2004 年 2 月 17 日 星期二 【晴】

尋晚又通宵左一晚喇....

尋日下晝約左Grace同Wing o係新城市飲野, 齊人之後諗住行落一樓, 睇下去邊度飲野好, 點知好橋咁撞到涼亭呀, 佢同我地打完招呼之後都無停到就好快走左lu, 原來佢趕住去考試呀!! 我仲諗住去o個間"地鐵站"飲野, 點知原來已經執左, 開左間仙踪林, 於是我地就揀左佢喇!! 都幾ok呀, 傾得幾開心呀, 講返以前d野, 好得意!!! 越傾我就越想返一返CWGC, 最後我地仲真係約左Friday返CWGC添!!! 臨走前, Grace問左我一個私人問題, 我地既對話超攪笑!!

到夜晚凌晨, 我就同Autumn, 鼠欣, 再加佢地既一個friend四個人去左沙田間Green Box唱通宵K呀!! 都唱得夠喉架喇, 不過價錢就貴左少少咁啦!!! 唱到6:00, 天都未光, 我地去左飲早茶, 入面全部都係阿公阿婆唻架, 我地四個都幾受注目架, 我地仲樣衰到走左又入返去...ha!! 飲到9:00, 走lu, 我要返屋企訓lu, 而佢地好似仲有節目唔使訓咁, 勁!!

Miss Do同Greg都去唔到BBQ呀, 有d失望架, 不過可以同Miss Do聯絡番真係又好開心呀!!!

好快好快要走喇!! 得番五日... 所有唔捨得我既人, 我都唔捨得你地架!!

>>February 18, 2004 at 6:27:31 PM GMT+8

2004 年 2 月 14 日 星期六 【晴】

前晚好勁呀!!! 同爸興祝完生日之後, 我先至上阿珠屋企, 都10點幾喇!! 我地12:30左右開始開枱, 打打打, 打到天光都唔止, 仲係打到9點半tim呀!!! 打到我爸媽搵仔先走!!! 都有d唔好意思架, 話晒呢晚都係為我而攪, 人人都未走, 我就走先, 總之唔好意思啦!!!

跟住情人節既節目就係朝早訓覺訓到下晝, 醒左一陣又再訓到食dinner, 食完飯就睇Titanic喇!!! 就係咁過喇!!!!

到今日晏晝又係打牌呀...去左Autumn屋企同Autumn, 鼠欣同佢bf蛙仔一齊打, 又打左六個鐘...好恐怖呀... 未試過打牌打到咁癲架, 俾人知道仲以為我好爛賭tim!!! 不過又真係打得幾開心既!!! 我都好想去唱通宵K呀!!!

21號既BBQ越唻越多人去喇!!! 我要繼續努力先得!!!

>>February 15, 2004 at 4:58:16 PM GMT+8

2004 年 2 月 12 日 星期四 【晴】

尋晚好開心呀!!! 又可以一家人開開心心咁去食飯!!! 首先, 我地去左尖東海旁睇激光煙花呀, 咁大個仔第一次o係維港睇煙花, 原來係好正架wor!! 雖然唔係d咩大型煙花, 而且我亦都估唔到會係同屋企人一齊睇我既第一次, 不過無所謂啦, 開心咪得lor!! 之後, 我地又係去左年初一時去既蕉葉咖喱屋食dinner, 阿爸好勁呀, 一食就話d野無咁好食, 問個waitress係唔係轉左師傅, 點知真係呀!! 今次張枱太細呀, 都唔夠位放野食呀!!!

今日爸生日, 我地一陣又出街食飯呀!! 之後我會去珠屋企打邊爐兼打通宵牌!!!

>>February 13, 2004 at 11:21:06 AM GMT+8

2004 年 2 月 9 日 星期一 【晴】

一日一日咁過得好快呀!!! 尋晚Kevin先話時間過得快, 得番兩個禮拜...

鐘意留o係屋企個種感覺!!! 鐘意有人倚靠同俾人倚靠既感覺!!! 繼續享受...

>>February 11, 2004 at 4:41:37 PM GMT+8

2004 年 2 月 8 日 星期日 【晴】

今日以為可以攞到平飛睇楊千嬅演唱會, 搵左好多人之後, 點知係空歡喜一場, 真係好對唔住因為我而失望既friends呀!!

