2003 年 8 月 9 日 星期六 【晴】

「今天很開心。今天上平面設計堂時，阿sir派番三份功課，我一份取a，兩份取b+，開心都震，真係未試過做一樣自己唔識的野會被人高度讚賞，簡直受寵若驚添…不過自己其實放在唔少心機落去做嫁，現在有點成績，其實都很滿意。今晚我又去練波，唔知nike3on3可否打入四強呢…haha我一定要一舉成名。」

>>August 9, 2003 at 6:41:44 PM GMT+8

2003 年 8 月 7 日 星期四 【晴】

「今天同了一個剛畢業的師兄傾計，佢好好人，今天佢介紹了一份partime俾我，佢真係唔話得，我亦很感激佢。聽佢口吻，其實現在要找一份人工高的工的確很難，但是同佢在傾談間，我亦知道左好多野，佢亦俾左好多寶貴的意見我，這些意見比起現實的金錢還要有用。真的很多謝那位師兄。其實，我覺得唔一定人地要現兜兜請你食飯，買野送俾你就係有著數，其實聽多方意見，已是無形的得著，能夠集思廣益，才能道出真正的方向。我很慶幸自己有咁多好朋友，佢地亦好關心和支持我，有時真的盡在不言中。」
所以我都準備左首詩送俾佢地︰
「人浮旅途十數載，幸覓友人已自足。」

>>August 7, 2003 at 12:52:39 AM GMT+8

2003 年 8 月 6 日 星期三 【陰】

「好了，餘下的暑假我要加倍努力學英文和普通話和看書，還有四堂便上晒平面設計，我覺得自己是有得著，錢是付出了，但我覺得十分值得，有些朋友會覺得我讀政治，跟平面設計扯不上任何關係，但我認為自己的方向是對的，學習不一定是那麼功利，而且將來的應用還是未知之數，只要學每樣事物都認真和有恒心，每一樣事物都也能令你成功。」
「martin，我們兩個終於可以在aoc戰場上合作，打到敵人落花流水。正。琴日去踏單車，還未講吃豆腐花的趣事，由沙田踏去大尾督，吃了一碗，回程又吃了一碗，還和那個老闆傾了一陣計，我們還教佢怎樣令踏單車人仕留意到佢的檔攤，說來真搞笑，自己好似做到promotion consultant咁，不過唔緊要，如果真係幫到佢，又有乜所謂。不過d頭腐花真係好正，冰極豆腐花真係very good，而且d豆花係佢地自己磨，非常滑，又放在雪櫃，吃起來的感覺就像炎夏中的驟雨........正」

>>August 6, 2003 at 12:39:15 PM GMT+8

2003 年 8 月 5 日 星期二 【陰】

「今天朝早較錯了鐘，忘記了補習，但好彩，今天無下雨，照舊和martin去踏單車，好好玩呀，今天不只踏了去大尾督，還踏了去船灣淡水湖上蓋，個湖好大，由一道橋隔開海和湖，湖光山色，倒映在偶泛漣猗的水面，日光斜照，加上林鳥飛翔，還有小帆悠遊，構成一幅風光如畫的仙境。很開心我們每次都會踏得更遠，其實這是對的，人應該每次都有進步。hehe我們在沙田踏去大尾督，再回程沙田交車，都踏了成五個鐘，但很開心，今天陽光不猛，所以很舒服。之後我們去麥記吃包，好正，今天真係玩得好開心。」

>>August 5, 2003 at 11:53:59 PM GMT+8

2003 年 8 月 4 日 星期一 【晴】

「7,7,7,7,7,........今天竟然輸足踩地雷，被踩雷王踩扁…今天真係黑仔都顛…26比5都得…呀......
今天補完習再去剪個頭髮，因為短d可以舒服d…正…今天都看了四十頁書…就快完了一本，好開心…補習個細路又越來越乖。好野…
雖然踩雷王今天踩雷咁勁，但係都要被我連城鎮中心都剷起埋呢…hahahhhah」
「田兄，如果你見到佢，一定話正。hehehe」
「阿sa，你唔好咁客氣就真，這份禮物只是一樣微不足道的東西，你唔嫌棄我已經覺得很開心，你收到禮物時我仲開心過你呀，因為你沒有介意佢平呀…上次和你行石春路我覺得好得意，因為我係第一次行乍，下次有機會同你去多次先，同你傾計很開心，因為你成日都會關心我的感受。heheheh祝你每天都開開心心。」

