2003 年 8 月 4 日 星期一 【晴】

農曆 七月初七。
又稱之為 "七夕"。

相傳天上和人間只隔著一條淺淺的天（銀）河，
織女是天上美麗的仙女有著一雙靈巧的手，
可以織出千變萬化的衣裳，在天上過著無憂無慮的生活。
而牛郎則是人間窮苦人家的孩子，在兄弟分家的時候，只分到一條老牛，
可是牛郎非常勤勞，又細心照顧老牛，所以老牛感謝她，讓他見到織女，
最後天帝將織女嫁給牛郎，並留在天上住。
過沒多久，牛郎想回家探望，但因為以前已在天帝面前發過誓，
將永遠陪伴織女住在天上，違誓就會受到處罰。
結果因為牛郎違背誓言，所以和織女分隔在河銀河的兩邊。
天帝說只要天河的水乾了，就讓他們見面。
結果牛郎帶著他的孩子，日夜不停的舀水，終於感動天帝，
讓他們每七日見一次面，結果喜鵲傳錯話，變成「每七夕」見一次面，
後來喜鵲王為贖罪，發動所有的喜鵲搭一座鵲橋，
讓牛郎、織女從天河兩邊可以快一碰面相會。
（這個故事民間流傳許多不同的版本無妨，口耳相傳很自然會有這樣的結果。）

牛郎織女會

相傳牛郎星和織女星這一天會相會，使得淒美的愛情故事更添美麗。
以前的人都在七夕夜注意兩顆星靠近的事情，而為他們倆高興一番。
其實以今天的天文學的觀點，牛郎星和織女星相距十六光年，
甭說兩星靠近其（實就是星球相撞，這是一件悲壯的事），就算牛郎光寫信給織女，
以光速傳送都要十六年，等織女收到信後馬上回信，還要再經過十六年才會到牛郎手上，
這一來一返就要三十二年，美麗的織女就變成老太婆了，實在不夠美麗。
所以還是讓美麗的傳說故事繼續流傳吧！

另一版本係：

「七夕」是指農曆七月初七，亦即是中國的情人節。
有關牛郎和織女的故事有很多說法，以下是最普遍的說法。

傳說，天上玉皇大帝最小的女兒叫織女，她不但聰明可愛，而且手藝十分巧。
有個善良的年輕 人名叫牛郎，他的父母早逝，跟著兄嫂過活。
嫂子唆使兄弟二人分家，只把一條老牛分給牛郎。

這條老牛原來不是一般的牛，而是由天上的金牛星變的，
它因為觸犯了玉皇大帝的天條，被玉帝貶到凡間為牛。
它看見善良的牛郎受人欺負，就決定要幫助他。

它告訴牛郎，東邊的山下有一個湖，每天黃昏會有七個仙女下到這個湖裏洗澡，
只要牛郎偷走其中的一件衣裳，那個仙女便無法返回天宮，留下來作他的妻子。
聽了老牛的話，牛郎果然偷偷藏起其中一位仙女的衣裳。
等到仙女們洗完澡要回天宮時，年紀最小的織女才發現自己的衣裳不見了，急得哭了起來。
這時牛郎捧著她的衣裳出現，要求織女答應作他的妻子才把衣裳還給她。
織女看牛郎忠厚老實，便含羞的答應了。

倆人成親後生了一對子女，男耕女織，生活十分幸福美滿。
但那頭忠心的老牛卻死 了。
死前它告訴牛郎，在它死後，剝下 的皮，遇到困難時就會派上用場。

織女嫁給牛郎的消息傳回去天庭後，玉皇大帝大分震怒，就派王母娘娘下凡去抓織女回來。
牛郎回家後看不到織女，急得和兩個孩子放聲痛哭。
忽然之間想起了老牛的叮囑，就披上牛皮，飛快地追趕王母娘娘及織女。
靠著牛皮的神奇魔力，牛郎飛也似的追上他們。
這時，王母娘娘心中一急，就拔下頭上的金簪子，
往地上一劃，馬上出現了一道波濤洶湧的天河，把牛郎和織女分隔兩邊。
牛郎和一雙兒女在河邊大哭，哭聲驚動了玉皇大帝，
他一看兩個孩子很可憐，就叫他們全家每年七月七日相會一次。

