2002 年 11 月 12 日 星期二 【晴】

哈哈~
唔知自己哈乜啦真係~

好想自己整一個網頁aR~又要靚0架播~
難唔難整0架？但我又怕無時間update個網頁果時會將佢荒廢。
就好似將自己個親生仔殺0左一樣。。。。。。哈哈哈~
好無聊。

聽日放假。本來約0左ruby唱K。個屎忽鬼又突然唔得閒。。。
好想配con。但怕配0左返0黎俾阿媽阿爸鬧。
理由係：我好Lei fre（真係唔知中文點寫囉~）

返夜0既日子有時會係愉快。因為有丹丹陪。
返早0既日子有時都會愉快。因為有得四點鐘放工。

partners們好幾日前約我今晚放工去唱k。
我去的話。可能會悶死。
唔想飲酒。唔識猜妹（梅？）。唔識玩骰盅。
唔知同邊個傾計。唔想無無聊聊嘻嘻哈哈（扮？）噤樣過一晚。
唔通要我獨憔悴唱住：就當她無緣無故不愛就不愛~無謂問她怎麼不及你悲哀？

relax........
係珊教我的。。。。。。
（可能當時人都唔記得。但當我唔開心0既時候。我都會識得去relax。）

排第一的。可能係hurt得最深的。
點解您要我放您0係第一？噤您呢？

每當諗起您問我一句：您會唔會要唔要我0架 ?
我會笑。定會喊？

>>November 16, 2002 at 4:11:24 PM GMT+8

2002 年 11 月 11 日 星期一 【晴】

返夜返夜。兩個返夜加埋即係兩日返夜。
好無聊。

哈哈~好開心~丹丹應承陪我去睇deathwatch。
實在好喜歡jamie bell0係billy elliot0既表現。佢真係好有型！
本來叫埋mannis。但佢似乎對呢套戲無乜興趣。
而佢有興趣0既戲。似乎對於我0黎講又無乜興趣。
所以~嘿嘿~~~~

今日買0左黎達達榮0既<青蛙腸胃炎>。其實書展見倒果時經已好想買。
裡面用鉛筆畫0既插畫實在係幾吸引我。
但係。。。果時實在窮得要命~忍手忍手。然後就無再刻意噤搵過呢本書。
今日行過地利店見倒佢。好自然就買起佢。

收夜以極速進行。準時十一點九上車。
比我第一晚收夜十二點半上車快九個字。無0野好講！

返到屋企媽媽叫我食0的菜。
佢話：有菜菜食。食0的啦~
菜菜。。。菜菜。。。。菜菜。。。。其實我鐘意用疊字同人溝通。
唔多唔小都因為係我阿媽。。。係幾好食。。。

今日丹丹問0左我一句：你捨得0架喇？

我會否改變主意？

>>November 12, 2002 at 5:39:17 PM GMT+8

2002 年 11 月 10 日 星期日 【晴】

鴻哥仔今日返0左0黎喇~
今日返早有拜仁。阿高。阿鴻。同埋。。。我？
一個好無得頂0既組合woR~

鴻哥同我去銀行入數果時問我：有無咩工唔洗點做，就有高人工收？
我話：邊有0架~~~？？？
佢話：點會無姐~實有0架播~你快0的幫我諗0下啦~
然後。我無理佢。再無答佢呢條問題。

今日見倒阿丹。佢一0黎到就問我點解笑都唔笑噤認真？
係囉。平時我一見倒佢就會笑。點解今日唔會0既？
俾佢提一提醒。我應該要開心0的先0岩。
要開心要開心~
快0的搵人0黎撩0下我開心~

jessie話齋：對自己好0的~

日後如果我不夠堅強。
就拜托。請您必需要比我堅強。

>>November 12, 2002 at 5:34:12 PM GMT+8

2002 年 11 月 9 日 星期六 【晴】

放假又要一大早起身~
因為要去學琴。簡直一塌湖塗。

返到屋企已經三點鐘。好肚餓。
眼見阿哥尋日行完<毅行者>之後留低好Q大塊0既朱古力。
0黎手就執0黎食。
再0黎多個公仔麵+勁多隔夜菜心與叉燒。
再0黎半盒揭蓋式0既維他奶。

食飽就眼訓。
驚醒自己好似隻豬。
都係去0左訓覺。

訓醒經已六點半。
又食朱古力。你明唔明呀！？太好食喇！

我又浪費0左一日美好0既假期。

仲有一個星期。
其實已經估倒您0既答覆。
無論答案係點都好。只想您舒服。
我會專重您。就好似第一次噤。
唔會太傷心。因為。預備好了。
在第二次一起的時候。已經預備好了。