>>August 4, 2003 at 7:18:14 PM GMT+8

2003 年 8 月 3 日 星期日 【晴】

「唔…今天很懶呀，唔知點解今天突然有午睡，我不要這個習慣…hahah不過我今天起了身，又要拜神個d，之後吃完飯，幫手打掃家居後，便沖個涼就去看香港政治的書，之後看左幾廿頁就覺眼訓，一訓就訓到六點。死啦，我唔可以咁樣浪費時間，下次都係寧願做体能好過了…hehe」
「阿sa，你想唔想我遲d送你機呢？heheeh你工作辛苦呀，記住多d抖。每天都有good dream。仲有，唔好「吼」咁多呀…hehehh」

>>August 3, 2003 at 11:37:58 PM GMT+8

2003 年 8 月 3 日 星期日 【晴】

「琴日補完習，便去了打波了。琴日打得好開心，好個癮，之後打完同martin傾計傾到十二點幾才走，我真係一等一的口水佬呀。haha佢又肯陪我傾，都算係好好人呀。琴日好累，但回家都吃左個麵，再吃一隻雞脾，再吃兩件西餅才睡。大食到顛。hahaha」
「我今天很多節目呀，haha今天十一至十二點補習，補完習再去上平面設計堂，上完堂同阿sa去了銅鑼灣，那天我終於送了儲了很久的生日禮物俾佢，佢很開心，所以我都很開心，因為我擔心份禮物太cheap。hehe之後同家人吃buffet，開心到顛呀。ehheh」

>>August 3, 2003 at 1:28:40 AM GMT+8

2003 年 7 月 31 日 星期四 【晴】

「這幾天都冇咩點出街，都對的，無事出街小破財，趁機儲下錢先。hehe 我八月中就有個nike 3on3籃球比賽，所以近來都係要操fit d，操多d体能和技術，我要入到nike 四強，雖然好似是遙不可及，但係邊個話肯定唔得，我話得。haha(真係有點自大) 我近來都幾充實，一有時間便會睇time和香港pols的書，又每天都補習，都幾好呀。時間過得好快，好快就到八月，我希望快些畢業，希望可以唔使再讀書了…hahahah講笑者，雖然對政治這一科並沒有興趣，但係都會努力讀埋去，話晒選擇左就唔好後悔，如果唔係自己會好辛苦。haha 平面設計課程很快就上完，唔知到時個grading係呢？heeh」

>>July 31, 2003 at 11:51:48 AM GMT+8

2003 年 7 月 28 日 星期一 【晴】

「這幾天日記server有問題，所以寫唔到日記，現在好彩俾我zip到入來，好好彩呀。琴日收到了乒總的信，知道自己考唔到教練，但心裏好似預知左個結果咁，並沒有甚麼不快樂，只是覺得就算唔合格，都唔會距離合格咁遠怪，但事實就是如此。但我都不知道自己衰甚麼。唉…
不過算啦，自己盡左力，考唔到，都總算係有努力過，不過我都係不會相信雖敗猶榮這句話，我只相信勝者為王，所以我不會花時間和心機去想自己其實都唔係太差，都不錯的野，只會想，唔合格就是唔合格，不用咁多藉口令自己好過。haha。
今天和martin一早便去了踏單車，由沙田踏左去大尾督尾，真係好尾，因為去到船灣淡水湖，haha未試過踏到咁遠，而且take左好多靚photo，名攝影家martin都話影得唔錯嫁。咁樣踏單車我真係好開心，一路傾計，一路買野飲，一路昅x，真係好開心，仲周圍去買野飲，為左幾蚊竟然同人咬價，haha突然變了師奶。之後踏完去了沙田第一城，昅x指數更加提升haha。去了m記，二十元又一餐，快靚正。總之今天好開心，不過曬黑了很多，變了非洲皇子了haha」
「martin，今天好happy，希望今個暑假完前仲可以去多次。」


>>July 28, 2003 at 12:54:06 AM GMT+8

2003 年 7 月 24 日 星期四 【雨】

「今天打風，八號風球呀，最唔鍾意下雨，因為下雨一來沒得打波，二來佢俾我一種頹的感覺，沒生氣，死氣沉沉。但今天夜裏總下雨…」
「多謝晒呀蛋哥，成日你去旅行都送野俾我，好鬼死客氣呀你。多謝晒。」
「margret，你都係呀，無端端送手信俾我，多謝晒。」
「joey，希望明天的約會你會開心啦，記住成班pc都好掛念您。hehe」

>>July 24, 2003 at 2:42:30 AM GMT+8