於是每年到了七夕，就有無數的喜鵲飛上天去，搭成了一座鵲橋，
讓牛郎、織女一家人渡河相會。
因為一年僅能見一次面，當然有說不完的衷曲、道不盡的悲情，
於是那天幾乎都會下著毛毛雨，象徵兩人的淚水。

雖然牛郎跟織女只能在每年的七月七日相見，
但他們並沒有因此而放棄對方，仍然每年祈昐著相聚的那一刻。
故事中牛郎織女對對方的感情忠貞，
跟傳統中國文化對婚姻要抱一世的承諾，對婦女有忠貞的要求相同，
這促使流傳方間不同的七夕故事，也有這分忠貞的相通點，
可見中國傳統愛情重視忠貞的重要性，
令七夕故事在經歷時間的洗刷下，忠貞這個意味歷久不變。

雖然牛郎織女真心相愛，但他們的結局卻令人倍感哀傷，他們的故事儘管感動了上天，可以在每年七月七日相見，但他們卻要受三百六十四日的相思之苦。

七夕的故事充分表達了，人民對自由戀愛的渴望，
人民渴望如牛郎織女他們相愛的可走在一起，
但也反映了人民對受命運束縛的絕望，他們知道命運弄人，
即使相愛也沒有好結果，如牛郎織女飽受相思之苦。

其實這和古時中國婚姻制度有關，
因為古時中國婚姻往往受父母之命，媒妁之言的擺佈，
由於父子一倫在五倫中比夫婦一倫更為重要，
所以基於孝的表現，盡管大多數人民也渴望自由自主的戀愛，
但對盲婚啞嫁也不會作出反抗，所以自由戀愛的事，便寄情於傳說中。

中國人往往把恩愛當作愛，為了報恩而付出愛情。
其實，恩情是站在不公平立場出發的，
一個在高處施恩，一個在低處受恩，但卻無力回報，只好『以身相許』。
但這種恩情卻不是愛情，愛情最重要的條件之一，
就是必須男女雙方站在平等的立場上作情感的交流。
感恩該報無可置言，但卻不該，也不能以愛情回報。
恩愛的不明，是中國傳統對愛情的最大誤解。
因此有此流傳著的七夕故事有報恩為牛郎織女愛情的起始，
如其中一個以『牛郎還回織女的衣裳，織女便應允牛郎當他的娘子』。

小弟就係向廿一年前的這一個節日出世。


>>August 2, 2003 at 10:13:40 AM GMT+8

2003 年 8 月 1 日 星期五 【雨】

應Linda的約去帶打War Game,
元朗三軍。

八點半要向科士街開車,八點三我先俾Linda個電話嘈醒。
趕快地換衫出門口搭23過去。最後等埋我八點九至開車。

有幸有不幸。
竟然全部參加者(小朋友)都有出席,咁即係話我地無得落場。
除左我,還有影帝同阿熙黎陪Linda.
而我一上到車,就訓著左,而且重係訓得幾舒服果隻。
一訓就去到元朗,入三軍要經過一個分叉路,已去過幾次的我當然記得路喇。

中午飯後,Linda開始出現她的狀況,個肚出問題。

記得上年同影帝一齊黎玩,其實性質跟今次差不多,
只不過上年有參加者缺席,我地才有機會一齊玩。
講番我上年發生的情況俾佢地知,哈哈。
我上年打打下,人有三急,走左去某某地方解一個決,跟住再忽然現身再戰。

科士街解散。同Linda上市政大樓辦一點"公事",再搭巴士去灣仔。
第一個夜場書展,或者因為有免費門卷,實在太多人。
最後都要用上那過左期的工作証進入書展場內。

行左不一會,離開書展,行過君悅搭的士返去。

>>August 5, 2003 at 6:26:52 PM GMT+8

2003 年 7 月 31 日 星期四 【晴】

不知所謂... ...
數Q臭某某！

我太過份嘛？
是我的說話技巧沒有polly及alex般的好?

