2003 年 5 月 7 日 星期三 【晴】

家義豚例會。
唔計Donna同叉燒,只不過是五人會議,其中一個係久未露面的 Natalie.

八點半就吹雞完場,真開心。
同叉燒地食完野,跟住搭"丁丁"過中環,準時930到達Queen.
可惜阿Jack遲到,差不多十點先現身。
上去David屋企拎d用具,準備星期五晚用。
原來佢住向擺花街,窗口對住 The WorkSt@tion.
阿Jack未食飯,買左KFC上去食。開著電視有NBA睇,小馬對帝王。

>>May 13, 2003 at 2:07:23 PM GMT+8

2003 年 5 月 6 日 星期二 【陰】

二個人四個幾鐘,係咁唱... ... 很久沒有唱過這麼多了。

晚上,去牛頭角明愛開Briefing,黎緊星期六會去牛頭角下村幫 d 獨居長者做清潔。

開完會,返過去德福飲o野。

>>May 7, 2003 at 3:17:02 PM GMT+8

2003 年 5 月 5 日 星期一 【晴】

聽過呢個故事之後,相信得不得之了。
不過可能已經不合時。

有這樣的故事:

柏拉圖曾問他帥父蘇格拉底:甚麼是愛情。

蘇格拉底不發一言，
只囑他到麥田去摘取一株最高最大的麥穗回來，
但只可以取一次以及不能回頭再摘。

柏拉圖於是跑到麥田去，走了不遠，
看見一株又高又大的麥穗，正想摘下的時候，
心想:或者前面有更高更大的，因此便放棄，
如是者，錯過了幾次下手機會。

快要走畢全程的時候，方才發覺已經去路無多，
又不能回頭再摘，終於空手而回。

蘇格拉底告訴他，這便是愛情。

最近向CU度,有條友的留言是這樣的：

又一次柏拉圖問他帥父蘇格拉底:甚麼是婚姻
蘇格拉底不發一言，
只囑他到麥田去摘取一株最高最大的麥穗回來，
但只可以取一次以及不能回頭再摘。
由於上一次既教訓
柏拉圖到麥田時，走了不遠，
看見一株又高又大的麥穗，便立刻摘下了 。

快要走畢全程的時候，方才發覺還有更好的麥穗，
可是他己摘下了麥穗,不能再摘麥穗

蘇格拉底告訴他，這便是婚姻。

>>May 6, 2003 at 12:24:34 PM GMT+8

2003 年 5 月 4 日 星期日 【雨】

點幾鐘,返到屋企,沖番個靚涼。
上網,又去CU度留言... ...越玩越精神,一d都唔眼訓。

零晨四五點,阿穎icq我,問我做咩唔訓？
就是這樣開始聊起上來... ...由新動力、某某君(不便透露)、到我倆的感情問題,
不知不覺間由天黑聊到天亮,跟住又落雨,重城落越大,更加行了一兩個雷。
當我呢面落緊雨的時候,佢竟然話佢那邊好好天... ...
好彩最後都我呢面無乜雨的時候,就到佢那邊開始有雨,哈哈。
大大話話都聊左三四個鐘向icq.

雨停了, 天都開始晴了, 陽光都射進來了,
八點過後才上床訓覺。

>>May 5, 2003 at 2:48:33 AM GMT+8

2003 年 5 月 3 日 星期六 【雨】

零晨三點幾, 個LCD突然無信息跟手自己休眠, 部電腦又再亮起紅燈。
上次咁樣,話係條RAM有問題,都已經幫我換左... ...依家又... ...
自己搞唔掂,只好乖乖上床睡吧。

朝早起身,開著電視睇NBA季後賽,不過睇睇下又睡著了。

抬部機出去灣仔298俾人check check喇,
部死人機竟然好似無發生過咩事咁如常開啟,真係小喇叭,搞都我好似講大話咁。
咁我都拜托佢幫我再check check咁,好彩都再有事。(其實我唔應該開心)
最後診斷出係個CPU把風扇有點問題,咁佢就幫我換左佢,
麻煩左人地, 所以我都係咁意幫親佢地買條RAM, 放埋落部機度順個便吧。

搭巴士返屋企,諗住買埋本"神兵"搭車睇,
竟然灣仔買唔到,幾檔都無,最後買本"HIM"黎睇。(黃榕封面的)

Beyond超越Beyond Live 演唱會, 他們的廿週年紀念演唱會。

嘩, 佢地個LIVE足足玩左過三個鐘呀！
今晚成十一點半先吹雞完場。

頭的那個多小時比較... ...
不過只從大約十點左右,
阿Paul叫大家一齊企起身,全場氣氛便高漲起來~~
特別當"黃家駒"現身向台上的時候,個個都狂熱地叫喚著。
Beyond四子一齊唱一齊玩"抗戰二十年",感覺很好！

>>May 4, 2003 at 4:01:51 AM GMT+8

2003 年 5 月 2 日 星期五 【晴】

轉眼間,又來到五月了。好快就一年了......
好唔容易先撐過呢大半年,悲哀喜樂都係要渡過,就讓我自己好好獨自慶祝這個我的一週年。
傷病,總會有痊癒,我只有相信。

原本相開開心心上黎寫日記,點知...

