2003 年 8 月 20 日 星期三 【雨】

肥安拿牛一哦！
生日快樂。

搭4號落信德,又要麻煩阿華幫我燒CD,放低一堆相底俾佢,唔阻佢做o野了,走先。
行番過中環,上士丹利拎番隻CD(好久前整落未有機會黎拎)。
中環地鐵往九龍塘轉火車去沙田，同肥佬向金鐘往荃灣方向車頭匯合。
未去到沙田經已肚子餓,買個腸仔包食,
可是當時都話有點肚餓的肥佬出賣我,無一齊買包食。

沙田同社小屋,大概是這個03暑假最後一次來到這個地方吧！<將來還有機會吧>
同時亦都係Trek Camp2003衝勁營的最終節目,交還物資(營,燈,爐,fly)
阿虧(Chirs)同餵蚊(Raymond)係度叫賣十蚊件十蚊件,十皮買左件上年TC02的Tee.
買Tee仲有今年張衝勁營Poster送,問你怕未？

好早前講好話今晚911去唱K,可是... ...
當然最後都有去,不過不只是911的活動吧。
還記得當初提意去的是阿力(Alex),柔美(Umy),姐喱(Cherry),梗係唔少得杜比(toBy)支持的份兒。
最終有份出席的911朋友有：阿力,姐喱,寶莉(Polly),杜比,車匙(Tracy),胸肌(Hung_K)。
除左有我地911的,怎能少911之友呢：肥佬(Ernest),車尾(Chammi),阿儀,Josie,芝芝Gigi.

離開小屋,主要分開兩班人：一班去K,另一班去食飯。
911其中三位無去K的成員有：阿Bear,柔美同埋阿蛋！
作為"跟得"男友的BearBear,當然係跟著"$"(Money)去食飯喇,
而阿蛋又拉埋柔美去。

去聽聞係新開張的沙田GreenBox,開房時七位,最多人的時房共擠了十一二人。
一開波時,阿力點左幾首克勤的歌唱,還唱得不錯,
更有點兒像"克勤"音,就這樣當晚阿力就被稱為"克勤"了。
勁肚餓的我,一入到房就嚷著要食o野,
當時有個大胃王$12任食大餐,只要另加$12就可以任點餐吃,
可是原來供應時段只去到十時正,所以最終都無食飽過。





















>>October 11, 2003 at 1:45:29 AM GMT+8

2003 年 8 月 19 日 星期二 【晴】

上網見到三點半有場,誰不知趕到出去係無o既。
紐約戲院,四點零五分場"雙雄"。


由早前"黑白森林"時,已相當期待的電影"雙雄"。


電影入面,黎上正(黎明)跟李文健(鄭伊健)的其中一段說話,
黎說 : Don't wait until too late.

《雙雄》與《無間道》, 跟《黑白森林》, 當然要比下去。
而這個鬥智鬥力的《雙雄》,令我想起年前劉德華先生的《暗戰》。
如果《暗戰》值 96分,那麼《雙雄》起碼有 85分,
未知黎明先生有無機會憑此片奪取影帝呢？<劉華當年憑《暗戰》稱帝>


>>August 20, 2003 at 2:28:57 AM GMT+8

2003 年 8 月 18 日 星期一 【晴】

去完遊船河之嘛！
有無搞錯呀？倦得那麼利害呢要？訓到成十二點幾先起身。
好似去完兩日露營咁。

老豆事先聲明話今日入黎執屋<主要係掉走我 d 野>。
講真就真係無咩好掉,我指我,
我唔需要新事物,我只想唔好失去我擁有的。

家居清潔的守則,老豆佢當然不知道,這個我倒不能作怪。
可是問題依然是會發生的。
就是這樣,出了狀況：
起初我都唔知發生咩事,部電腦上唔到網,我仲以為係部腦有問題,
跟住發現連個電話都無埋聲(即係"唔通電")
阿麻見我望住堆線就問我做咩啦,
跟手就彈多句話"唔怪得知老豆話多左係電話線掉左啦！"
就這樣全屋就只有房有電話用了,只好換個無線電話入房喇。
無得上網。

