2004 年 3 月 4 日 星期四 【晴】

「今天上picard堂，發覺佢的法國式英文好左好多，易聽左好多，同時地佢又易左聽我地的英文，大家的溝通gap少左好多，好開心呀。佢係一位很nice的老師，盡責用心，很難得嫁。之後便和阿東去報三人籃球賽，搞掂了，唔知有冇機會入圍呢，因為如果多人參加要抽簽。我真係希望抽到，因為我想在離開校園前能和自己班同窗打一場難忘的比賽。跟住我和阿東便去到茶居食飯，今次我收到了miss tea一份很輕的東西，可惜那份心意真係重。我之前同佢講過我有鼻敏感，佢很關心我，她送了花茶給我，是醫治鼻敏感的。這份心意，比起任何黃金鑽石也要貴重得多，原來看似平凡的東西一點也不平凡，看似普通的包裝卻一點也不普通，在平凡中的深意，卻是用錢都不能買到的。多謝你呀。miss tea。之後便和阿東去又一城傾完present後就回家了。」
「miss tea，你真係好有我心，我已感動得不能言喻了。trillion thx to you.」
「蛋哥，不用擔心，因為你還有我支持你呀。hon pro對你來說，只是一個欄，你一跨就可以跨過了，你一定得的。」
「dull哥，我們如果好彩，便可以在本月14日打三人，我們的成員包括阿東(year3)，jacky，我，你和david，讓我們打一場精彩的籃球賽。haha」
「李美，再一次給你支持，讓你在痛苦中得到安慰。hehe take care呀。」
「東哥，今天進度唔錯，但條題目太唔掂，一定要找個陳x算帳。hahhha」
「margaret，不要笑我啦，這些拙作簡直難登大雅之堂。」

>>March 4, 2004 at 7:04:16 PM GMT+8

2004 年 3 月 3 日 星期三 【晴】

罪惡的夏天
「如果你問我冬天唔好定夏天唔好，我一定答你是夏天。點解？因為夏天為我帶來汗水，為我帶來破壞，為我帶來罪咎。帶來汗水，正常呢，因為人身体熱便會出汗；帶來破壞，正常呢，颱風在夏天最易形成；那麼夏天為何會為我帶來罪咎感？(謎底在留言板)」
「今天都係如常咁上dede堂，佢今天好搞笑，叫每人都一分鐘presentation，咁樣一搞就搞左兩個鐘，迫完回來再討論一陣就落堂，之後便上康怡的present，今次雞仔和科雲斯表現不錯，雖然佢地比較細聲，但d point和架構好清楚，所以我全神貫注去聽，雖然我冇咩意見，但今次總算學到野，very good。之後便回家了。但回家睇完那套樊離花，真係無咩心機，因為實在太不合纙輯了，所以我寧願睇雞大歡喜。hahha」
「蛋哥，唔使擔心播，即使你耐無打，但一齊打3on3已是我在大學生涯中夢寐以求的願望。」
「miss tea，今晚天氣勁凍，記住要小心身子呀。不要冷倒呀。take care。」
「李美，你身体不嬲弱呀，你都要take care呀。」
「東哥，唔好成日屈我，不然有你好受。hee」

>>March 3, 2004 at 11:48:32 PM GMT+8

2004 年 3 月 3 日 星期三 【雨】

雨中遊
「很久也沒有下過一場雨，斜斜的雨點傾灑在我的臉上。我依著樹幹，樹梢沒有鳥兒的慳聲，只見白露在葉尖上晶凝。空氣中的霧氣漸籠，縮窄了天地的距離。仰頭一望，只見一塊很大的白布，正在為蔚藍的窗子抹淨。俯瞰一剎，卻踏著了一層濕潤的泥土。同一時間，也聽見了玻璃碎裂的尖聲，抽開腳底一看，竟是一隻蝸牛的屍骸。可憐的蝸牛，它還未完全失去知覺，頭上的兩撇鬢還恍動著，可是動作越來越慢，最後慢慢的掙扎直至死亡的終結。雨水打在我的眉心，融和了熱燙燙的淚珠，淚水變得更大，打在泥土時更覺響亮。回頭一望，蝸牛原來經歷了千里長征，泥土中刻有蝸牛努力的痕跡，雖然雨水沖擦著他的軌跡，使它變得漠糊，最於消失，但是泥土卻取得營養。五年後我再踏足這處，發覺地上已有一株和我看齊的蘋果樹。人生是漫漫長路，是一條艱辛的路，只要我們盡力去做好每一件事，定必受人欣賞，定必有所貢獻，縱使我們在途中遇到錯挫，已是今生無憾矣！」
「好耐都無落過雨，突然即興想寫一些感想，就寫左這篇拙野。請大家唔好見怪。今天做陳峰present做左成日，發覺自己進度好慢，希望快d完成佢啦。今天終於交左hon pro second draft俾kenneth，希望佢高台貴手啦。現在可以做的，是陳峰和picard的global pos.」
「李美，多謝你關心呀。其實我都唔係賺好多者。但係開就真。你都係呀，可以的話要多d抖，半工讀唔個癮嫁。」
「蛋哥，你幾時想練波隨時找我，我隨時候教呀。hahahha你要努力做好份hon pro先，其他的野唔好諗住啦。一起努力！」
「史耐得先生，歡迎你光臨寒舍，不知閣下專姓大名。」

