2003 年 2 月 27 日 星期四 【晴】

節目都幾豐富o架喎!


尋日六點收工同佢出左去啦, 跟住就去左淺水灣行下沙灘仔啦,
之後又落返銅鑼灣行街街&食飯飯...
之後食完飯差唔多十點幾喇再去返太古睇《老鼠愛上貓》,
套戲其實都幾無聊o架喎, 不過都幾好笑!
haha...散場都十二點幾喇, 前兩日計計埋埋返左成30個鐘頭工呀,
尋晚仲要去街街喎, 積積埋埋真係好"支力"呀!!!
雖然係開心但都有D想死咁o既感覺呀!!! 今日仲要返工工, 真係慘r!


不過佢今日使左好$$$呀! 出出入入都打的, 我叫佢搭第二D車佢都唔肯,
雖然佢話都係為左唔想我辛苦, 但真係唔怪得呀珊話佢係敗家仔o架!
佢又叫我唔好做P記喎, 我話唔做o既話會好悶o架喎,
點知佢話得閒休息多D、陪下男朋友啦咁辛苦做咩喎!!!
比佢激死喇, 佢要輪更返工咁咪又係一樣見唔到,
我唔做我有時間o者, 但都係佢都無時間陪我啦。


好多謝佢呀! 尋日好開心呀!^^

>>February 28, 2003 at 8:46:53 AM GMT+8

2003 年 2 月 26 日 星期三 【晴】

ha ~ 無人信喎!


今日約左佢去街街呀, 佢頭先打比我話放左工o黎接我喎, 傾左一陣電話咁囉,
佢話佢將我同佢Do野講左比小健、Candy同埋鍾文Dick聽,
但係無人信佢喎, haha...個個都當佢思覺失調呀!!!
haha...抵死!!! 成日玩丫o拿而家無人信你lu ~
死未!!! ^^

>>February 28, 2003 at 8:44:57 AM GMT+8

2003 年 2 月 25 日 星期二 【晴】

今日呀珊病病呀!


呀珊無啦啦又會皮膚敏感o既, 佢今日去左睇醫生呀, 所以我幫佢頂返左P記!
佢睇完醫生仲要打針針添, 真係慘慘lor !
但佢遲D仲要同佢Honey去台灣happy o架, 希望佢快D好返啦~


今日唔止呀珊慘呀, 就連音音同Annie 都好慘呀!!!
Annie 就係串呀彬串到呀彬無聲出喎, 咁呀彬咪就手搵個pouch兜頭笠Annie囉,
勁慘喎個pouch咁臭!!! 家雄見到又幫呀彬手喎, 我唔係唔想救Annie呀,
但我果下真係笑到肚都痛埋, 郁唔到呀!!! 之後呀彬諗住出車, Annie又串佢喎,
點知今次呀彬就"瀝"起個頭盔兜頭笠Annie喎, 話幫Annie帶喎, 搞到Annie勁痛呀,
haha...Annie真係慘呀!


雖然小音音無佢咁慘, 但今日小音音都勁比人擺上"木台"呀!
死人Carroll、Johnny佢地玩神童輝, 神童輝又衰喎成日坐o係我隔離同我講佢Do野,
點知比Carroll見到, Carroll即刻串我話:「e...呀音你同佢溝通緊呀, 仲話咁我唔阻你地喇。」
之後入左去廚房度講, Annie又話見佢坐o係我隔離又話要迴避下又走左去喎, 個counter得返我同佢!
佢o地成班就開始玩喇, 匿晒o係廚房度笑人, 死人神童輝又唔知佢o地串緊佢喎,
就o係我隔離猛講猛講...死人呀Dick匿埋o係take out個位度笑人都唔幫人! 衰到死呀!
之後Johnny返到o黎我咪即刻叫Johnny唔好走坐o係counter度陪我囉,
點知Annie一出返o黎話左比Johnny聽佢o地玩緊咩, Johnny即刻走仲不特止,
仲叫返呀神童出o黎陪我喎, 幾好人呀!!!


