2004 年 8 月 1 日 星期日 【清涼】

澳門音樂節


今朝一早同阿媽去藍山食早餐...食完之後就返三育等上旅遊巴...
去到的時候未齊人就同阿永同佢個細佬打波了...嘻嘻~^^
打到出哂汗啊...>"<打左陣車就到左LU...同惠喬班人加埋阿永個D一齊搭車...
同阿永吹吹水咁就到左港澳碼頭...但係慧遠原來仲未出車喎...因為要採排...
阿羅SIR就發哂脾氣喎...又話歐陽幾勁幾勁...唉...仲話今次出隊對三育無咩幫助喎...
唉..都唔知話佢咩好LU...～ˍ～”

大約十點九到慧遠的車都到了...集合後就一齊過境了...但係超倦啊...
都未抖過喎...倦到有d燜...不過好在上左船有倩雯陪...訓左陣補充返體力...
訓左一個鐘都唔夠就落船...即刻感受到澳門的特色之一...好熱...>"<
而且我這易出汗的人在這天氣是一個折磨...過境過左半個鐘...
其實我覺得係因為我地唔識點樣分配好點樣過lo...係揀兩條最快的行線...
我地隊的人去排...咁就有效率啦...唔駛比人打尖之餘又快d...
點知羅sir又係咁叫之人周圍走...打散左d人...咁惠喬d人咪困左係最慢個條度lo...
唉...佢係阿sir我都唔想講d咩野...好尊重佢...佢的決定為優先...
但係真係好浪費體力...~

我地出左港澳碼頭之後就搭車去左一間酒店食自助餐...半個鐘...
食完之後就行去搭車了...我想那時已沒有了一半體力呢...支野真係重...
上左車之後去到會場...放低d樂器...阿sir話比時間我地去買野喎...
開頭同倩雯諗住去買d野飲..見到小芳同ｂｂ...帶我地去左買野飲...
之後行行下話買左手信先...無帶錶唔知時間...買完都即刻走連野飲都無買...
點知都係遲...仲要嘉賓等...演出時有d抄粉...不過都無咩問題的...
講真真係練得少...而且大部份人都係新人...solo的時侯d人係咁影我喎...
勁驚喎..唔係由頭影落去而係由腳影上去的...~

完左個表演...謝心暈左喎...帶左佢去救護站...比佢抖下...
跟本就唔夠時間休息就開始坐奏表演了...坐奏果然唔同d...
不過想玩d深d好聽d的歌就有排先可以了...未演完d嘉賓就走左...>"<
完左個show...大家都為左趕船而急急腳咁走...不過唔見左偉鋒,歡同德喎...
我地唯有行先...等阿sir同大傻搵佢地...依個時間又有d問題喇...
有好多三育的人都唔見左將入境紙喎...跟住當然係有人鬧啦...
但係連個導遊姐姐都細細聲咁講左填返就可以了...那仲鬧來做甚麼呢?
一時行東一時行西一時停一時行...完全地無考慮過搬重野的人的辛苦的...
指揮的人無錯是要選擇性地放棄一d因素...不過並不是將其責任推下給別人就可吧?
上到船勁無奈勁慶...不過休息陣無時啦...因為有人陪ma...呵~^^

落左船...拎齊野上車...返三育...之後當然係禮貌地同咁多個人講唔該...
同埋辛苦哂啦...送惠喬班人去火車站...(除左一個人...bobo...有人送)...
就同永細佬---豪返家了...好倦好眼訓...隻手勁\痛...~



很想陪人但係聽日要返工...所以要先行休息...對不起...～＊



p.s.今日火氣大左...咁多位唔好見怪...以上如果有任何得罪別人的地方...
恕小宏無能...不能再簡單地寫出來...很抱歉...明白在場合中有很多不同的角色...
而每一個的角色都總是有自己的辛苦和無奈...

很多謝各位今天有出過力的隊員...希望大家在這次的演出有所得著...
自己亦都找到自己的目標了...特別嗚謝葉sir同羅sir...今日的演出...功不可沒...~


>>August 3, 2004 at 11:18:04 PM GMT+8

2004 年 7 月 31 日 星期六 【晴】

reply to 老婆蚊...嘻嘻...~^^...我都係一樣呢...~

reply to 溢...距離幸福還差很多...要解決很多的問題喔...~多謝你啊...
你有依d反應係正常的...~

reply to 峰...你的問題我估到d...家人當然比朋友更好啦...但如果你不能和家人傾的話...
那就找我地啦...希望你能順利解決...還有開開心心啦...但我亦都有自己的問題呢...
所以家家有本難唸的經啦...~

reply to 歐...嗯...明白的...不過有時唔到我唔諗...開始結束...都只是一紙之隔呢...~


澳門音樂節最後採排...心情不好...


