2004 年 11 月 13 日 星期六 【晴】

聽朝考車... 仲未識驚tim... 不過其實都無咩好驚je, 唔得咪再唻過lor!!! (haha, 自我安慰定先!!) 不過估唔到原來loretha都有licence啦!!! aiya... 咁我咁遲先考咪好屎lor.... 如果唔得fail左咪仲屎上屎??.... 噢.....

好苦惱既一個問題: 我今晚幾點訓好呢???...

>>November 14, 2004 at 12:12:19 PM GMT+8

2004 年 11 月 12 日 星期五 【晴】

今晚一次過同keith(今日), jeff(17號) & kevin(25號) 興祝生日!!! haha... 一次過!! 因為考試喇, 好難再約成班人一齊出唻!!! 今晚仲有我, anthony, keith yueng, connie, loretha, ken, ji hung, julia, brigitte, kenneth, 一共13個人呀!!! 我地去左chatswood 京滿樓 (個名好似係咁!!) 食, 原本以為好抵, 點知出唻d菜勁細, 隻碟仲細過dlc dinning hall d碟!!! 而且等既時間又長wor... 唉!! 起初叫左10個菜, 最後要加碼去到13碟!!! 然後仲有個好甜好"漏"既蛋糕呀!!!! 厲害!!!

食緊野時, 我嚇親kenneth同brigitte喇!!! 佢兩個咩咩咩呀, 咁我見到, 咪即刻指住佢地話"啊!! 你兩個做咩呀??" 其實佢兩個玩緊手je, 不過俾我嚇到即刻縮手, 兼且兩個都即刻面紅!!! hahaha... 好好笑, 好得意呀!!! 不過攪到佢兩個咁尷尬又幾唔好意思既!!! 希望brigitte唔會嬲我啦!!! haha!! 但係佢兩個既犧牲係值得架, 因為可以令到人人都笑麻!!! haha!!

一大班人可以一齊坐埋食飯係無咁悶架!!! 可能亦因為白癡anthony亦坐我隔離啦!!!! haha!!! 今晚真係幾好玩呀!!!

夜晚同alice, loretha, jeff一齊睇左掌門人7呀!!! 都唔係好好笑既....

>>November 13, 2004 at 2:13:16 PM GMT+8

2004 年 11 月 10 日 星期三 【晴】

頂... 真係病Q左tim... 尋晚成日唔停流鼻水, 個頭痛到爆!! 咁耐以唻都未試過個頭痛到要我主動去搵panadol食既!!! 低B架!!!

今朝10:00起身同kevin返學, wah... 我把聲唔見左呀.... 隔左好耐先開到聲...

到今晚connie話有幸福傷風素, 咁我啪左幾粒, 希望聽日真係無事啦!!!

今晚jeff攞左一大袋麵包俾我, 於是乎又去請街坊喇!!!

alice今日考車終於掂左喇, 唔知我下個monday會唔會一次pass到呢??

>>November 11, 2004 at 3:34:27 PM GMT+8

2004 年 11 月 8 日 星期一 【晴】

唔知係唔係作病呢?? 不斷流鼻水, 個喉嚨又唔多妥!!! 都幾唔舒服下, 好似隨時會板低咁, 但係又未咁快俾我扳住, 吊下吊下咁 ... 唉... 呢幾日d天氣真係煩, 一時好熱, 一時又好凍... 身邊幾個friend都病左喇.... 考試架喇, 唔可以咁樣, 點都要撐住, 亦係最後衝刺既時間喇!!!

>>November 9, 2004 at 2:07:26 PM GMT+8

2004 年 11 月 7 日 星期日 【晴】

仲有一個禮拜多d就考試喇, 點算呢, 好似好多野都未溫過, 時日無多喇... 呢幾日除左食lunch同dinner係準時之外, 乜野都亂晒, 溫溫下書訓著覺, 訓左無耐醒左又再溫過, 溫書既時間又唔係多wor, 得閒又上下網, 行行企企咁, 一日訓幾次覺, 訓得又唔算多, 日日都睇到個天轉黑, 又睇到個天轉光, haha!!! 真係唔知咩日子喇!!!

仲有18日返香港!!! 但係淨番9日就考試...

>>November 8, 2004 at 1:47:18 PM GMT+8

2004 年 11 月 5 日 星期五 【晴】

尋晚alice發神經突然提議飲酒兼打牌, 因為之前halloween飲唔成, 我今次都幾想飲呀, 雖然快考試.... 最後我同佢變左最擁躍個兩個!!! 最後都飲得成呀, 11點開始, 不過就無打牌喇!!! 都有好多人飲呀, 有成10,11個左右, 去左alice房飲, 我地仲買左兩箱酒tim!!!

