2004 年 9 月 2 日 星期四 【清涼】

多日以黎既豐富節目令我開始有點吃不消......好累.......所以今日都在家靜養.............
我有D覺得我係特登搞到自己好忙,忙到沒時間喘息
費事比空間自己諗D唔開心既野,不過忙完過後,感覺更差.....
熱鬧過後既寧靜其實更寂寞......好討厭哩種感覺
--.--而我病態好似嚴重左.....尋日食左味千之後就一直冇食野....
饑饉三十之後,終於係餓到無力.......臨返日文之前就食左D野
返日文感覺真係幾好,哩個環境真係幾舒服,而今日班長哥哥遲我一點點返
一見到佢個感覺好新鮮,膠過下D頭髮,衣著都有改變,靚仔左,型仔左~o~很不錯說~~~
今日課堂以聽力為主,班長同神婆都冇果份notes,我既用途終於發揮到喇...嘿
阿sir成日只係叫我個姓,又唔叫我做楓喎........>o<唔制呀~~
好在班長哥哥記得我叫做楓~~~~yeah- -v　うれしい~~~
放左學去食雪糕~kaka~~~我想肥少少~~唔想太瘦阿~~
唔中意咁骨感-,-"都係正常D好d..........
夜晚好中意搭車早一個站落車行一段路返家,好舒服-﹏-
今晚我做乖乖女早左返家架~10點半就返到啦~嘿
返家之時響電梯大堂見到個外貌非常不錯既男仔,原來佢住31樓。o。"同一部電梯返家阿~
喔喔,我係而家先見到有靚仔響我果座出現囉.........不過佢都係只作觀賞之用,嘿
響我愛情字典裡面係唔會出現一見鍾情哩個可能- -+ 太膚淺了~
急著開始的感情根本是沒意義的,沒基礎而建築起的,一定是岌岌可危
你可以好似比薩斜塔咁保持佢,但也是有時限的,終有一日亦只會化為瓦礫
所以嘛,順其自然,循序漸進先係王道>o<哈哈哈哈~~~~~~~
同朋友傾開,試問有邊個正常男仔唔"目及"女丫~只係認唔認咁解既姐
我又發覺我對哩樣野真係冇咩所謂,既然我都睇靚仔,咁男仔睇靚女又有D咩問題呢
就算拍緊拖,我都覺得冇問題喎-,=比著我,仲會大家研究研究添~幾好呀~
如果男朋友因為咁而出軌就抵飛啦....咁容易就見異思遷既人仲要黎做乜??
講多都side氣,藉口聽得多都厭,美麗謊言,又懂得善用嗎??太美麗的只會很假太做作
香港就因為太多傻女人,搞到D男咁自負,而唔會珍惜所擁有的~o~
別以為全世界女人都是笨的,有的唔說穿都係為保男人既面子,自負的男人清醒點吧- -+
仲有一個問題就係..........女人天生都是暴力的嗎???
有D朋友同我講,有女生會對男生使暴力...程度仲唔係一般的強=.="
暴力嗎.......我想其實每個人都有,只係程度上同表現上既分別吧.....
有的真是所謂的生性兇殘-.-出手又出口......仲係好兇狠果隻.....大概是某幾個星座人吧,哈哈
有的是打情罵俏耍的小暴力,有的是緊張對方而用的超輕微暴力,程度=抓緊佢既手腕那麼少-o-
而我究竟有冇暴力- -? 自己唔中意人打架,所以都一定唔會出手打架,又唔中意一輪咀爆粗....
暴力哩種野響天秤座既角度黎睇係有失儀態既事,所以一定唔會使暴力
我諗我會使暴力係響有人無啦啦摸我既情況下吧-.-朋友間會輕拍以作警戒,嘿
好怕有人無啦啦摸我,雞皮直起= =超驚......你話男朋友就唔同姐.....
所以嘛,人就算唔使暴力去攻擊人,點都會有點暴力黎保護自己既