今朝一早起身去左打波...九點鐘打...但係要陪爸爸媽媽依早餐的關係...
所以我遲到...~

今日打波同班串咀打...雖然開頭打得唔係幾好...之後反超前來個逆轉勝...
以41比31結束賽事...對手當然唔服氣啦...但係我地無理到就走左...~

打完波就返家拎返本書比人...之後比阿爸串我遲返令到食都無得食...
之後就好慶了我...為什麼我要辛水辛汗的去陪他們吃食...反而要吃力不寸好呢?
為什麼要選擇返band而不去玩多陣or返下工呢?好像個傻仔般...>"<
衫又唔夠時間拎...只能拎譜...煩的時候連運都無埋...條手繩唔見左喔...
心情超down唔想講野...見到倩雯都唔係想講...因為怕自己語氣重...~

好在好快就能回復情緒...諗清楚自己咁辛苦為d咩...>"<
不過認真練習的後果就是無哂咀力...個咀仲要好鬼痛...
而且隻腳仔仲好痺...~

練到成七點到先走得...返得家換件衫去到小組都成八點幾...
今日開組好正好火熱...多得去了短宣的隊員的分享...
唔知自己幾時會有依個機會出去看看...自己是多麼的幸運...
珍惜現在神給我的...很想重新去定下目標呢...
但是我現在要做的是要重新去找那失去了的信心呢...
希望神能給興我這機會啦...我會等候的...~




p.s.多謝妳啊...倩雯...無論開心或是唔開心...妳都會在我身邊呢...^^~
不過唔想因為我的唔開心而影響到妳的情緒...>"<

>>August 1, 2004 at 12:12:13 AM GMT+8

2004 年 7 月 29 日 星期四 【颱風】

元郎一天遊豪華團



今朝一早落好大雨喔...原本諗住去打波的..都因為咁而取消...>"<
跟住去左飲茶...飲完之際老婆就醒了的說...呵呵~^^
還書借書返屋企...chat一陣訓下覺就出去太和搵老婆...
上左偉鋒屋企...有隻龜的喔...睇下電視同老婆玩下咁就一齊出元郎拎衫了...
今日唔知點解好頭痛同暈...好在有老婆係度...呵~^^

大約三點幾到元郎了...見到葉sir...但係上到去間公司就話d貸未到...
要等成兩個鐘...之後成班去左kfc食野...再返去等過...最後阿sir走左先...
要我簽收...拎到d衫的時候都成七點...返到大埔都成八點鐘...=.="
送老婆返屋企之後就去join阿爸阿媽食飯...去左間叫做開心的餐廳...
都幾抵食...而且係住家飯...嘻...~^^食完去左零食物語...幫阿爸搵野食...
再去借漫畫...~聽到老婆蚊淋左雨走去訓有d擔心呢...加上佢又頭痛加暈...
又唔走去沖涼喎...佢就係蝦人地心軟啦...可惡喔...>"<...



留意下『...』啦...=.="


抱擁這分鐘 陳奕迅

曲/監:Jim Lee 詞:潘源良 編:Lorn Leber

忘記了世界這分鐘 跌進了這愛的裂縫
燃亮燭光 祗管相擁
來佔據了這晚星空
捉緊一剎那的認同 如夢的將來
儘管點不懂 完全明白是放縱 但是祗得這刻可相信
未來又怕會 終於都撲空 『你叫我最快樂你也叫我最心痛
愛在迷惘中』『 你叫我最渴望
卻也叫我猜不中 誰可以這樣折衷』
曾與你愛過卻匆匆 過去己有太多類同
誰在心中 怎猜得準
能跌進這晚愛光中 彷彿一切已經共同
仍是不敢祈求 熱戀多一分鐘 要永遠愛吧
卻怕仍然未相信 永未能看通
要說這晚算吧 卻覺愛己經失控
寧願再繼續抱擁 Oh...... 相擁...... 心痛......



reply to 歐...有嗎??講緊邊個啊??咁衰的??記住用太陽油啊...唔係好易變黑的喔...哈哈^^



p.s.心情幾矛盾的喔...=.="

