2004 年 8 月 23 日 星期一 【綿綿細雨】

今日就陪左神婆Tracy入沙田註冊-,=當然唔係結婚~而係ive入學啦
去到我放低左把遮.......之後就陪左佢等喇.....
期間佢撞到d中學同學喎,男果D都ok冇咩野既...
但係女既就差d咁啦......d態度真係........又大小姐又不可一世feel....
聽到Tracy話返工,就用D好歧視既口吻話"下?!返工牙??"
我即時果個moment就諗=.=返工有咩問題...??得罪你牙??
連我都咁諗,我就知道Tracy一定已經嬲到想打人,不過佢都好禮貌咁打發左佢走
排排下,我後面有人叫我....原來......有條蟲響我樹"欄"緊~~！！！呀~~~~~變態架！！
好在阿大好人幫我take it away左.......知道果個moment我真係成身打個冷鎮.......||||
我真係好怕昆蟲類同我有身體接觸......-____-|||| 對佢地有種莫明既厭惡感
但我唔會因厭惡而了結佢地既生命,只會見到就繞成走吧.....bubu
點都好啦......註冊完畢我想囉返把遮果陣已經發覺.....唔見左喇......>__<"嗚....
算啦..........係我既就係我既......唔係我既......點留都留唔住.........
我明既.....可能你係迫不得已離開我.......而家唯有寄望你既新主人好好對你啦.........
因為又令我諗起佢...在有點點感觸既情況下去左無印行街=__=
之後去搵吉野家食飯......我自問路痴.....一向靠人引路.......但估唔到.....連Tracy都係路痴....
兩個路痴走埋一齊.........結果係行左好多冤枉路架.........不過到達之後係爆感動果隻架=.=
哩2年去過咁多地方都唔會迷路都因為有佢同我一齊........
..........每日發生種種事都無意間令我諗起佢........我開始討厭自己咁.........
我會問我自己係咪咁放唔低呀.....但又唔係喎.......
只係當我無啦啦諗起同佢之間既野果陣會傻傻的笑一下.....大概是一種回味吧...
雖然感情不再,但係回憶是永遠的吧.....但我可以好肯定,我唔會當我將來既男朋友係佢既影子
因為對佢會係一件好唔公平既事,而且我覺得2段感情係唔應該拉埋同比較的
你就係你,佢就係佢嘛= ~ =係咪??感情要用來比較的就根本是不尊重對方....
食飽飽傾左一陣就返日文喇....返日文我好眼訓阿...搞到好似咩都唔入腦咁,點都好啦,都記得D既~
D冷氣越吹越凍.....我發覺我係完全怕凍果隻黎囉.......唉...又諗起佢添....死火.....停呀/0\
終於等到放學啦,我地又去左公園坐低傾下計......真係傾左好多既野......
好多人根本唔了解父母既艱難,只係識花錢,人地考慮到哩點放棄學業一下而工作就有問題???
有時我會覺得不知世間事既溫室小花應該去睇下哩個世界.......
唔好以為讀多D書就與別不同.....理論同實踐係兩回事......社會唔同學校.....工作亦不同上課...
返工要睇人面色做人,要戴住面具去同人交往,你永遠唔會知響背後指你果個係咪就係對你笑果個
有時我會覺得自己應該去見識多D先去歧視人囉........唔好以為自己識好多野.......
哩個世界叻過自己既人多的是,我成日係咁樣告誡自己-.-"
不經不覺,原來今日既Tracy比我感覺已經成熟左唔少-﹏-"識得體諒父母,明白多左與人相處之道
係啦........Tracy比我既感覺就係國寶"熊貓",唔係因為可愛
而係佢有種令人會擔心佢,想去照顧佢既特質,又絕對唔係因為佢令人feel到楚楚可憐
佢完全唔係哩一種人,佢有自己想做既事,自己一套理念......
哩個可能就係導致佢咁多朋友既原因吧,個個都係好錫佢,不論男女啦
個個都當佢係妹,又或者係女......會去擔心佢,照顧佢,當然我都唔例外啦,我真係當左佢係妹-口-
不過論感情就麻煩一D吧,嘿......咁多男性好友.....嚇得男的不敢來吧
就算拍落拖,又會比人覺得究竟佢係當佢係妹丫,定係女朋友而產生問題,所以嘛,蠻麻煩的...
又講下我丫.......我響咁清靜既環境真係諗左好多野...........
我覺得自己好似冇咩目標咁.......諗諗下.........我好似除左日本自由行之外就冇目標...
其實仲有既就係想有一個人響身邊同我分享開心既野,過住D開心又平凡既日子就算- -"
有時我又會諗,究竟我係咪因為怕寂寞想有人陪而想開始新一段關係哩
但係我覺得如果我因為怕寂寞而同人一齊,對佢係好唔公平.....因為唔係出自愛丫嘛....
我成日就係咁諗........所以唔敢肯定我既感覺.......哩個問題困擾左我好耐
響打哩個日記果陣,Tracy幫左我卜......講我果方面中晒囉=.=其他既就唔知啦..
我的確係因為上述心情而唔敢放開去對待新既關係.......
我覺得我會係利用哩段關係黎治療我既傷口而唔敢有所發展
對方同我都其實都想有進一步既發展,只係大家響大家面前都唔敢表現最真既一面而若有所缺
我地既關係需要慢慢的發展,需要時間去更了解對方......順其自然......
而且如果我肯拋開我心裡面既包袱,我就可以有一段開心舒服既關係
如果我地真係開始既話,我給予佢既會係一段舒服既關係,亦會令佢成熟起來
他願意治療我過去的傷口,給予我想擁有的,並且只在乎過程,而不在乎結果......
這會是一段如玻璃般的愛情,如我不小心,就會補救不來.....
長久與否,就關乎我是否可以拋開舊有包袱,從心愛他,細心處理我地既感情...
完畢-口-希望我冇記錯.......哈.......大概就係咁啦...........神婆睇完有補充請留言=﹏=
畢竟現階段唔會知道結果,所以可能是事實,亦都可能只是一場虛夢
至於誰是他..........我不知道阿.........哈哈............天曉得~o~"