有點頭痛,唔通因為尋晚訓得太多,唔理了,訓番陣先。
起身,成橦未完全消化的雜誌都被弄掉了。
次次都係咁,我o既野永遠都要向我唔知情的情況下離我而去。

"找狂"<錯別字>

吃過飯後,老豆同Mei姨離開。
為左有得上網,差點兒想向衣櫃度開個"孔"黎穿條電話線過黎,
最後用上超技術來解決這個問題......
用一條普通長度的電話線,拉到出房門口,
利用"來電顯示器"做接駁點,再接多條電話線黎駁寬頻機,就這樣我又可以上網了。

icq, 終於都收到"一字馬"的訊息,好一句" hate u "。
之前send 過好多次message俾佢一直都無覆我........咁我咪係咁鬧佢囉！
哈哈,可是原來佢一直收唔到,直至剛才問肥佬拎我 icq , add 左我 .........吹脹。

之後跟"講多過做"的她通電話,一講又兩個幾鐘了。
佢真係相當八卦(好彩佢八得起)
佢在場的地方發生的事,佢知;
佢唔在場的地方所發生的,佢都起碼略知一二,
有時甚至比在場人仕知道得還要多,相當可怕！

>>August 19, 2003 at 3:29:39 AM GMT+8

2003 年 8 月 16 日 星期六 【晴】

相信是家義豚第一次的早上會議。
0930,結果只有我準時出現,其他人都一如以往的遲到耶,
夜又遲,日都遲。大家真好！

這一次小組(性在友營2)會議<雖然都係果幾個>,這一個早上多左Anna<佢下午都會一齊去映相>
大概十點開始會議,都傾到成點鐘,都好整全咁傾左好多具體的事宜,
這一次會議就好似計劃好個camp的一大半咁。

傾到咁都差不多了,阿孝先走,<而恩恩向不知何時已逃離我們>
餘下的去飲茶,多謝叉燒先生請客。

因為天雨的關係,
原先計劃上山頂映相,現只有改為返會個禮堂草草了事<聽講話構思係想我地訓哂向草地映>。
點解要映相呢,係因為映呢 d 相用黎放向年尾本年刊度囉。
同埋隔離組(義工組),網上輔導組一齊映這個相。
隔左成兩年,再見Abby,完全地唔同哂,
大概連印象都沒有了,只記得當年佢係讀緊LAW"法律",可是聽佢講話之後轉左讀其他了(好似係會計)。

>>August 19, 2003 at 3:54:19 AM GMT+8

2003 年 8 月 15 日 星期五 【晴】

邊度係動感之都　呢度叫仙樂都
903低科幻廣播劇「仙樂都」
林海峰小克再發功　劉德華古巨基朱茵上太空

依家有得上網聽番節目重溫真係好

最近幾日都錯過了早上"男上女下"時段的903低科幻廣播劇"仙樂都"
而且通常錯過了首播都會連"嘩嘩嘩打到黎"的重播都錯過埋
好彩有得網上重溫科技真好



22層高大廈榮福樓離奇消失，
傳聞話幢大廈天台有一隻太空船，
由一位自稱艦長o既莫史迪駕駛，
佢負責帶領整幢大廈o既居民飛向外太空o既新樓盤 – 仙樂都。

莫史迪艦長（劉德華飾）
太空人阿Moon（朱茵飾）
龍炳基船員（古巨基飾）
張國強隊長（鄭中基飾）
太空o急控制中心（黃仲凱飾）
曾仕賢（Papajay飾）
霍金（細So飾）
沈銀河（朱薰飾）
譚玉英（Jessie飾）
唐士岩（Marco飾）
不明飛行物體（林海峰飾）
Dr. Hologram（雲海飾）
女主播（謝茜嘉飾）
節目監製（阿成飾）


