2004 年 9 月 29 日 星期三 【晴】

sweet的一個中秋節翌日...

>>October 3, 2004 at 7:24:50 PM GMT+8

2004 年 9 月 28 日 星期二 【晴】

永遠難忘的一個中秋...

>>October 3, 2004 at 7:24:45 PM GMT+8

2004 年 9 月 27 日 星期一 【晴】


人生永遠都沒有可以比自己自主的空間, 一個人無論幾善良, 幾無機心...
到最後要被迫決擇的時侯, 往往人都總是做一些自己覺得錯的決定,
一個人最可悲的其實唔係做了一件錯事, 而是在決定的同時,
擁有很多足以令到自己後悔的空間。

看了一套卡通片-『gudam seed』, 主角是新人類, 他要保護自己的朋友, 女人,
甚至是與他不同類的oringial (原人類), 而要與那些和自己同類的人戰鬥,
而且還在戰鬥的同時殺了一些善良的人, 你說他可悲嗎??
為何主角會覺得辛苦會覺得無奈, 不因為係他要戰鬥??
不是...戰鬥是必然的, 有人死亡亦是正常,
一個善良的人永遠都因為自己在不可決擇的同時想到一點其他的選擇而感到矛盾,
從而後悔。後悔自己如果唔戰鬥的話就不會殺了人, 後悔於自己的無力感...
矛盾其實永遠都是後悔之先...~

十分清楚有一些人是會做了那事情才後悔, 亦有些人是不理後果的...
好羨慕為何會有這些人的存在, 不過我沒有選擇的權利,
不去煩不去想的就不會是我, 就正如沒有讓我改變任何東西的能力一樣...

看著自己慢慢的改變, 究竟是高興還是悲傷呢??多愁善感亦都可能是一種幸福吧?
在這沒有選擇的世界, 看化的而且確是最簡單亦是最容易的事情,
但是我著緊的不是自己的感覺, 而是另一半, 家人, 朋友...的感覺...
這世界有冇可以讓所有野都盡如人意的做法呢??
是沒有, 但亦是這環境迫我去做到呢...

無奈, 有冇人可以明白我的感受呢???
沒有, 由細到大都唔到我去揀...~
失望, 為何我不能只忠於自己的感覺...還要顧及多人的感受...

寂寞與無力感永遠都在我的身旁...



我的快樂年代


曲：林健華 詞：林夕 編：林健華

讓我有個美滿旅程
讓我記著有多高興
讓我有勇氣去喊停
沒有結局也可即興

難堪的不想 只想痛快事情
時間尚早 別張開眼睛

長路漫漫是如何走過
寧願讓樂極忘形的我
離時代遠遠 沒人間煙火
毫無代價唱最幸福的歌
（願我可）

讓我對這世界好奇
讓我信自己的真理
讓我有個永遠假期
讓我渴睡也可嬉戲
從今天開始 相識當作別離
時間就似活多一世紀

無論日夜是如何經過
寧願在極樂當中的我
沉迷或放棄亦無可不可
亮無代價唱最幸福的

願我可

唯求在某次盡情歡樂過
時間夠了
時針偏偏出了錯

>>October 3, 2004 at 7:24:33 PM GMT+8

2004 年 9 月 26 日 星期日 【晴】

蘋果與女孩...~


有一日, 一個好鐘意食水果的女孩經過一間生果店,
而她正想買一些水果回家吃, 她向生果店的老闆表明了要多一點的蘋果...
因為小女孩最喜歡吃蘋果了。

蘋果亦都很喜歡小女孩, 它只想小女孩只要它一個, 只想她明白蘋果的好,
很想很想小女孩每一天都可以吃它, 但同一時間亦明白一樣野,
小女孩如果只是吃自己的話會不夠營養, 所以它不會想獨佔小女孩...
它同樣希望小女孩會吃各式各樣的水果。

結果小女孩買了水果回家, 每天吃著不同的水果...
而蘋果一天一天的等, 等待小女孩吃它的一天, 它深深知道小女孩是喜歡她的。
因為小女孩說過最喜歡吃蘋果, 它十分相信小女孩...

