2003 年 6 月 1 日 星期日 【晴】

我好嬲呀！！！
好嬲好嬲呀！好想喊呀！！！
頭先我阿二哥同我講。
上個禮拜二我係唔係0係屋企接過一個電話係搵佢。
我話係。我記得係邊個呀！
佢一打電話0黎就非常無禮貌地話要搵阿傑。（留意！係"要"搵阿傑！）
我話佢唔0係度。果個人就以奉晒旨0既態度話：噤佢手提電話號碼呢！？
我好嬲！我最憎人無禮貌！仲係要0係我訓緊覺果時噤同我講0野。
我就同佢講：我唔知佢電話號碼呀！
噤我就收0左線。

頭先我阿哥就同我講：你知唔知你噤講0野係好無禮貌。
我頂你個肺！
我有幾可會嬲呀！我有幾可會以眼還眼噤對人呀！
唔係果個人離晒大譜我都唔會噤啦！

阿哥仲要話。你知唔知佢係邊個呀。（痴x線！我識佢老鼠！）
佢就話。佢係佢女朋友個阿哥。
你女朋友個阿哥就大x晒呀？你女朋友個阿哥就可以無禮貌。
我係你細妹就唔可以無禮貌！痴晒線啦呢家！
你唔講呢句我都無噤嬲！

你話佢0地幾兄弟由細到大都唔識禮貌。
唔識禮貌又會知人地係唔好禮貌噤對佢0地。
佢0地領悟力都幾高0丫！又會覺得自己好有禮貌啦~
識話人唔識話自己~
討厭！不知所謂！

>>June 2, 2003 at 4:03:54 PM GMT+8

2003 年 6 月 1 日 星期日 【晴】

你個死人白痴仔。白痴昌。
好收聲喇0下你。
0係晒勢噤串我~
你講咩不恥下問呀？！邊個係做下呀！0下！？
我眼訓得滯搵唔倒個"昂"字得唔得呀？！
個昂字係我自己打0架！唔係copy0架！你條粉腸0丫！
我個女姓奶你個仔姓林咪0岩囉~你未來老公叫林志偉呀！
（無人會明邊個叫林志偉0架喇！）
咩咩屍咩0丫你個！
好激動呀我。
十三號之後先搵得你遲唔遲0的呀！
到時我成份糧淨返丁屍噤小點同你去食金滿庭呀！

快0的死去溫書呀八婆！

>>June 2, 2003 at 2:43:18 PM GMT+8

2003 年 5 月 31 日 星期六 【晴】

唔制呀~>.<~~~
打完機唔見散銀包！有百幾蚊0係裡面0架~~~
我好日唔入機鋪~~一入就唔見錢！
可以慶幸0既就係。
所有証件我都放0左0係我原本0既銀包裡面~
又勁"邏"囉。入機鋪俾人查身份証。。。。。。都唔知開心好定悲哀好。

今日呀！同linlin行milk farm~
其實我主要都係想探探阿珊個攤檔~
又行0下其他攤檔。好似行花市噤多人~
唔係"high"倒女人0的胸就察過男佬0既肥肚腩~
有0的人隻手都唔知做過咩0黎。濕笠笠噤。成條"high"過0黎你都無話唔係0野~
買0左三件衫一個袋幾條手繩噤啦~幾平0架~幾靚0架~

攤檔=湯誕。tang dong=tong dan。
我本來係想對住佢0地講攤檔。
但唔知點解講0黎講去都係講0左湯誕。好驚。
我個腦究竟點去分析0的讀音。
可能打粵語拼音荼毒得我好緊要。令到我有語言障礙。
不過呢點都唔係影嚮得好大。因為我不嬲都有呢個病。

以下一段文字係摘錄自某日我同晶晶0係icq0既對話。
晶晶：我要林明頓~><~
我我：食屎
晶晶：....
我我：你溫緊書呀？
晶晶：你話呢?
我我：係。好努力地
晶晶：你食屎啦.\/.
我我：人地讚你努力咋嘛
晶晶：你唔好響我面前扮野.\/.
我我：人地好掛住你呀
晶晶：我要林明頓><
我我：無
晶晶：~><~你有既!!!
我我：我今日買0左迷理益其尼食
晶晶：咩黎架?
我我：奶油條
晶晶：我要林明頓!!!第時...我個仔要叫明頓!
我我：噤我個女叫油條囉
晶晶：你姓奶。佢跟你姓。叫奶油條。你果然諗得週到!
我我：係呀