我好慘咁變左係飲得最多個個, 因為玩789時, 同alice partner, 我唔知點解好黑仔咁成日擲9, 唉!!! 最後我飲到飲唔落喇... 跟住酒都未清晒, 佢地個個都話唔好飲住, 玩truth or dare, 我, 當然無咩蝕底啦, 因為我都無咩唔講得既秘密既!! 但係做聽個個, 知得太多, 都未必係開心架....

跟住傾傾下計直到差唔多5點先返房.....

今晚好誇張咁21人一齊出去eastwood食飯!! 話時話好似係我見議加一手策劃架!!! 今日下晝, kenneth 同brigitte出去eastwood book 枱先, 雖然期間有d阻制, 不過最後都順利book到7點!!! 於是我地就6:30係dlc courtyard等喇!!! 我, ken, hung, kevin, loretha, yuen, sophie, jeff, grady, alice, jee jeen, connie, magic keith, tall thin, brion, julia, valarie, lerry, sharon一行19人一齊坐bus, 第一次!!! 到左eastwood join埋kenneth, brigitte, 一行21人一齊行, 第一次!!! 跟住入去酒樓, 我入到去望返轉頭仲未見到龍尾, 第一次!!! 不過好可惜大家分開兩張枱坐無乜氣氛, 悶左少少, 比遇期中失望呀... 食完走喇, 因為趕唔到bus, 要等成個鐘, 所以我贊成行路, 又有好多人一齊wor, 其他有d等bus, 有d taxi, 雖然無數過幾多人行路, 不過一定又係第一次咁多!!! 行左個半鐘, 又係第一次咁耐!!!!

>>November 6, 2004 at 6:19:47 PM GMT+8

2004 年 11 月 3 日 星期三 【晴】

尋日好難得上堂時撞到阿yuen, 雖然住埋同一個college, 不過對上一次同佢講野好似已經係訂機票既事!!! 而佢亦都幾out下, 好多野都唔知, haha!!! 佢一見到我之後無耐, 竟然問左我一個令我好驚訝既問題.... 乜似咩?? 我可能都想...

17號考試喇, 時日無多, 考完就可以返香港喇!!! 亦即係話我住o係dlc既時間亦越唻越少, 下年搬左出去唔知會係點呢?? o係dlc住左兩年, 玩得最最最開心既, 莫過於係呢一年既呢個時候, 可以一大班人玩得咁開心, 咁close, 真係好難得!!! 特別係今年既formal dinner, 雖然我miss左一大段時間, 但足以令我非常難忘!!! :-)

仲有今個Saturday, 唔知廿幾人一齊出去食飯既feel係點樣既呢?? 希望攪得成啦!!!! 熱切期待!!!

>>November 4, 2004 at 9:19:42 AM GMT+8

2004 年 10 月 31 日 星期日 【晴】

尋日既halloween好鬼死無聊呀!!! 夜晚一大班人諗住去the ranch, 點知去到10點幾, 原來已經一早閂左!! 下, halloween都咁早閂??!!! 好掃興呀, 就咁去到the ranch門口映左兩張相安慰下自己就走.....跟住諗住自己買酒飲, 點知乜都閂晒, 要買既話要出city先有!! 我地有成10個人走返去dlc, 坐左係reception度諗計, 又不斷打電話問人邊度有酒買, 好可惜個答案係無....因為話無人sunday會飲酒架wor!!!.... 跟住擾攘到11點幾, 始終都係散水, 太太太掃興喇!!! 一早諗左拋個身出唻玩埋呢日, 點知事與願違!! 唉... 真係好難收拾到心情去溫書.... 於是成晚書就無乜點溫, 反而同alice傾左個好鬼耐既電話!!!

>>November 1, 2004 at 3:30:06 AM GMT+8

2004 年 10 月 29 日 星期五 【晴】

尋晚DLC既formal dinner, 真真正正咁冧左, 真真正正咁嘔左我既第一次喇!!! 尋晚真係發生太多太多事喇, 真係一個好難忘既my last dlc formal dinner!!!

尋日下晝差唔多夠六點, 個個都著好晒衫, 好多都走左過唻我地呢邊3 west度, 一齊咁走落去pre-drink, 當然亦係開始映相既時間啦!!! 不斷映, 映, 映, 跟住無幾耐就埋位喇!!! 今年係我咁多次formal dinner, 最多香港人( 除左jee jeen, grady, loretha) 走埋一齊, 一齊坐既一次, 真係好正好正, 可以周圍去映相!!!

