2003 年 7 月 22 日 星期二 【晴】

話咁快就黎到七月尾,又係一年一度的書展。
這一年,我地家計會投左個檔黎開,這樣我便... ...書展就年年去,第一次向呢度做野。

下星期二(29號)書展便開鑼,今天約各位有關人仕(義工)返會開briefing,
講下當日的運作情況怎樣... ...

兩間電台的續牌問題最快今日有決定。
預料政府將不會一次過給予12年的牌照，而會先續牌6年，
6年後作中期檢討，看看是否符合某些準則如數碼廣播等因素，才決定續餘下的6年牌照。
商台昨日表示，仍未收到有關續牌的消息，但仍希望續牌12年。

商台及新城的牌照將於明年8月25日到期，
若申請不獲批准，按法例政府會在續牌前1年通知電台。

Iris條友又話朝早返會搞搞 d Tee恤,最後成兩點幾先返黎。
開完briefing,上番組,開始搞下 d 衫,用黎書展時著的。
全紅的Tee恤。我向自己果件的左胸寫左個名,
跟住向右胸打左個手印,而且係用上了我的左手,智康的右胸而成的。智康,苦了你喇。

六點,離開會,落去玩具街走走,
見到個女仔,體態嬌小的她,身穿吊帶背心+短裙,同男朋友睇玩具。(佢真係愛在深溝)
行過去銅鑼灣,途經188,當然要走上去望下。
買左隻林海峰"我撐你",送俾佢。


晚上,同姑姐地食韓國燒烤。
慧賢聽日生日,原先係聽晚食,不過好似話慧賢俾人約左,所以改左今晚食囉。

俾左件紅Tee俾老豆幫我整,返到屋企無耐,佢就send左張相黎俾我睇,已經搞掂了。

剛剛送走「天鵝」,今日又來個「 伊布都 」,據悉仲話這個好大機會掛八號波添。

>>July 24, 2003 at 9:31:00 PM GMT+8

2003 年 7 月 21 日 星期一 【雨】

有這樣的故事：
>>結婚有一段時間的夫妻<<

老婆無法滿足，後來老婆就去找了心理醫師治療。
回來第一天晚上老婆穿著性感衣服真的粉惹火，兩人就過了快樂的一夜。
第二天老婆更是火辣辣，兩人又過了風起雲湧的一夜，
老公就覺得很好奇，第三天晚上就偷偷的看老婆在做什麼？

只見老婆對著鏡子大喊："我很年輕！我很年輕"

後來老公覺得心理醫師很有效，也跑去看心理醫師。
回來第一天晚上只見老公有如猛虎出岬，堅挺不拔，讓老婆很High~
第二天老公依然像超人般欲罷不能，搞到老婆有一點受不了，
老婆就覺得很訝異，第三天晚上就偷偷的看老公在做什麼？

只見老公對著鏡子大喊："她不是我老婆！她不是我老婆！"

這樣便是欺騙自己?!

以前,早上要起身返學,唔想起身返學喎,
就會訝自己話：起身先喇！返完學,快d返黎訓過夠囉。
跟住就會死死氣咁起身,大概天天如是<特別在學段尾的階段>。
但係我自己都唔明,同一個大話對自己講都仲要信,為乜？

這個夏天,參加了同社的衝勁營TrekCamp2003.
總共有六個唔同主題的Camp<露營>,除此以外,還有兩次遠足加一次服務活動。
轉眼間,TC03已完成一半有多,真係話都無咁快！
一個星期,最少都會見面兩次(三日),星期三晚上Lecture,禮拜六日出Outing.
見得面多而且都幾密架,大概每次都只係隔兩日便會再見。
認識到一班各具才能的組員,我地組叫" 911 "。<九個組員+兩位輔導員,總共十一個>
男孩子方面有：
哲學生Alex,攀山高手BearBear,AYP金章胸肌,同埋我。
靚女組員係有：
Clara <不過我都係鐘意叫佢阿蛋。而且Clara呢個名向我心目中唔應該係咁樣架！>,
已投身社會的Cherry,教育界的 Polly,剛去完日本風流快活的Tracy,
還有Chemistry神Umy<最近俾人笑係"拔尖">.
我們的輔導員<豆腐員>：阿Chris同小富,原來佢兩條友仔的女朋友都係今年的TC學員。

