2004 年 1 月 27 日 星期二 【晴】
以下一首歌係送比一d失落...感到好重壓力的人...
當你覺得好辛苦好無助...最幫到你的係邊個?係你最親的人?伴侶?朋友?
當你覺得無奈慨歎的時侯...你埋怨的又係邊個呢?係你父母?同事?上司?
只有一個....衪真正感受到你的痛...願意為左你捨命...愛你比佢自己還要多..
希望大家聽依首歌的時候會想起衪...我們的神...耶穌基督...
上帝聽禱告
作曲: 西伯 填詞: 西伯/張崇德 編曲: 麥皓輪
(一)
(人說)
誰了解此時我心正淚流像火燙!
從我心燒如炭火,又像冰將我封鎖!
黑髮一夜白頭,我往絕望路走,
神啊,可否聽聽我禱?
(人說)
問你可聽到我在傾訴?今我無話問蒼天;
我看前路極灰暗,試問誰為我指引?
我軟弱可知道?我問誰可改變?
若你真的為我犧牲,你定必會聽我禱告。
(天使說)
神了解此時你心,眼淚從未輕看。
從最初一如最初,從來不變不改!
心裏不用懷疑,冀盼未盡未熄,
神會聽聲聲的嘆息!
(天使說)上帝聽禱告,(人說)我在禱告,
(天使說)因祂愛永不止息。
(人說)我看前路極灰暗。
(天使說)就讓神為你指引。
(人說)我軟弱,(天使說)祂擁抱!
(人說)我未能,(天使說)祂可以!
(天使說)上帝應許讓你艱辛最後跨過,
(人同說)今我禱告。(天使同說)聽你禱告。
(合)上帝聽禱告,告別苦惱,
(人說)今我無言地感激。
(天使說)祂看靈魂極寶貴。
(人說)聽侯神為你指引。
(天使說)縱軟弱,(人說)祂擁抱!
(天使說)靠著神,(人說)總跨勝!
(人說)上帝恩典藉教一生也願宣告!祂聽禱告。
(人說)上帝恩典藉教蒼生也願宣告!祂聽禱告。
>>January 31, 2004 at 12:18:50 AM GMT+8
2004 年 1 月 26 日 星期一 【晴】
年初五x唱k
今日又係好凍...凍到我唔識起身咁...下午食飯先起到身...
之後突然收到sms原來係fa姐姐叫我去唱k喎...之mimi就打比我叫我去唱k喇...
我就打比媽問下得唔得啦...之後三點零鐘就出去同佢地會合了...
去到見到mimi喎...而吉,女王同more爺都要遲d到...其間同mimi傾左好耐計啊...
仲發現左原來有個人好似我喎...不過我想我要好努力先去到佢的層次了~~好男人ma~
之後無幾耐佢地都到左...我地就有房唱lu...開頭未開聲唱得好差啊...
吉仔好似唔多投入呢...咩事呢??原來好多人唱歌都好好聽嫁...我就mama lu...
無幾耐阿fa姐姐都到左lu....大家都唱到唔知時間咁...我又要打返去話我唔食飯lu...
之後more見到佢d同事...而我地就去左kfc食飯喇...食完野之後就去新世紀了...
吉,女王同mimi都走先...我就同阿fa姐姐去睇碟同埋衫啊...搵唔到我想要個d衫啊...慘/.\
最後我就阿fa姐姐返左大埔....之後我就返家了...覺覺ma........
p.s.今日真係好開心啊.....好耐都無試過咁大班人出去玩了...
>>January 29, 2004 at 11:33:26 PM GMT+8
2004 年 1 月 25 日 星期日 【晴】
年初四 x 團拜x感動!?
今日唔駛返band...所以我就返左去教會崇拜...返到去為左好多人禱告...
亦都接受左好多人的禱告...崇拜的標題同尋日一樣....但係內容就唔同...
神的話語係日日都唔同嫁...崇完拜我地就去左食飯lu...好耐都無試詔咁多人去食飯喇...
大家去左三育中學附近的其中一間茶樓形式的飯店啦...我地剩係等點心都等左好附...
不過d飯就來得好快的...我地個個都係咁食係咁食...最出奇的就係mani食左好多野喎...呵呵~
之後我地就成班人行左去大中會合鼻鼻佢地lu...我地去左睇陣野就上左係林伯伯家度拜年...
我地影左好多相同埋要講一d恭賀的說話呢...講完就有利是收了...呵呵~
之後我地成班就出左去九龍城度..即係鼻鼻屋企啊...魚糧倦走左先...
其實我都有d倦...又怕比媽媽鬧喎...不過真係好好玩啊...又多野食喎...又可以問d有關神的野喎...
收穫好豐富啊...不過我都打左返家唔駛留我飯的呢...
