2004 年 6 月 2 日 星期三 【晴】

to teatea︰
<全為您>
「皇子只有你來欣賞，
皇子也只讓你來欣賞，
舌頭也只給你來品嚐，
聲音也只為你產生迴響，
飲歌也只為你而詠唱，
小手也只願為你伸張，
內心也只為你變得堅強，
成就也為你變成夢想。」

「今天起身都係十一點到，其實成個禮拜都訓得唔好，日日很早就醒，醒左就訓唔返。而且心事重重，但今天終於解決了。多謝你teatea。永遠有事你總會在我身邊。今天在新浦崗interview，in得好好，佢俾左七個well done我。我好開心，第一次interveiw有人咁樣讚我法。haha佢唔請都抵啦。不過唔好自滿住，因為佢都未請。請先算。今天個份做電腦web hosting....即sales...人工七千五一個月加佣金10% per plan。人工係其次，因為我想找一份時間穩定的工作，遲些我想讀poly u的hotel man。所以......今個星期四還有得in，係做assistant manager。希望可以一tick過。我對這次interveiw期望更高。努力預備啦。」
「teatea，天有陰晴月有圓闕，心底情話與君細說。」
「李美，咁你懶下先。haha努力呀。你部機真係如其人。hahaha」
「蛋哥，多謝你成日支持我。你都努力呀。」
「callen，多謝你大駕光臨，自從pc活動闊別，真係未有機會聚過。你應該很掂播。hehe big 4係咪請左你呀？haha勁呀」

親愛的留言︰
大名： callandra
電郵： [email protected]
說： 喂喂~祝你快點找到理想工作!!!

仲有.. wow.. 你的愛情生活非常甜蜜!! wowwow~~
>>2004年05月31日 21:22:36

大名： 蛋仔
電郵： [email protected]
說： 今日你好似又有 interview？
good luck ...
>>2004年06月01日 12:50:35

大名： 懶蟲myra
電郵： [email protected]
說： 我梗係.......未啦
哈哈...
你咁勁都未搵到
我都係再休息o下先啦

仲有...我同你相剋呀
我琴日一開你diary就成部機死左
哈哈...
>>2004年06月02日 00:58:36

大名： tea tea
電郵： [email protected]
說： 嘿嘿~~你下次唔好咁傻呀~~你訓得唔好我會心痛ga~~
>>2004年06月02日 02:11:15

>>June 2, 2004 at 2:46:13 AM GMT+8

2004 年 5 月 31 日 星期一 【晴】

「今天一早起身就回校打波，今天打得好開心。好正好正。估唔到臨畢業也可以咁樣顛法，好正。今天讓我感到少少在year1時的感覺。ahhaha今天普通累。haha」
「teatea，掛住你，想念你，愛著你。明鏡高掛晚空時，昂首凝望念tt。」
「蛋哥，多謝你的tea。你好鬼客氣，希望你in個度一tick過。」
「東哥，你就爽啦。haha」
「dull哥，你的防守好q勁。」
「david，想同你打多陣呀。」
「聲哥，你的体能好左。」

親愛的留言︰
大名： 小孤聲
電郵： [email protected]
說： Terry, 我無事架啦, 請放心
>>2004年05月31日 09:57:10

>>May 31, 2004 at 8:09:42 PM GMT+8

2004 年 5 月 30 日 星期日 【晴】

「今天諗住和teatea出街睇戲，但佢臨時話唔得閒，唔緊要啦，我落街打波一樣者。haha不過希望佢唔會咁辛苦啦。出街好閒者。haha今天打波幾fit，我又入到樽啦。好開心。但都係入個au au地的，比正常dup少少。但總算入到，正。今天不停找工，現在send左過百封mail了。我都問過很多人意見，佢地都唔係太贊成我做地產，咁遺有，放棄啦。其實我自己都心大心世，我家姐直頭叫我唔好做。我諗有時開心比錢可能更寶貴，就好似我和teatea一起的快樂，用錢換不到。hehe」
「teatea，你穿suit勁斯文，又靚，咁你下次穿俾我睇啦。haha你對我勁好.......」
「蛋哥，明天可以和你打波，yeah！」
「東哥，前程似錦。」
「聲哥，你唔舒服抖下啦。」
「李美，找工未呀懶蟲。haha」

