|
2004 年 7 月 7 日 星期三 【晴】
本質...覺悟?
今日落雨無得打波喔...~
唯有走左去打機機啦...~
打完機就去食飯喇喎...~
食完飯無野做就訓覺...~
今日睇到一個朋友的日記...突然有一些覺悟...
看似好難和自己愛過的人相處下去...實質應該慶幸還有這個朋友在身邊吧...
學阿歐話頭...我執著的是過往比任何人都愛她的心和以前的關係...
但是一齊都過去了...我已不是以前的我...最緊要現在她開心幸福便足夠了...
學習放下等同於學習珍惜喔...隨遇而安喔....~
金句:『不管雪在泥表面堆積得有多高,本來都是純白的結晶體....
是白正呢...最重要的是...本質啊』~
大家明白嗎?
reply to 歐...認真嗎...我很認真的...執著嗎...我很執著的...
認真是必須的...執著是不必要的...而這又不是愛情的全部...
愛是完全的付出...不保留的...學會怎樣和對方一起生活...
而當其中一方覺得有問題(無feel...唔match...等)就會散...
所以我已經唔想知道自己點解會失去要...
而想知的就係我有冇盡力去珍惜過呢?...
>>July 8, 2004 at 11:42:40 PM GMT+8
2004 年 7 月 6 日 星期二 【溫暖】
reply to 歐 ... 看來得你一個來我的板板留言了...抵錫啖你啦...呵~＞ｗ＜
嗯...我都唔想我d fd要補考...亦都唔想自己補考...唯有順安天命...看神啦...~^^
返工...覺醒
今朝...下很大雨呢..無得打波了...唯有訓多陣啦...呵~^^
心情很差喔...阿媽無神神發我脾氣呢...好無奈...=.="
食過午飯就出發返工了...點四去到大埔新達等阿橋...
見到我幫佢頂過更的fd呢...不過好佚很cool耶...～＿～”
大塞車喔...第一次見運頭塘都會塞車呢...就快要遲到之際就岩岩搞返掂...
可以返工也...好順利喔...今日返工有女仔睇之餘仲要無咩做...
因為落過雨來...不過我亦難逃淋雨的命運了...~...>"<
做到六點半鐘就收池食飯了...不過問題除之而來了...
就當我們食飯之際...個阿頭打來問我地是否鎖左門唔比d客出來呢??
又問我地做咩唔等d客走...就係咁食左隻死貓...因為我地走的時侯...
突登唔關門比d客出來...最後打左去問reception..係佢好手尾得際...
關左度門...然後d客投訴管理處...~
一件咁的事就令到阿橋興到著哂...勁黑lo塊面...而我就覺得無咩o者...
係唔係都要繼續做嫁啦...一陣間d客見到你口黑面又黑咁又投訴...咪仲麻煩...
依個是一個意外...唔食都食左啦...唔係自己做的就唔會有事嫁啦...
除遇而安啦...香港人...~
p.s.依件事令我解開左連日來的心結...做人太執著會令自己迷失的...
何況我實在太唔適合認真和執著這些形容詞吧?
覺醒了...進步有冇?唔知喔...做返自己最舒服呢...何時認真何時談笑風生...
