2004 年 6 月 24 日 星期四 【晴】

to teatea︰
<不倦>
「勞動作息過一天，朝暮初出夜生煙。
身心俱疲何足齒，有君常伴情更堅。

「今天一早起身，照常返工，我今天要跟老細上大陸找source，去了深圳，我很久都未去過。而且今次係去參觀人地的造錶廠，學左很多野，也見識左很多。今天老細話想去多幾間廠，所以我成四點幾才食午飯，雖然餓，但都唔敢出聲。因為人地都冇話餓。唔緊要，出來做野緊要。之後就回家。今天自己過關，搭皇崗巴士，未試過一個人去咁陌生的地方。ahhaa今天學左很多，見左很多。yeah！」
「teatea，雲呢拿茶樹，你明唔明我的意思？ahaha」
「蛋哥，我們可以打最後一場ball了，我會拿dc幫你影相。hahah」

親愛的留言︰
大名： tea tea
電郵： [email protected]
說： 其實我好滿意現況, 真ga~~哈哈~~好似依家咁, 我已經覺得好開心~~^o^
>>2004年06月24日 01:41:01

>>June 24, 2004 at 10:41:49 PM GMT+8

2004 年 6 月 23 日 星期三 【晴】

to teatea︰
<雲呢拿茶樹>
「一個癌症病人說︰「我有無比的勇氣去對抗病魔。」我連死都不怕，還怕甚麼。但病魔每天都在拆磨著他，令他身心俱疲。而他的脾氣卻一天比一天暴躁，他身邊的親人好友都因為他的脾氣遠他而去。有一天，他倚著一棵茶樹，他每次不開心就會對住茶樹發洩，把心中的鬱結吐出來。每次他對著棵茶樹吐完苦水，茶樹都會跌下幾塊茶葉在他身上。像是有靈氣的。那些茶葉帶著奇特的雲呢拿味，有別於一般的香氣。而且那種雲呢拿味絕對不會吸引其他蜜蜂，它只會牽引著這個病人，因為這個病人只愛這種味道，而只有他為它澆水。有一天，那個病人用跌下來的樹葉做成一條頸項，掛在自己的頸上，因為他想每分每秒都嗅著那種獨特的雲呢拿味，讓他不再煩躁。有一天，因為醫院要進行擴建工程，那棵茶樹被拔走，而那個病人發覺不見了，於是四處去尋找，可是已找不到。然而，掛在他頁頸項上的茶葉圈，因為沒有了新葉的換替，便慢慢的枯黃，而那個病人也因為躁意沒法解放，他也逐漸漸皮黃骨瘦。他臨死前說︰原來那棵茶樹已和我的生命已連成一起，沒有對方他沒法生存下去。」

「琴日都頹左一陣，今天無晒事了。琴日蛋哥和我傾左陣，teatea琴晚又send左個暖暖message，我已經回復狀態了。我不可以令關心我的人擔心。我今天精神奕奕，無乜事了。今天如常地工作，明天會返大陸看廠房。現在每天都不停的學緊野。已經很開心。我要不停努力，努力。工作不忘進修。要上進，把握每分每時。」
「teatea，只有你的鼓勵才能令我回復自信，我應承你，我不再胡思亂想了，因為我唔想你擔心，我會每日都進修，我要你日後唔使返牛工，可以做自己開心的工作。我應承你....我應承你.......多謝你呀teatea，只有你在我任何時候都會給予支持。這份情誼已叫我今生難報。」
「蛋哥，你都係，成日都咁支持我，我不會令你失望的。heh多謝你....今個星期打波讓下你啦。haha」
「李美，你誤會了，上次係意外，而且上星期食飯我都冇遲啦，還早到十五分鐘添，所以意外很難預測。ahha而且更多謝你的安慰呢。thx呀。很感激。」
「carcar，你真係好，次次留言都給我驚喜，hahah十年都唔見你。希望你讀edu讀得開心啦。」

