2004 年 1 月 16 日 星期五 【晴】

「今天上了global pols，其實呢科都幾得意，都係講一些market的competition和economy的角色咁。但係佢係純種法國人，講英文時lung住很重的法國音，例如讀problem讀左prob beam咁。我聽起來比較吃力。而且佢不大懂英文，所以要花一段時間去理解我們的問題，咁就慘了，有語言障礙，希望我今個sem可以聽到佢講野。
今天李美也約了我去踩冰，但是我好大懵，竟然佢話遲三個字我誤以為半個鐘，搞到佢都等左我幾個字，真係好對佢唔住。hahha(你不會介意吧！haha) 之後我地去左又一城個food court到食野，個度食野真係幾美味，我叫了菜飯，不知怎解自從那時跟蛋哥吃過杏花樓菜飯後，愛上了它。hahaha 之後我地就去踩冰，今天是閒日，我地已做好晒預備功夫，知道晒個時間和價錢先來玩，50元一個人，其實都唔係貴，因為可以俾你由12點踩到夜晚10點。個locker先貴，成七元，仲要入得一次。真係難頂。李美初頭有點怯，因為其實大家都極少踩，所以我在初頭都不太慣，佢都要扶著條邊行。haha 佢後來都踩得幾好，但因為佢的腳痛，刮損了，所以我地踩到六點到便走了。之後佢好好，陪我去買左兩條褲，我自問都幾鐘意隻色和款，我今次係今年內第二次買衫，已經破晒了我以前的紀錄。haha花費左兩舊幾，現在唔知點解自己豪左咁多，我諗要檢討下自己了。ahhah我回到家後，吃完飯，沖完涼便寫master的application form，雖然master未必收我，但我不報何來收呢。所以老虎都報左先。縱使成績不夠好。」
「李美，你今天玩得開心嗎？你enjoy埋呢個暑假呀。hehe一路和你傾埋d咁悶的野，希望你不會被悶親。hahah」
「dull哥，你的防守力咁強，邊有咁易過到你。ahah」
「蛋哥，記住提我俾番d人工你。hehe快d找你的referee啦，我都要。」

>>January 16, 2004 at 1:47:40 AM GMT+8

2004 年 1 月 14 日 星期三 【晴】

「昨日只返上晝堂，咁下午就約左martin和去楊屋企打機。我們都打得好開心。本身我們是約唱k的，但係我到左時楊話仲係北潭涌，而且k房無人，所以咪上楊屋企打機。我們還未吃飯，之後便上左楊家煮麵，大家都吃得很開心，之後便打ps2高達，大家都打到很激，又mk2，又z高達，又重高達，鬼咁多靚機。ahha之後便打winning，大家都玩個不亦樂乎。後來玩到晚了，便回家了。回到家後，食完飯便沖涼繼續做hon pro，現在已寫到接近六千字，我一定要在這個星期前完成，可惜有d書被借左，所以d數據要遲些再加番上去。但因為昨天成六點半起身，所以累到昨夜十二點半就睡了，hon pro只做了少少。」
「聲哥，不要客氣呀，讓時間治療你兩個傷口。」
「蛋哥，型到咁，你唔好行埋我度咁近。hahhah」
「各位gis的同學︰最後一個學期了，大家要努力呀！」

>>January 14, 2004 at 11:33:49 AM GMT+8

2004 年 1 月 12 日 星期一 【晴】

「今左星期一，本身係開學的第一日，但我今天dayoff，所以唔使返呀。唔…咁就一個一個月的假期，很快呀。回想這個假期，都幾充實嫁。因為我十二月中至一月頭不停開工，做完工展會又另一份，終於搞掂了。之後便開始做hon pro，今個sem除非有job彈過來，要不然我不會找part time了。因為這是最一個sem，我想爭取最好的成績畢業，雖然hon pro我無咁大信心(因為有很多不明朗的因素，而且真係十分不明朗)。我暫時不打算找將來五月畢業後的工作。因為我想全力集中搞埋這個sem，而且我想下年可以有機會讀到master，但master對我來說還有一段距離，因為我的成績不大好。唯有靠hon pro和下個sem努力啦。我想讀bu ma的language studies，但和我gis無啦無lun，唯有爭取好的hon去讀，但我就apply硬。因為我想enhance我自己的英文和普通話。如果唔使讀政治，我便有更多時間去讀time和普通話，maybe可以找埋份parttime。現在我的hon pro只做了四千字到，還有成六千才夠一萬，我要努力d了。我現在每個星期六都會教波，每次兩個鐘，一個月都有些外快。但其實都係和個細路玩下，個細路係印巴籍，所以全程我要用英文同佢溝通，我可以寓工作於娛樂，又可以學到英文，其實已很開心。今天我又打了波，明天就是正式返bu的日子，很開心又可以見到d同學仔。又可以打室內場。」
「李美，星期四約定你踩冰嫁啦。12:45p.m.就在mtr恒生等你。」
「蛋哥，你和豬姐同我打得難分難解，真係驚險，但好好玩，好彩最後一仗都可以咁激，留番個美好回憶。hahah(在戰場)」
「東哥，希望你砌唔到兩日dayoff，hahahha」
「kathy，唔知你收唔收到我的咭呢？」
「dull哥，你的身体好了點未？唔知幾時才可以打番場激。」
「聲哥，你的手又怎樣？休息多點呢！」

