬彬！

之後超辛苦先搵夠3個人同我地打！

一開波就出事喇！

我都唔知係唔係踩親條友條尾！

無啦啦同我講話我好慢！

我心諗︰我有話過我快咩？

不過算喇！廢事理佢！

之後我飛出去救球又俾佢話白痴！

條友都痴痴地！

第一場輸咗俾佢！

之後就打第2場喇！

我地抄佢10蛋，超低死！

都未見過人咁自大，都唔知係唔係我好蝦囉！

佢又唔會話彬彬同阿Sam！ 係要搵我黎話！

睇阿Sam同彬彬佢地打波，我諗佢地都唔係好鍾意o個條友！

唔係都唔會咁認真打，抄佢10蛋！

打完第2場，我話打第3場！

彬彬好串咁話︰佢地唔打喇！輸成10蛋，仲打？

不過條友話打第3場，咪同佢地玩囉！

佢又係到話我，佢永遠得把口！

又話我呢樣o個樣，超級煩！

打第3場佢又係輸，之後走！

唉，今日脾氣超好！無好似琴日個肥仔咁打佢已經好好！

唉，佢又唔係勁，又要話我廢！

問彬彬點解佢要係咁話我，彬彬話可能因為我地贏波！



阿Sam今日講咗樣野俾我知！

就係Apple家姐以為阿Sam係我！=.=

>>November 12, 2006 at 3:46:18 PM GMT+8

2006 年 11 月 10 日 星期五 【酷熱】

今朝唔洗落去早會，因為我要去練Oral！

我記錯自己同邊個一組，超低B！

唉，Oral超無奈囉！

點解會揀中我講一分鐘嫁？

真係超黑仔！

頭兩堂係中文堂，要做工作紙！

又要做聆聽，超級悶！

小息又同Apple傾計，佢唔肯俾隻叮噹我！

超想死呀！

第2個小息同佢講話一陣上堂同佢玩SMS！

但係佢又唔知點解覆得鬼咁慢！

數學堂又俾人鬧喇！

陳Sir佢真係好擔心我地！

佢問我地讀書辛苦定做野辛苦！

我好大聲咁答佢讀書辛苦！

Lunch一入課室就俾人追數喇！

陸運會都唔知有幾多餐飯要還！

今日又去搵Apple傾計喇！

求咗佢好耐佢都仲係唔肯俾隻叮噹我！

真係超想打佢呀！

班主任堂陳Sir改卷！

得50幾分咋！超級低囉！

明明有60分就唔洗再留多半個鐘！

我依家要惡補數學，唔可以再咁低分！

點都要有8字頭！

放學喺樓下打波，陳Sir勁奸呀！

搵高佬屈我地機！

之後出中央打波，阿喵呃我，佢唔黎！

搞到我俾Apple鬧！

Apple今日去自修室溫書，真係一個奇蹟呀！

我聽到都呆咗囉！

今日超好彩地撞到鯇魚！

真係好掛住佢呀！

>>November 10, 2006 at 9:56:38 PM GMT+8

2006 年 11 月 9 日 星期四 【微冷】

今朝超勤力，喺到溫書！

因為今日要測Chem！

但係我完全唔識！

小息又同Apple傾計！

佢問我借咗電話，佢喺數學堂打機喎！

唉，自己D數學又唔係好喎！

我地數學教晒書喇！

陳Sir真係教得超快！

今年陸運動可以著班衫，仲要兩日都得！

聽落都幾正下！

但係諗緊著唔著，如果著既話，咪好怪雞？

Chem測驗，第一次咁俾心機做囉！

不過，都係唔識囉！

第2個小息落去搵傑仔，不過落咗去一陣就上返黎喇！

生物堂做返份功課！

之後就打機喇！

Lunch無啦啦同阮阮同埋阿Ming講起大陸既野！

今日先知原來Apple大陸喺虎門！

今日又玩揭裙，又係賴屎！

超好玩呀！

死喇！好怕Apple學埋賴屎D野囉！

一陣佢學賴屎搣我Lin咪死？

電腦堂超好玩！

又整網頁，整整下就開始玩喇！

阿Sir佢真係完全理唔到我地！

今日睇中4班女仔搬墊，超正呀！

我同雞脾勁淫笑囉！

我決定下個Day6等佢地先！

一落堂就即刻出去睇！

補電腦既時候我同賴屎玩咗半堂！

佢拎咗我一百蚊，我好辛苦先搶返！

我地一邊玩一邊笑，我差少少笑到痴線！



返到屋企有個好消息，就係我終於有最後一隻叮噹喇！

Apple家姐真係錫我！

雖然大家未見過！

但係錫返你個妹補數喇！

>>November 9, 2006 at 11:30:48 PM GMT+8

2006 年 11 月 8 日 星期三 【微冷】

今朝一早係到勁做功課！

唔欠交英文功課，麻鬼煩！

兩堂數學堂咩都無聽過！

自己喺到計概率！

上數學堂既時候打算Send SMS俾人！

點知Send極都Send唔到！

之後問霍狗佢，原來佢都一樣！

唔係次次都Send到出去！

小息同Apple傾計！

佢拎咗兩隻史迪仔俾我！

我問佢點解佢阿哥會見到我地！

而我地見唔到佢！

佢阿哥竟然話我地溫馨！

有太多野佢唔知喇！

同Apple講話頭先上堂Send唔到SMS！

佢又係呢句，轉People喇！

今日電腦堂係新電腦室上！

我地玩錄音，超無聊！

何Sir仲要無啦啦走咗入黎！

我正想拎電話出黎玩，好彩有望一望我後面姐！

因為何Sir坐咗係我後面！

Lunch一早返到黎，一行過去搵Apple！

Apple就同成班女仔一齊出黎喇！

之後就唔同佢傾計，走去教阿Dor數！

跟住就玩賴屎喇！

我揭佢裙，不過無野睇！

無野睇仲要俾人追住黎打！

數學測驗又唔係好識！

唉，死喇！點算好？

有題超搞笑，抽爛蘋果，其實好易計！

不過我無計！



夜晚佢打俾我，睇黎佢真好累！

同佢傾咗陣就叫佢去訓覺！

佢打黎係問我差邊隻叮噹，因為佢家姐頭先去抽！

不過唔係抽中我想要o個隻！

原來Apple家姐都幾好人！

>>November 8, 2006 at 9:22:06 PM GMT+8