2004 年 1 月 28 日 星期三 【晴】

還有一點點。只差一點點。
就整個月都係返夜。
（當中有四日返中更。即係返十二放九點三。但。又如何？）
我被渣乾。被渣淨了。

我好想好想和朋友和屋企人可以食餐飯。
日日餐餐都係自己一個。
一個人食杯麵。一個人去排隊食大家樂。
一個人在車上食我最討厭的麥當勞。
（我食佢都只係貪佢可以0係短時間內有個熱辣辣又有肉0既包！）
夠喇！點解要大節流流噤對我！><~

其實。我知我所受。比你或者你或者佢或者唔知邊個更微不足道。
但係。我頂唔順。我都唔想俾人知原來我係噤軟弱。原來我係噤怕寂寞。
唔緊要。你0地唔洗理我。
知道。唔需要要行動。唔需要講咩說話。
唔好同我講任何0野。真係。唔好！
我只係博緊人同情。我真係不知所謂！

即使我呢家噤講話咩自己不知所謂。都係為0左自己。
你明唔明呀！？我好自私呀！但係我控制唔倒自己。
你明唔明呀？下？

>>January 28, 2004 at 8:32:11 PM GMT+8

2004 年 1 月 24 日 星期六 【晴】

尋晚去0左water豬同kalla豬同高高豬夾手夾腳搞0既迫爆園。
簡直係五星級的家。五星級享受。
等齊人到都係等0左我五六個鐘。。。。。。

0係等0既其間。我同高高玩篤波。。。
（篤桌球。snooker。晶~你唔好0係我個場玩0野~）
就憑我0係中學上pe果時玩康樂棋所培訓出0黎0既技巧。
（因為係自由堂。冇0野做。但又唔想走走笛笛所以去玩康樂棋。）
我贏了。

迫爆園好大。
可以容許我0係佢0地0既床褥上面表演蜈蚣彈。
還好我寶刀未老。都仲未斷骨。

迫爆園提供俾大家一個hea的家。hea的全新理念。
如何hea得有價值。根本就可以寫一篇論文。
hea亦都係一個新詞。
雖然冇咩0野adult-->kidault噤有意思。
但你知道嗎？年輕人壓根兒都是無厘頭！

尋晚聽maxine一席話勝過讀十年書。
佢話呢間迫爆園0既黑色牆磚+白色牆壁。
好似一間新式公廁。
旺廢高高苦心並似是有品味地將粉紅色牆磚油黑色。
之前佢0地話似浴室。始終難逃扼運。宿命宿命。。。

好喇。
有0的支力。。。下次有機會再講。

>>January 25, 2004 at 8:29:50 PM GMT+8

2004 年 1 月 22 日 星期四 【晴】

。。。。。。。。。。。。。。
。。。。。。。。。。。。。。
。。。。。。。。。。。。。。
。。。。。。。。。。。。。。



好沉重好沉重好沉重。。。。。

我用心去感受您的感受。
沒有用！！！
我甚麼都還未有經歷過！

我討厭我自己。。。
眼白白的看著您傷心得透不過氣來。
眼白白的看著您傷心得說不到一句完整的說話。
您哭得累了。便去睡。睡醒。再哭。

您承受不了嗎？
就讓自己倒下來。
讓自己盡情的沉下去。

我會看守著您的。

>>January 22, 2004 at 7:51:12 PM GMT+8

2004 年 1 月 20 日 星期二 【晴】

眼淚從來都不是我可以控制的。
即使沒有動容。淚總會溢出。
而且流的更快更多。
當我。想東想西行來行去面對的都只是一幅牆時。

試過嚎哭沒有？痛快！
像小孩一樣。大哭過後。有得食就會笑。

"支"黑頭時流淚？跣手！
所以我不會"支"黑頭。。。

為甚麼會哭的呢？
哭過後。用不用喝一支"寶X力"來補充身体內所失去的水份呢？
那麼我會否失去礦物質？
會不會不用去廁所一次？
哭過後的眼睛不腫不漲的必殺技（好潮呀必殺技~）是。。。？

