2004 年 3 月 17 日 星期三 【晴】

今日陪左阿Ken去'mock'牙呀... 佢好慘呀, 又要放好多錢o係隻牙度, 依家佢前面無左隻門牙, 三個week之後先鑲番一隻上去, 擾攘左咁耐, 希望佢今次真係穩穩陣陣啦!!!! 佢之前個晚好驚好驚架, 佢話知會好痛, so訓唔著!!! 到今日陪佢入診所, 睇佢入去同出唻個樣真係唔同晒, 知佢頭先真係好痛, 或者真係好似佢之前講咁, 只有同病相連既人先安慰到佢, ...

Keith話我四個病左我無病到, 四個都無錢我有, 乜係咁咩?? 我都唔認同!!!!

>>March 18, 2004 at 5:48:54 PM GMT+8

2004 年 3 月 15 日 星期一 【晴】

唔開心呀...前幾日發現個mobile個殼多左一條頗深既痕, 到今朝發現左隻錶既鏡面亦花左兩處, 到下晝, 亦發現左對鞋其中一隻又刮花左... 點解會咁既?? 我完全都唔知係幾時整花既... 仲要全部都唔係小事添... 花了就是花了, 仲補救得到嗎??
雖然三樣野都係我鐘意既野, 我自問都用得小心, 但仍然發生左意外... 或者, 越是經常o係身邊既事物, 就越有機會俾自己無意中傷害...

>>March 16, 2004 at 7:32:02 AM GMT+8

2004 年 3 月 14 日 星期日 【晴】

尋晚打電話返屋企, 好奇怪屋企竟然無人聽!!! 於是我就打去俾爸既手提, 一聽到d好長既電流聲, 我就知道佢地返左大陸喇!!! 咁樣仲奇, 無端端又會返左去wor!!! 原來二伯父病左入左院呀, 爸媽一齊返左去探佢!!! 不過更奇, 更怪既就係, 爸o係三伯父到打緊邊爐, 而媽就o係哥哥度打緊wor...

因為爸用手提會好貴, 所以我直接打左去三伯父度, 咁順便亦同伯父傾左好耐, 我feel到伯父真係好錫我地架, 好鐘意同我地傾計, 話晒佢真係睇住我地三個大架!!!

我都有話佢唔好做乜做乜, 佢話得架, 不過唔知佢係唔係真係做到!!!!

>>March 15, 2004 at 3:50:55 AM GMT+8

2004 年 3 月 12 日 星期五 【晴】

跟你抱著　未等於愛上　不再抱著　未等於不想
你我在這分鐘　說過無緣再見　下秒鐘再湊巧碰上

即使一起　貌合卻又神離　分隔兩地　日夜掛著愁眉
再各自結新歡　卻暗地拿你去比較現有的　始終偏袒你

有心愛你卻愛不到　抱緊了你卻又未想終老
再等到與對方失散以後　就會知原來誰最好
愛不到至會更想愛　抱緊了你我又無心裝載
我跟你也破不到　男與女之間愛情的定數

一個過活　恨抱著情人　一對過活　又掛念誰人
到了話要分開　你我尚有惻隱　又再探聽對方新聞

>>March 13, 2004 at 2:16:22 AM GMT+8

2004 年 3 月 11 日 星期四 【晴】

今晚係formal dinner, 一個好悶既dinner, 而且又食唔飽既!! 不過今次係我第一次著西裝出席formal dinner, 所以都專登映左d相, 但係好可惜好多識既人今年已經走左lu... 之後我地去左The Ranch, 玩左陣老虎機之後飲左一杯酒就走喇...

悶悶既formal dinner...

>>March 12, 2004 at 1:12:54 PM GMT+8

2004 年 3 月 10 日 星期三 【晴】

今晚又舉行左個潑水大戰呀!!! 個對象係新唻既Jackie!!! 玩得好激好激呀, 玩到成個New Wing地下都係水!!! 到左最尾係個個互潑, 無一個唔濕呀!!! 可能今次多人玩, 玩左咁多次今次最激呀!!! 好彩無俾tutor鬧je!!!

點算呢, 迷上左睇" 孤忍" tim.....

>>March 11, 2004 at 5:03:11 PM GMT+8

2004 年 3 月 9 日 星期二 【晴】

呢幾日既天氣變得好快, 尋日既氣溫有成三十七度, 今日跌到得番二十度, 好誇張呀!!! 尋日同kevin揸車去左eastwood搵野做, 不過無'工'而還, 得到既係行餐死, 熱死, 晒死....

