2004 年 4 月 19 日 星期一 【晴】

太懶太懶喇!!!!! 點算好, 仲有好多野未做呀!!!!

前日既下晝, 好偶然咁俾我見到家姐個icq info入面有首歌詞, 首歌真係好熟好熟, 我只係睇左兩句已經知咩歌, 不過最奇怪係, 照計家姐無可能專登聽詩歌, 問家姐點解會有呢首歌, 同埋佢點識首歌... 估唔到呢首歌會係''天作之盒''既主題曲, 亦因為咁俾我知道''天作之盒''係一場乜野film!!!!

前日亦同左家姐, 媽咪傾電話, 我都好想返唻呀, 不過.... 我都唔知點好...

今日知道左部DV壞左, 如果要整番要差唔多二千蚊, 唉...其實部DV買左咁耐都唔係用過好多次, 最衰都係自己個時話要買, 買左又用唔著!!!! 所以我話如果整既話我出番錢呀, 我覺得應該係我負責番既!!!!

>>April 20, 2004 at 6:29:48 PM GMT+8

2004 年 4 月 14 日 星期三 【晴】

今晚又輸錢喇!!! 呢排真係好黑仔呀, 我諗都要抖番一大段時間回下氣先得喇!!!

今日下晝終於都有去到library溫左一陣書, 不過好似乜都入唔到腦咁, 仲未收拾好心情去溫書... 至於到夜晚又係玩, 玩, 玩... 可能係最後癲埋今晚架渣, 之後ken同keith下個week就要返學, 我同kevin雖然仲有個幾week既假, 不過都有好多assignment未郁過, 真係要努力下先得喇!!!

頭先一路打diary一路同keith傾計, 發覺原來自己真係好幸福架!!!! 好多人一開始選擇過唻讀書時, 就要屋企借錢幫自己''咩''住一大筆債供自己讀書, 而我雖然亦係欠人既債, 但似乎只係欠爸媽既債, 相對唻講我既壓力的確少好多!!! 再同keith講到同屋企人既關係時, 佢仲好羨慕我tim呀!!!!

>>April 15, 2004 at 8:07:48 PM GMT+8

2004 年 4 月 13 日 星期二 【晴】

今日我地去左easter show呀, 又係一個倒錢既日子!!! 不過真係幾正呀!!! 有我, ken, kevin, keith, 阮, sophie (阮同sophie係上左車先撞到架!!!) 雖然同上年既節目, 攤位, game都好似一模一樣, 但係今年無落雨而且終於可以睇到上年miss左既表演!!!

今日我地睇左賽豬, 豬diving, 渣牛奶, 好正既賽車表演, 超正既電單車表演, 超級勁正勁靚既firework, 個firework 係o係個場館既中間放上天, 我地坐o係看台同我地超近, 砰砰砰聲, 震到patpat都feel到, 真係好靚架!!! 仲好romatic添架, 可惜我身邊個個都係麻甩佬...苦...

我上年好唔服氣俾人屈, 無左個大大翠兒, 今年再接再厲再玩過o個個拋波入桶而唔跌出唻個個game, 起初都唔係太過想去玩, 但後尾俾阮勁'大'我, 再加埋o個個攤位o個個人勁'益'我, 又話好易入, 又俾多幾個波我, 我前前後後斷斷續續足足玩左4,5次...好可惜...最後都係俾人呃左...都唔易入既...

>>April 14, 2004 at 6:25:26 PM GMT+8

2004 年 4 月 12 日 星期一 【晴】

今日知道左兩個bad news呀...

家姐同左我講嫲嫲病左, 於是我就打左個電話返屋企喇!!! o係家姐diary度亦知道表哥有事, 點解會咁既... 由細到大表哥都對我地好好, 而且雄仔仍然咁細個, 個天會唔會太殘忍呢??..

>>April 13, 2004 at 3:41:00 PM GMT+8

2004 年 4 月 10 日 星期六 【晴】

放緊兩個week既easter holiday喇!!! 而且我亦搬左去keith間房度同佢share, kevin就o係anthony度!!! 呢幾日, 日日同kevin, ken佢地癲, 日日打牌, 已經玩左好幾日lu, 尋晚仲通埋頂添!!! 唔知咁樣又短左幾多命呢??

無左自己一間房又真係幾唔方便既, 不過就當入左camp玩咁啦, 日日兩間房走唻走去, d野又亂, haha... 玩多幾日好喇, 要做功課同溫書架喇!!!!