>>August 24, 2004 at 2:20:09 AM GMT+8

2004 年 8 月 22 日 星期日 【綿綿細雨】

今日就係七夕啦.........亦是我空窗生涯之中既第一個七夕
說起來總有D若有所失既感覺。__。"依然有D掛住你....
點都好啦~大家要開開心心咁過哩個節日呀=3=
連你都要快樂的過阿~~我只想你一直沒擔憂地過日子= ~ =
你一直背負太多...太辛苦了.......放低一D唔應該係你背負既事吧
有D事你根本冇插手既餘地,亦改變唔到,點解仲要揹上身而覺得更唔開心呢
可以你會話我咩都唔知就亂講,但係哩個係我2年黎一直都覺得既事
Anyway,我只希望我身邊每一個人,無論係討厭我既人都好,你都好,每日都可以快樂的過
被甩既日子裡面,更感覺到我身邊每一個人無時無刻都係對我好好
經常被迫聽我說一堆有的沒的,一堆發瘋既說話=﹏=都無怨言...
嘿~當然我唔排除其實係有人唔敢反抗我啦~~哈哈~~~~
響哩段日子,我真係覺得自己幾幸運架,因為我有好多對我非常好既朋友
雖然突然講D咁感性既野,大家而家已經有想嘔既感覺-,=
但係都要講一句「多謝你地=3=嘿~親一個先啦,北鼻」
哈哈~~大家沖左入次所未呀>o<哈哈~~~~~~~~~~
嗯...我才剛進入空窗生涯....估唔到好友豬比也開始有煩惱了~_~

今日入左新界拜我各祖先-o-"唔知點解次次都好神奇...
入去坐巴士果陣就落大雨,落車就冇雨,入到去祖屋都冇雨
坐低摺野就落雨,拜果陣又冇雨喎,超神奇....冇例外......
比人問起我感情如何-,=我如實報到散了......
又被問到而家有冇........我又如實報到冇,不過點解D人唔信既= =丁....
於是我就話有既話我實帶比佢地睇-.-"哈....哩招逃避問題一流....萬試萬靈

