2004 年 5 月 5 日 星期三 【晴】

<<傷心換日線>>

節奏怨曲不夠怨　素性轉聽心太軟
配襯這機艙更見淒酸

按照我起點計算　你我已分手了將一天
還是想起都眼淺

我們就算　無復甜蜜與新鮮
愛情就算　平淡如飛機餐點
我們亦算　危難時共過辛酸
錯分的手可否不算

當飛機飛過換日線一邊
可不可返回情人離開的一天
將分手一節倒轉再開演
重返彼此身邊不變

當飛機飛過換日線一邊
可不可返回情人離開的一天
將分手一節倒轉再開演
後果相差可會很遠

你的深宵三點　我的清晨七點
我的世界各一端　NO
難道你和我　經已從此相差一天
無法令你讓我贖回　命裡最是錯一天

這班機飛往過去那一天
彷彿想追回從前遺失的鐘點
假使可跟你再過這一天
或許這苦戀　仍有彎可轉

很想知怎樣換日再偷天
將光陰推回情人離開的一天
將分手一節倒轉再開演
重返彼此身邊不變

很想知怎樣換日再偷天
將畫面推回頻臨離機的一點
不分手忍到過了最低點(隨你敷衍)
或可　扭轉　情感的凶險

很想知怎樣換日再偷天
將分手一幕自命裡扭轉
早知今天　回到你的身邊

>>May 6, 2004 at 12:25:47 PM GMT+8

2004 年 5 月 4 日 星期二 【晴】

今晚爸打左個電話俾我呀, 講真都好似好耐無同爸講過電話添, 之前打過番屋企都因為太晏爸都訓左, 所以爸今晚打電話問我點解咁耐唔打返屋企!!! 攪到我好衰添!!!

跟住同家姐講左兩句, 原來二家姐過幾日會同佢個男朋友仔去旅行呀, 唔記得左話去乜乜島wor(海南島??)!!! 都真係幾羨慕架!!! 可以無憂無慮咁過過二人世界又真係幾浪漫呀!!!

已經決定o係呢度學車喇, 如無意外會o係個break度學!!! 家姐都學得到, 我無理由唔得既, right?? 而且我仲要實現我同家姐夾份買車既計劃tim呀!!!!

>>May 5, 2004 at 4:42:37 PM GMT+8

2004 年 5 月 3 日 星期一 【晴】

好慘呀...尋晚俾人攪呀...

因為今日要返早, 尋晚未夠兩點就上左床訓(算好早架喇!!), 點知訓訓下俾人大力拍門, 第一次我無理, 跟住第二次先起身走去開, 我起身睇下個鐘, 四點!! 個下都幾驚架, 咁夜會係邊個呢, 仲要大大力拍門!!! 我扣住個門鏈開門, 見到出面俾人放左個垃圾桶o係門口, 另外就乜人都無, 我開左一陣都見唔到人, 而且亦無聲, 知道俾人玩, 不過真係唔知會係邊個, 我走返上床諗, 個下都幾驚, 諗會唔會有鬼仔飲醉酒玩野呢, 抑或係俾自己班friend玩呢??....

跟住隔左陣, 又有人大力拍我門, 我又再起身開門, 同樣扣住門鏈開, 點知一開見到kevin, 然後就有一大班人衝左入唻, 條門鏈當然無用啦, 門鏈d鏍絲俾佢地一撞就爆開晒, 我都唔記得自己講左d乜喇, 亦無留意有幾多個人玩, 只係個下有d嬲架, 明知人訓左都仲玩!!!!

到今日聽番佢地講原來我唔係第一個受害者, 佢地玩ken先, 跟住玩kevin, 然後就玩我, 聽anthony講玩我個時有成9個人玩tim呀, 大佬, 個時四點喇, 仲咁有聊!!! 我估個時有anthony, keith, kevin, jacky, jackie, yuen, sophie, carl, kenneth卦, 個個都係夜鬼!!!!!

呢幾日好悶好悶呀, 我地不斷咁o係icq問人做緊乜, 因為個個都o係房唔知有乜好做...... 呢d日子仲有排要熬呀!!! 真係一個沉悶既讀書生涯...

>>May 4, 2004 at 3:01:21 PM GMT+8

2004 年 5 月 1 日 星期六 【晴】

今晚食完dinner之後, 我地竟然一次過睇左4套movie, 首先係'人肉叉燒包', 原來套戲都幾嘔心架wor, 真係睇到毛管棟; 跟住睇韓劇, '瘋狂初戀', 以為成套都係笑片, 睇睇下又有d悶, 跟住結尾又唔錯呀, 真係好羨慕個個男主角有個咁好既結局; 然後就睇'我的兄弟姊妹', 佢地講左好耐好耐話好睇, 不過一直我都未有機會睇, 真係好正好正呀, 我地四個男仔一齊睇, 只有我第一次睇, 但係我地四個不斷倫住 '索' 鼻, 好彩我地係熄晒燈睇, 如果唔係大家既醜相俾人睇晒, 真係好感人呀; 最後睇'正將', 都ok啦, 不過個結局就真係唔多明喇...

