2003 年 9 月 27 日 星期六 【晴】

人氣指數：3551

多謝支持。

>>September 27, 2003 at 2:34:37 AM GMT+8

2003 年 9 月 26 日 星期五 【晴】

一個偏僻無人既沙灘，
兩隻海龜"�"痚筆僩R做既事．

男龜對女龜講：好過癮呀，不如我地明年今日，再薊薳O度，做返同一件事咯！
女龜：好吖，我地明年今日再見！

男龜好開心咁游返大海．期待明年今日既來臨．

時光飛逝，一年後，男龜已好心急，
決定早一日游返去個沙灘度，等待女龜既來臨．

點知，佢去到沙灘，竟然見到女龜已瞓左沙灘上，晒緊太陽．

男龜：哈，估唔到你仲心急，早過我薄D
女龜：早你個頭！舊年你未幫我反翻轉身就走左，
　　　累到我唔走得，鈳B四腳朝天晒左成年呀，死佬！

>>September 29, 2003 at 10:50:32 AM GMT+8

2003 年 9 月 25 日 星期四 【晴】

討厭的電腦病毒！
討厭那些編寫電腦病毒的無聊友，
人地部機有事你好開心吧！？

天氣十分好耶。
藍藍的天空,真美！

想到沙灘曬一曬,不過最後都去唔成。
三時多,坐小巴出中環,去搵杉美俾張表格佢。
交接完成後,肚子餓起來了,要去找點東西吃哦，
行番上去"沾仔記"食牛肉麵加碟腐乳通菜。
食到七七八八時,發現原來竟然有個甚麼特餐,麵+飲品$12,
加兩蚊有野飲,怎能夠少了我的份兒,檸檬茶唔該。



坐電車過灣仔,去合和上"飛利浦"拎番部收音機。
跟住原計劃係去銅鑼灣拿機票,不過打完俾Josie之後.........
佢話等佢聽日去拎喎,佢聽晚去"泉X居"食飯,........
如是者便行左出去搵佢吃點東西。長方形的雲吞,唔係好可口的酸辣湯。

阿麻老豆地原來又黎左灣仔,去左鵝頸橋那邊買菜,
過去搵埋佢地一齊搭的士返屋企。
姑姐同慧賢都來了吃晚飯。
食完飯,唔知點解好眼訓,爬左上床無耐就睡著了。

>>September 28, 2003 at 2:52:22 AM GMT+8

2003 年 9 月 25 日 星期四 【晴】

情人

愛有多少，付出也要有多少。

愛情不是單行道，他(她)的好更不是理所當然：
生氣時，想想他(她)的可愛；
抱怨時，想想他(她)的委屈；
冷戰時，想想他(她)的溫暖；
兩人懂得付出，愛就會久遠........
畢竟，真心相愛並不容易，不要輕言別離哦！
「送心愛的人回家，哪裡都順路！」

>>September 25, 2003 at 2:49:47 AM GMT+8

2003 年 9 月 24 日 星期三 【晴】

命裡有時終須有；
命裡無時莫強求！

命運由誰編製？可會更改？

因為有"因",便會出現"果"。
而今日呢個"果"係我訓到成十一點先起身。可是又比我預計訓少左.......
不過吃過飯後,我又走左入房訓,一訓便訓到四點至起身。
沖涼換衫出去銅鑼灣,上去"恆隆"間"關鍵"俾埋尾數二千九百幾,
俾錢時Karen話聽日兩點後可以上黎拎機票.........早講呀！咁聽日一次過黎俾錢拎機票嘛！


搭"丁丁"過灣仔等Josie,
架車一直去到灣仔我落車時都唔客滿,仲大把位坐,認真奇景！
搵左間茶餐廳坐低點了份下午茶餐：西多士+凍檸茶
坐低諗住做下功課先,
非典營的Treasure Hurt一直以來都沒有完成過,今晚開會點都要準備一下吧！
可是來電像是停不了的,大概是意外吧,意料之外吧。..........

有些事,我的見解都會俾人覺得幾無人情味,因為我覺得不怎樣哦！
所以........不去記錄比較好。

Josie終於都放工走得(當初仲話同我一齊上"關鍵"俾錢)
地鐵站匯合,一齊過去九龍塘。
她說這便是第一次一齊搭車黎開會喎,大概是吧！

紅門集合,向飯堂食埋飯先去開房開會。
剛巧當時餵蚊(Raymond)返完小屋幫我地打個"同社"印咁,路經九龍塘,
跑過去火車站麻煩佢落一落車,交接份"表格",在這兒再次感謝餵蚊先生！
又跑返番飯堂,他們都吃得七七八八了,可是........
阿儀食唔哂,分左一半焗豬扒飯給我,而其他人都有餘下的.....就這樣都吃得差不多了。

