2003 年 8 月 12 日 星期二 【晴】

先去24小時惠康買野飲,再上去皇室的加州紅。
就向呢段時間,胸肌拎左我本扭氣球書去睇,睇到連幾時唔見左都唔知。
呢個死懶鬼,真係無手尾！

勁唔好意思囉！
阿Jack俾本書我唔夠六粒鐘就唔見左,仲要連我睇都未睇過。

唱 K, 點歌, 講開話有 d 歌可以代表某時候某事情某人物。

"告別校園時"
一天一天的我在期待放學 一轉眼卻要告別校園
一張一張的快樂同學笑臉 粉筆似的消失不再遇見
<後知後覺的分離感>

"海角天涯"
我為誰人在飄泊 彷彿靠我的直覺
如能尋獲你 我會放棄飄泊
<人生的第一次"失落感">

"明知故犯"
為何要落淚 落淚仍要一個面對 無謂的負累
怎麼不忍失去 其實我不怪誰 在你掌心裡 偏偏我要孤單的寄居
<第一次的三角誌>

離開皇室堡,跟肥佬胸肌道個別後,同Chammi一齊搭31返屋企。
向小巴度,Chammi撓住我右手,果種久違了的感覺,只可惜佢唔係我女朋友。

落車時竟然落起雨來,冒雨的走著相當狼狽似的。
Chammi沖埋個涼,俾件Tee恤同條孖煙通佢著,
佢放好兩隻"車輪啤"同埋"大座A,B",好快就訓著左。
七點半,佢已經自動起身,等我仲諗住要叫醒佢,我無訓到,送埋佢走我先訓過夠吧。
換好衫還有點時間,都仲要上去床,搞下幾隻大座仔,
Chammi話尋晚掛住訓,忘記了搞下佢地,特別係斜膀大座喎。

下午四五點。
臨出門口,收到電話,可以上去維修中心拎番部mp3(明明係收音機黎,但係佢地永遠都叫佢做mp3)
真係好,橫掂去開灣仔,咁順便就去合和百佳買野喇。

家義豚八月例會.
Donna因為要做手術所以缺席,餘下叉燒獨力力撐。
同叉燒開會最成功的就係夠快,今次竟然向八點就解散得，超快感。
依家個例會已經係核心成員會議,大概次次都會出現的,得番阿孝Yonnie,恩恩,Iris,智康同埋我。

點左大家過去銅鑼灣,
諗住上去"休閒卡菲"食晚飯,玩下波子棋,不過無位,費事慢慢等,
最後去左大丸那兒的"麻布茶房"。
四個人(智康,Iris,恩恩,toBy)食食下,都係要講番到家義豚,傾到黎近個Camp點搞法。

跟住去左世貿映貼紙相同打機先散Band.
返到屋企開電腦,芝芝 add 我喎,仲諗住聽日閉幕禮要問佢拎icq添。

>>August 13, 2003 at 1:20:52 PM GMT+8

2003 年 8 月 11 日 星期一 【晴】

農曆七月十四呀！
又係一年一度的鬼節呀！
鬼門關大開呀！

去完Camp,返到屋企,阿麻老豆Mei姨同婆婆向度打緊麻雀,
我就去沖番個涼,洗埋 d 衫先。
沖完涼,出黎開著電腦,諗住入房坐一陣......點知就訓著了！

老豆姑姐慧賢地上哂去羅馬按摩,今晚Circus有聚會,所以我都係唔跟埋去。
訓到成點先起身,上上網。
琴晚阿麻煲左"泥(魚孟)粥",竟然仲有餘下來,咪走雞,自己煲番熱黎食。

上網見到肥佬,講開話今日無乜野做,叫埋佢今晚一齊去文化玩.....最後仲約埋胸肌 Chammi,& Josie.
Chammi個白痴,尋晚返屋企先記起今日放假,唔使返工。真係勤力！
向灣仔碼頭匯合,一齊搭小輪過TST。
過到海已經七點幾,橫掂都遲左,而且阿Jack話會好遲先黎,都係去食 d 野先。
去左胸肌最喜愛的"麥當勞"。( 老麥依家又出番杯波蘿特飲,正呀！)
食下坐下又講下,過到去文化都成八點。

班人又向度搞分化,相當討厭！呢班小鬼........
玩到九點左右,訂左位過去"必勝客"食野。<又來到這一間 !~>







同班小鬼食完就散,同阿Jack約埋星期四時間地點,入去"金星"打打機。
阿Jack買左本教扭波波的書給我,等我星期四用,誰不知.........