親愛的留言︰
名： 蛋仔
電郵： [email protected]
說： 你都識講啦，返得個幾日工，始終仲係「新手」，新環境新人事，梗係咩都唔熟，加上你大學又無讀呢個範疇既野，真係唔怪得你喎 ...
不過正如你所講，至緊要係工作態度o者，你借咁多有關工作上的書黎睇，證明你好積極同用心去學...總有出頭天既。你忘記了嗎？機會是留俾準備充足的人，個個一定係你!!
>>2004年06月22日 17:45:26

大名： myra
電郵： [email protected]
說： 你唔好咁頹啦
一d都唔似你風格呀
'頹'係我o既專利喎.....哈哈
處之泰然啦
咁你就可以發揮到你本身o既能力嫁啦^0^

p.s.你特登同我講緊要事就一定唔會遲
但係你約親我都遲到
咁即係.....
唉...我都知我地位低微嫁啦

>>2004年06月23日 13:31:43

大名： carcar
電郵： [email protected]
說： 知道你搵到o野做~
又搵到個自己咁愛~又咁愛自己o既人~真係戥你高興呀~
但你開心還開心~
得閒記得搵o下我呀~^^
>>2004年06月23日 15:06:05

>>June 24, 2004 at 12:14:01 AM GMT+8

2004 年 6 月 22 日 星期二 【晴】

「其實都差不多返左成四日工，d野還未上手，很多時都要等人assign工作，這幾天不是替人入fax機no.，就是搞部printer，最多野學就係reply客的mail，不過現在reply都好好多，起碼佢都唔使點改就可以send出去。好啦，慢慢學。剛收到我阿妹的shippint notes和自己借了marketing的書，我要慢慢鑽熟佢。自返工起個日，唔知做乜心情唔係咁好，雖然teatea蛋哥李美咁好咁安慰我，但唔知點解.......老是幫唔到公司咁........唔知呀.....唉.....琴晚仲發teatea脾氣，真係低b，希望佢唔好嬲啦........對唔住呀。這幾天都食慾不振，前日仲整親腳，點解人地返工，我又返工，我好似咁無用咁o既？平時仲扮到好似好識野，好識諗咁，諗起都真係好笑。」
「teatea，對唔住呀，我咁衰你仲對我咁好，可能我太掛住你.........真係好想我唔係咁開心時有你係我身邊。不過我現在okay嫁啦，你的message已令我回復自信了。我由今天起應該會閉關修研，我會在工作上找出突破。你今個星期會很累， 記住抖多d。每分每秒都會記住你的，皇子。」
「joey，不要客氣，希望你可以早日脫苦海。」

親愛的留言︰
大名： Joey ~~
電郵： joey@big_thankyou.com
說： Terry, really thanks sooooooooo much for your help!!! except saying a sincere thankyou, I simply have no ideas what I can say!!

Best wishes for your work too !!
>>2004年06月21日 00:52:40

大名： tea tea
電郵： [email protected]
說： 你真係好好, 真ga~~
好比咁大壓力自己~~
我唔想你唔開心呀~~

mr.

