2003 年 1 月 22 日 星期三 【晴】

但係返到屋企收到佢個 message .......
佢話我知佢就快頂唔順喇, 但又唔見佢 online,
又搵佢唔到, 唔知佢去o左邊呢......


我有D擔心佢喎。

>>January 24, 2003 at 3:22:08 PM GMT+8

2003 年 1 月 22 日 星期三 【晴】

今日好開心呀!


今日同呀表去o左"秘No"呀, 坐o係度個零鐘咁就賺o左兩舊喇,
之後仲去o左食飯飯添, 我將無人知道o既事都講晒比呀表聽,
我舒服晒之餘, 我o地先發覺我o地都幾似o架喎,
有姓羅o既優良傳統嘛, haa........
我o地朝早已經開始傾o架喇, 之後由放工一路傾、傾到食飯、再傾到返屋企,
都係咁嘻嘻哈哈都唔知想點呀。
總之我聽佢講佢又聽o下我講, 交流o左D意見仔咁啦。


呀表好叻呀, 咁o既市佢都仲轉到工, 人工仲要比而家高咁多,
希望佢返得開開心心之餘都唔好捱壞自己啦,
兼且要順順利利。


總之今日就係好開心啦。

>>January 23, 2003 at 3:31:25 PM GMT+8

2003 年 1 月 21 日 星期二 【晴】

今日都見到佢呀! 不過見得一陣咁多啦 !


佢明明今日放假o架嘛 ... 仲0諗住見唔到佢添。
今晚我收十點鐘, 返到屋企就梗係要拿拿淋寫日記啦,
好耐無寫過喇, 加上呢幾日又咁開心、咁多節目。
點知一 online 見到佢留o左段 message 比我,
話佢o岩o岩睇完佢呀"女麻"仲見到佢好辛苦,佢話佢好心痛呀。


之後因為佢要比返架車lam仔,
所以先返o左o黎公司, 咁我先見到佢咋, 但好快佢又走o左喇。
點知佢段 message 話頭先返公司見到我, 佢心情先好D喎,
我都唔知佢講真定講假呀, 但佢仲多謝我, 其實我都無做過D咩,
咁都叫幫到佢開心D?? 咁我就唔使咁擔心啦。
但我都希望佢真係好似佢講咁樣見到我佢心情會好D啦。


之後佢 online 同佢 chat .... 佢心情又好似無咩咁喎,
仲o係度玩o野添 ! 但我都唔知佢想點呀,
今日o既佢就簡直一個瞇一樣, 我都唔明佢想點,
佢勁暗示話我點解唔簡佢呀、覺得佢點呀、如果佢話佢鐘意我我信唔信呀...
愈問愈白... 我又唔知佢講真定假喎, 我就避得就避囉。
但佢今日同我講o既好多o野都係我想聽o既o野,
樣樣都好直接話比我知點解點解, 唔使我去估, 估有好多可能性,
唔知一陣間又諗o左D咩o架喇, 所以聽到我都真好開心呀,
但又唔知點做喎, 佢又問返我以前 D o野呀...
而佢又終於肯講佢以前 D o野比我聽, 佢之前唔肯講o架, 仲唔比我問添。
但今日佢竟然肯講喎, 可能佢真係貓貓o地啦, 因為佢之前又借酒消愁囉!
可能正如佢所講啦, 佢貓貓o地講Do野都直接o左、大膽o左。


但我真係好驚佢呀... 佢得一個人點頂喎...
佢淨係一個人收收埋埋... 真係好辛苦o架。


佢話佢下 look 返早呀...有排都見佢唔到喇,
到時又可能已經凋淡o左...佢又唔會好似今日咁o架喇。
佢到時又無咩無咩咁, 又會好似之前咁同個個佢都撩。
佢話如果我唔做P記...佢唔再係我經理...
佢一定唔會放過我喎... 唔通真係要咁先可以有DD轉機咩???
但到時都唔知係唔係呢一回事 lu, 而家我反而唔想佢煩話咩鐘唔鐘意喇,
而家我反而擔心佢多D, 而家我淨係覺得佢好辛苦, 好擔心佢呀,
但又唔知可以點做喎, 我都唔知用咩身份去問人咁多o野呀。
好矛盾呀, 睇住佢唔開心我又唔忍心喎...
2003 年運程好準呀, 星座話我會唔識分邊D係朋友、
邊D係自己鐘意o既人喎, 而家我咪係咁之嘛。


