|
2004 年 9 月 16 日 星期四 【晴】
燜...~
今日約左大家唔遲到, 搭九出門口, 去到火車站先見到alan,
再係七號卡見到阿偉, 我地就搭火車返學, 不過d時間都係岩岩好ja...～＿～”
返到去未見到peter豬, 咁即係無野啦, 佢比左第一份assignment我地做,
有五個星期寫一份建意書, 唉, 做咩又係講到人地咩都唔做咁喎,
唔通我真係咁無用??係佢地當中可能我真係最廢, 所以問下野啊個d我咪去做囉,
alan做左leader喇, alien做左秘書喇, 偉又勁我好多喎...>"<
我都只不過係講下自己d意見, 唔得都會講出來, 因為想大家可以從中諗到d野o者...
都唔係想搞事啊...唉...~最後我地決定左做fasion, 我地跟住的assignment都會以依個做主題...
傾完交左題目, 咁就我有我地吹水, 阿sir有阿sir吹, 最恐怖的係佢地唔捨得走,
十點半落堂十點八先走, 咁我就同阿偉去左廁所先啦, 怕另一堂個阿sir玩野唔比去ma...
點知peter豬就趁個段時間點名喎, 當我地無返喎, 咁我地唯有叫女班長同我一齊落去點返名,
因為咁又對個女班長認識多左啦, 之後peter豬串咀話我要忍下尿喎...
咁我咪串返佢囉, 當然串得來要比面佢的...呵呵^^...好耐都無見過d咁過瘾的阿sir喇...
臨走都要串下個男班長...呵呵...暗串...~
之後就同霆峰, benny, terry, 我, 偉, alan咁樣去食野了, 去左美心食,
食完返學校踢毽, 踢左陣就一齊返屋企了...
返到屋企, 悶到爆喔, 勁掛住老婆, 但係都無用啦, 佢要返學,
我又要返學, 而且佢又病左, 要多休息喔, 要訓多d覺。
唉...~夜晚傾左陣電話...之後我都訓lu...不過唔知幾多點o者...呵呵...~^^
p.s.唔知點解愈來愈放唔到手, 佔有慾愈來愈強, 好想佢一直留係我身邊...
感覺愈來愈奇怪, 好唔冷靜呢...>"<...唔可以太孩子氣的...可惡啊...
好想冷靜d, 點解見到佢同佢d fd玩得埋少少都會呷醋～＿～”
點解會因為佢病就燜, 點解會因為見唔到佢就覺得好煩燥...唉...>"<
我要冷靜d啊...~
>>September 17, 2004 at 11:36:05 AM GMT+8
2004 年 9 月 15 日 星期三 【晴】
今日上堂見到一d好搞笑的野, 有人話想睇我就post上來啦...~
『話說女生的內衣size是以罩杯來論大小的, 那你又知道內衣罩杯a, b, c的真正意義嗎??
A - Airport (飛機場)
B - Barely there (那裡幾乎沒有)
C - Can do (將就"用")
D - Damngood (真他媽的合適)
E - Ecstasy (令人銷魂)
F - Fake (假的吧)
G - God
H - Horribe（太可怕了）
I - i can"t belive it (不能令人相信的)
J - joke? (講笑吧?)
K - kidding (說笑吧??)
L - Large (巨形)
M - Monster (怪物啊)
N - Nothing like that!!! (世界上再無第二對了)』
>>September 17, 2004 at 11:30:40 AM GMT+8
2004 年 9 月 14 日 星期二 【晴】
第一曰正式上堂...
今日返十二點半, 但係又係遲左, 嘻嘻...中午上堂都遲到喎...～＿～”
今日上左兩堂leature, 一堂networking...一堂唔知咩-.="
一堂有聽書, 一堂訓覺聽mp3...因為一個阿sir係度吹水, 佢又叫我地唔好改自己風格...