對敵人仁慈只不過是對自身的殘忍！
待她太好,不一定會起作用的。

她的自我中心太強了, 其他人的意見, 她根本聽不入耳.
她還常常猜想別人的心裏想什麼, 但卻又猜錯了....

我之所以要咁強硬咁質問佢就是這個因由。

這事情很難解決... 過左咁耐佢一點也沒有改變過！還記得第一晚？
她.... 不斷地要我答她三幅被的問題. 又常常說我這,說我那.......

我剛才係專登瞪住佢問的。
polly同alex係好有技巧咁同佢講 d 問題,但係佢有無接收就無人知道.....
佢都話對我地講的說話無感覺啦！

這就是她的問題。
但大家也怕她會哭.. 她的眼紅了..

所以我認為大家都是怕了"這個",才使用那些所謂技巧去解釋俾佢聽,
講真佢唔聽,講多都覺得口臭！

其實講開說話技巧,不一定要好似要alex or polly咁才可以......
對唔同的人向唔同情況係應該用唔同技巧的。
我地大概由十一點開始討論這些問題,
大家都客客氣氣左咁耐,都得唔到結果......
我唔介意做"衰人"單刀直插囉！

我無所謂的,得不得到他人認同我這個做法。
傾到這麼夜的.... 這麼宛轉的說理, 她未必能get到話題重點.
所以兜兜轉轉向同一話題間......係咁團團轉,為乜？


>>August 2, 2003 at 10:25:31 AM GMT+8

2003 年 7 月 30 日 星期三 【晴】

同阿茵通電話,依然是那老問題。
我真係好想知妳有多希望我能當妳的知心友？！

成四點先訓,成八點先起身,(原定0730要起身)
搭46X,Tracy向薄扶林道上車,(原先係計劃搭40的)
向會展落車,行入灣仔修頓,經過老麥買早餐,跟住上去會報到,再行番去會展。

第二天的書展。同Tracy閒聊了一個早上。
三點,叉燒,Iris接更.落去HALL 1 找找Ada見過面才離開會展。
搭小輪過海,轉乘9號巴士去旺角,約左去麥花臣打波,
阿Chris,阿富,阿Bear,胸肌,Dollar,遲來的我,還有最後先到的Kevin.
打到我差不多要暈倒,一來可能最近訓得好少,而且又向會展企左成日。
第一次有這些感覺,直頭想死,只不過打左一場而已。
六點過後,行過去花園街上室內運動場的更衣室沖番個涼,再去TST上堂。

專題演講
同社前輩Paul Chan黎講,
1, Look Eager !
2, 諗清楚自己想點？
3, 學一些學校無o既o野。



>>September 2, 2003 at 1:35:07 PM GMT+8

2003 年 7 月 29 日 星期二 【晴】

約0845向會展等,咁我咪諗住0800去搭46X啦！
0630鬧鐘,不過好眼訓呀,都係訓多陣,訓到0740先起身,趕快地去沖涼換衫出門口。

香港書展2003
(29/7~3/8)一年一度的書展又來了。轉眼又一年！
今年第一次當書展的工作人員......多得"家計會",
而家計會都係第一次搞書展的檔位(Hall 2, 2H23)。
其實都無咩做,主要都係引人過去檔口度望望咁,
不過多數埋黎望望睇睇的,都係有心黎買野的,而且通常都係老師來的。
而大部年青人(女仔居多)經過我地的檔口,都會報以笑聲便急步走過！



好彩今日有叉燒同埋源哥在場,否則可以真係悶小我！
又凍又眼訓。
還有"德德家家"陪住我渡過這個上半場。

中午,1247,一個意想不到的來電。
沒有來電顯示。
" 喂！我係阿茵呀。" <總會有點不知所惜。>
是妳？點解妳還會找我？<我當然不會這樣問！>
" 有無時間出黎飲杯野囉？", 問我。

鷹君中心的平台(二樓),東海堂門口等。
又再見面了。
對上一次見面係02年尾(30/12),向人體奧妙展碰過正著。
又係灣仔。
(之後去左wood's cafe飲野,當時的我還是頭髮長長的)
阿茵佢未食Lunch,同佢去搵野食,想食吉野家... ....最後又去左隔離間"元氣壽司"。
俾左本"紅簿"我,唔知妳係俾我？定係還番俾我？<還是妳只是為了這個而相約我出來？>

