2003 年 7 月 5 日 星期六 【晴】

0烏0烏0烏~~~~
好慘慘呀~
條利生飛滋。個口裡面又生0左兩粒飛滋。
好多滋滋呀~~好痛痛呀~~~
公司0的人叫我搵鹽孱0下佢就會好快好返~
點孱姐~孱昇盤咩孱~搵埋百潔布0丫笨~

講0的0野俾你聽0丫。
有一晚我收夜放工。返屋企之前買0左皮蛋廋肉粥羅走啦。
點知我行行0下。諗住轉手渣粥。
你知唔知做咩呀！？
佢跌0左落地0下呀！
我見住0的粥不斷0係0的爛0左0既罅位度湧出0黎。
果0下真係。。。

過0左幾日後。返早放工。
見倒街頭有八蚊一隻炸雞髀。
相當興奮！非佔有它不可！
就買佢返屋企享用享用一番~
0係我諗住轉手之際。
oh my god>0<！！！

有時可以有時唔得有時傷心有時開心。
係你0地要我有時。定係我要自己做乜都有時？
我好亂。俾我自己話事。
我就0黎發癲。

>>July 6, 2003 at 7:07:36 PM GMT+8

2003 年 7 月 1 日 星期二 【晴】

尋晚我阿媽同我講。
爸爸媽咪呢家都唔鍾意你。
你有本事就自己搬出去住。
既然你唔想見倒我。
我都唔想見倒我。

我從來都無唔想見倒你。
我只係想。
我難得放早返屋企。我想靜靜。。。我好支力。
做自己鍾意做0既0野。
你點解要搵0的我一定改唔倒0野0黎嘈我。

我好喜歡你因為我而笑。
上次你向我笑。
係因為我0岩0岩起身0既時候0的頭髮"恕"起晒。
係上個星期四0既事。果日我好願意同你一齊去行街。

然後我未見過你望住我笑。
爸爸呢？好耐都無。。。都唔記得喇。

您知唔知呀？我唔係小丑。
我只係想你0地因為我開心。
我想您見倒我開心。您見倒我會笑。


>>July 2, 2003 at 2:04:58 AM GMT+8

2003 年 6 月 30 日 星期一 【晴】

好懶呀我。。。
好懶寫日記呀我。。。
但我又其實想寫。。。

但又唔知寫咩好。
就好似呢家噤。。。

0岩0岩電視做緊衛斯理。
果個芭芝幾靚女0架播。佢叫咩名0架呢？
不過佢自焚死0左lu~


>>July 1, 2003 at 10:20:46 AM GMT+8

2003 年 6 月 22 日 星期日 【晴】

今日同晶晶毛毛蝦蝦去食飯飯。
叫0左幾個"食送"同埋一罌明火例湯。
果明火例罌湯放0左0係我果邊。
噤迫於但不無奈之下。我0黎幫佢0地奘湯。
奘到蝦蝦果時見倒有渣。我就問佢：你要唔要渣呀？
佢話：唔要！
晶晶毛毛停0左兩秒然後爆笑。
你要唔要渣。。。。。。

今日同奶miu去睇<天地無倫>。
坐0係我格離果個竟然係阿伯。
呢個其實都唔多大問題。但佢一路睇一路郁身郁勢就有好大問題。
腰骨唔好唔好坐噤前0丫嘛。
睇完套戲之後。發現原來套戲都有幾多阿叔睇0架播。
唔知佢0地睇完之後會唔會0申笨呢？

講開呢套戲。。。。。。
可能之前煲得太行。仲要同kids比。。。。。。
所以。。。希望越大就失望越大。
之前明明話佢0地幾個係朋友。
但一路都無同場出現過。
到最後先安排一場雜交0黎交代返佢0地朋友0既關係。
好似格硬0左0的。。。。。。

唉~麻麻啦~早知睇vcd好過~


>>June 23, 2003 at 5:44:34 PM GMT+8

2003 年 6 月 17 日 星期二 【晴】

尋日有water豬豬同埋kalla豬豬幫我電頭髮。
其實佢0地一次都未試過。
都幾驚。
又唔知點解我又會放心俾佢0地搞我個頭woR。
可能我知佢0地會用心機搞我個頭掛。。。哈哈哈~
用心做0既0野。差極有限。