咁我就當然做返自己啦...嘻嘻~^^
上完堂又話比我地知之後個幾堂唔駛上喎, 今次有好多同學一齊打波了,
一打到五點幾, 之後就一齊返家了...
今日好早訓左了, 不過有人更早喎, 病左要多d休息啊...>"<
>>September 15, 2004 at 11:42:29 PM GMT+8
2004 年 9 月 13 日 星期一 【晴】
前幾日都唔係好想寫日記, 一半是懶一半是因為不知從可說起呢。～
好多謝老婆織的手繩, 我好鐘意啊, 一直以來都好想自己的女人能夠織這玩意給我呢...~
不過太珍貴了, 不捨得帶喔, 因為覺得好易整爛喔...>"<
近排...
好倦遲d先寫返啦...
開學...
今日開學喎, 我地返八點半, 所以約左大家八點一係火車站等,
起左身一陣, 八點二到先到火車站, 只係見到霆峰, 無見一排, 耳目一新呢,
等埋偉, alan一齊返學。但係返到去學校都已經八點半了, 我地仲要食埋早餐先上去喎...
哈哈, 成九點鐘先上到班房, 好彩阿sir自己都遲到。今年竟然係peter豬做班主任喎,
好恐怖啊d制度, 遲到唔知幾多次又要罰錢, 唔交一份功課要罰成舊水, 總之就咩都要罰錢,
又係例牌咁約法三章ー『上堂聽電話要舉手出去講啊, 遲到要講sorry啊,
仲有的係唔比用電腦投注啊』個d囉...講下a班有d咩好啊, 選下班長啊咁就落堂了...
a班個時間表真係好差, 三日放五點半, 仲要好多日都係隔兩三個鐘先上,
好似是要就返遲d有project做個陣時比多d時間我地prepare囉...～＿～”
上完堂我地就等埋霆峰, benny個d一齊落去踢毽了, 今年真係多左好多女仔,
有d都真係幾得嫁, 呵呵...幾靚女的...踢踢下毽就去左食飯了, 食完飯夾錢買波,
嘻嘻, 今日唔知點解成日都有人比我串喎...
買左波返去就係咁, 期間阿偉走先, 我打到三點幾到走,
去左搵老婆...好倦好熱喔, 雖然佢地話我走左之後有好多勁人,
但係我都無後悔過, 因為真係同老婆玩得好開心...
不過係佢玩人地的........蝦人地o既...>"<
送左老婆返屋企跟住返屋企食飯, 之後老婆又喊,唔開心喎...
不過要講的都講哂了, 我只可以支持佢呢...只係希望佢珍惜身邊疼她的人就好了...
reply to 歐, 咁你都知的??嘻嘻....
>>September 15, 2004 at 11:20:12 PM GMT+8
2004 年 9 月 9 日 星期四 【晴】
reply to 歐, 你所講的野其實我做緊的了, 但是我都沒有辦法...
這可能就是我這種纖細感性的人的悲哀吧, 只要有人係我面前有唔開心的...
或者一d問題我就好快察覺到, 如果我可以好似一般男仔咁你話幾好呢,
咩都唔知, 知道左先去解決, 粗枝大葉的...而且你知我無可能唔理身邊的人吧...
明白到上一次拍拖的時候太過壓迫同埋侵略性了, 所以我唔想再一次發生同類事件的...
我會收斂一下的了...唉...>"<
reply to 霆峰, 好唔好意思, 我無同我女人影過相, 連數碼相機影的都無,
我的意思係兩個人的相啊...而且見到你又頸巾啊又禮物啊又一齊熹下飯仔咁我都不知幾羨慕...
我知道你就快失去佢, 但係我相信你的能力係可以做到d野去接近佢多一點的...
假設你地真係相愛的話, 地區時間我相信會無問題的...
我呢, 可以比我回憶的野暫時沒有, 但係我同佢的一點一滴的會記住的喔...
而我面對另一半的煩惱我可以點啊??你有冇諗過自己女友唔可以係你面前真心真意笑的感覺??