我諗而家除o左佢"女麻女麻"好返之外,都無咩人可以令佢開心o架喇,
希望佢一定要快D好返、健健康康啦。
咁佢就會即刻生猛晒o架喇。


>>January 23, 2003 at 3:20:12 PM GMT+8

2003 年 1 月 20 日 星期一 【晴】

今日晏晝細JOE打過比我呀, 都係普普通通咁傾o下電話咁啦,
都開心o既, 唔知係唔係自欺欺人呢,
都真係可以做得返朋友o架喎,
但可能係好普通果隻啦。
應該要嬲 ?? 應該要恨 ??
我都唔知係點 lu, 總之開心就得啦。

>>January 22, 2003 at 3:01:08 PM GMT+8

2003 年 1 月 20 日 星期一 【晴】

今日去春酩呀。


今日好忙呀今日, 一收工就要落尖咀喇, 事關今日公司春酩呀,
自己又輪盡喎, 臨收工唔見左條鎖匙, 原來雲姐見我"木台"面有鎖匙,
我同佢條匙又一樣o架喎, 佢好自然咁瀝埋、走o左, 嚇死我呀,
倒晒Do野出o黎搵, 仲以為自己跌o左落toilet添呀, 搵o左幾耐呀。
後尾知道原來o係雲姐度仲唔即刻閃呀。
事關我約o左狐狸o係山腳個地鐵站等, 我又遲走喎,
七點鐘又要落到尖咀, 我簡直想死呀。

之後又"火羅"囉, 急急急得o黎自己又亂晒籠喎,
幫狐狸買ticket點知"禁"多張o既時候"禁"錯特價飛喎, 結果買o左學生飛,
一入閘個Counter 又有聲又著晒燈我同狐狸都勁衰相呀, 勁慘呀。

之後去到搵埋呀Shan一齊上去囉, 今晚除o左有呀Shan、狐狸之外,
仲有華叔、華嫂、Elaine、細佬、文仔、健、天沛、家雄 & 經理Dick。
都OK好玩啦, 今晚個Show有趙學而做 guest,
隔離張"木台"個班和尚寺D狗公樣出晒o黎呀, 勁衰相呀。


之後同呀Kin、Kin's gf Tina、2xDick、Tin Pui、Wei、Wai、Bun、Shan&Elaine去o左唱K呀,
都幾開心o架, 最好笑係呀偉呀, 佢手濕走去玩骰盅, 佢想一o野整起晒D骰咁搖,
點知佢一跣手, 成個骰盅掟o左埋呀Shan塊面度, 呀Shan 食到應一應,
痛到呀Shan死呀, 我除o左睇呀Shan有無事之外, 都忍唔住係咁係咁笑,
雖然係衰o左D, 但我都唔想o架, 有D意外你真係估都估唔到o架,
呀Shan同我講佢比呀偉掟到隻牙都好似鬆鬆o地呀。haa.........


之後三點幾呀Bun送晒我啦、Elaine仲有呀Shan返屋企佢先走呀,
真係唔該晒呀。但同佢一齊都真係幾好笑o架, 佢話呀Shan呢樣又唔識果樣又唔得,
咁呀Shan咪懶醒答佢話「女子無才便是德」,
點知呀Bun一句答返佢話但「女子低能便是失」呢,
我同呀Shan都即刻覺得佢好勁呀, 轉數高到想死呀, 真係咩都唔夠佢講o架。

