2003 年 2 月 21 日 星期五 【陰】

今日終於都可以見到佢喇, 都成個禮拜無見佢喇。
但今日見到佢, 大家都無咩點講o野。
奇怪又唔可以話奇怪o既, 至少無人會覺得有唔妥先啦,
有咩唔妥都係得我同佢知點解o者。


之後放o左工同左Annie、Shan、Hong同Johnny去食飯飯。
呀Shan同Annie都有叫佢去o架, 佢唔去之嘛, 返到屋企諗住開ICQ會睇到佢o既message,
點知我估錯喇今次, 佢咩都無留比我喎, 又唔知去o左邊, 又唔知諗咩喇佢。
可能佢以後都唔會點o架喇...可能真係太難佢想放棄啦。


我真係唔想咁樣呀, 愛理不理咁, 我都想睇開D呀, 可惜仲未學到點先可以睇得開。
佢下look返夜呀, 其實佢返早定夜都係得個愁字o架啦,
返早就見唔到佢, 但靠ICQ都可以話傾下計咁囉。
返夜係就係可能會見到佢, 但反而唔可以傾到D咩喎。總之點都係死啦!!!
可能佢講得o岩啦, 唔難又點知我同佢有無緣喎, 佢成日都咁講o架啦。


都唔知想點呀!

>>February 22, 2003 at 6:40:58 PM GMT+8

2003 年 2 月 21 日 星期五 【晴】

尋日3點幾放左工喇!!! yeah ~~


之後返左屋企等埋呀Chim收工就同埋呀Fish去打波。
打左一陣間啦, 就去左食飯飯喇。
尋日好"論盡"喎, 成日打左D波上去又"瀝"唔返, 好彩有人幫我o地手咋,
如果唔係都唔知點呀。


之後就返左屋企打過電話比佢, 唔知今日見到佢佢會點丫嘛, 有少少擔心。
點知佢尋日放假就o係屋企訓左一日, 就係因為佢唔舒服足足訓左一日,
連麻麻都無去探, 真厲害!!! 但淨係訓有鬼用咩又唔去睇醫生。激死~
之後睇左一陣書...就好快好快咁訓著左喇,
因為之前一路累積埋到左尋日終於都捱到放假喇, 所以都真係幾"支力"呀。


仲要唔該呀Chim尋日o黎我度幫我整返本日記仔呀,
我同呀Chim都apply左VIP喇, 好心急呀, 唔知幾時有reply呢??


我都係o岩o岩先起身咋, 一陣間就要見到佢喇, 唔知會點呢??

>>February 22, 2003 at 6:17:58 AM GMT+8

2003 年 2 月 20 日 星期四 【晴】

o尋晚好開心呀~


佢原本話約我今日去街街o架, 佢今日放假丫嘛,
點知佢o尋日晏晝又打o黎話唔出, 都幾失望o架!!!
佢晏晝打o黎果陣又怪怪o地喎, 講完佢想講o既o野, 之後就收o左線喇,
成個過程都係得13秒咋, 佢果然係十三呀, 傾個電話都係講得果十三秒。
但之後返到屋企, 梗係又online搵佢傾計啦, 但都唔見佢o既,
仲以為佢o尋晚出o左去玩所以見唔到佢添, 點知又唔係喎,
但佢嬲人o地呀, 開頭佢都唔睬我, 之後傾傾o下先好D咋。
如果見唔到佢, 一諗起今日個電話又好似唔知點咁o架喇。


佢唔睬我係因為佢話人o地出去溝仔喎, 比佢激死呀!!!
果日同o左Johnny佢o地去唱K...所以無on囉, 點知就搞成咁喇!!!

>>February 21, 2003 at 9:50:24 AM GMT+8

2003 年 2 月 20 日 星期四 【晴】

o尋晚又好突然喎!