行番入灣仔時,問我睇左"人妖打排球2"未？.... ... 時代UA,有場五點半。
吃過壽司,聊過一輪,過去買飛。

人妖打排球 2
Iron Ladies 2

講真就真係無左新鮮感,而且可能係在故事內容方面實在不濟,如果唔係有配音,相信......
而且第二集竟然係"前傳"來的。

睇完戲,散場,送佢過對面搭107.
過到巴士站,等左輪.....................到有車黎,佢先話不如去食麵囉！
<原先佢已經打左電話返屋企話返屋企食>
牛肉麵,係佢阿媽話佢小時候成日吃的。(紐約戲院對的的一間店)

跟住又再送過佢去巴士站搭107.
今日行左好多次重複的路。

聽完她說她的事,基本上我無咩可以幫到佢,
除左..........不過我認為佢不會找我幫這個忙的。

又會這麼的"巧",近來同朋友講開妳,而妳又找我出來,時間剛剛好。天意？

>>August 5, 2003 at 5:56:04 PM GMT+8

2003 年 7 月 27 日 星期日 【晴】

Trek Camp 的服務日。
來到彩虹村。循道衛理楊震社會服務處。




第一組出發的有我和Josie,被編為一組。
就這樣,和她相處了一整天。

好奸樣
慈雲山山景
搞甚麼？
what can u see?
誰張面比較大？
斧山道戲水池
這張拍得不錯嘛？
偷窺進行中
偷窺後
獅子山
又係獅子山
街女
苦惱
開心
回頭
又坐樓梯

午飯的時候。

人肉加速器

遊樂場。




做完一日的服務,終於都解散。

911的腳

橫掂過到黎彩虹,都係上去走一走吧。<都好耐無上過去了>
其他人先去九龍灣。(服務後之活動：食飯睇戲)
fat+lo_josie_toby

晚上,淘大商場的百老匯,睇 "戀上你的床"。
好耐無試過咁大班人入場睇戲了,大概我地一行十幾人。



神秘的BB


戀上你的床 Good Times. Bed Times


導演： 梁柏堅、陳慶嘉
演員： 鄭秀文、古天樂、劉青雲、蔡卓妍
片長： 105 mins

故事簡介:
劇情大概講述身為「狗仔隊隊員」的屈小喬因男友Raymond身邊太多女人，
故她決意分手，並要回那張她睡慣的床。
屈小喬獲派跟進警方「形象大使」高志強的故事，
原來他在捉賊途中被子彈擦傷弄至「性無能」。
自從一次訪問後，屈小喬與高志強相戀，並堅信有愛不一定要有性，
但仍不斷為為他尋找醫治「性無能」的療法。
與此同時，Raymond機緣巧合之下遇上少女阿塔，
Raymond快要升到區域法院，上頭吩咐他禁慾，
18歲少女竟闖進他的生命，並希望把第一次給予他。
兩人也就性、愛之事感到困擾...

陳慶嘉的作品,繼"絕世"系列。
(好Bra與好B,同是劉青雲+古天樂做主角的又一部探討男女關係的電影)

鹹濕左些少的笑位,其實可能只不過是一點商業考慮吧。
如果大家係為左想睇鹹o野,好心你去"好景"買碟睇好過啦！

食龜令膏下火果段,令我想起年前的"美色饑饉四十".
<入面結局前有段係男女主角,用支"花"黎互相愛撫的！>

梁家輝,吳君如的狂野性,則令我回憶起"江湖告急"。

全片最拍掌的位,係由"傳媒大亨"黃毓民講："錯左就要道歉,但係道歉又唔代表要悔改！"

劉青雲仍然係最"出"果個(出色個"出")
和最惹笑果個,拍廣告同食龜令膏呢兩段最爆笑。<還有玩古天樂果段都好搞野>

故事中的小喬(Sammi)與Raymond(劉青雲),關係已去到"知性識情"的地步... ...
分手後,因為按捺不住去左食龜令膏下火而碰過正著,
可是龜令膏卻起不了作用,最終都要.......
雖然各有所需,不過大家心裡面都另有其人,所以去唔到目的地。