親愛的留言︰
大名： tea tea
電郵： [email protected]
說： 哈哈, 咁我就要試o下穿恤衫, 呵呵~~
>>2004年05月30日 21:37:52

>>May 31, 2004 at 1:38:57 AM GMT+8

2004 年 5 月 30 日 星期日 【晴】

「今天九點幾就醒左，之後同阿爸講番我琴日interview的趣事。但突然一個電話，就話昨日的工in後話請，但係做地產代理。其實自問唔擔心做唔到，只係有d野要顧慮，例如女友，家庭，健康，朋友…唉.....唔通我真係唔係賺大錢的人？hahha算啦，朋友和女友和我心裏較錢重要。其實自己都決定左咁濟，應該唔會做。haha但好開心，因為已證明左自己的能力，原來自己都會有人請的。yeah！今天中午tt來我家學photoshop，佢好叻，一陣就識，仲整左個豬仔logo俾我。多謝佢呀。hehe但今天有點累，teatea今天佢明明有得休息都陪我，佢好到無人有。真係好多謝佢。」
「teatea，多謝你呀，成日關心我，我極開心。明天可以和你睇戲，yeah！下次唔準你搞我d恤衫，hahhaa不然…ahhaa」
「蛋哥，今天的interview應該冇問題的，機會通常係俾你準備充足的人的。yeah！」
「東哥，我要努力啦，你可以慢慢嘆，正！」
「李美，你要加把勁啦，懶蟲。aha」

親愛的留言︰
大名： 東仔
電郵： [email protected]
說： 大恩不言謝，大家心里明白就是了，我也深信以你之能定能在6月內找到一分有前途及錢途的好工，跟著就一齊出來食反慶祝。
>>2004年05月28日 22:39:15

>>May 30, 2004 at 2:20:57 AM GMT+8

2004 年 5 月 28 日 星期五 【晴】

「琴日太累，冇寫日記。琴日朝早去左招聘會，琴日都好熱，不停咁出汗，但好有意義，起碼自己努力爭取過，請與不請都會心安理得。大型招聘會一年一次，唔去真係對不起自己。haha之後便去了渣打銀行中心度in，位係customer service，in係in得不錯，但請唔請又係未知之數，因為那份係temp job。請先算啦。
今天都係in，今天朝早七點幾已醒左，因為in十點在中環。但今天係我有生以來見得最多的interview，不只大學生百態，也有僱主的寸，有料的人係寸，明白。haha今天interview有人遲到，佢話因為塞車，所以遲，佢即時俾人dut左，話香港邊日唔塞車。佢講得對。不是借口。之後有人打瞌睡，佢竟然話明天要考試，琴日溫書夜左，所以訓左陣，那個老細即時話好野好野，咁你回家訓啦。也講得對。邊有可能訓覺。今天也有人對住老細話佢發up風，勁，我欣賞佢膽色，也看出大學生的傲慢，人地點都好，也不應咁樣話人，因為這是對人的基本尊重。而且亦看出那個大學生無乜器度，俾人疾幾句就發爛，毫無氣度。今天我都俾人寸，我個死人電話一有sms來，就自然會響，但我又要怕有電話叫我in，因為我無預期這裏會in成三個鐘，搞到電話一do，即俾人寸話我個裝似黑社會。不過算啦，我不會嬲，因為電話do一聲係自己不對。雖然唔係響。但那個老細真係好有料，我相信他的成功佢下了好多苦功，佢有今天的成就，一定有佢過人之處，我反而很開心佢係用咁多時間去和我地傾計，我今天獲益良多。尤其名句，找成功人仕傾計，問佢地點成功。還有，勤力。我越來越明白佢的意思。好野，今天佢塞左很多錢落我袋。一個人成功定有佢成功之道，佢話成功與失敗的人的分別在於佢的心態，這句真是至理名言。之後我去左茶居食野，佢好叻女，自己加左耶果俾我，抵鍚，還預備得好好。勁開心。還請我吃。感動。之後我要闊別tt一陣，去左影畢業相，無了，最後一day咁多同學聚埋，反而今天有點不捨得，各自走各自的路了。但今天真係好累.........好累........好累........精神好累.....」
「teatea，sorry呀，今天in左咁耐，連電話都無覆你。搞到你咁擔心。我下次錫番你呀。hehe你今天還有冇胃痛。我明天教你photoshop和和你一起看相啦。hehe」
「蛋哥，不要緊張，實掂的。有問題找我。實幫。教乜鬼呀，都係傾下計，你唔嫌我煩已很開心。haha」
「東哥，恭喜晒，你自己努力的，抵你成功。」
「李美，不要客氣啦，有乜理由我找到工要你請食飯。真搞笑。ahah大家努力找工啦。」

