2006 年 7 月 7 日 星期五 【晴】

今日真係行大運。
首先放工就落左九龍塘浸會醫院探細牛，
細牛剛剛做左個小手術。
探完佢之後，
就同艾文、康哥食晚餐。

睇完餐牌，
原本打算食粥。
不過我來見佢有蒸飯，
就 Order 蒸飯啦。

點知冇幾耐佢就話賣晒，
結果都係整定我食皮蛋瘦肉粥。

成完去左 Cafe 找班 Friend，
點知間 Cafe 勁爆，
十個人得張六人桌，
自然迫到爆。

通常 Cafe 都有最低消費，
當我 Order 左野飲，
佢地竟然話去第二間，
即刻 Cut Order。

佢地去既第二間，
係去類似 Pub 既地方飲酒。
酒呢家野我完全唔好，
結果當然冇去啦。

離開左 Cafe，
我就去左新之城機鋪。

返到屋企成兩點幾，
一開電腦，
就成個拖板冇晒電。
試過幾次都係咁，
攪左好耐都唔知咩事。
最後換左個拖板就冇事喇，
睇睇個鐘，
已經四點幾喇……

>>July 10, 2006 at 5:46:11 PM GMT+8

2006 年 7 月 6 日 星期四 【晴】

今個星期真係運動周，
昨日去左做 Gym，
今日就去左打籃球。
原本我係冇打算去既，
不過艾力斯昨日問我幾時打波，
咁咁橋有 Friend 今日打，
咪叫埋佢 Lor。

佢地約七點半，
但我八點半先可以到。
去到唔見艾力斯，
咪打電話畀佢 lor。
唔打尤自可，
一打把幾火。

打到去佢話唔黎。
氣既唔係因為佢放飛機，
最主要係因為佢冇交帶。

唔黎可以一早打電話話我知，
點都冇理由等我打返畀你先話我知呀？

2006 年 7 月 5 日 星期三 【晴】

半年，
半年冇做個 Gym，
今日終於的起心肝約艾力斯去做 Gym。

其實有因由既，
話說軟硬八月紅館有個 Show。
之前信用卡優先訂飛，
我打唔通電話。
咁開賣就叫近售票處既艾力斯幫我買喇。
不過佢幾日都唔記得，
結果去睇時，
d 位已經唔好。

好彩佢地話加場，
咁星期一佢就幫我買左尾場十一行。
但之後佢竟然再加場，
尾場不再是尾場，
可惡！

咁今日就拿飛，
請佢食飯，
順手做 Gym 咁。

上左朗豪坊頂樓牛扒先生到食，
都幾貴架，
兩個人成三百蚊落樓，
不過就幾好食。

之後做 Gym，
玩推胸。
雖然我比艾力斯耐冇做，
不過表現就好似相反咁。
佢竟然連坐位高低較幾多都唔記得……

因為耐冇做，
所以都做 d 幾輕鬆動作。

只係做左四套推胸動作（上、中、下推胸，夾胸）
再加一組下背動作就算數。
下次要將訓練量再加多少少。

>>July 10, 2006 at 5:30:53 PM GMT+8

2006 年 7 月 4 日 星期二 【晴】

唔經唔覺讀左日文三年半，
我記得畢業冇耐就開始讀。
初初既時候，
有劍神、毛理同我三個讀，
讀讀下就得返毛理同我兩個。

其實只解會講起讀日文呢，
因為話說我申請左 CEF 讀日文，
只要能力試及格同完成課程，
就可以拿返八成學費。
其實上限應該係一萬，
不過學費同考試費加埋都唔夠一萬。

個試我舊年考左，
仲及格埋 TIM，
今年應該會再報考高一級。
換句話說，
只要我上晒堂（即係上埋下個星期二），
就可以交表領返個八成學費喇。

不過毛理就冇咁順利喇。
舊年佢本來報左名考，
不過唔記得交錢，
結果冇得考。
今年年尾係最後機會，
（CEF 係兩年限期既）
但係同佢會計（好似係）考試撞期，
結果佢點處理我都仲未知。