唔知係咪真係有"榮福樓"架呢？

>>October 11, 2003 at 1:37:55 AM GMT+8

2003 年 8 月 15 日 星期五 【晴】

激死我喇！

終於來到沒事忙的一天,可是竟然... ...浪費了。

吃過飯後,麻麻去打麻雀,
煲落湯,叫我三點要熄火。

煩左我幾個禮拜的阿明,煩透我了,又電話又icq.........都唔明佢做乜急得咁緊要！
最終我都係要向今天屈服,俾佢黎拎走台舊腦。

同阿華通完電話
諗住拎相底俾佢幫我燒CD
落去村口搭小巴不過司機話唔經信德的
咁只好搭46X喇
還未有車又肚子餓喎
行過商場買野食先橫掂未有車
就是這樣
當我買左個腸仔包行番出黎
冷酷的巴士佬駕駛著無情的46X巴士離去遠了
無心機等下一班了而且又係放工時間
出到去搞掂再向中環搭車返黎實無位坐
最後走番上屋企
行左個圈返黎經已成身汗又沖多個涼

無所事事開隻DVD黎睇
睇到我眼訓
睇埋任達華死左就熄機入房訓陣先

睇番寶莉的<大Camp>行程記錄/個人感想
相當豐富有趣生動
難怪阿富阿虧都話睇完之後好似有份一齊行咁
如果之前寶莉次次都有這個就好了
嗚哈

>>August 16, 2003 at 1:46:02 AM GMT+8

2003 年 8 月 15 日 星期五 【晴】

近期在世界各地牽起風潮的快閃黨其實是一群互不認識的人，透過互聯網或手機聯繫，
根據發起人的指示，在特定時間、地點聚集，作一些無聊的動作或行為，然後迅即離去。

研究香港青少年問題的香港政策透視主席邵家臻認為，
快閃黨只是用俏皮方式， 讓人感受集體力量和網絡的威力，多沒有破壞性，
有關方面應先採取觀望態度，否則一下子作出干預，反可能弄巧反拙。

近期在歐美、日本等地迅速興起的快閃黨（ flash mob ）風潮已來到香港，
有人透過互聯網號召網友在本月底，前往百佳超級市場一家分店，
一齊拍打店內出售的西瓜一下，然後各自離開。
警方表示，屆時將留意是否有擾亂秩序或刑事毀壞的行為，百佳則表示會加強保安。

今次行動的發起人透過互聯網，以「香港快閃黨第一擊」為題，
表示：「我們決定做一件事，雖然不是很重大的事，但是可以創造一個香港歷史上的創舉。」
發起人邀請其他人在當日同一時間，到該超市內的水果攤檔，
一起拍打西瓜一下，然後各自離開。
據了解，除今次行動，也有人號召其他人到銅鑼灣一商場同時間一起綁鞋帶。

>>August 15, 2003 at 1:16:46 PM GMT+8

2003 年 8 月 15 日 星期五 【晴】


女人？

美 國 女 人
第 一 次 約 會 ， 在 門 口 親 吻 道 別 。
第 二 次 約 會 ， 可 以 在 沙 發 上 鬼 混 。
第 三 次 約 會 ， 上 床 了 。 但 只 限 神 職 人 員 姿 式 ， 然 後 答 應 會
和 她 結 婚 ， 不 過 通 常 是 說 說 算 數 ， 她 們 也 不 會 追 討 責 任 。

日 本 女 人
第 一 次 約 會 ， 她 太 怕 羞 ， 連 門 口 吻 別 也 不 肯 。
第 二 次 約 會 ， 和 她 一 齊 浸 溫 泉 。
第三次約會，和她上床，然後說沙約納拉，最後她還是嫁給日本人。

約 旦 女 人
第 一 次 約 會 ， 根 本 無 法 吻 別 ， 因 為 她 戴 面 紗 。
第 二 次 約 會 ， 她 提 出 條 件 。
第三次約會，和她們結婚，不過要接受割禮。也有好處，可再約多三個其他女人。

印 度 女 人
第 一 次 約 會 ， 只 見 她 父 母 。
第 二 次 約 會 ， 向 父 母 說 聘 金 的 數 目 。
第 三 次 約 會 ， 才 在 婚 禮 上 見 到 她 本 人 。

