2003 年 2 月 10 日 星期一 【晴】

比佢激死喇!!!


今日臨收工o係office正在收拾細遠o既時候, 發現自己有miss call 咁梗係覆返人o架啦,
點知睇完先知係P記打o黎o架喎, 但P記咁多人我都唔知係邊個搵我。


之後打返去, 係Annie聽咁我問佢係唔係搵過我?? 佢話無,
我話咁邊個搵我呀?? Annie勁衰咁話係唔係佢呀?
我以為佢話呀叉啦, 點知佢話佢呀, 神童輝呀~ 激死!!!
之後佢話係唔係Johnny r?? 咁我咪叫Annie幫我問o下Johnny囉, Johnny又話無,
佢又問係唔係呀叉呀??我又覺得無咩可能o架喎, 佢通常都用mobile打比我o架喎,
Annie問佢佢又話無喎, 卒之都係唔知邊個搵我~
之後同Annie傾o左一陣咪收o左線囉。


點知人o地收工約o左呀珊, 但老闆又未走喎, 人o地正在偷走之際,
又係P記打o黎喎, 原來搵我果個真係呀叉喎!


佢打o黎鬧我做咩唔聽電話??我問係你o黎o架?? 佢話係,
但佢明明之前話唔係佢搵我o架嘛, 佢敢做唔夠膽認, 鬼祟!!! hahah....


之後佢問我做咩唔打比佢, 佢話佢成日等我電話喎, 我話費事煩佢啦, 佢叫我最好煩死佢喎, haha...
之後又傾左一餐, 最抵死就係佢話佢終於等到喇喎, 我話等到咩呀?? 佢話終於等到我收11:30喎,
佢話佢可以同我一齊走喇喎, 我話收都唔可以一齊走o架喎, 我話星期三喎你應該好多o野做格,
佢又話係呀,不過唔理啦咁話喎!!!十三真係曳曳呀!!!


之後問o下佢麻麻點呀??佢話麻麻已經好好多喇, 但擔心佢始終都要死多一次喎,
佢講到咁又真係勁灰囉, 佢話到頭來又要唔開心多一次。
佢話有時諗佢寧願佢手術果陣時走, 起碼唔使呀麻咁辛苦喎。
我咪叫佢唔好咁諗囉, 失而復得佢真係要好好珍惜呀!!!
之後佢又話人o地話陪佢探佢麻麻o既, 我話係呀不過係你唔比之嘛,
佢話仲要帶我見一個人, 我話邊個o黎o架, 佢話咁又唔係佢呀爸呀媽...係特別嘉賓喎,
究竟係邊個呢??? 神神秘秘咁, 佢真係會帶我去先算啦。
之後佢串我喎!!!仲要係應一應果隻喎, 死o野丫想死呀佢, 我唔夠佢講咪話唔講喇~哼!
比我見到佢佢一定死梗!!!


我對聽晚都唔係咁樂觀咋, 唔知佢係唔係講真啦,
又唔知佢成日講果D會唔會出現呀...唔敢諗咁多喇。
唔該佢唔好比咁多希望我啦, 我好怕失望呀!!! >< ~

>>February 12, 2003 at 4:43:09 PM GMT+8

2003 年 2 月 10 日 星期一 【晴】

之後見到呀珊, 都唔係咁開心咋!


同呀珊買o左D衫比琪琪, 買完本來去食飯唱Ko既, 點知佢拉左人o地去California,
聽個sale狂 up up 左一大輪, 呀珊仲要跟佢去參觀喎, 個sale 話就話去5分鐘,
點知等下等下又半粒鐘喇, 睇呀珊都落晒搭咁喇喎, 都唔知等到幾時。
真係人都"炆"呀, 之後我都唔想等喇, 又"支力"又悶喎咪自己一個走先囉,
但仲要比人話我無義氣喎, 呢個都唔知咩世界o黎o架!!!


之後呀珊都叫我唔好嬲, 但我又唔係嬲囉, 係好"炆"呀,
佢再阻住我走我就真係會發脾四喇。
之後一上van仔好似比人迷暈o左咁, 中下中下...中左好耐先到,
好似好耐、好唔容易先返到屋企咁, 食完飯飯就即刻訓喇。真係好"支力"呀!!!

