2004 年 11 月 16 日 星期二 【颳風】

超.......超眼訓......=__=難得地有一日係搭地鐵.......
返到去原來對緊卷.....呵呵.......我就是比你高0.5分......>o<呵呵
落堂果陣收到尋日托Marco買的相~
但無諗到哩份居然當係遲來的生日禮物。o。|||呵呵~~~多謝晒~~~
尋日放心地話隨佢眼光擇果然冇錯~~真係幾岩我心水~~
杰倫哥哥笑的大相阿v.v呵呵.......
最最最中意都係白色恤衫銀呔黑色褲果個做型>口<我至愛~
嘻~~睇完演唱會之後果然會令人突然愛上佢~~~
實在太好啦>口<又多個人愛上佢既音樂~~
我D相相不幸地比人搞到有缺憾-__-
好後悔........居然聽埋個講座.......上埋Director堂先走.........
超眼訓,落左堂又沖返屋企......
屋企居然一個人都無/__\ 無飯食.......間房又凍.......嗚........
媽媽成8點幾先打黎同我講佢響元朗返黎中...
不過佢買左蛋卷比我~呵呵=﹏=+ 仲有老婆餅....
間房凍今晚得16度.....又要響謎之地方搵返D被出黎.....
響哩D時候.....真係好想有個男朋友哥哥攬下-.="
死...........我至怕既冬天開始示意來臨........
頭又開始赤赤痛..........手已經凍得不像話了.......
而家都未到......遲D點算呀........-__-|||| 我已經唔敢再諗........


↑我的杰倫哥哥近照>口<輕輕微笑一下已經殺死人~~哈哈

>>November 16, 2004 at 11:32:01 PM GMT+8

2004 年 11 月 15 日 星期一 【微冷】

星期一.......唔洗講啦.........又係九點半既英文堂............|||
--.--算啦.....太討厭....唔多講喇.........
Lunch又係選擇左無選擇之中既選擇....
食食下,今晚有得睇杰倫哥哥演唱會既Macro打黎丫
=. ="恨死人啦.....有得睇.........
原來大家諗住今日傾project.....我又係哩個moment先知囉.......|||
食完飯大家又康樂ing.....我唔覺得今日講左D咩-.-"
上廢sir堂.....一望到人睇雜誌就見到我艾人啦.....
未到我睇.....抓抬抬=口=||| 睇完就feel到個作者一定係陶吉吉既飯絲......
仲比我知道杰倫哥哥本書廿四號到先出/__\...等我果日仲沖去搵
上歐陽堂又O咀啦- -""" 又話我係乖......
做題目-﹏-嘿嘿......佢話我地算係咁架喇.........唔洗擔心會肥喎....
放左學又沖去九龍灣join人.....之後再去旺角.......再去尖咀.....
比人話我剪左個頭之後娘左......./0\ down爆.......
哩數個小時太充實.......吃不消.......累得眼也睜不開=__="
去左Starbucks黎左杯Caramel Macchiato~
超正~~始終都係哩種味道至岩我~
《捨不得吃掉這種感覺》就是這樣阿~~
發覺哩個月好有問題....成日想買野.......
一陣想買條鏈....一陣又想買褸.....一陣又要買哩樣果樣.....
但還好既係,無邊樣野係真真正正會去買=.=
不過開始返風.....我的確要買返件褸..........
睇岩左架.........but又冇買-.-
一陣冇得賣就死,又唔知幾時先睇得岩.......
知道自己係一個好麻煩既人......買衫要合眼緣先買-__-|||
唉......都係快快趣趣買左佢先得...

