2006 年 10 月 16 日 星期一 【陰】

今朝早會完咗上樓梯既時候，我地勁嘈囉！

因為有人扮野，超睇唔過眼囉！

佢話傷既位我都傷過，我都未行到好似佢咁喇！

佢根本咩事都無，扮Q晒野！

佢腫都唔腫下就話傷，搵鬼信呀？

大濱仲要一邊行上去一邊扮佢行路！

今日兩堂數學堂都係到計數，阿Sir今日先同我地講話星期3測驗囉！

小息等Apple佢拎野俾我，但係佢又無！

佢勁低B，真係搵人黎問嗰個問題！

物理堂去咗實驗室玩磁粉，勁好玩！

不過超臭囉！玩完之後走都走唔切！

第2個小息叫佢拎俾野俾我，點知佢竟然記得佢有野喺我到！

平時又唔見佢咁醒目，今日特別唔同！

佢小息唔肯俾我，因為我唔肯俾返張相佢！

英文堂對返之前做嗰份卷，我竟然高分過劉恆！

我仲要勁串佢！

電腦堂睇賴屎佢玩魔術，教佢點玩佢又唔信！我知點玩嫁！

Lunch食完飯，就去咗買奶喇！

今日好好彩，識得偷運上去！

因為我拎到上去既時候郭仔同緊Apple傾計！

你睇下我，我幾了解你呀！知你想飲咩味！

我企咗喺郭仔隔離無出過聲，因為唔想阻住佢地！

仲以為今日東社贏梗添！

佢迫我俾返張相佢，佢先肯俾嗰樣野我！

我話佢一定會後悔，佢即刻淆底！

之後佢又迫我講我點解會話佢會後悔先肯俾我！

佢成日都呃我，講完都唔算數！

我拎嗰樣野出黎睇，點知跌咗一樣野！

之後我打算唔執，點知望一望佢個樣，係唔執唔得！

今日聽佢同郭仔講野，佢讚我射球準呀！好開心呀！

PE堂勁慘呀！要我踢波，要我打排球都仲可以！

叫我踢波真係無信心囉！

我會忍唔住伸隻手出黎截個波嫁！

我又要踩波車！又要「炒飛機」！
我肯定我唔係踢波既材料！

如果下次係打籃球你地一定PK！

我一定炒你地嫁！

唉，好彩我有咁既身型咋！

唔係我踢波都唔知會PK幾多次！

PE堂行去7人場既時候，我地又串扮野嗰條友囉！

又話傷，又要落場踢波！

放學聆聽，Miss Ho超PK囉！

要聽兩個練習先肯放！

我做做下都懶得做，瞓覺算！


唔想同你講野！

2006 年 10 月 15 日 星期日 【乍寒還暖】

今朝無出中央，呢兩日打波打到想死！

今日不斷咁睇逃！就黎睇晒喇！

一邊睇一邊同Apple傾計，有人俾我呃咗！

有人以為我會出中央，之後今日出咗去搵我！

好彩之後佢媽媽搵佢去食野姐！

唔係佢一定發我脾氣！

星期5去睇戲！


點解要同佢解釋？
唔通我錯咩？

我唔鍾意D咩，我唔覺得有需要周圍同人講囉！

不知者係唔係真係不錯？

如果佢知但佢仲講我係唔係可以嬲佢一世先？

唔該，唔好煩我！

我好想講，我份人好小氣！

我呢排心情超差！

>>October 15, 2006 at 8:33:01 PM GMT+8

2006 年 10 月 14 日 星期六 【陰】

今朝好早就起咗身，之後換衫出中央！

如果唔係因為錦晚唔開心，今朝都唔會咁早出中央！

我去到既時候Apple已經到咗！

仲射緊波，之後我都去咗射波！

錦晚玩得太開心喇！仲鬼咁攰！

之前整親嗰個位，今日痛痛地！

我射咗陣波，有個阿叔就黎咗喇！

佢話鬥波，之後一打就打咗成6場喇！

最底死係場場都係我嗰隊贏！

打完6場波之後，勁多人黎咗新場打波囉！

之後我決定去舊場，舊場勁少人！

我見到個男仔射波勁準，仲幾大隻，有6舊腹肌！