>>February 12, 2003 at 4:42:24 PM GMT+8

2003 年 2 月 9 日 星期日 【晴】

今日都幾正喎~~~


返o左十日假今日終於要返工工喇, 勁唔想呀~


但點唔想都要返, 真係慘呀!!!
不過今日返到公司就好似返o黎逗利是咁,
連供應商D sale 都會比o架喎, 可能係我大驚小怪啦,
但我真係覺得好神奇呀。
學生Crystal新年去完泰國又買o左手信比我喎,
又有手信收, 舍監又買o左D朱古力比我同王生,
係一人一份果隻喎, 好surprise 囉,
舍監話係學生o既主意, 我之前真係諗都無諗過o架。
盒朱古力梗係要大家分享o架啦, yeah yeah ~


點解今日咁多o野收o既??
多謝晒呀。^^

>>February 10, 2003 at 2:04:06 PM GMT+8

2003 年 2 月 8 日 星期六 【晴】

最新目標係神童輝呀!!!


雖然神童輝係無咩特別, 只不過有D傻傻o地o者,
但唔知點解個個都好鍾意笑佢、又成日串佢,
咁我梗係都係其中一個啦, 事關我都覺得佢好難頂。


佢又抵死喎, 見到呀邦成日整我就走埋o黎問我呀邦係唔係成日恰我??
仲叫我如果呀邦恰我o既時候話比佢聽, 點知比Annie聽到,
搞到人o地成日比Annie串...><
之後又比天沛同呀偉見到佢撩人講o野喎,
勁比佢o地兩個笑, 叫我考慮o下佢喎, 話呀輝都幾好喎,
點解無啦啦會燒到我果疊o架...佢唔係Annie奸夫o黎o架咩??
haha....


佢個look又比較奇怪喎, 又撞o岩呀邦今日又成身牛仔look,
當呀邦同呀Dick夾埋話我o既時候, 我咪詐詐帝激o下呀Dick囉,
話神童輝個look就係呀邦, 個樣就似呀...Dick,
呀Dick即刻想打死我呀!!!其實我都預左佢有咁o既反應o架喇,
我都知會死梗, 但無計啦鬼叫佢話人o地呀~


之後同o左Johnny同呀Hong去食飯, 食完飯返o左公司,
佢見到我就梗係好奇怪點解我o係度o架啦,
之後我入o左去佢房"瀝", 佢見到我一個人o係房咪諗住閂門想開防盜,
點知死人天沛見到佢想閂門就話佢係唔係想死呀,
比神童輝知道你就死喇咁話佢喎,
我真係無辜辜呀, 點會無啦啦關我事o架???

>>February 10, 2003 at 2:01:51 PM GMT+8

2003 年 2 月 8 日 星期六 【晴】

heheh....


今日好忙呀, 原本我收9o架, 但之後因為都有Do野未做好,
所以佢叫我收11:30話等埋佢收工喎, 但我又唔係咁好意思喎,
搞掂埋果少少o野都仲有成個幾鐘先到十一點,
所以咪同佢講囉, 話不如收10:30啦, 佢就問我唔等收工o拿??
我咪話費事啦, 又無o野做你留咁多人o係度費事累佢比人鬧,
之後10:30咪收工囉。


到差唔多10:30, Johnny搵我唔到佢就打返公司搵我,
無飛線之嘛都要比佢鬧呀, 慘!!! 之後佢約我去聚茶軒食飯飯,
點知去到先知仲有呀航喎。


食完飯飯呀航就返返公司瀝返架車, 我就順便借個toilet用,
佢又咁o岩約o左小健、小健女朋友Tina、細佬、呀偉去食糖水喎,
就係咁樣佢就知道呀航送我返屋企喇。
我都有D擔心佢又唔知會點話我喇, 但唯有迫自己唔好諗咁多啦。
之後祺哥發現佢無熄到收音機就走o左我咪打比佢囉,
佢又無開機喎, o係無咩組織能力之下,
卒之留o左個唔知講咩o既message比佢, 點知就見到佢行返轉頭喇。
我叫佢唔好聽, 但佢又點會聽丫, 聽完仲要話都唔知人o地"up"咩喎, 勁慘。


之後仲要慘D添呀, 上呀航架車果陣PK喎, 我跣一跣腳成個向前P,
成個人撞o左落呀航度呀, 仲係帶住個頭盔咁一o野撞向佢度個隻呀。
我又忍唔住勁笑隻腳又勁痛喎, 死人Johnny見到都唔幫人o地,
仲企o係度狂笑...小音音真係可憐呀。