(剛睇番上面呢段,我係咪有點失敗了點呢？)

原本無諗過會有上面果段,真係講開就講。話說回頭吧！
近來去番玩野外活動,露營遠足,上山又落水,好天就曬爆,落雨就變水狗。
問心果句,都真係會覺得辛苦架！
可能相比起其他人,或者我"苦"的程度不比其他人深,但係都係苦架~
對我呢隻生物黎講,<我又怕熱,更討厭污糟>
行到成身汗,又濕又臭,曬左成日,鬼死咁熱,都無得沖涼。
當我感到這些"苦"的時候,心便會諗：點解要黎喎？留向屋企舒舒服服重好過啦！
向呢個時候,我又會再次自我欺騙。
還記得從前去行山我都有這樣的想過,依家又會這樣的想,唔通我無變過？
唔知其他TC學員,911的朋友們,你地都有無咁諗呢？



>>July 24, 2003 at 9:26:37 PM GMT+8

2003 年 7 月 21 日 星期一 【雨】

離開CEO,同Tracy搭的士,
佢話隻腳好痛,而且又眼訓呢,一上車就訓著左啦！之前還逞強話要搭31.

剪短左頭髮真係好,話咁快個頭就乾哂。
好眼訓呀！一上床就入睡了。

一條9.7米長的黑色抹香鯨，早上被發現在西貢鹹田灣沙灘擱淺，
漁護署及海洋公園多名專家已趕抵現場設法拯救。

起身食飯。
跟住開左隻VCD睇,"給他們一個機會"。港版"跳出我天地"。
導演係邱禮濤。 (仲未睇返佢前幾年套"等候董建華發落")
一部諗住入場睇的電影,最後都係要留番向屋企睇VCD,而且仲隔左咁耐。
睇o既時候都令到我有眼濕濕,看見一班年青人向住同一個目標,怎教人不熱血？！



收到錢小姐(港骨髓捐贈基金)電話,話上次(六月24)的第二階段的驗血,
證實我真係同"佢"的白血球吻合。<即管叫住做"佢"先,其實應該叫做病人,不過都係叫"佢"好一點>
過兩日寄 d 資料俾我睇多睇,再約見,只要再接受健康檢查便可以進行"骨髓移植"。

晚上,出席舊同事活動。銅鑼灣火鍋城。

本港首次發現有抹香鯨擱淺，這條抹香鯨早上仍有生命跡象，有市民自發加入拯救，
不過始終未能成功將牠推回大海，惟有不斷向鯨身魚身淋水。
但其後到場的專家認為鯨魚身體狀況太差，所以決定將牠人道毀滅。
這條年幼的鯨魚生命力虛弱，生還機會渺茫，
為減少痛苦，晚上用注射方式將鯨魚人道毀滅。

台灣有一個成立5年的中華鯨豚協會，主力從事擱淺拯救工作。
協會網站指出拯救時要注意「三要」及「四不」。

「三要」包括﹕
●要將鯨豚身體扶正，背朝上，保持氣孔暢順﹔
●要在鯨豚身上灑水，避免皮膚乾燥，可在身上覆蓋毛巾﹔
●要記錄鯨豚呼吸及心跳速率。

「四不」包括﹕
●不要讓鯨豚受風吹日曬﹔
●不要在鯨豚尾部和頭部站太近，免被打及﹔
●不要推拖拉扯鯨豚的胸鰭、尾鰭或頭部﹔
●不要喧嘩，避免觸鯨豚身體，減少噪音，隔離群眾。

一條小偽虎鯨去年8月在大浪西灣擱淺後，
漁護署曾訂立內部守則，不要讓市民參與拯救行動，
但漁護署海洋護理主任倫翠婉表示，由於抹香鯨頭重身輕，
昨日必須讓現場的學生協助托着牠的頭，否則「會如冬瓜般反肚」，
遮閉氣孔即時死亡，在這樣的情况下，不可能不向外求援。