及後接近故事尾聲,有小喬跟阿強(古天樂)的兩段"深情的話",
頭一段已經令我眼濕濕,不過都俾我忍到,
可是到第二段的時候,終於都要落下淚兒。

>>September 2, 2003 at 1:31:42 PM GMT+8

2003 年 7 月 26 日 星期六 【晴】

起身,寫個日記,沖埋個涼出門口去中環。
HMV等,可是只有胸肌來到,肥佬去左剪頭髮... ...黃耀明的新碟出左喇！

胸肌想食"哈迪斯",我諗住食"沾仔記",就是這樣,先去哈迪斯吃一個再去沾仔記食麵。
去到"哈迪斯",都係受唔住誘惑,買住隻熱狗餐食。
等埋Tracy,肥佬黎埋,上去食牛肉麵。

皇后像廣場個巴士站匯合Chammi,一齊搭680.
等左差不多半粒鐘先上到車。
向巴士站等車的時候,肥佬話我地知有個阿婆向呢頭搵食,(扮到好可憐咁樣週圍問人拎錢)
而肥佬之前就係中左呢個阿婆的計,俾左廿草佢。
及後時間,個阿婆行近我地,咁我地就玩起 " o下？咩話 " 上黎,
避避其鋒先,行過左之後個阿婆就消失左。(可能搵夠了,或者可能呢頭無水魚)

終於等到680的到來,上到車安頓好,Chammi開始吃她的午餐--銀針粉。
(佢就犀利啦,佢果碗銀針粉係朝早返工前時買落的)
好彩約向中環等,一齊搭車,否則連下層車尾都無得坐。

集合地點係馬鞍山那邊的福安花園。
衝勁營,第二次遠足的地點係--馬大石澗。<馬太石澗?>短短的1K路,都行左成幾粒鐘。
起步開初,不知所謂的阿蛋企左向舊石上面,又唔敢向前行,磨左好一段時間,
成村人等緊,按捺不住的我,行落水將佢"的"起,帶佢到對面... ...
可能如果唔係呢一下,可能我玩完全程對鞋都唔使濕。

其實行石澗都真係幾好行,雖然用上的時間會多一點,但係行石真係好好玩,
就好似向瀑布灣那兒行差不多,不過這兒是向上走。

入黑前已經齊人,解散。就這樣完成一個旅程。
跟住去左馬鞍山運動場,大伙兒去沖沖涼。

大家都沖好涼,洗乾淨。
坐向運動場跑道旁邊的位置,商議去邊度用膳。
原先計劃去打邊爐,最終係去了健一小廚<好似係這個名唷>,(之前幾次黎到這兒,都係向呢間度食)
食食玩玩就過了一晚,都差不多玩到成十一點先埋單。(玩到要罰飲三杯茶！)

同肥佬一齊搭680,去到砲台山落車,轉車返屋企。
我上左42,之後入到銅鑼灣望向後面,有架38,Tracy坐左向車頭。



>>July 28, 2003 at 12:00:32 PM GMT+8

2003 年 7 月 25 日 星期五 【晴】

早上起來,看過報紙,便搭23前往西環,約左Linda打羽毛波。
臨行入電梯大堂,肥安拿神秘出現。

我,Fiona,迕逆還有來遲的Linda,打羽毛球。(出門口前打過電話俾Linda,她才剛起身)
都唔明做咩無啦啦Linda近來好像迷上了羽毛球一樣,成日嚷著要打。
唔多會郁的肥安拿,揀老婆唔好揀呢 d 呀！
就算有時佢郁一郁,都係無咩效果。
玩玩下咁渡過了一粒鐘。

之後5號場有三位小朋友book左場黎打。(我地仲諗住無人黎打多陣)
佢地仲問我地拎個人同佢地打,因為他們差一個人,最後果個人係我。
兩男一女的小朋友,以球技黎計,那女的當然比不上另外兩位男孩子,
而那兩個男孩子,一個較高大但係壞氣子,
另外帶眼鏡的一位比較細粒,但係就比較可愛,我很喜歡他。(他更是穿著Badmintor team的衫的)
邊個比較利害就暫時未清楚？唔知還有沒有機會跟他們打打呢？臨走佢地拿了我的 icq no.
都同佢地打左成粒鐘,阿熙黎埋,Linda唔等我了,過去街市的熟食中心食Lunch先。
我跟佢地三位小朋友輪流雙打,當然得分較多的當然係與我合作的一方啦！