之後返到屋企, 12點幾啦佢就打比我喇,
其實個電話響果陣我都突然間feel到係佢打o黎,
點知真係佢喎, 好意外呀。


之後佢問我返o左屋企未, 我話返o左啦, 佢又問有無人送我返去,
我話梗係有啦, 佢就開始話我喇, 佢話你就好啦咁多人接你收工,
我話咩呀, 佢話佢送我我就話唔得, 呀航送就得,
又話呀航成日落o黎接我&又話呀航幾好丫。
咁我咪話囉, 你都覺得呀航好呀我都無計啦,
之後我就話我唔想累佢比人話先早走之嘛, 佢仲話人o地...><
到收工果陣Johnny先打o黎約食飯之嘛, 點知咁多喎。
之後我就話佢我咁乖佢仲話人o地, 仲要佢讚我乖添呀, hehe...
佢就話係喇係喇乖喇乖喇, 之後就叫人o地早D訓啦咁喎, 真係衰呀。


可能係我衰啦成日都扮無o野。
如果佢無反應我一定會諗佢唔知點諗我呀、唔知會點呀、又嬲呀、
唔睬我??...會諗好多好多o野, 最後就會諗到我又唔係佢邊個,
佢點會理我丫咁o架喇。之後會灰晒~
之後又自己呃自己~同自己講我都唔係咁鍾意佢o者、
又會同自己講根本同佢都無咩可能...最後就逼自己唔好諗。


但今次我都估唔到佢會因為咁而打比我呀,
佢打o黎我又真係覺得好開心喎。
唉~我開始覺得自己愈來愈唔知醜喇。

>>February 10, 2003 at 2:00:31 PM GMT+8

2003 年 2 月 7 日 星期五 【晴】

大檸樂喇!!!


我呢本咁秘密o既日記仔比小珊珊發現o左添!咁仲唔大檸樂呀??


呢本日記仔寫左好多大大小小o既秘密仔o架嘛, 佢都係其中之一個,
我唔係唔想比呀珊知呀我對佢有Do野呀, 但係係阻於我o地同一間公司,
我又唔知佢點喎, 佢唔係鍾意我o既話我又唔想少左個朋友,
所以我無同呀珊提過我同佢o既事, 今日比小珊珊發現左,
佢咩都知道晒喇, 希望佢唔好笑我啦仲要幫我守秘密呀。


其實呀珊話比我知佢問過呀珊覺得我同佢有無可能o既時侯,
都真係幾開心o架, 佢點諗我又點知喎,
呀珊今日仲話比我知佢o尋日幫我咁直接咁問佢點o既時候, 真係唔該晒喎~
事關我都好想知呀。


>>February 8, 2003 at 4:59:47 PM GMT+8

2003 年 2 月 7 日 星期五 【晴】

我今日都好辛苦呀, 好鬼"支力"呀!!!


我聽晚真係好似顛左咁呀, 返到屋企都未開心完,
成晚o係度諗諗諗...聽日發生過o既事。
例如佢o係屋企竟然叫自已做「朕」o既, 佢真係痴得好"暈秦"囉,
叫人幫佢裝飯要叫「老媽子, 幫朕裝碗飯o黎。」咁搞笑o既人真係第一次見咋。
聽完佢講真係念念不忘搞到訓唔著, 我都唔知點解會咁o架。
今日咪死得囉, 返早好鬼"支力"好鬼眼訓呀。


不過今日同呀珊傾電話果陣我真係好鬼驚呀下,
忍瞞左咁耐o既o野比人發現左。
傾傾o下佢打返o黎喎, 佢話佢打錯電話, 佢唔係想打返o黎公司,
唔知點解打錯左。佢又古古惑惑咁話講樣o野比我知喎,
咁我呢個八妹仔就梗係問咩事o架啦, 佢話今朝有個人好掛住我,
我話邊個o黎o架, 佢又唔講唔講咁喎,
其實我預左佢一定會瘀我格笑人唔知醜囉,
但唔知點解突然間我又好唔知醜咁問佢話你呀??
真係無估錯丫, 佢即刻話我咁有自信呀, 我都覺得自己唔知醜呀下、又衰相喎,
之後佢唔知係唔係安慰人o地啦, 佢即刻話係十三好掛住我。
十三咪又係即係佢...都唔知開心定唔開心好, 成日都玩玩下...
成日都係咁, 真係慘呀。我唯有話唔阻住你打電話喇收線囉。


但對住佢...又真係唔知點認真呀。
一直係咁...一直係咁...一直係咁...係咁...
到最後唔知會變成點呢??

