2004 年 11 月 15 日 星期一 【晴】

生日快樂啊...歐少~^^


今朝七點幾就起身了, 起左身但係又番訓喎, 呵呵...
結果十點三到先落麥記買早餐, 食完早餐梳洗一下就出門口了。
跟住正當想出門double check隻碟有冇事之際, 隻碟竟然被格式化,
即係入面d野無鬼哂, 要upload返d野先至行得。

遲左一班車, 但係因為咁所以撞到阿偉, 之後join埋alan一齊返學校了。
今堂java堂無訓到覺, 不過都有同霆峰, alan講下自己d野。benny就訓到"覺覺"聲...【正】。
上完堂去左cateen食"狗飯"...超難食, 一個假假地都廿蚊的飯竟然咁...嘩...絕﹏。

飯後運動係踢毽, 今日竟然有好多女踢毽喎, 班友當然係咁踢個毽埋去啦,
我當然唔會對唔住我老婆啦, 呵呵呵...^^...

上埋一堂普通話堂就放學了, 今日教讀d地方名, 有班傻仔係咁玩阿sir,
勁按鐘叫佢, 正一白痴, 一個笑話講完一次之後就已經唔好笑,
佢地仲要玩咁多次, 勁on9...不過咁多年都無上過普通話, 而家上又玩玩下咁...＞”＜
看來要比多ｄ心機讀了...．＼／．”

放左學之後去左439室feelbooking room度做功課, 其實都無咩點做過...
係我做埋d手尾而已, 之後就去左打波, 第一場warmup...之後等阿歐來埋,
得返我, alan, 霆峰, 歐, 同歐個fd打...我地決定二打二。
打打下又穿魚蛋, 隻左腳又發作。不過今日好似好實在, 學左好多野..
打波期間老婆打來, 聽到妳把聲已經好滿足了...錫錫...

打完波返屋企, 等阿爸熹d野, 我就落街買飯, 返屋企同老婆chat陣。
之後我就食飯, 準備禮物, 聽歌, 睇天涯俠醫同天國的階梯...


p.s.張家輝個角色真係好慘, 其實學急救個陣都發覺, 無野係比救唔到自己所愛的人更難受...
依個世界就係咁無奈同化學, 自己有咁的技術但係都救唔到自己愛的人,
覺得見得太多係一個煩厭, 到最後可能以後都見唔到...有d野真係唔好強求...

p.s.2.權相佑依個角色其實仲慘, 一方面佢承受的係唔可以同靜書講佢知道佢對眼咁,
另一方面又要忍受住傷痛同靜書講最殘酷的說話, 與其係咁點解唔可以坦白咁同佢講呢??
傷害永遠都係係不知不覺...在覺得對對方最好的情況出現...

p.s.3. 天氣愈來愈凍...怕凍的我很想擁妳入懷, 陪妳訓到天光呢...
請著多件衫衫啊...白痴豬...

>>November 15, 2004 at 11:39:17 PM GMT+8

2004 年 11 月 11 日 星期四 【晴】

由於某些原因, 我改變了寫日記的方式, 好像變了事記般。
還有就是遲了很多才寫日記。

屋企的問題其實都仲未解決, 仍然是很大壓力, 還預了有很多人會閒言閒語。
不過已成定局, 沒有可以轉變的權利, 而我亦都唔想有任何的轉變。

至於返學依個問題, 其實個心真的很想做好一點, 但是性格真的非常懶散。
又不喜歡爭甚麼的。不過而家已經慢慢改變了...唉...再係咁必死...
很大壓力呢。

拍拖的方面, 不能令到另一半的負擔增加呢, 自自然然的就好了。
不過真的很想甚麼事都能互相溝通, 那就會多一份了解,
少了一份磨擦, 還能支持對方呢...