為何險掉那顆痣
又拼命買新的襯衣
不須要故意著緊
自動每天call幾次

要是環遊全宇宙
總有個更加好
但你令我超級快樂
請你必須要有自信
你現有一切
無謂變動

不必加班去贈我鈔票
不必溫書去入劍橋
不必飛車去讓我心跳
毫不重要

你想我喜歡你
甚麼也別要改
從來無人嫌你這樣
你這樣才像你

誰曾拿著你講笑
話你用處真的太少
可想過你那弱點
就是我剛剛想要

要是求財雄勢大
總有個更加好
但你令我超級快樂
雖說他長相那樣美
你別太小器
隨便退避

已經夠喜歡你
甚麼也沒缺少
從來無人嫌你這樣
你這樣才像你
怕你變了尋遍世上
再也沒人像你


>>2004年06月22日 01:17:52

>>June 22, 2004 at 11:22:32 AM GMT+8

2004 年 6 月 20 日 星期日 【晴】

「今天一早起身，就send左個voice message俾tt，佢今天很早起身去返工，我今天其實好擔心佢會否太忙太累，所以我都係打左一個電話俾佢乍.....唔敢打咁多...怕阻住佢做野。(其實好想打俾佢)之後今天全日讀英文和看新聞，之後再去城寨打波，今天射得幾準，幾好体能，但撞傷了腳踝...回到家腫左。有點痛，但今天不累，可能成日輸波。haha但今天打得好開心。剛剛阿妹送左d hkma的shipping和logistic的notes，我又剛在上星期同蛋哥遊鋪頭時買左flash mx本書，但自己又有普通話教材，真係唔知學邊樣好。」
「teatea，幾時再教我普通話？好想和你一起聽一起學呀。還有，你今天係咪好累？我好掛住你呀........你記住要休息多d，明天接你放工啦。好野。」
「蛋哥，你講得無錯，但我suggest你找下工，in下都好，學到好多野嫁。haah不過我也想你enjoy埋個暑假。」
「大威哥，正啦，dab應該有位offer俾你嫁啦。」
「李美，努力呀！有問題找我啦。add oil！」
「joey，聽到你的遭遇，真係好慘呀，希望你可以快d找到工，之後就再讀cert edu...始於我覺得你適合做語文教師，因為你夠斯文和禮貌，你找工有問題找我啦，我會幫你的。」

親愛的留言︰
大名： 蛋仔
電郵： [email protected]
說： 哈哈 .. thx 呀 ter，搵工梗係自己黎啦，你幫我我仲慚愧。不過差不多只有兩個月又開學，所以而家搵到就搵，搵唔到都無所謂了，反而開學前讀多 d 英文同普通話仲實際啦 ...所以你不用替我擔心 ...你有事都可以搵我喎~~~
>>2004年06月20日 02:44:15

大名： 三成先生
電郵： [email protected]
說： 幹!!!
套野睇完了, 失落...
>>2004年06月20日 16:00:44

>>June 20, 2004 at 11:45:00 PM GMT+8

2004 年 6 月 20 日 星期日 【晴】

to teatea的詩︰
<一二三四>
「一輪圓圓的明月，兩對盈盈的眼睛。
三句甜甜的對白，四季濃濃的情懷。」

「今天一早起左身，八點幾就醒左，一醒左，我懶醒打去tt家.....可是佢未起身，我整醒左佢，仲搞到佢家人.....真係sorry....我真係唔敢再在朝早打去.......我今天諗住佢醒左........所以才打....不過我最怕就係嘈醒人.....好對不起tt......之後就不停睇新聞和bbc，再玩多陣photoshop...希望練熟d........之後就約左mix去打波，我和tt傾電話....傾傾下連時間都冇睇(因為訓在床傾)，一收線已經四點九.....遲左一個字....sorry呀mix.....之後回家沖左個涼.....就和家人吃飯(今天姑姐來我家)。之後怕tt要等.....所以食到半路都立刻趕出來了，希望佢唔係等左好耐....佢問我肚唔肚餓..之後去左麥記食...(委屈佢啦)。之後我就送佢回家.....我每次都好唔捨得佢走....但每次上天都是這麼殘忍.......時間總時過得這麼快....」
「teatea，我都好開心呀，但時間係好無情.........你開心就得，你幾時都係咁靚......希望你今個星期不會太辛苦.....辛苦都不用怕，我的心已長駐在你的心窩，使你感到支持.....你不會累的。就讓我在遠方為你祝福。」
「蛋哥，你搵工搵成點呀？要幫手隨時開聲，我可以唔訓都幫你度掂佢。你開聲就得。」
「李美，你又點呀？是否想玩多陣？haaha其實我自問唔係一個守時的人.....但我會看情況.....緊要事一定不會遲....ahhaah」
「聲哥，返工在望....實掂。」
「大威哥，你呢？睇卡通睇到傻左？ahhah」

親愛的留言︰
大名： 蛋人
電郵： [email protected]
說： 呵呵 ... 係呀，近排晚晚睇通頂，好累。相比於你我真係慚愧 ... 日日做懶人
你呢兩日放假，正 ... 又有機會同你傾下計同打下機
yeah~~~
>>2004年06月19日 00:38:31