點解。我噤衝動會話我個女叫油條。。。

>>June 1, 2003 at 7:54:07 PM GMT+8

2003 年 5 月 30 日 星期五 【晴】

又返大早早。
water豬豬話我個腦閉塞。
高高話我九點之前都唔會聽倒人講0野。

次次返大早埋親till。個個都噤話我。
我諗我下次返大早真係要十一點鍾訓覺。

尋日收收下錢。好似見倒吳鎮宇行過。
原來真係吳鎮宇行過。仲行0左過0黎tim。
好型woR。帶住副太揚眼鏡。除0左可能無噤型。

佢同我講：我要杯凍啡。大0既~齌啡果0的wor~

佢又問我。青衣城邊度有茶飲。
樓上又有樓下又有wor~

飲完茶之後。佢又同佢助手返返0黎。
買0左四杯大0既cappuccion同埋六杯大0既caramel macchiato。
做死人咩。

好趕呀~阿哥吹人要用電腦。。。走喇~~


>>May 31, 2003 at 3:07:22 PM GMT+8

2003 年 5 月 29 日 星期四 【晴】

大早放四點。
放工無0野做。。。
無人約。無約人。人無約。返歸罷啦。

落車之後。唔知做咩好做咩好做咩好。。。呢？
經過漫畫村。不如租漫畫書睇啦~

0係中學時代0既我。為0左慳錢。我好cheap噤痴人張証借書。
仲要成日遲還書果隻。簡直cheap到震。

而漫畫村呢張証。。。係屬於我自己0既。
佢係0係我中七果時唔知發咩溫去申請。
計埋今次我用0左兩次。
其實我係股0左好大勇氣去羅張証出0黎。太耐無用唔知仲用唔用得。

最後。我揀0左<舞吧！卬>（呢個字上面仲有個日字。唔識讀所以唔識打）。
我一次過租0左三期。不過我唔記得問佢幾時要還。。。。。。= ="
第一期極度煽情。睇到我喊。不過好好睇呀~

你上緊網喇播~仲唔話俾我聽我點樣開心！？

昌昌。你好過份呀下~你信唔信我爆你咩咩屍咩0丫0拿！


>>May 29, 2003 at 4:21:26 PM GMT+8

2003 年 5 月 28 日 星期三 【晴】

阿水。。。
你留言俾我？
你有睇我日記0架？
我0地連續三日拍住返大早wor~開唔開心先？
我就驚喇~我好久都冇返過大早~
聽日要醒定0的。但我呢家都未眼訓~點算。。。

陳凌。
你錯喇~你可以照讀個全名。
係唔會有人怪你。
果件sumatra slice中文名叫蘇門答臘咖啡蛋糕。
反而如果你讀錯名或用錯量詞。就會。。。。。。
冇。笑0下姐。例如。
有人會講林明頓做克林頓。。。
波菜芝士批叫0左做波羅芝士批。
一條條0既奶油條會係一支支0既奶油條。
肉卷會係肉飽。

今日唔開心。成日都同個電話講0野都唔同我講0野

>>May 28, 2003 at 4:50:02 PM GMT+8

2003 年 5 月 27 日 星期二 【晴】

好0野~
一寫返日記就有人留言~好0野~拍拍拍拍~（掌鳴）
陳淩果然好低錫~^3^~
喂~我info都有寫0野落去呀~update睇睇0丫~

覺唔覺得逢係叫xx蓮。x蓮x。好老套呀？
但係林憶蓮就一0的都唔老套仲有0的型。
我唔係想笑人0地0的名。我只係想帶出林憶蓮好正。

我唔明。
點解有0的客成日淨係識得指住個餅櫃話要呢樣呢樣同埋果樣。
我隻眼未望落去就收返埋隻手。
0的0野食無名0架咩？
睇唔倒佢指邊樣邊樣同埋邊樣。叫佢指多次就大大力篤個餅櫃。
係篤到"kong kong"聲果隻。裂0左我實要佢賠錢。
唔篤就0係度卒。。。你卒咩姐卒卒卒。
你卒完我都係叫你讀個名出0黎0架啦。卒。。。
有0的人0係你面前撩完鼻屎。又走0黎指指指。
斬你隻手指出0黎0丫喇！

羅紙巾又係。都唔知0的人係唔係有病。
一次過羅十張八張紙巾。有八張六張係無用。
一係就左一舊右一舊紙巾分佈0係整張臺不同位置。
務求唔執死你都唔會罷手果隻。
糖？嘿~唔係飲咖啡0架~主要係想食張臺。

唉。
快0的收工啦~

>>May 27, 2003 at 7:20:39 PM GMT+8

2003 年 5 月 26 日 星期一 【晴】

又返0黎寫日記喇。。。
因為等人返屋企0既返屋企0既電話。（我唔知點寫好。）
所呢家都未訓。好擔心。
因此我做0左好多無聊0野去分散我0既注意力。
例如。search歌仔去單撈。
我諗住打i love you ok。點知我唔小心打0左i love you pk。

其餘0既無聊0野就係。。。繼續諗有0的咩無聊0野好做。
無聊地打日記。


好辛苦呀。。。可唔可以搵個唔洗要我噤擔心0既人呀。
好支力呀。。。又成日鬧交。好無聊呀。

>>May 27, 2003 at 5:23:58 AM GMT+8

2003 年 4 月 22 日 星期二 【晴】

連續兩晚都激嬲0左人。
呆得滯啦。反應太慢啦。發緊夢啦。
令到我忽略0左你。
其實我好支力。我盡緊力。
盡力去討好你。

請你努力去忍受我。


我間唔中都會睇返自己0的日記。
都會覺得好嘔。
真係好嘔。

>>April 22, 2003 at 4:02:56 PM GMT+8

2003 年 4 月 17 日 星期四 【晴】

最近睇返一個廣告。
裡面話：
你唔踢波就走去聽歌~
令我諗起以前0的同學仔話我：
你唔食tea就走去買CD~

好耐都未試過連續三日去食TEA。
亦都好耐未試過兩個月內買八隻CD。

錢多0左。時間小0左。
但點解我都儲唔倒錢0既？

JOYTING~
我都唔知你講咩~

>>April 17, 2003 at 6:30:34 PM GMT+8