>>July 29, 2004 at 11:35:06 PM GMT+8

2004 年 7 月 28 日 星期三 【晴】

感動


今日是我家人去完旅遊返來的第二天...還有是留了mimi,松和林伯伯呢...~
歡迎大家回來喔...~

幾天沒見家人沒有不協調的感覺...我沒有陪他們吃早餐...反而係去左打波呢...
今天八號有多人喔...而且有很多勁人...每當我覺得自己進步了的時間...
但是我打得不好的時候...可能就是自滿了吧...加上體力還未回復...
打得好差...所以約左聽日打過...我要再進步多d喔...>"<

原本諗住唱k...因為好倦而且無蚊蚊...又掛住人所以唔去了...
但是後才知道無得唱...哈哈＾＾”...同溢仲有榆去funny打機...
來左兩個好串咀的人...不過我輸左...唉...總是差一點點...
一挑二果然唔係好著數...之後去左元綠食飯...好貴喔...>"<
老婆醒左打來...傾左陣...佢唔舒服...擔心呢...～＿～”
返到家一陣就落左去飲茶...因為尋日飲唔到ma~呵~^^

遲左落去同埋還書...比人鬧啊...而且累阿媽比人鬧左好耐...>"<
食完野應承左老婆要訓...咁就訓左陣...但係就miss左幾個call...
醒左就出門口去練水...努力咁練...練完教小吉游水...

不過今日真係無教過佢d咩...剩係同佢傾計...講左好多話題...
包括我家同埋而家有咩問題...佢過來人ma...好多謝小吉陪我傾左咁耐...
mimi病左就多d休息啦...對唔住啊...無接到妳機...=.="

返到家看了一個留言好感動...但係又知道佢做左依個決定會好辛苦...矛盾...
唔想見到佢辛苦...但係又好似bb女話頭身體要緊...擔心的亦是這樣...
哈哈...又係矛盾呢...佢識諗我很高興喔...唔想強迫她做呢...
而我亦都好慚愧...自問做得未夠好...對她亦是一樣...問題又未解決...
作為一個男朋友好失敗呢...只想她開開心心的就好了...嘻...^^~


應承了要早d訓...覺覺了喔...^^~

>>July 29, 2004 at 1:29:25 AM GMT+8

2004 年 7 月 24 日 星期六 【晴】

拯溺比賽之敗北...暈到...

今日第一次去參加拯溺比賽呢...九點幾起身...十點九去到大埔火車站集合...
上車食過早餐...十二點鐘去到將軍澳泳池...個泳池何其華麗...所有的野都是新式的...
是我見過最靚的泳池...~

今日的比賽最主要是有四項的...不計小朋友組的話...而我參加了兩項...
二百米障礙賽同埋一百米拖帶假人...~

游完二百已經暈暈地的感覺...頭一百都仲追到我個hit最快個o個...
後來就已經無哂力...這就是整親的結果了...暈暈下咁走左上台訓左係度...
其間有人叫我拎飯同埋食飯...食完飯精神返d就落去游埋個一百...
好辛苦...得個捱字...為什麼我唔舒服都要落去游??
原因就是第一有很多很串咀的人...(以前我都是呢=.=)第二....
很想挑戰強的人...而且最強的港隊就在我面前...怎能不去挑戰一下呢...
好在游完都沒甚麼不適...只是覺得很不甘心...我要努力去練習呢...

比賽咁耐都掛住一個人...唔需要多講都知佢係邊個啦...~^^
很想她打來...但是她打來又岩岩落左去比賽...可惡啊>"<
另外都有好多問題要諗...家人,教會,band,自己的能力...
我好希望做到我比人覺得我做依個決定係有努力過同諗過...~
我唔想比上述的人知的原因...一來家人反對...二來教會反對...
三來好想可以改變到佢...但是又好矛盾地唔想佢唔開心於改變自己...
哈哈...好矛盾呢...~

比賽完左之後就返小組了...體力不足...精神壓力等問題影響了我...
但我還是努力地去親近神...我好想做到我不會因拍拖而影響我同神的關係...
我想比人知道我不是懦弱...亦不是為了補償甚麼而做得更好...
而我是想做得更好而做得更好...~

最後我今日只是得第六名...今日小吉話我教水教得好...
但是是她天份高呢...我仍有很多不足的地方...一齊努力吧...
游水的確能令人忘卻...~

>>July 26, 2004 at 11:48:22 PM GMT+8

2004 年 7 月 20 日 星期二 【晴】

ｈａｐｐｙ　ｂｉｒｄａｙ　ｔｏ　家姐．ｆａ～＾＾”


reply to 榆...一個人在緊張的時候才能發揮自己的能力...我亦是這樣...
有一種失落感呢...如果事情順利的話...~就你而言亦是如此吧...~
你不是沒有感情...而是你將其放下了吧...或許愛情亦是你咁多原動力的其中之一吧..