>>November 16, 2004 at 9:16:47 PM GMT+8

2004 年 11 月 14 日 星期日 【晴】

北上尋歡記.........................= =

自從幾歲果陣返過去之後,就一直無第二次
終於......響星期六既夜晚..........
同雙親+舍弟+父親的朋友上左去........
搭N耐車......響貌以高格調既地方食飯..........
估唔到,我居然響哩度完成左我前日決定要做既事.......
就係飲杯純咖啡........哩杯仲要係蒸餾......
飲落.......居然唔覺苦=口=||| 果然是心情影響苦度?!
食完飯,貢獻左我哩世女既第一次......
就係去比人黎個全身按摩................||||||
可以咁講.....今次除左前半部同某部份.......都幾乎冇邊度冇比人摸過......
嗚..........咁比人摸法........我的清白之軀沒啦...........沒哥哥會要我了╥__╥
............................嘿...................而舍弟遭遇就..........
還好摸我的那個是姊姊.......尚有幾分姿色............哈...............|||||
都咪話.......D位食得應都幾痛..........某D位就摸到我就好想笑...............||||
全身好似比人打完咁散晒-__- 果然老人玩意唔岩我......我無福消受............
返去訓.......間唔中動一下,D骨就啪啪聲......超驚嚇.........
起身右手較位痛-,-" 飲茶都冇胃口......
飲完去剪頭髮........洗N耐.......大姊指甲R到我好痛- -||||
沖完水仲會幫我按頭按背同手..........
不過神奇地比佢按完,我手較就再冇痛.......
剪頭髮......剪完=無剪......叫個哥仔剪短D-.-因為我成日懶去剪...
剪左出黎覺得自己似個公仔.............|||
之後做既野都唔想點講........
點都好啦.......北上來來去去都係做果D野......
1.全身按摩 2.腳底按摩 3.KTV 4.食 5.買A貨......
而且周街雞仔餅=.=老實講......唔岩我........
睇怕我以後都唔會再點北上架喇.........
今次大概沒什麼愉快回憶留下......-__-||||


P.s. 係啦.....我養了一只寵物呢~~就是上方顯示的那個~
佢個名叫Hikari~~呆呆的~請大家好好愛護佢=3= 佢會慢慢升等級變樣架啦~請期待
Hikari位於哩個地方,我起名了......就是→無與倫比之謎樣小島 =.=||||
大家有空也可以養一只一起玩喔~~

>>November 15, 2004 at 1:04:35 AM GMT+8

2004 年 11 月 12 日 星期五 【晴】

補寫日記是也.........

行街街-﹏-|||
特登去信和,想搵杰倫哥哥演唱會既靚相......
but都係冇響紅館出面賣果D咁靚既......嗚........結果係唔買~
因為既然要擁有~就要買最好最靚既~!!
我好想有白雪果張呀>o<呀~~~好想要~~~好想要呀~~~
是日任務完成不了.....去閒逛........響潮流見到條鏈好靚........
仲好似杰倫哥哥戴果條.........超想擁有.......
好耐未有過哩種咁想擁有一樣野既感覺........
.........好........我比自己2日時間考慮買定唔買............
之後去左新世紀......又一城,仲去埋尖咀.....為既就係搵本書...........
點知間間都冇,大概香港未出吧~_~
第二件事都完成唔到........連之前決定要去嘆個咖啡都冇做......
其實可以完成.......只係果個moment冇左想飲既感覺......
朋友話我而家做事完全憑藉感覺去做....
對阿.......現在的我就是這個樣子.........
以前想的太多了,一切用太多的理性去解決而忽略左內心感受.....
一直憶壓太久......身體也開始跟我抗議...........頭也痛.......胃也痛.......
沒法子喔.................所以現在一切都順著感覺而去.........
但令朋友有點擔心的就是......我的愛情也會順感覺而走.......哈..........
例如有個一直以來感覺蠻不錯的人突然走來說愛我,現在我會不理不啋.....
但相反突然感覺到了,發生這事,我會跟他一起也說不定
.............也許吧=.= 開始有點怕這樣的我.........
不過可以肯定的是,如果真真正正有了男朋友
我就不會想別的......無論事情如何發生,感覺怎麼樣也好~
死心眼是我的缺點= =+ 不行嗎?! 嘿~