看似容易實門很難...看似不能之亦能行之...呵呵~^^
神的安排真是...無話可說喔...~
>>July 8, 2004 at 1:13:27 AM GMT+8
2004 年 7 月 5 日 星期一 【乍寒還暖】
好好戀愛（合唱版）方力申/鄧麗欣
Ａlｅx：共你相識三千天 我沒名無姓
慶幸也與你逛過 那一段旅程
曾是日夜期待你 施捨一點同情
我對你是固執 做夢或太熱情
Ｓtｅpｈy ：在世上 是你始終不肯退後遺忘我 感激你心意
但情人比 知己分開更易 怕我愛上你壞了事
Ａlｅx：完了吧 如無意外 從今開始該好好戀愛
放下從前一段感情 才能追求將來 你就似沒存在
Ｓtｅpｈy ：完了吧 然而你不在 情況未像幻想般變改
告別從前總是不易 原來假如只得我在
我竟未能覓尋下一位摯愛
Ａlｅx：舊訊息應該刪走 再沒留憑證
我共你去到最遠 也只是友情
如現實是場玩笑 一早清楚內情
過去是勇敢 或是未肯適應
Ｓtｅpｈy ：是我笨 大概必須先經錯誤才能會 分清我心意
共行成長 數不清的故事
我已愛上你壞了事 （Ａlｅx：我愛你你扮作不知）
Ａlｅx：完了吧 如無意外 （Ｓtｅpｈy ：早該散開 縱有感慨）
從今開始該好好戀愛 （Ｓtｅpｈy ：為何我寂寞不來）
Ａlｅx：放下從前一段感情 才能追求將來
你就似沒存在 （Ｓtｅpｈy ：當做我沒存在）
Ｓtｅpｈy ：完了吧 仍能撐起來 （Ａlｅx：應該放開 沒有感慨）
前進便讓自尊心放開 （Ａlｅx：期望你能尋覓愛）
Ｓtｅpｈy ：告別從前總是不易 然而假如不止你在 （Ａlｅx：只得我在）
Ｓtｅpｈy ：你可願仍逗留在這愛海 （Ａlｅx：再不願盲目留在這愛海）
Ａlｅx：我與你 大概始終不能相愛
Ｓtｅpｈy ：可否不離開 講出你的感慨
你用心戀愛 （Ａlｅx：我用心戀愛）
合唱：下段道路定更精彩
Ａlｅx：完了吧 如無意外 曾失戀的都必須戀愛
Ｓtｅpｈy ：悔恨從前隱瞞感情 常常猜疑將來
我就似沒存在 （Ａlｅx：你就似沒存在）
合唱：完了吧 仍能撐起來 前進便讓自尊心放開
Ｓtｅpｈy ：告別從前總是不易 然而假如不止你在
（Ａlｅx：告別從前總是不易 然而假如只得我在）
Ｓtｅpｈy ：你可願留下來盼一位摯愛 （Ａlｅx：會否願留下來盼一位摯愛）
>>July 5, 2004 at 9:43:13 PM GMT+8
2004 年 7 月 5 日 星期一 【乍寒還暖】
reply to 歐...奇怪喇...我都未問你收你竟然話收我錢...哼>"<
我icq同埋日記都打左先嫁...呵...
其實係我打錯字o者...我想打放鬆...不過好認同你個講法...
做返自己係最舒服的...唔想理會別人怎看自己了...
女性除外喔...wakaakaa~
多謝你啦...而家好似無咩人會睇我日記的...~
ｓｗｉｍ～操水...~
今日朝早無去打波...取而代之就是和老爸吃早餐...
仲同佢睇『妖夜尋狼』呢...都唔錯啊...特技背景故事都ok啊...
可惜的係有d亂...
個故仔係講吸血彊屍同埋狼人係死敵...
兩族經過進化...都唔怕陽光同埋可以不死...
但係只怕銀器同埋太陽彈...而戰爭的發生係一個狼人鐘意左個彊屍...
個時狼人係僕人係彊屍的日間守護者...最後隻彊屍有左bb...
比佢老豆(長老之一)用太陽光燒死左...而戰爭亦除之而來...
經過左幾個世紀...有彊屍想話事反自己人...所以同狼人同盟左...
而個o個鐘意左彊屍的狼人就想辦法令到一個彊屍同狼人的融合體誕生...
因為彊屍同埋狼人係兄弟來的...佢地係由一個特變的不死人所生的仔...
而之後比蝙蝠同狼咬到...最後當然係個狼人成功左...而個男主角就比個女主角吸左血...
而變成不死的半狼半屍...(幾型下^^)同個彊屍長老打啦...打打下個女主角幫手...
殺左隻彊屍...而最後兩個族的戰爭結束...而除之而來就是個女主角同男主角被追殺...
因為有三個長老的喔...~
有興趣的人可以看看喔...~^^~講哂有咩好睇呢??呵呵~
就係咁睇完戲..食完飯...打下機...就咁就去左游水了...