手多多就去開電話,睇下有無人留口訊給我,
點知一開電話,無幾耐就有"私人號碼"的來電,
當然並不真的是甚麼私人號碼的電話,而是"妳"的來電,長途電話。
我梗係知妳點解要打黎喇,我未至於蠢得太過份。
短短唔夠一句鐘的對話,大概都跟以往一樣,不歡而散。

我自私？妳自私？定係人人都自私架啊！
我令妳自私？妳教我自私？
邊個先係最自私？

有時真係好想問問老天爺："點解要咁對我？"
每個人向絕望的時候,都會想知道為何天要這樣對待人,大概會想是"天意"吧。
或者唔係人人嘅,不過起碼有我,曾經這樣想過。

可不是的,諗深一層,其實根本個問題都係向番個人度：係人點對人！
"人點解要咁樣對人？"

原先計劃今日去沙灘哂太陽架嘛,可惜竟然一點太陽也沒有！?
不過最後都要入赤柱走一轉,應承左借部收音機俾慧賢,無得唔去！

明明係慧賢要借我部收音機去考會考, 點解會要我送部機入去架？？？

就是這一趟路, 俾我遇到一個好人：
香港仔轉小巴52入馬坑,上到車時已滿有一班人(大概8,9個),加其他乘客。
小巴經過深水灣、淺水灣,再由淺水灣道轉落舂磡角道,
跟住照理應該再轉入環角道落馬坑,可是小巴司機沒有轉彎,一直駛落去,
如是這便有乘客想問司機......
司機沒有即時回答,只做了一個動作 ~ 將食指放在咀巴跟前 (大概意指"咪嘈")
原來果班大伙兒應該係去舂坎灣泳灘,BBQ卦。
可能司機知道佢地要落去,所以便車埋落去,等佢地唔使行咁多路。
返番上環角道,司機就開聲話：轉一轉埋落去都係用多幾分鐘 ......

都唔係想話呢個世界無好人,只是比較少,
又或者有繁忙時間限制的。(我搭這班車的時間大概是非繁忙時間下午三四點。)


>>May 21, 2003 at 5:41:31 PM GMT+8

2003 年 5 月 1 日 星期四 【晴】

五一勞動節,公眾假期。
我真係夠膽,
呢d咁緊張的日子重走去唱K。


原來呢個地球上,(好似誇左d)
重會有人同我一樣鐘意坐得高高的~~唱歌。
睇見呢位新朋友唱歌時甚認真的樣子,亦相當感動... (不過佢重係細,還有些細佬聲咁)
正所謂,依家香港卡拉OK就多, 之但係唱得o既人就一定唔多。

唱完Lunch K, 旺角週圍逛, 好耐無影過貼紙相便提意去玩玩吧。
行下行下, 話咁快就五六點, 過番去金魚街買包沙返屋企。


近來發現左一個很有趣的地方(site),
就是以下這個：
www.cueasy.com
就這樣開始學人玩留言板喇。
而且呢度重有好多新奇又可愛的會員。



>>May 2, 2003 at 4:16:25 AM GMT+8

2003 年 4 月 30 日 星期三 【晴】

因為一些發現... ...
我真係好想好想重新切頭切尾的憎恨妳。
妳真係令我好失望。

究竟"傻"同"戇居"的分別係咩？
戀愛時的,那是"傻"？
愛戀後的,就叫做"戇居"？

向呢個時候,
不得不怪自己多管閒事,多一事不如少一事嘛,
呢d 道理你識架,何必呢？


>>April 30, 2003 at 4:20:08 AM GMT+8

2003 年 4 月 29 日 星期二 【晴】

forget and forgive, forget and forgive, forget and forgive ................................forget and forgive,
..................................forget and forgive,............................ forget and forgive, ..............................
forget and forgive, forget and forgive, forget and forgive, ..............................forget and forgive.

forget : 忘記;
forgive : 原諒(寬恕).


早幾日,有人send左以下呢個site俾我,
香港學生資料中心 ( http://www.hksdc.com/index.asp )
咁我咪試下登記囉。
其實我都幾想搵番 d 小學同學,
於我自己黎講好多小學時的事我都忘記了七七八八,特別係初小時的。

萬萬想不到的是會係"妳"搵番我轉頭。
許嫚然。
一位曾經住我隔離座的小學同學,
我地曾經一起去補習(妳唔提起我都唔會記得個Miss係Ms.楊)。
大概記得那小時候的妳,皮膚白白,隻眼細細咁。
如果無記錯的話,五六年班時唔係同妳同班的,一定係。
而我係向五六年班時去補習的,所以... ...
我重記得好似有日補完習,準備搭車返學時,
妳唔知唔記得帶甚麼,要返屋企拎番,我同埋妳一齊回去,之後再一齊搭的士返學。

>>April 30, 2003 at 4:39:42 AM GMT+8

2003 年 4 月 28 日 星期一 【晴】

I gave blood today, please be nice to me.

轉眼間又三個月了,出去捐血順便睇戲。

向皇室堡買飛睇 < 特務戇J >, 1625.
出到銅鑼灣都未夠三點半,
買埋飛先過去捐血,無理由一個鐘都唔夠架,
我已往通常捐一包450cc血,都係用五分鐘之嘛。
向我之前都係得兩個女仔,咁我咪填好份表慢慢等,好彩唔係好多人。
入完接待室問左一輪,拮埋手指滴滴血,上去坐低等捐血。
慘喇,得兩個姑娘向度做野.......總算能夠向四點前拮好支針捐血。
今次慢左, 用上了六分鐘先充滿一包血。
坐低待傷口止血,趕快落去飲埋杯咖啡就過番去入場。

Rowan Atkinson(路雲雅堅遜),今次唔做Mr Bean,要做「特務戇J」Johnny English.
可惜始終都係覺得仲係睇緊"戇豆先生"咁。
同埋大部份都是一些事先張揚的笑位,有帶埋個腦入場的話實會估到下一步會笑咩。
反而個女主角Natalie Imbruglia(妮妲莉英寶莉亞)幾好睇,靚嘛！


>>April 30, 2003 at 4:57:16 AM GMT+8