餘下來的我,胸肌,肥佬,還有Chammi,打完機諗住去飲野........最後過左去銅鑼灣。
最後決定係去卡拉OK.

>>October 11, 2003 at 1:57:43 AM GMT+8

2003 年 8 月 10 日 星期日 【晴】








>>October 11, 2003 at 1:35:48 AM GMT+8

2003 年 8 月 9 日 星期六 【晴】



>>October 11, 2003 at 1:36:33 AM GMT+8

2003 年 8 月 9 日 星期六 【晴】

大Camp衝勁挑戰營,
營前準備。

難道佢咁勤力做！？
玩電話,唔幫手。
這是誰的呢？




the answer is :



>>September 5, 2003 at 3:08:06 PM GMT+8

2003 年 8 月 8 日 星期五 【晴】

Forward E-mail.
from BearBear.

常常我們認為會跟一個人吵架一定是跟他感情不好，其實不然，
最容易跟家人吵架，最常跟情人吵架，最會跟好朋友吵架。

想想，原來最常跟我們有爭執的人竟然都是跟我們最親密的人，
而 能夠跟我們發生爭執的人也對我們有一定的瞭解，
所以有人常說『吵架』也是一種溝通，而願意跟你吵架的人， 才是真正想瞭解你的人。
有時候我們與人發生爭執時會說『算了』，或者『不說了』，
這兩句話其實都是殺傷力很強的話，代表著你不想把你的想法跟他說，
不想讓對方瞭解你，也代表你們的感情會停留在原地。
有時兩個人爭執，忽然聽到了一句話『我是為你好』；
在感情的世界裡，每個人都很自私，有人常會對你說『我是為你好』，

這其實是很不負責任的說法，因為我們會把自己的觀念加諸在別人身上，
為他人決定一些事，但是再想想，對對方來說，你的方法真的好嗎？
你為他決定了事情，但是要負責的人卻是他，這是很不公平的，
唯有他自己才能決定什麼是對自己最好，

若是錯誤的決定也才不會有埋怨，也才能對自己負責。
『通常願意留下來跟你爭吵的人，才是真正愛你的人。』
之前聽到陶子在節目中說了一句話"每個人天生就是不一樣"
這句話讓我突然領悟了很多事......
因為不一樣~~~~自然而然每個人所看的所想的也不會相同
不要怪別人不夠懂你~~~換個立場~~其實我們也不敢說自己有多了解他人
"無聲"是一種無形的、最遠的距離
若能從吵架中表達出自己的想法~~

總比大家把話悶在心裡都不說出來的好
但千萬要避免在衝動時說出傷害對方的言語
有些話~~~一旦說出口~~~就很難收回了......與最知心的好友共享之.....

>難忘跟妳曾經何時吵過的架。<

>>August 8, 2003 at 3:48:02 PM GMT+8

2003 年 8 月 7 日 星期四 【晴】

這一天,是我,有史以來,搭得最多42的一日。
來回三轉,共六程。
搭出去$6.5,搭返黎$5.3,今日淨係搭車都用左三十幾蚊。

早上六時許,Chammi起來入左房拎袋找東西,弄醒左我<我向房訓>。
我起身去廁所時,Chammi又已經返左上床... ...
入到廁所,有卷廁紙放左向面盤,而且仲濕濕地........
<點解有大卷廁紙放左向面盤呢,卷廁紙尋晚才更換上的。>
返出黎見到床上面的Chammi失笑著,佢話佢將成舊紙跌左落廁所.... *_^
<究竟佢點樣將一卷放左向廁紙筒的廁紙跌得落個廁所呢,到現時為止,呢一個仲係一個迷！？>

七點,叫醒Tracy,佢要返屋企同阿媽匯報消息(入左HKU)同拎錢今日去登記,
原先仲話要夜媽媽搭的士返上去屋企,點知最後都留左向度過左晚。
講真其實佢都幾鬼懶！好鬼賴皮下。
胸肌個衰仔竟然遺下仍睡得相當甜美的肥佬,跟Tracy一齊走先,當然還有他的朋友仔。
送佢地落去搭車。

返到屋企,肥佬仍然係保持住那感覺甜美的睡姿,打側身,腿微曲,雙手合著放在面旁(仲帶住眼鏡)。
實在相當可愛,真係未見過咁大個人睡覺是這模樣。(肥佬比我還要高大,佢隻腳很大的哦！)
Chammi個衰婆,竟然好去嘈醒肥佬,醒左佢又訓唔番。
Chammi沖埋個Morning涼,送佢落村口搭小巴<諗住>,不過最後都係搭左46X,
八點幾已經一大條人龍等小巴出中環,我都好耐無見過這情況了。