YOHO TOWN。
我覺得佢都幾煩0架WOR。
本來對呢個所謂0既豪宅都無咩0野。
但經佢0既瘋狂式巴士宣傳攻擊後。
我已經死0左。

知你高級知你高尚知你巴閉喇。煩。
佢果種入0黎我0地yoho town住就好有品味0既宣傳方式我真係頂唔得順。
佢個死人名好黑我憎呀。

哎。無0野喇。好眼訓呀~

美女。你成日行過都0黎搵我。我真係好開心0架。
你下次0黎搵我唔好走住。有機會（係有"機會"）我整杯0野過你飲。


>>June 19, 2003 at 4:45:21 AM GMT+8

2003 年 6 月 13 日 星期五 【晴】

今日約0左晶晶（昌昌）食飯。
前日我叫佢0黎青衣城食。
今日叫佢去奧海城。然後講講0下又青衣城。
最後用到摘銀仔呢一招。
結果係去奧海城。但最後0既決定權都係返返去青衣城。

總結係：好無聊。

阿姐同我0地點菜。
晶晶同阿姐講：凍 0 茶。
我同阿姐講：凍奶茶。
最後0黎0左兩杯凍奶茶。

換返 0 茶後。
我聽倒阿姐俾人鬧。哈哈哈~
鬧佢落錯單後當無0野又再落單。掉0左杯錯0既就算。
阿姐俾人鬧完之後。仲笑笑口走過0黎同我0地講。
話我0地係飲兩杯凍奶茶。

嘩~0黎找我0地晦氣呀~好驚呀~
咩服務態度呀呢0家~

但係好怯佢報仇呀~


>>June 14, 2003 at 5:14:56 PM GMT+8

2003 年 6 月 12 日 星期四 【晴】

呢家呢0的落雨絲濕0既日子。
搞到我每次返夜放工0既時候。
都好似午夜狂奔一樣。
唔係因為落雨無帶遮。而係因為有好多強強。
強強專0係0的陰暗0既角落伏我。
我見倒強強們就好似見鬼一樣。
一係嚇到唔郁。（因為唔知點行。行又怕會驚動佢。飛埋0黎咪仲死。）
一係就係噤跑。（因為行又死唔行又死。不如跑。）
俾其他人見倒都唔知我做咩。

尋日晶晶同我講：我霸0左你個LINLIN。
嘩係~你唔好霸我個LINLIN呀~哈哈哈~~~

>>June 13, 2003 at 6:34:38 PM GMT+8

2003 年 6 月 11 日 星期三 【晴】

O!!!
今日俾人話我個LOOK似F4。
我都只不過係著0左綠色背心+牛仔褲姐。
洗唔洗噤呀。。。

"香港地道小食"
一篇五百字0既文章。
我要作。
幫人作。
我0的字好貴。俾錢我。

>>June 12, 2003 at 7:20:22 PM GMT+8

2003 年 6 月 7 日 星期六 【晴】

應驗0左喇。
返早-->返中-->返夜-->放假。
果然係點吹都唔漲。點蚊都唔長。

尋晚返中。所以有時間去睇戲。
佢叫做<六樓後座>。
林嘉欣笑果陣時真係甜到震。好靚。
阿巧音0的面部表情核突得0黎真係笑死人。
最型果個就緊係周俊偉啦。
佢問susiz："八十八蚊買一個鐘頭0既快樂，貴唔貴？"
我心裡面即刻答：唔貴。我呢家一0的都唔快樂。
susiz就話："緊係貴啦~快樂係自己搵0家嘛~邊洗買0架~"
然後。我個頭好似俾人好大力噤拍0左一0下。鼻子酸酸。

我記得。當我0係李惠利讀書0既時候。
我要面對住一班傾唔埋0既同學仔。唔只係傾唔埋。
係唔鍾意。一個都唔鍾意。我寧願自己一個。
我不斷噤安慰自己。快樂應該係要自己去尋找。
搵搵搵搵。搵0左好耐。

結果。我搵0左三個月之後就退學。
唔搵喇。呢度搵唔倒去第二度搵啦~

呢0的應該係叫做逃避。

我竟然會答唔貴。原來。呢0家0既我。都仍然仲係逃避緊。

>>June 8, 2003 at 7:25:44 PM GMT+8

2003 年 6 月 2 日 星期一 【晴】

放0左兩日假又返工喇。
但返埋聽日我又放假喇woR。
放完假之後就返早更。第二日返中更。第三日返夜更。
諸如此類。如此類推。
有無玩過推理題先~
我小學又五年級訓練到六年級去考學能試就係呢0的喇！
問：噤。。。第四日係會點？
答：放假！
（講你又信！）

>>June 3, 2003 at 6:25:27 PM GMT+8