>>March 3, 2004 at 12:54:47 AM GMT+8

2004 年 3 月 2 日 星期二 【暴雨】

「今天不停看網上新聞和做陳峰present，做左幾個鐘做到悶了，所以睇了miss tea借給我的harry potter神秘的寶石。套戲好好睇，d人做得好好，個故事好正呀。唔怪得人地外國片咁賣座。haha 之後夜晚沖完涼又做陳峰。希望把它做好，但還未完成。原來每天一句問候的說話，一句衷心的祝福，一聲親切的晚安，是多麼的使人感到幸福，快樂。再有多大的壓力，再有想不開的事情，再有疲累的身心，也可以一掃而空。」
「miss tea，記住準時吃飯。haha」
「蛋哥，其實自己現在的程度高低並沒有所謂，因為至緊要係我地有一顆進步的心，我地只要每天要求自己進步，就總有一天勝過別人。不要氣餒呀。hehe」

>>March 2, 2004 at 2:24:56 AM GMT+8

2004 年 3 月 1 日 星期一 【晴】

「今天冇人裝修，終於訓番覺好了。今天十一點起左身，精神普通，看左陣書和報紙就去教波了。教波個度好搞笑，今天個細路很活躍，成日扯我件衫，我教佢打籃球和乒乓球，佢都玩得好開心。之後我便去左和可立班朋友打波，打左三個幾鐘，累到就死了，而且隻手又多幾條血痕，個班死仔真係好狼hahaha。回來後不停灌水。飲左成公升水都有。真係好累…」
「miss tea，多謝你咁關心我的健康呀。我個鼻敏感問題由細到大都有，我相信這個都市病都唔會好了。你都係呀，你的胃成日痛，記住準時食野真就。take care。」
「蛋哥，好期待快d和你一起上戰場。hahaha你的功課搞成點呀，有須要即時找我，我隨時oncall，只係你有咁的優待，個死仔東就冇啦。hahahhah」
「東哥，唔好誤會呀，你做野咁快，所以我都冇可能幫你，你幫我就差唔多。hahha」
「李美，努努力力，一定搵到食。hehe」

>>March 1, 2004 at 12:26:48 AM GMT+8

2004 年 2 月 28 日 星期六 【陰】

「今天不停做功課和看書，都有點累。我樓下裝修，所以朝早十點便起了身，我的鼻敏感即刻發作，又流鼻水，又打黑刺。苦........但我這兩個星期不停看書做hon pro，都真係有用心去做，如果份hon pro俾人彈番轉頭都冇辦法。但我發覺原來做hon pro不難，改才難，因為都唔知點樣把新的資料add落去。今天真係有點累..........不是体力的累，而是精神的累。」
「蛋哥，不要氣餒，我相信你一定可以搞掂佢地。努力呀！」
「dull哥，下次我再衝動時你就拍一拍我，等我清醒和鎮定番。hehethx」
「miss tea，今天同你傾左好多計，好開心呀。因為我們有說不盡的話。ahhah」
「東哥，你有興趣幫我地做啦啦隊嗎？hahah」