因為Linda話迕逆無球拍,咁我咪帶埋番舊的球拍去囉,(塊787放左向Linda度,佢幫我帶)
(點知迕逆係有拍了,太過份喇！)
唔知點解細細粒果個見到我有塊拍多左,就拎左黎用... ... 佢竟然話果塊輕？
之後我梗係俾埋塊787佢試試... ...塊舊的,我都會覺得有點"重",佢地竟然覺得"輕"。
既然係咁,我就將塊舊拍留低俾佢地,我當然唔敢用上個"送"字,話哂都係舊野,而且又唔係靚拍。
何況我亦樂得帶少塊拍走,哈哈。
真係希望有機會跟他們再較量！

過去匯合Linda食Lunch。
講開話去可樂廠的參觀,原來正正就是今天。
而負責帶隊的社工係Peony,Linda幫我打過電話俾佢........
幸運的我,因為架旅遊巴去錯集合地點,所以來遲了,而我亦趕得切走落科士街匯合大隊。
咁大個仔都未去過太古可樂廠,倒想參觀一下它的博物館,不過原來好細下架！
去益力多廠有益力多飲,當然地去可樂廠都會有可樂飲喇！
支裝可樂一支,喝著看它的短片。
大約一小時的旅程,話都無咁快就完結,下？乜睇過野架？
臨走,有買紀念品時間,我都買左隻搖搖,盛惠五塊錢。(金搖搖賣十五蚊,唔太合理吧！？)

返到科士街解散,搭5B出灣仔,越坐越眠訓,
坐到去金鐘才睡著了,好似入灣仔果段好擠,總叫睡了一覺。

晚上,FAM+2 gathering,去左Iris之前做過果間"我間吧"。
好耐無試過咁齊人了。



<時候不早了,有機會待續>


>>September 2, 2003 at 1:44:27 PM GMT+8

2003 年 7 月 24 日 星期四 【雨】

來得相當急的「 伊布都 」,轉過眼就走了。<來得快去得更快>
天文台早上0815改掛三號強風訊號,仲唔玩謝哂班打工仔！

原本諗住今日... ... 可是竟然... ...哈哈。
向呢 d 時候,有女朋友的話, 真好。

下午,幾個無聊的人約左出黎,去打保齡。
中央圖書館等,我最早到,去到見未有人,去搵野食... ...
胸肌黎到,佢又點左個沙嗲牛肉蛋麵食,等埋肥佬黎。
收到Tracy電話,連佢都到了,終於可以去碌link了,佢還帶了朋友一個, 馬。(他解釋道：會跑果d)

好耐沒有來過這裡了,(當然自從和她分開以後,便沒有這個機會)又來到四樓的保齡球場。
換好鞋便開始碌喇！
結果真令人失望。
第一局我的得分只有105.
打多局得分都係差不多,得108.
成日都係打得三四個全中,真令人失望！
自己越打越荒、亂、震。
而我更害怕的是連一百分都過唔到,
好彩最後Game10第一球都俾我打到全中(兩局都係),總算叫過百。
不過都使我相當失望。

難得真的是遇強越強？！
點解我之前可以打得咁高分,係因為阿釗？定係因為"妳"呀？
記得那一次同阿釗打,當我打到高分的一局,佢都跟住我拎差不多的分數,
而較低分數的局時,他的得分亦相對地低了下來。




>>July 25, 2003 at 10:12:12 AM GMT+8

2003 年 7 月 23 日 星期三 【雨】

在西貢大浪灣大灣擱淺、因拯救無效被人道毀滅的抹香鯨，屍體經過連日日曬雨淋，
今朝由30多名鯨豚專家及工人埋進萬宜水庫西壩的北面角，讓牠「入土為安」。
專家將會不時重返「墓地」，了解抹香鯨腐化情况，以取得骨骼製標本。