返學倒數---仲有十一日>﹏<

>>September 3, 2004 at 1:38:51 AM GMT+8

2004 年 9 月 1 日 星期三 【清涼】

嘻~今日又有街街去~仲去食左久違了既味千~
薯餅依然係咁好食~呵呵~好幸福阿> ~ <耶~
去cyber打左陣機,打左隻以前響DC成日打既格鬥game
闊別哩隻game咁耐,真係咩掣都唔記得lu~不過都贏喎- -v嘿嘿
我靠既係9成運氣1成功力,哈哈~其實有少少讓賽咁啦~
去搵式神之城II Ps2版,點知賣晒喎,算啦~又慳返一筆喇
之後又去左網吧~呵~都話我一向打寶運不錯說~想要咩就打到咩喇~
玩到好累阿.......而家打緊哩篇日記都keep住眼訓ing ~o~" bubu
近期我好似有厭食症咁-.- 成日唔想食野,生理上好想食,但係心理上又唔想食
可能因為天氣太熱冇咩胃口啦,我年年夏天總會係咁,不過我而家都迫自己食D野落肚
阿媽前幾日話我瘦左呀~_~面面仲lip左少少咁喎......我唔想仲瘦阿.....
好啦,仲有個幾星期就返學,希望可以正常返少少咁啦~
其實我想keep住日日朝早去跑步,之後食早餐,咁會健康D,又可以收下腳腳
好啦,聽日開始去跑下先~~唔知會唔會見到靚仔哥哥呢~嘿~
近期夜晚都成日訓唔著,個腦好似好多野煩咁.........
自從我感覺到哩個世界真係有某人管理之後,我開始會響臨訓既時候祈禱
但係我依然係唔會信任何宗教,我只相信有佢既存在
每晚就響心,好坦白咁諗我究竟煩D咩,有D咩仲係解唔開
希望佢可以賜予我力量去解決哩一D問題,去忘記煩惱,令我可以好好的睡一覺
唔知佢係咪真係聆聽到我既祈禱,我真係可以一覺訓到天光,唔會無啦啦驚醒
好神奇........點都好,我而家亦會抱住期待既心情去迎接每一天
當有不如意既事,我會當作鍛鍊,會令我成長,思想更成熟,而開心的一日,我會當作是他的恩賜
一切冥冥之中已有安排,管理者知道誰最適合你，但最後的選擇權在你手上
就算遇到了命中注定的人,自己不去珍惜,那就沒辦法了阿~
響某討論區見到篇文章很不錯.....很多地方都好值得深思.....
愛到死去活來,並不代表一定幸福,哩篇文仲講及好多野,很不錯的說= ~ ="

　　　　　　　　　《第三者》--- 梁靜茹

　　　　　　你的話我曉得　無論你說得多麼溫和
　　　　某一些難解的隔閡　把愛傷害了　那多不值得
　　　　　　沒什麼好怪的　我已經乏力繼續拉扯
　　　　沒有誰非愛誰不可　就算變心了　也非罪不可赦
　　　　　她只是最最無辜的第三者　就算她消失此刻
　　　　　告訴我能得回什麼呢　責怪她又憑什麼呢
　　　　　　　　她只是無意闖入的第三者
　　　　　　我們之間的困難　在她出現之前就有了
　　　　　　　　雖然我憤怒　但是我明白的
　　　　　　　把過錯讓她去揹著　那是不對的
　　　　　　Hey女孩你聽著　所有愛情都有競爭者
　　　　　我不妒忌你們快樂　雖然我人生因此有曲折
　　　　　　他還是不錯的　我們的選擇不是巧合
　　　　妳用青春大膽假設　我去將失去活成一種獲得

終於睇左杰倫哥哥拍既護膚品廣告阿v.v
一套白色西裝......可愛之中顯出型格>3<啵一各~
今晚成班又上黎打牌~o~見到阿衡,又令我想起杰倫哥哥阿~
因為佢個髮型幾似,仲要染果隻色阿~~~
飲百事,睇杰倫哥哥演唱會.......點解我而家先知-___-好想去睇阿.....bubu....

>>September 1, 2004 at 10:48:40 PM GMT+8

2004 年 8 月 31 日 星期二 【酷熱】

一朝早就起左身出街街~o~ 呵呵......不過都係有D眼訓.....
尋晚訓得唔多好,成日發夢........發D預知既夢.........
又有D好溫馨既夢,但始終都係見唔到我杯茶個真面目
哩期真係唔到我唔信自己占既野-,=" 唉....準得可怕.......
自己開始中意囉人地D關係黎占,不過又唔好意思同人地講結果同建議
畢竟我冇問人就占人D野丫嘛~不過算啦~哈哈~
有心要問既實會搵我既...........死-.-我仲未話返個結果比豬比知.....||||
點解成日約親我D人都中意遲半個鐘以上--.--
因為咁,我次次話一定會遲,但我都係最準時到,其實係我唔習慣遲到........
響地鐵站等左好耐,某人啦....個電話成日冇電,幾驚佢唔記得今日出黎呀
等呀等,居然又撞到中學同學丁先生~哈哈~奇遇~上次就比你響地鐵見到我
佢好似係大隻左-.-||| 寒暄幾句我又繼續等,等到花姐,D人啦....仲係未到
終於最後今日諗住行街街既旅程就改左做唱k喇-口-
好癲呀........由下午12點唱到夜晚7點半.......勁過開con.........埋單都只不過每人六十蚊多D
真係咩歌都唱,廣東國語日文流行曲,連經典歌都唱埋.....超搞笑
我就差不多將我艾人杰倫哥哥既歌唱晒-o-~yeah~仲有日文歌丫~平時好少唱架~
今日真係唱到夠晒皮.........唱到虛脫..........最後仲黎支帝女花。o。||| 我唱的不錯吧,嘿
開左聲又有食野既我唱歌不弱架- -v 我自問未差到難以入耳~
今日我又問番人同一條問題......"我哩個新look夠樣衰嘛~?"
得黎既答案又係仲Ok過以前...........好啦=3=就咁啦~哈哈~
又要去食飯又點點點,結果又夜夜先返家.........
如果我十二點幾仲未返屋企-o-阿媽而家開始會打比我啦~哈
(媽心聲：衰女,成日咁夜先識返屋企,而家又冇人陪你,小心D自己先得架~)←當然係我虛構-,=
因為阿媽唔會同我咁講-.-只會心諗...但知我拍緊拖既話佢就放心好多,因為有男仔照顧我嘛
好啦.......遲下可能有卦.........哈...........不過可能係好遙遠既事lu~睇下我幾時有人認領啦~
哩D野,我唔會一見鍾情而開始,又唔會急住要,寧缺莫濫,一切順其自然先係王道~
而且我係日久生情果一系列,又要大家夾得黎,哈哈~想快都幾難~
哇........而家咁既生活先岩我~正~唔洗報到,唔洗受氣,唔洗理人D煩事,陰晴不定太討厭
始終我都係覺得家庭背景同教育差不多先可以夾得黎......
畢竟家庭關係複雜的會令性格,甚至對事態度都唔同,原以為可以改變,結果落得一敗塗地既係我
　　　　　→過去怎麼交代你該給的信賴　被你親手緩緩推入懸崖←
　　　　　　一直打從心底去愛,願意等待安排,想著幸福的未來,只是.......
　　→而我對你的期待　被你一次次摔壞　已經碎成太多塊　要怎麼拼湊跟重來←
　　　你喜新轉轉口味,我也沒辦法,但請別在我的人格上塗鴉,而往自己的臉上貼金
　　　　　　　　　　我對分開一事沒有怨恨,只是對你失望