>>November 10, 2002 at 3:09:11 PM GMT+8

2002 年 11 月 8 日 星期五 【晴】

"微風 吹開美麗的心 掭上熱情歡欣
你又 為何傷感
幻想 怎可歡笑一生 只要盡情開心
不要呆呆的等
情緒 雖感到亂紛紛 不要讓眉鎖緊
快樂 悠然會近
總會找到 想找那人 總會找到所想要的心
請 張開美麗的心 將快樂來相分
為何自困"

今日。腦袋裡面repeat又repeat住陳百強的<粉紅色的一生>~
好輕鬆。

臨放工時。miwa0黎0左青衣城。
見倒佢果時。唔知點解有撞鬼0既感覺。
真係嚇0左嚇。
不過是開心的。好喜歡見倒佢~
------------------------------------------------------------------------------------------------------------------------------------
為何。
總是這麼兒戲。

我是個。會用百分百個巴仙去信任別人的。那類人。
如果事情對我不是很重要的。
你可以欺騙我。
不然的話。請不要。
因為。我會很傷的。

你會体諒我對您的例外嗎？

>>November 10, 2002 at 2:14:23 AM GMT+8

2002 年 11 月 7 日 星期四 【晴】

剛才一回家就練琴。
好怕。離考琴0既時間越0黎越近。
十指琴魔怎麼練也練不成。手指成日唔聽使。好痛~
搵唔倒原因。
如果又考唔成。我0既自信心會完全被XY。

今日有線0黎訪問青衣城裡面唔知邊個經理。
要借我0地一小個地方拍0野~
好無聊。我諗係果0的財經節目掛~

四點鐘放工。晶晶過0黎青衣搵我~好0野~好開心呀~^0^~
不過條八婆0係我返緊工果時打電話0黎。
我唔記得較震機。搞到我好鬼核突！正一屎忽鬼~

同佢行青衣城~（好明顯大家都懶得搵街行）
首先就同佢食0野先啦~果間死人低能泰國0野。唔好食到爆。

行a&b sound果時竟然撞倒預科果時0既班主任一家大細地行街。
佢生多0左個仔呀！唔係。係佢老婆生多0左個仔！
好恐怖！佢個仔個樣勁似壽星公（班主任花名。其實仲有好多。但不能盡錄）

我0地兩個一見倒佢就好似見鬼噤。呢埋0左唔想俾佢見倒。
避避下又想俾佢見倒。但無叫佢。都無望佢。
我0地就諗。佢會唔會見唔倒我0地兩個呢？
無可能見唔倒啦！
無可能認唔倒我0地！

唔想叫我0地我諗都有原因的。我諗係。。。我0地幾個太乞佢憎。
平時返學明明遲到又走去請兩堂四堂假。（一齊）慢慢食完個早餐先返學。
（約埋一齊返學0既結果）
明明訓唔醒就走去扮病請假唔返學。
要交功課唔單止次次遲交仲要唔交。
鬧我0地的話我0地會駁咀。（但我0地唔係串佢。係笑佢）

一整班文科的入U率等如零。
夠經典沒有？

預科的生活。是頹廢的。
但卻是最愉快的。

因為我得到了很多。

>>November 8, 2002 at 3:54:19 PM GMT+8

2002 年 11 月 6 日 星期三 【晴】

今天的大早拍著沙拉。
並沒有甚麼。幾好。
尋日拜仁（partners)同我講。唔鐘意佢。
可能。有時沙拉真係幾串。但我接受倒~
0係我好忙0既時候。佢成日都有幫我。
點呢？無0野囉~