>>January 12, 2004 at 7:45:12 PM GMT+8

2004 年 1 月 10 日 星期六 【晴】

「原來今天出成績，自己仲懵下懵下咁去左打波。其實好成績一向都與我無緣，所以我都唔係太緊張。點知打波後，蛋哥打俾我，話出左，所以咪返去睇下，其實我都好開心，但又唔係幾開心，我今次終於過到3gpa，有3.15。其實我自問今個sem係最勤力的一個sem，好似陳峰呢科咁，我係讀晒去考。geog都係，haha不過a-和a都和我絕緣。算了，我今年set的目標真係做到，已經很滿足，我取這個成績，就係要證明俾自己睇，就算我返兩份工和成日打波，都可以應付到讀書的。我終於做到，還有蛋哥成日都在旁鼓勵我(縱使我做得不大好)。真的很開心了！明天接了一份教波的job，正呀。hehe」
「蛋哥，你讀書真係一流，我希望你第時真係做到你想做的東西。我相信你都有目標的，我也相信你一定達到。」
「東哥，咁高分，一定要屈你請食飯。haha」
「李美，次次我有事你係第一個咁關心我，我今天才寫diary，你一見到就打俾我，問候我，你再咁做，我會…hahahahhahhahh」
「祝各位hon pro早日完成！」

>>January 10, 2004 at 2:13:00 AM GMT+8

2004 年 1 月 9 日 星期五 【晴】

「今天終於可以寫到hon pro 1000字啦，好開心，因為原來真係一字一淚，我又唔敢好似以前的term paper咁亂寫。又要刻意寫foot note，其實有時都唔知點解一定要加foot notes。hahaha 這個星期我都算幸運，因為我每天差不多日日都打波，呢…今夜又打了。hon pro個度我希望kenneth唔會興我，因為我真係想睇多d書才開始寫，雖然睇多d未必寫得好，但我仍希望可以盡最大努力去寫。希望佢明白啦。現在每天起身腰間兩組肌肉都係咁痛，都唔知咩事。唉…」
「蛋哥，努力呀！我相信你今個sem gpa都係過3.3以上。可能有3.8添。hahha」
「東哥，你今個sem都應該過3啦，取到唔好寸我呀。haha」
「大威哥真係ghost horse！haha」
「kathy，送了一張咭給妳，希望你會喜歡。時空是阻不了我倆的友誼！」

>>January 9, 2004 at 5:53:07 PM GMT+8

2004 年 1 月 8 日 星期四 【晴】

「這幾天都是看hon pro的書，其實都睇到有點累，所以每次睇到五點到，都會落樓下打波，原來我發覺打波對我都幾重要，原來我身体真係唔可以受傷，因為我冇得打波，就會很munk，不過現在可以打番波，其實都可以鬆弛下，個人便唔會咁燥。這幾天終於有時睇time，學英文，其實很有趣，好睇過politic的書好好好好好多。起碼我有興趣先。好了，就來開學了，又要博殺，有時真係好想畢業，我覺得工作遠遠不及讀書辛苦。可能係我一廂情願。」
「李美，乖啦，下次請你食hello kitty雪糕。hehe」
「大威哥，你就威啦，唔知幾時請飲呢。hahah」
「蛋哥，係時候努力hon pro了。不過我有時都想同你打下機hahahha」
「各位︰新年快樂！」