>>November 15, 2004 at 12:27:25 AM GMT+8

2004 年 11 月 11 日 星期四 【晴】

尋晚已經盡早訓架喇.......又8點半啦/__\ 巧眼訓呀........嗚..........
今日Networking堂搵資料都幾順利~
MBE堂測驗--.-- 我又發揮我出貓既能力啦...........||||
同小雲合作無間......佢有齊notes......我就記得D題目出自邊份同大概位置-.="
有埋前面一行人肉城牆......完全無問題........
測完先知Marco果面冇得出....不過都係沒辦法的事吧
MC自己質疑左兩題,錯左唔好搵我-,-" 因為自己有得選擇跟唔跟我....
Lunch又無可奈何地食果D......我接受現實既.........
某事雖然一致認為好on居.....但令到花姐今日多左陽光氣息~亦是一件好事吧
食完飯佢地又開始康樂的康樂,排球既排球,毛球既毛球.....
me眼訓唔癲......坐埋一面諗住安安全全呆下就算.......
點知今日唔知做咩事......D波硬係中意掉落響我坐既位置......
毛球掉落6次以上.....籃球都正正向我跳來,還好是慢的....還接得來
估唔到既就係康樂棋都可以掉落響我樹2次以上......
都唔明.......次次都只係掉落響我果個位置........又唔會響其他位......
我真的如此有魅力嗎......../__\ 我不要阿...........
上Racky堂太眼訓,頂唔住都釣左一陣魚....落左堂都即沖返家訓.......
大家留意下我尋日日記post果張雪中唱歌的杰倫哥哥~~
佢既揸咪方式居然同我一模一樣......我都係尋日先發現........哈哈~
發覺自己中意親既人,某程度上都會同自己幾似........
不過我連找朋友一向都要先岩頻道架啦=.=唔怪唔怪~
今日睇果本f&b+附本.....心理測驗準得好驚...........|||
本書頭一部份,話2005年歲行進入木星天秤-﹏-
這麼說我的愛情運會粉不錯吧~嘿~~~期待ing
不過我來年依然會按照我一貫生活態度.....
簡簡單單的往往最快樂........不過亦都係最難~
但我會努力令自己過哩種生活.....
愛情亦要簡單化,要來就來,要走都唔強留~
都有一段時間無占卜lu......係時候重回修行之道.......
星期二我咪無返既-,-"聽人講返原來班主任堂又冇咩做,director堂早放仲冇點名.....
比人話我神婆........預料到先唔返..........
講笑就好......只係我總是看起來比較幸運罷了............哈...............||||

>>November 11, 2004 at 11:24:03 PM GMT+8

2004 年 11 月 10 日 星期三 【晴】

尋晚因為知道今日會去睇杰倫哥哥搞到開心到訓唔著>﹏<呵~
又返8點半....懶懶的起身.....不過總算無遲到~
上堂冇返,好在歐陽sir講過之後都明晒-.=
即使我討厭數學,但我並唔憎哩D既.....其實明就唔憎架喇......
有5個鐘空堂.....本黎想返家訓架.......
but最後去左唱k-__-||| 耳.......仲未有杰倫哥哥既新歌架
連宇多田光都有啦.........嗚嗚...........好....一日佢都唔出.....我就死都唔去.....\__/
上完堂LPP即閃.....為左我艾人果然唔同D=.=5分鐘多D就到地鐵站....
......急不及待,我準時8點去到架~N多人~等齊人就入去坐啦~呀~~~第9行~
一開始就係以父之名啦~~杰倫哥哥企響十字架升降台從天而降>口<型死~~
黑色西裝....白色裇衫.........我至愛既組合著法v.v 我看的上眼的男性全都適合哩個著法~
今晚舞刀耍拳吹蕭,彈鋼琴~仲有跳兩下子舞~~~仲有雪呀~~~~~~~~~我看的入神了。o。||||
聽到艾人聲音仲病病>__<心痛死.......
雖然一直佢響我心目中既地位已經無可取締
但一路睇佢表演,就越覺得自己越中意佢....
愛上這個人亦有一段唔短時間,開始了解佢既思路=.=
佢一講某D野,我就知佢準備會唱邊首歌......哈...............夠利害吧~
估唔到下午突然心血來潮唱的"愛我別走"就正正係今晚佢會唱的~
佢用廣東話唱償還同獻世....雖然係國粵語cross-over...
不過都好深地感受到佢超用心去唱-﹏- 很喜歡即使不是所長仍努力嘗試去做的人....
睇完超滿足......雖然無咩特別舞台效果......一個真係唱歌的演唱會~很喜歡
搞到我好想睇尾場-__- 100都好........but我諗都係得返D姑婆位.....
唔想一個人睇...........嗚................試下撲果日有冇2張飛搵人陪我去先=,=
睇完演唱會,同左新新既家人去食飯.......哈哈.........有點意想不到.....
新新既父親大人因為知道我讀緊印刷.....對我好似好有興趣呢...........||||
返到家都12點半........哈哈..........應承左要幫Marco印野仲咁夜返添~真係有點過意不去
收完file傾左陣就死去訓lu~~~