親愛的留言︰
刪除此留言 關閉

大名： myra
電郵： [email protected]
說： 見到你咁勤力搵工
我好慚愧添....哈哈
你俾心機呀,,,搵到我請你食飯啦
哈哈...即係total要請你食兩餐
>>2004年05月26日 23:11:51

大名： tea tea
電郵： [email protected]
說： 哈哈, 點解唔要"菇仔"呀??
等我仲諗住分好多好多比你tim~~

今日同豬豬出去好開心, 但係都唔及同你一齊開心~~呵呵~~
>>2004年05月26日 23:42:42

大名： 蛋仔
電郵： [email protected]
說： 多謝你呀 terry，今日又教左我好多野 ...~~~不過成日麻煩到你.. sorry
我欠你一餐飯，記得一定要食呀~~~
>>2004年05月28日 01:19:00

>>May 28, 2004 at 9:06:33 PM GMT+8

2004 年 5 月 26 日 星期三 【晴】

「今天不停找工，現在差不多找左七十幾份，都只係五六份有回音，和我預期差不多，今天又有電話叫我in，但係今天的又是保險，這個星期已夾埋有三間aia，在不同地方叫我見工，保險業真係好蓬勃。haha之後今天又係如常的睇報紙，英文。希望快些找到工，然後進行第二步計劃。」
「teatea，今天食得開心馬？hehe你累就休息下啦。我不要菇仔，只要茶。aha」
「蛋哥，星期六sure win。實掂。不用怕。」
「田兄，下個星期如果你想燒野食，我都ok呀。」

親愛的留言︰
大名： tea tea
電郵： [email protected]
說： 哈哈~~算你啦, 仲記得我要咩o野~~抵鍚~~

你咁好, 我同豬豬第日分o的"菇仔"比你啦, 哈哈, 你想要幾多都有ga!!
>>2004年05月26日 01:53:31

>>May 26, 2004 at 9:48:35 PM GMT+8

2004 年 5 月 25 日 星期二 【晴】

「琴晚打波打到好夜回家，之後今左大約十一點零起身。但今天都算係咁，竟然有四份工叫我去in，但自知有兩份係保險，所以諗住只去兩份算數。一份係在銀行做customer service，一份係marketing executive。雖然兩份都唔係自己讀的範疇，但見左才算。haha之後今天不停看報紙和看英文，今天還對住本time讀英文，真係好搞笑。ahhha今晚諗住再找下工，明天打波cancel左。」
「teatea，多謝你成日咁關心我，我找到第一份工一定買你想的野俾你。hehe你記住累要抖下。琴晚送左首詩俾你，寫得麻麻，希望你鍾意。」
「蛋哥，努力啦！」
「東哥，話左你點寫都掂，我就唔同你，佢不嬲睇我唔順眼，唔同你。又或者，實力不如你啦。」
「李美，不要客氣呀，再咁客氣下次我唔敢幫你。朋友馬，不用客氣。你咪請了我飲左杯汽水呢。hehe」

親愛的留言︰
大名： 未開始搵工o既myra
電郵： [email protected]
說： 哈哈...一定要請你食飯呀
你o個日搬到咁辛苦
唔食即係唔當我係朋友o者~~~~>.<
>>2004年05月25日 12:04:59