>>January 8, 2004 at 12:53:43 PM GMT+8

2004 年 1 月 6 日 星期二 【晴】

「終於完成了一份艱鉅的工作，現在係時候做hon pro了，但係老是提不起勁看書，現在成日都想打波，haha不過我可以控制到自己的。hehehe 前幾天，有個介紹了一份job俾我，是星期六教兩個鐘籃球或乒乓球，真係好多謝佢，其實佢自己教都得，佢真係好。出糧請佢食野先。咁我這個sem就唔找補習了，因為補習真係用左我好多時間，不過唔知呢個sem考成點呢？ahhaha不過盡了力，考得唔好我都冇辦法了。呢幾日懶左了，沒有寫日記，不過我點都會抽時間來寫，因為我是一個好多嘴的人，成日講野。haahhaha 好，係看書前，睇下time輕鬆下先。hahah」
「蛋哥，你要多d休息呀，真係十齒痛歸心。hahahh，不過你昨日又輸了一仗俾我，hahahh可惜又俾你兩人夾擊勝番我一場。」
「李美，祝你快d好番啦，下次再出過來吃飯！」
「東哥，唔係次次都係咁好彩45嫁，hahhaahahah」
「田兄，唔知假期前還有冇機會再踏一次呢？一定要找大威，因為佢太型。hahahah」

>>January 6, 2004 at 1:51:11 PM GMT+8

2004 年 1 月 2 日 星期五 【晴】

「今天好開心。haha我今天約了可立班波友打波，可是我下半場約了李美，所以要早點走，真係要同佢地講報sorry呀。但今天我都打得好開心。haha之後我唔敢怠慢，換了衫，便去赴約，我今次早到左四個字，ahah李美原來還約了敏音和三霓，所以三個女仔便和我一個傻仔行街了，佢地個個都靚晒，只有我係越來越老咁，hahah佢地一到便齊聲一口氣送了三盒朱古力俾我，我就只預備了李美個份，真係有點慚愧。之後便去左食野先，我去左尖咀廣東道的糖朝，那裏野食真的不錯，但貴了點及小了點。希望下次佢地d份量多d，但個裝飾都幾靚，食得好開心。李美竟然揀了的糖水和我揀的係一樣，大家都揀了芒果果凍豆花。但佢話費事一齊揀兩份一樣，怕唔好食的話就一齊唔好食。hahha結果佢揀了涼粉，hahha佢話好淡。hhahah之後敏音唔係咁舒服，所以我地送左佢搭巴士先。我和李美和三霓便由尖咀一路行，一路行，不經不覺行到紅磡，之後更行到去歐化傢俬到搭93k回家，上了巴士便一起吃朱古力，盒盒都好好食，我亦都係第一次咁樣食朱古力，但係感覺很好，很開心。之後我便送了李美回家，因為大家都係同一條村，所以行幾步就到了，同佢傾計成日都唔會完，所以真係條路可以長d，hahahha但係好搞笑，佢竟然唔記得個密碼，擾攘左一陣才開到門，hahha佢真係大頭蝦。hahha原來，開心可以咁簡單！」
「李美，很多謝你陪我一起過1月1日。很有紀念價值呀，祝你開心，唔知你喜不喜歡我送給你的禮物呢？hehe」
「蛋哥，不要咁客氣，下次你約我都會照到嫁。hehhe」
「威哥，你喜歡的話，我隨時奉陪。haha」