拍拖..........開左個頭就好似響無底深淵咁.....
一日找不到出口,就必須永遠待在這個世界之中
有果陣就如黑暗深淵中的一絲光明,你會認為它就是引領你離開黑暗的引子
而你亦會開始帶有希望去追隨光,縱使期間有阻礙,你還是有希望的隨它前進.......
旅途中你會見識到更多不同的事物,可能會跌倒過,撞了不了釘...
但會使你更了解這深淵,亦會了解到在這裡的生存之道
期間可能有各式各樣的光吸引你,令你放棄你一直追隨的光,但往往這可能是一瞬即逝
又可能當這光引領了你一段日子,你會因為懷疑它是否真是可引導你而放棄
無論如何,當沒有光,你就會繼續不斷尋找其他的光以引領你走出黑暗
沒有了光,你會不知所措,黑暗會給你帶來寂寞....你會懷念以往的光所給予你的溫暖
雖然茫然不知前方的有什麼等著,是天堂,還是更深的黑暗也好,所以還是會不停追尋
可能最後你所追尋的光會引領你到達目的地,但亦有可能窮一生精力也沒法到達終點

各樣的占卜都告訴我同一件事......
我哩一段感情,死亡是必須的,我同佢既關係會轉到另一個層次
而家我要做既就係諗清楚我究竟要D咩....
唔好再因為想逃避寂寞而搞到自己好似好忙咁
放低以往的事.....開始接受將會來臨的另一段愛情關係
而哩一段新關係會係自然的,我同哩個人既感情會日漸加深,會彼此了解
自然而然就會成為情人喎...............會係一段長久,而不是一瞬即逝的感情...........
希望係啦........~_~我已經唔想再跌跌撞撞落去...而家已經好傷了......
我真係想搵個真正愛我既人........我亦會用我最大既努力令佢幸福-﹏-呵呵

>>August 23, 2004 at 12:06:35 AM GMT+8

2004 年 8 月 21 日 星期六 【雨】

星期六哩.........=﹏= 冇拖拍既星期六始終有D唔慣
話晒2年既每個星期六都好似有街去=.=
無論打風落雨,晴天陰天......就算冇街去都係同佢一齊過
講起上黎而家點都仲有DD掛住佢架-o-~
哩幾日時不時會諗起佢,諗起同佢做過既傻野
唔知佢又有冇諗起過我呢??
果番說話,究竟係抱著D咩心情講呢.....??
不過就算諗....我又冇想同返佢一齊果種感覺.......可能過去既.....始終係過去.....

《過去怎麼交代你該給的信賴　被你親手緩緩推入懸崖
　從我臉上的蒼白　看到記憶慢下來　過去甜蜜在倒帶　只是感覺已經不在
　而我對你的期待　被你一次次摔壞　已經碎成太多塊　要怎麼拼湊跟重來》--- 『倒帶』

嗯...= ~ = 花姐尋日send左阿Jay既《藉口》MV同佢做嘉賓既節目《康熙來了》比我睇
yeah~yeah~知我中意阿Jay,有就問我要唔要send比我喇~~多謝多謝~~~
藉口哩個MV,我好feel到阿Jay響裡面既心情>o<嗚........
盡了最後努力挽留,最後帶著希望對方幸福同一點點傷心的離開,不作強求
不過個MV女主角係有受打動,每日錄起了佢黎唱的歌,想起過佢地一齊既日子....
其實雙方都係愛大家,只係女方覺得離開比較適合,對對方是最好的選擇╥﹏╥....bubu
好自私呀>__<我依然係咁諗......死.....諗諗下哩個情況咁似我既=.=
《康熙來了》哩個節目太正點,可以更深認識阿Jay>口<呵呵
好鬼羨慕小S,可以從後抱著彈緊鋼琴既阿Jay,果個moment我看的呆了。口。||||
抱著佢果陣一定好舒服架喇.......呀...............-Q-"口水ing.....
睇完晒個節目更覺佢可愛~嘿,原來某D既傾向同我幾似...........估唔到.........||||
不過點都估唔到,佢打籃球要耍帥,桌球,乒乓球,走個路....
做咩都要耍帥,唔容許自己出洋相,愛面子到哩個地步-.=又中意人讚,討厭人批評佢既音樂...
仲係大男人主義=口=但佢既初吻原來係咁.......哈..........果然係摩蠍座.........
連火星都落入摩蠍座既佢,原來對我哩日生日既有著莫大吸引力,唔怪之我咁中意佢v.v呵
原來我失戀生活係靠著阿Jay渡過= ~ =" 當然唔少得我既朋友們啦~
對哩件事佢地仲激動過我-口-.................||||
點都好啦,愛情既野冇話邊個錯邊個岩,冇話欠邊個架嘛