一去到就比人串...好耐無見喎...=.="
之後收到消息...話我筆試(水急)又肥左佬...＞”＜
又要比320喇...＞”＜...~而且又無得考救生章做唔到救生員了.../.\"
無哂心機...不過都要照游...我發覺無咁肥的人成績係會好d的喔...wakaka~
返到家好tired...好眼訓...
benny收到電話了...不過佢補考的科唔算係好難o者...以佢來說無問題的...
但是我依d未收到call的人就驚餐死了...～＿～”
>>July 5, 2004 at 9:26:01 PM GMT+8
2004 年 7 月 4 日 星期日 【晴】
返BAND喲...~
咀力? = 差咁D野喎...~
樂器? = 今日用左D太陽油狀的野揉過支野...但係唔覺得佢靚左喎=.="
人事? = 唔錯掛...
事件? = 睇中左部MP3喔...要賺錢錢去買喔....~
女仔? = 無喔...今日睇中的都係差唔多喔...WAKAKAA~(講笑)
P.S.係時候發下力了在樂器方面...返左BAND幾年了...
不要驕傲喔...慧遠的朋友們...要嬴就嬴YMB吧...~
p.s.想通了...放鬆點吧...認真時認真,懶散時懶散便夠了...
不用太在乎別人怎看自己亦都不用測度別人了~
率性自然,玩世不恭是我的個性呢...
對人溫柔,nice亦的係我的個性呢...不用理會別人的不認同喔...~^^
放棄點吧...沈小宏(香港人)...^^
丟架
作曲：伍樂城
填詞：林夕
編曲：伍樂城
監製：伍樂城
Ｃ：咖啡杯都企不穩 我忍
自稱不想我傷心 你要小心
臨別亦要那麼狠 語帶興奮
甚麼她真比我襯 覺得不應該再等
Ｇ：傻女 為何要苦笑 明明我可以大叫
架已丟 或者就快不能了 我的信心崩潰了
Ｃ：終於我哭了 不必坐通宵
或者 當初你只貪我喜歡笑 你我早已失去這需要
Ｇ：當街痛哭了 不好意思打擾
或者 應該親口請你快走了
好走了 讓我知道 我們完了
Ｇ：小心摸親你的手 你知
大家相識那麼久 我哪知醜
寧願撥去你的手 怕你一碰
十打紙巾不會夠 淚一傾出不會收
Ｃ：誰管 明晨眼腫了 會怪我的氣量窄
福氣少 大癲大肺玩完了
Ｔ：甚至化妝都不要
Ｇ：好彩我哭了 不必坐通宵
或者 當初你只貪我喜歡笑 你我早已失去這需要
Ｃ：當街痛哭了 不好意思打擾
或者 應該親口請你快走了
好走了 讓我知道 我們完了
Ｇ：Let it flow, let it flow
I can't control, so let it flow
Ｃ：Let it flow, let it flow
Ｔ：I lost my soul, so I'll let it flow
Ｔ：好彩我哭了 不必坐通宵 或者
Ｃ：當初你只貪我喜歡笑 你我早已失去這需要
Ｔ：當街痛哭了 不好意思打擾 或者
Ｇ：應該親口請你快走了 Ｃ：好走了
Ｔ：讓我知道 我們完了 沒了
>>July 5, 2004 at 12:03:02 AM GMT+8
2004 年 7 月 3 日 星期六 【晴】
迷失
依幾日都唔知做咩個人勁燥...勁迷失...個人好鐘意諗野...
不過相對地失去左吹水的能力之餘...連多年來所訓練的忍耐力同埋溫柔...
都唔見哂喎...＞”＜~好似返返去以前的自己一樣...不過亦係我最做得野的時間...
因為阿媽生日的餘興...阿爸去左搵位飲茶喎...但係我三點鐘要返崇拜喎...
結果就係我返不到崇拜了...＞”＜
今日係咁玩明星三缺一online...係咁輸啊...好慘...最後就無哂錢(game錢)...