↑ 就是這個十字架升降台啦~~


↑雪中的杰倫哥哥阿v.v

>>November 11, 2004 at 10:23:37 PM GMT+8

2004 年 11 月 9 日 星期二 【晴】

救命呀............又病.....................
又偷懶一日........好在冇歐陽堂....少D罪惡感.......哈...........|||
媽媽話我蒲得多,搞到病--.-- 我邊有蒲喎......我唔wet架.....
尋晚10點未夠就訓......訓到下午彈起身睇楚留香-__-
我幫唔到新新print野......嗚......
意想不到有同學會打比我問我點解唔返學-,-
突然又feel到有返少少存在感.........
多謝關心......but唔好迫我睇E生........我討厭睇E生..........
如果有一日我睇醫生.....一定係將死之日......又或者係迫不得已
今日就係杰倫哥哥首場演唱會啦~~希望佢演出成功
好期待聽日既來臨........
因為我應該係睇聽日果場=﹏=+好似仲話會幾前....
好想你喔.....杰倫哥哥..........好想快D見到你......
我已經唔可以用文字來形容我對你既期待心情-﹏-
2個幾月前,即係失戀無耐...走左去試Starbucks既Espresso....
以前一向都唔中意飲太苦所以冇飲過......
果日真真正正咁領教到苦的真諦..........
而家突然想黎杯.......睇下平伏過後.....
無戀愛同失落感覺既我飲落又會有咩感覺.....會唔會無咁苦呢.......??
但始終覺得飲Macchiatio會很適合現在的感覺.........哈......
越講越想飲-.=......嘿.......今個星期內一定要去飲~了左件事先得~
講咖啡.......又會令我聯想到蛋糕..........嗚........好想食呀.......
我真係貪得無厭>o<飲咖啡仲想食蛋糕~~
有人話我好識得花錢在享受生活之上........
享受生活嗎....有點美化吧=.= 我只在乎開唔開心.....
係果個moment想,而且經濟容許我先會做.....
錢就冇乜架啦....偶樹窮苦既公屋區書生>﹏<呵~
哩排成日想買對某牌子同某牌子cross-over既boot著下
著埋裙....一定嚇死人........呵呵.........發覺成日中意做D令人驚嚇既事-.-
不過諗下算.......我又唔係富家女.....無得比我敗家......
突然覺得自己好似寄情玩樂以避免自己有時間諗愛情咁囉........=.=哈......

>>November 9, 2004 at 7:11:36 PM GMT+8

2004 年 11 月 8 日 星期一 【晴】

真係唔中意上英文堂..........
點解係都要問我..........點解咁中意問我.......
坐最後果排......喉嚨痛仲要嗌答案.....=___=
下午飯堂又冇好選擇....冇牙力咬野...so牛腩唔可以叫.......
算啦~好又一餐唔好又一餐/__\
一定係因為我前兩日食得太盡.....而家有報應啦........哈哈..............||||
食完去坐........呆..........傾計............
-.= Marco既真面目終於表現左出黎啦........呵呵.......
輝哥一向都係咁就唔洗講啦..........嘿..........
講開又講,冬天好似我哩D冷血動物咁都真係幾慘......
隨時有人肉電毯同暖手器既話真係幾好-,-"
唉........上廢sir堂響我就黎死果陣,花姐簡直係我再生父母~救星>o<呵呵
佢比左本講周杰倫既書我睇~即時回魂=﹏=+
落左堂又去食Tea....../0\ 真係罪過~~又食啦~~~~哈哈
上埋歐陽堂又瞬閃返家........因為已經feel到病氣纏身-__-"
今晚媽媽同舍弟去玩太極.......又冇飯食啦......嗚.......好在有湯飲=口=
以後既星期一都係無飯食架喇.........唉.........