今日亦都係佢同我講的日子喔...~未知道點答覆好呢??

>>August 2, 2004 at 3:59:22 PM GMT+8

2004 年 7 月 19 日 星期一 【晴】

reply to 蚊蚊～倩雯...好耐無見了...我成日都有去的...
少留言喔...~^^

拎成績表...～


今日係約左好耐返學校拎成績表的日子...亦都係約左好耐想成班同學一齊打波的日子...
不過好境不常...成朝都落大雨喎...不過有d運仔的小宏亦都係一點鐘到約哂所有一齊返學校...
而且係唔落雨嫁...呵~^^~

返到學校約齊哂人一齊去拎成績表...唔知點解ive反而比以前讀的學校更有感情...
亦都有好懷念的感覺...拎左成績表之後...大家都議論一返...最大的問題係點解我唔駛補考o者...
～＿～”下年要再比d心機先得了...唔可以再懶了...＞”＜

今日另一個話題就係霆峰的第一次拍拖的對象...即係阿嫂的樣子和發展如何...
不過唔詳述了...人地如如得水便行了...呵呵~^^~主題係打波又怎會不打呢?
那叫溢和歐來就白費了...~

今日打波打得好順...第一場打得好順暢...之後打打後又唔記得自己打緊咩...
可能係同benny撞左位掛...佢地話我壓籃個下好易會比人foul...我會改嫁...呵呵~^^
打左一陣又落雨就入carteen飲下野...後來輝來左又去打過球...今次玩汽水...
打打下又落雨...之後去左踢毽...踢左陣停左雨就汀多陣波就走了...~

＊～ 返到家突然有d野要決擇...～＊


心情好複雜呢～～～～

>>July 23, 2004 at 4:15:13 PM GMT+8

2004 年 7 月 18 日 星期日 【晴】

表演...

由於今日救生員集體罷工的關係...所以我亦都有機會返工了...
不過我沒有去返工...原因就是pmb要出隊...做表演嘉賓...
不過其實我兩邊都唔想去...因為好倦喔...～＿～”
應承左出了人4就要出啦...十二點返到慧遠中學...
換好衫...就拎野上車了...今日唔知做咩係咁同人玩...呵呵~
上到車訓左一陣就到西灣了...到左之後開樂器採排...
完左之後就開show...流程去得好快...又進場到戴夢夢表演再到我地表演...
雖然都等左好耐下...~
支樂器真的很重...我拎左一陣...隻手就脾左...而且愈拎愈低...
好彩個show都係幾分鐘...出完就等車返大埔...但係都成四點幾了...
換完衫食埋野返家...都近七點了...

返到家發現房個燈燒左...阿爸落街買而我裝返上去...
裝個燈泡都出哂汗-.="...換完就上左大埔頭食飯...
係咁比d表妹堂弟蝦...想睇場波都唔得...>"<...
亦都比我發現左自己原來由細到大已經做得好好...問心無愧了...
同阿爸辯論左陣...我諗其實老豆係想用依種方式訓練我...
而且佢對我的口才發展好有用...不過佢亦都好少認同我...

今日返到家最特別的係...一d唔常同我icq的人add我...=.="
而且有得寫日記啊...嘻嘻...

煩與不煩...都是在於對那人有沒有feel?喜歡是沒有定義的...=.="

那哭與不哭又有沒有定義呢?

『想哭 陳奕迅

相約在一個適合聊天的下午
分開很多年滿以為沒有包伏
我還打算回顧我們為何結束
還想問你是不是一個人住

當你笑容給我禮貌的招呼
當我想訴說這些年的感觸
你卻點滿了我最愛的食物
介紹我看一本天文學的書

#我想哭不敢哭難道這種相處
不像我們夢寐以求和幸福
走下去這一種是寬容還是痛苦
我想哭怎麼哭完成愛情旅途
談天說地是最理想的出路
談音樂談時事不說愛
若無其事原來是最狠的報復

當我想坦白我們的樂多於苦
你說水星它沒有行、星好孤獨
我才明白時間較分手還殘酷
老朋友了再沒資格不滿足

Repeat #』


reply to 歐...「今天的我打倒昨天的我！」「舊有的我，加上今天的我，便會是新的我！」
新的我現在就在這裡了...你有留意到嗎?我相信有好多的人都留意到了...
但是...要打倒還有一點差距...~


