2003 年 3 月 5 日 星期三 【雨】

今日呀珊早機呀, 同男朋友仔去台灣trip呀,
希望佢玩得開開心心之餘, 都希望佢平安返o黎啦。
呢排天氣咁差又落雨又咁大霧、上次去又撞o岩輕微地震,
真係有少少擔心佢o地呀!

>>March 7, 2003 at 5:12:11 PM GMT+8

2003 年 3 月 5 日 星期三 【雨】

尋日呀航五點幾走左上我公司搵我喎, 佢聽完Johnny講以為我真係同佢散左,
佢驚我唔開心, 買左o野比我食、又陪我傾計, 佢話佢想我親自同佢講呢件事,
但我唔想講喇, 我唔想又講大話! 之後返到屋企佢打比我話send左Do野比我叫我睇,
之後去check e-mail啦, 係一張又一張o既e-card, 真係好多謝佢o既關心。


呀珊尋晚開OT, 收工果陣同佢傾左陣電話, 佢覺得我處事好模稜兩可、唔夠決絕。
我都知自己都有問題, 但我都係唔想無左個朋友o者, 有好多o野都避左就算,
但我真係諗唔到個更好o既方法。


佢麻麻今日轉院, 佢探完麻麻之後返到屋企打比我, 又同佢傾左好耐電話。
佢都話我唔應該咁去逃避、扮傻。
佢話雖然佢明我都唔想大家尷尬, 但總好過擔誤人地去等喎。
佢話呢Do野要我自己去處理, 佢都幫我唔到o架喎。
佢話要得到某Do野就會失去某Do野o架喇喎。


有時候我想大家都知我同佢拍緊拖, 但我又驚唔知會話佢有咩唔好唔好,
搞到又有好多o野諗。有時候又覺得唔好比人知會開心D, 至少唔會有咁多壓力先啦。
但其實避得一樣都避唔到第二樣, 都仲係有其他o野煩。
究竟點做先至係最好呢?

>>March 7, 2003 at 5:11:35 PM GMT+8

2003 年 3 月 4 日 星期二 【雨】

今日都OK啦, 不過尋晚同佢傾電話傾夜左, 加上今日o既天氣又好鬼適合訓教喎,
所以個人都特別"支力"呀, 好就好在今朝成朝老闆都無返過office,
朝早訓左一陣先無咁辛苦咋。


佢今日收工又o黎左接我呀, 佢都係送我返屋企之嘛,
之後佢去左探佢呀麻, 佢呀麻今日轉院丫嘛, 所以佢點都要去陪下佢麻麻o既。
佢話佢聽日又o黎搵我喎, 又日日見喎! 真係驚有日會嫌呀。



>>March 5, 2003 at 12:19:36 PM GMT+8

2003 年 3 月 4 日 星期二 【雨】

尋日o係地鐵站仲見到K. Ying同呀馬呀, K.Ying一見到我就問我佢係邊個喇,
仲興奮到即刻水滾添呀, 睇住佢塊面一路紅喎, 勁搞笑!
之後佢同我講話幾驚你個fd (即係 K. Ying啦)頭先爆紅管呀, haha...勁激動~


返到屋企同佢傾左好耐電話呀, 可能真係當局者迷啦, 佢要呃我都無計啦,
但我覺得佢都唔係咁差o者, 我簡左佢就要信佢o架啦。
但呢件事總算解決左, 所以開心返少少啦, 希望我真係無簡錯啦。


佢尋日買左上次同佢一齊o係Esprite睇果件衫衫比我呀,
又託佢朋友o係台灣龍山寺求左一個護身符比我, 好多謝佢喎!
雖然今次呢件事唔係真, 但佢都應承左我唔會再咁大使,
佢仲幫我入左張八達通, 我話唔使啦我自己入咪得囉,
跟住佢就話以後同佢出街都無的士搭o架喇, 所以幫我入埋張八達通囉。
希望佢講得出做得到啦, 總之多謝佢啦。


>>March 5, 2003 at 12:07:52 PM GMT+8

2003 年 3 月 4 日 星期二 【雨】

尋日佢o黎左公司接我收工, 之後本來想返屋企o架,
佢知我有o野想問佢但又開唔到口, 返到屋企之後又出返去, 陪佢去左聯合探佢麻麻。
如果唔係話陪佢去醫院探佢麻麻的話佢又比家雄嗌左出去o架喇,
我又唔想喎, 我寧願佢乖乖地去睇呀麻好過喇。
佢呀麻真係好瘦呀, 不過笑起上又真係幾慈祥o架喎, 佢都幾多o野講o架,
佢話佢呀麻好玩得o架, 但唔知佢麻麻會點諗我呢??