情人的眼淚
為什麼要對你掉眼淚 你難道不明白是為了愛
只有那有情人眼淚最珍貴 一顆顆眼淚都是愛 都是愛
為什麼要對你掉眼淚 你難道不明白是為了愛
要不是有情人跟我要分開 我眼淚不會掉下來 掉下來
好春常在 春花正開 你怎麼捨得說再會
我在深閨 望穿秋水 你不要忘了我情深 深如海
為什麼要對你掉眼淚 你難道不明白是為了愛
要不是有情人跟我要分開 我眼淚不會掉下來 掉下來

>>January 20, 2004 at 7:59:07 PM GMT+8

2004 年 1 月 18 日 星期日 【晴】

我係浪漫型(生日日期︰2,7,9,11,18,"20",27,29)
性格解構：
簡單地講。
她的個性不但溫婉浪漫。
感情豐富。更是多愁善感。
而且為人十分敏感。懂得察顏觀色。很善解人意。
此外。也熱愛和平。她的小缺點就是容易為一點小事而受傷害。
又因太過自我中心而缺乏與周圍協調的能力。
感情用事亦是其中一個小毛病。往往會因此而影響大局。
此外。運氣雖然不錯。
但如果過於任性。或者會碰上意想不到的挫折。

我個性格好浪漫呀~~
好似果0的好任性但又容易受傷害要人保護要人愛錫果0的天才呀~~~

呢家香港好凍。
凍到落雨。
我一直都當0係冬天落雨係落雪。
落雪好似落雨。因為。
落雨會更加凍。再凍0的就落霜。之後落雪
好鐘意冬天可以著住件大褸。
唔係因為可以扮mark哥或者mark姐。
係因為可以扮風雪中的北平。行三步退後兩步。行三步再退後兩步。
我喜歡慢慢的節奏（留意：係節奏）。唔怕亦唔計較付出有幾多。
因為我知。一定會有回報。多又好小又好快又好慢又好。唔好迫我。

仲有。唔好0係我面前扮快扮醒扮有效率。
我只會覺得你戇居。

>>January 18, 2004 at 7:29:22 PM GMT+8

2004 年 1 月 16 日 星期五 【晴】

我隻大牙話。
叫我唔好成日講大話。
同埋唔好成日都唔擦牙。
噤會搞到佢黑文蚊。
之後佢嬲我。成日整痛我。
佢話佢唔想整痛我。
如果整痛我的話。不如佢離開我。
噤但係佢離開我0既話。我會留好多血。我都會好痛。
佢話長痛不如短痛。
我話咪噤啦。
最多我以後朝又擦牙晚又擦牙。
同埋以後都唔講大話囉。
大牙話。信住我先啦。

但係。大牙無因為我日擦夜擦牙。
同埋無再講大話而返返以前噤。白0雪0雪。
佢依然係黑文蚊。

其實大牙一早就知。
即使我呢家點做都好。
大牙都唔會白返0雪0雪。。。

大牙只好默默地默默地默默地。

我唔會俾大牙離開我0架！

>>January 17, 2004 at 7:54:07 PM GMT+8

2004 年 1 月 15 日 星期四 【晴】

聽at17重唱張立基0既<你好嗎>。
令我勾起以前。。。我都幾鐘意聽張立基0的歌。。。

慢歌有絕對經典0既<盼你此刻奔向我>。我勁鐘意~
快0的單嘮！你0地一定愛上。
亦有與當時得令肉彈葉玉卿柔情合唱0既<一切都因為愛>。
提外話：葉玉卿當年曾與林志潁一同奪得最佳新人獎！

快歌有<震憾>。以下係其中一段歌詞。
P.A.S.S.I.O.N火燙火燒火裡吻 。
深宵深深心印心P.A.S.S.I.O.N。
一段極度精彩0既歌詞！

仲有仲有。記唔記得？
Ah~熱力似天火熱熾。Ah~電量就似不死電池。
Ah~若是你粗心大意。Ah~就像是我今天恨遲。(Electric Girl)
最後要好狂野好似隻獅子噤唱出Electric Girl~先夠原汁原味。