無得玩了...～＿～”
六點鐘去開組...mimi,松,林伯伯就去短宣了...神保守他們吧...^^
係唔係唔夠訓所以燥呢...唔～豬～喔～
不過我相信過左依個時期我又會更加進一步接近完美了...~
>>July 4, 2004 at 4:52:51 PM GMT+8
2004 年 7 月 2 日 星期五 【晴】
今日由於媽要返工所以就無咩點同佢興祝了...>"<
我特登請了假...唉...不過我就約左榆同歐去打波了...
太耐無同榆打過波...感覺比以前易夾左喎...嘻嘻^^~
今日阿叔話阿歐浮游...唔知自己的定位係邊...
我當然唔認同啦...不過相信阿歐會更進一步的...
而我亦都感覺到比以前勁了...比以前更得心應手...
不過打打下比個阿叔矛左下...隻手指公又穿魚蛋了...
同一個位三次...真是痛到非筆墨能夠形容啊...>"<
打完波...又係去藍山食早餐...唔同的係今次係同榆食...
同阿歐去左FUNNY打機...Z-GUDUM...有人"哈"阿歐唔識打街機喎...
個兩個人又唔係勁又要屈人機喎...比我單挑佢兩個嬴左...
用高達嬴左兩次...之後比人屈"靚"事左...再來力奇未扣過COST的情況下大勝...
唔係我勁而係佢地廢...哼...練勁D先啦...呵呵呵~^^
打完機行左陣街就返左家玩明星三缺一了...太耐無玩麻雀GAME了...
輸多嬴少...可惡...>"<...識左個女仔叫曲奇餅呢...
訓多陣阿媽放工陪佢出去食素...今日阿媽大哂...佢想點就點...
而我亦都諗到送咩比佢喇...不過係BONUS來的...事關佢用左我D錢買左佢鐘意的野喇...=.="
金句:『這世界並沒有偶然...有的只是必然...得到一樣東西的同時亦都要付出同樣價值的野...當中包括你的生命...~』
近日係咁思考依句說話呢...~
REPLY TO 霆峰...~知道就好啦..多D上來喔...
REPLT TO 歐...你問下佢地啦...我都唔係好知...佢地打的話會覆你掛...??
>>July 2, 2004 at 11:05:24 PM GMT+8
2004 年 6 月 29 日 星期二 【晴】
返工(2)～
今曰應承左阿橋幫佢個fd做替更頂新鋒花園第三期...from 5:30 to 9:30...~
朝早一早就同歐打波了...打得唔係咁好...因為都係唔慣轉180。...~
愈學得多就發覺自己愈多唔識...不過打波都係求開心...^^~
打完波我就陪歐去買game...之後返左家訓一陣...不過訓晚左...~
要打的返工喔...洩哂水喔...～＿～”以為遲到啦...~
點知去到發覺又多一個替更喎...係一個女仔來的...~
講起上來我都係第一次拍女仔做野ja...~
去到reception個度報到...我當然做好哂本份唔會累正職啦...(咁就唔會咁遲啦...唉...)
但係個女仔就無帶証喎...搞到係咁比人鬧...而我亦都好醒目咁去開左池先...~
個池一d都唔算靚...不過呢...d設施就無得彈...可惜我唔用得...>"<
過多排個女仔fax左張証個來就做得...不過又有一個問題就係佢無衫換喎...
結果又要打去比一期d人...即係阿橋同龍...拎件衫過來...過左陣傾左陣計...
知道左個女仔叫阿清...中四...係沙田讀書...傾左陣...不過因為佢係女仔所以我坐哂更台...~
好慘...>"<...好快咁過左四個鐘...叫左佢去沖涼先...但係我就留多陣...因為要夠鐘先打到卞ma...
正當我想同佢講留多陣...佢就已經走左了...仲連衫比返我...都唔知個正職會比人鬧到點...～＿～
行落去運頭塘...即alan住個度...之後就返家了...好倦...好熱...好肚睋...
救生員好容易肥...救生員要成日坐...救生員好大壓力...救生員....~
金句:『真是的...我想笑著送你走...但是眼淚卻流過不停...』
現在發覺開始回復到上年未開學時的狀態...流失朋友的情況也常見了...
是自己的心態問題...還是我們的羈絆太少呢...~?
總是有失落的感覺...何時才會覺醒呢?