起身,上網睇埋報紙。約媽咪1315過油麻地"電影中心"匯合。佢早過我少少到,所以買埋飛先。
還有一段時間先開場,先去吃過飯,媽咪帶我去一間出名食焗排骨飯的老牌的餐室,即管這樣叫。
格局分上下兩層,地下果層仲有麵包賣添,而樓上果層就有雅座有冷氣,有點像上一代的茶樓。
呢間野收費原來都幾"甘",我同媽咪兩個人食,埋單都要過百,
好難令我會再來嘗過,搵間舒舒服服都唔使呢個價位啦！



藍色大門 Blue Gate Crossing

導演： 易智言
演員： 陳柏霖、桂綸鎂
片長： 84 mins
語言： 國語 (中英文字幕)

故事簡介:

十七歲女高中生孟克柔與同學林月珍十分要好，無所不談，
月珍跟小孟說她喜歡了同校男生張士豪。
月珍對士豪的想念日益嚴重，哀求小孟替她向他表白。
張誤會小孟因害羞不敢承認是她喜歡自己，
自此常常借故親近她，更不期然被她憤世嫉俗的個性吸引。
所有人以為他們在拍拖，月珍更對小孟不瞅不睬，
小孟不敢確認自己心中是否喜歡士豪，最終她跟他揭示了這個秘密……

電影清新浪漫，充滿新新人類的偶像劇風格，
讓各年齡層的觀眾都感動無比，懷勉青春時光！
三個角色在戲裡各有各的情感困惑，
但是本片反映時下年輕人那種執著及癡傻的愛情觀，詮釋得自然生動。
簡潔，直接地探討少年忐忑愛情心態。

睇緊戲的時候,已經掛上了三號強風訊號。
離開戲院,都未開始落雨,還未有大大的風,
行過老麥果邊,覆番個電話俾錢小姐,佢問我考慮成點,屋企人有無咩意見咁... ...
雨開始越落越大,還有風兒在吹趕著雨水,終於感受到颱風的來臨。
... ...因為天氣的關係,佢話都係過埋過風先再約。<即係聽日,哈哈>

送走媽子,上左去商務(佐敦)睇下書,磨磨時間。跟住又摸上了時代繼續磨。
行下行下,最後都係去番HMV(TST),都好耐無來過了。
聽聽歌,聽陳奕迅的新碟" Live for today ".
聽完頭兩首"幸災樂禍"" Katrina ",跟住聽到"十面埋伏",Tracy就來到了。
當時的我,背向電梯......佢先拍拍我左邊膊頭,跟住企向我右面,
好彩我估到會係佢,如果唔係佢就唔好彩了！



時間都差不多了,先填填肚真空,我可沒有太肚餓,係Tracy.
簡簡單單吃過麥記,再用五分鐘時間行過去上堂。
呢堂有講者(卜福晨)黎講"溝通的勢藝術"。<小福星？>

開初給我們做了一個問卷(領袖特質)。得出的結果：
我與胸肌差不多,P分比T分高,
而Alex,Polly,Tracy的結果就剛剛相反。<竟然阿蛋會走係平線出黎？？>
即係話我同胸肌係主意放任領導,而他們就係專權領導主意。

好像有好多學員都無黎,我地組就有阿Bear沒有來到。
還有Chammi都無到,太過份了,累我帶埋d碟給妳。

落堂後,去左"打冷"。可以話係聯組,雖然都係得三組部份成員。(可缺了第四、五組)
還有一位輔導員與我地同席而吃,佢係小流<未肯定係咪呢個"流"字,錯左再改>
(順時針方向去)還有Tracy,阿儀,Gigi,Josephine,我,男仕<唔記得左個名>,胸肌和肥佬。
又係九個人喎,咁咪好似係我地911換左人咁囉。仲要都係五女四男。

都係同Tracy行番去佐敦搭970,這一次可要是她先送我落車,她要到到香港仔辦點事。
當我落車後,聽收音機,原來剛剛掛上八號風球了。
<一路行過去佐敦,一路我地還討論著"自負與自信"的問題,對我黎講這只不過是角度問題>

<2003072415, 人氣： 2046>



>>July 24, 2003 at 2:11:51 PM GMT+8