2003 年 1 月 8 日 星期三 【晴】

噤又過0左兩日。
經過呢三日0既收bar地獄式訓練後。

我。。。。。。依然都係收得好慢。
聽日返早好似係我開bar。死喇。
唔係好記得點開tiM。點算？

經過0左呢八日收夜0既日子之後。我唔知今晚會唔會訓得著。
聽日仲要五點鍾起身。呢家十一點半。
打完呢篇騎呢0野之後仲要寫篇收BAR0既程序俾阿經理美心睇。
唔~~~~

今日dayoff。
同珊珊去行街街買衫衫同褲褲。
兩個都有斬鑊~好0野~

尋日經理美心同我做0左個評估草稿。
即係。。。評估下我呢兩個幾月0幾表現係如何。
成積果然不出我所料。話0黎話去都係果三幅被。
經理美心同我講個原因。。。原因係。。。
我個心0係邊？
唔甘心做呢份工。
仲未諗倒自己想點。
所以做任何0野都唔上心。

然後我諗。
我好似做任何0野都未試過上心。
。。。。。。
我呢種人唔死都好似無咩用。


放走了的蝴蝶是最美麗。
丹丹~0岩我用多0的woR呢句~
傻啦~好認同噤解~
其實有暗瘡都有暗瘡0既靚0既~

joyting~返多0的工補鍾好過啦你~哈哈~~^0^~

>>January 9, 2003 at 3:53:50 PM GMT+8

2003 年 1 月 5 日 星期日 【晴】

由朝頭早九點鍾0既一個電話。
經過夜晚六點三十三分0既三個未接聽來電。
到夜晚六點四十五分相遇。

有計劃得來又有點巧合。
因為。
朝早來的電話是震出來的。熟睡中的我又會聽得到~
但較了震機的鬧鍾又會震不醒我。

食飯外出。撿查手電時。
發現有三個未接來電後就即刻見倒你。
哈~知道你特登0黎搵我。就一齊食飯啦。
然後。你提意去我度飲0野。

我見你一路都未走。。。。。。
估唔到你真係等埋我放工先走。
你問：洗唔洗等埋你放工呀？
我：你鍾意啦~你聽日要返學~

你真係唔好彩。今日我第一日學收bar。有排你等。
一等。成一點鍾先走得。

後0黎。你話送我返屋企。我當然唔肯制。
後0黎。我送你返屋企。有宵夜食！！！好0野！！！

。。。。。。
你霸0左我一日日記。

>>January 7, 2003 at 5:04:06 AM GMT+8

2003 年 1 月 4 日 星期六 【晴】

我間房好耐都未執過。
好亂。又唔係好亂。因為無乜點郁過。
又因為無乜點郁過。所以封晒塵。

琴凳上面0既雜誌。書。cd同埋vcd越搭越高。
我諗要搭到塌落0黎我先會執起佢。
留意。執起佢。放返佢去原位。

>>January 6, 2003 at 3:55:19 AM GMT+8

2003 年 1 月 3 日 星期五 【晴】

好驚。。。
兩點幾。返到屋企。個個訓晒覺。

無錯。兩點幾個個訓晒覺係好正常。
但唔正常0既就係我聽倒有人唱住"哈利Lu Ya"~
（我好低能噤諗倒哈利波特~）

其實係二哥訓住覺聽"哈利Lu Ya"~
好煩。唔係哈利Lu Ya好煩。係我二哥好煩。

唔知點解佢成日都會令到我0既情緒好唔穩定。

今日我同媽媽小吵。係因為二哥。
媽媽無大聲。但煩。相反地。大聲果個係我。
cut0左媽媽線之後。痴線地我竟嚎哭了一大場。
我諗。媽媽大聲鬧我。我都會驚會唔開心。
掉返轉頭。我大聲鬧媽媽。佢一定會唔好受。
（0拿~二哥果件事。我唔敢講我0岩晒。但起碼我有我道理。）

我諗0左好耐。會好尷尬。但都忍唔住打返俾媽媽。

我：媽咪對唔住呀。頭先噤大聲。
媽媽：嘩~噤好0野呀~你會打電話0黎~（我估佢0既意思係噤難得我會主動道歉。）
我：唔。
媽媽：傻女0黎0架。我以為你做0野唔開心咋~
我：唔係呀。（忍住喊噤講。但好明顯地會聽得出）
媽媽：你0係邊呀？（我諗佢唔知講乜好）
我：行緊去搭巴士。
媽媽：你小心你0的財物呀~（更加九唔搭八）
我：哦~拜拜~

