2003 年 7 月 23 日 星期三 【晴】

「今天如常去補習，但今天有點不同，就係個小孩好乖好聽話好集中精神地聽我講，原來佢阿媽今天突然在家，haha，真係意想不到，佢咁乖原來因為咁...........都唔知係好事定壞事。不過點都好，有一樣野可以治到佢都係好事，以後佢曳就可以以這個來做威脅，hahahah。今天突然有人約我打波，不過很少人，但都打得好開心。回到家裏很熱，拿拿聲除左副con，晾衫，煮野食，沖涼，都成點半了。hahaha」
「田兄，很想再次和你踏單車。」
「各位pc，明天joey的約會我來不到呀。嗚嗚…但祝你們玩得開心快樂！」

>>July 23, 2003 at 1:16:43 AM GMT+8

2003 年 7 月 21 日 星期一 【雨】

「琴日好開心，因為好耐都未試過和martin一起並肩作戰，昨晚戰績一勝一負，佢真係寶刀未刀嫁。haha。現在沒有工返，所以為了避免用錢，每天都盡量在家中看time看英文，學普通話和練習設計軟件illustrator，我其實都覺得自己每天的生活好充實，因為每天都有工作。而且每天都要補習。總算沒有白費這個暑假。不過今天開始下雨了，出了咁多日太陽，終於要下雨。前日發左個夢，係我考乒乓球教練不合格。希望不會是真的。」
「jacky哥，希望你旅行玩得開開心心，不過聽講你有奇遇播…hehehehe」
「emma姐，如果你想我幫你特訓，我無任歡迎呀。hehe」
「田兄，有機會一定和你唱lunch k。」
「阿sa，份野還未俾你，我知你忙，不過唔知你想唔想知係乜呢？hehe不過只係一樣很普通的東西。hehe」
「豪哥，希望你可以一take過考到筆試。祝你成功！」
「mice，問題總會有解決的一天，不要太過憂慮呀。」
「callendra，傻女，多謝你呀！祝你番工開心快樂！得閒請我飲野呀。」

>>July 21, 2003 at 2:37:24 PM GMT+8

2003 年 7 月 19 日 星期六 【晴】

「琴日打波好累呀…打左成三粒幾鐘，不過打得好開心，和中學同學一起打波係我其中一樣最開心的事，大家講下笑，寸下大家，九唔搭八都好，都係非常好玩，希望到我們第二時老左後都係咁樣就好了。」
「今天要上平面設計課程，暫時來說我每份功課都好俾心機，唔知道有冇機會取得好成績而畢業呢？hehe這個course上到八月尾，剛好31號，之後開學，個時間都dupdup陷，正呀。不過現在我要努力學緊普話，平時得閒就會睇time，不過越睇得多，就越覺得自己識o既係非常小，還有我自己差劣的普通話，我諗要多下苦功才行。不過在我的字典裏，並沒有「字」，hahahha好似有點自大。下個月中有nike 三on三，我現在就會練好自己的射術，要有穩定的中距離，先可以幫隊友取得勝利，我一定會入到4強的。hehe」
「dull哥，你真係好，不過最衰那份工唔請跟車，如果唔係和你一起返工都幾個癮。因為你熟路馬。hehe」
「pag，雖然我不是時時刻刻都可以咁清醒咁做人，但係決定左o既就唔會後悔，因為成日回頭望，只會令自己辛苦，而且亦不會進步。hehe」