好可愛阿= ~ =" 好中意~~超中意~~~讚阿~~~v.v

>>August 21, 2004 at 5:55:54 PM GMT+8

2004 年 8 月 20 日 星期五 【酷熱】

既然話睇得開........點解我仲會有傷心既感覺呢.............
每當我聽到某一D歌......到某一D地方.......
一想起佢就會制止唔住我既眼淚
我發覺原來2年既感情係唔可以一時間消逝
期間發生過既每一件事,我都瀝瀝在目
每一句觸動我心既說話,更是遺忘不來
分開至今,心頭依然抽痛,相信佢亦然如此.....
咁佢又係抱住D咩心情去對待哩件事.....??
究竟........什麼是《應該》做......??
什麼是最好既解決方法........??
點解要選擇去放棄,去逃避.....
幾句是非,多番失落,我亦捱過,點解佢會咁無情去選擇放棄......
我地既然只係凡人,何必要學聖人般捨己為人
咁樣唔係偉大,只係唔成熟既表現.....
只顧自己的想法,而不去想一想別人的心情,是自私,而不是體諒
.........唔好將明明係錯誤既思想正當化
當然地......究竟什麼是對,什麼是錯哩個問題..
冇一套正式的理念告訴我們.........
我地必須自己體驗更多,先知道對與錯的真正意義
在你的理念,你會覺得係為我好.......我不會否定你的決定.......
只是在我角度就會覺得很不成熟,原來幾句是非就可改變
...........說我恨佢阿......說真的.......是有一點點
不過已成事實既野我會接受.......
而家我開始諗........究竟我要既係D咩呢......??
我要為我接下來既生活定位......這是我這幾天的課題

唔知身為我前男友既你仲有冇睇我既日記哩=.=
如果有,我想跟你說的就是,希望有一日我地可以以朋友身份見面....
以朋友既身份傾計.........仲有啦~找個比我更好既女朋友-.-
我知道你可以好快放低我地哩段感情,因為你以前都係咁
飲食正常D阿,夏天開冷氣都著番件衫,唔好搞到成日病成日唔舒服
有咩事唔好屈響心,找個朋友傾下啦,講左會舒服D架.....
唔好成日話唔知,其實你知=.=坦白D.......
.................沒完沒了說了一堆..........點都好啦,你開心就得啦
我而家冇亂諗架喇-口-得閒無聊就打個電話比我啦
我玩緊Ro= ~ =你會玩嘛...............??

>>August 20, 2004 at 2:14:05 PM GMT+8

2004 年 8 月 19 日 星期四 【綿綿細雨】

失戀生活第一天.....

因為無啦啦分手=.=搞到成日亂諗野....
我會諗,佢係咪因為聽左某D人講既野而導致有分手既念頭呢....
明明上個星期仲講緊星期六要去邊,我生日送咩比我...
如果話因為唔中意我,我又覺得有D奇怪
又會唔會因為識左第二個而飛我呢.......因為佢接電話果陣好明顯係好開心
但係一聽到我把聲就180度轉變,不過我知道佢又唔會......
好多莫名其妙既念頭出現......--.--|||
如果係因為覺得襯我唔起,覺得拖累我既想分開既話
我又會覺得佢好自私,只係諗自己,一D都唔理我既感受
唔好睇到自己咁偉大,為別人前途而放棄自己的感情
條路係我擇架,點解要否定我既決定.....大家寄然唔係唔中意大家,點解要分??
不過佢依然係話唔識講點解,其實我相信佢心中早已明白
一直以黎其實收埋D說話響心而唔講既就係佢....
我一直想知分手原因唔係我想響返一齊,係想得個明白
就算而家佢想再一齊我都唔會,因為完了就是完了
而且佢似乎響沒有我的日子反而會更開心.........
我的確有D恨佢,恨佢既負心,恨佢既無情......
不過亦要多謝佢給我恨恨的拋棄,令我體會更多而變得成長
到達一處除了佢以外既世界尋找另一片天空...........