擱淺地點海陸兩路均難抵達，完全與外界失去聯絡，
首批到達的工作人員只有7人，故必須徵求在附近的市民協助。
「幫手的小朋友都是經挑選的，必須是壯男、懂游泳，及自願參與，
我們全部數過人數，分批休息及幫手。」
當消防員及其他「救兵」趕到，工作人員即要求學生退下，離開現場返回營舍。

當70名中學生晚上在營舍得悉曾親手努力拯救的抹香幼鯨，
被人道毀滅後，面龐曬得通紅的少年都沉默了數秒。
「咁大個仔，都未試過如此近距離見鯨魚。救到牠是牠好彩，救不到，也是天意。」

5間中學(九龍華仁、高主教中學、英皇女書院、聖嘉勒女書院及聖心書院)
中二至中六共70名學生，原在赤徑白普理營宿營，
名學生走到鹹田灣時，發現鯨魚擱淺，即花45分鐘跑回營舍通知教師。
教師評估情况後，問多少學生願意到海灘幫手，結果八成人舉手。


>>July 24, 2003 at 2:11:06 PM GMT+8

2003 年 7 月 20 日 星期日 【晴】

玩野外定向前,
玩水洗手層層疊！




終於都完成一個旅程。




一號風球。行落馬𩣑山。





阿富, Polly, toBy, Alex, Umy, 阿蛋, Tracy, Cherry.
<嗚謝幫我地拍這個照的阿Chris>

>>August 15, 2003 at 2:59:11 AM GMT+8

2003 年 7 月 19 日 星期六 【晴】

行政長官董建華今早會乘搭8時許的航班到北京，
展開不足12小時的述職之行，向領導人匯報本港的最新情況。

下午會分別在人民大會堂及中南海，跟國家主席胡錦濤和國務院總理溫家寶會晤。
正面對管治危機的董建華，會向兩位領導人就七一後的情况、
《基本法》23條立法的處理等問題作詳細報告，並會討論財政司長和保安局長的接任人選安排。

鑽石山的KFC一齊食Lunch.


開始旅程。



>>August 15, 2003 at 3:03:22 AM GMT+8

2003 年 7 月 18 日 星期五 【陰】

相約了Esther同淑貞姐姐,見過面,吃個飯。
唔記得點解以前總是歡喜叫淑貞做婆婆,淑貞婆婆,已為人妻了,KK的妻子。<人妻,係咪好AV呢？>

前陣子上網,投左個票。
投左個咩票...... T-back皇后選舉 Ms. T-back Beauty pageant.
數碼通跟PENTHOUSE搞的。
咁早幾日<星期三晚>收到個SMS短訊,
話可以去中環Smartone門市換領這個選舉的入埸卷,
而這個選舉在中環的Queen's Bar & Disco舉行,於這個晚上2200~2400.
咁就先去中環換飛,跟住行左過去上環方向,入去電訊盈科門市睇睇部"中英文固網短訊電話"。

六點半了,搭巴士過銅鑼灣,約左顧顧七點向世貿"星巴克"。
之前打過俾陳嘉欣,過左半日先覆返電話俾我,原來佢返緊工,向Sogo's Cafe.
七點到步,唔見佢,咁咪打俾佢囉,佢話遲左收工,依家向金鐘.......

無計劃地去左陳小姐做緊果間度食。
坐低等淑貞。原來淑貞呢位設計師做緊某G字頭名牌子。<該牌子的競爭對手係LV>
向CWB office 上班的佢,坐得無幾耐就落到黎,
好肚餓呀,向佢未黎到,我同顧顧經已叫左野食了。

