2003 年 12 月 25 日 星期四 【晴】

「平安夜和聖誕節我都要開工，一來無人約，二來唔想和人迫，所以兩日放工後都係回家，但唔知點解今年一個人過聖誕，反而來得輕鬆，一個人自由自在很舒服，因為我最憎同人迫，同人爭位，所以其實日日返銅鑼灣都成日要左閃右閃。hahah我無睇戲好耐了，又很多時冇行街街，我諗一個人的生活是很適合我，又或者我未遇到適合我的人。hahhha 」
「李美，不見了你的足跡，你近來好嗎？我收到你的msn了，真的多謝晒你呀，聖誕快樂！」
「佳哥，多謝你個短信呀！hehe聖誕快樂！」
「natnat家姐，你真係有我心，hehe聖誕快樂！」
「各位gis波友，約實了，今個星期六，27號，早上十點徫衡門口見。」

>>December 25, 2003 at 9:53:40 PM GMT+8

2003 年 12 月 23 日 星期二 【晴】

「前日寫了幾張聖誕咭俾幾位很要好的朋友，唔知佢地收到未呢？點都好，祝多次佢地聖誕快樂！我這幾日一有時間就練波，但這腳條筋原地提升的時候還有點撕裂的感覺，唔通條筋仲係有事？我就發覺自己還未跳得高，無了以前在跳高時可以想野的情況，可惜可惜！可恨添啦。唉....... 不過算啦，希望快d再好番多d。我在工展會那裏工作，那裏真係好多小朋友，也有很多大人，菲傭，簡直看盡人生百態，也是一個我很好的經驗，而那裏更有很多靚女，因為佢地著衫著得好靚，所以自己也不自覺地望了幾下，因為我很喜歡女仔穿奶白色冷衫，我覺得佢地很純潔。時間過得很快，咁就一個星期，真係快到我自己都唔知。唔知童軍班同事點呢？很掛著佢地呀。hehe」
「蛋哥，今天未能盡興呀！電腦好廢！」
「eiwa，多謝你張postcard呀！你都要小心身子呀，還有聖誕快樂！你周圍去咁開心，真係正！」
「大威哥，一起努力呀！」
「kiki，我知你survey做得辛苦到不得了，我也知你未必會看我的diary，但我亦希望借這個diary鼓勵你，希望你快點完成這樣艱辛的工作，我亦會在遠處為你祝福，聖誕快樂！」
「各位gis的波友，我打電話問過偉衡，要27號才有場，26號假期呀，咁我就約早上十點徫衡，請用icq留言俾我，thx。」
「apple姐，你現在是否得閒到無侖呢？hahhah」
「田兄，我要在28號後才可以陪你踏單車了。」
「東哥，一切放心！haha」

>>December 23, 2003 at 2:40:04 PM GMT+8

2003 年 12 月 20 日 星期六 【晴】

「昨日上網玩msn，和威哥和東哥傾計，話星期日一起食飯，因為阿東有關一d job d野要交代，咁講左一段時間，咁其實我唔想去，咁我咪話為慳錢，唔想出街食，但結果就被人鬧，好似變左做罪人咁，其實這是都係一件好少的事，不過無啦啦我突然諗到成日都係咁樣，人地約我話唔去，實係我錯，無啦啦俾人訓話，我仲要say晒sorry，中五個班打波係咁，我表哥有時又係咁。點解人地唔去，就無野，我唔去就實係我唔o岩？這是甚麼道理？不過算啦，這也是一件好小的事，咁say左sorry咪算，我約人人地唔得閒，我都唔會話鬧佢，因為我知道人地可能真係唔想去，一係有難言之隱，但絕對唔會興佢。不過希望東哥和威哥唔好介意，其實這只是一件好少的事，真的，我講完就算，我們仍然咁friend呢(除非佢唔當我係friend)，hahhahah。不過星期日就要大威哥辛苦d了，hahhah。」

>>December 20, 2003 at 7:50:53 PM GMT+8

2003 年 12 月 19 日 星期五 【晴】

「昨日第一日返工展會，其實那份工都無乜野做，做半個鐘，抖半個鐘，真係好爽！hahha。不過那裏真係好多好可愛的小朋友和靚女，hahaha。我做個間係南順集團，有刀嘜公仔，我就係負責看住個公仔，做左三粒鐘，一陣就過，咁又賺二百幾，真係未試過覺得自己咁一無事處，hahha講笑者，其實都係做野，千祈唔好睇少每一個工序，至緊要係做好自己本份。之後便和蛋哥豬姐行街買衫，我很久都未試過買咁貴的野，不過條外套真係好靚，所以好多謝蛋豬陪左我成晚。hehhe」
「蛋豬，下次記住帶埋我去買野，不過應該係下一年聖誕了。hahha」
「大威哥，你又係度發aup風呀。haha上次還未和你論完英雄，下次繼續，hahah」
「各位gis的朋友，26號早上回校打波好不好？」