比夠輕鬆0既有<你走了>。
如果at17重唱埋呢首就好lu~

陳淩~你唔好話我係三十幾歲。
呢0的歌你一定記得！你大過我0架！！！
仙癬線茜扇倩。
多多指教~

>>January 16, 2004 at 8:17:17 PM GMT+8

2004 年 1 月 14 日 星期三 【晴】

今日係一月十五日。
我最最最痛錫0既人今日生日。
我咩都唔想。
我只係希望佢日日都可以開開心心。0喜0喜哈哈。無病無痛。
即使遇上不如事。傷心欲絕後又是一條好漢。
生日年年月月日日快樂！！！
蓮蓮萬歲！！！


我屋企0的水鮮開花喇。
到年初一咪謝？大吉利事！

>>January 14, 2004 at 7:15:17 PM GMT+8

2004 年 1 月 12 日 星期一 【晴】

有個伯伯佢叫羅拔。
唔知點解佢同我0地好fd。
佢唔係我0地0既客。
佢只不過係一個已經退0左休好得閒0既伯伯。
佢曾經請過我0地食雞翼。食砵仔糕。食魚生。
佢操住唔純正0既廣東話。
佢所講0既說話。我最多聽得倒六成。
佢成日話我chi負老人家。因為我一有機會就會嚇0下佢。

有一次。佢行埋0黎羅起0左一袋兩粒0既朱古力。
我話好食0架~你食0丫~我請你。
然後佢就話：你人工低呀！唔洗~
我就話：好味wor...
佢依然好唔領情噤講：你人工有一萬二千先請我啦！
最後。佢自己俾二十蚊。買0左果兩粒朱古力。

er.......我好專敬我國唔知發展0左幾多千年0既文字0架。
查實係噤。
我用果隻"粵語拼音"有時搵唔倒我想搵果隻字。
但係佢淨係有果隻字0既簡体字。
噤我咪用簡体字囉。
我唔係特意想摧殘我國發展已有千年0既文字。。。
中國文字萬歲！飲勝！！！
喂~整返首"龍的傳人"先啦！

>>January 13, 2004 at 7:29:25 PM GMT+8

2004 年 1 月 10 日 星期六 【晴】

今日我同墮蓮行街買衫。（男人老狗俾我0地叫墮lin）
實在太精彩喇。
佢竟然打0左去俾英國0既晶晶。
原來晶晶0係果邊改0左個英文名。（呢個英文名佢唔俾我爆嚮口。）
果然。電話中0既佢俾我0地串到猛叫收線。
可憐晶晶。。。。。。
其實我真係好掛住你。香港有得買<又寂寞又美好>喇。
你係咪好想擁有？
唔。。。我仲煩緊買唔買0黎自己睇好。。。。。。

其實今日都無咩好講。
最大0既收鑊都係知到晶晶0係果邊0既英文名。
另外墮蓮都同以前無咩兩樣。
淨係知我急完屎之後到佢急屎。
但係佢話就算有廁所都唔會去屙。
因為佢話佢著0左條絲質孖煙通woR。

致某人：
您喊得耐唔話您傻喇。
任得您喊呀~任得您發癲任得您發我脾氣。
但您記得要呻鼻涕。唔好任由0的鼻涕留0係人中附近。
會爆擦0架。一陣又話好痛。。。
唔好帶CON住喇。。。喊到隻眼好似俾人打劫打腫0左噤。
我知~您唔做生日唔代表唔收禮物~完全明白。
小人今日已經為您購買小禮物一份。您放心。
如有任何不滿。小人願意買完再買送完再送。
噤你乖0架喇播。唔好亂諗0野。
您要知道有好多人都好錫您。好支持您。
唔~係噤啦~

>>January 11, 2004 at 7:25:12 PM GMT+8