到最後蘋果因擺放得太耐而給小女孩的媽媽丟掉了,
蘋果沒有後悔過小女孩沒有吃它又或者只是吃一兩口就吃第二樣的生果...
因為它因小女孩買了它回家而感到幸福, 同時看到小女孩吃其他生果而高興的時候...
它已別無所求了...

到小女孩回想起蘋果的時候, 問媽媽為何要丟掉她最愛的蘋果呢??
而小女孩的媽媽就問小女孩妳有留意過個蘋果嗎??
小女孩很快地回答...有啊...我吃過它一兩口的...
而她的媽就回答說, 蘋果係一種表皮被咬開就會變壞的水果...
而且問小女孩妳有否想過其實個蘋果很想妳吃它而它又不能對妳說些甚麼呢...??
而小女孩後悔了, 但是蘋果已懷掉, 不能再吃...


在這個故事入面可以看得出蘋果是十分缺乏自信的,
不是它對小女孩沒信心, 而是它對自己沒有信心...

在這個故事裹其實可以見到小女孩有沒有蘋果一樣快樂,
一樣是可愛天真的小女孩, 蘋果的角色不在於令到小女孩只吃自己...(獨佔小女孩)
它的作用在於令到小女孩擁有過它而感到開心幸福,
而然, 蘋果亦都有它自己的選擇, 小女孩共不是它的全部...


希望大家未失去蘋果之前...可以好好保護值得妳去吃的蘋果啦...~

>>September 27, 2004 at 11:22:19 PM GMT+8

2004 年 9 月 24 日 星期五 【晴】


今日真係可能係最倦的一日, 朝早一早八點半返去上一堂唔教書的堂...
成日都諗埋左一邊...最慘的係自己煩咩都唔知...上左兩堂noa...
做左兩個quiz, 好白痴囉...第一次無答案限時無解題, 做竟然係十七分囉...(廿三分滿分)
解完題講埋點做...竟然得十五分...可想而知係幾咁唔集中...

上完堂我地無野做, 走左去打機, 完全無心機打囉...但係都挑嬴d串咀的...
打完機無時間食野咁制...跑去大排檔食野...食完野返到去岩岩好上db堂...
今堂又無咩點聽書, 同霆峰傾左兩句...佢地問我煩緊咩...其實我唔知...
只係知道有又煩無又煩...其實有咩煩丫...來來去去咪又係壓力...
面對女朋友有壓力, 面對阿媽有壓力...愈愛佢壓力愈大,
哈哈...身在福中不知福就是我呢...~>"<

上完一堂db就去左上個半鐘bia(accounting), 個阿sir勁白痴囉...
都唔知咩教學方式來的...勁白痴...勁好笑...但係我笑唔出囉...
之後做左個tutorial就落堂了...比alan話左兩句...
究竟我廿一歲的時候係唔係仲係一時無成呢??
咁樣落去我都只係一個笑話而已...
我唔想第日我女友同人講我係一事無成...比人笑佢搵左個咁的男友囉...

之後去左打波...同個高佬打波都幾辛苦的...打到好倦啊...
唔捨得上去上堂喎...>3<...

因為唔想咁樣落去所以堂java堂幾眼訓都好都撐住...
上完堂仲眼訓到暈暈地添啊...之後就同霆峰, alan, 偉搭火車...
返太和游水...行過又太和過泳池條路...好懷念身邊有個人同我一齊行呢...
充滿回憶的一條路...可惜而家都無咩機會了...

游水游到好倦又眼訓...返到屋企仲要比老豆鬧我好遲返屋企...
食飯全程係度發我脾氣...之後同阿媽講左我爆左分鐘...
話左我兩句...係我錯的...我唔識得安排自己的事...
不過阿媽比左佢張卡我用呢...thank you...

之後夜晚等老婆洗完碗...打比佢傾左陣...可能係倦啦...
佢又唔係好想傾咁我咪話訓...自己都唔係好知點解會咁燥...
仲整到老婆唔開心...唉...失敗...

今晚訓唔著...喊左一陣諗左好多野...
煩的原因亦都知道了...傷未治好...
有誰又可以給我安全感呢??