Apple走咗無幾耐，我就走喇！


錦晚真係勁火囉！

你知唔知每個人都有佢既死穴嫁？

你知唔知上次馬騮同我講同一番說話我點呀？

今次，我已經對你好好！

我真係好憎你呀！

你仲話我煩？我想嫁？

以後你都唔好搵我去玩！

Eva，對唔住！

你生日我一定唔會去！

我講得出做得到！

>>October 14, 2006 at 7:22:33 PM GMT+8

2006 年 10 月 13 日 星期五 【陰】

今日好多節目呀！

又去咗睇波，又打波！

第2堂聽到個壞消息，話今日要補課！

不過小息既時候李Sir又話唔洗補，正呀！

生物堂打算搵Apple傾下計，點知佢電話又無跟身！

我仲打算同雞脾連線打機嫁！

不過我部電話又無電，問阿Ming佢借電佢又唔肯！

電腦堂同賴屎佢玩，成日都俾佢串！

我唔夠膽睇Apple張相，廢事俾佢地串死！

賴屎真係唔知死，佢真係唔多信我會拍佢個胸咁！

係咁撩我，真係想殺咗佢！

唉，件衫無啦啦俾阮阮佢畫花咗！

返屋企食飯順手換埋衫！

今日又有社際睇，南社又贏咗！

彬彬睇完之後上黎同我講話佢星期一會打！

之後我就問雞脾佢打唔打，佢打我打！

雞脾佢話打，我諗同霍狗講聲就有得打！

放學即刻就走，去咗體育館睇波！

我去到佢地都未開波，好彩姐！

今日睇波都俾人串囉！

魚旦串我話我唔係淨係留意佢既姐咩？

真係俾佢串死囉！

佢地打成點，唔評價喇！

佢地打完之後，我同佢講話我去中央等佢！

雞脾佢地成班喺到打波，打打下愈黎愈多人！

之後Apple佢地成班都黎埋，好耐無同過佢打波喇！

一開始玩，跟住勁俾人話！

之後認真，今日射3分勁準呀！

不過佢地認真之後，我就無咁易射3分球！

Apple今日射波無Air，仲要入埋！真係奇蹟！

佢今日鬥波多數都係跟住我，佢真係識揀！

但係我要付出代價，我成件衫都係佢既手印！

2006 年 10 月 12 日 星期四 【陰】

錦晚同佢傾唔夠10句，就Off咗喇！

因為去咗瞓覺！

今朝潘校長黎講野，不過我勁唔俾面囉！

我無咩聽到，仲瞓覺添！

今日收到學生會本野！

有人可以咁細心發現我既存在！阮阮真係勁！

今日又唔記得帶筆袋，第7次喇！想死呀！

今日小息都無咩同佢講野，今日到佢冷落咗我喇！

物理堂測驗，鬼咁多題，邊夠時間做呀？

英文堂落去上SBA！

死喇！好怕下堂到我地討論添！

落堂既時候見到一樣勁變態既野！

阮阮佢用平時對開我用個招用喺魚旦身上！

我無野好講囉！阮阮真係勁變態！

化學堂打機，我玩足兩堂佢都無理我！

佢真係勁好人！

Lunch又有社際睇！

西社又輸咗喇！咁鬼廢嫁！

李Sir講咗個好消息俾我地知，就係聽日可能唔洗補課！

不過下個星期5補返，可能要6點先走！

下個星期5仲要係便服日，勁PK呀！

今日補完電腦之後講咗1樣野，之後就俾賴屎佢追喇！

不過無俾佢追到！唔係又要俾人打！

之後去咗體育館，我喺到打機！

俾人話個Game低B，不過我真係好鍾意玩！

我兩堂Chem都係玩呢個Game！KeKe！

睇波既時候既串佢，之後係咁俾佢打囉！

今日陪佢地睇咗場好波，兩隊都打得好好！

睇完波就走喇！佢話可以唔洗送佢返屋企！

不過又點放心呀？

依家D色魔真係好咩嫁嗎................