眼看愈來愈多的東西要學, 就愈覺得自己真的很無用呢...
有能力的話甚麼也不一樣呢。

>>November 12, 2004 at 11:15:58 PM GMT+8

2004 年 11 月 7 日 星期日 【晴】


自從拍拖以來, 阿媽對我的態度就愈來愈唔知點咁了...
一時就好close, 一時就突然發我脾氣,
雖然我知道佢係因為唔想少少野就鬧我所以就唔出聲。
咁的狀況亦都唔係拍拖之後先至發生, 只不過是更嚴重了。
自問尋日無出過街, 亦都係夜晚先至返小組同埋放左小組就食飯。
但係媽一句咁夜啊, 我真係唔知咩意思囉...平時都係咁嫁啦,
又唔係拍拖之後的事, 難道拍拖之後就唔可以出夜街??
我亦都有話過比佢知尋日的流程了...真係百般不解為何會這樣......>"<

教識我溝通是最緊要的人是我阿媽, 但係為何現在又這樣呢...
好難得憑著溝通解決了我和小蚊之間的問題了...
為何次次當我覺得無問題了, 可以專心點做我的事的時侯就會有事發生要我解決呢??
總是考驗著我似的...～＿～”

>>November 7, 2004 at 6:14:07 PM GMT+8

2004 年 11 月 4 日 星期四 【晴】

reply to 霆峰：ｔｈｘ～＊你依個支持令到我好warm呢, 好倦好大壓力呢這幾天。
你的事我又何嘗唔擔心丫, 天涯海角都唔係問題, 問題在於兩個人有冇努力去維持,
我只是知道沒有錢沒有能力甚麼也做不到。我都支持你啊李霆峰, 讀好d書, 再來過。

reply to 歐：ｔｈｘ～＊我都很想如你所說般～＊


路是我所選擇的, 只好捱下去, 我相信阿媽所表達給我的亦是如此,
如果我還是逃避的話, 跟本就咩都唔會做得到。


以下的一隻歌好岩我而家的心情呢：

小飛俠
曲: 蔡德才 詞: 于逸堯

從前有個男孩夜裡說想約我於森林見面
原訂說愛談情卻碰巧天氣轉差颳風閃電
然後對話似被風雨間斷
被雨打濕了的手只懂抖顫
難道你是仙子 與我不相襯
累你受盡天譴

陪你活過一天 陪你坐過飛氈
陪你令我輕鬆
也令我極度心思紊亂
亂唱的歌也覺悅耳
亂拍的拖我也願試
害怕這樣會很留戀
陪你渡過春天 陪你渡過秋天
陪你直到冬天卻怕與你沒法一起蛻變
若然開始 怎樣可免悲劇上演

凌晨與你細語詳談說起世間的感情幼嫩
然而我卻抬頭看滿天星宿沉默用心許願
流露傷感的眼只怕對望
流露傷感的你只顧遠望
害怕有天我將會飛得很遠
在說有天你將會飛得很遠
難道在你孤單困惱寂寞時
我再飛返你身邊 你會飛返我身邊

陪你活過一天 陪你坐過飛氈
陪你令我輕鬆
也令我極度心思紊亂
亂唱的歌也覺悅耳
亂拍的拖我也願試
害怕這樣會很留戀
陪你渡過春天 陪你渡過秋天
陪你直到冬天我怕與你沒法一起蛻變
若然開始 怎樣可免悲劇上演

陪你活過這天 無法坐上飛氈
情況令我心酸
也令我極度思想錯亂
亂了的黑髮似為了
為了遮掩眼角淚濕了
結果証實我很留戀
陪你渡過春天 陪你渡過秋天
難過度到冬天你我到最後說不出再見
從頭開始 假若知道悲劇要演
我就不應抱怨 能回味也是暖

>>November 4, 2004 at 10:21:47 AM GMT+8

2004 年 11 月 3 日 星期三 【晴】


電腦中左毒, 所以好耐都無寫過日記了。
給媽知道自己拍拖了, 其實我一直都唔明白為何不能夠拍拖呢??
雖然預了有這一天, 亦都明白這是自己所選擇的...
不過就是沒想到會這麼快, 而且我真是不想與媽的關係變成這樣。
我十分知道我無能力啊, 為甚麼一定要我去選擇是但一個呢??
不可以有兩者並存的局面嗎??很抱歉令到小蚊這麼擔心, 亦都唔想阿媽這麼心痛。
路是自己揀的, 已經沒有後路了, 就算我沒有拍拖亦都不會有任何改變,
同時地和誰拍拖亦都唔緊要了......好無奈亦都好大壓力。
但係好似同小蚊的關係好了呢...～＿～”