>>February 8, 2003 at 4:58:04 PM GMT+8

2003 年 2 月 6 日 星期四 【陰】

今日好開心喎~


真係同左神童Dick出左去喎,
去左睇《百年好合》喎, 其實我想睇《Catch ME if U can》o架,
但係佢又睇o左所以無計啦, 去o左睇《百年好合》。
不過睇完我都仲係鍾意《行運超人》多D。


不過就比我發現左樣o野囉,
佢睇晒成套《Catch ME if U can》都仲以為Tom Hanks 係 Tom Curis,
仲好奇怪咁問點解Tom Curis 走晒樣喎,
haha...我咪就係比佢笑死左之嘛,
Tom Hanks 同Tom Curis真係差好遠喎, 點會認錯o架!!!


嘩...間戲院就恐怖喇, 好多奇奇怪怪o既人和事。
其中有兩個豆腐妹成套戲都淨係掛住打車論喎,
我唔係話歧視佢o地, 但係有Do野係唔係唔係好應該o係大庭廣眾度做呢??
可能係我多事啦, 但真真真係頂唔緊呀。


不過有個傻佬睇完就因為一段對白就笑左好好好耐囉,
直情傻左咁係咁笑...一諗起就笑...o係條街度勁笑,
我都頂佢唔緊喇, 見到笑得咁辛苦, 咪陪佢笑埋一份囉。hahah...


之後又返返去西灣河度食飯飯, 仲叫埋呀彬同呀珊一齊o黎添呀,
開頭我都唔知叫唔叫好o架, 一來驚佢同呀彬一樣見到我同佢一齊會嚇親呀;
二來我又驚佢比人誤會而介意喎。
之後佢最終都叫左呀珊同呀彬o黎, 之後開開心心咁食o左餐飯飯囉,
其間佢o地兩個夾埋o黎話呀珊同佢男朋友o架, 我都驚驚o地o架,
事關我都feel到呀珊嬲嬲o地呀, 講佢男朋友喎唔嬲就假啦。


但都好呀, 今日終於請返佢都呀彬食飯飯 lu,
cheap cheap o地咪當多謝佢o地平時對我o地咁好囉~


之後走, 佢本來打的諗住送埋我o地走o既, 點知唔知點樣呀珊猛話唔使,
之後呀珊又狂話阻住我同佢想走先, 我又點可以掉低佢唔理喎,
咁我梗係同呀珊走o架啦, 點知呀Dick又嬲嬲o地喎, 話左呀珊一句唔識做...
我幾驚呀當堂, 佢就上左的士走, 我就同呀珊走,
之後呀珊都勁話阻住我同佢...好彩之後無事咋。


之後同呀珊一路傾計一路行返屋企,
一路行就梗係兩個傻婆勁傾、勁笑啦。


不過今日就真係好開心, 要多謝佢呀。^^

>>February 7, 2003 at 4:55:51 PM GMT+8

2003 年 2 月 6 日 星期四 【陰】

同埋真係唔好意思呀!!!


今日原來係我遲到呀, 佢約我四點半話入o黎接我,
我以為佢到o左會打比我啦, 點知佢其實就約實o左四點半o係我屋企樓下。
佢無打比我我又胡思亂想佢係唔係放我飛機,
諗到佢咁衰添!!!我先真係衰呀~
點知到左差唔多5點, 佢先打比我話到左好耐,
但仲未見到我 wor...果陣我仲o係屋企on緊 line r,
仲同健健講緊唔知係唔係比人放飛機添。


唉 ~ 今次我都覺得我自己真係好......狗 r。

>>February 7, 2003 at 4:49:58 PM GMT+8

2003 年 2 月 6 日 星期四 【陰】

好意外喎~~~


今日晏晝點零鐘佢竟然打比我喎...
仲係約人o地去街添喎...好奇怪呀。


問佢唔使去探麻麻咩佢又話要呀, 仲叫埋我陪佢一齊去添。
又話去睇戲又話等佢o地收工去唱K, 都唔知做得D咩呀。
不過而家佢仲未蒲頭喎...唔通佢放我飛機???
可惡呀...

>>February 7, 2003 at 8:45:17 AM GMT+8