　　　　　　　　愛像一陣風~吹完它就走~這樣的節奏~誰都無可奈何~

　　　　　　　　　　　我不想回想　也不想再繼續的講
　　　　　　　　　　　　　　越想越覺得有點勉強
　　　　　　　　　　　　　　你的心底可否有我
　　　　　　　　　　　　　許過的願　又證明什麼
　　　　　　　　　　　　　就算我哭也不會被憐惜
　　　　　　　　　　　　　　　我的痛你不會懂

唱K唱的太狠,虛脫了~是時候好好睡一下~3~

>>September 1, 2004 at 12:15:11 AM GMT+8

2004 年 8 月 30 日 星期一 【陰】

尋日個日記伺服神左,入極都入唔到,幾驚我咁耐以黎既回憶冇晒呀
好在今朝起身,D日記仲響度......嚇死我..........
今日佢icq add我喎,哈~我終於清楚明白晒啦~原來係我高估左佢
我睇得佢太好喇-.-"以為佢真係咁偉大......哈哈~係我傻咋~
不過佢硬係中意美化自己=.=話係佢自己講左好多次分手,係我留佢喎....
其實次次係我講分手,佢講好之嘛-.-之後佢自己講過除非我講分手先會分既
仲話佢一年前返緊工果陣已經同過我講分手=.=係冇囉....又將自己美化喇........||||
點解佢硬係唔敢承認自己既過去....要將我當作醜人角色- -??
講到佢自己好早已經唔中意我,係我硬留佢-,="" 我有少少討厭佢哩個愛面子既性格
成日中意將錯誤正當化.....明明係咁就係咁嘛=.=做咩要改版本改到咁.......||||
唔知點解D男仔硬係會將分手理由講到好美麗...中意塑造自己成為好人
而且我知道其實佢今日同我講既野其實有D係假......我知道的....
點都好啦~佢而家已經變成左我哥,有咩煩惱都多個人講下喇~
我對佢已經冇所謂既怨恨,只有一點點無奈........哈哈........
同佢散左,我多左自由,多左時間,多左朋友,多左經歷~得多於失=﹏=
當佢聽到我冇左佢反而多左時間,有點失望吧.....嘿....唔好睇到自己咁重要-3-~
可以令我傷心欲絕到日日足不出戶.........沒有你既生活可是更精彩哦.......
而且你咁...早就令我絕望,所以現在又何來傷心??
一直不分開只為了有人陪,原本我覺得係自己負你
不過而家係佢負我..........唔係我負佢...............嘻~
我終於知道分開之後我點解會感覺到傷心
係因為好既回憶,而唔係因為佢~

yeah>口<個人鬆晒~~~~~~~~~~~我可以放心去搵我杯茶喇~~~~~~~~~~
我知道下杯茶一定係更香更好~~更適合我~~
如果用茶比喻愛情.......
初戀是蘭貴人,入口甜而不膩,回味無窮,時隔數載感覺總是揮之不去
有些戀情會是冰烏龍茶,入口清涼,替你消暑,夏天習慣性每天都喝
一日不喝會覺得若有所失,但隔一段日子又會覺得可有可無,間中你會想起它給予你舒服的感覺
有些會是苦丁茶,喝起來很苦,但當你等一下,就會感到甘香可口,苦盡甘來就是這樣的感覺
有些會是普理茶,看起來不怎樣,當時間越久它就越香,味道甘純,令人願意一飲再飲
有些是壽眉茶,初初會覺得不錯的說,但時間久了你就會發覺苦的難以入口,但令你明白苦的感覺
有些是水仙,入口不錯說,時候久了還有一點點苦,但沖浸數次就已經淡而無味....
其實每一次戀愛,都有佢專有的感覺,要嚐過,你才可知道它究竟是苦,還是令人回味
如果幸運的話,說不定嚐一次已經足夠.......一杯足以令你難忘而值得珍惜的茶......
有些人喜新厭舊,愛嚐試不同口味的茶,即使他已找到最好的,還想去試試別的
有些的確比從前認為好的更可以令人難忘,成為了生命中的一部份
但有些往往是第一印象不錯說,日子久了又覺它平凡無味,無奈下還是要轉往別的去
很多人最後卻發覺,從前放棄的才是最值得擁有,會開始回想它的好
但當回頭想買的時候,那款茶已經不再上市了~不過他們總會找到所謂的替代品吧