>>January 22, 2003 at 2:59:42 PM GMT+8

2003 年 1 月 20 日 星期一 【晴】

嘻嘻哈哈咁又一晚喇。


但聽日都仲要返工o架喎, 自己都覺得自己有少少過份呀,
無計啦, 有得玩梗係去玩o架啦, 比人嗌多兩句自己又心思思喎,
最衰都係自己啦。


其實都有少少係以為佢都去所以先去, 但佢無出現到呀開頭,
咁都無計o架自己唔出都已經出o左離咯, 又唔可以問人佢o黎唔o黎呀咁o架嘛。


佢無出現都有少少奇怪o架我覺得, 平時有得玩邊少得佢丫。
事關佢頭先食飯果陣都已經怪怪o地喇, 勁唔出聲喎,
都唔同平時o既佢o既, 我同佢都無講過o野呀。
但明明尋日返工見佢尋日都仲好o地o地, 仲玩得好開心格,
我又亂諗..........諗到係唔係佢屋企有D咩事呢....
但想知佢咩事o者, 都唔係幾時都問得出口o架嘛, 都唔知佢想唔想講, 費事多事啦。
點知又唔係喎, 佢又有出o黎喎, 不過佢唔係同我o地一齊去囉,
佢o黎到都自己匿埋一邊飲o野唔出聲, 係呀Shan同D男仔先撩佢傾計、玩骰盅咁咋嘛,
唔知係唔係玩玩o下又無咩o野啦佢, 之後又好似平時咁喎開心返晒,
佢又玩o野叫呀Shan識做D行開比佢同我坐喎,
之後佢一坐埋o黎第一句就話我呀"女麻"就o黎死喇,
佢今晚就係因為擔心佢"女麻女麻"而唔多開心。
比佢咁樣一句都嚇親呀, 事關玩得咁開心我就算想知都唔敢膽問啦,
我都唔想掃佢興o架嘛, 點知佢會自己走o黎同我講喎............


佢講佢平時點慘、點擔心、佢心情如何呀.....
仲有佢呀"女麻"點辛苦呀比我聽囉,
我知佢好鍚佢呢個"女麻女麻"o架,
佢話頭先無同我o地一齊出o黎係因為佢個妹打比佢話自己一個人好驚、叫佢快D返屋企,
所以佢食完飯就即刻返o左屋企, 睇完個妹無咩o野就再出過o黎。
我咪話比佢知我見到佢今日咁o既樣我都唔夠膽問佢點呀,
就算計都唔夠膽撩佢傾啦, 所以佢唔出聲我又唔出聲,
點知佢話佢知我想知所以佢就自動投案喎。


聽佢講完, 唔知係唔係我諗得嚴重o左啦, 我覺得佢係因為自己係大仔啦,
所以佢就算點唔開心、點辛苦佢都會照顧o左佢屋企人先, 自己就死頂,
我完全 feel 到佢好大壓力囉, 我都戥佢辛苦呀,
但佢重要扮無o野咁, 我覺得佢其實比佢屋企任何一個人都更加辛苦呀,
要兼顧返工啦、家人啦、仲有佢"女麻女麻"喎, 都幾慘o架。
佢成日同我講話好掛住佢"女麻女麻",
但就算我知道佢有幾唔開心我都幫唔到佢咩手,
我呀連一個朋友仔都幫唔到, 我真係覺得自己好無用呀。>< .......
即使就算要關心佢都未輪到我啦,
所以佢想講咩我就聽咩囉, 希望佢講完會開心D啦。


我想佢呀"女麻"快D好返、我想佢開開心心、唔使咁辛苦就好喇。


就算呀Shan問起我同佢傾咩我都唔夠膽講呀, 加上我又應承過佢,
呢D又唔係D咩開心事、又唔係我o既事, 有咩好講喎.........
So SORRY 喇呀Shan ..........><

>>January 22, 2003 at 2:48:08 PM GMT+8

2003 年 1 月 19 日 星期日 【晴】

今日都OK啦!!!


今日返完 full time job 之後又要返 part time,
呢期勤力力就梗有我份架喇, haha…
今日仲有華嫂同Eliane陪我o既, 經理仔又係呀Dick,
車手同廚房就無咩邊個係o岩傾o架喇,
所以都有少少悶。


但今日比呢個呀Dick激死呀,佢唔抵得我咋華嫂嬌喎,
一見我挨住華嫂就話人o地, 又話要坐我左手面跟住我問點解啦,
佢就好抵死咁諗左諗就話男左女右呀, 坐o係左手面就係我男朋友;
坐係右手面o既就係朋友仔喎, 都唔知佢咩理論o黎o架, haa….
所以成晚就坐o係人o地左面, 又猛話去我屋企食飯飯,
佢仲叫我呀媽做外母添呀, 我聽到都覺得好笑呀,
講完佢自己都話頂自己唔緊呀。Haha…
之後又話送唔到我返屋企, 話佢今日要收一點倒, 叫我返屋企等佢喎,
佢D思覺失調真係日益嚴重喇。


但咁都唔係唔好o既, 總好過佢唔開心啦。
我都知果個人對佢好重要, 佢有咩事我諗呀Dick會死o架。

但見佢而家咁樣都放心Do既。
不過快D無事就梗係最最最好啦。

>>January 22, 2003 at 2:41:11 PM GMT+8

2003 年 1 月 18 日 星期六 【晴】

今日返工有好多野食呀!!!


