2004 年 5 月 26 日 星期三 【晴】

終於都過左呢個test喇, 我足足熬左三晚, 三晚都五點幾先訓架, 不過其實我都係由凌晨先開始專心去溫!!!! 尋晚我同ken一齊溫, 雖然佢係sibt, 不過我地讀既野係一樣, 而且佢就快exam, 所以尋晚我地一齊研究interaction同exchange rate, 好勁呀, 我地溫到五點幾, 雖然我好似教緊佢咁, 但其實都好有用呀, 自己既concept都清好多!!!! 其實我今個test只有一題, 範圍只係三個module, 就係interaction, exchange rate and money creation process, 點知今日條long question竟然出money creation process!!!! 好彩自己都溫左呢個topic, 仲唔錯tim!!! 個test應該掂卦!!!

>>May 27, 2004 at 9:21:00 AM GMT+8

2004 年 5 月 25 日 星期二 【晴】

聽晚就係個個好煩既macro long answer question test喇, 懶左好多個日頭, 熬左幾晚夜既結果唔知會係點呢?? 今晚又要熬喇...

>>May 26, 2004 at 11:58:21 AM GMT+8

2004 年 5 月 17 日 星期一 【晴】

<<我有時覺得>>

我有時難免覺得　她好像尚在懷內
當一個人　和一個人　既愛又無奈
我有時還會妄想　她一樣放不開
我倆將來　尚有將來　最後不該　失散於人海
（到了將來　自會歸來　這段分開　不過考驗愛）

夠暖嗎　餓了嗎　倦了嗎　病了嗎
可惜她　已搬家　問了也　無答話
忘了在那晚　我最愛的她
眉目那樣絕情　不像在乎過　我會永遠等她

>>May 18, 2004 at 11:53:42 AM GMT+8

2004 年 5 月 17 日 星期一 【晴】

aiya... 我寫左個diary又唔小心洗左喇, 又要寫過...

唔好成日話我去左玩啦, 我都有俾心機溫書既時候架!!! 好似尋晚咁我就去左library溫書架!!! 至於今日個maths test直情掂啦, 好彩自己既maths底唔差je!!!! 不過下個week有macro test, 真係唔多掂喇, 有d擔心咁啦, 仲要係long ans question test呀...

之前同阮補祝生日係我地既"悉心"安排之下攪掂左喇, 佢收個兩份禮物好正架, 正如anthony話阮"忍又得, 唔忍又得"...ha

佢都幾無奈呀!!! 佢女朋友考完a- level諗住想過唻au玩一段時間, 咁佢當然要用一大筆喇, 當同屋企人講時, 佢屋企人因為某d原因唔想佢女朋友仔過唻呀, 攪到佢進退兩難咁....尋晚就聽左佢呻左一段時間喇....

>>May 18, 2004 at 9:12:27 AM GMT+8

2004 年 5 月 14 日 星期五 【晴】

尋晚又去左RSL篤波呀, 係好即興去架!! 原本我同Carl 打緊table tennis, ken 同kevin跟住上左唻, 佢地都話無野做, ken 又撩去RSL, 所以我地四個就即興去左喇!!!! 到左無耐, anthony同佢爸爸join 埋我地呀!!

最衰都係自己貪心啦, 玩machine輸左呀, 下次唔敢lu!!!!....

不過尋晚篤波好勁呀, 對anthony 時一直head住佢架, 後尾最衰自己撻死左, 俾anthony反超前贏左... 但係跟住對ken, 我竟然0係清晒紅波之後head佢32度呀, 跟住既colour波都唔使再打lu!!! 尋晚一定係癲左!!!

今晚我地會同阮補祝番生日呀... 之前佢生日個日竟然無人記得呀!!!! 我地個晚仲要叫左佢打牌tim, 點知我地一d表示都無呀, 佢仲要輸錢走tim, 唔知佢有幾失望呢??

呢幾日好乾燥呀...

>>May 15, 2004 at 5:52:40 AM GMT+8

2004 年 5 月 10 日 星期一 【晴】

知道daddy好傷心呀, 自己個心都好唔舒服, 知道無事就好喇, 無論真係有原因又好, 無原因又好, 都唔重要喇!!!

其實爸真係好錫屋企人架!!! 佢見我無打電話返屋企, 又主動打俾我, 至於mother's day個日, 爸仲專登打俾我提我夜d打返屋企搵媽咪添呀!!!

以後我真係要打多d電話返屋企先得!!!

>>May 11, 2004 at 5:17:51 PM GMT+8

2004 年 5 月 10 日 星期一 【晴】

尋晚半夜收到一個好突然既消息呀... 二家姐話我知我地有一個好親既長輩自殺呀... 我問佢咩事, 佢都係乜都唔知... 之前我打過電話返屋企架, 不過爸媽無同我講過....

直至家姐深夜打俾我, 我先至安落左少少... 點解佢要咁做既??....好彩無事呀.... 真係多得一個哥哥既努力...

不過, 我對鄉下既所謂醫生真係徹底失望, 或者我對佢地根本從沒有過信心, 今次之後我簡直覺得"佢"係癈架!!!!! 個"醫生"初初竟然話無得救, 好彩哥哥努力咁按摩, 個長輩終於有番反應!!!!

正如家姐覺得, 點解仲要有咁多鬥爭呢??

尋晚發左個有關呢個長輩既夢呀, 個夢入面, 爸媽都為佢好擔心呀!!!!