當我用塔羅卜我同佢既關係果陣,我已經知道咁既結果......
只係我唔想接受命運既安排......我覺得我可以改變........
不過我終於明白,原來我係咁無能為力
逆位戀人哩一張牌終於實現左,我地真係分左手-,=
回想起我又覺得自己好傻......
寄然唔相信占卜結果,點解仲要占呢??
今次我學會相信自己既占卜,相信自己既直覺
亦會接納每一張牌比我既建議
了解到經常忽視佢給我既建議,往往只會令我後悔不而
我唔知岩唔岩啦.....今日塔羅話比我知導致佢有分手既念頭既係來自一個男人
一個可以對我地關係有著好深影響的的人,好有可能係佢既父親或朋友.......
哩個人可能會以不誠實手段來支配各種人際,以及他周遭的人
他很少透露有關他本身的訊息,他內心充滿恐懼,而且可能展現出天生對人性的不信任
這可能由於過去至今仍揮之不去的情感.......
如果係因為咁.......我都冇辦法..........-__-"
不過我依然想從佢口中知道真正原因.....

Anyway.....一切已成過去~
《明天會有更美好的事等待著我》
佢又好,我亦好.........我只希望響我身邊既每一個人都幸福
每日都過得開心而不後悔......

>>August 19, 2004 at 2:32:28 PM GMT+8

2004 年 8 月 18 日 星期三 【綿綿細雨】

冷靜過後.....原來就係再見.............
等左5日多....今日我終於耐不住打左電話比你
第一個電話你話好忙,轉頭覆我
估唔到第二個電話就係咁...........
話哩個唔係我既問題....又唔係因為唔中意我........
好多野煩住你...........
你話你知我係好女仔,唔想拖累我......
覺得襯我唔起.........不如就咁算........
............我哩個moment係完全接受唔到
因為你講過除非係我話分手,如果唔係你會永遠響我身邊照顧我架...
我問你點解要咁,你又話唔知點講......
如果我介意你,我點解一直離離合合,都仲要同你一齊
我知道你唔係因為你有第個而要同我分手的
知道你仲係愛我.......我已經覺得好足夠....
最後我停左去煩擾你,自己冷靜左一陣,就開始打哩篇日記
點都好啦..........響打日記哩個時刻,我已經死心
我唔會再強求,話唔定朋友關係可能會更適合我地
希望未來既日子我地可以繼續一齊打下機,食下飯
做番2年前既關係啦~~話唔定我可能有更多野同你講,更開心
畢竟我地都拍左2年幾拖,我深知你性格
做個知心朋友都唔錯丫........我知道你係可以咁..........
可能因為有咁多日冷靜,我先可以咁快放得開
咁當然唔係代表我一D傷心都冇......
事實上我係邊流眼淚邊打哩篇日記=口=
點都好啦...........多謝你.........多謝你曾經為我做過既野
多謝你同我一齊發過傻......做過好多奇怪既事
哩D永遠都係我既快樂回憶
而你亦令我了解左好多拍拖之間相處既道理
由咩都唔識既小妹妹變得成熟
成熟到令人以為我拍拖經驗老到添=.=
2年零一個月又六日既男女朋友關係,今日,我正式宣佈完結
而今次,唔會好似以往咁再響返一齊,一定唔會~
因為我已經覺得我地最nice既關係應該係無所不談既朋友

再一次,送上阿Jay既《藉口》

翻著我們的照片　想念若隱若現　
去年的冬天　 我們笑得很甜
看著你哭泣的臉　對著我說再見　
來不及聽見　 你已走得很遠

也許你已經放棄我　也許已經很難回頭
我知道是自己錯過　請再給我一個理由　說你不愛我

就算是我不懂　 能不能原諒我
請不要把分手 當作你的請求
我知道堅持要走 是你受傷的藉口
請你回頭　我會陪你一直走到最後

就算沒有結果 我也能夠承受
我知道你的痛 是我給的承諾
你說給過我笑容　沉默是因為包容
如果要走　請你記得我
如果難過　請你忘了我



最後,希望你以後幸福.........