今日係尾二個堂，
亦即係期考。
我開頭以為係考返之前上堂既野，
點知一拿份卷黎睇，
就知中晒伏喇。

不單係能力試既 Format，
更加係三級能力試既難度。

話說舊年四級能力試，
我用左一個月去準備，
都只係剛剛及格。
今次只係用一日，
成績係點？
下星期就知喇。

考完試有時間，
就玩遊戲。
一個人蒙住眼，
其他人畀指示（當然用日文啦），
被蒙眼既要用支棒打個地上既波。
我好勁，
一擊就中，
呵呵呵

>>July 10, 2006 at 5:26:43 PM GMT+8

2006 年 7 月 3 日 星期一 【晴】

昨日既大賽可以講係 Version 1.0 既最後一次比賽，
因為由今日開始，
就會 Update 去 Version 1.1。

官方公佈係 Version 1.10，
部機 Display 既都係 1.10。
但係 Version 1.10 係有 Bug，
（日本曾經有 Version 1.0）
有人向官方查證，
結果話係海外專用版 Version 1.13。

Version 幾都好，
今次既更改，
唔單止係多左 D 卡用，
Data 更新左。
更重要既係，
香港其中四間機鋪有得連線玩。

因為日本已經去到 Version 2.0，
所以連線玩既，
只係香港既機鋪同日本既世嘉開發部，
而且現階段都只係測試階段。
不過已經係一個好大既進步，
以且最多只有店內對戰，
打極都係個 d 人，
現在就可以對多 d 唔同既人。

不過今日都好激氣，
話說中午去睇下，
點知仲未 Update，
仲係 1.0。
食完返去睇 Forum，
有人話旺角已經有得打，
都有 Online 打 tim，
即時灰晒。

夜晚放工去睇，
一如所料，
人頭湧湧，
不過都可以輪流打下，
新 Version 的確幾好玩。

>>July 10, 2006 at 5:25:59 PM GMT+8

2006 年 7 月 2 日 星期日 【晴】

終於到了比賽日，
今天係青龍騰飛的決賽日。
大會請了日本第一的大都督榮斗來香港做嘉賓。

返完崇拜，
本來想去新之城再預備下，
落到去見到 Jimmy，
佢叫我過衛星，
原來榮斗係個邊打緊。
去到睇，
日本第一真係好勁，
砰砰砰砰又贏一場。

有一班玩家趁空檔找佢簽名影相，
榮斗亦冇架子咁一一做晒。
食過午飯後，
就等入場。
開幕儀式之後，
就先打附加賽。

頭先講講比賽場地，
係前金聲戲院一間仲裝修緊既機鋪舉行，
間機鋪係三樓玻璃幕場，
所以日間係好曬。
抽到第一場唔算太難應付，
結果亦一如以往，
領住打大半時間，
最尾幾秒又犯錯，
好彩都贏。

第二場對水銀，
個頭開得唔好，
結果慘敗出局。
之後就做左觀眾睇比賽喇。

結果億誠（即係之前初賽我大意輸的那位）得到香港冠軍。
夜晚一班工作人員去食火鍋，
之後返上衛星睇榮斗同 BunBun San 表演。

真係好勁好勁，
唔知今次既偷師，
會唔會令我實力更上一層樓呢？

>>July 6, 2006 at 4:24:13 PM GMT+8

2006 年 7 月 1 日 星期六 【晴】

七月一日，
原本約左媽媽去剪頭髮，
不過昨晚睇波睇得太夜，
結果起身都十二點。
因為點幾鐘有野做，
結果就改期。

今日下午係美國寶有個小比賽，
有 d 決賽參賽者寓賽於操，
我又去趁熱鬧。
我呢 d 唔係美國寶打開既，
要先打預賽。
一點落到美國寶，
結果因為有 d 人唔知預賽一點二十分開始，
結果要等，
等到三點先開始。
抽到條唔係幾好既籤，
第一場就係對阿浩，
不過好好彩畀我過到關。
第二場對住副同我差唔多既 Deck，
熟晒路，
又畀我晉多一級入決賽。

決賽十六人，
分四組打單循環，
最高分出線。
第一場贏左，
第二場又犯左以前既錯誤，
被反勝。
第三場雖然都贏，
不過有人連贏三場，
結果我都出唔到線。

值得一提既係，
四個有份打青龍決賽既選手，
唯一要打預賽既係預賽出局，
直入十六強既另外三個，
亦係分組賽全部出局。
所以亦有人戲稱今日的練兵為：
屠龍大會！

>>July 5, 2006 at 5:56:01 PM GMT+8

2006 年 6 月 30 日 星期五 【晴】

距離決賽仲有兩日，
話唔緊張就騙你既。
仲有兩日，
拿拿臨加操，
操熟副 Deck 啦。
係觀塘特訓，
壓力比真係比賽仲大。
因為左中右後既 Friend 係咁指指點點，
稍稍做錯少少都受萬民指責。