阿媽嬲的原因有三個:

一. 沒有一開始同佢講我拍拖。
二. 在求學其間拍拖。
三. 在街上做出過火的事情(佢認為)。

我的解釋:

一. 如果一開始就講的話, 佢的情況亦都同而家一樣, 而且岩岩開始佢容易拆散。
(而且佢認為我呃佢, 加上佢自己幻想的事落去...)
我除左沒和媽說拍拖和找藉口外沒有任何事情是呃她的。

二. 依點我沒有任何話可以說, 十九歲了, 一定要出來做野才可以拍拖嗎??
我清楚自己沒有能力啊, 所以因此才更加努力去做, 跟本就不是拍拖的問題,
而是媽認為我呃佢, 即是話和誰拍拖, 而且拍唔拍拖都是沒關係的了。

三. 拍拖就會咁做的了, 我不認為我做得太過態, 如果係過左態的話我願意改。

結果: 已不論誰對誰錯了, 我只想好像以前一樣。

我要讀好d書, 搵工做, 我要話比人聽我無做錯亦都沒有令到我媽沒面。

>>November 3, 2004 at 4:05:23 PM GMT+8

2004 年 10 月 31 日 星期日 【晴】

尋晚成晚都訓得唔好, 訓下醒下咁, 真正訓都無三個鐘。


脾氣是可以控制的嗎??以前比人說是脾氣好的我, 為甚麼總是會為了一點小事情而發妳脾氣呢?
看到霆峰的日記好像有點看到我的結局, 性格相似的我們好像選擇了不同的道路呢...
而我的愛情長跑又可以跑多久呢??


>>November 1, 2004 at 11:31:35 AM GMT+8

2004 年 10 月 29 日 星期五 【晴】

愛屎妳喔...老婆豬>3<

>>October 29, 2004 at 8:49:57 PM GMT+8

2004 年 10 月 27 日 星期三 【晴】

What's a bad day??


今日返十一點半, 上database的lab堂, 好可惜地我用親的電腦都係廢的。
所以我勁耐先做得lab, 如果唔係老婆打來搵我我估我會唔做囉。
今日三人籃球賽, 十二點半開始, 趕到落去報到, 眼看自己隊得到勝利,
而我亦都得個睇字, 我究竟開心定係唔開心呢??再一次認知到自己係幾咁無用,
無咩心情講野, 突然間發現到老婆送比我條手繩唔見左粒珠喎...勁無奈囉＞”＜
即刻send個sms比佢, 因為真係唔想唔開心同佢傾電話令佢又一齊唔開心。

食完野之後就一齊去左踢毽, 無咩心機踢, 但係又唔上堂又有咩做呢??
踢左一陣就去左上pw2, 兩堂都無咩心機上, 睇下漫畫上下網咁就一堂了,
還掂peter豬咁gap都唔會教書嫁啦。

上完堂就放學, 去左福記同老婆坐左一陣, 好高興的是佢無怪我,
真係好鐘意佢過來接我個下感覺, 有一種回家的感覺呢, 無奈我笑唔出來...
我已經連續整爛左兩樣野了, 而且依排又真係唔係好開心。
不過陪住佢真係好舒服(佢理我個陣)...

送完老婆返屋企之後去左幫阿歡還書, 之後返屋企, 再出左去"姑媽"度食飯。
阿爸同阿媽的冷戰期仲未消失, 我又變左傳聲筒～＿～”
返屋企, 做psic份功課, 傾左一會電電就訓了。


每個人都會羡慕人地的一點東西, 但其實自己有冇留意到自己擁有的幸福??
會一個人都會有自己的難處...而我呢??我還在焦急甚麼啊??咁樣的我都唔足以做到d咩...
希望每一個看我日記的人珍惜自己擁有的...


總是令妳失望呢, 我都很想做到一個比妳依賴的男人, 無奈做到的時候,
妳真的會依賴我嗎??

心疼...

>>October 28, 2004 at 10:37:34 PM GMT+8