>>February 28, 2004 at 7:14:47 PM GMT+8

2004 年 2 月 27 日 星期五 【晴】

「琴日都係夜訓，但係經過這兩個星期的奮鬥，hon pro的first draft都搞得七七八八，其實我都唔係太有信心寫得好，因為要改動仲難改寫一篇野，不過點都好，真係盡左力去做，都不會有怨言和後悔。今天上完translation堂，便回家了，繼續努力埋個hon pro佢。」
「蛋哥，你肯一齊參加三人籃球賽就好了，因為我地可以有一個難忘的告別賽。正呀。」
「dull哥，我地可以一起和蛋哥打最後一場波呀，非常興奮。」
「大威哥，成日係度亂講野，遲早dup鑊你嫁啦。」
「miss tea，個d布丁真係好好食，「齒頰留香！」」

>>February 27, 2004 at 4:10:52 PM GMT+8

2004 年 2 月 26 日 星期四 【晴】

「今天上法國老師堂很好呀，雖然唔夠訓，但那位歐研的同學仔present得好好，雖然佢的英文不是話好流暢，但勝在非常清楚，我寧願我明佢講咩多個一個英文流暢到顛的人。ehhe。之後我便去圖書館借書，完事後便去茶居食飯。後來阿東找我，咁我和她就行左去又一城食雪糕。今天我都冇乜精神，所以兩眼下垂，而且仲要被人叫做熊貓先生添。(叫o個個自己知啦。hehe)真係瘀呀。hehe之後便回家做hon pro，今晚會打波。希望唔好咁累啦。」
「miss tea，你平時工作咁辛苦都親手整左朱古力布丁俾我，都唔知點多謝你好。那甜品非常正，估唔到你的手勢都有番咁上下。不過我今天很累，你見到我最頹的狀態，真係失禮。hehe今天的sms是講真嫁。haha係咪好開心呢？hehe」
「蛋哥，你真係好黑仔呀。咁都被人點中，下次再不覺意點中，我扮你去答問題啦。hehe唔知我地幾時才有時間去打波。你個d申請大學master個d野搞成點？希望你快d完成佢。」
「李美，我都知你個roomate麻鬼煩，成日唔顧你感受，希望你可以捱埋呢個sem，如果真係太辛苦你咪打電話俾我，找人傾訴下開心好多嫁，至少壓力都有個渠道可以宣洩。support you foroever！」
「東哥，你現在就掂啦。hahahah」

>>February 26, 2004 at 5:14:37 PM GMT+8

2004 年 2 月 24 日 星期二 【晴】

「昨日瘋狂地看左很多書，今天做hon pro了，要改first draft，原來都好吃力。而且身体的疲倦還未消退，隻手仍然疲累。太累太累了...........魔戒三我真係好想快d睇，但佢未出碟，無計了。」
「蛋哥，我都知你近排辛苦，希望你快d過左3月就唔使咁煩了。我們還要打機嫁。haahha」
「dull哥，還想和你打波呢。hehe」
「李美，你工作左都幾個星期，果然少左見你上網播，我都知你辛苦，所以你都要抖多d。wei.....你點知佢真係靚嫁？ahhha佢和你一樣都係很關心我的人，我會珍惜嫁。」

>>February 25, 2004 at 12:41:09 AM GMT+8

2004 年 2 月 23 日 星期一 【晴】

「今天不停狂睇書，又報紙，又評論，又hon pro d書，但進度都係好慢，不過唔緊要啦，真係盡左力去睇，都覺得好開心了。雖然hon pro有一本kenneth介紹的書真係好深，全英文不特止，仲要係法國譯本，好難睇。但我一定可以克服，今個星期就交個second draft俾佢。今天在網上無啦啦download左一隻online game，唔知好唔好玩呢。hehe」
「dull哥，你傷勢加無打咁耐都頂足四節，其實好好了。而且你的確守得好，我好開心可以在最後一年和你和阿榮一起打系制，而且真係打得好好，是一個好難忘的回憶呀。hehe我通常禮拜四在徫衡會打波，但近來可能被人book了，但我打的話就用diary留言俾你啦。hehe」
「蛋哥，我們都為著功課而忙，但你是否和我一樣咁enjoy呢？hahah」
「東哥，希望你快d搞返掂部機啦。」
「miss tea，thx你關心呀。其實我咁唔開心係因為我真係好想出線和夢寐以求的譚偉洋打波(佢係港隊)。但我知道全隊gis都很盡力去打，而且打得唔錯，所以輸兩分其實也證明了我們有實力去贏人。所以我開心返了，當然也要多謝你話幫我剷平個地板啦。hehehe(你係咪咁勁呀？haha)」

>>February 23, 2004 at 10:25:41 PM GMT+8