　　　　　《太委屈》--- 周杰倫

　　當她橫刀奪愛的時候　 你忘了所有的誓言
她揚起愛情勝利的旗幟　你要我選擇繼續愛你的方式
　　←你曾經說要保護我　只給我溫柔沒挫折→
　可是現在你總是對我迴避　 不再為我有心事而著急

　　人說戀愛就像放風箏　 如果太計較就有悔恨
只是你們都忘了告訴我　 放縱的愛也會讓天空劃滿傷痕

　　　　太委屈 連分手也是讓我最後得到消息
　　　→不哭泣 因為我對情對愛全都不曾虧欠你←
　　　　太委屈 還愛著你 你卻把別人擁在懷裡
　　　　　不能再這樣下去　穿過愛的暴風雨
→寧願清醒忍痛地放棄你　 也不在愛的夢中委屈自己 ←

舍弟為我分手而鼓掌,我媽為我感到高興,朋友為我慶祝= ~ ="
而我則感到終於擺脫綑綁,到另一處尋找更美的天空,無怨無悔
夜晚返完日文又去左飲野傾計-,=比仔"目及".....怪怪的感覺....
Tracy話我剪左頭髮反而仲ok-口-...........都好既.........哈哈.............
本黎想樣衰D-,-不過事情就係咁架喇,往往係出人意表.........
順其自然地找尋我杯茶吧-3- 嘿~~我都覺得岩feel先得
雖然我中意比人拖比人攬既感覺,但係我唔會因為咁而同人開始- -+

>>August 31, 2004 at 12:56:13 AM GMT+8

2004 年 8 月 29 日 星期日 【乍寒還暖】

人地話失戀既人點都會去改變下自己,所以響空窗生涯第十一日,終於去左髮型屋剪頭髮
其實我期間係重新柒過髮....由微金既啡轉左啡紅色.......
今次又係去番同一間剪....因為上次有靚仔哥哥幫我洗頭.....好記得佢....
舍弟上次去剪仲見佢響樹,所以我帶著期待既心情去.....
不過世事就係咁架喇,你越去期待,你就會越失望.....嗚......>__<"
但天無絕人之路,都有個超溫柔既哥哥幫我洗頭-o-呵呵~
個髮型師問我想點剪,我幾乎想講有咁差幫我剪到咁差....
學左阿妹D衰野,成日想搞到自己樣樣衰衰
不過我當然冇咁啦,我剪左前陰,因為我認為可以將我既感覺變得更差~哈哈
剪完,阿媽居然話幾好...........噢賣葛！！響我角度已經好樣衰喇播.........||||
原來我係接受唔到自己太唔得咁出街..........-____-
雖然自己豬扒,都唔想太豬扒出街.......唉.......算啦,天秤座既我都係改唔到架喇........
今日我又做左件好失禮既事........響食野既地方.......幾多人下.....
我終於同阿媽提起我同佢散左既事,我D眼淚又無啦啦出左黎.....失禮晒= =嚇親人添....
阿媽話早預左-.-安慰我話總有過渡期唔洗介意.....傷心總有........
仲話我睇掌紋一早就知自己唔係拍一兩次拖架啦咁........咁我都知-.-||||
我成日覺得我同阿媽D關係幾微妙.....佢係其中一個我係會表現最真一面黎溝通既人
我發覺我只係會對認定既人講心底話......我唔會搵求其一個比我訴苦-,=
咁唔係代表我對其他人係假,只係有D野我係唔會多講,好多野都經過思考再講姐
無聊既我,又冇拖拍又冇乜街去,於是就同左阿媽去陳婉孄果個活動
認識左阿sue佢地,仲有"萬聯",對佢真係最有印象,性格可愛既陽光男孩-.-都唔男孩lu成25歲.....|||
不過都好男孩feel,背包左青龍右白虎,下有神貓.....其實係跳跳虎...Sony貓....哈哈~!
性格平易近人,比我既感覺很不錯,有禮貌風度,聲線還不錯
雖然是哥哥,可惜不是會是我那杯茶-o-哈~ (←人地有話要做你杯茶咩-o-??)
估唔到記者都有靚仔哥哥@o@"外型仲要係我杯茶果類型......哇阿..........
無錯無錯,男仔真係要著返D岩自己style既衫先岩........我發覺中意睇男仔著衫style-,=
至憎係為名牌而著,而唔係為著而要名牌......--.--" 亂放一堆名牌響身我只會覺得佢俗不可耐...
活動完結,阿彪同我講左句,"阿楓,辛苦晒你~",我係幾奇怪佢會記得我個名
估唔到一個咁出名既鄧家彪哥哥會記得我個名-,="不過聽落個感覺又幾好喎