按章工作,無乜閒話家常(應該係話減少了)
十點幾就傾哂了,散會喇！

約左Ellen出黎吃點東西見過面,原本仲諗住會大伙兒,可是最終得番四個：還有阿儀同胸肌。
去左旺角食綿花冰。(月頭時跟杉美肥佬吃過的那間耶)
四個人,點了一個綿花冰,蠔仔湯飯,煎餃子還有韭菜卷x薯條。
飽滿嘛？其實我仲想吃多個冰的。

回到家,跟Josie通電話,
討論那依然是原始基本簡單卻難以解決的複雜問題。
有兩全其美的解決方案嘛？

>>September 25, 2003 at 3:54:46 AM GMT+8

2003 年 9 月 23 日 星期二 【晴】

一點鐘深水步,
同Bear Bear去處理一下營衣的事。

之後,
去探探媽咪,剛從日本旅遊回來,買左條很重手的銀鍊給我,可是我暫時都無興趣戴飾物。
搭2號落去油麻地,交左幾張表去救世軍,行過去百老匯電影中心。



這兩部作品充份發揮獨立電影的大膽創新精神。
由廖啟智、曾志偉、黃秋生主演的《福伯》，
以殮房聽差、殺手以及死囚廚師三個主要人物的故事探討死亡與命運的主題，
導演黃精甫與李公樂對視像和構圖的拿握與詭異氣氛的營造都極具風格。
而揚威海外十多個電影節的《好郁》，
一方面赤裸裸地剖析女性情慾，在大膽坦率之中亦有含蓄敏感，
另一方面對描寫香港這個後現代城市也有深刻獨到、色彩鮮明的呈現。


>>September 25, 2003 at 2:52:47 PM GMT+8

2003 年 9 月 22 日 星期一 【晴】

老豆媚姨同阿麻計劃上深圳,
原先我都無諗住上去,
雖然都好想去按摩。

早上起身,送Josie出灣仔返工,
食唔切早餐了,因為中環塞車。
佢向公司樓下買碗粥就返上去了。
而我就去買份蛋牛冶+豆槳,搭巴士返屋企。

好眼訓,一返到屋企就除衫訓覺先,
都未訓得著,老豆就打黎問上唔上去,我答左話唔上跟住就俾左個電話阿麻.....
過左無幾耐,Josie打黎話依家去緊搭車返屋企拎埋回鄉証要上深圳辦點事拿點東西......

就這樣一齊上去吧！
同佢約向九龍塘火車站車頭匯合,我搭旺角小巴再轉火車上九龍塘,話咁快就到。
Josie黎到,上車啦,火車開動了,正前往大圍方向,
剛入隧道,老豆的來電,問我向邊........竟然我地搭埋同一班火車,我同Josie在車頭,佢地在車腰。

路經"香格里拉",Josie要辦的事好快就辦完,
再行過少少去飲茶。
媚姨地去東門修甲,我送番Josie過關,跟住再隻身搵車搵路去番東門匯合番老豆。

羅馬假期按摩三小時,先按足後全身,可是睡不著。
小肥羊火鍋,我自己一個食哂成碟肥牛,勁呀。

>>September 25, 2003 at 2:29:33 PM GMT+8

2003 年 9 月 21 日 星期日 【陰晴不定】

十二點過後,
Josie向金鐘,
出去接佢。

"非典營"第二次長洲 PRE-Camp.

因為落雨,走左去個亭度避雨。更跳起舞來。



人內背景板。
見唔見有"光管"？

夜晚果餐，去左上次食果間的隔離果間食。





回程，又在新渡輪上。
罪証, 小偷基。
接贓者, 錢。
一堆賊！
受害者。
又完成一個旅程。


>>September 25, 2003 at 3:58:09 AM GMT+8

2003 年 9 月 20 日 星期六 【晴】

美國經濟從科網股泡沫爆破的谷底反彈了，起碼對於超級富豪如是。
美國《福布斯》(Forbes)雜誌公布今年美國四百大富豪榜，
眾富豪的總身家算合起來為七萬五千億港元，比去年多了一成；

「微軟」主席蓋茨連續十年位居榜首。

早上九點幾起身,上網睇下報紙咁,差不多十一點了,要出門口喇。
臨熄電腦,去Cheak mail,其中一封是SUNDAY的電子月結單。
看罷, 一頭是煙！
大概半個月前,申請轉台過ORANGE,
咁諗住原用的是十五號截數,咪將個啟用日期延遲到十五號先用"橙"囉,
誰不知就這樣, 給"星期天"陰過夠！

本月收費合計 $ 265.81 (額外本地通話費$197.35)
要我交成兩百,過份左喎！
這個月我計過度住咁用,扣番累積免費通話時間結餘,應當剛好用凸少少......
難道這正是"自以聰明"反被"聰明"誤！？

上期一般累積免費通話時間結餘: 154 mins
總通話用量 821 mins 分鐘
包括「網中人」通話 43 mins 分鐘

詳情 (已使用分鐘)
首580.65分鐘「網中人」免費通話時間 , 43.00
首580.65分鐘一般免費通話時間 , 580.65
$ 1.00 Per Minute 每分鐘 $ 1.00 , 197.35
>>如使用基本通話服務不足1個月，免費通話時間以按比例形式計算<<