不過咁特訓都有佢既好處，
一黎真係可以只點樣 Improve，
二黎如果可以係呢度都保持到心如止水，
比賽就唔驚啦。

打到咁上下，
收到艾文電話，
話上阿力到睇波 Wor。
坐小巴係佐敦會合艾文後，
去新森林食晚餐。

自細好鍾意食焗飯，
可能受先父影響掛。
細個同佢落茶餐廳，
總是叫焗豬扒飯。
大過之後，
就好鍾意食焗野，
尤其是焗豬扒飯。

不過今晚唔係食焗豬扒飯，
而係食羊脾扒拼薯蓉焗田螺。
雖然個侍應話唔好祈望個焗田螺會好大，
不過都估唔到會咁細，
大約係牛記公司蓮花杯咁上下大。

食完之後，
去左惠康入貨，
買左成 $120 零食上阿力家。
同三五知己，
一路食野，
一路睇波，
一路打牌，
一樂也。

>>July 5, 2006 at 5:25:24 PM GMT+8

2006 年 6 月 29 日 星期四 【晴】

臨近考試，
繼續溫書。
今日輪到「比較」。

有呢幾種文法：
…は…より…です
…は…ほど…くない
…より…のほうが…です
…がいちばん…です

1. …は…より…です
好簡單地釋，
就係乜乜比乜乜較乜乜。
要留意既係，
より前面個樣就係程度較底既。

例如：
「中国語は日本語より簡單です。」
就係「中文比日文簡單。」

2. …は…ほど…くない
呢個就同一相反，
意思係乜乜比乜乜冇咁乜乜。

例如：
「中国語は日本語ほど難しくないです。」
就係「中文不如日文般難。」


3. …より…のほうが…です
呢個同 1. 差唔多，
都係釋做 乜乜比乜乜較乜乜。
同 1. 一樣，
より前面個樣就係程度較底既。

例如：
「日本語より中国語のほうが簡單です。」
就係「中文比日文簡單。」

有時人地問你 A 同 B 那個較點點點時，
都要用呢個句形，但 より 及之前既可省略。

例如：
「日本語と中国語とでは，どちらが簡單ですか？」
「中国語のほうが簡單です。」


4. …がいちばん…です
兩個既比較，
可以用句形 1. 至 3.。
多個兩個既，
就要用呢個喇。
釋都好簡單，
乜乜最乜乜。

問法有兩種：
「スポーツ（の中）では，何がいちばん人気がありますか？」
「サッかーがいちばん人気がありますか。」
「運動之中，那個最有人氣？」
「足球最有人氣。」

「中国と日本とフランスとでは，とこがいちばん広いですか？」
「中国がいちばん広いですか。」
「中國，日本和法國，那裡面積最大？」
「中國面積最大。」

>>July 3, 2006 at 5:35:33 PM GMT+8

2006 年 6 月 28 日 星期三 【乍寒還暖】

今日要返大陸 Shoot Bug，
都耐唔駛出動到我。
今次上面有關於 AF 既野投訴，
既然燒到我個邊，
唔上唔得啦。

上到去十一點點，
食埋野先開工啦，
去左 KFC 食個桶餐，
個餐最奇怪既係，
有兩個「豬仔包」跟！

食完野，
個同事去買張電話儲值卡，
之後坐計程車去廠。

上左車行左一陣，
個司機突然叫我地落車。
佢話前面查車 WOR，
查車駛鬼落車咩？
計我話係佢收少我地錢……

之後沿途都冇車，
一路行行行，
行到巴士站，
突然下起大大大雨來，
有傘都濕晒啦……

去到廠，
要換 D 咩防靜電衫，
著埋鞋套。

入到佢坐下來 Check 機，
佢開頭話百幾部炒九十幾部，
點知我地一 Check，
發覺係 Cable 插唔實，
試十二部，
九部按住就冇事喇。
插唔實好能係個 Connection 太大，
又或者係其他原因，
但就肯定唔關 Firmware 事，
嚇得我丫。

>>July 3, 2006 at 4:39:08 PM GMT+8