細Joe打比我喎, 我仲以為係邊個添!!! 之後同佢傾o左一陣啦,
佢話年廿九果日佢屋企打o黎落, 咁落果個係佢家姐丫嘛, 我以為佢家姐聽唔出啦,
點知又唔係喎, 佢話佢家姐一收o左線就夾埋成班串佢喇,
之後佢o地個order又漏o左o野都呀Pat打o黎追, o係屋企講果陣又「小」晒鬼, 又難「興」咁,
點知佢打o黎果陣又係我聽喎, 所以佢先無咩o野咋。


之後佢問我點解同我住得咁近但一次都撞我唔到喎, ha...
其實都唔係丫, 係佢撞到我佢唔知之嘛, 我都醒唔起話比佢知添,
咪又係果一個年廿九果日我咪撞到你囉...係你見唔到我之嘛, haha...


諗返起上年個年廿九又真係幾瞇o架喎。

>>February 21, 2003 at 9:49:46 AM GMT+8

2003 年 2 月 19 日 星期三 【晴】

又去唱k呀!!!


本來o尋日收o左工約o左呀航去睇《老鼠愛上貓》o架,
但後尾Johnny約問佢係唔係約o左我, 佢話係, 咁Johnny又約o左幾個朋友去唱K,
所以Johnny話橫掂都係咯咁不如一齊玩啦。
所以最終同o左呀航啦、同Johnny由細玩到大o既呀南啦、仲有呀Ming同呀Chris 一齊唱K囉,
其實除o左Johnny同呀航其他個個我都唔識o架。


之後就落o左灣仔唱K兼埋食飯飯,, 都OK啦, 不過都仲係想返屋企online多D。
不過... 佢都無咩點啦, 我仲可以點喎。


o尋晚都OK夜先返到屋企, 返到去佢都off o左lu, 無得同佢傾計計lu, 慘慘o地添!!!
但同佢傾ICQ, 我發覺我自己成日都九唔搭八o架, haha...
成日唔知答o左佢D咩, 真係有少少搞笑喎!!!
佢o尋日淨係留o左個哼字比我咋, 佢又唔睬人喇...>< !


不過今日學多o左一個新terms, 就係「扒龍舟」喇。
事關之前呀Dick幫佢朋友托Johnny問佢個fd小芬出o左幾張機票,
Johnny咪約我o地之前"瀝"埋比呀Dick個friend囉, 呀Dick又講到佢兩個fds勁正喎,
Johnny話佢諗住如果個女仔靚的話就叫人o地一齊去食tea,
順便識多個新女朋友仔添!!! ^^
之後Johnny話出到o黎條女「扒龍舟」咁款喎, 佢話個女仔係勁科果隻,
仲心諗呀Dick又話佢個fd都得o既...點知係...大大隻o既.....haha
見到佢之後, 點知個女仔仲有佢兩個fds調返轉叫Johnny去Tea喎,
Johnny即刻話唔得閒喎仲即刻鬆人添, 勁狗呀!!!! haha....

>>February 21, 2003 at 9:49:15 AM GMT+8

2003 年 2 月 18 日 星期二 【晴】

又要多謝飛飛喇!!! thx so much r ~


o尋日同呀Chim煲左好耐電話呀, 佢聽左我講左好多好多呀, 真係好多謝佢呀。
因為整件事都好複雜, 而家都唔知想點咁, 連呀Chim都係咁覺得。
不過同佢煲完電話真係開心左好多, 佢都比左好多意見我,
其中好多我都覺得佢講得幾o岩o架, 話晒都旁觀者清丫, 我份人係點都係佢清楚Do既,
況且我o地咁好朋友仔, 佢應該都幾清楚我為人o架。
所以佢講o既我亦都好明白佢o既意思, 不過真係唔該晒呀!!! o尋晚真係阻左你好耐呀。


另外, online 果陣見到Herny r, Herny 係我一個傾左好耐o既Net fd o黎o架,
佢睇左我本日記仔都知道晒喇, 之後傾左陣, 佢話覺得而家咁樣好多餘,
我都明點解o既, 佢都講得o岩, 事關而呢一刻我都仲係唔知結果會係點。
等又唔知等唔等到, 唔等咩...我又唔知做唔做到喎。
不過, Herny r~ 之前o係ICQ我唔係唔應你呀, 而我真係收唔到你o既message r,
我都唔知你搵我!!! 所以希望你唔好介意啦。
仲有都要多謝你成日陪我傾計計 lor ~