係咪因為鴻哥放大假。所以早果更會噤小人呢？

今日<青衣城>又搞function。好多哈拇太朗。好得意呀！！！
見倒果隻講廣東話唔正果隻鼠。
就諗起蝦蝦扮內地同胞講廣東話。好掂！同埋好想笑！

沙拉問我。你覺唔覺得阿丹好似哈拇太朗呀？
諗諗0下。真係幾似。
一個樣貌似哈拇太朗0既女仔。你諗下有幾好笑~

今日我阿媽襯我唔0係度又（手巢）我個袋裡面0的0野。
好憎。
有時好怕會俾佢發現。。。

今日。我放棄0左一個機會。
值唔值得？

>>November 7, 2002 at 2:27:28 PM GMT+8

2002 年 11 月 5 日 星期二 【晴】

winki今日返晏。無人榜住我開pastry。狼狼狽狽噤~
聽日阿高放假。沙拉會返大早。有0的驚佢~點算~
學丹尼話齋。唔好理佢囉~

美心（經理）今日八點返0左0黎喇~
好開心woR~佢好好人好好笑woR~仲正過拍住winki~
當然點都唔比得上阿八婆丹啦~~
講開又講~今日終於借倒隻cd俾佢~我要feedback0架！
死八婆爆0左俾阿高知我自己溺稱自己做可愛的芝芝。
其實我覺得呢個名幾cute。但唔襯我。。。（好認真！）

話噤快又放工。放工就去剪頭髮。
搭車返元朗。訓到我唔想起身落車。
剪頭髮果時。頭果半個鐘我都無擘大過隻眼。
應該仲有小小訓著0左。因為幫我剪頭髮果個男人成日推我個頭。
（好明顯係釣緊魚。）
剪完好似無剪噤~不過係我要求。我只不過要佢幫我透薄~幾好0丫。到呢家我全家都唔知我剪0左頭髮。
------------------------------------------------------------------------------------------------------------------------------------
我唔想聽倒。知道。

>>November 6, 2002 at 2:51:36 PM GMT+8

2002 年 11 月 4 日 星期一 【晴】

今日有個男人勁搞笑~
佢0黎試食。仲有四件finger s/w。佢一個人食晒~
又聞又問。問呢件點解噤小吞拿魚~
阿高見狀就即刻走去問：先生~唔夠食呢度都仲有呀~可以買返件0架wor~
男人即笑笑口並知難而退。

臨收工要fill貨。
原來都幾支力下0架。
走果時同winki一齊去旺角。同佢行0左陣就各有各散喇~佢去約會佢朋友。我就約珊珊買衫衫。

衫當然買倒啦~跟住佢就叫我去城大阿steven住0既hall度玩+食壽司。
我0地就自己買0的0野食上去。除0左薯片及一般零食外。
唔知點解會有一條好長0既蒜容包。
食完晒有好多生0既壽司之後（我唔食生0野的）。
食埋steven落手落腳整0既0者哩之後。（上面加0左好多士多啤哩0架！）
當大家都飽到唔係好想食其他0野0既時候。長長的蒜容包點樣處置呢？
然後。就有人提意打麻雀輸0左要食埋條包佢。

八個人分四組。我抽中0左同abby一組。
對不起。我唔識打麻雀的。
abby要孤身作戰。我唯有精神上支持佢。。。就好難。
佢輸0左我要和她在肉体上還債的。（食包呀！）

結果果然好好彩。雖然我0地都係輸0左。唔緊要。有steven果組陪。
一齊輸。
包包就分開四條。二？仲凈四罐可樂。鬥快食輸0左就飲晒佢。
最後~我同steven贏了。但我飲0左罐可樂送包包。
而且最後都唔係輸果個飲。
原來有其他人都想飲。
唔制~我仲要懶醒噤食得最快~

返到屋企已經成十二點幾。唉。
聽日唔夠訓會好遲鈍的~唉~

>>November 6, 2002 at 2:50:43 PM GMT+8

2002 年 11 月 3 日 星期日 【晴】

我較0左五點鍾鬧鐘。
賴床賴到五點三先起身。好在知醒。
落床去廁所果時。真係企都企唔穩~~撞0黎撞去。
左身及右身在經過不同門框0既時候。均告撞傷。妖~

第一次開pastry，哩晒hair噤樣~八點幾先擺得晒餅放得晒牌~

返大早。0的時間確實係見洗好多~不過起身果下真係好難頂~
好！聽日放工約0左珊珊去買衫衫~~又想去剪頭髮髮。
點算好呢。講開剪頭髮。
我一年前話要留長頭髮。留留留。留到呢家都噤短~
隨緣罷啦~~

放0左工就自己去行0左陣玩具反斗城！
買0左件玩具仔。敲佢。佢曉嚮0架！
呢家掛住0係個袋度~實在太令我愛不釋手喇~

每次見倒您更新0左0既info。
知道您。有開心。有唔開心。有激氣。有失望。有感動。
是甚麼原因呢？
奇怪的。看到後。
我竟然也會開心。唔開心。激氣。失望。感動。
又是甚麼原因呢？

>>November 4, 2002 at 3:28:59 PM GMT+8