>>January 2, 2004 at 1:55:18 AM GMT+8

2004 年 1 月 1 日 星期四 【晴】

「先講昨日先。琴日一早起身，約了martin和大威哥去踏單車，大威留了少少長頭髮，看起來型了不少，真係誘人。haha佢的踏單車技巧也改善了不少。我地照舊踏去大尾篤，正！風光如畫，好正！大威哥原來夜晚約左人，所以我地踏到五點半就在沙田走了。佢昨日注重儀容，唔通真係約左xxx。hehehhe之後我肚餓得濟，便和martin去海皇食粥，那裏又平又多野食，抵佢發，後來便去了屈臣氐，買了一包mm食，食完已覺lai野，因為成包朱力我食晒，好q大包，飽到顛。那晚沒有累的感覺，所以很期待快d再打波。ahah」
「到了今天，真係正呀。我今天是返工展會最後一天，要同很多同事say bye了。雖然返了咁多日都冇咩點樣同d同事傾計，但係佢地好nice好有禮貌，所以很喜歡同佢地共事，那裏的女同事還很靚很nice添。hahaha今天有幸和martin一同返工，影了digital，正。但今天有d小插曲，就係有一個扮公仔的helper，佢不滿我遲了俾佢休息時間，之後俾左d說話我聽，事情其實係咁，呢份工係有人要扮公仔，有人要看守公仔，扮公仔的辛苦很多，要穿那套騎呢衫，熱天時都幾難頂，今天第一轉比較熱，我有見及此，都同佢地講左話會早五分鐘俾佢地休息，即只企25分鐘到，但有人話應該早d啦，佢話你唔係做公仔，你企出面當然個癮，我立刻興到個心話︰小呀。那時佢講左呢句話，我冇興，但心裏想，你又唔俾signal我話要抖，我自己已經知道佢地辛苦，已早d走，唔通出去三個字就回來，睇都唔好睇啦。同埋我自己覺得食得鹹魚抵得喝，你一個鐘成140元嫁，你俾這個價我，我企足三個鐘又如何。人就係咁，成日都理所當然，我真係好憎呢d人。做野係我地的責任，人地已經預左時間俾我地抖，我地仲要做到咁樣，試問究竟有冇羞恥嫁？唔怪得d僱主話時下的大學生唔捱得，原來確實有呢d人。其實，就算真係太辛苦，都唔使找我來出氣，大家都係同事，咁高咁大，今天又突然多了個人扮公仔，佢又遲到，我又要tun來tun去，唉…仲要無啦啦俾人小，有點氣忿者。之後第二轉我咪唔出聲，我自己同自己講，要抖自己抖飽佢，我唔出聲。咁最後我點齊d野，交待清楚，就走了，也完了我九天的工作。之後就約左蛋哥豬姐，在銅鑼灣唱k，之後去食野，很開心佢地陪我過新年。」
「蛋豬，希望你喜歡我送給你們的咭和禮物，還祝你們天天開心快樂！多謝你陪我過年呀！」
「李美，ok，七點尖咀，收到！新年快樂呀！」
「田兄，昨日踏得幾開心，又食糖，今天又和你返工，正！」
「大威哥，你話你下面個law痛，咁下次仲去唔去踏筅？hehhe」
「再見了，各位工展會同事！」

>>January 1, 2004 at 3:50:58 AM GMT+8

2003 年 12 月 28 日 星期日 【晴】

「今天真係玩個不亦樂乎…首先八點鐘起身，回校打波，和舊生阿bon佢地打波，佢地d freind好nice，個個都好好球品，所以我們都玩得好開心，但係玩到唔知時候，今天返工展會又遲了兩個字，下次都係預多d時間，次次都好鬼mun，仲搞到jobi 佢地等，真係唔好意思，我諗約人時間mun係我的缺點，我要盡快改掉。之後便約左martin去冒險樂園玩雪糕券，皆因d飛都就來夠期，想起以前係咁入金幣玩，真係個癮，雖然話浪費金錢，但我也不覺得後悔，因為我覺得值得，每次爆勁飛，都好鬼開心。然後，我和martin 去吃左十蚊麵，好好食，接著便去番冒險樂園，去換雪糕了，每一人桶，買上車食，因為我們去楊家，所以搭1a，真係好鬼搞笑，我咁大個仔都未試過咁樣搭車，仲要冷氣，冬天吃雪糕。hahah去了楊家，一開始便互相再介紹，見了久別重逢的李寶如，佢又靚左好多，其實我更想問佢關於鄭美施的近況haha，結果都係覺得堂突，便沒有問，而且我也寄了聖誕咭俾佢，唔知佢收不收到呢？；也見到很多楊的舊同學，很多我已見過晒，佢地都係好nice，很好玩，聽到梁詠詩個名又令我想起queenie，haha詠詩詠詩，多麼動聽的名字。之後我就一路係咁打機，打到二點零，頂唔順，就返歸了。hahah咁就過了開心的一天。可是我還未回童軍處探佢地…好掛念他們呢。」
「李美，記得啦，一月一馬，我得閒呀，很期待和你吃飯聚舊呢。新年快樂！」
「蛋哥，我們次次都事無不言，言無不盡，相信就算一天有二十四小時，也未必夠我們講。但同你傾計永遠都令我唔想放手，人話知己難求，無錯，我咁大個人，可以交心的的確無幾多個。」
「楊，祝你和crystal年年都咁開心！」
「bonbon，你成日都咁俾面，真係多謝晒，不過記住下次要認真d，如果唔係無咁易勝到我了。ahhah」
「田兄，同你咁食糕都係第一次，好鬼搞野。hahahha還有，有荀工當然會找你。hehhe」

>>December 28, 2003 at 4:04:40 AM GMT+8