2004 年 2 月 27 日 星期五 【晴】

自從我上次扭左五個四個都一樣0既扭蛋之後。
同事們都起了哄似的去扭扭蛋。
目的有二。
一係想高中那部曉發音0既錄音機。
其二係想進一部証明我。。。証明我黑。
當然。黑唔係我。
係同晶晶0既二打六理論有關。
果班死傻仔。話我0丫0拿。

頭先想彈琴。所以去彈琴。
媽媽返0黎聽倒就講。
嘩~你終於肯練琴喇？
仲要問我。你幾耐無練過琴呀？
我突然間好罄（熱噤解）噤話。
我：我唔係練琴！我係彈琴呀！
練琴同彈琴係唔同0架！
我一聽倒練琴我就會覺得好有壓力。
我得閒去彈下渣嘛~練咩姐~練練練。九音真經呀？練！？
挑。

晶晶~~~鬧我啦！
鬧多我兩句啦！
我低鬧！！！我低死！
我蝦蓮蓮好低死！

>>February 29, 2004 at 2:38:24 AM GMT+8

2004 年 2 月 24 日 星期二 【晴】

今日我烏雲蓋頂。
扭蛋。
分三個時段。
第一時段扭兩隻。兩隻都係玩具A。(假設叫A)
第二時段扭兩隻。一隻係玩具B。一隻係玩具A。
第三時段唔信邪。扭多隻。然後真係唔到你唔信邪。結果係玩具A。

同事T與同事丙見倒好得意。跟我去扭。
然而佢0地與此同時扭到我最想要的兩個。
信是有緣。要是無緣怎可此刻想再見。。。。。。

高同埋KALLA話果個韓國女子好有味道。
我問有咩味道呀？
再自答。好有泡菜0既味道呀？
韓國女子個仔好鬼曳。

>>February 24, 2004 at 4:22:41 PM GMT+8

2004 年 2 月 23 日 星期一 【晴】

唔知點解。
唔知道經理係唔係知道0左我之前起晒勢噤話佢要我返成個月夜。
（呢句好長~）
所以。我呢排都係噤返早。

返五日早同返五日夜0既差別真係好大。

尋日放早返屋企七點半訓覺。訓到九點半起身食飯。
食完飯睇明豬台0既天花。
睇到十點半因為天花太悶。訓著0左。
十一點九起身天花經已播影完畢。
蓮蓮0岩0岩放工打俾我講0左陣。半個鐘。
我又訓過。涼都無沖。
訓到第二朝九點。一陣十一點又要返工。

ger。你做咩<我。

>>February 24, 2004 at 2:08:24 AM GMT+8

2004 年 2 月 14 日 星期六 【晴】

二月十四日。
我無任何表示。
您接我放工。請我食飯。

情人節前一日十三日。
我買0左個袋俾您。好平。但係我好鐘意。
情人節前一個星期。
您買0左隻公仔俾我。唔知幾錢。但係您好鐘意。

我同您0既情人節。
都過得好敷顯0下。
但係大家都唔介意。而且相當受落。
我們差不多每次見面都和二月十四日一樣快樂。
甚至比二月十四日更快樂。

我們隨時都可以二月十四日。

>>February 15, 2004 at 8:37:41 PM GMT+8

2004 年 2 月 11 日 星期三 【晴】

唔得。
呢幾日我返早。
屋企有人睇電視。
有人講0野。有人同我講0野。
我比所有外在進行得如火如掏（邊個涂？荼？途？唔~）0既物体吸yan（無果隻字。。。）。
我諗唔倒日記0既內容應該係乜。
唔知今晚我媽媽幫我煲果0的中葯苦唔苦辣唔辣呢？
阿醫師話我食得多生冷0野。
但佢都唔知我唔多鐘意食凍0野。
不過我鐘意飲凍0野渣嘛。
今晚我個肚仔又好痛。

蓮蓮近排好似好容易呷酢。
我諗我應該小心0的講0野。蓮蓮可~
蓮蓮情人節有人約。你想死呀可~
晶晶話蓮蓮肥0左叫我唔好同蓮蓮講~
嘩卡卡~蓮蓮~~~~晶晶~~~~