因為我地間舖 champs 連續十次一百分呀, 公司 office 比左$ 3000 我地做 staff fund 呀,
所以咪買左好多野返黎食囉, 我呢D咁鐘意熱鬧既人梗係開心啦,
但好可惜小妹今日肚子痛呀下, 所以雖然有好多野食, 但我真係無咩胃口去食,
但成班人 hehehaha 都夠開心喇。


由於我今日都無咩點食過野, 而呀Shan又約我去食飯飯,
所以我決定要食好D, 同 Shan Shan去左燭光晚餐兼据扒扒,haha…
之後放工, 呀Dick 又話我唔係等佢收工咩,
我話係係係… 心諗呀Shan又要返去瀝野, 咁我咪話一陣返公司搵佢囉,
之後食就係食完飯返左去呀, 我地又傾開計咪諗住等埋 Annie囉,
佢見到我啦、Shan、Annie咁齊人, 咪又諗住即刻換衫齊齊走囉,
點知佢臨收工果幾分鐘唔見左人, 我地又唔知佢去左邊喎咁夠鐘咪唯有閃囉,
點知都唔夠兩分鐘咋, 佢即刻打比我問我o係邊喇,
我話我o地走o左啦, 返緊屋企囉, 我問佢o係邊佢話佢都走啦,
佢話我o地唔係等佢o架咩?? 我話我o地唔見你又唔知你去o左邊,
所以 … 點知佢話原來佢去o左鎖夾萬仔, 我話唔怪得唔見左佢啦,
之後都無咩點呀, 咪收線囉,
點知佢轉個頭咋又 send message o黎鬧人o地喎…話人o地你好o野,
佢要再憎死我喎… 勁慘>< 勁無辜呀><
就算人o地等埋佢都係唔o岩路o架啦!!!

>>January 22, 2003 at 2:54:42 PM GMT+8

2003 年 1 月 17 日 星期五 【晴】

今日開心返D喇 .......


因為今日要返 part time 囉, 原先晏晝果陣真係好唔想返o架,
因為晏晝果陣時真係好 down ...... 諗到咩都唔想做咁


但今日返工又OK喎, 有狐狸、Johnny、Kit Kit、Pong、Davy etc......
經理仲要係呀Dick 喎咁就更加唔會靜啦,
Davy 雖然外表唔錯都靚靚仔仔咁啦, 但係D舉止真係嚇死人o架,
佢今日一打個乞嚏, 佢又掩唔切個鼻喎,
睇住佢一條都唔知D口水定鼻涕咁發o左出o黎喎,
笑到我真係停唔到呀 ...... haha....
佢仲好抵死咁見我笑佢,
佢就用佢果隻浸浸o地o既手o黎拍人問人瀝 tissue,
佢D核突程度都有100/100o架。


放o左工之後同o左狐狸、Johnny、Hong仲有呀Kit仔去o左飲o野,
又傾o下計咁囉, 又係嘻嘻哈哈咁, 不過都開心o既。


之後返屋企online, 見到呀Dick咪同佢chat囉,
都知佢呢排應該都有Do野o架喇, 不過唔知咁大鑊囉,
我都知呀Dick好唔捨得、好鍚佢, 希望佢快D無事啦。
仲有希望呀Dick唔好咁擔心同辛苦啦。
我覺得佢已經好厲害o架喇, 捱得咁辛苦。
希望快D無事兼開心返啦。


上次一齊去嘉年華果個健健又 add o左我喎,
我o地又出奇地咁多野傾, 下次一齊再玩過啦。


Thx All of them r ~
BeCaUse aLL HaPPy aLso ForM tHEm ga
ThX so MuCH !

>>January 21, 2003 at 7:26:39 PM GMT+8

2003 年 1 月 17 日 星期五 【晴】

呢排真係好黑仔呀!!!!


都唔知點解硬係好黑仔, 無論做咩都好結果都係 --- 唔開心 ~
灰到頂晒點喇, 我咩都唔想做呀,
淨係想匿埋匿埋匿埋.......

>>January 18, 2003 at 8:08:07 AM GMT+8