屋企的肥佬,又向度睇金庸,原來佢一直都係睇網上版的,我還以為佢係睇一本本果 d 。
到我沖番個Morning涼,跟住同肥佬一齊落去搭42走。

因為得到明愛傑出義工的關係,得到一張入大球場的門卷。(非賣品？)
Real Madrid Training Session 皇家馬德里隊訓練
除左我,其實還有華華可以入場,可是華華要上班,所以張飛讓左俾阿維。
約左阿維九九<九點九>向巴士站等,
架42去到SOGO,肥佬落車時已經45分,打俾阿維叫佢多等一會吧,可是佢架車仲向香港仔隧道。
既然佢還比我要遲,那我便先去吃個早餐吧！等埋佢再一齊行去大球場。

將飛寫明話十點架嘛,班皇馬球員過左十一點先出場,睇左佢地架車成十點半先黎到大球場。
等緊o既呢一句鐘經已悶到我差不多要訓著,如果唔係阿維同我講下野,早就訓著了。
都叫就值得吧,難得成隊皇馬來臨香港(當然還有新成員"碧咸"),黎香港踢踢波,
雖然呢次唔係比賽果場,都總算係叫做現場親眼見過費高,卡洛斯,施丹,碧咸,朗拿度.........
朗拿度真係好勁<不過係肥仔左 d >,向操練時的一球射門,龍門員跳盡"得"起左個波都入。

操練期間，不少港人突然衝出重圍，越過駐守的保安人員，
由觀眾席拔足狂奔至球場草坪上，再飛撲到碧咸身邊，只為索取他洋洋灑灑的一個親筆簽名。
不過其實呢,睇操練都真係幾悶下架,<初頭仲以為會係練習賽咁>我都兩度進入睡眠狀態。
都好彩有果 d 衝入場的球迷先未至悶極。

操練完畢,大概一點行番出銅鑼灣,無所事事都係搭42返屋企先,
經過萬寧買支Mandom的定型o者喱和果汁飲。

返屋企先沖個涼,坐向大球場,雖然唔曬但係都好熱下。
上上網睇報紙,吃過藥,藥力又開始發作,想睡一睡... ...由想睡到真係上床睡都相隔左一段時間。
同阿Josie講開話睇"Finding Nemo"(海底奇兵),講左好耐下都未睇,這樣就不如今晚去睇吧！

五點鐘,阿Josie打黎叫醒我話差不多可以收工了,而我地講好話去JP睇六點二果場。
可是,同佢通過電話之後,我又訓著番,
又好彩阿明打黎問可唔可以入黎拎電腦而嘈番醒我！
趕快地沖番個涼換衫出門口搭42出銅鑼灣。
利害的我實在太利害,又俾我趕得切去到,仲有預告睇添。


海底奇兵 Finding Nemo

深居簡出的小丑魚Marlin，自從一次海底意外遺失了最愛錫的妻子及其他家庭成員，
就只剩下他與Nemo相依為命了，所以他高度看管Nemo的一切活動，
發誓意外不可能重演，是個非常盡責的好爸爸。
Memo大個仔要返學，馬倫無可能再跟出跟入，於是日日提心吊膽。
大件事… Nemo竟意外被人類捉進魚缸，
馬倫拿出畢生的勇氣，憑自己的信念及腦筋衝出大海，定要將Nemo帶返屋企！

彼思出品的《反斗奇兵》、《怪獸公司》後，
這個夏天一於「重拖故技」，將電腦動畫的鬼斧特技注入七彩繽紛的海洋世界！
一個滿載歡笑、刺激好玩的海底歷險《 海底奇兵 》。

電影來到尾段,阿Josie急意來襲,哈哈... ...
結局當然係.......啦！
NG片段只得一段,好似唔多夠喉！

同阿Josie去解決之後,打個電話俾老豆,叫我過去一齊食,問下阿Josie去唔去?
.... ...
之後一齊搭42黎我屋企,去"喜喜"買飯盒食,佢好似好鐘意食叉油雞飯咁,
而我點了叉燒燒肉飯,跟住條友點我不如食乳豬啦,咁我果盒就變左叉燒乳豬飯。
食完飯,搞搞佢部數碼相機.......