>>February 12, 2004 at 2:56:36 PM GMT+8

2004 年 2 月 6 日 星期五 【晴】

今日我放假。聽日我放假。後日我放假。
放假有如放生一樣。
係一隻困0係魚缸0既龜。
放生到小溪澗般。

龜在魚缸係幾噤格格不入。
你話喇。
好辛苦0架。又要猛噤撐上水面抖氣。
又沉到個殼"林"晒。
雖然有魚食。

我竟然話自己係一隻龜。
我係一隻不聞不問0既縮頭龜龜。

>>February 7, 2004 at 7:46:51 PM GMT+8

2004 年 2 月 5 日 星期四 【晴】

今日第一次從舊同學仔中接過利事。
反應與和接其他長輩的利事一樣。
就係無咩反應。或反應一般。

但你知道嗎？
其實在我心底的深深處。
是有一種莫明奇妙的或被受騙的感覺。
就好似。。。"我大個女喇~幾時到我結婚呢？"
（即使是我。偶然也會本能地想想。。。這就好像是人生終極目標。）
又或者其實果封利事係阿邊個miss托阿蔡同學俾封利事過我。

蔡同學的感觸應該比我還要深才對。
我又何必想想想呢？
其實我想想想0既原因都只係唔能夠接受自己已經長大。
我還喜歡叫樓下的看更做伯伯。雖然果個明明就係阿叔。或哥哥仔。
我還喜歡叫我伯娘舖頭裡的售貨員做姐姐。
（伯娘的舖頭在我小學時已經有很多姐姐！！！）
我還喜歡這樣。我還喜歡那樣。

我不得不承認。我已經廿二歲。廿三就來。
廿二。三十二。四十二。
都係好似呢0家噤？？？
仆街喇。。。

>>February 6, 2004 at 8:24:17 PM GMT+8

2004 年 2 月 4 日 星期三 【晴】

好喜歡別人溫柔地對我。
但唔好俾噤多我。我唔鐘意膩0既感覺。

尋晚俾錦獸美女見倒我瑟肅於寒風中食杯麵個樣。
當然係好樣衰。佢仲話要影我相。

尋晚食完杯麵之後個肚劇痛。
一返到屋企就訓落床。唔郁。
第二朝十一點半起身後發現肚痛原因。
即時妖了一聲。

好肚痛呀~~~~

二月四日出世0既鄧淑晶。又名水晶包。
生日快樂~
興興好0野~
你以後都只係可以鐘意興興。
唔可以鐘意少爺尖。唔可以鐘意話話話囉囉囉。
你唔好屈我係鬼才！你先係才女~~~
哈哈哈哈哈哈~~~

>>February 5, 2004 at 5:10:14 AM GMT+8

2004 年 1 月 31 日 星期六 【晴】

蝦蝦！蝦蝦！蝦蝦！蝦蝦！！！
好0野~蝦蝦！
蝦蝦都鐘意<家有囍事>~蝦蝦~~~~


紅白機。
一部已被人0垂棄的遊戲機。
當眾人追求3d畫面流暢動作好似睇緊卡通片玩到頭都暈晒0既PS2時。
我。。。去買0左部紅白機。

阿高話。電腦都可以摸擬紅白機0的GAMES啦。
你係咪傻0架阿芝。

紅白機呀紅白機。
紅加白是多麼配搭的顏色呀。

我愛紅加白。我愛大大力的向前谷餅帶出0黎。
我愛個CONTROL條線唔夠長。

如果紅白機0的GAMES摸擬0係部電腦度。
噤我以後都唔洗買CD。

可以係一件垃圾。
對於我。係一件寶。（塊寶。。。）

我唔係突出我係眾人皆醉我獨醒。
我唔係想噤。

反而。我怕當我老0左果時。
我會成為0左個垃圾婆。

>>January 31, 2004 at 8:54:40 PM GMT+8

2004 年 1 月 29 日 星期四 【晴】

<家有囍事>
星爺扮哂懺悔係到喊,張入廁所拎毛巾時,
一個痰罐兜頭笠住張曼玉,
跟住周企係出面,拎住個結他唱"為何世間良緣~每多波~~~節~"

星爺﹕嘩﹗﹗﹗﹗﹗﹗﹗﹗﹗
成家人望住佢
星爺﹕果邊無人既~

星爺﹕(望住自己個拳頭)咦~好過癮喎~
蘭子﹕咩咁過癮呀﹖比我睇下~
星爺﹕咦~唔制
蘭子﹕乖啦~比大嫂睇下啦~
星爺﹕0拿~(一拳打埋去蘭子度)
星爺﹕你睇你幾過癮~

邊個淫蕩呀我淫蕩
邊個淫蕩呀又係我淫蕩


幾時先會再有好似<家有囍事>噤經典0既賀年喜劇。。。
呢家0的喜劇真係可以悶到訓得著。

>>January 30, 2004 at 8:07:02 PM GMT+8