>>April 11, 2004 at 8:11:28 AM GMT+8

2004 年 4 月 5 日 星期一 【晴】

尋日下晝去左剪頭髮呀!!! 都剪到幾短下, 只係長過前年過唻前剪個個少少!!! haha... 雖然未必好好睇, 不過舒服咪得lor!!!!

尋晚DLC Vs RMC 既 volleyball match 竟然男女都輸晒呀... 超唔開心呀!!! 今次係我第二年打喇!!! 今年除左我同高瘦之外, anthony都join左, 起初諗住有我地三個實贏硬啦, 點知真係太輕敵喇!!! 因為男仔有十幾二十人打, so 分左兩team, 我地三個當然一齊打第一場啦, 因為我地勁丫麻!!! haha... 我表現唔錯架, 最後當然係我地dlc贏第一場啦!!! 到第二場真係無眼睇, dlc輸一段距離, 不過亦因為咁我地三個又可以打第三場!!! 第三場起初都唔錯既, 不過之後就差左喇, 而最主要原因係我地既位置排得唔好, 而且rmc亦真係打得幾好既.... wowo... 輸左...

今日既maths test 應該唔錯呀!!!

佢地個個都話我變左呀, 係壞左咩?? 係多左野講je, 依家既我幾好丫, 其實我又咪始終都係我!!!

>>April 6, 2004 at 4:56:25 PM GMT+8

2004 年 4 月 1 日 星期四 【晴】

今晚過左一個好悶既international night, 只係得我同ken...

下個week有兩個test呀...希望test得好啦!!! 返埋下個week就放兩個weeks假喇!!! 正!!! 不過為左慳番d錢錢(玩), 就要搬走唔住自己間房兩個weeks, 所以過幾日又要執野, 好鬼煩!!!

家姐今日起程去日本玩, 祝佢一路順風啦!!! 唔知我有無手信呢?? 遲d我又想去呀!!! 爸媽聽日亦返鄉下拜山, 同樣一路順風啦!!!

>>April 2, 2004 at 4:57:44 PM GMT+8

2004 年 3 月 30 日 星期二 【晴】

今日uni strike, 無端端又有假放呀!!! 於是尋晚我, anthony, keith, kevin四個去左city green box唱K, 唱到兩點先返呀!!!

今日好攪笑呀, anthony爸媽突然無聲無色過左唻澳洲wor, 我原本o係reception準備交fee時, 一轉頭見到anthony爸爸, 佢仲話準備整蠱我, 我係嚇左嚇lor, 因為估唔到見到佢地!!! 原來佢地唻左連anthony都唔知呀, 我返到房話俾kevin知, kevin竟然話anthony走堂無返學仲訓緊覺, 於是我地即刻打俾anthony, 佢就拿拿臨著衫衝去返學!!! 我做左二五仔呀!!!!haha!!!!
不過佢地突然過唻唔會係知道左一d野卦, 知就大穫喇!!!!

今晚anthony爸媽約我地出街食飯, 依家出去喇!!!!

>>March 31, 2004 at 8:30:52 AM GMT+8

2004 年 3 月 25 日 星期四 【晴】

今日發生左好多事, 有開心既, 亦有好唔開心既...

今日下晝好好天兼好鬼熱, 所以我, kevin, anthony同ken又去左游水曬太陽, 浸左o係水度既feel真係好正!!! 之後我同anthony加高瘦又去左gym house打volleyball, 好攰呀!!! 頂唔順打左個半鐘就走左喇!!! 到今晚我地又去左chatswood既RSL play snooker!!!

不知不覺返左過唻sydney已經一個月喇, 想時間過得快d, 因為可以快d完呢個sem, 快d grad, 但係又好想慢d, 因為d時間快得有d驚, 諗番起呢個月都唔知做過d咩...

>>November 13, 2004 at 2:34:30 PM GMT+8

2004 年 3 月 18 日 星期四 【晴】

今日又係一個健康既日子, 因為又做左好多sports呀!!!

今日食完lunch就打table tennis, 打完之後高瘦一提, 先醒起今日5-7要去打volleyball, 因為同佢join左uni個volleyball club, 於是我又搵埋Anthony去, 都幾好玩呀, 有香港人, 中國人又有鬼仔鬼妹, 可能個個friday都有得打tim!!! 跟住o係gym house返dlc時, o係草地竟然見到sophie同阮兩個踢波, 我又同anthony join佢地踢左一陣!!! 到夜晚, 我地又去左chatswood玩pool....好攰呀...

聽日開始要溫書先得喇!!!

>>March 19, 2004 at 3:38:05 PM GMT+8