茶.....首要條件就係感覺對.....
之後就要用時間去慢慢了解佢既好
所以我都唔急去搵我杯茶........嘿 = ~ =

>>August 30, 2004 at 2:14:53 PM GMT+8

2004 年 8 月 28 日 星期六 【綿綿細雨】

........我開始不討厭雨天,因為雨天過後總會是晴天


《快樂不是用追求得來的，而是發現得來的，凡事總有好的一面
　只在於我們願不願意去發現而已；快樂的人懂得惜福
　他們從不埋怨自己缺少什麼，而會去珍惜自己擁有什麼。》

今日睇左響討論區睇左好多小品文章,感受更深,亦體會多左
開始覺得其實我前幾日既想法都可能係未睇得開先會咁諗
佢選擇離開我,其實所受既傷害可能比我更深
就因為愛,佢選擇左哩個方法令我過得更幸福
所以我現在捨棄了悲傷,要過的幸福,把他的份也活過來
唔知佢而家點呢...........??

　　　　　煩惱不煩惱，只在一念之間
痛苦的時候，你明白快樂；失去的時候，你明白珍惜
風吹的時候，你明白溫暖；煩惱的時候，你明白幸福

睇左篇討論係非常有同感-..- 問題係：女仔喊果陣想身邊既男朋友點做
輕輕咁攬一攬自己,同自己講""你有咩事我都會係你身邊..你咁樣我會好心痛...""
唔洗講好多野....只係咁已經好warm.....有時女仔喊唔一定關男朋友事
有時可能因為平日好多野困住好辛苦,一對著自己中意既人就放鬆,淚就不其然流下來罷了
有人話,眼淚係神賜比女人獨有既野黎,神創造女人時,讓她很特別
使她的肩膀能挑起整個世界的重擔;並且又柔情似水.
讓她的內心很堅強,賦予她耐心使她在別人放棄的時候繼續堅持
賦予她包容她丈夫過錯的堅強和用他的勒骨塑成她來保護他的心
賦予她智慧讓她知道一個好丈夫是絕不會傷害他的妻子
最後,讓她可以流淚.只要她願意.這是她所獨有的
女人的漂亮必須從她的眼睛中去看,因為那是她心靈的窗戶和愛居住的地方

.........咁當然,女人用佢既特權去威脅人哩一點我就唔讚同
但係我就覺得男人點都要學識包容,了解眼淚既來源
唔好一味只覺得眼淚是討厭的,要想一想,你是她認同的人
所以才會在你面前表現出這柔弱無助的一面.........
..........如果有這麼一個人在你身邊,請別討厭她
當然啦,我說的不是天天哭的溫室小花哦,我想大家也有這個智慧去分析吧= ~ =嘿

原來我既空窗生涯都已經踏入第十天囉~呵呵~
十日內我真係成長左唔少-﹏- 希望佢都一樣啦
咁多日以黎我真係覺得係有某樣野去管理住我既命運
我唔知佢係基督教所講既神,定還是可蘭經所形容的真主
但係哩一切都冇咩所謂,我唔會因為咁而信某一個信仰,我只係相信的確有某人既存在
佢給予我不同的鍛鍊,令我體會更多而成長.......

聽日就係農曆七月十四=.=" 都係安守家中好d..........哈.............
不過我應該會去剪一剪頭髮,改一改個look,重新出發,尋覓將要照顧我既男朋友哥哥~~嘿
阿妹Tracy近期傻左=.=.....開心得滯~不過都應該既~因為佢既黑暗期已經過去了吧~~
我亦都係時候收拾下心情,重新感覺下身邊既人同事......