愈愛妳愈害怕...～＊


>>September 25, 2004 at 10:17:58 AM GMT+8

2004 年 9 月 22 日 星期三 【晴】

近排都控制唔到情緒呢...點解我d佔有慾咁強??
是不是我地之間無話題!?
好討厭deal air, 好討厭同妳疏遠令妳覺得我煩的感覺...
好討厭失去妳的感覺...我清楚知道拉得愈緊, 愈無好處...
已經試過一次啦...唔想有第二次...但係點解偏偏愈來愈控制唔到自己??
可能係近日親密了些令我覺得我地會close左d掛...
是我太急進了...我唔會原諒自己再犯同樣的錯...~

心疼...不知為何...

不是妳的錯我是知道的...我不知道自己點解會咁...請給我一點時間吧...

點解咁都要唔知足...霆峰同佢女友分隔兩地都咁恩愛...
而我呢??我已經比很多人幸福多了...沈晉宏...做人唔可以得寸進尺的...


煩...諗埋一邊...


今日返十點半, 咁見早左起身就去左大元村打陣機了。
之後就去搭k12過大埔墟火車站集合...咁老婆打比我喎...傾傾下見到阿偉上車...
但係佢完全絛視我囉...

之後阿偉上左火車先喎, 咁我等埋alan一齊返學校。之後上英文堂喇, 未食早餐真係好肚餓...
唯有買三文治上去食啦, 點知個miss勁gap喎...都唔知識唔識教書嫁, 搞到我連胃口都無埋,
上完堂就去食飯啦, 咁我地就去左禾輋街市買左鎖先了, 因為申請locker成功...

我, 阿偉, alan三個人買鎖...我同alan個鎖係孖生嫁, 佢同我的鎖匙都可以互開的...
之後行左去小巴黎度食飯, 食完飯去左打陣機, 勁開心...>"<
返去同霆峰, benny個d踢毽...班長真係好唔掂...踢完毽又要上堂喇...

上bia勁辛苦囉...終於都頂唔順, 今年第一次訓著左啊...呵呵～＞”＜
依幾日都唔夠訓...可能係煩躁的其中一個原因啦...呵呵...～＿～”

上完bia之後, 再要去上pw2喎, 今堂又係咩都無教到....
阿sir有阿sir吹水, 我地就有我地吹返project...吹完我地都走左lu...

落左堂之後去左搵b班個班主任講數要求調堂, 但係佢堅持唔肯調囉...
佢又話咩維持兩班的公平又要我地就b班但係又唔通知我地就調左堂....
咁又叫做公平咩??我地唔通又唔駛返工又無野做的, 又話丼我地有著數...
但係我地中左鎗囉...即係返一個鐘又要放一個鐘又要放個半鐘咁...
我地情願咩都唔變囉...~>"<
跟住我地個班主任走埋來講左兩句...我幫口但係佢又鬧返我地轉頭囉...
兩頭蛇無膽鬼...>"<之後我都無咩心情講野了...好倦...
自己都己經煩緊另外一d野嫁啦....>"<唉...

返到屋企抖都無得抖就要食飯了...食完飯返屋企...
等左一陣老婆, 打比佢, 但係唔知點解好燜喎...
好討厭dead air啊...好討厭無話題的感覺, 好討厭自己咁多野諗...
好討厭自己有令佢覺得我煩厭的感覺...~>"<


好憎自己...>"<...好討厭自己啊...>"<


>>September 24, 2004 at 9:47:36 AM GMT+8

2004 年 9 月 20 日 星期一 【晴】

今日得一堂要上喎...仲要上三點鐘囉...勁白痴...上普通話堂啊...
咁我咪十一點到食完早餐搵阿偉囉...點知阿偉話要返去上java喎...
諗住星期四唔駛返到三點半, 可以十一點半走得...
咁我見alan又唔返咁, 阿偉又有霆峰, benny陪我就等埋alan一齊出了...

之後點零鐘出左沙田食飯喎...收到電話原來老婆無返學喎...
傻婆...洩洩喔...~^^之後我同alan就去左扒王之王度食...
吹左好多水...其後去左無線打陣機再返學...

上堂勁白痴...我唔識普通話的ma...跟住咪學d拼音囉...我又識讀喎...
但係正常咁讀就讀到好似d賓賓咁...嘻嘻...