去到醫院佢呀麻訓緊教, 我同佢o係病房出面坐同埋傾計,
佢都估到我想問佢D咩, 咁我想講果樣又唔知係唔係佢get到果樣喎,
咪叫佢講比我聽佢get到D咩囉, 佢又真係get到喎。
所以佢就講左比我知其實無呢件事發生, 佢話如果有呢件事發生佢仲可以咁休閒咩,
佢又分析比我聽如果佢真係爭銀行咁多錢, 而且佢又真係得一張credit card喎,
咁佢張card都再碌唔到啦, 佢又有佢o既道理, 我選擇左信佢。
佢話爭就梗有o架喇, 但好少喎大約兩、三個月人工咁上下喎,
出多兩次Bonus就搞得掂o架喇。我咪鬧佢囉咁都"螺"o黎講笑, 傻o架, 真係想嚇死人咩!!!
佢話佢唔會嬲Johnny, 佢果陣都係同Johnny吹下水, 佢話Johnny都係關心我o者。


但我覺得我o地都係暫時將呢件事收埋好D喇, 佢話佢唔想又唔係唔見得光。
但我知道Johnny知我仲同佢一齊的話, 好就好咋, 唔好的話Johnny一定唔會理我呀。
Johnny成日都覺得佢唔好, 但唔試過我又點知喎, 無理由試o既機會都唔試o架嘛。
我都驚佢呃我o架, 但佢又講得o岩喎路遙知馬力, 唔睇清楚又點知佢係點呢,
到時公司cut TOT先比佢o地知囉, 可能我將一切都諗得太好啦。
我同左Johnny講話我同佢講左暫時唔想咁複雜, 想等公司cut 左TOT先諗,
仲話佢都話好添, 其實Johnny都唔係咁信o架, 都好多謝佢打o黎安慰我,
驚我唔開心, 雖然我知道我呃佢係我唔o岩, 但我都唔想煩咁多,
亦都唔想無左Johnny呢個朋友仔呀, 如果佢同我講完我都仲同佢一齊,
Johnny一定會話我唔爭氣同死蠢o架。


但如果今次佢get唔到、我又唔可以問佢。
最後 真係因為呢件事而無左之後先知無咁o既事的話, 我一定會好唔甘心o架。
其實我又點捨得佢丫, 希望我今次無決定錯啦。


>>March 5, 2003 at 12:07:12 PM GMT+8

2003 年 3 月 3 日 星期一 【雨】

好景不常!


尋日Johnny打比我問我係唔係同左佢一齊, 開頭我都唔敢答佢o架,
叫佢自己問呀Dick, 之後講講下佢問我點解會殺左個呀Dick出o黎o架,
Johnny話佢自己都未搞掂, 問我點解會同佢一齊o架,
之後我猛咁要Johnny講點解話佢自己都未搞掂Do野比我知,
但知道左之後就簡直係惡夢o既開始!


Johnny話佢都未玩夠, 之前都有落下D、四圍去玩目的都係為左溝女。
咁其實以前o既o野我都唔係咁介意都過左去啦。
之後Johnny話佢爭銀行廿萬咭數, 筆數係佢同佢之前個女朋友碌o既。
Johnny話佢都無理由而家連自己都自身難保仲同我開始。
我聽完都好驚喎, 廿萬呀大佬, 對打工仔o黎講都唔知要還幾耐呀。
我都有幫佢計過呀, 如果佢申請破產每個月還一萬蚊比銀行,
佢都要還年幾先還得晒D錢呀, 但都係我一廂情願諗o者, 佢邊有可能會咁做丫。
我尋日放左工打比佢問佢果陣做緊咩啦, 佢仲話去左shopping喎,
真係唔到我唔驚呀。佢返到屋企online搵我仲要話比我聽佢買左o野比我喎,
之前又買左陪scanner比我, 同佢出街係就係開心, 但佢開支真係好大,
我都知佢好鍚我, 但佢真係好唔識諗呀, 好擔心呀!!!