你有冇諗過作為一個男友唔可以比自己女友依賴的感覺...??
其實一切一切我都係只可以比到支持佢, 我是知道的...
未夠完美, 可以慢慢改, 但係又係唔係真係可以直到永遠呢??
算啦, 係我自己諗埋左一面ja...
珍惜你地的每一日啦, 希望聽到你地的好消息...~
平靜舒服的一天
今日無咩做所以早左寫日記, 十點幾起身, 發了很多奇怪的夢,
其中有d野係我日常生活出現, 有d就係同女友的未來等等...
發夢的時候係特別好訓的, 所以我連早餐都無食, 直至到阿爸出門口搵阿媽食飯,
我就落街交石油氣費同埋管理費, 再去租漫畫書同埋買飯食...
今日d飯麻麻地喎, d魚角"吉"到個咀流血喎...~
食完飯, 返工, 今日真係好凍, 有少少冷親喎, 雖然有帶褸都係好凍,
好彩無咩人游水, 近排好鐘意淋雨喎, 好舒服啊...
唔知點解落雨好似形容緊我的心情咁, 好正, 喊都可以唔比人知...
今日好似做返自己咁, 好輕鬆自在, 今日見到好多靚女啊,
仲要好多都我講野添啊...呵呵...唔好話比人知啊...=.="
唔知點解老婆嬲喎...嘻嘻...仲cut人地線添喎...
不過我電話無電, 返屋企先慢慢哄啦...呵呵~
只不過我阿媽又發我脾氣喎...不過後來比我哄返...=.="
飲左碗好難飲的湯, 之後傾左電話, 就睇埋d漫畫同icq, 訓覺去了...
p.s.今日妳同我講我會嬲的野係絕對不被我容訐,
唔可以唔可以唔可以, 如果妳做左我會好憎妳的, 不過我對妳有信心...
好似回復了自己的心情般...=.=?
好平靜呢...~
>>September 10, 2004 at 12:45:29 AM GMT+8
2004 年 9 月 8 日 星期三 【晴】
今日一訓訓到十二點鐘, 我好耐都無試過咁遲起身的。
因為平時大約八點幾到就會醒一醒的...
訓醒左無咩做, 阿媽打來話要我整依樣做個樣,
毫無疑問, 讀這個游泳教師課程是對我有幫助,
但是決定要報要我學的是我阿媽, 那為何甚麼事都要推在我身上呢??
我唔需要我媽返工個間學校的學長幫我啊, 你幫我我好感激...
但係唔好失驚無神就比壓力我, 最唔想的係佢比壓力我阿媽...>"<
舉個例說, 明明是十五號deadline, 但係點解要係咁問我阿媽我去左報名未呢??
而家先至八號ja喎...～＿～”
一點零鐘落左街交石油氣費同埋管理費再去東大買飯食,
不過食完食都差唔多三點lu, 飯氣攻心下訓左一陣,
四點幾老婆打來話比我聽放學, 之後我執下d游水野...
等老婆打來就去接佢還漫畫同埋過泳池了...
個傻婆又話倦又話眼訓, 唔肯比我陪佢買野送佢返屋企,
不過短短的一刻時間, 都非常開心...
傾左陣就要去游水了, 游完水返屋企, 出街食飯...
返屋企訓覺...
唔知我變得好一點, 妳又會唔會對我在乎多一點呢??
>>September 8, 2004 at 11:11:19 PM GMT+8
2004 年 9 月 7 日 星期二 【晴】
今朝早去左八號打波, 手感唔錯喎, 打得好順, 打完去左阿偉屋企打機。
打完之後就一齊去左金海食飯, 食完返屋企發呆了。因為唔駛返工喎...
由於太倦所以訓著左, 訓到五點幾,起身奇怪點解有人話過打比我又無打到呢??
之後睇左陣電視, 食下飯咁...好無聊咁過左依日.......悶到發癲啊....>"<
p.s.今日睇左gudam seed, 主角基拉大和同亞斯蘭, 兩個性格完全唔一樣的人...