大名： myra
電郵： [email protected]
說： 準時係你o既美德喎......哈哈
而家d人返工慣左遲嫁啦
我之前返part time o個間公司呀
d人至少遲半個鐘返工
仲幾乎食兩個鐘lunch添啦

>>2004年06月19日 02:02:52

大名： tea tea
電郵： [email protected]
說： 今日真係好開心ga~~hehe~~不過, 精神真係差o的~~希望你唔好介意~~
>>2004年06月19日 23:55:36

>>June 20, 2004 at 12:34:56 AM GMT+8

2004 年 6 月 18 日 星期五 【晴】

「今天一早起身，如常的七點三，回到公司依然一個人都冇，因為每次我都搭地鐵，好準時咁返去，實係搭到正回到公司。但這幾天返工都係一個人都無.....要等一個字到才有人。其實我張約明明話九點三開工....點解次次都係d人遲晒返去...唔通...可以遲d返？ahhah今天做野都係咁樣，無咩特別，但我一有時間就會看公司網頁，希望盡量快些記熟佢d model no和品牌，希望再快d上手，平時在家，就看下報紙和英文和普通話，希望不會退步啦。今天叫了pizza......夜晚和家人慶祝父親節，話雖父親節，仍然兩手空空，真不孝......母親節反而有送野俾阿媽.......今天很開心，明天和後日都不用返工....yeah..」
「teatea，做乜講sorry呀傻豬，你都冇錯。錯就錯在我竟然不以為意，不察覺你累.....我大意就真....你記住要多d抖.....這個星期你會更累....下次我幫你搥骨啦。heeh」
「聲哥，good呀，返工在望啦你。」
「蛋哥，是否近日成日睇足球睇到傻左？haha」

親愛的留言︰
大名： 小孤聲
電郵： [email protected]
說： 我嘛, 呢排都有interview..我會努力既, 你知道我唔會輸俾你..哈哈
>>2004年06月18日 01:16:37

大名： tea tea
電郵： [email protected]
說： sorry呀~~我今日好累, 做咩都冇心機~~不過唔係唔開心~~
>>2004年06月18日 23:25:29

>>June 19, 2004 at 12:07:03 AM GMT+8

2004 年 6 月 18 日 星期五 【晴】

to teatea︰
「眼淚為你流。」

「今天好熱，次次打呔穿suit都熱到顛.....都唔知係咪。其實今天我很狗，請了一day，去second in一間叫ｊｅｔｓ的公司。上次first in我表現咁不濟，都叫我second in...真係算夠運。第一次in 係group in，首先要人講自己名，講完要立刻講番人地叫乜名。之後用兩句講想公司俾到乜野自己。(真係兩句，講多俾人ban)。之後就係討論題，中文討論何謂滿足感。之後就用45秒介紹自己。之後用英文討論何謂management。之後q & a session。成個過程用左九個字到，總共有九個interviewees。咁都俾我過關....好彩....。但今次自問表現比上次更差.....今次second in不像上次三司會審，只是一個大員。今次一開始即諗一句slogan，推銷公司，只有兩分鐘......之後佢俾左張圖，寫左幾句英文，之後討論。用中文.......討論完又係q & a session....今次自問表現差....唔掂.....佢話如果okay，third in 會在一個月內通知。ahha算啦，今次都係一次好好的經驗。」
「teatea，一生有你一個便足夠，因為你已完完全全的佔據了我的心，沒有別的空間了。」
「蛋哥，找工要幫手隨時找我，實幫你的。還有，我出了第一個月糧，便請你吃飯yeah！」
「李美，找成點呀？努力呀！」
「聲哥，你呢，又點呀？努力。」
「東哥，發吽逗lei 悶到。hahaha抵死...做leader要付出代價的。haha」