容易笑容易喊容易開心容易傷心0既人。
係咪好細路仔0架？
我好低能。但。。。算唔算好細路？？？


阿丹呀~去台灣玩得開心0的呀~
同埋睇下有無邊度可以買倒0的靈丹妙藥專治暗瘡~
你無暗瘡靚女好多0架~^^

>>January 5, 2003 at 3:25:40 AM GMT+8

2003 年 1 月 2 日 星期四 【晴】

夜夜夜夜夜夜夜~
第一個夜到第八個夜。
我收0左三個夜。仲有四個夜未收。我要努力~
唔係"0野"。係夜。0野夜0野夜0野~~~~
我個人真係好無聊。

自從剪完個頭髮之後。
我發覺成街0既人都叫我做0靚仔。
唔係就阿哥仔。
連小朋友都有。
唔係小朋友叫我做0靚仔。係有0的年紀大0既人叫我做小朋友。
問你驚唔驚。

呢家我又徘迴0係再剪短小小同埋留返長小小頭髮之間。
好懊惱。

好想跑步。有無人陪我？
冬天。好耐都無試過被汗留過全身0既感覺。
久遺了。
我知道我係時候開始要發洩一下。

>>January 4, 2003 at 3:49:11 AM GMT+8

2003 年 1 月 1 日 星期三 【晴】

偶爾間諗起尋日一件事。。。
尋日我整0左一杯iced gingerbread latte（好大可能會串錯）。
係用0黎派出去俾人試飲。當然。係我派啦。

一位有家長陪同0既小朋友走過。佢一見我。
就相當雀躍地問我。我又要得唔得？
我以我最誠懇0既笑容（可能係最假0既笑容）回答。緊係得啦~
佢一啜。。。"嘩~好難飲呀~"
死0靚仔。俾下面好播~我整0架！（我心又諗）
佢阿媽望一望我。我以笑遮醜。
然後佢阿媽好醒目噤講0左句說話打完場。
佢對佢個仔仔講。
"0拿~呢個故事就係教訓你唔好噤貪心。亂噤羅街上面派0既食物喇~"
完。


今日總括一句。
好支力。好眼訓。

兩個月前。我一百零四磅。
兩個月後。我一百一十二磅。

點算好呀！！？

>>January 2, 2003 at 6:59:25 PM GMT+8

2002 年 12 月 31 日 星期二 【晴】

十二月三十日。十二月三十一日。
我放0左連續兩日0既假期。
我無寫到連續三日0既日記。
eR......其實兩者並無關係。

尋晚去0左嶺南。。。打邊爐。唱K。。。。。。

死喇。我又好眼訓。。。
好眼訓我就諗唔倒0野。。。

唔打喇都係。。。

>>January 1, 2003 at 7:42:10 PM GMT+8

2002 年 12 月 31 日 星期二 【晴】

十二月三十一日。
二零零一年。
我和你又吵架。
你說我。我不可以像一個男孩子般這樣保護到你。
轉個頭。你又向我說你錯了。
因為大家都是女孩子。沒有這個所謂。
然後那晚我們一起到數。又很開心。但。
你會認為我會沒有這個所謂嗎？

十二月三十一日。
二零零二年。
我沒有和你吵架。。。是吵不到架。
我特意和朋友一起過除夕夜。
不得了。一年後的我。果然還在意著這個所謂。
又想起了。討厭。

>>January 1, 2003 at 7:41:38 PM GMT+8

2002 年 12 月 27 日 星期五 【晴】

今日我死人都要搭倒第一班車返青衣！！！
因為自己一個開bar~
我實會開得好慢。

萬麗詩幫我開lobby。
可以用多0的時間多0的心機開個bar。
但可惜我唔記得0左點試粉。搞0左好耐。。。

我個人係大意又無記性。我知。。。。。。

萬麗詩今日教訓0左我一頓。
可唔可以話教訓呢。。。？話我？等唔等於教訓？
無所謂啦~

唔。。。萬麗詩。你話你之前做細果時都成日俾senior話你。
你話你0係果時好憎果個senior。但做得耐0左之後就知道點解佢要噤話你。

唔。。。我無憎你呀~
因為我知道自己係一個怎麼樣的人。
我正正需要有人去提醒我。去push我。
即使。我覺得你push得都幾"痕"0下~

0的頭髮長laai laai。
忍唔住去剪頭髮。我叫佢同我剪碎小小透薄小小。
我頂佢個肺0丫。洗唔洗噤短呀。
（我無帶con......睇唔倒。。。)

返到屋企即刻俾人話。
我最憎佢0地話我特登扮成自己係一個男仔。
我從來都無刻意過。
痴孖筋。

我無出聲。
你話飽佢啦你

>>December 28, 2002 at 3:19:21 PM GMT+8

2002 年 12 月 26 日 星期四 【晴】

返大早搭阿高加frankie。

即係我開bar。

第一日開bar唔怕~實有人榜住。
聽日得自己一個開。。。壓力。壓力壓力。。。

唔。。。
今日美心同我講。尋日阿分區經理讚我醒目。
問你驚唔驚。
仲有仲驚0既就係。
美心答返佢：係呀~佢係醒目女0黎0架~但個心唔0係呢度呢~
（意思即係。我個心唔0係青衣。0係forum。）
問你仲驚唔驚~
然後我答：咩呀~唔係呀唔係呀唔係呀。
（當時。我淨係識得答唔係。可知我有幾醒目。）

唔。。。原來美心都覺得我前幾日無心機做0野。。。
之前water都有提醒我做0野要做得開心0的。
我自己都唔知自己有唔開心。我講真的。

今日放工後有eman陪我去旺角買dicsman。
話買又唔買話唔買又買0既我。終於都買0左。
往後幾天都要省省金錢了。

>>December 28, 2002 at 3:18:27 PM GMT+8