打上去服務中心,個服務員話因為用唔足一個月,所以累積免費通話分鐘無得扣減。
有無搞錯！？

去石硤尾打籃球,好耐都無試過同阿魁一齊去了<應該係話佢好耐無同我去打波了>
因為...........Sunday的月結單......搞到成十一點三先出門口。
打俾阿魁,佢都剛出門口,仲向樓梯口等埋我。
阿傑個賤人掛住訓覺唔黎打波,難得搵到阿魁黎。

今日犀利啊！
遲左三個字去到,搭半才開波........同阿魁一連打幾場,打到點半過後,除左最後果場無打........
去洗手間洗個面，飲水機飲啖水,返番去睇下有誰來電過.......一連幾個 miss call, 幾個 sms...........

麻煩了杉美小姐,真係唔該妳！

沖埋涼,落去搭地鐵過返銅鑼灣,諗住去食"華香雞",不過鋪仔細細又無位,
最後去左"吉野家"食牛肉飯。
因為懶,唔想行,搭31返屋企。



>>September 24, 2003 at 11:55:24 AM GMT+8

2003 年 9 月 19 日 星期五 【晴】

出去灣仔同Josie食Lunch, 沙煲沙煲。
跟住過左去銅鑼灣... ...

SWAT 全寫為 Special Weapons and Tactics unit (特種武器戰略小組)，
源於六十年代，洛杉磯發生了一件「和特斯暴亂事件」，引起激烈的警民衝突，
有見及此，警方決意成立一支防衛部隊，由警員自願參加，
目的是為了加強警力，更有效穩定社會的治安。
一九七二年， SWAT由洛杉磯警局正式成立。



想加入SWAT並非易事，要在洛杉磯警局服役四年後，
再申請加入都市分隊，服役超過一年後才可申請加入SWAT。
在面試過程，他們要接一個為期兩週的訓練，
成功通過訓練才能有機會被挑選成為SWAT隊員。
據資料顯示，每年平均近五十名警員申請，成功入圍的就只有八至十名。

自己一個睇完戲,又走上去老麥的McCafe飲咖啡,
這一天我點了"意大利咖啡",大大杯。
等埋Josie放工過黎匯合上去恆隆問過清楚。

終於都落實行動報名去上海了。
揀選了入住古象大酒店,因為該酒店正正就在外灘鄰近的旺區。
最可惜係Josie唔肯揀要King Bed.

從過去到現在，緣份竟巧妙地穿梭於兩代空間。
此情此景，在過去也曾巧合發生過。
會否驚嘆世事乃天註定，還是可幸自己也曾經歷過不枉的愛情 … …
那種長存在回憶裏至死不渝的愛情。
The Classic 是有關兩段愛情故事，在不同的年代，從同一扇窗出發 … …

假如愛有天意 The Classic

導演： 郭在容
演員： 孫藝珍, 曹承佑




《 向左愛‧向右愛 》 孫藝珍
《 戀愛素描 》 曹承祐
《 我的野蠻女友 》 導演郭在容最新浪漫力作

故事簡介:

1968年夏天…… 　　俊河到鄉郊居住的伯父家過暑假。
他遇見珠喜並對她一見鍾情。珠喜出身名門望族，家教甚嚴。
一天珠喜偷偷地要俊河帶她看看村裏的鬼屋，他們歡渡了難忘的一天，
只是未有預料到的風暴，把他們的船吹走了，
珠喜在途中又把腳弄傷了，俊河唯有背著珠喜繞著湖步行回去，把珠喜送回家時已經很晚，
珠喜闖出這個禍以後便立即被送回漢城，跟俊河沒有話別就分開了。
俊河懷著沉重的心情渡過餘下的暑假。 　　
暑假過後，俊河回漢城上課。班上的泰秀要他寫情書給一女孩子，而這女孩正好是珠喜。
俊河並未有向泰秀表白他暑假的戀愛片段，只是不情願地順從朋友的請求。
愛情緣起於從前…… 　　梓希發覺母親的初戀故事跟她的遭遇竟巧妙地相似。
種種的巧合更令她對尚民的好感日益增加。
雖然她因好友的緣故打算徹底忘記尚民，但種種的試驗更證實她的感覺是對的。



片中最能令觀眾留下深刻們象的當然是飾演兩個角色的孫藝珍。
孫固然樣子甜美，但她的演出也不遜於她的樣貌。
有點可惜的是她兩個角色給人的感覺相差不遠，
有時筆者也要想想銀幕上出現的她到底是珠喜還是梓希。

是命運是緣份是天意, 要是注定相愛.......?

兩個幾鐘的電影, $60 睇皇室PALACE, 舒服喎。
戲後,同杉美補番食飯,去左食一品香。
酸辣湯,炸銀絲卷,蝦仁豆腐客飯,我地兩個都幾食得架,
當然講都唔弱啦！

>>September 20, 2003 at 10:34:51 AM GMT+8