放左學突如其來的話去打波...打左陣有個串咀來左喎...
自己起睜矛又話人地矛喎...咁你打得底爆得籃就預左比人打嫁啦...
又唔打得又唔夠大隻又無品, 又有咩資格串咀啊...??
仲要係叫我地過源禾路打囉...點解唔係學校打啊...白痴...
傻仔...仲要胸我地最斯文的damon喎...都唔知有冇病嫁...~

打完波我就同霆峰返太和喇...成身濕哂咁搵老婆...>"<
好多謝老婆唔介意我濕喔...^^...食野之後陪佢買下野咁...
好平淡但係好正...好希望以後都係咁...好想妳係我身邊啊...~

好愛妳呢...~

reply to 歐..係啊...買左lu...仲差好多野未買...~>"<
reply to 倩雯...傻婆....我日日都好掛住妳喔...我都好愛妳呢...嘻嘻...~
reply to mimi....我會的了...我都好努力咁學緊...希望有所進步啦...

>>September 22, 2004 at 11:08:55 PM GMT+8

2004 年 9 月 19 日 星期日 【晴】

難忘的一個生日...全因為妳...~^^


生日都要返band, 今日著左新衫新褲新袋, 唔知大家又有冇留意呢??
著左playboy t-shirt, levi's 牛仔褲, 同埋nike袋...
十點半到返到去, 開始練習...今日勁down勁煩勁唔開心...又倦又眼訓,
真係成日都唔想講野...

練完band之後, 成班人去左津津食野, 其實我都覺得老婆同埋佢d fd有d奇怪的了...
食完野佢地話去打牌, 嘻嘻...等極都唔齊人喎...偉鋒又唔想小彤彤去喎...
搞左一輪終於都到達目的地了...

打左一陣, 到六點幾到, 我阿媽打來喎, 問我返唔返去食飯,
咁我知道老婆一定會有行動ma, 但係又唔肯定咁咪答我阿媽唔知道囉...
點知佢發我脾氣喎...咁我就可能要早走啦...老婆就唔係好開心喇...
咁我就更加肯定老婆會有野搞...我就打去比我阿媽哄返佢先了...
(用生日做藉口), 咁我就可以遲d走喇...最後行過去七仔食d野...
就上雲雲屋企了...

一上到去老婆整左i love you蠟燭, 同埋蛋糕喔...好開心...
一齊食蛋糕, 老婆送左一隻介指比我, 加埋條手蠅, 我真係好鐘意...
同埋我會好好咁珍惜佢地嫁...

玩完之後, 老婆喊喎...哄左一陣...執左埋d野...
就同老婆坐埋一邊...陪老婆玩, 傾計, 哄返佢...
攬住佢比佢喊一陣...希望佢會心情好返d啦...～＿～”
兩個人玩得好開心...傾左好多野...真係愈來愈愛佢啊...

最後走剩左我同老婆...嘻嘻...二人世界一番就走lu..
叫埋雲雲鎖門同埋話比佢知有人投訴之後就送老婆返屋企了...
傾左一陣電話就訓覺了....因為好倦啊...>"<


p.s.今年生日最開心的係知道我老婆真係做左好多野...
為左我比人鬧為左我唔開心...好抱歉我唔識得體諒妳...
好希望係妳需要我的時候我會係妳身邊疼錫妳...
真係好愛妳...妳亦都係我的唯一呢...呵呵...~^^
希望妳快快樂樂的...


好多謝有同我講生日快樂的人, 同埋一d陪住我過生日的人呢...


小宏會過得更加好...

>>September 22, 2004 at 10:08:38 PM GMT+8

2004 年 9 月 18 日 星期六 【晴】

生日快樂...嗎???...


今日我舊歷生日啊...阿爸比左利是我呢...呵呵~^^
試唔到阿媽所講的十九年一次的新舊歷生日添喎...
因為二月多左一日, 要等三十八歲先有得試了...唔知到個時有冇人陪我呢??

今朝阿媽要去做月餅, 十點鐘去阿miss屋企, 好自然地佢就叫左我起身食早餐,
好眼訓, 未訓醒, 仲要一早食早餐, 勁辛苦。食完早餐之後, 阿爸陪左阿媽去搭車...
而我就返左屋企先了...打左陣機睇下人地d info, 好無聊的過左幾個鐘頭...
阿偉就叫我落街去玩下z-dx gudam街機, 我都想同阿偉夾下同埋試玩下就落左去了...