>>May 11, 2004 at 1:14:14 PM GMT+8

2004 年 5 月 7 日 星期五 【晴】

今晚我竟然輸左成條街俾Ken呀, 對阿Yuen真係好好好失望呀!!!

今晚我,anthony, ken, kevin, carl, kenneth六個人去North Ryde既RSL(一間有Bar, 有casino, 有野食, 有得篤波既Pub) 食dinner兼篤波!!! yuen n sophie 後尾再join我地!!! 今次第一次去個度, 個度真係幾大呀, 不過就幾偏僻, 我地出入都要叫的士!!!

我地六個一去度之後就搵地方食野, 起初去左間中式酒樓食, 不過無位兼好貴, 跟住去左間餐廳食, 個度幾得意架, 我地將我地既order mark晒o係張order紙度之後, 好似fast food store咁要出去俾錢, 不過唔同既係佢地有waiter送野食去枱!!!! d野食都唔平呀, 不過ok la!!! 最慘係我地等左好耐, 成大半個鐘先有野唻, 我地懷疑佢地漏左order, 直至我地叫waiter催下先有野唻!!!

因為我地等左好耐, yuen同sophie又未到, 我地既話題就講佢兩個有幾唔掂, ken就話輸賭yuen入唻時一定行先過sophie, 我就話阮會搭住sophie入唻一齊入, 邊個輸左就將樽鹽搖三下放o係手度食左佢, 居然無人bi 我!!! 後尾覺得搭住入都可以有先後, 唔公平之下取消左!!! 但係跟住ken就話yuen 入到唻一定會坐先, 我死都唔信, 點會唔搵位等sophie坐好自己先坐呢?? 好可惜同樣無人bi我, 今次於是輸左除左鹽之外, 再加埋胡椒粉三下!!!! 最後deal!!!!

點知.......唉......當anthony出去接yuen, sophie入唻時, 見到yuen竟然係行先過sophie成大截, 唔好話搭住sophie, 拖都無拖!!!! 呢個都算, 因為我地既賭cancell左!!! 跟住佢地行到去我地張枱後, yuen搵左兩張椅過唻, 不過攞完之後, 無理sophie就坐左去最近佢自己張椅度.....唉, 我只可以即刻去攞起樽盬同胡椒粉......

到今晚返唻, ken同我講番佢地個架taxi d野我知, 佢話yuen竟然係第一個自己走上車既人......點解yuen咁做人男朋友都得既, 真佩服佢!!!!

今晚我地o係RSL篤波篤到2點幾, 好癡線!!!! 其間我都有玩下Machine, 贏左少少咁啦!!!!

>>May 8, 2004 at 6:01:30 PM GMT+8

2004 年 5 月 6 日 星期四 【晴】

今晚發生左一件好得意既事呀, 我都算係做左一件好事呀!!!

今晚係dlc 既variety day, 夜晚睇完個show (個show有d悶) 返房之後, 發覺icq有msg呀!! 一睇, 估唔到會係佢呀, 佢係我一個friend既女朋友呀, 我到依刻都未有機會見過佢, 就算上次返香港曾經諗過約過, 不過都約唔成... 佢今次同我say hi, 咁我覆佢問佢近排點啦, 又問佢同我個friend點啦, 點知佢話可能同我個friend既relationship唔會好長, 原來佢say hi to me係有原因架!!!!

原來佢發脾氣同我個friend(A)講分手, 之後想搵番佢又搵唔到, 於是佢想我幫手搵A, 加埋同A解釋, 不過佢後尾先醒起我唔係o係HK, 我叫佢主動同返A解釋, 同埋唔好為左d誤會而第時後悔, 其實我聽佢既語氣都幾緊A, 所以我叫佢珍惜唔好亂咁講分手, 搵機會同A傾下!!! 跟住佢發現A online, 過左陣之後, 佢好絕望咁send左句"完了"俾我, 我同佢講如果佢真係鐘意A就應該爭取, 佢跟住話A已經放棄, 佢自己撐唔到, 我叫佢唔好放棄呀, 就算A放棄左唔代表你要放棄架!!! 後尾我問佢介唔介意等我同A傾下, 佢既回應係...我仲有資格介意咩!!!

同A講左兩句, 問佢有無彎轉, 佢話唔係無, 不過係佢講分手先, 我同佢講番個女仔好似好緊佢, 而且我知道A唔會係玩玩下既人, 所以我叫佢認真諗下, 遲d後悔就太遲喇, 況且一齊左咁耐, 分開真係好可惜, 有問題仲有解決既辦法...跟住無耐, 就聽到佢話無事既消息, 真係好戥佢地開心架, 話晒一段感情既結束係一件好可惜既事!!!! 我當然即刻恭喜我個friend啦, 跟住佢地一個多謝我, 一個唔該我!!! 真係好開心呀!!! 今晚做左件大大既好事!!!!

>>May 7, 2004 at 5:19:42 PM GMT+8

2004 年 5 月 5 日 星期三 【晴】

今晚突然知道左莫sir同佢學校有學生浸死件事有關, 都幾意外, 不過好彩佢都無事!!! 我仲以為呢件事係近期發生既事, 點知一同johnny講, 先知原來件事係上年發生既, 到今年先審!!! 所以好慘咁俾佢話我out!!! 不過莫sir既壓力一定好大!!!! 我同佢都好耐未見過面lu...

同johnny, sunny傾傾下icq, 傾埋UST打交件事, 原來johnny係住o係打人個個hall添架!!!! 佢兩個都唔在場, 不過都話其實只係小事, d報紙誇大晒je!!!!!

>>May 6, 2004 at 5:33:44 PM GMT+8