2004 年 6 月 19 日 星期六 【晴】

看來一切都是廢話。

我一直在遊盪。
鞋子爛了。就看倒自己的腳。
瘀了損了流血了。
我還是要盪。痛呀。好痛呀。
鞋子爛過後。便到我的腿。
我一拐一拐。不行了。跪下來了。
我在尋找幾個轆。和一塊板。哈~記得孔乙己嗎？
還是要盪下去。
我羞恥地在眾人前像孔乙己一樣盪著。

這就是我扮可憐的得意技倆。
帥嗎？

>>June 20, 2004 at 3:35:08 AM GMT+8

2004 年 6 月 16 日 星期三 【晴】

當兩方面都處理得唔好0既時候。
就好似俾人一把刮完右邊面。
過多兩分鐘再俾另一個人刮右邊面一樣。
那麼多的無奈。

恐懼是來自從前的經歷。
小時候溺過水。
自此以後。就不敢再游水。
小時候被狗咬過。
自此以後就怕狗。

這兩件事情我都試過。都被我克服。
我甚麼都不怕。都不怕您。
這兩天跟好久沒有見過的朋友歡聚了天半。
但我過得不好。
因我給您一條刺。你也毫不客氣的雙倍還給我。
我真的過得不好呀。

您在哪裡？

您在我心裡。

>>June 18, 2004 at 12:04:25 PM GMT+8

2004 年 6 月 13 日 星期日 【晴】

取錄自某日記。

<想起一件小事。小學生何ｘ楚吃飯吃得很慢，含住啖飯十分鐘仍未吞下肚子，餐餐包尾放下飯碗。母親對於她升上中學相當憂慮，皺眉頭說：死咯，佢第時得一個鐘頭食飯點食得切啊？

這件事我完全沒有印象，是比我小兩歲的妹妹近來告訴我的。我聽了覺得很好笑，又很感動。我終於明白母親是如何愛她所愛的－－吃得快也好慢也好，我仍是她的女兒，我是高分低能還是星際鈍胎她一樣愛我。可是世界並不因我是我父母所愛而特別優待我呀，一小時午飯時間就是一小時，十四分升中六就是十四分。於是她擔憂。

我所愛的，我接受他們的一切，無論他們在社會佔什麼位置世界把他們視作什麼人。像我的母親。她的擔憂不因為我實際上要用多少時間吞下一啖飯或她看死我打鐘前趕不及回到學校。她的擔憂與所愛的能力無關，甚或是毫無根據。只因為我在母親心上。她希望我在這世界生存得來。

母親對所愛的擔憂，是一種無法言喻的綿綿的情緒。我實在想不起我曾否為一小時午飯太趕而要痛苦地適應。總之我也歪歪斜斜的長大了，還學懂了十五分鐘食完晏立即午睡。只是她仍在為我擔這個憂那個。>

睇完。我又喊。
是真的每一個母親都是這樣嗎？真的嗎？
我就是沒有辦法相信我的母親可以接受我。

這個才是我。
我假。你才會接受我。
我假。才能在世界上生存。

但我卻裝了一半沒裝一半。
我接受不了不是自己的自己。
母親接受的那一個又不是我自己。

我又可以怎麼樣？

我哭。我分不清這是感動還是痛苦。

>>June 14, 2004 at 5:35:34 PM GMT+8

2004 年 6 月 9 日 星期三 【晴】

我0地係鐘意鬧交呀~
你見過人0地好認真噤鬧鬧0下交會突然爆笑未0丫。
我同我個baby就係噤0架喇！

my baby。你唔好話我嘔呀！
我都未試過噤叫您。

我發覺我0地係唔可以好平心靜氣噤傾計。
每一次。都係鬧鬧鬧鬧。
雖然每次都心痛。我唔怕！！！
只要鬧完之後又會開開心心。
我唔怕鬧！我唔怕煩。
不過我怕眼訓。
聽日返早。
我要交交。yeah~

>>June 10, 2004 at 9:13:13 PM GMT+8

2004 年 6 月 7 日 星期一 【晴】

記者：我右手邊就係三號0既參選佳麗啦。
噤我想問下你參選港姐學倒0的咩呢？

三號：Emm.......噤難0既你呢條問題。
（熒光幕下方彈0左幾隻鮮粉紅0既字：噤容易就考起？）

記者（你唔係呀！？噤0既樣）：噤你學0野0家嘛。

三號（似乎好不耐煩卻笑笑口地）：咪有咩學咩囉。

NEXT~四號。

請支持三號！！！

還有十多天是我的親愛由英國學成回港。
多麼的令人興奮。
你的寶寶。我會探（玩）你的寶寶。
快0的幫佢改名！
叫佢做國強！

>>June 8, 2004 at 6:54:06 PM GMT+8

2004 年 6 月 6 日 星期日 【晴】

我估唔到自己會噤樣。
我係燥底。但估唔到我會噤小氣。

我0係位于天橋個垃圾桶裡面。
執返你送俾我0既tumbler。
我手奮力的一入一出。
0平！0平！兩聲。手好痛。
再加上我与您在電話中罵戰的嘈吵聲。
又怎會不為旁人側目。
我好醜。真係好醜好醜。
第一次控制唔倒自己憤怒。
兩分鐘後。後悔了。哭了。