>>June 18, 2004 at 1:05:48 AM GMT+8

2004 年 6 月 17 日 星期四 【陰】

to teatea:
<送暖>
「熱淚凝腔灑透心，千情萬意重如金。
偶遇心碎失意時，唯你時刻送暖意。」

「今天第二日返工，其實都已適應好多，兩日我都沒有出一分一毫食午飯，第一日一個同事請，第二日老闆請飲茶。佢地好nice，不會擺架子，不會鬧人。好肯教人。我其實都好開心。但第一日自問佢地咁nice，我自己做野慢手慢腳，所以自己唔開心者。但今天好好多，今天reply的mail佢都冇咩點改，佢都話okay，其實第二日可以咁我已很開心了。但我還有很多野學。昨今兩日都比放工放遲一個鐘，因為自己都想學多d野。但其實精神都會累......回到家，再prepare明天的interview.....明天我會請一日假，去in一份工。那份工公司是捷時，在銅鑼灣大學招聘會有，也是一間具規模的公司，我之前first in過，諗住衰硬，竟然佢明天叫我second in.....希望佢會考慮我的申請。因為明天見的post係management trainee，係我最想幹的職業。很開心很開心.....原來我身邊有這麼多人關心我....我真是受寵若驚.....」
「teatea，你對我最好.....對我不離不棄........我永遠愛你..我無乜事了，都話你就是我的心靈雞湯。你咁累...還打咁多字俾我..........無以為報.......以身.......ahhaha」
「蛋哥，你永遠都是這麼支持我，真係好感激呀。我會努力，自信明天也會再展現的。謝謝你呀。」
「李美，很感謝你對我的支持呀，你真夠朋友。我都祝你快些找到工作。你實得的。」
「聲哥，多謝呀。你都可以好快找到工的。不用擔心。」

親愛的留言︰
大名： 蛋仔
電郵： [email protected]
說： 哈哈 ..剛剛出黎做野，仲要係一個不熟悉的行業工作，「挑戰」梗係有架 ... 不過你亦應該相信自己的工作能力呀 ... 你學野好快，d 野會好快上手架啦 .. 做回我以往認識的「自信皇子」吧，到時你說不定會嫌自己的目標定得太耐添，半年你就足以成為全公司最 top 的 marketing 啦~~~加油呀﹗﹗
>>2004年06月16日 00:41:55

大名： tea tea
電郵： [email protected]
說： 蛋哥講得好o岩呀~~其實你第一日返工, 咩都唔識, 唔熟係唔出奇ga~~佢請你時都知你係畢業生, 預o左你需要一段時間去摸索~~如果你第一日就咩都識, 咩都做得好好, 我估你上司會好驚~~真ga~~唔好比咁大壓力自己~~你已經做得好好~~

你是最好的,你知道嗎??
>>2004年06月16日 01:24:00

大名： myra
電郵： [email protected]
說： 成日我有咩事你都幫我
你心情咁差我就乜都幫唔到你
我呢個朋友真係冇用>.<
不過
我覺得你未必係你諗o既做得咁唔好
只不過可能係你對自己o既要求定得太高
何況一開始就做到最好唔好嫁
鋒芒太露會招人妒嫉呀
俾信心自己喇~~~過幾日你適應左就會做得好好嫁啦^0^

>>2004年06月16日 01:42:25

大名： tea tea
電郵： [email protected]
說： 唱首歌你聽~~

你根本不須擔心這世間怎想你,
其實我說你已經夠完美~~
情人每次刻意地回避~~
明白你眼裡的憂與喜!!

我很清楚世間終於有天欣賞你~~
期望你信我我總有道理!!
無人會這一世站原地,
如若想飛更不可泄氣!!

全情投入來愛你~~
而無論任何天氣~~
一起如陽光變驟雨,
擔當一位愛人亦擔當,
好一個知己~~

全情投入來愛你~~
而無論任何天氣~~
一起連人生也絕美~~
花些心機再營造驚喜,
若深愛不捨不棄~~~~~~~~

你知不知我可供給你一些朝氣??
回望我每次也總看著你~~
全憑愛最苦也是甜味!!
煩事可不可一起處理??