唉, 點解錢咁令人煩惱既呢?? 無錢當然好煩, 但有錢仍然係咁煩, 身邊每日既事總離唔開錢呢個字, 就算自己唔為自己既錢煩, 見到身邊既人為錢而煩, 亦會令到自己煩埋一份....唉....

只係單單既今日, 我就遇左兩件事喇, 有個friend佢因為掙人好多錢, 竟然去間接做d唔合法既事, 我地勸極佢都話唔會有事, 希望佢真係會無事啦....至於屋企個單, 家姐會攪得點架喇!! 家姐係萬能架!!! 不過係一個萬能既夾心餅!!!!

呢幾日做左兩件好小既事, 不過估唔到都令到身邊既人咁開心架!!! 只係單單既一首歌詞同一個長途MSM, 就分別令家姐同一個生日既friend開心到爆, 咁我當然亦開心到爆啦!!! haha.... 個份滿足就係用錢買唔到架喇!!!

>>March 10, 2004 at 3:44:27 PM GMT+8

2004 年 3 月 6 日 星期六 【晴】

呢排其實都知道有兩個friend佢地為左d野無聯絡好耐, 我諗你地兩個都一定知我係講緊你地, 而我亦知你兩個都一定會睇我既diary!!! 我想你地兩個都知你地真係無野架lor, 無謂為左d咩誤會攪到咁wor!!! 兩個都以為佢唔打電話搵自己就佢有d野咁, 其實兩個都等緊對方電話, 但自己又唔去搵人先wor!!! 唉... 你兩個明未呀?? 打啦, 仲等咩呀!!!! 邊個打先都無所謂啦, 都六年friend喇, 咪三口六面講清楚lor!!! 仲等乜鬼wor!!!!

>>March 7, 2004 at 2:06:24 PM GMT+8

2004 年 3 月 5 日 星期五 【晴】

今日係一個落雨既日子, 不過我地仍然都出左City, 因為我地諗住去睇Sydney一年一度既基佬大遊行!!!! 不過最終都miss左....

我地,我, Kevin, Ken, 阮, sophie, anthony下晝4點幾出到city, 首先去左網吧玩左個半鐘!! 之後就去左market city 既food court食飯喇!!! 食完發覺又大雨番, 睇到george street又無封路, 我地個個都以為個8點鐘遊行會cancel, 於是佢地去左打機, 直至9點半, 走時發覺出面好多人都o係Hay Park走出唻(遊行起點), 原來並無取消到, o係大雨之下都進行左, 咁所以我地就咁miss左....又要等下年喇....

之後我地5個人除左ken之外去左唱K, 唱左3個鐘!!! 今次玩得好開心呀!!! 超正呀!!! o係最後個個鐘, 我地4個男仔, 我, kevin, ken, 阮 每人轉流solo 第五個現代化之後, 跟住再唱妄想, 然後再兩個兩個唱黑色幽默, 全部仲要係用阮部DC錄晒音tim!!! 跟本個個得返半條命, 個個夾硬唱, 唱到走晒音都要死頂, 好正好正!!!

鐘意唱K係因為可以乜都唔去諗!!!!

>>March 6, 2004 at 4:55:12 PM GMT+8

2004 年 3 月 4 日 星期四 【晴】

今日過左個好健康既下午, 之不過俾阿Ken攪到我傷晒.....好慘....

今日下晝實在太好天喇, 於是我, kevin同ken 去搵Tracey借key去游水!!! 今日晒左足足成個鐘呀!!! ken 好似有d小成, 不過點解我好似晒極都唔係點黑咁既!!!.... 然之後先去游水, 只係游左一陣, 個白癡ken叫我扮浸親俾佢救, (佢有救生員牌架, 不過荒廢左好耐!!!!!!!!), 而我白癡咁應承俾佢救, 點知佢將我帶左去淺水個邊仲放左手, 我因為唔知係淺水, 隻腳一刮刮左落池底, 咁就唔見左一大塊皮喇... 不斷滲血, 所以無再落到水!!!! 多得阿ken唔少lu, 救人定傷人呢??

返到唻我地三個再同埋阮踢波, 踢左大半個鐘, 超攰, 不過又俾ken撞左一腳, 我撞親腳眼, 佢傷d, haha, 佢腳下面撞腫埋!!! 跟住沖涼食飯, 食完又去左打table tennis呀, 個身又濕晒喇...

好健康既下晝!!!

>>March 5, 2004 at 5:15:32 PM GMT+8