五分鐘後。
我像個讖悔中的小孩說：我0係垃圾桶度執返喇。

我們又和好如初。
痴線。我覺得自己有病。

媽媽今日又迫我。。。
我逃避。你話我逃避。我就係逃避。

>>June 7, 2004 at 8:23:26 PM GMT+8

2004 年 6 月 3 日 星期四 【晴】

新partners話。
"都唔知話你可憎定可愛好。"
嘩哈哈~
新partners叫jackal。
佢鍾意行玩具反斗城。好呀~

winki話佢：遠睇呀誇啦啦。近睇就吹喇叭。
好娘呀呢句0野。果然係k字頭果炸。

好悶呢。唔知講咩好。
尋日有個肥佬以為我串佢。
死肥佬因為肥得滯彎唔倒身睇唔倒0的牌。
就係噤同我講要個雞批。
我問佢。你要雞肉磨菇定係薯蓉磨菇批？
佢就話：你0地0的牌0的字噤細隻。點睇姐！
我：先生。噤我咪問清楚你囉。我會同你反影0下0架喇（死肥佬）。
佢：你0地0的字噤細隻。你話喇。0的比例（下刪好多隻字）

其實。呢0的黑客一日都起碼遇倒一個。
又何必耿耿于懷呢。

死肥佬樣衰0丫嘛！妖！

仲有十幾日。

>>June 4, 2004 at 6:01:17 PM GMT+8

2004 年 6 月 1 日 星期二 【晴】

"你唔好咁個人主義好無呀?我地係講求teamwork架!"
估唔到八婆都仲記得。
連我自己都唔記得。。。

我淨係記得我0地玩扮拍戲。
玩槍戰。玩打劫。玩渣車逃走。
認真到0係玩之前果晚用報紙"連"0左個汰盤同埋手扣出0黎。
果時我0地中六。
無得頂。
你叫我呢家玩。都仲得。

朋友俾0左個私人網上日記過我睇。
我睇晒喇。
朋友一直都有同我有講佢同佢0既問題。
我一直都不意為意。
認為時間甚麼都可以。
原來我忘記了回憶。
佢同佢。
你寫：佢有女朋友。女朋友。女朋友。女朋友。女朋友。

。。。。。。

突然間。我覺得好寂寞。
好想有個人陪我。
原來我被你感染了感動了。
感動。感染。哪個比較好呢？
哈哈~
你記得唔開心打俾我啦。搵下我啦。笑下我啦。^^

仲有十五日。

>>June 2, 2004 at 4:47:32 AM GMT+8

2004 年 5 月 25 日 星期二 【晴】

今日排隊等車果時。
有一對父女排0係我前面。
女女約七歲八歲。
手上把玩住一搭印有郭富城肖像0既memo紙。
妹妹金睛火眼的盯住用厚卡紙做且印有郭富城肖像0既封面。
然後轉過頭同爸爸講：郭富城望住我呀~
剛好有巴士到站。
爸爸好冷靜噤話：係喇。上車喇~
完。

諗諗下。。。
乜0的妹妹仔唔係鍾意boy'z。juno。吳咩羲果0的0架咩？

完。

>>May 26, 2004 at 7:37:58 PM GMT+8

2004 年 5 月 23 日 星期日 【晴】

我仲奢求0的咩0野呢？
我好好。
各位請放心。

我呢家0的頭髮都幾長0下。
長到責起條辮仔果時俾人話似少林足球0既周星馳。
"波。笨唔係噤踢0架~"
噤樣實在太褒獎我喇。
周星馳係大名鼎鼎0既周星馳。
我只不過係一個藉藉無名0既小我。
請大家放過少林足球啦~
周星馳無得罪過你0地0架。

我。。。
我前面的髮蔭長了小許。
剛好插倒了我的左眼。
左眼便微微"目乏"了一下。
就在此時此刻電光火石間。
迎面而來了一個樣子笨笨肚子dumdum的中年外藉男士。
你知道嗎？
我也向我"目乏"眼呢~
我便暗地裡叫了一聲：fuck。

樣衰到爆。

>>May 24, 2004 at 7:07:57 PM GMT+8