但係今日都過得幾開心o架喎! 不過又真係笑得幾辛苦喎!!!^^

>>February 28, 2003 at 8:44:28 AM GMT+8

2003 年 2 月 25 日 星期二 【晴】

音音仲要比人話係小氣鬼添呀! 真陰公~


之前呀Dick已經話收工去食宵夜o架喇, 佢叫左Carroll、Wei、Annie同埋我!
但我收2300而佢o地4個都係收2330, 我又唔係咁想等喎, 咁收工我咪同Annie講左聲跟住走囉,
佢o地都好奇怪點解我唔去...但我聽日仲要返工工o架, 等得佢o地、食埋o野...唔使訓喇!
諗諗下聽日仲要返工我真係會死o架!!! 所以最終都係唔無去到呀。


但收工果陣Johnny又好好人喎, 問我使唔使等埋我,
佢話而家陪唔到我返屋企至多陪我等埋車啦咁喎, 都算佢有返少少人性!
THX r ~ 但最終我都係簡自己行返屋企。


之後佢打比我問我做咩唔去, 我話無o野呀唔想去之嘛,
佢就話佢想食完o野送我返去o架話我無啦啦又走左去!
我話唔啦聽日返工嘛, 之後講講下, 我話佢都唔幫人o地o既衰到死!
佢話佢已經匿o左o係經理房o架喇都無份話我咁喎...勁慘!
但佢有份笑人又唔講! 仲串人o地真係多仔溝又唔講, 衰到死! 哼~
我話咁無o野講喇...佢話佢下次會企出o黎o架喇!
其實我又唔係嬲佢o既, 不過話下佢之嘛!^^
收左線無耐佢仲要send個message o黎鬧人o地係小氣鬼添! 總之佢就係衰啦!


之後收左線我行行下撞到呀航喎, 佢"渣"緊車我都無留意佢跟住我!
佢話佢"溜"住架車跟左我成條街喇我都唔知...佢仲話我大膽添夜媽媽一個人行,
之後佢問我食左飯未, 開頭都幾肚餓o架但o係P記果陣又顧住玩喎, 所以無食飯飯呀。
不過玩玩下、笑笑下唔知係唔係笑飽左呢, 又好似唔多餓喎咁咪諗住食少餐當減肥囉。
點知呀航話佢都未食o野叫我同佢一齊去食宵夜, 我開頭都話唔去o架,
但又猛溜住架車叫人o地去喎, 咁我咪話比我請我咪去囉, 事關佢成日都請我食飯o架喇,
佢比我請返次咪當多謝佢囉。之後就同左呀航去食宵夜喇。


不過...我都有諗過如果比佢知道左我實死得喇, 佢一定又話嬲死我o架喇, hahha...^^


>>February 28, 2003 at 8:43:44 AM GMT+8

2003 年 2 月 24 日 星期一 【晴】

拖手仔 lor !!!


今日返左成日工之後仲要返P記喎, 又做返鐵人添, ha...


今日原本收2300 o架, 佢仲叫我等多佢半粒鐘等埋佢收工添,
點知原來尋日呀Lam唔記得編人收尾埋數喎, 結果唔使等都同佢齊齊收工。


之後佢送我返屋企, 行行下佢又問我使唔使幫我"瀝"袋啦, 次次同佢出街佢都會咁問,
而我次次都係話唔使喇, 所以我都無為意。
我又唔係佢邊個咁無理由無啦啦叫佢幫我"瀝"袋o架嘛,
點知佢猛話要啦我幫你"瀝"啦咁喎, 我都係話唔使, 點知佢搶人個袋喎...打劫rrr!!!
haha...之後佢搶左我個袋喇先話唔幫你"瀝"袋又點拖住你呀, 跟住就拖住左我喇。
ha, 果下又真係淆晒底o架喎~ 都無諗過佢會咁o架嘛...
同埋覺得好好笑囉, 正話先仲o係公司串緊我同神童輝, 又唔理人喎,
搞到神童輝猛同我講o野喎, 唔應佢又唔係喎, 佢就淨係識同呀偉匿埋一邊笑人, 勁慘呀!
但轉個頭收工又拖住人o地喎...激死!