>>August 18, 2004 at 8:30:16 PM GMT+8

2004 年 8 月 17 日 星期二 【清涼】

一朝早.......唔係擇醒..........而係熱醒...........
開個窗D熱氣攻入黎.......超熱.............冇冷氣,間房過30度..........
奪命天氣是也=___=我發覺我間房係好感受到春夏秋冬既變化架......
冬天凍到鎮..........夏天熱到傻.............都係秋天好........
今日係我婆婆既壽宴....
so下午就去左陪我阿姨買蛋糕......
去左格局幾nice既餐廳食下午茶,重點係.......
果度有個靚仔侍應哥哥-Q-有靚仔,野都好食D~
食完就去左酒樓~_~又係打牌.........
打之前問過下個靈擺我會唔會贏錢-.=佢say yes我先打咋~kaka
我發覺我一向同人打牌都唔中意狂食....keep住打和大家happy就算
不過臨食飯比人趕...叫我地快D打埋佢,於是我神速連食2局就收工喇
打咁細我都有贏18蚊喎=.=.......哈..........搵返D車費都唔錯......
飯後糖水超甜....一向中意甜食既我都頂唔順..........||||
D功夫茶冇料到既=.=飲左仲眼訓多兩錢重......bubu.........

我發覺我對某形狀既人係潛藏著無名既厭惡感......
佢地都有同一特點---縮骨,小家,沽寒,無負責心,厚面皮
雖然我響佢地面前完全唔會表現出我既厭惡感........
不過依然好討厭見到哩類人......
so me都會閃得就閃,眼不見為淨.......係me有問題姐...唔關人事既-__-|||
而我亦發覺某外型既東方人對我係有著不知明既吸引力=.=
臉型,眉毛,眼既size,髮型,整體外型...............個人主觀pig好.......*o*??
啡髮,前陰剛剛及眼.....好似阿Jay咁-.-唔知點解好中意哩個髮型.....||||
唔係大隻,而係結實冇豬腩肉,著背心也很好看的體型.......又好似阿Jay咁........
唔係好靚仔,又帶點可愛氣息,仲有少少型.......都係阿Jay咁......
唔知係咪近期接觸多左佢既消息呢=.=好多野都以佢做左個example....
唔通D野對得越多就會越無意識下成為自己中意既範例???
唔好卦............咁樣既我只會越黎越奇怪........(。A。)|||||
而家都已經冇人理我喇.......嗚╥＿╥仲奇怪D我咪應該自閉??

好想有人陪我呀..............好悶呀..............
好想比人攬下呀................好想尋回已遺忘既感覺.............
我癲喇~~~~~~~~~~~~~~~~~~~~~~~~~~~呀~~~~~~~~~~~~~~~~~
點解要咁喎>_____<"

《.hack》3期就完喇(‧A‧) 好可惜阿..........
真係幾有共鳴.........幾好睇既一套漫畫..........
又有帥哥美眉.........故事又岩我哩D網路遊戲玩家睇.......
好想dl動畫黎睇添...............