>>February 21, 2003 at 9:48:36 AM GMT+8

2003 年 2 月 17 日 星期一 【晴】

上集...


o尋晚放工就返屋企喇, 食完飯飯咪又online囉, 見到佢online喎,
佢send o左首《喜歡喜歡你》比我, 又係好似平時咁暗示暗示下咁囉。
都幾開心o架...^^


喜歡你 純屬想喜歡你 我不祈求 完全的得到你
得到你 還是得不到你 我都珍惜獨享這齣戲
有個角色我做 儘量入戲


喜歡你 投入的喜歡你 借點題材 逗自己的歡喜 不知道
如若不喜歡你 我的無聊日子怎處理 有個暗戀對象 亦是運氣


不必捉緊誰 渡蜜月期 喜歡的是覺得喜歡你 棉花糖口中溶掉 得我明白那滋味
可不可收成 並沒預期 精彩的是我怎喜歡你 曾多麼多麼甜蜜地 偷看著你


不必理 誰亦都不必理 這不求人 共自己的嬉戲
聽講過 如若很喜歡你 腦袋其時亦釋出分泌 世界縱使破落 但內在美


我有我愛 不必講給你知 好不好 上帝都不必理
像一種私家娛樂 動情原是我專利 愛到最尾 即使將軍無棋
未盡是 白費心機 在當中得到娛樂 又怎會恨你


喜歡你 純屬想喜歡你 我不祈求 完全的得到你
有個暗戀對象 亦總算運氣


可能係講緊佢o既同時亦都講緊我自己r !!!
好好聽 lor ~


叫得做上集就梗係有埋下集o架啦, 但下集到而家仲係一個秘密...
所以唔可以upload上o黎住呀...遲D有機會就會講你地知o架喇, sorry 呀!!!

>>February 22, 2003 at 6:21:51 PM GMT+8

2003 年 2 月 17 日 星期一 【晴】

下集


之後傾傾下, 佢問我有無聽到我話有呀, 首歌咁好聽我仲多謝佢send比我添。
點知佢話淨係多謝咋, 咀返啖都得卦咁喎, 比佢激死呀!!!
咪叫佢正經D啦, 我話我鍾意正經D、乖D果個佢呀, 佢成日咁玩玩下,
都唔知佢幾時真幾時假。可能佢見我話鍾意佢點點點啦, 佢就即刻問我愛唔愛佢,
我都唔知點答佢...佢之前話過唔敢問我鍾唔鍾意佢o架, 所以我諗都無諗過佢會咁問。


想唔答佢佢又係要人o地答佢喎, 專登拉開話題佢都係要我答佢,
我話我講左比佢聽驚佢會驚左我。跟住佢話佢都驚知道個答案喎,
之後仲無啦啦同我say sorry喎, 佢一say sorry 我就get到佢feel錯左我o既意思啦,
佢次次都係咁o既。我唔想佢誤會我唔答佢即係唔鍾意佢,
我咪話我唔想影響到佢, 仲有就係我唔想估估下咁囉。
點知佢即刻話唔使估喇, 佢話佢鍾意我咁喎...都唔知點答佢,
之後我話雖然我都係鍾意你, 但我知會影響、麻煩到佢, 所以唔敢講。
佢都覺得有道理, 仲話如果公司cut 左TOT, 我同佢就可以名正言順咁拖手仔、行街街喎。
TOT = Telephone Order Taker ... this is my position lai ga~~~
佢仲話佢自己有好多負擔, 如果我跟住佢會好辛苦, 佢問我怕唔怕仲叫我諗清楚添。


但我同佢都知而家都未係時候, 我都明白會影響到佢工作, 佢亦都覺得會影響到佢,
所以話就話等公司cut 左TOT先, 但仍然係唔知要等幾時lor。
我叫佢咁唔好諗咁多啦, 佢又話唔可以唔諗住我。大家都唔知可以點做呀!!!