之後一路行一路行好快就返到屋企喇, 一路行我又勁唔知點喎,
淨係問佢唔係話而家唔得住o架咩?? 同埋問佢咁比人知道咁點呀??
今次佢又唔同晒口風喎話呢Do野邊等得o架、又話自己都心思思、鐘意咪鐘意囉怕咩比人知喎。
同之前講果D都唔同o既, 但今次佢o既意思係明確左唔使再估估下咁囉,
唔知佢遲D會唔會又轉軑呀, 好驚喎。但佢話佢因為咁而想轉工喎, 但唔知轉唔轉得成呢!!


我都無諗過咁快o既, 一直都仲以為有排等...等到公司Cut TOT添,
之前諗諗下都唔知自己同佢咩關係, 佢又無叫人等佢、又無話會陪人等都唔知想點,
雖然無論點我都係會等o者, 但都有擔心過到時佢都唔知仲鍾唔鍾意我o架嘛。
果陣都諗到幾唔開心o架!!!


之後返到屋企打比佢事關我真係好驚佢唔識路呀下, 佢係「路痴」o黎o架嘛,
加上佢又唔係住呢面海我真係好鬼驚佢唔知去左邊呀。
之後咪一路傾陪到佢去銅鑼灣囉佢約左人丫嘛, 聽佢講左好多o野呀,
佢話佢今晚諗住死就死啦, 豁出去咩都唔理o架喇, 所以D人走晒得返呀偉,
咁o岩呀偉又有o野緊問我佢都照企o係度等埋我喎, 唔怕比呀偉知佢同我一齊咁話喎。
之後仲話要出memo話晒比人知添。


ha...今日真係好開心呀~ 希望日日都可以咁開心啦。
唔知公司D人知道之後會點呢?? 佢成日問我驚唔驚, 我又點會驚喎,
不過肯定會比人笑囉, 反而我擔心佢咋, 佢係經理仔o黎o架嘛,
因為咁而有多左重壓力就唔好啦, 我都唔想佢咁辛苦o架嘛!

>>February 28, 2003 at 8:54:34 AM GMT+8

2003 年 2 月 23 日 星期日 【陰】

今日係教師專業發展日呀!!!

所以今日4點就收左工喇, hehe ^^
之後又去左扮靚靚喇, 都仲係一訓落張床度就訓著左喇,
我都唔明點解咁鬼死"支力"o架。
之後返左屋企食飯飯...仲o係屋企執房添呀, 所以都"支力"喇今日!
我要訓喇...

>>February 25, 2003 at 12:00:53 AM GMT+8

2003 年 2 月 22 日 星期六 【晴】

Shopping ~~


尋晚成3點幾先訓呀, 一上到張床就即刻訓著左喇, 一訓就訓到今日晏晝點幾,
之後同左呀爸、呀麻、呀爺、姨婆同埋姨婆丈去左飲茶喇,
因為呀媽一早去左同呀婆度, 又加上所謂o既姨婆姨丈我根本見到都未過o既,
所以一飲完果餐茶我就即刻走人去join返呀媽之後去左shopping喇。


今日買左少少春天衫啦同埋無左部GameBoy Advance比細佬,
事關細佬下個月生日嘛, 但佢o既生日又接近佢o既exam,
就算到時買左比佢佢都無得玩啦, 所以今日就預支左份生日禮物比佢囉,
o係無咩心理準備底下無啦啦洗左千幾蚊, 都有少少肉痛o架,
不過都無咩所謂啦, 鬼叫我得佢一個細佬仔咩, 梗係鍚晒佢o架啦。