十點幾,同阿Josie搭42出番銅鑼灣,送左佢上小巴,我又再搭番42返屋企。

今日的紀錄,最左一日搭得最多次42之外,應該還有出入門口的次數。


>>August 8, 2003 at 6:27:48 PM GMT+8

2003 年 8 月 7 日 星期四 【晴】

為左方便Tracy的關係,所以我提意就轉移地點來我屋企喇！
原本係講好話去胸肌屋企度玩玩的。

肥佬,胸肌,Chammi,Tracy和我,浩浩蕩蕩的行過去佐敦搭970,
一直以來都只有Tracy跟我走這段路,(除左第一次,佢唔知我行去佐敦搭970,所以去左搭地鐵)
呢段路話長唔長,但係亦話短又唔短喎,大伙兒有說有笑的走著,
而我當然跟胸肌講講"阿儀"的事。

除左我地幾個,還有胸肌的朋友一齊來了。(上次肥佬剪完頭髮過黎中環會合時見過的)
其實原先應該還有阿儀的份兒,可是最後失去聯絡了。

黎到無耐,Chammi問完我有無洗面膏就走左去沖涼,餘下來的便打打麻雀。
我就搞搞電腦,無端端唔見左個 ICQ Lite.
車尾沖完涼出黎,我開左隻 anthory+jan music is live vol.2 Video CD 俾佢欣賞下,
(話說佢都喜歡阿JAN的)原來她很喜歡林海峰向這個拉闊唱的"你快樂所以我快樂"。

打緊麻將的,發現我同Chammi無份玩,便棄雀玩啤<啤派>,玩起"心臟病"來。
第一鋪,玩卡通人物,喜歡巴斯光年的Chammi,坐左向巴斯光年前面,就係咁... ...想唔輸都難。
玩多舖,連賀年語都玩,實在死蠢的我竟然好去叫出入平安... ...想贏都難！

唔記得左點解又無再玩落去,傾起計來,
可是要係個話題轉到"胸肌跟阿儀",便有問無答。
而Tracy又衰過濃,直接了當的問：你地相差成五年架喎？！
於我而言,年紀已不在我考慮的因素,
因為這個考慮因素只適用於還是十幾歲正值青春期轉變當中的朋友,這個時期的轉變實在太大。

不過就算問得直接與否,胸肌都無點透露過佢想點,
真的是要隨緣？還是唔知自己想點？抑或這樣會好讓他自己下台吧呢！
世上豈有哪麼多隨風而來的緣份,仲要去隨緣發展,咪等如"隨完"。<依家咪....玩完？>

講講下,最先失去知覺的是肥佬,臨睡著前還插過兩句咀。
大概係因為胸肌先生唔肯開其金口,而我地再追問都無乜作用,大致上傾談時段便差不多了。
Chammi上左我張床訓,原來她也喜歡大座仔Monchhichi。(俾左個機會佢同三隻大座睡一睡添！)


>>August 8, 2003 at 3:50:19 PM GMT+8

2003 年 8 月 5 日 星期二 【陰】

向老豆度過左一晚。


午間,老豆整左兩個杯麵,一人一個,仲有腸仔食,問你怕未？
無無聊聊的又渡過一個下午,可能因為藥力影響,又倒頭就睡。

晚上,媚姨回來,一齊落大排檔食飯。
老豆叫我向度留多晚。

>>August 6, 2003 at 9:27:55 AM GMT+8

2003 年 8 月 4 日 星期一 【雨】

邊度係動感之都　呢度叫"仙樂都"
林海峰小克再發功　劉德華古巨基朱茵上太空
mon-fri 11:30-12:00 & 23:00-23:30 / sun 11:00-13:00

903低科幻廣播劇「仙樂都」


仙樂都？不就是灣仔區的一間娛樂場所？
林海峰你.......！

九點幾,就起左身,都無諗過訓番,上網睇報紙。
十點幾,頂唔順喇,要去睇醫生呀！
搭車落香港仔賽馬會診所,誰不知睇唔成,上午的位都俾班公公婆婆霸哂。
見有點肚餓,去食碗粥先,當然還有炸兩喇。
十一點半鐘,一路聽"仙樂都",一路搵車出灣仔,原來係有架小巴35M可以去到灣仔修頓的。
貝夫人診所下午一點九才開始登記應診,大概還有足足兩粒鐘。
上左去8樓家計會圖書館睇下書訓下咁,渡過頭一個鐘,跟住落去排隊登記等睇醫生。
最後成三點先睇完醫生,佢話唔係扁桃線發炎喎,只係普通喉嚨發炎。

落小巴過西營盤,真係話咁快就到。
上到去,吃過藥,睇左陣雜誌,無幾耐就訓著左。
呢一訓,就訓到成八點了。
媚姨回來了,這時天氣很壞,大風大雨又行雷閃電,老豆叫我今晚留向佢度。叫外賣上來吃。

>>August 5, 2003 at 10:54:42 AM GMT+8