食完野都差唔多要走lu...我地齊齊搭小巴走....係小巴上面同阿wu傾左好耐計...
發覺大家面對的都好似...互相鼓勵吧!!......
足球疋的成員走左先..所以得番我地小組的人...一齊搭火車返家...係火車度又係傾下計lo...
女有女傾男有男傾...呵呵~~
返到家無幾耐都訓左lu...~zzzzzzzzx﹏x"
p.s大兄話去唱k喎...唔知有冇機會唱呢??
今晚睇完我的野蠻女友之後好有感觸...自己都有d似男主角咁戇直...
自己以前都有一個想守護的女仔...但係都係做得唔夠好而分開左...
見到個男主角無放棄到而且仲係兩年的約定下進步真係好tough...自己都好想學佢...
究竟自己可以進步幾多呢...究竟未來有邊個女仔會守護我呢...唔知...
但係我只係想進步下去...為左自己又好為左一d憎我的人又好...為左愛我的又好...
加油啊...小宏~
>>January 29, 2004 at 11:04:40 PM GMT+8
2004 年 1 月 24 日 星期六 【晴】
年初三赤口
今日又係同往年一樣...又係無野做呢...白白咁浪費左一個朝早...
媽媽病左...係度奉耶穌基督的名醫治好佢的病啦...~ˍ~”真係唔想見到媽咁辛苦...
幫阿媽買d藥藥...同埋食左d野...三點度就去左教會崇拜...
飛的去到都遲到喎...無得敬拜添~...............
好快咁就完左好正的講道...今期講左單要事奉衪...有幾點我都未做得到...
例如信靠神唔單靠自己力量啦...同埋要一家信靠耶穌啦...到而家都仲未做得到...>"<
我相信一定得的...靠神的話...
之後打左陣波...就設家訓覺覺咯...呵呵~~^^...仲有睇熱烈的中華飯店啊.....
>>January 29, 2004 at 7:39:26 PM GMT+8
2004 年 1 月 23 日 星期五 【晴】
年初二!?
今日同往常o個幾年一樣...訓到傻哂自至去大埔頭度食飯...都成十二點嫁...
今年有d唔同的就係要我比錢打的上去...而且今年食盆菜...雖然以前成日都食...
不過依個係鮑芯翅肚咩都齊哂...呵呵... ̄□ ̄〥
食完飯同姑媽姑姐們拜過年後...就坐多陣又係度吹吹水咁lo...例牌又係舅公o個面派d人過來...
然我地又成家一齊上去lo...親戚之中都可算係最討人厭嫁喇舅公...所以佢地虛假的歡迎下我都唔
係好集中咁去玩...只係係度諗野...最後發現左佢地只係比左三十蚊利是我...唉...唔鐘意我都無理
由係咁嫁...>”<
去完舅公度好出奇地落雨喎...咁我地就返返去大埔頭先再準備去姑婆度lu...
姑婆真係又有錢又好客...不過佢都係只係記得我係我老豆個仔... ̄▽ ̄〣
係住康樂園的姑婆家坐左陣...同d表妹堂妹堂弟玩左陣...就走lu...
由二叔車我同媽去婆婆家...不過我都係唔係咁鐘意我二叔呢...可能係佢唔鐘意我先啦...
我通常察覺到d人唔係好鐘意我我就會唔黏埋佢度嫁喇...
媽上左婆婆度先...我就返家拎野...但係我一返到去佢就打比我話叫我即到...= =
涼都唔比人沖的情況我就去左婆婆度...原來有禮物收仲有利是添...
係婆婆度有講有笑...個個表哥都有女朋友...好自然地佢地都問我有冇...答案當然係無啦...
有都唔會話佢地知啦...死硬...~ˍ~”
又係食盆菜...不過今次係原味的...以前成日都食o個d啊...
食飽傾多陣計...我就同媽返家訓覺覺lu~
再係度祝睇我日記的人健健康康丫...呵呵~
>>January 28, 2004 at 11:56:23 AM GMT+8
2004 年 1 月 22 日 星期四 【晴】
大年初一...
今年真係非常之懶...十一點幾先起到身...不過都趕得切同阿爸講聲開工大吉的..呵~
之後我就上左我年年都會上的大埔頭...唉...咩都變哂啦...睇住佢由一個鄉村變成一個
有錢人住的地方...愈來愈唔想有依種情況發生...話雖如此...邊到我想點就點丫...
堂細佬都大哂lu...不過佢永遠都想象唔到我細個o個陣係大埔頭係玩咩的...
由於家庭有d問題發生左...搞到我由細到大都唔係好受歡迎...所以一個我唔係好想去的地方...
又或者一個唔係幾想我去的地方...失去左...都難免難過呢...~>"<
食開年飯...都係食素喎...唉...佢地食咩我就要食咩...~=.=
食過飯坐多陣...我地就去左姑媽度拜年了...同叔叔們個d高談闊論我的信仰問題...