死喇！我發覺我好唔熟天華D路！

容咩易俾佢帶我去睇金魚嫁！

都係去行多兩次好！


佢聽日打學界喇！

黑色星期5，正呀！

我相信，你會贏！

聽日千祈唔好要補課，好想好想睇佢比賽！

2006 年 10 月 11 日 星期三 【陰】

Re Apple ︰我聽到你叫佢既！點會唔知佢係你媽媽？我好早打日記嫁喇！你自己無記性唔好賴我好喎！

︰今朝返到去，見到Apple就衝埋去咬喇！

點知咬唔到佢！仲俾佢不知不覺間咬咗啖！

仲以為大肚婆又無返添！

真係令人太失望喇！

數學堂又無野做，同大口佢玩SMS！

化學堂俾大肚婆叫咗出去，仲以為佢想鬧我添！

點知原來係我本化學功課簿做得太好！

佢要我寫多次喺黑板到！

佢又唔一早同我講，搞到我拎完本簿就返埋位！勁底死！

小息Apple搵我，勁想咬返佢呀！

佢問我拎完電話，就走咗喇！

我同彬彬發咗個誓，就係今日點都要咬到Apple！

英文堂勁悶，大濱今日唔知做咩！

唔出聲，又唔講咸野！

搞到我無野做囉！之後同劉恆傾「逃」
！
好想快D睇晒佢！

第2個小息問咗阿柱一個問題，唔知佢有冇呃我呢？

第2個小息報左仇喇！叫佢望一望出面！

之後一啖咬落去，好味呀！

咬完佢之後要同佢保持一隻手既距離！

小息係咁叫佢Lunch落去食，佢本身唔制！

不過講講下佢又肯喇！

物理堂做工作紙，勁難呀！不過都淨係錯左5題！

我仲有大排時間同Apple佢玩SMS！

Lunch同佢出去買野食，之後指俾佢睇邊個係子晴！

我話人地高D，佢又唔信！

之後我叫佢走過去人地身邊，等我睇下！

點知佢真係行過去！子晴真係高過佢！

食飯既野唔講喇！等佢打喇！

食完飯就有波睇喇！

北社贏波，勁呀！估都估唔到會爆冷囉！

之前仲睇死北社，點知北社原來有班勁人！

個北社社長好似Jordan上身咁，鬼咁好波！

放學同彬彬傾傾下計既時候無啦啦有人摸我面臉！

隻手仲要勁烏糟，一諗就知係佢！

跟住仲要俾佢咬，好鬼痛呀！

仲以為佢真係要我陪佢去睇波，有個機會俾我地拍下拖添！

點知佢最後又同我講話可以唔洗我去！

佢同成班女籃去囉！


自己數下你出現左幾多次喇！

2006 年 10 月 10 日 星期二 【微冷】

唔知點解今朝勁攰！

唔想上堂囉！

中文堂勁悶，搞到成班個個都死晒！

小息同Apple佢傾計，佢追我還筆！

仲問我拎埋電話走！

英文堂測驗，都算識既！

第2個小息同佢傾計，佢同我講炸彈人D野！

佢真係傻嫁！都唔知點解咁鍾意玩炸彈人！

個個小息佢都黎搵我，真係太好喇！

小息佢俾咗個SMS我睇！

阿Sam你講野小心D好喎！

物理堂派測驗卷，唔合格囉！

之後要做多次！

Lunch彬彬問我物理幾多分！

我吹水話我有42分，佢真係信！

佢俾我呃咗喇！我廢事同佢講真話！

條友一定想串我！

Lunch食完飯就即刻返黎喇！

因為睇社際，同Apple佢地一齊睇！

西社輸左，底輸呀！