我現在只能看到事情的負面了啊．．．
>>July 1, 2004 at 10:41:02 PM GMT+8
2004 年 6 月 28 日 星期一 【酷熱】
返工...~
今朝約左溢打波...發現了自己仍然有很多進步的空間...
不過打波應該開開心心的...慢慢地進步都是一件好事...
溢顯得有些唔開心...sorry...幫唔到你d咩...~
食過早餐打陣機...上左我家一陣就要返工了...~
返2:00...點半就去左火車站join我的拍檔---阿橋(不知是不是這個啦...)
一齊搭車上新鋒花園第一期開工lo...一路上阿橋都對我這替更照顧有加呢...
還請我吃杯麵呢...多謝喔...吹水下知道原來佢都係我個拯溺會嫁...
大家輪住上更台...一人半個鐘...不過佢真係同外表唔多似的咁客氣呢...呵~^^
成日唔該前唔該後...好難頂的八個鐘頭自閉症...勁辛苦...～＿～”
有幾次釣左魚添啊...＞”＜...沒有甚麼好看的美女亦都只得杯麵吃...
還要餵蚊蚊添啊...慘慘...~
唔知經過左好似好多年的時間終於收工...但是好倦啊...
阿橋問我星期二同三返唔返得...而我當然做啦...不過未必有錢收呢...
因為替更的收入好唔穩定而且成日比人走數啊...＞”＜
p.s.救生員必備用品...拖鞋...泳褲...太陽眼鏡(訓覺用)...蚊怕水...
最好有mp3機同電話啦...~
今天感謝阿橋照顧有加...仲借眼鏡比我添...呵呵~^^~
p.s.(2)...唔做運動真係唔得...成日坐又食埋d無益的野(無得揀...一係唔好食)...
剩係睇池都唔夠精神啦...何況救人...哼...福利好d都唔怕死啦...又低人工喎...
沖個涼都唔得...～＿～”
reply to 溢...sorry...幫唔到你啊...不過我比左心理準備你都算係咁啦...
加油啦...相信你實得的...^^
reply to 歐--gordon...目標就如你所說般...是一個方向...
沒有了目標亦是証明了我失去了方向...可能是學會了放棄執著的原故...
但是我覺得當我重拾自信與目標時...會比以前更加進步了呢...
而且係一個大的進步喔...~不過時機就當然係我估計不到啦...
只有神才知道呢...而我就繼續呆呆的好了...不想想一些影響我心情的事呢...
今日返工又想了如果我有同佢游水就好了...嘻嘻...閒想...～＿～”
>>July 1, 2004 at 10:05:07 PM GMT+8
2004 年 6 月 28 日 星期一 【晴】
星期六:(補寫)
學習不遲到...但是自己早了三個字出門還是遲了...可惡＞”＜
今日全日都在發呆喔...真是像mimi所講的那般失去了目標嗎?
小組今天發生了一件特別的事...組長吉唔做組長了...
不過在我心目中妳永遠都是我組長喔...快d返來啦...~!?
仲有啊...無論咩事都好記住講妳的心情係點喔...唔好收收埋埋...~
大致上係咁...唔想再多提...~
p.s.呆呆的一天...幫溢解決問題的第一日...
星期日:(補寫)
返band...好像不是太和諧呢...咀力上亦都降低了...
之後因為阿媽唔鐘意我出街的關係...
所以不能幫mimi慶祝啊...>"<...好內疚喔...應承左又唔去得...
不過無論如何...happy birday to mimi, 詩韻等依幾日生日的人喔...~^^
我就陪爸媽上左大埔頭食飯了...一家人整整一堂地食飯...
但是我感覺不到親人的感覺呢...好假...好虛偽...～＿～”
p.s.目標是甚麼呢??應承了別人明天幫他頂更...會怎樣呢?
今日幫溢問清楚...我相信佢得到了佢想知的答覆了...
抱歉...幫不上些甚麼忙...~
星期一:(待續)...
>>June 28, 2004 at 11:22:22 PM GMT+8
|
本質...覺悟?
reply to 歐 ... 看來得你一個來我的板板留言了...抵錫啖你啦...呵~＞ｗ＜
返工...~