一個係背負著很多事情, 為著保護東西而迫自己戰鬥, 另一個卻是溫柔的包容一齊...
雖然也是被迫戰鬥, 但是好面顯的是能包容一切的能力比一切都來得強...~
所以我係鐘意阿斯蘭多些的...呵呵~
p.s.2.開始左睇少女漫畫了, 書名叫偷偷愛著你...同"他與她事情"同類的漫畫...
除了天使禁獵區同埋涉谷揸fit人之外都無睇過少女漫畫了...
p.s.3.有個傻婆唔識睇住自己身體...嬲啊...>"<
掛住人的感覺好難受...
>>September 7, 2004 at 11:32:56 PM GMT+8
2004 年 9 月 7 日 星期二 【晴】
有了妳世界更美...~＊
『很多人的性格都像會把岩石打碎的大河的激流…
雖然是能夠猛力地將敵人擊倒, 但還早都僧傷及自己和周圍的人,
但是, 能夠以寂靜的水面, 溫柔地環抱激流…也許就是要擁有那樣的「強」…
人才可以貫徹始終的保護自己要保護的東西……』
是呢, 心的堅強不是取決於能嬴到甚麼打敗甚麼, 有冇一個包容一切的心啊??
溫柔順服的心...要做到實在是太難了。
剛剛看了女朋友日記的一篇文章, 好害怕自己會像文章中的男人一樣...
因為我發覺自己好像都有少訐這樣的心態, 因為有一種自己的東西比人擁有了的感覺,
但是其實一切在於包容, 不是嗎??完美主義者的悲哀往往就是將一些他認為不完美的東西,
捨棄掉後都懂得珍惜, 後悔其實依個世界那有完美的人呢??一切一切都是在於包容, 溫柔...
今日全日都係訓覺日, 由朝早返工就訓到十二點半鐘, 阿喬打來話唔駛返到三點,
所以我就返屋企了...今朝除左打左比老婆叫佢起身, 今日都係傾電話多, 無見過面喔...
返到屋企又係訓覺, 訓到咁上下游水, 行行下落雨喎, 幾舒服, 但係次後就有d頭痛啦...
係咁流汗, 好鬼辛苦, 不過都照游水, 要游成三千米, 游完早左上水就打比謝心問倩雯係邊...
想比返隻介指比佢, 不過佢就返左屋企。一打去就聽到佢喊,
原來我送比佢隻叮噹比佢隻貓整爛左, 傻豬, 我最緊張的係妳的身體, 最著緊妳的了,
公仔爛左可以送過一隻比妳, 身體有事就唔係咁簡單...傻婆>3<
返到屋企, 抖左一陣, 同老豆食飯, 食完飯返屋企, 阿媽都跳完舞返來了...
睇完天國的階梯, 有一個唔係幾好的預感, 因為老婆講會打比我...
但係佢無online又打唔到電話, 應該佢屋企有d事發生了...好擔心呢...
唯有睇聽朝了...
有了你世界更美 - 譚詠麟/李克勤
曲：謝杰
詞：李克勤
合：明明蝕底 都也願意留低 辛苦也不計
因你 這世上變得更美麗
譚：聽盡了許多 一世話要一齊
遇到問題便分東與西
李：亦有話未退縮 彷似未染污泥
但說罷離開 驚沾到半身蟻
譚：而你 即使再倦
李：卻至今也未坐低
合：明明蝕底 都也願意留低 辛苦也不計
因你 這世上變得美麗
無人路軌 得你願意行駛
車廂裏空位 留給我 如可幫你令世界美麗
譚：我願你從此感染別人
李：讓愛繼續一一去複製
譚：聽盡了許多 一世話要一齊
遇到問題便分東與西
李：亦有話未退縮 彷似未染污泥
但說罷離開 驚沾到半身蟻
譚：而你 即使再倦
李：卻至今也未坐低
合：明明蝕底 都也願意留低 辛苦也不計
因你 這世上變得美麗
無人路軌 得你願意行駛
車廂裏空位 留給我 如可幫你令世界美麗
譚：我願你從此感染別人
李：讓愛繼續一一去複製
合：明明蝕底 都也願意留低 辛苦也不計
因你 這世上變得美麗
無人路軌 得你願意行駛
車廂裏空位 留給我 如可幫你令世界美麗
譚：我願你從此感染別人
李：讓愛繼續一一去複製
>>September 7, 2004 at 1:10:12 AM GMT+8
2004 年 9 月 5 日 星期日 【晴】
諗通...