>>July 19, 2003 at 12:02:05 PM GMT+8

2003 年 7 月 18 日 星期五 【晴】

「好快咁樣又就來過完這個暑假，其實還有一個半月，不過我覺得時間過得很快。回想這個暑假，自己都總算不把自己停下來，不停學習，都算係對得住自己，唔知點解每一日唔進步，就會很內疚，就算係練体能都算係進步hehe，因為肌肉有進展，不過現在都係進步得慢…」
「我很想在同一時間內比人學多d野，有人覺得我學平面設計無用，和讀個科無關，但其實我自己覺得值就得，自己學得的，很開心，而且我上堂上得好開心。我認為世界上有無種咁多種意見，無數咁多種看法，就似一個後生仔拖阿婆過路咁，有人覺得佢好，有人覺得佢博出名咁，凡事總有多面，所以有時不用太介意人地的看法，自己認為正確的，便試下去做，當然事前要考慮過，參考過人地意見。自古偉大的人不是英明果斷嗎？haha不過我又不敢和偉人自比，真係蚊比和牛比，但係我都是覺得自信的人往往是成功的人。hehe小弟拙筆，請各位見諒。hehe」

>>July 18, 2003 at 2:36:05 AM GMT+8

2003 年 7 月 15 日 星期二 【晴】

「這幾日做左好多事呀，前日星期六和日都要乒乓球考試，其實自己考唔係咁好，但係自己已盡力練了幾日波，其實如果可以，我會日日練直至考試，可惜，可以和我練的人少之又少，我最盡都係練到三日，但我諗考到教練的機會好微，但自問自己盡晒力，就算考唔到，都唔會話甚麼了。」
「今天星期一，我十二點半約了馬田去了黃大仙，求了一個平安符給我父親，因為佢成日夜晚駕車，好擔心佢危險，雖然我不迷信，但我希望盡我所能為父親做一點事，希望佢每天都健健康康。之後今天去了電腦商場買了野，後來個細路打電話來話今天不用補習，於是便和馬田去了踏單車，沿途風光如畫，和馬田一起踏單車，一起傾計，好開心，我地全程唔係行得好快，但係大家未停過，所以一路踏一路傾計，好開心，我覺得佢的想法開始變得積極，做朋友的，不用多說，但希望佢感到我會支持佢啦。hehe」
「阿SA，今天是你牛一，祝你生日快樂，本想十二點打俾你，但係知你有人和你一起HAPPY，費事阻住你，所以打來一陣便OFF了。HAHA不過我還有一份很薄薄的禮物送給你，希望你不會嫌棄，下次見到你俾你。」

>>July 15, 2003 at 9:49:03 PM GMT+8

2003 年 7 月 13 日 星期日 【晴】

「點解我做事成日就算係有下苦功，始終不如理想，昨日乒乓球考得唔好，雖然未知成績，但係心裏有數，唉，成日都係咁，究竟我自己是否真的一無事處？點解學每樣野都一定俾人慢，這個我真的不明白，難道自己真的不夠勤力？可能自己真的不夠勤力了…..................
不過我不會放棄，因為我不會逃避問題，明天是考試的第二天，我明天點樣都會練，我個partner正人渣，佢同我不如下年再報，話今年佢好忙唔得閒，和我練不到，但我唔明白點解佢會有時間考到試，唔通真係一點時間都抽不出？自大d講句，講忙，我相信唔係咁多個人可以忙得個我，但點樣辛苦都要為自己作出交代，自己唔努力，考得衰，無所謂，自己努力過，衰左都無悔。我明天一定會努力。」

>>July 13, 2003 at 2:07:17 AM GMT+8

2003 年 7 月 12 日 星期六 【陰】

「今天朝早七點半便起了身，我約了阿東回校練乒乓球，因為明天和後天都要考試，佢真係俾足面我，佢返工咁辛苦都陪我咁早練習，真難為了他，欠他一個人情添。練到中午，回家吃飯，再去補習，夜晚打了四粒鐘籃球，真係累到死了。但回到家仍堅持要看普通話vcd，因為很好看。明天便考了，我要一take過！」
「東哥，真係唔該晒你。考到教練牌，實請你吃飯。」
「myra，我很想和你求平安符，唔知你幾時得閒呢。」
「很多pc今天會有聚會，但係因為今天要乒乓球訓練，所以無辦法了，希望你地玩得開心。」