其實, 我係唔係真係好傻呢?? 連家姐都係咁講!! 但係, 我傻得清醒wor, 我知自己做緊乜野架wor!! 或者一直做緊既係無結果既事, 但至少我做過, 爭取過丫, 我覺得值得呀, 我無做既話只會更加後悔, 更加嬲自己!! 唔係講玩架wor, 我從來都未試過咁認真, 咁有耐性去為自己爭取一樣野!!! 我已經盡左力架喇, 我更加唔知道下一步可以再做d乜野!! 但係我真係無諗過放棄... 點解一定係要話失去左先識得珍惜wor, 我一直都好珍惜架而且從來都無諗過會失去, 係唔係希望越大失望就一定越大架je, 咁仲要希望唻做乜wor!!! 就當我一直都o係度逃避緊現實, 我有屋企呢個避難所既日子已經唔多, 好快好快又要過去過另一種生活, 做另一個人, 人無錯係好易熟悉新既環境, 但唔係每個環境都適合自己!! 好唔容易撐左一年, 呢一年無左''妳"呢份心靈既寄託我真係唔知點過!!! 就係因為呢一年我更加知道"妳"對我既重要, 所以我真係放唔低... 呢一年, 一唻大家分開太遠, 二唻大家各有各忙, 我對呢份感情就越係緊張, 真係估唔到咁樣既壓力係咁大!!! 返到唻, 其實可以見到"妳"比可以見到任何人都唻得開心, 但無奈結果係咁樣!!! 無論講到自己幾咁堅強都好, 放唔低就係放唔低!! 日日盼有奇蹟出現, 都可能只係自欺欺人既諗法!!! 不過, o係呢段時間真係學識左一樣野, 就係付出唔一定需要回報!!! 就等我默默耕耘落去啦, 只要一切都係出自內心去做既話, 我相信上天自有安排的!!!!

家姐聽日有exam, 祝你成功啦!!!

>>February 9, 2004 at 7:31:31 PM GMT+8

2004 年 2 月 7 日 星期六 【晴】

今晚好開心架, 因為又有得打波!!! 不過唔夠喉呀!!! 只係兩個鐘邊夠架!!! 以前閒閒地都三個鐘啦!!! 下次再打唔知又要到幾時喇....

今日下晝收到好多好靚既相呀, 可以話失而復得, 而且仲多左好多添呀!! 今次唔會再大意洗左佢地架喇!!! 一定會好好咁keep架!!!

今日開始著手約7B既人21號BBQ, 唔知我可以約到幾多人去呢?? 各位多多俾面啦!!!

仲有16日!!!

>>February 8, 2004 at 5:20:26 PM GMT+8

2004 年 2 月 6 日 星期五 【晴】

今日爸病左呀, 係腸胃炎... 希望佢快d好番啦!!!

今晚同涼亭&Kathy食飯, 之後仲有映相...

又過左一日喇...仲有17日!!!

>>February 7, 2004 at 5:44:02 PM GMT+8

2004 年 2 月 4 日 星期三 【晴】

尋日裸泳生日, 夜晚同佢同Autumn去左元祿食呀, 食左好多野, 因為裸泳係member, 生日就會有半價, 所以呢餐好抵食呀!!! 今日竟然再一次o係街撞到Fanny!!!

今晚原本全家人出街打邊爐係好開心既事, 不過爸媽又..., 唉...

>>February 5, 2004 at 5:58:42 PM GMT+8

2004 年 2 月 2 日 星期一 【晴】

今日一早俾阿Ken個電話嘈醒, 又係壞消息... 我hkcee個math竟然話因為係兩年前而唔應數, 咁我即係要額外take多科math先可以take econ既科...咁即係又要waste多一科既錢喇!!! 已經fail左一科架啦... 以為改科好易, 點知攪到一穫泡, 又煩左ken好耐, 我都有d過意唔去!!!

依家返去1/3先可以補enrol其他科, 又擔心到時會full, 又擔心夾唔到自己既timetable, 唉...
如果enrol唔到... 咁吁好大穫架wor!!!!....

>>February 3, 2004 at 9:53:09 AM GMT+8

2004 年 2 月 1 日 星期日 【晴】

前幾日為左轉科, 攪到頭都大埋!!!! 之前send極email去問我轉科成唔成功都無reply, 叫阿ken幫我去uni問仲話我無交到form, 我明明收左email firm我張form係交左架麻!!! 點解咁架!!! 今日就要enrol, 我Fri先至有email reply話我apply得左, 而Sat先收到信!!! 等我Fri只係用一晚時間諗timetable, 第日又要返工wor, 個晚諗到我有d想嘔既感覺tim!!!

今日搵Ken幫我enrol, 點知岩岩收到電話有d問題, 有一科econ enrol唔到, Ken又要exam搵唔到佢住, 所以依家好擔心呀!!! enrol唔到個科咁我就...死啦, 我都唔知會點....

我唔使再返工喇!!! 尋晚通宵打麻雀!!! 返到屋企六點幾!!!
得閒打個電話俾我, 等我唔使咁悶啦!!!

>>February 2, 2004 at 4:56:29 AM GMT+8