今日係傻敏生日, 生日快樂啊...~^^
今朝去左太和走一走, 目的唔想講了, 十點到返到慧遠, 即刻比人捉住問我係邊個...
聽到倩雯話唔返難免有d失望, 不過佢返左來同傻敏慶祝同請假...
陪左佢一陣, 之後就開始夾歌, 吹到個咀勁痛, 演奏技巧還有待進步。
不過講真真係無咩信心可以考到級數, 不過明白到自己唔去做的話,
係唔可以保護到d咩, 尋晚已經體會到依一點, 所以唯有放膽去做...
而家的我實在係太無用, 我要進步呢...．＼／．！
練習完之後一齊去左津津食野, 食完野就o拿o拿聲過太和搵老婆,
不過係度諗葉sir講過的一句說話: 『你迫得太緊了』
其實我自己都覺得, 好似只有我緊張只有我想維持依個關係咁...??
諗諗下諗通左, 跟本係無可能成日都見到, 而我的而且確比很多人幸福,
而且親密, 其實可以一齊行下街, 一齊傾下計見過面已經可以係一種幸福,
唔一定要好親密, 成日都要求過高諗埋左一面, 或者真係留一d空間比佢抖抖氣會好一點...
因為佢面對屋企面對朋友都已經好大壓力同埋好麻煩, 我唔想我成為佢其中一個負擔。
為左咁我忍耐一下有咩所謂丫, 最怕的係因為咁而變得淡....>"<
不過亦都可能係親密了的, 因為成日見住就會變得無咁close...
唉...未有能力去拍拖真係幾麻煩, 認清了自己有幾無用, 心的堅強更可以話無...
係時候有d改變了...~
知足等如幸福了...我有妳在我身邊已經好夠, 愛妳呢...
>>September 5, 2004 at 11:16:10 PM GMT+8
2004 年 9 月 5 日 星期日 【晴】
reply to 霆峰...
我都好羨慕你同嫂嫂的合拍, 可能係你地的進展正正就是我所想的...
而我呢, 我的無能可以解決些甚麼呢??明白自己個心唔先堅強...
係咩都保護唔到。女朋友唔開心而我可以做到d咩啊??
默默地支持佢定係陪佢一齊喊, 點解我做的野永遠都係慢左一步...
點解話過想保護天真傻勁的佢, 但係而家又咁樣...
點解自己可以咁無用, 點解好似咩都無能為力, 憑著而家的我可以改變到d咩...?
路過蜻蜓
作詞：林夕 作曲：陳曉娟 編曲：Adrian Chan
若你沒法為我安定
寧願同渡流浪旅程
不怕面對這無常生命
若你沒有愉快心情
來吧描述誰欠你情
黑了倦眼都側耳傾聽
* 讓我做隻路過蜻蜓
留下能被懷念過程
虛耗著我這便宜生命
讓你被愛是我光榮
無論誰在嫌我煽情
不笑納也不必掃興 *
# 哭 我為了感動誰
笑 又為了碰著誰
看著你的眼 勾引我的淚
為何流入溝渠
不寄望會感動誰
只怕我會比你累
愛是你的愛 不吻我的嘴
又憑甚麼流淚 #
Repeat * # #
愛是我的愛 若毫無價值
為何值得流淚
>>September 5, 2004 at 1:52:12 AM GMT+8
|
|
燜...~