>>August 28, 2004 at 9:50:58 PM GMT+8

2004 年 8 月 27 日 星期五 【乍寒還暖】

我開始發覺自己中意去睇討論區-.-係哩個日記網既討論區
好多人都有發生過同自己一模一樣既事,好搞笑~o~
估唔到....連我自己都覺得咁兒嬉既分開都有好多人都試過......
當然,我的更奇怪.....分開前兩日仲接到佢電話-.-
話睇左我日記知道我好掛住佢所以打比我
之後轉個頭就散左,佢冇任何原因比我,只係話覺得拖累我,覺得"應該"分開
我知佢既原意係為我好....不過寧願一時間就決定放棄2年感情而唔去解決困難..
我會覺得佢係逃避問題,唔肯面對囉........我一直好想從佢口中得知原因....
但佢只會答我唔知點講.............我諗..........我永遠都唔會知道真正原因..........
不過我而家已經唔執著於哩個問題,只係想快D同佢回復朋友關係only-.="
睇左個討論區,原來自己對感情事既處理手法係屬於成熟果一類.......
丁......突然覺得自己老左........
仲有D問題都幾好=.= 究竟D男仔中意自己女朋友送咩比自己呢...
真係架....原來D男仔都中意D手作產品,頸巾呀之類既野.....仲中意女朋友煮野食.....
講起煮野食....我係佢拍咁多次拖以黎算係唯一會煮野食既人-.-
我同佢拍拖最有成就感既事就係教曉一直未入過廚房既佢煮野食.....哈.....
曉入廚房之後佢都好中意煮野我食........-﹏-
唔出街就買野煮晚餐2個人食....我覺得咁係幾幸福既事黎....||||
我既計劃好成功~~~哈哈~~咁我都知佢想我煮比佢食既,我有時都會架....
都好啦~以後佢又多項技能媾女囉-o-入得廚房出得廳堂既男人而家算係好少有架.....
我都努力搵番個可以好好調教既男朋友先..............講下咋=.= 順其自然先係最緊要~~
入得廚房出得廳堂既男人........講落舍弟都算係-.-" 唔怪之媾到下女啦......
男仔識入廚就係吃香D,女仔識入廚好似冇咩特別咁.....
- .-"哼.....唔公平既~話晒我識煮野,識織下野架~男仔有幾多個識丫~哼~(←又耍白痴ing.....--.--"")
諗下又諗,我究竟有D咩長處呢,缺點我就可以隨口數一堆=.=
懶啦,怕寂寞,成日耍白痴,癲癲地,中意睇靚仔,好多變態癖好....
個腦好似少條筋......好多野都可以好快睇得開.....但係又成日想太多自尋煩惱....下略N個.....||||
基本上我係一個幾矛盾既人,愛情至上,成日有異性冇人性,但有時又因為陪朋友令男朋友有怨言
仲記得成日同D朋友飲酒傾計到兩三點,佢打比我聽到我把聲好似醉醉地咁,就即黎接我- -||||
而家冇人照顧.....所以我都飲少左-,=以前12點幾酒精唔覺唔覺又幾支,而家唔會架喇~乖嘛??哈~
我發覺我真係唔知自己有D咩長處..........有既.......對自己既男朋友會超專一的說-,=真的不是蓋的
同阿Jay一樣=3= 認定一個就唔會想第二個~會專心一意對佢~
哈哈~而且我都冇一腳踏兩船哩個本事同魅力~
............仲有識少少日文咁囉.........冇喇~哈哈哈哈(←大受打擊中~_~|||| 畫圈圈ing......)

我終於知道我點解成日有一排會黑仔喇.........
原來就係因為玩塔羅知得太多,泄漏太多天機遭天遣........
.........係既........我唔應該知太多既..........明既........
好啦,我去買下旗做下善事補番啦.....=3=

>>August 27, 2004 at 8:57:00 PM GMT+8

2004 年 8 月 26 日 星期四 【雷雨】

睇左Tracy個日記- -|||| 哩期佢真係幾黑.........
我之前就可能係比佢D黑氣傳染到所以搞到咁-口-"
講笑講笑~我覺得好多野都整定既~何況我而家都幾好丫-﹏-
尋日搵左健傾計-..-我好似佢生日send過msg比佢之後都一直冇搵佢...
所以我問左句仲記唔記得我....哈哈...........以笑遮醜中-.-"
佢話sure果陣我係幾開心架........但又突然覺得自己好惡劣......成日咁樣對D朋友.....
我去牆角晝圈圈反省下先..........-___- 我唔可以原諒自己咁..........||||
之後又同左Jolly姐傾左一陣..........佢都覺得分開既原意都係為我好.....
不過始終覺得佢寧願放棄2年感情都唔去努力下就真係有D失望
同埋-.-唔知點解個個男仔同個女仔分開都會講"我知你係個好女仔"哩一句說話
仲有中意咩野都攬晒上身,做唔到果陣又會埋怨自己無用喎.........
講落又好似係喎--.--"不過點都好.......我真係幾想了解佢既近況......
...............只係我一直冇打電話哩個勇氣.......唉...........雖然我同佢都話做返朋友.....
但係我又好似冇咩理由打比佢問佢點咁樣.......又唔知佢點諗我.........好矛盾.........
我都想好似以前朋友時期咁同佢傾計..................
有人話做過戀人好難做返朋友,但我又知道我同佢都唔係=.=
呀~~~~~~~~~~~~~唔諗喇,越諗只會令自己越煩惱........
尋日睇下D討論區,發覺原來我中意比人攬哩個pig好都唔係好奇怪........
好多人都中意咁.........好在姐...........我程度仲冇佢地咁變態-,="
佢地要藉著大公仔之類滿足哩個需要,而我只係中意哩個感覺,並未致於哩個地步...嚇死偶....
果然一山還有一山高-.-我原來並不是最變態的.......|||||
不過我同杰倫哥哥一樣既癖好似乎未有人係..........哈哈.................
但係就算係咁.......都只是貪玩罷了.......冇計啦,人馬+水瓶+天秤........哈....
都是愛玩的.....就原諒我咁有缺憾既性格啦...........呵.........= ~ ="
玩左個心理測驗,測自己係唔係容易忘情之人
結果我會是.....《隨著時間流逝，舊情自會慢慢忘懷》
→你的記憶不錯。然而，舊情卻未能再次構成震撼，擾亂你的生活節奏。
　你是屬於較理性，雖然記憶仍留心底，但已不能像烈酒般鼓動你的情緒。
　而且，你懂得整頓生活節奏，把新的生活元素注入，把舊的慢慢洗掉。
又幾鬼準喎.....好衰架~講中我D野既>o<(←又發癲......||||)
諗諗下,我發覺我係唔識點同木訥既人相處....真係架......
我會覺得我好似自己響樹講野囉......佢又冇咩反應喎......搞到我好白痴咁.....
不過好在我身邊既朋友都冇人係咁.........我實在太幸運了.........
個個都知道我係點既人,仲會陪我一齊癲......哈.........
仲有啦,我好似已經唔記得自己個名咁囉,人地叫我全名我會唔應人,叫返我做楓我先識回應
除左我雙親同親戚之外,有人無啦啦叫我名我又會打冷鎮......
尋日聽返D遺忘已久既名字........中學時代的匿稱..........哈.............
仲記得其中一個係我初戀對象改的-.=" 以前粉喜歡的說....因為係佢改嘛
回想返真係覺得自己果陣幾純情......見到佢就開心.......中意佢一切既野...
又唔係喎~同而家咪一樣.....係自己中意既人就中意佢所有既野架啦-.-
見到佢就開心咩煩惱都跑掉,望住佢仲會有一點點唔好意思....
好似我之前就算望住拍左咁耐既男朋友仔都會有D唔好意思.....所以唔可以話係純情~口~"
係啦,個測驗真係幾準=.=我有時係會無啦啦諗返起以前D傻野...但不會成為震撼....
新新今日去左旅行啦>o<又去東京.......羨慕ing.......
不過好似個個都叫佢買這買那.....佢係超憎D人咁..........我知架- -"
好似旅行係為左幫人買野咁........哈..........|||| 所以我一向都唔會叫人買野-,-"
夜晚返日文,班長哥哥依然係大好人......嘻..........
放左學又同Tracy去吉之島搵野食-o-之後去買支酒出去平台飲下,又傾下計....
我發覺我係好中意同人飲野傾計....哈........原來上次Tracy幫我卜既仲有下文........
我一直對佢既態度會係比較唔同,即係始終有D避忌,唔會有果句講果句
同佢講每一句說話我都會經過思考,諗過適唔適合先講........哈..........又好似係喎........
放心啦,我會改下架喇..........不過我唔會太執著,係一齊既就會一齊架啦=3=對不對??