>>2004年06月16日 01:45:14

大名： 小孤聲
電郵： [email protected]
說： terry, 其實呢d野好正常喎, 個個啱啱出黎做野梗係咩都唔識架啦, 所以至緊要謙虛學習, 慢慢就會熟能生巧架啦, 所以呢d野實在無需介懷..俾d信心自己啦
>>2004年06月16日 15:27:31

>>June 17, 2004 at 1:13:26 AM GMT+8

2004 年 6 月 15 日 星期二 【雨】

「琴日入極都入唔到日記網，寫唔到。今天補番數。琴日和蛋哥去尖咀，海港城的food court食lunch，佢好客氣，係都要請我食野。佢請左我食燒雞肉飯，碗飯好大兜，食唔晒。之後同佢去左旺角，買左本flash mx的彩圖書連cd，都係25元，真係抵到顛。咁我們之後就去左許留山，食了兩個芒果神兵，好正呀。好好味！我和他很少機會可以咁樣聚，而且大家都有說不完的話題，好開心好快樂。不過我知道佢有解不通的煩惱，希望佢可以早日解決啦。咁佢最後送左我去搭車，佢就走了。唔知幾時才可以咁樣兄弟一聚。難得....難得.....
今天七點三起身，就刷牙，換衫，準備出門口，我出門口時八點三，返九點三，今天下大雨，搞到去到都要遲三分鐘，平時就早到三個字咁濟，好難測。不過原來我返到去得一個人返左，全世界都未返，而且有個新返工的同事都遲左成四個字才回來。ahha今天其實都哈哈唔出，我今天覺得好失落，平時interview講到自己好掂咁，但係做起野上來，咩都唔識，d錶乜model又唔識，d錶個結構，報價又唔識，點reply個client又唔識，用illustrator去設計隻錶又不大懂，有時真係覺得自己好無用.......讀書和工作完全兩回事，根本完全無關，今天真係好down...食飯都冇乜味道，覺得自己一無是處，乜都唔識咁。成日都唔想講野...........好彩有tt........」
「teatea，好多謝你，好多謝你，成日係我失意時....你就會出現.....給我關心，支持和鼓勵，好溫暖.......你會唔會覺得我好無用？我竟然感動到在你面前哭...........我真係無用......但你......只會支持我......你仲要知道我唔開心.....得登收早......打電話俾我.....你說....你說........怎會好得這樣子.............tt...我愛你.....我應承你，一年後我就可以成為全公司最top的marketing.....」
「蛋哥，你真係好客氣......成日都話請我食野.......可是我工作上還未到家。」
「大威哥，你唔好找工住....玩下先。haha」
「東哥，原來工作一點也不玩。」
「李美，努力啦。」

親愛的留言︰
大名： tea tea
電郵： [email protected]
說： 你就快要返工啦~~記住要休息多o的~~唔好搵part time 住呀, 我唔準你咁累呀~~
希望你工作事事順利, 努力啊~~
>>2004年06月14日 01:45:46

>>June 16, 2004 at 12:10:34 AM GMT+8

2004 年 6 月 14 日 星期一 【晴】

to teatea︰
<堆沙>
「兩心雙依像流沙，一點一滴堆著它。
任狂風吹豪雨下，一生最愛就是茶。」

「今天很開心，返工的前一天，teatea還有機會上來我家和我家人吃飯和陪足我成日，佢真係對我好好嫁。今天佢還教我普通話，佢好叻呀，我的普通話真係屎到爆。今天佢陪左我成日，唔知佢累不累呢，我就很開心啦。只想時間在這一刻停留。」
「teatea，你真係好鬼客氣，下次唔好買野上來啦，我父母見到你已經很開心，所以不用再買乜嫁啦。我見到你仲開心，好多謝你陪左我成日呀。yeah.......我的愛神teatea」
「蛋哥，明天可以和你吃飯啦。yeah！還有，恭喜你first hon 畢業和master成功取錄。yeah！」
「東哥，haha你在大陸有電腦嗎？haha」
「聲哥，努力呀。」
「李美，努力啦。大把sales工等你。ahhha」
「大威哥，乜你咁為食嫁。hah」

親愛的留言︰
大名： 三成先生
電郵： [email protected]
說： 唔請terry可以請我嫁...
我又要你請, 蛋散哥~~
>>2004年06月13日 16:53:47

>>June 14, 2004 at 1:46:04 AM GMT+8