心情靚靚的喔...^^~

>>July 19, 2004 at 12:18:24 AM GMT+8

2004 年 7 月 17 日 星期六 【乍寒還暖】

寫返日記

日記好像壞了一陣子了...對我來說是沒所謂的...因為我日記是沒人看啦...
寫與不寫就在於我真的很想借此舒發一些自己的感受上來啦...～＿～”
好感謝站長和一些對於這站有貢獻的人啦...靠你們維持造網站了...
近日聽很多人說回憶...真的...這裡有很多回憶...
由我和劉sir補習...他當我像孫子一樣...到我拍拖談戀愛...都是由這個日記開始的...
一般人不會留意到我有甚麼改變...又或者有人留意到...但還是喜歡以前的我...
一切已不能再返回了...而我亦都沒有後悔...~

近日都聽說了很多的朋友都開始談戀愛了...要多多加油喔...盡力令身邊的人幸福啦...
自己唔會唔想拍拖lo...不過亦都沒甚麼很在意啦...做好自己本份才拍也沒有遲呢...~

今天做甚麼就遲些補回啦...很倦喔...明天要出隊啦...~
如果日記還在的話...再見了...yesterday的我...還有在看的你...~


心情還好的說...只是有點煩悶罷了...>.<"

>>July 18, 2004 at 12:09:27 AM GMT+8

2004 年 7 月 12 日 星期一 【晴】

補寫...~=.="(1)

好耐都無寫日記了...因為無咩人會睇嫁啦...
不過假如(你/妳)在看的話...那就是我的福氣了...而且是榮幸呢...
不過真正的原因是會當有時間有mood寫的時間就會唔比我login...
而且好多時都好眼訓...返完工咁...所以太耐無寫啦...對自己說的喔...

星期四: 叫左alan(41206),溢,歐打波...alan教左我點食位...好正啊...
不過唔係成日都可以出到掛?仲要個隊友識得睇人地繞前邊一面...
傳另一面...不過亦都得到左一個大前鋒一樣強大的武器了...
另一樣----封波就等alan得閒先得了...

星期五: 開工...今日知道原來阿橋就係個日41206 1b班去燒野食...
aiko帶來的fd喔...真是有緣...成日就係度傾aiko同埋d返學野...
又傾下而家d人用咩心態返工...覺得d人實在睇得救生員太cheap...
而我就覺得你唔係做個行點會知個行的辛苦丫...
有以上的心態的人士唔該試下去做救生員啦...條件係無得傾計...
傾電話...聽收音機...訓覺(釣魚)...十二個半鐘坐更台...食飯無時間食...等等...
而且隨時有做臭自己個名的可能...食死貓...無人工成日見...
出左事你搞掂的精神壓力的話...可以幫我頂一個星期工的...
未做過的我比一個double...我就要睇下做個o個有冇野講...>"<
雖然真係好易做的工但係都有佢的難處...但係d人睇野就係咁簡單...
又以為自己諗野好複雜...依個世界邊有free lunch的...～＿～”
不過做過救生員就會好懶...而同我同類的人就會唔想做死一世救生員而努力...
寧願做廚房都好...都唔做救生員的人大有人在...有d人唔做野想有飯食...
冬天無野做就食夏天份人工...我覺得唔死係一個奇蹟...=.="
唔想做依種人唯有努力d...唔係普通人咁簡單...個d人直頭係廢人...
連我依d咁遊戲人間的人都知道咩叫工作時工作...唔該有野做的人就認真d啦...
無野做的唔好諗全有freelunch的...這個世界...

星期六: 今日等曾叔來整家個坐廁和冷氣喉位...今日終於買左衫同mp3了...呵...
不過發現佢係display唔到中文...不過後來比我搞掂左啦...~^^~
好多謝有比過我意見的人呢...^^~
今日發覺自己太中心了...開會的時候mimi說過要將神的世界和世界的人...
連在一起...而家姐wa就用手上的野擺左落另一隻手都係仲係隻手度...
點解唔放手交比神呢??好多謝組員的鼓勵...我諗無你地我怕我已經死了...
每個人都有佢自己的問題...組員亦都一樣..第一次聽到大家分享自己的難處...
神會祝福大家的...呵呵~^^~mimi,松,林伯伯要去短宣了...求主祝福佢地啦...~


待續...to be continue ....～(倦)....

>>July 13, 2004 at 12:37:08 AM GMT+8