>>August 26, 2004 at 11:59:19 PM GMT+8

2004 年 8 月 25 日 星期三 【清涼】

尋晚眼光光左2個鐘,頂唔順開左RO睇睇
估唔到咁到比我撞到成日掛機既拓拓-口-
不過都好,得佢提議我聽下慢歌試下訓我先訓到
好耐都未試過朝早8點起身lu~o~"
今日一早起身就陪左新新去觀塘ive註冊,萬事順利-.-"我既倒運似乎完了....
不過今日我又將我既路痴本領再度發揮得淋漓盡致=.=
搞到要轉車先去到旺角..........唉.............又灰灰地.........睇黎我會係永遠既路痴.......
唔知點解=.=我玩野外定向既方向感蠻可以........只是一到平時就........-___-殘念.....
寄望我下個男朋友哥哥可以take care到我係路痴哩點啦.......-.-
冇錯,係男朋友哥哥,因為我唔會中意D比我細既......就算大我一日都係哥哥........|||
響尋找哥哥照顧我哩段時間我會繼續撞下板--.--希望會令我哩項技能稍稍減弱啦....
去到旺角匯合豬比唱k,今日唱k唔知點解好有feel,有幾首歌都令我眼有淚光........|||
不過咁又冇滴出一滴不必要既淚,我而家有D改進左架喇.\_/. 我唔會咁易喊架！
因為喊會令人地明明冇野都跟埋自己唔開心,所以我唔會再係咁架喇= ~ =嘿嘿,我努力改緊架~

→如果哀傷都也可伴隨眼淚點點滴去　我抱著頭肆意失聲痛哭　難道有罪←
真的想哭 真的想哭 分手怎會一臉笑容 淚水忍得到 即使進步 也似石頭粗糙
真不想哭 真不想哭 他怎可以和別人抱 心知肚明他想我好 堅忍卓絕可鍛鍊到
　　　　　　　　　　　如日後被別個拋棄亦不痛

　　　　　　　　　　　　　　　　　　　　　　　　--- 【他不准我哭】Stephy

淚水,曾經的確是唯一途徑淨化我心靈上的傷痛
不過現在大概已沒這個必要~因為已經夠了........
而且我的淚根本沒價值.....從來沒有.......
此時此刻,又有誰會為我而覺得難過?
經歷過結束,果然又令我成熟起來=﹏=
只是我一直太著眼結果,其實享受過程也不錯喔~
唱完K,4個女人又聚埋一齊傾計,真係乜都講得一餐......
豬比中意D眼大大+甜美聲線,新新中意捲捲髮既可愛美青年- -+
我嘛.....太靚仔又唔洗~不過點都要有可愛氣息,靚既聲線真的蠻吸引我-,=
你話喇,每朝早有把巧溫柔既聲音呼喚你,你話係咪一件超幸福既事呢....哈哈....我又癲喇....
中意D唔太高既-o-17x就差不多喇,哩個高度攬我fit晒=.="太高會超怪...我又矮哩....
我發覺我有種中意比人攬既pig好,咁當然係自己既男朋友啦,我寧死都唔會比第二個人攬既>o<
果種感覺真係又舒服又warm又feel到存在感........不過我又會有種超想訓既感覺-.-"哈.....
豬比又講到我腰蠻瘦的說....這個問題嘛....亦都係關係於我上述既奇怪pig好...
既然我中意比人攬,人地都想有個好既感覺吧.....一攬就覺得你肥就唔好啦~o~"so我會keep架
唔知點解D人一攬就知你肥左定瘦左....比佢一攬仲勁過用把尺度.............- -傻傻地
所以哩個位置真係幾重要-.-冇人一攬就攬到你上圍吧....哈哈....我又發表D奇怪理論啦....停停先
越講就發現自己越多變態pig好=.=中意睇人地星座,發掘人地D隱藏性格-.-中意用塔羅解決問題
而且仲有一種同杰倫哥哥相同既變態pig好........-______-""
好眼訓.......開始唔知自己up乜.......
都係訓下先,聽日再繼續=口=" 是繼續癲....繼續傻...........哈......