>>December 19, 2003 at 2:21:44 PM GMT+8

2003 年 12 月 16 日 星期二 【晴】

「今天起身後，便立即上網登記了兩份補習，希望快d有回音啦。因為我唔想浪費我的時間，我要把我的時間更加濃縮，我現在有左份補習，都抖左成個幾星期，精神都回復了，原來可以唔使較鐘訓覺係咁幸福嫁。我要珍惜，可惜我天生賤命，係要捱先開心，hahha。好啦，今天開始，這個暑假要多聽普通話，每天看看我最愛的time，學下英文生字，咁工我唔找住了，找了兩份，冇都冇辦法了，因為我唔可以好似上個sem咁搵左成個月都找不到，會很浪費我的時間，而且今年有個師兄咁好，又介紹了工展會份partime俾我，真係好感激佢。我的腳都差不多好番七七八八了，真係好呀，可以打番波，可惜速度和跳躍力已大不如前，真係shit。」
「李美，幾時考完試呀。hehe幾時再可以和你去kfc食"芝芝"呀。haha」
「apple姐，咁俾面呀，第一次"牛"言俾我呀，真係多謝你呀。haha你個懶音皇，你都係時候要勞改下嫁啦。hahaha 快d去開創你的美容事業啦，可能第二時開間寶寶修身堂。haha」
「蛋哥，還有明天，你要努力呀。」
「mixture，23號之後實找你打波呀。」
「各位gis波友︰我想在假期找一日回校打波，你們會去嗎？」

>>December 16, 2003 at 2:18:09 PM GMT+8

2003 年 12 月 15 日 星期一 【晴】

「今天geog考試，但係好多都係問自己意見，所以背左個d野其實唔係咁多用得著，但係唔緊要，最基本上是自己盡了力。很開心呀，終於考完試了。又係時候搵工和做hon pro了。」

>>December 15, 2003 at 1:44:08 PM GMT+8

2003 年 12 月 13 日 星期六 【晴】

「今天陳峰考試，其實讀就讀晒，我都重溫左四次，但係唔知點解考試往往與我無緣。不過盡左力就算了。今天很涷，昨日在床上都睡不著，輾輾轉轉都搞了三個鐘才睡到。今天考完都蠻滿意，希望真的如我所料，有不錯的成績。」
「聲哥，承你貴言，一起努力！」

>>December 13, 2003 at 1:07:41 PM GMT+8

2003 年 12 月 10 日 星期三 【晴】

「為了gpa過3，所以這幾天不停咁讀書，琴日最乖了，全日讀了五個鐘，但係進度仍然唔係咁快，我真係無用，嗚嗚！現在隻腳好左好多了，但醫生話敏感要成個月才可以散晒，但基本上已經好好多了。現在隻腳仲係腫少少，要一段時間才可以打番波，希望我考完試後可以完全康復。」
「李美，看來你真係辛苦到顛呀，唔緊要，聖誕和你relax下。努力呀。」
「蛋哥，有好野當然預埋你。hehe」
「聲哥，你要有進步記住要努力呀！」
「peggy仔，千言萬語盡在不言中，多謝你！」

>>December 10, 2003 at 12:42:30 PM GMT+8

2003 年 12 月 7 日 星期日 【晴】

「今日係我最後一日返童軍，那裏的同事個個都好好，對我好好，其實我真係唔捨得，不過我真的知道這裏只是我的中途站，但我也希望得閒就返去探下佢地，因為佢地真係好好。教左我好多野。hehe。隻腳的敏感和腫開始有點消退，現在真係好期望可以快d打波。」
「蛋哥，你的努力沒有白費，享受呀。hehe。聖誕出來好呀，好玩呀！hehe」
「margaret，我知道了，我會努力呀。認為冇可能就一世都不可能實現。」
「李美，唔知你近來可以relax下未呢？祝你健康呀。」
「TO 童軍同事，十分多謝你們呀！」

>>December 7, 2003 at 7:07:30 PM GMT+8

2003 年 12 月 5 日 星期五 【晴】

「前日星期三係我這個sem最後一堂，之後就係考試了。我這個sem只考兩科，但我真係想勤力d，點都爭取過3…我這兩日都係讀geog，但進度緩慢，我諗我要加把勁，前日晚睇左西醫，隻腳無咁痕，但仍然係咁核突的一pei爛腳。我這個星期會不停讀，一定要讀好佢。」
「李美，多謝你關心呀。你的paper搞掂後是否仲有考試？如果係，你要訓多d先好溫書。還有，如果見頭暈，落街行下好好多嫁。因為冰冷和新鮮空氣令人心曠神怡。hehe」
「蛋哥，你的提議不錯呀。ehheh唔知你滿唔滿意自己今次presentation呢？」
「TO ALL︰記住珍惜你身邊的人呀！hehe」
「to year2 student︰你們咁忙都幫琪琪手，真係好！」

>>December 5, 2003 at 12:19:21 PM GMT+8