>>July 12, 2003 at 2:24:58 AM GMT+8

2003 年 7 月 9 日 星期三 【晴】

「琴日回中七母校探miss兼打了一場籃球友誼賽，很開心，miss依然咁值得我敬重，琴日場友賽打得很開心，一來可以見番以前的朋友，二來可以俾老師知道我們係念舊的學生呀…hehe 打完波便立刻回家補習，講開補習，其實又係有一件開心的事，我有一個朋友佢因為考試而叫我代補一個星期，那個是中二的學生，佢很聽話，我幫佢補文科，佢今次中史取全班第一，我仲開心過佢。hehe希望佢繼續努力。」
「noway，很久無和你打波打得咁開懷，下次打波實找你，不過思婷大人唔知俾唔俾呢…hehe」
「mice，問題始終有解決的一日，有事想不通試下找我，我幫你一起解決。」
「俊哥，你每天都要訓練，小心下身子。如果唔係家儀會很傷心…hehe」
「myra，不用唔開心，你個人咁好，幫到人你都會開心呀。」
「田兄，你記住要俾心機呀，個course都幾有用呀。」
「queenie，唔知你近來點呢？好掛念你，希望你每天開開心心，快快樂樂！」
「東哥，唔好意思，今個星期六就要乒乓球考試，希望你有精神幫我練多次，我今次一定要考到。最多lunch我o既。hehe，billion thx」


>>July 9, 2003 at 12:28:39 PM GMT+8

2003 年 7 月 7 日 星期一 【晴】

「今天很累呀，但今天玩得好開心，哇…都好耐未試過咁放縱自己咁洗錢。今天十二點半和阿東練乒乓球，玩到兩點半，之後便約左大威和martin一起去大圍踏單，今天很好陽光，很曬呀，真係和陽光玩遊戲。我地踏單車去到大埔海濱公園，那裏很靚，很靜，海風很舒服，公園有小泉，有湖水，碧綠恬靜，湖光山色，盡入眼簾。大威哥初頭踏得頗慢，但原來有一段路，佢已爬過我們頭…等我們以為佢在我們後面添，原來佢係神出鬼沒…hahaa 踏完單車，我們再去觀塘吃韓燒，除了燒野食，也要燒銀紙，又洗了80幾蚊，hahha今天算係大手筆，不過我很久都未試過咁樣消費，係時候為香港經濟振興出番d力。hahah 未識搵錢就不停洗錢，我真係唔掂…haahahh」
「東哥，thank you晒，今天麻煩你陪左我地一日播(haha都唔知邊個陪邊個)」
「阿car，好多謝你成日關心我呀…你久唔久就光臨敝記，真係蓬筆生輝。你都要休息下」
「田兄，今天和你玩得好開心，你影相功夫確係一流，你還未send番俾我播。heh」
「大威哥，唔好再成日寸我呀，小心你的愛xxx號，科xx郵輪呀，把你接去很遠很遠的地方。haha」
「李美，事情總有解決方法，只要你覺得是幫了人，不是被騙，你的心裏便會舒服好多，人也會更靚。(haha不過現在已經很靚，再靚便會靚爆鏡)」
「阿sa，很久冇和你聯絡，唔知你點呢？我知你做野辛苦，得閒我幫你搥下骨又點話，不過你要請我玩貓仔和飲野嫁…haha」

>>July 7, 2003 at 2:14:44 AM GMT+8

2003 年 7 月 6 日 星期日 【晴】

「今天和田兄和俊哥一起去唱k，好開心，再一次證明學生時期的友誼好寶貴，時間越久，友誼越厚，佢地成日都好關心我，我很幸福，所以今次對於咁遲才陪田兄，我都有點內疚，不過希望佢不介意。我最希望的是佢快些recover(佢雖然口講無事，但係點會唔痛)，我知你實掂，希望你真係可以賺到大錢…hehe」
「俊哥，我知你訓練辛苦，好彩你有嘉儀替你搥骨，咁你實舒服啦。hehe」

>>July 6, 2003 at 2:09:06 AM GMT+8