>>August 18, 2004 at 1:27:17 AM GMT+8

2004 年 8 月 16 日 星期一 【晴】

睇左篇文章講及一個男仔已和女友拍拖3年，日子越久，就發現女友總是有事沒事
像發了瘋一樣挑三揀四的；儘管她要求再要求，她始終沒有離開他的身邊
本以為她祇是唸唸而已，總是不以為然，總是以為她只是發發牢騷罷了
殊不知、其實她只是因為在乎我，所以要求；後來在一次偶然的機會裡，認識了一個女孩
她總是細心溫柔，於是把她跟現在的女朋友比較了一下，就發現她總愛挑毛病
他以為那個初識的女孩比較適合，並開始對女友的種種要求聽而不聞
開始不願意對她承諾什麼；就這樣，感情漸漸的變淡了，最終也就不清不楚的分手了。
她哭了、可是她還是希望他幸福。
而那個細心溫柔的女孩，取代了他女友在他心中的地位；這個女孩從來不吵，
從來不要求要對她好；他像是鬆了口氣，以為她是體貼的善良的，不會施加壓力的…。
直到有一天，才赫然發現這個〝溫柔懂事〞的女孩，只是因為不夠愛他…
因為她說分手時，居然沒有任何不捨…因為不夠在乎，所以也無所謂對她好或不好…
更無所謂是不是捨不得了，所以她從來不要求…。

因為在乎，所以要求.................
我終於明白=.=原來係我太在乎.......
即係我要變得唔在乎先岩.......??
咁如果唔在乎果個人......點解仲一齊- -??
單純為有個人響身邊??為某種關係??
好亂................好迷茫.............
又有人話戀愛既最高層次係心神領會
不用言語,大家已明白對方想要何物
不過我相信是生活完全沒問題,一切正常才可以吧......
任何事都先有因才有果.......



無聊既我開始學摩斯密碼=.=

.. --........ -.-----..-

睇得明嘛...............??
唔知聽日我又會學D咩呢..........||||
超無聊既我已經將美國哈佛大學商學院必讀既《武士的精神》透徹研究完
雖然宮本武藏既《五輪書》有D講既係劍道
不過包含左商業上同一般生活既處事態度同方式.....
加埋柳生宗矩既《兵法家傳書》,學到唔少野架=口="
而家有D想學埃及圖文添/0\..............
大家感受到我有幾無聊嘛..............-___-|||||
返日文........死婆冇返..........估唔到連班長都冇返>___< 唔制呀~~~
我響完全冇準備下測左個驗......我好努力架喇............pass既-o-..........我諗.............|||||


今個月我既愛情星火星進入處女宮,所以我總是想淨化同改進愛情
對愛情會去分析同批評,而今個月係我既感情既轉捩點
我必須要坦白說出自己既感受,這就關鍵到對方是否願意接受

而9月我既愛情星火星進入天秤宮,我將會獲得真正愛我既情人
由於木星同火星既相乘效果,這段愛會是長久,而不是像火花一樣瞬間消逝
而艱難既日子已經過去..........前方的路是柳暗花明的.........

>>August 16, 2004 at 10:22:44 PM GMT+8

2004 年 8 月 15 日 星期日 【晴】

第3天的寧靜生活= ~ =" 我似乎完全適應左咁樣過日子
................多左時間研究星座,就發覺原來可以準得咁勁
秤子失衡期間,我係會完全失落冇動力做任何事
不過好在我係可以響好短既時間內收拾心情.....
哩幾日好似修行緊學做神婆咁.....-,="
星座,塔羅,占星,靈氣....連生肖都唔放過........
點都好啦,算係一種寄託卦........
我上昇星座係射手座,太陽同金星係天秤,月亮係水瓶.....
3個咁既星座形成既我.........原來都幾受歡迎.............v.v
不過講到才色兼備-.=我.....唔覺囉.......
個網話我........不自知自己擁有既才能.....包括個人魅力....口才....etc....
不過話我在文章上方面既才能係出類拔莘,咁哩個我又唔會否定~哈哈~
而缺點N個-,=懶得打晒出黎.........
點都好啦..........哩個都係重新認識自己同人地性格既好途徑
除左學做神婆-..-"都有打下機咁啦.......同舍弟玩diablo......
今日又入左Ro點點............耶.......快D過埋哩個月返學啦......悶很死我喇........
原來有人睇我日記架=.=..........原來連.......都有睇.............
好多人都有睇..........突然想轉址添...........不過係冇可能=.=||||| 唉......算把啦
我應命喇=3=大家頂得順既就繼續睇我以後點發癲啦~

深啡長髮既女獵人+黑貓耳+惡魔耳飾+咬草,即係我而家Ro既做型
好鬼令阿~~~~~~~~>o<呵呵~~~有人話似小惡魔kaka
而蝴蝶髮飾令我有感變得年青.......|||||
好想要鈴鈴......好想要趴趴貓...........好貪心呀我~o~"


孤獨無人知曉.............
笑面迎人,但又有何人能深明我的愁........?
任何事,人只會以自己作第一優先考慮
又有何人如我這般傻....................??
深明愚昧,我卻無悔.......
這就是我.......