不過佢地連南社都贏唔到，都好難贏到其他社！

點解唔搵勁嗰班去打，例如我呢？

今日生物堂唔洗上，Miss Chan Chan病左！

佢俾我地自修，我就揀做功課喇！

今日我地補生物，測驗！

連佢Send  SMS俾我我都唔知！

因為我好努力咁係櫃桶底搵答案！

Miss Chan Chan要我地俾佢對咗答案先走得！

我就去排隊喇！跟住去一去廁所！

點知返到黎發覺多咗5個人，之後搞到我好似打尖咁！

但明明去廁所之前我排佢地前面！

我竟然鬥得過佢地4個女仔！勁呀！

放學去咗北江，點知搵唔到我要搵既野！

6點幾就返去搵Apple喇！

傑仔佢地嗰時先走，早知入去搵佢地喇！

今日又送Apple返屋企，我又好白痴地差少少又俾車撞！

又多得佢出手相助！

原來Apple同佢媽媽真係好好感情！

我突然間好羨慕添！


今日10號，1個月喇！
你記得嗎？

2006 年 10 月 9 日 星期一 【乍寒還暖】

依家好似仲未喺海洋公園走咁！

今朝返到去，就同雞脾佢講海洋公園D野喇！

之後又要落去聽野！大肚婆今日無返！

死喇！我無一樣功課係做咗的！

今次仲唔PK？

今日有4樣功課要交，我1樣都無囉！

不過雞脾佢都一樣係無！

早會既時候又發現一樣野，我又無帶筆袋！

2個月黎第5次喇！我係唔係有老人痴呆呀？

小息Apple搵我，仲以為佢今日唔會搵我添！

點知佢係問我拎電話玩囉！

我見自己又無鉛心筆用，就叫佢拎枝筆黎交換！

之後就俾咗部電話佢玩喇！

化學堂唔洗上，陳祥金佢代課！

仲一邊飲咖啡一邊睇住我地！串到佢呀！

最搞笑係大濱佢打波子頭既時候俾陳祥金佢見到！

我同劉恆勁笑大濱！

第2堂係胡Sir佢上，第2堂可以玩喇！

波子頭又俾人打，劉恆佢都會發火！

真係第1次見！都未見過佢咁火！突然間好驚佢！

第2個小息佢黎搵我，佢話我部電話無電！

搞到佢唔敢打機，佢話怕佢玩晒D電我會鬧佢！

我又點會鬧佢呀？我咁錫佢！

第2個小息係咁俾人串囉！

連臻臻佢都知埋！

我諗都無咩邊個唔知喇！

Lunch本身記得拎條白色波褲俾臻臻！

點知逗留咗係屋企咁耐都唔記得拎！

淨係記得着冷衫返去！

返到去就去搵佢喇！

佢溫書喎！之後撩佢傾計！

等佢溫唔到書，點知佢最後決定唔溫！

串到佢呀！

之後兩堂電腦，勁無聊！

超想快D落堂，因為今日唔洗補英文！

唔知聽日洗唔洗補課呢？

放學去咗北江買野，同阿Bo佢一齊行！


佢問咗我好多野，我諗，我都唔算有出賣朋友既！

喺北江見到好多熟人呀！

夜晚睇佢日記，我發覺我地勁低B！

聽日唔知佢洗唔洗練波呢？

2006 年 10 月 8 日 星期日 【陰】


今朝5點先瞓，都唔知Apple有冇沖涼瞓！
我成2點先俾人嘈醒！
之後就同人玩MSN喇！
講錦晚海洋公園D野！
要做功課喇！

>>October 8, 2006 at 5:11:58 PM GMT+8