韓 國 女 人
第 一 次 約 會 ， 大 家 吃 泡 菜 金 漬 。
第 二 次 約 會 ， 你 可 以 吻 她 ， 要 是 你 忍 受 得 了 她 口 中 的 大 蒜 味 。
第 三 次 約 會 ， 你 可 以 和 她 上 床 ， 要 是 你 忍 受 了 她 身 上 的 大 蒜 味 。

香 港 女 人
第一次約會，你請她吃鮑魚魚翅，但甚麼都不會發生。
第二次約會，你請她吃龍蝦魚子醬，但甚麼事都不會發生。
第三次約會，你已經知道甚麼事都不會發生，請她到茶餐廳好了。

蔡瀾

>>August 15, 2003 at 12:49:54 PM GMT+8

2003 年 8 月 14 日 星期四 【雨】

離開 Sitting Room.
我提意去飲野,胸肌和議。
參與的有小劉,Chammi,肥佬,我,胸肌跟(嫂子?)阿儀。

原本想去美麗華的Shooter,可是已經關門在即。
最後去左諾士佛臺的一間酒吧！

叫左野飲......我又點左杯"性在沙灘"(Sex on the Beach)

我地又開起"心臟病"來。
玩糖水名,玩香港山名,玩交換名,.......
小劉係肥佬;
胸肌係小劉;
肥佬係TOBY;
Chammi係阿儀(嫂子);
阿儀係胸肌(的);
而我係Chammi.

玩到兩點,差不多時候了,大家都還要上班,埋單！
一齊行向旺角方向搭車。
行過左佐敦,接近油麻地的時候,開始落起雨來,仲幾大雨架！
而我係行到最遠果個,去到金雞搭小巴返屋企。
同小劉講番上次"床尾和",原來佢真係唔明,真係竟然！

返到屋企沖埋涼,同Umy講下最近的電腦病毒,download埋個更新程式。
眼訓了,訓！

訓都錯過了"仙樂都",成十二點先起身。
諗住一點要出門口,搭觀塘小巴。
食埋飯沖埋涼都成點幾先動身上路,仲唔記得拎電話要返轉頭,好彩發現時仲向十一樓<電梯中>

阿Jack早左到,而我都預早左去好彩,原本仲想入蒲吧看看。
佢約左我向觀塘地鐵站往翠屏方向的巴士站隔離的公廁門口等<即係"蒲吧"附近>
觀塘社區服務中心(翠屏村),社區支援服務計劃。
今日黎到教班受緊感化的年青人(13-17)扭波波,我同阿Jack一人一班,咁就大件事了。
好好久沒有扭過汽球了,無左師傅仔,
而我又向準備不足的情況下,硬著頭皮將我所有識得的都拋哂出黎,總是撐得過吧！

就這樣就有錢收,不過今次收得有點不好意思。
原來阿Jack三年前畢業係向呢間中心實習的,三年前,我咪仲向觀塘讀緊ive.

出門口時還有下著雨,離開中心時天色都不知多好,可是返到屋企就即刻落下大雨。好好彩耶！

>>August 15, 2003 at 2:25:35 AM GMT+8

2003 年 8 月 13 日 星期三 【颳風】

衝勁營閉幕禮。
短短個零鐘的衝勁回憶之旅。

911團體獨處野外求生~殺雞過程。





其他組的難忘經歷 ~ 一班迷途的人






臨別的合照時刻。



後面的叫"沙拉"

交換過紀念品,跟住去到一個叫做"Sitting Room"的地方(好似阿貓地攤果種地方呢)
兩姐弟
她兩美嘛？

小熊上樹
探戈
笑得那麼xx

該店的慘況
很大的手

TC的特色吧！













toBy & 靚女滕 (被迫這樣說)
可愛！
反恐
ka~ wa~ ii~

toBy & Ellen.
笑
玉背
想打交
勝負已分

>>October 11, 2003 at 1:55:48 AM GMT+8