如果同佢一齊我又幫唔到佢咩手, 使錢果方面我又未必可以管得住佢,
佢都未必聽我講啦。到時棧佢使更多錢o係我身上,
我驚累到佢愈踩愈深呀! 到時真係還錢都還死佢呀。


如果唔同佢一齊我怕hurt到佢, 但其實我都唔會好過得去邊。
我會覺得好可惜、好唔捨得, 我都會唔開心o架,
點解咁難先可以o係埋一齊, 一齊左無耐就要比個咁大o既考驗我o地。><
雖然我唔想無左佢、唔想唔理佢。
真係要咁樣做的話我真係唔知日後返公司點面對佢。
但如果我係鍾意佢o既話呢個係我唯一可以幫到佢o既方法。


Johnny話如果我諗住同佢玩玩下都無咩所謂o既, 叫我自己小心,
Johnny話佢係老手, 識o既o野始終都會多過我, Johnny驚我比佢呃。
但如果我係認真o既話, Johnny就話我跟住佢都無將來,
再拖落去到最後我同佢都無辦法唔面對現實,
佢驚我到頭o黎幫佢又唔係, 唔幫佢又唔係仲痛苦,
Johnny話趁而家知清楚、又一齊左唔係咁耐不如唔好再繼續落去,
因為而家真係未係時候喎。


佢從來都無同我講過呢年事, 我知佢好多負擔, 但唔知原來有呢件事o既發生。
我知道左又唔可以問佢, 因為我一問佢就一定會累死Johnny o架。
Johnny都係為我好先講比我知之嘛, 我無可能仲要連累到佢,
話晒Johnny始終都算係佢下屬丫, 我唔想牽涉到Johnny。
我終於知道我同佢之間有幾多複雜o既問題喇, 仲覺得自己好難做人。
如果同佢無左, 公司o既人可能會話我亂搞男女關係, 但又真係有口難言。
而家同佢一齊又會累死佢, 想勸佢但一講又會累死Johnny。


唉! 我真係唔識點做人喇。

>>March 5, 2003 at 12:09:44 PM GMT+8

2003 年 3 月 2 日 星期日 【晴】


今日D時間好似過得好快咁話喎!


今日都幾好o架喎, D時間過得好快喎, 今日比左D相相雲姐同月姐睇,
佢地都話佢都幾好丫, 我唔明點解我呀媽話直覺上覺得佢唔係咁好囉。
雖然我都有D擔心佢呃我, 但學呀珊話齋我簡得佢都一定要信佢o架啦。
唔好諗咁多喇, 開心咪得囉。

>>March 3, 2003 at 11:16:27 AM GMT+8

2003 年 3 月 1 日 星期六 【晴】

今日我踩全日呀, 返到公司又見到佢喎,
ha ~ 自從同佢一齊左之後我真係日日都見到佢添, 幾西利呀!


佢今日成日都坐o係出面陪我喎, 咁先無咁悶咋, 不過就比人串囉。
Yau 成日話佢個新袍仔即係我啦跟佬走喎, haha...
佢又成日串Yau話佢個仔失戀喎。之後Yau叫佢請食飯,
佢就話好呀問佢係唔係掟煲費喎, 係就即比喎, haha...
之後就同我講話幫我比左掟煲費喇咁喎, 吹漲呀!
Yau成日嗌我新袍仔之後我好似平時咁答佢啦,
之後佢就加多句話過左氣喇咁話人o地喎><
成日兩個係咁o係度鬥傻, 不過又幾好笑o既。


好快佢就收工喇, 佢今日收5丫嘛, 之後佢去左探佢麻麻,
我都未收工佢就打返公司話我知佢要訓喇, 果陣都係得八點幾之嘛,
不過佢又真係勁慘o既, 咁辛苦。
之後我收工咪同呀珊去左食飯飯囉, 傾下計咁囉。
食完飯就返屋企訓喇, 返去果陣仲見到Money同佢男朋友仔呀安添。
聽日就真係開始見佢唔到lu, 聽日要返工工丫嘛。

>>March 3, 2003 at 11:15:43 AM GMT+8

2003 年 2 月 28 日 星期五 【晴】

今日頂華嫂返早喎, 之後又去左拍拖拖!^^


今日原本我係放假o架, 但華嫂辭左職所以P記唔無人返早呀,
咁咪放左D朋友仔飛機去左返工工囉, 真係唔好意思喇各位!!!