係咁問我d宗教的問題...我阿媽唔鐘意我信就當然係咁attrack我啦...哈哈~
都比我講掂左的(掛)...返到大中...阿媽就返左家訓...我就上左姑媽度坐喇...拎利是ma...呵呵~
之後我都走左返屋企訓...一來唔想去佛堂...二來唔想應酬lu...雖然好想食佛堂d野食...
我食左十八年喇...好好味嫁...但係我要話比自己聽我係一個基督徒來的...
唔可以為左一d野食就放棄神的說話呢...呵呵~
訓醒又上左大埔頭食飯...食完坐多陣玩多陣就返左家訓lu....~
p.s.無咩利是ja...又無靚女送比我喎...咩財色兼收啊...哼...>"<
>>January 28, 2004 at 11:57:28 AM GMT+8
2004 年 1 月 21 日 星期三 【乍雨乍晴】
失去永遠都是自己做成的
近排這句說話總是浮現卞我腦海中...
經常地諗...考試考不好不滿意是自己不用功...一個懶...
沒有了一段愛情...係因為自己唔夠體貼...細心...唔能夠比最好的人...
朋友疏遠...係因為我個人太過依賴...太過煩...太過不懂點樣留住別人的心...
不懂看穿別人的心思......
比人責備是自己做得不對...無奈心痛亦是自己的傻自己的仁慈所做出來的結果...
錯總是自己做成的...從中吸取教訓??我看我沒有這個能力呢...因為小宏欠缺左力量了...
今日同霆峰阿偉一齊食飯...大家氣氛好好...考試大家出到來都係個句....唉......
之後我,alan,霆峰,阿偉去左行花市...無野好行又比阿媽鬧...之後就行去新城市搭火車走lu...
阿偉有d野做走左先不過....返到家又比阿媽鬧...之後就係咁清理房間...都未停過手呢..
之後用look柚葉沖涼...有用的嗎不過...??
就上左大埔頭食飯了...今餐好正啊...好好味呢...又有湯圓食...wakakaka...
今日真係好凍...返到家訓左陣..就同大家講新年快樂lu...幫媽入完利是...打埋日記...
我諗都訓喇掛??
祝睇我日記的人都猴年快樂...單身的就有拖拍...無錢的有錢...wakakaka...
>>January 24, 2004 at 11:49:56 PM GMT+8
2004 年 1 月 20 日 星期二 【乍雨乍晴】
溫書......???
今日本來想溫下書嫁...點知食左阿媽d藥藥一訓就起唔到身喇...
訓左十幾個鐘...全日都係度訓覺...呵呵
同溢傾左陣計...唔錯丫...好想同d舊朋友傾下計喔...
唔知點解有種感覺就係有某d朋友對小宏好似冷淡左咁...可能係小宏煩啦...
我唔會再為一d唔想理自己又或者到緊要時侯先問下我點的人而唔開心了...
可能係我的錯呢...係我唔識珍惜我的野...所以慣左就無謂改lo...
我係唔識珍惜嫁喇...但係人地又有冇試過為我著想地去同我傾過計了嗎?
所以唔係我唔識珍惜...只係心淡了...小宏其實都好脆弱呢...呵呵~
>>January 24, 2004 at 11:56:45 PM GMT+8
2004 年 1 月 19 日 星期一 【晴】
考試*傷風=...!?
今日開始考試lu...但係我都係未溫過...想死lo...
起左身反而唔想溫喎...同老豆食完早餐...之後返家訓多陣就去同alan,霆峰,子偉會合了...
返到去就開始考lu...好緊張啊...d野有d識有d唔識咁啦...不過我好享受依種感覺啊...
考完大家都談論一番...講下邊庋唔得咁啊...之後我地就開始為左我地份msa功課努力了...
由於我病病都係傻下傻下咁...所以都唔知自己做緊咩...呵...
好似陪左octo同icon入左去影野...阿永打來同我傾左陣...之後我地就去左飯堂做修改lu...
做的同時...我,steve & 霆峰去左買野食..呵呵...好熱氣喎不過...我有d頂唔順...
做完臨走都要沖包野(藥)飲先...個人先精神返d喔...
跟住就當然係返家啦...返到家又係唔知做咩咁...清理下房間...打下機就咁就過左lu...
re king:多d來啦...呵呵...king少寫d野真係好鬼感性的o者...~
>>January 24, 2004 at 11:42:36 PM GMT+8
2004 年 1 月 18 日 星期日 【乍雨乍晴】
今日全日係屋企清理房間...無咩好發表喔...
夜晚去左大埔頭食飯...好凍啊.......
>>January 22, 2004 at 12:26:47 AM GMT+8
|