坐好位之後, 我當然好醒目咁第一個走埋去同成班女仔一齊映啦!!! haha, 跟住個個男仔都排隊學我喇!!! 食野喇!!! 頭盤係三文魚(兩小塊咁多!!) 食完之後, oh...我同kenneth已經不斷隊酒喇!!! 我飲既係白酒!! 佢係紅酒!! 除左kenneth, 我都有同其他人飲, main dish未到, 我已經飲左五六杯!! 可能飲得太快, 個人已經飄下飄下, main dish唻到只係食得兩啖就訓左o係枱度, 過左一陣, 我肚入面d 野真係湧左出唻, 好彩我一手攞左條餐巾掩住個咀, 回一回氣之後就衝上去厠所, 可惜走既途中已經失左少少手, 攪到衫褲鞋都有!!! o係厠所我記得好似有kevin陪住我, 跟住我嘔呀, 嘔呀!! 然後返到房, 我又對住個洗手盤嘔個痛快!!! 嘔到無野嘔為止!!! 就咁除左d衫, o係張床度醉死左!!! 訓呀, 訓呀!!! 出面好噪呀, 佢地可能睇keith玩magic, 仲有人輪住敲我門, 我想開都無力去開!!! 最後我去開左門又走返上床, 都唔記得有邊個入個我房喇, 只係知好多人都入過唻!!! 我爭扎坐左o係書枱上面, 因為我要俾自己醒, 我仲要去after party!!!! julia好好呀, 佢幫我煲水沖左茶同整左條熱毛巾俾我, 真係好warm呀!!! 佢地跟住個個去晒after party, 我唔知爭扎左幾耐, 花左幾多意志力, 先行到去shower, 個下個頭痛到真係不知所謂!!!! 沖完涼換件衫就坎左落去dining hall join佢地喇!!! ....我全晚乜都無食, 都嘔晒出唻, 連甜品都未出就劏左喇, 真羞家呀...haha!!

落到after party, 我越唻越醒喇, 雖然free drink, 我亦唔敢再飲!!! 大家一齊跳舞, 幾開心呀!!! julia一直陪住varlarie, 而我一直都有睇住loretha!!! 有一次lary走左去loretha旁邊, loretha不斷用手指篤我, 個時咁Q 前面d鬼仔鬼妹跳舞跳到除衫除褲 ( 真的!!! 男既除褲, 女既除衫!!), 我就即刻走去同lary講!!!

kenneth同brigitte佢兩個真係happy喇, 跳跳下舞唔見左人wor, 我地完左party敲kenneth房都唔見人!!! 而且jee jeen 都係呀!!!haha!!! 至於grady, 佢就真係醉得厲害喇, 醉到訓左係地下, 我同高瘦挾佢返房, julia"開路", grady不斷講野, 問佢女朋友叫咩名, 佢話唔知, 佢問我係邊個, 但係之後又對住我話"""eric"""係佢女朋友, 又話eric好渣, 飲左兩杯就醉, 佢就好勁, 又叫我唔好同eric講, 最後仲要醒句"are u sure??"俾我!!! 激死!!!! 另外高瘦都過左陣就埋單俾sharon抬走喇!!! 完既時候, 我, kevin, jeff送左loretha返房之後, 我地三個同brion o係kevin房!!!

傾傾下, 點知julia send lan chat msg話lary o係varlarie房門口, 話無帶key, 想入佢房!!! 之後兩點幾鐘, 我地都拖馬搵埋keith 5個人一齊走去varlarie房!!! 原來先頭部隊julia同ken都o係入面, 我地都入晒varlarie房!!! 我地傾下傾下, 又傾左好耐先走!!!

而jeff尋晚就o係我房訓無返屋企呀!!!

今日下晝我地又一班人出city呀!!! 都好耐未出過喇, 我地帶grady 同loretha去opera house同darling harbour, dinner就o係別不同食呀!!! 又映左唔少相呀!!!

>>November 13, 2004 at 2:18:39 PM GMT+8

2004 年 10 月 26 日 星期二 【晴】

今日又幾開心wor!!! haha...
今日好辛苦咁上完4個鐘lecture之後, 今晚竟然收到好消息, 就係終於有得睇獎門人喇!!! 一齊睇左兩集之後, 我, kenneth, loretha就陪grady去左balaclava度睇房!!! 都9點幾架喇!!! 今晚既配搭好得意呀, loretha係個17歲既indonesian女仔, 識普通話同英文, grady係個19歲既四川男仔, 識普通話而英文不太好!!! 好攪笑呀, 全程我同kenneth都用d半咸半淡既mandarin, 一路行一路傾下計, 講下笑, 感覺不錯呀!!! 最攪笑睇完房返dlc時, 我地去左balaclava既woolworths買完野之後, 全程三個字既路, loretha都坐左上trolley度由我地三個猛男護送佢返唻, 一個驚險萬分既旅程!!! haha!!!

依排成日講普通話呀, 好似講得仲多過cantonese喇!! 不過我普通話仍然係好普通, 今晚仲俾jeff笑tim....

後日formal dinner, 要映靚相!!!!

>>October 27, 2004 at 5:29:03 PM GMT+8