一日比一日凍喇, 好乾呀, 個鼻今日未停過咁流鼻水呀, 雖然由細到大都係咁, 但都好唔舒服...

>>May 2, 2004 at 5:23:11 PM GMT+8

2004 年 5 月 1 日 星期六 【晴】

<借過>

看看你 誰人可比你好
好得這麼恐怖 真的不知所措
連前度那傷口 也細緻的問到
痛到那種程度 遲一些可會好
還提及上次戀愛 預算與我終老
仍在和她一起 也收起我的好

傷我或是害我都慘不過教我記得一起幸福過
情願我聽不清楚當時誰人口口聲聲不會掉低我

待我差我沒有奈何
為何扮好心慰問很掛念我麼
還能成為密友麼
你說得真輕鬆講笑也 別太過

你懺悔 無人可比我好
今天終於知道 不該知恩不報
還承認你不知 你錯到一面倒
我會更加容易 拿開拐杖企好
為何又共我講到 念掛我那擁抱
豺狼誠心禱告 難道並沒企圖

傷我或是害我都慘不過教我記得一起幸福過
情願我聽不清楚當時誰人口口聲聲不會掉低我

待我差我沒有奈何
為何扮好心慰問很掛念我麼
還能成為密友麼
你說畢生犧牲不愛我 別拉拖

是對我好就請躲開我你讓我安靜行過

因你犯下大錯都慘不過教我記得彼此熱戀過
情願我聽不清楚當時誰人口口聲聲不會掉低我

我到底可像太傻
為何扮好心慰問很掛念我麼
還能成為密友麼
你說得可天真不愛我 就借過

>>May 2, 2004 at 6:56:21 AM GMT+8

2004 年 4 月 30 日 星期五 【晴】

尋晚又發左一個好好既夢呀, 點解呢排既夢會咁好既?? 而夢境幾時會成真呢??

原來HK既U好快就final exam喇, 希望佢地個個都順利啦!!!

唔經唔覺五月喇, 返左過唻都兩個月喇, 已經過左半個sem, 幾時先到年尾呢?? 前幾日racheal 問我miss 唔miss香港, 咁當然miss啦, 正如媽咪成日講, 佢發夢都想我成日o係佢身邊, 咁我何想又唔想留o係香港呢!!!!

天氣開始凍喇... 個鼻又開始唔多舒服喇...

>>May 1, 2004 at 5:07:50 AM GMT+8

2004 年 4 月 28 日 星期三 【晴】

今晚打左電話俾媽咪, 知道嫲嫲好番d, 咁都安樂好多!!!

前日完左accg250 midterm test, 今日完埋econ110咁就完晒d test, 其實d test唔係太難, 但係覺得自己可以再考好d, 要怪就怪自己太懶無心機溫書啦...

好想下年可以搬去new wing住呀, 一唻kevin讀埋今年, 我地玩開個幾個就得我一個o係呢邊, 二唻new wing真係大d, 靚d, 舒服d, 不過就係貴先麻煩, 都唔知點好...就係因為唔係唔搬唔得, 好難開口問爸媽...

o係個break度俾我知道kevin竟然有'抱雪'呢首歌, 好好聽架!!! 可以再聽番依然都仲好鐘意!!!
細雪最終都降下了
門牌從未覺得重要
要找的人 無聲呼召
愛沒有因風雪搖

以半生找的正是你
仍然懷念你的微笑
最初相逢 人早肯定
你是命裡所缺少

祈望共抱雪 原來熱愛不用說
讓瞬間的戀火一生一世燒
天知道有你 今生比有我重要
不想轉眼失去你

以半生找的正是你
誰拿緣份去開玩笑
再可相逢 如此巧妙
各自看過風雪飄

天知道有你 今生比有我重要
不想轉眼失去你

>>April 29, 2004 at 6:01:57 PM GMT+8

2004 年 4 月 26 日 星期一 【晴】

已經返番唻自己房喇, 今日亦都返番學, 癲夠, 懶夠喇!! 要俾心機先得!!

希望嫲嫲無事啦!!!

>>April 27, 2004 at 12:30:43 PM GMT+8

2004 年 4 月 21 日 星期三 【晴】

kevin同anthony夾份買個架車終於都攞左去劏lu!!! 換番唻最後只有$50!!!! 之前因為kevin既一次唔小心駕駛, 令到架車嚴重內傷, 再救既話要成$2000, 咁當然唔救佢啦!!!

聽家姐講港龍下年可能有機直飛sydney喇!!! 如果係就正喇!!! 到時就可以有一折機票用喇!!!

>>November 13, 2004 at 2:37:20 PM GMT+8

2004 年 4 月 21 日 星期三 【晴】

呢兩晚都發同一種既夢!!! 最得意既係, 發緊夢時俾人嘈醒左, 再訓番時個夢依然可以延續落去!!! 太神奇喇!!! 如果呢個夢有朝一日可以實現就太好喇!!!

今個Sem Break好可能唔返香港喇!!! 我想返架, 不過算啦, 留番年尾先返化算d!!!

>>April 22, 2004 at 6:46:53 PM GMT+8