坐下傾下,十點趕人走,出出面等埋陳女仕收工,可是等等下都成十一點了先走到出黎,過份。

雖然用左兩次"原來",但係真係好想用多個：原來日本蛋糕又和阿榮掛在一起。

>>July 19, 2003 at 2:29:42 AM GMT+8

2003 年 7 月 17 日 星期四 【晴】

再約阿Bear帶我地去買囊。
下午三點,油麻地地錢站恆生等。

我,胸肌同阿Bear先去保捷行睇睇,出名貴而且唔係好多囊。
跟住阿Bear帶我地去香港攀山訓練中心(上海街的樓上鋪*分店),
向度揀唔到囊,最後買左個水袋就走。
3L水袋連水管,零售價$165,恆生咭有八折,折實$132.
http://www.source-vagabond.com/h20.html

最後都係去番尋日去過的香港攀山訓練中心(花園街的地鋪+樓上鋪)
睇左好耐,試左幾個,最終都係揀左個紅黑色deuter背囊,40+10L.
Deuter Vario Futura 40 + 10 , Amount $885.
Discount : VIP,Less 20%, Extra 2% Discount, 埋單$693.80


搭970返屋企,向油麻地個站見到阿Katherine又搭970,
可是佢坐左向下層,而且要唔聽到我打電話俾佢..... 住置富o既佢,向西營盤落車......

>>July 24, 2003 at 2:18:46 PM GMT+8

2003 年 7 月 16 日 星期三 【晴】

早上起身,趕快交交功課給"豆腐員",短短幾句都好過無啦！
搭車上置富同Linda匯合,但時間不早了,又無巴士向站,只好搭的士了。

十點鐘,上環文娛中心五樓的演講廳,最後一個阿Man主理的舞台表演工作坊。
經過一輪熱身運動和打波遊戲<打左三十幾下,一次比一次勁>,開始學習舞台體驗。
短短三個小時,話咁快就黎到尾聲,無問題就係咁先,又收工喇,阿Man話。

一年一度的新舊動力運動日,打籃球~羽毛球。
好唔明點解只會打一粒鐘籃球咁K怪囉,只book了一個鐘。羽毛波就有兩粒。
舊動的有：阿雞,阿熙,Jason,我和撐場的阿維,之後有阿熹加入接替阿維,還有好遲來的皮鞋。
雖然無認真地計分,如無意外得分較多的當然係我方啦！
記得上年我仲叫埋劉傑黎一齊打,當時簡直超哂班<同上年佢地比的話>,
及後"豬碟"過黎,可是跟他緣慳一面了。

廉政公署大規模打擊樂壇「大老虎」，拘捕多名娛圈中人。
廉署懷疑多名唱片及娛樂公司高層、歌手，
向身為公職人員的電視廣播有限公司（TVB）高層人員，
提供數以百萬元計的「賄款」，以提高歌手曝光率及誇大唱片銷量（篤數），
藉以催谷歌手人氣，並優待歌手穩佔金榜高位及得獎。
昨日已拘捕的22人，包括英皇老闆楊受成、無線高層何麗全、
環球唱片港區總裁陳少寶及歌手麥浚龍父子。行動名為「舞影」。

打完波,成班餓鬼走去茶樓食野。
趕快地食完,搭地鐵過旺角匯合胸肌,約埋阿Bear帶我地去睇"囊"。

準時七點到達課室,可是還未夠十個人來到。
Trek Camp課堂：社會服務。
註冊社工講"義功",還有八段錦。
阿蛋認真利害,唔使幾耐就已經令講者留意到佢。果然高手！

董建華於晚上七時十二分發表聲明，表示葉劉淑儀於六月二十五日以私人理由辭職，
他挽留不果，最終尊重其意願接受其請辭，她將任職至本月二十五日止。

正當市民還對葉劉淑儀辭職消息驚訝之際，
兩個多小時後，港府於2123再發出特首另一聲明，表示董建華已接受梁錦松辭職。

課堂未到九點已經完結,第一次早過九點散場,
而且唔使開會傾黎緊過Camp的計劃,因為無野要計劃。
提意去吃火鍋,可是... ...最後去左必勝客。
同隔離組<肥佬果組>聯組去(真係好唔明點解佢地要成日拎我同Chammi放埋一齊講囉！？)
必勝客途中Chammi走左過黎坐左向Polly隔離.............