>>May 25, 2004 at 7:55:44 PM GMT+8

2004 年 5 月 25 日 星期二 【晴】

to teatea的詩︰
<廿十三的幸福>
「恬睡娘胎未解愁，孩堤少艾苦未留。
今覓紅顏不知秋，但願與君偕白首。」

「今天八點九起身，之後便準備今天的interview，去到果然和我預期一樣，收到我的cv而咁快有得in，仲要在嘉蘭中心，一定係保險，果然不錯。但其實保險工作是十分有挑戰性，只係我自己對於佢賺錢的方法不敢苟同，所以決定放棄唔do，其實佢俾我的offer好好，只底薪都有8000一個月，還有commission和training course，但自問唔想從這個途徑賺錢，所以放棄了，但今天很開心，因為我發覺interview的狀態又回來了，我諗今年搵工可望在一個月內找到，不過這只是目標，所以要在七月一日前找到工，這個是我暫時的目標，希望可以完成。今天表現唔錯，對答流利，希望下次的interview都有今天的狀態，那便有機會了事呢。hehe之後回家便和父親在茶樓食飯，後回家便立刻找工，到現時為止都send了超過40封mail，希望快些有消息，但根據過往經驗，通常只有10分1機會有得in，即40份裏有4份，現在用了一個quota，應該有三份仲有得in，ahhahah。今晚還有打波，和蒙民偉波友傾左好耐，玩左好耐，現在個個畢業的畢業，工作的工作，讀書的讀書，我都要加緊努力了。還有，特別推介，現在魔戒3的vcd真係好抵，59蚊有四隻碟，還要好好睇。ahha」
「teatea，今天你累啦，記住休息下。我會很掛住你的。還有，你photoshop有問題隨時找我，我實幫你的(幫到的話)。ahha」
「蛋哥，慘，連最last一次機會都不能和你打波，真痛苦。咁你in努力啦。個人意見︰始終波唔打冇所謂，但星期四......如果可以，去見識下和即場interview將會是寶貴的經驗，我建議你去，不過點都好，我尊重你的決定。ahha」

親愛的留言︰
大名： tea tea
電郵： [email protected]
說： 我無論幾時, 只要你需要我, 我都一定會係你身邊ga~~now & forever!!
>>2004年05月24日 00:18:13

>>May 25, 2004 at 2:56:38 AM GMT+8

2004 年 5 月 24 日 星期一 【晴】

「琴晚好顛，和tt出完街，買左魔戒三，即睇，一次過睇晒睇到五點，明天約左李美仲遲埋到少少，真係對不起佢。之後搞到佢心慌慌，真係sorry。咁我回到家後還去打波，今天有點虛脫，回家後全身發熱，好累好累…」
「teatea，每次我累你都會俾支持我，關心我，好多謝你呀！還有，不好意思，今天講電話講到咁頹。」

親愛的留言︰
大名： tea tea
電郵： [email protected]
說： 努力啊~~幸運之神會祝福你ga~~yeah~~

哈哈, 講真, 我對火間土都幾失望~~
>>2004年05月23日 01:35:39

>>May 24, 2004 at 12:16:42 AM GMT+8

2004 年 5 月 23 日 星期日 【陰】

「今天起左身不停找工，但有一份工叫我星期一in，我感覺上係保險，不過唔理了，當個interview係熱身interview都好。之後都係不停找，上網send mail咁。之後我就和teatea去了尖咀，諗住去小熊國，但原來都係不外如是，所以就行左隔離的星光大道，但還未到夜晚，始終有點搞笑個感覺。那裏有很多掌印，原來白雪仙隻手細成咁。hahahaha之後teatea請我去火間土食野，那裏食日本野，其實我係天生賤命，任何野放在我口中都是浪費，因為高級食品會被我當低級食品咁食，其實所謂好正d野，在我食落去又不是話真係好正，但有時d野話好難食，食落又唔係。haha我都係賤命嫁啦，天生就是不懂享受的人。之後送teatea回家。ahha」
「teatea，夏天收聖誕咭，感覺是否有點怪。ahahhaha希望你會喜歡，終於找到魔戒3，yeah！遲些借埋俾你睇。hehe你今天累，記住要休息多d，今天你好靚。ehhe」
「李美，不用客氣，不要請我吃飯。hehe」
「蛋哥，幾時找工？haha不要懶落去呀。hahah」

>>May 23, 2004 at 1:09:38 AM GMT+8