所以就算而家知道大家點諗都好都仲係要等......
但好多謝佢呀!!! 其實我同佢之前都估左好耐o架喇, 多謝佢今日咁明確地話比我知啦。
唔使再好似之前咁估估下、唔使再迫自己唔去諗佢...
希望我o地會快D等到呢一日啦, 我唔知佢會唔會陪我等o架,
佢從來都無話過會或者唔會, 但我都想知我o地到頭來會係點。

>>February 22, 2003 at 6:20:50 PM GMT+8

2003 年 2 月 16 日 星期日 【陰】

傾下計咁囉


o尋日佢off左line之後無耐我都無再on喇, 因為人o地想寫日記仔又寫唔到咪off囉。
之後小珊珊打比我咪同佢傾囉, 傾傾下佢打比我喎, 我諗都無諗過呀,
仲諗叫佢話訓就梗係去左訓啦, 點知又唔係喎。


我問佢唔係話訓教o架咩, 佢話有少少掛住我, 跟住我咪話少少咋...^^
同佢chat ICQ果陣佢都已經勁話人o架喇, 仲猛話憎人o地,
點知佢打比我話得仲勁。佢話情人節呀電話都無個咁話人喎,
問我做咩唔打比佢, 佢話我衰又問我有咩辦法唔憎我喎。
之後又話我死蠢喎, 佢話我十五號果日做咩同呀珊調更,
我話咁呀珊要約男朋友仔丫嘛, 咁我咪諗住無咩所謂。
佢話但係你都有街去o架嘛, 佢話佢十四、十五號都放假丫嘛,
我咪唯有話無喎我有街去自己都唔知o既。
佢又無講我點知喎, 其實就算到時我放假佢又係唔係真係會約我喎??
講就係咁講o者, 到時可能又咪係自己一個人。
咁呀珊想約男朋友唔通要我阻住佢咩!!!


問佢呢兩日去o左邊佢又唔講喎, 淨係話o係屋企掛住人o地...都唔知真定假。
之後我咪鬧佢囉, 唔聽人電話又唔覆人, 正衰人o黎o架!!!
佢話果陣呀Lam正正o係佢隔離所以聽唔到電話, 之後放左工去左探麻麻喎。
我話我仲想約你食飯添, 點知又搵唔到佢喎, 佢話約今日, 但點約喎,
佢收五人o地最早都要收六半, 佢又要去探麻麻, 都係無可能o架喇。
唔知下look佢返咩呢?? 但就算返夜, 我都係返得果三日都未必會撞o岩佢返夜啦。
唔知要過幾耐先見到佢lu...呢個星期就一定見唔到啦。
唔知佢點諗呀, 但我就覺得慘慘o地喇。
真係可憐呀!!!

>>February 18, 2003 at 11:22:19 AM GMT+8

2003 年 2 月 15 日 星期六 【晴】

今日多得飛飛咋!!!


今日屋企o黎o左一大班人呀, 有一班 aunties仲有契媽o黎打麻雀、一大班細路仔,
再加埋我兩個細佬好, 真真真係嘈到想死呀!!!


好彩有飛飛陪我去睇《貼身情人》咋, 如果唔係我一定o係屋企"炆"死左呀。
套戲都ok啦, 我鍾意珊迪娜布洛丫嘛, 都有D gets位得得o地o既。
之後仲行商務買左D書書返去睇, 事關我呢期真係好"炆"呀, 少少事都煩死我呀。
之後仲一齊行返屋企添, 傾左好多心事仔呀, 咩都講晒比佢知 lu,
多謝佢陪我去睇戲戲啦、多謝佢聽我講...


總之就多謝呀Chim啦。


今日原本想搵佢出o黎陪我o架, 事關我出去果陣同呀媽嘈左兩句,
我都唔想返屋企, 知佢返早差唔多收工又想見下佢, 本來想約佢食飯飯o架,
點知打比佢佢無聽人電話呀之後仲無覆到我添,
又叫人o地多D搵佢最好煩死佢, 自己又唔知佢去左邊, 真係衰呀佢~~~
最後小音音都係無人陪食飯飯呀, 又要返去忍受果D令人討厭o既...聲音。
好慘呀!!!


唔聽人電話又唔覆人仲話掛住人, 我憎死佢呀!!!
佢淨係識得話憎死人...掛住人...之後就會話都係無野喇,
跟住就話自己真係好無用, 到最後就係訓喇 ~
都唔知佢想點!

>>February 17, 2003 at 3:33:30 PM GMT+8