向必勝客,因為某豆腐員的說話/意見,令我異常反感/不快！
可是我依家無興趣就此作出評論,容後有機會再發表吧！

特區政府發生歷來最嚴重的人事大地震，在兩個多小時內，
保安局局長葉劉淑儀與財政司司長梁錦松先後宣布辭職，梁錦松更即時離任。
董建華管治班子瀕臨瓦解，推行僅一年多的高官問責制破產，
已陷入管治危機的董建華政府，一片樹倒猢猻散凋零局面。

一夜之間，兩名分掌財政和保安大權的問責高官相繼下台，特首董建華的問責班底幾近瓦解。
這個「棄車保帥」的政治亂局發展下去，整個「董班子」將會徹底崩潰，
為免政府陷於癱瘓，政府高層大換血將會是唯一生路，也是董的「最後機會」。

但對於以「議而不決」聞名的董建華來說，
要他打散整個由他一手一腳揀蟀組成的班底，又談何容易。
在過去一年，縱使外界對董班子劣評如潮，董建華一直以力保班子完整為己任。

>>July 19, 2003 at 9:41:11 AM GMT+8

2003 年 7 月 15 日 星期二 【晴】

兩點半,明愛禮堂。
第二堂阿Man給新動力啟導舞台表演的工作坊。

上完工作坊,同嘉輝一齊搭18去天后。
約左胸肌去維園打波,叫埋家輝一齊。

因為維記實在太多人了...
最後搭的士上左黎賽西湖商場附近的籃球場。



>>July 17, 2003 at 2:26:21 AM GMT+8

2003 年 7 月 14 日 星期一 【晴】

《未來戰士3殲滅者TX》Terminator 3: Rise of the Machines
導演：祖立芬摩士托Jonathan Mostow
演員：阿諾舒華辛力加Arnold Schwarzenegger



闊別十二年之後的《未來戰士3殲滅者TX》，
仍然是阿諾舒華辛力加孭飛，
不過近年阿諾主演的電影票房均不濟，相信無論他自己或電影公司都會有壓力。
何況此片被譽為史上投資最龐大的電影，
比《珍珠港》（Pearl Harbor）的一億五千萬美元還要勁。

T-101<阿諾>的黑超, 皮褸, 巨形的肌肉. 真令人十分回味.

戲的內容雖然無乜大變, 但是看完有一種回到過去的感覺,正是此而保留未來戰士風格。
最令人回味的是他的那句：" I am back"

今集還有一句：I am Machine.

不過就短左d,睇完仲以為只係睇左一個鐘!

mov3.com有這樣的網友意見：

james cameron 的idea加上u571的導演再加大隻佬的T3講乜？
講男人和女人的鬥；
主人和僕人的鬥；
人類和MACHINE的鬥；
現在和未來的鬥；
最終就是和宿命論鬥；

人類面對的宿命論乜係，就是本片講的JUDGEMENT DAY(審判日).

審判日會發生乜事？原來就是核爆，全日類將會死得七七八八，
核爆可不可以阻止？本片話不可以，只能夠逃避，只能夠RUN，嘩，真是嚇人！~

唔知係咪真係會有T4呢？

同Linda去皇室睇四點場。
睇完落去行玩具反斗城,佢買左架THOMAS & friends的車仔給我,<應該叫就火車仔才對>
而果架車係有自己個名架,叫做"Toby", 7 號車。

路過HMV,當然要入去走走,又有清貨大減價,
呢轉買左：

On-line ON YOUR MARK, $10.
DRY馮德倫+雷頌德, $10.
remixers play move, $20.日本碟,異常吸引的唱片封面。
face to Log, $10.本地獨立製作的。
robbie williams, sing when you're winning, $60. 一隻一直想擁有的唱碟,只係首better man+Rock DJ都相當夠照。

之後過左去時代CitySuper,玩左輪...玩咩....自己去看看吧！
www.gameplan.com.hk

<200307160215, 人氣： 1872>

>>July 24, 2003 at 2:15:11 PM GMT+8