去到機鋪, 勁多人喎, 等左成個鐘先有得打, 不過玩故事就去到第三版...
好鬼渣添...>"<...跟住挑機, 打左兩鋪, 一鋪夾阿偉比人秒殺...～＿～”
一鋪夾街外人用高達, 問頭個局勢都幾好, 我爆左部力奇, 部高達又無死之下,
打死左人地一部高達同包, 之後我就打人地部高達啦, 捉到佢路,
又係d用新劍技的情況下, 成功屈到部高達得返百幾hp...
望一望我方部高達仲有五百二, 而我部機用左復活的情況下,
好型咁剷左落部高達度之際, 突然輸左喎...
差一秒都輸??五秒就夠將一部五百二十hp的高達ko...??
今日的二連敗....唉...～＿～”

整體來說力奇的移動力低左, 射擊角度亦都差左, 勁就勁在d劍招某d都幾有用...
又要重新適應了...>"<

跟住同阿偉去左借漫畫就返家了, 返左一陣屋企, 老婆就打來了...
哼, 照妳咁講我地以後唔見咪仲好...>"<

之後...兩點半沖完涼, 搭九到落樓...打去比老婆。
佢同我講佢而家先係寶湖囉, 唉...個下勁燜...唔想多講野,
個人勁"down", 即時係度諗唔想見我咪算囉...唉...~"~
佢陪d fd緊係緊要d啦, 一班成日見到的fd, 同佢地玩又開心d...
自己又有咩資格同地位喎...

之後三點鐘去到紅橋, 等左一陣阿榮同阿"每"到左, 不過佢地一聽到會打波就上左樓換衫...
等左三個字到敏姐到了, 大約再等多三個字到就齊人了...之後大家一齊去買野...
好熱好倦, 又燜, 個腦不停咁諗野...唉, 難得一日咁多人開開心心咁玩, 自己就咁...
我覺得自己好失敗囉...>"<成日都無咩點出過聲, 因為我知道我一出聲一定會發脾氣...
我唔鐘意隨便發人脾氣的喔...因為好無品, 唔岩我, 不過除左一d我好緊張的人除外囉...
特別控制唔到自己的...唉...～＿～”

一去到玩活動, 打波比賽, 正當心情好返點的同時身體又差了, 個胃勁痛...>.<"
過多個分享, 個肚仔無咁痛, 就去左聆慧天地度準備燒野食了...
搞個爐搞左好耐喔, 燒左唔係好耐野食已經九點幾了...
期間比d炭屎整親隻眼喎...跟住搭半到我走先了, 因為阿媽整左個hello kitty月餅比我,
做生日蛋糕喎...～＋＿～”二來又唔係好舒服啊...跟住佢地唔比我走...
then拎左個蛋糕出來比我同阿豆, 在這裡補祝阿豆生日快樂啊...^^
佢地仲送左份生日禮物比我添啊...好鐘意喔, 係毛巾來的for游水同埋打波嫁,
sp來参, 好喜歡呢...好多謝記得我生日的人, 雖然聽日先係, 但係真係好開心...
同埋好抱歉自己今日咁...

走個陣, 打個電話去同老婆道歉, 我唔應該發佢脾氣, 一切都係我的錯...>"<
哄返佢之後佢唔得閒, 我就一個人行返屋企了, 返到屋企沖個涼...
食埋件月餅蛋糕...就訓了...


p.s.多謝小組份禮物同埋生日卡, 多謝十九年之中真心關心我的人...假意的都好感謝...
無你地無今日的小宏, 閒時問下自己點對你地, 而家收返來的回報就係點...
在這無常難測的世界還有一班支持自己的人存在, 死而無憾呢...嘻嘻...

p.s.2 .我未新歷生日的喔...希望聽日正式生日會開心一點...嘻~^^

>>September 18, 2004 at 11:31:44 PM GMT+8

2004 年 9 月 16 日 星期四 【晴】

今日早上d堂無哂喎, 所以返三點半。

>>September 18, 2004 at 10:33:30 PM GMT+8