呀健又懶幫佢咁喎編左我收五, 佢返早所以又係收五,
咁放工佢自自然然就等埋我埋完數就一齊走喇。
我o地事前都無約到o既都唔知去邊o架, 佢無啦啦話陪人睇scanner,
我話唔同佢去佢就話一定要去。之後落左灣仔電腦廣場度睇,
但果度D scanner平出面成半喎我話信唔過喎, 佢就叫我去返豐澤度睇,
點知同佢去度豐澤佢一行都埋去scanner果行,
睇左一陣個sale走埋o黎同佢講話呢部係Canon最新款o既scanner,
佢就即刻話要果部跟住就俾錢走人喇。我都知佢係買o黎比我o既,
但佢開頭死都話佢有用有用唔係買比我o既, 但送我返到屋企佢咪又係隊比我。
我覺得佢好無辜囉, 我借部scanner比人, 果個人唔還、呃左我部scanner都唔關佢事,
要補鑊、要屋企人交代我都係我自己蠢o者, 諗住自己買過部就算o架喇,
點知而家變左佢買比我添, 牽涉到佢真係唔好意思o架嘛。
但佢話我o既事咪=佢o既事, 但我諗落都係我衰, 做咩信唔過平平地果D丫、
做咩聽佢講去豐澤度睇呢...我真係衰呀!


之後去左Shopping行街街、影下咭仔、貼紙相呀, 張相影到佢個樣好好笑o架,
我之後睇返都忍唔往笑呀。跟住再同佢去左別府食飯飯,
但公司D人見佢今日等埋我走都知咩事啦, 成班o係度猛咁笑佢,
到我o地走左佢o地都仲開緊討論大會討論緊我o地,
不過佢o地都未知我地一齊喎, 淨係o係度估佢追唔追到我咋, haha...


食緊飯果陣佢o地仲輪流打比我同佢問我同佢各自做緊咩添, 激死!
之後講講下佢又講人地有成"木台"麻雀喎, 佢咁話我其實我都唔係咁想睬佢o架喇,
但係諗諗下又嬲佢唔落喎, 同埋見到佢就想笑啦, 點嬲喎。
食完飯就去左買飛睇午夜場喎, 好後悔去左睇《夜魔俠》呀,
好暴力呀, 有D shot 我真係唔敢睇呀。加上佢同我聽日都返早喎,
不過佢返九點、我返十一點, 但睇完戲都成兩點喇,
佢送得我返去、佢再返去返到屋企都成三點喇, 佢返工又要搭成個鐘頭車喎,
訓得果幾粒鐘, 想辛苦死佢咩! 仲要係因為去睇左套唔係咁得o既戲喎, 真係唔抵呀!!!
聽日佢就真係死得喇!><

>>March 3, 2003 at 11:17:06 AM GMT+8

2003 年 2 月 27 日 星期四 【晴】

今日學校又放假喇, 我點零鐘就走左喇, 去左英姨度做facial, hehe...


之後要返P記呀, 佢今日放假, 所以佢尋日話今日o黎接人o地收工,
但我見佢成日都無打o黎比我咁我咪費事打比佢囉,
點知我收十點o架嘛, 佢九點四就返左公司等我喇,
大家見到佢都覺得好奇怪, 但我就無咩點理佢囉, 狗狗o地添,
但我又可以點喎, 人o地返緊工o架嘛!!!


之後收工佢叫埋呀邦一齊去杏花樓食飯飯, 可能係呀邦o係度關係啦我o地無拖手仔喎,
所以我都唔知呀邦知唔知我地拍緊拖拖o架, hehe...
不過呀邦都feel到我o地有D古怪囉。


之後食完飯飯呀邦話唔阻住我同佢就走左喇, 佢就送我返屋企咁囉,
但都今晚都食得幾開心丫, 因為呀邦狂講佢細個D白痴o野比我o地聽,
好搞笑o架, haha^^

>>March 3, 2003 at 11:14:10 AM GMT+8