>>February 25, 2003 at 12:00:06 AM GMT+8

2003 年 2 月 22 日 星期六 【晴】

今日又激死佢喇!!! hehe...^^


行行下街果陣佢無啦啦打比我喎, 話佢今晚一定要送我返屋企,
又叫人o地收11等埋佢收工, 佢再送我返去, 我話咁點得o架, 佢死都話得。
之後佢就話佢尋日去左飲酒, 5點幾先返到屋企喎,
原來佢返到屋企都有留message比我呀, 我都果陣未睇,
尋日我唔見佢留message比我, 我仲諗到佢咁差添!!! 真衰!
尋日佢就叫呀珊同我調而今日呢就叫Elaine同我調, Elaine梗係無咩所謂o架啦,
但真係唔係咁好o架嘛, 無理由無啦啦返埋人o地D鐘o架嘛,
我又驚佢成日都係咁而比人話喎, 所以我都無理到, 10點鐘準時就走人喇,
佢一見到我換晒衫佢就即刻話人喇...>< 話人o地唔等埋佢, 仲話左人o地有好多好多o野添。
之後個樣都唔同晒喇...我走果陣都無理到佢就走左喇, 佢就梗係比我激死左啦。ha
但其實我都係唔想佢人話o者, 我好乖o架嘛~ haha ^^
但佢咁都唔明仲話人!


>>February 24, 2003 at 11:59:38 PM GMT+8

2003 年 2 月 22 日 星期六 【晴】

但一路陪佢傾傾到佢返屋企, 傾左好多o野呀...


之後佢收工, 我咪打返電話比佢囉, 一打去佢就話真係好憎我喇..>< ~
佢話佢都已經話左要送我返去咯但我又唔等佢喎! 之後佢就一直話好憎我好憎我...勁慘呀!!!
佢話人o地做咩唔等佢, 我又衰喎我話我等唔到喇, 佢即刻問真o架??
佢話等到cut TOT 都唔係要等好耐咋喎, 其實我都唔係話唔等佢, 我只不過講緊我等唔到佢收工o者,
咁佢講開我咪問咁即刻幾時呀, 佢話應該係4月最遲都係9月o既事。
我話好快就見唔到一班同事仔喇, 佢就即刻話我仲可以見到佢喎, haha... 希望真係會啦。^^


講講下我話佢成日都唔睬我o架啦, 又講返上次佢放飛機單o野, 早一日先話唔出。
佢話佢果次真係嬲, ha... 佢話問我同邊個我又唔講, 話我古古惑惑, 又咁夜返。
之後無啦啦佢又話幫我計過公司好多人「侯」住人o地喎, 我話咩呀...
佢話果D人夠開兩"木台"麻雀喎, 邊有咁誇張喎!!! 佢話總之就呷醋喎,
佢一咁講親我又唔知可以點o架喇, 佢都唔信我o既, 佢都知我係點o架啦。><


今日呀彬又係咁講喎, 呀邦打我比呀彬見到呀彬咪話佢囉,點知呀邦仲叫埋呀彬幫拖喎,
話我唔打唔得, 點知呀彬話呢個唔郁得o架, 會比十幾個人圍o架咁喎,
估唔到平時同呀彬都無咩兩句但連佢都串人!!! haha...勁衰!


狐狸今日又衰喎, 一返o黎我見佢未訓醒咁, 我咪問佢o岩o岩訓醒呀,
佢話係啦最衰都係你反訓啦咁話我喎, 我咪話又關我事?! ha...
點知佢講一次都唔夠, 仲成晚o係度講添...激死呀!
之後又串人o地Ka Hung喎, 問我佢去左邊我咪話我點知呀!
之後就夾埋呀Dick o係我面前話見到Ka Hung車第二個唔好比呀音知喎...
又話Ka Hung做咩做咩唔好比呀音知喎, ha..真係吹漲!
但今日返工都幾開心o既~~

>>February 24, 2003 at 11:59:09 PM GMT+8

2003 年 2 月 22 日 星期六 【陰】

今日係K.Ying生日呀, 希望佢生日快樂啦。

>>February 22, 2003 at 6:23:17 PM GMT+8