>>August 25, 2004 at 9:44:14 PM GMT+8

2004 年 8 月 24 日 星期二 【陰】

各參觀我日記既朋友請容許我狂笑一下..........
哈哈~~~~~~~~~~哈哈哈哈~~~~~~~~~~~~
好停-o-....唔得喇,太開心喇........唔知點解心情突然超開心....
可能因為更了解自己既心結,太多人同事令我覺得爆開心
今朝一起身,花姐就問我要唔要JS既歌,超好聽哦......
很是感動..........聽起來感覺很舒服很不錯~
之後搵左新新,因為我尋晚冇覆佢阿~_~太晚了,唔敢打比佢
點都好啦,當我打左比佢,我就問佢返學果度點啦....我真係有D擔心嘛~o~
佢答我~~~ive收左佢呀~~~~~~哈哈~~~~~~~仲係電影HD呀~~~~~
哈哈~~~~~~超開心~~~~~~我好似比佢仲開心咁~~~~~哈哈~~
yeah>o<又多人陪我食lunch~~多個人響觀塘ive啦~~~
抱歉抱歉......我真係太開心了........失禮了-3-
我尋日新新同我講ive冇收佢果陣,仲擔心緊佢會唔會去日本留學架-口-
咁我咪少左個好朋友.........擔心好多野......車-o-我就係愛擔心~而家一天都光晒lu~
哩件真係我少有咁開心既事= ~ = 真係唔知點解.....呵呵........
如果傻雞同我講佢而家搵到份好工我都可能咁開心......
我發覺對朋友既事都幾著緊......唔知點解......可能因為我係天秤座....月亮星座又係水瓶....||||
點都好,只要我身邊既人開心就連我都會感染到好開心-﹏-我係一個蠻容易開心的人
近期D日記都幾長......被甩之後感受更多吧......以前都以佢為先....
好,今日都唔會例外...日記依然會咁長.....因為我要繼續寫尋晚既野......呵呵.....--.--||||
嗯....係啦...........我居然變成左新一代神婆=.=哩個仲要係從神婆口中出現的新名號
因為嘛.....我對星座研究真的不是"瞎"的-,= (注："瞎"一詞,杰倫哥哥專用語,形容事情很爛)
我從星座睇一個人既性格蠻準的說,當然因為我仲有玩塔羅占星之類既野啦...
只要給我生晨,包準得你拍拍叫~o~" 塔羅亦在修行中,我係咪太無聊呢-,-"
不過我對哩類野真係幾有興趣.......可能因為塔羅,會令我英文有突破吧........|||
那個嘛........我對英文真係有D抗拒感,覺得學日文反而仲輕鬆=.=
如果有個男仔無啦啦響打風既日子叫你去睇浪....你會有咩感覺呀....??
sorry.....我一聽到哩件事響神婆口中講出黎,我係即時爆笑...
心諗"佢有病架??"......一來因為哩個男既係阿邊個啦~o~....
二來如果有人咁同我講,我完全會覺得佢係想追我囉.........笑死我..........
哩D傻野只會情侶去做吧.....雖然我唔排除會同朋友去癲,but一男一女既普通朋友唔會啦嘛
尋晚真係有令我有想去個有海有星既地方呆下既念頭,不過遲下先啦-o-
我覺得哩D環境可以令我心靈平靜,諗清更多野........
我發覺好怕自己一個人既感覺,一個人響間屋我會有D唔知點既感覺
我唔會一個人行街,一個人睇戲,一個人食飯......我點都要有最少一個人陪我
唔一定係男友,可以係朋友,同學.........怕寂寞的秤子阿.......沒救了.......
我發覺我要既愛情關係會是sharing,唔要日日痴果種,因為我都怕
唔中意人報到,唔中意下下check對方....但係我唔介意對方無聊時比個電話我
訓覺果陣又打個電話比我........因為其實咁係幾甜既事,嘿-﹏-
我發覺我係幾注重質感哩回事,我要攬住我會比我feel到安全同存在感－Ｑ－"哈哈
係啦.......神婆話我呀..............我係潛藏著無意間就能吸引人既魅力
好似阿Jay咁,佢唔係靚仔.......不過又能夠吸引人去中意佢.......之類啦-.-"
我真係唔知囉=.=我覺得我粉瞎就是了.........

>>August 24, 2004 at 4:19:58 PM GMT+8