>>August 16, 2004 at 4:46:30 AM GMT+8

2004 年 8 月 14 日 星期六 【晴】

今日已經係第2日啦.......日子並冇好似剛開始的感到如此難過
無聊既我開始中意研究歌詞......每日就執下野,研究下星座搭羅,睇下書
發下呆..........諗下野...........聽一D自己唔熟悉語言既歌,感覺倒不壞
有時覺得一直是自己想太多,將愛情理想化,果個moment開心咪算囉,洗乜理咁多野
理人前途為乜姐.....理人生活又為乜.........人地都未緊,我又為乜仲緊張過佢??
我真係將所有野收埋唔講咩.......??熟悉我既朋友都知我咩都中意亂up一餐....
不過就算想分享我周遭所發生既每一樣野,我都未必有機會
我不會打擾尚在夢中既你,不會晚間騷擾你
更不會打擾打機中既你,因為那樣只會令我心情更灰更冷...........
到深夜我將入睡,你比機會我發揮,我已經什麼也想不起來
就連下午想好要跟你說的也想不起來,開心的也想不起來,不如意的更不會想起來..........
好想借點時間將每一件事同你分享,只是經常好夢成空
就算有....我那時已連想說的也想不起來,落得的只有一片死寂的空氣.....
.........也許是我的錯,但並不代表我對你有忌諱而將一切收藏
但我想不到這已給你做成負擔......我的忍耐卻變成了你的負擔...
2年多來,只有聽不到打機的事,手牽手一起到處走,去看看海,對著星空...依傍著發呆....
居然同一時間說出一樣的話時我們一起會心微笑
............這些才是我寶貴的回憶,是我一直希望永遠擁有的
太多的流言蜚語,太多的批評,有時的確令我難受....但我依然堅信一切會過去的
終有一日大家會覺得他們過去的想法是錯的,我對你隱瞞的就只有這些
我對此事一直片語不提,因為我相信這是最好的處理手法....
見到你係我每一星期之中最開心既事= ~ =" 不用多說話感覺已很好了
比你攬住果個moment係最溫暖最feel到存在感既時候
每星期既一次見面,即使期間有任何不如意既事都一掃而空,很奇妙既感覺
冷靜過後,此情此境是否會一去不返,我也不知道
只知道這段時間令我有所成長,有所得著.......我的日子總不是白過的
現在總算是把愛看開了囉-﹏- 日記裡的我硬是疊疊不休的說一堆有的沒的...
不過平常生活我好似係好少咁........只是寫的就多點話吧-,="
我擅長是我手寫我心.......卻不是我口說我心..........
難怪你喜歡見我多於用電話說話.....事實上我亦如此
只是現實我地一星期只可以見一次......不過亦已足夠

究竟........冷靜完畢又會點.....??


《我們的愛》

詞:F.I.R、謝宥慧　曲:F.I.R.

回憶裡想起模糊的小時候　雲朵漂浮在藍藍的天空　
那時的你說　要和我手牽手　一起走到時間的盡頭

從此以後我都不敢抬頭看　彷彿我的天空失去了顏色
從那一天起　我忘記了呼吸　眼淚啊永遠不再　不再哭泣

★我們的愛　過了就不再回來　
　直到現在　我還默默的等待　
　我們的愛　我明白　已變成你的負擔
　只是永遠　我都放不開　最後的溫暖　你給的溫暖　

不要再問你是否愛我　現在我想要自由的天空　
遠離開這被綑綁的世界　不再寂寞

>>August 16, 2004 at 4:40:12 AM GMT+8