To：豬比~
知道發生咩事啦.....來.......妹妹抱~
唔好為D賤人勞心~~(碎碎念......)
你仲有我>3<唔好down~~~

>>November 9, 2004 at 5:42:12 PM GMT+8

2004 年 11 月 7 日 星期日 【晴】

剎那覺得........愛其實是一件很累的事........


　　→　以為只要簡單的生活　←
§　就能平息了脈搏　卻忘了在逃什麼　§

當我天真以為一切已成過去的時候.....
轉身才發覺.....影子依然無時無刻緊貼著我....
原來即使花光畢生氣力,亦是徒然.....我根本逃不了.......
好佩服人永遠可以富麗堂皇地解釋自己所做的過去
問心吧......究竟作出第一決定果陣........
係咪真係咁偉大,又或者係咪真的為勢所迫
說一切也以我為前題,自私地決定分開
現在又說當初決定是錯,又想跟我一起....
既然一直知道我的好,忘懷不了....
有句說話,牛唔飲水唔按得牛頭低........
心中有我的話,會因為其他誘導而作出錯誤決定嗎?
你跟她這段期間真的冇開心過嗎.....?
.....但當發覺對方比我更不堪就回來.........我是什麼.............??
事實的矛盾令我很難釋懷.........情還在,但感覺已稍稍轉變........
就算再一起,大概我已不能像往日般用那份心情對待
對......我是怪你的,我沒那麼偉大可以去原諒哩一切一切
就像一根刺,即使時間久了,拔不去......無論如何也是在這裡
跟你一起很開心,我要的感覺也算是有了......
我真的擔心你,擔心你的工作,健康等等......
我已經唔想執意去決定....
有一點沒錯的是,我......一個人還是這樣的過........維持現狀亦不錯.......
無論點都好.......暫時已經唔想再去諗,唔好再迫我........真的很累..........
我唔想拖延你的時間,甚至令你錯失其他更好的機會....
所以.........結果是你先決定放棄也好,我不會有怨尤

>>November 8, 2004 at 7:47:16 PM GMT+8

2004 年 11 月 6 日 星期六 【晴】

懶.....又一日寫兩day日記先=口=呵呵~~
尋日去中旅社囉返張回鄉卡--.-- 一睇........個樣好白阿.............||||
本黎想睇戲,but時間唔岩無辦法啦~
去左味千食我既薯餅~~~~哈哈~~~仲有牛肉粒~~~
巧耐冇食過啦~~~可能就因為咁覺得零舍好味=.=
行過買左件衫......之後去搭船入大嶼山海灘發呆......
真係對著個海同天空發呆.......個天滿佈密雲,一粒星都無-__-
雖然有點兒可惜........不過哩個環境亦都係我夢寐以求用來發呆的
沒有人的繁喧聲音,只有海浪跟風合奏著的天賴....
感覺.....從未如此咁舒服.........時間一瞬流逝亦不以為然......
大概..........都冇咩人會好似我咁發呆........
講比人知我成日去某D地方就只為了發呆的話.......多數會笑我傻吧........
咁當然啦.......我永遠都唔會一個人去發呆........哈哈...............||||
打比媽媽話我唔返屋企.....佢好似好欣慰我終於識打返去通知聲咁........
>o<我以後都會打架啦..........bubu..........
睇左《爆裂都市》.......哈哈..........我好似係因為有方中信先考慮睇咁............|||
哩兩日食得好勁下--.-- 批&撻既粟米撻,味千薯餅+牛肉粒+拉麵,卡樂B薯片,7仔既三明治...
街邊既豆腐花,雞記既包+葡撻+薯格,Italian Tomato既蛋糕,Starbucks既Cappuccino.........
再咁食法想唔肥都幾難.........哈..............|||
我發覺我花響食哩方面既支出都幾大=.= 大家睇唔出吧......嘿嘿.......
任性地放肆左兩日........做左好多我想做既野.......好舒暢好開心~
我唔知以後仲有冇可能會再做哩D野....
癲夠.......玩夠........開心過......失落過..........
係時候得出最後答案............

>>November 7, 2004 at 1:06:41 AM GMT+8